2003 年 7 月 1 日 星期二 【晴】

今天早上起身，唔多願起咁。但係坐坐下又精神番lu。成腳都係瘀痕，好似俾人毒打完咁呀。要隱藏得好ｄ呀，唔可以俾爸爸同媽咪（屋企的）見到呀。

突然諗起尋日早上，我走之前爸爸（屋企的）起身問我有幾多個人會去行山喎，唔......佢話如果一個人就唔俾去。原來爸爸有呢個咁既印象我會咁做呀。噢。

我食完野搞掂哂就急不及待去曬相喇。我要睇呀，忍唔住喇。但係要等舖頭開門呀。等......有相喇有相喇。個老闆俾左兩本相薄我添呀，呵呵，之前仲煩惱緊無相簿，太好喇。

ｄ相好好睇呀，白看不厭呀。爸爸的被踢連環圖真係好精彩呀，有動感喇，有趣呀。哈哈。

今日係同神傾偈日同祈禱日。或者係感恩日都得。一切都太好喇。嘻嘻。
爸爸就係social日，悶親爸爸呀；
Ceci就係陪人日，呵呵。
鬼哥哥病左呀......快ｄ好番，快ｄ好番。

>>July 3, 2003 at 1:25:21 AM GMT+8

2003 年 6 月 30 日 星期一 【晴】

今天可以同Ceci爸爸一起癲，好歡喜，呵呵！

早上係7:28去到西貢碼頭。點解早左咁多！？roar！一路上ｄ車實在太岩時間喇，原全唔駛等。又係傾傾傾傾傾，呵。唉。好彩係Ceci，傾傾睇睇就等到爸爸，呵。我地都激親佢啊，都係唔接電話人，呵。（呢個呵好明顯咁表示，我地係無改過既意圖）

我發現呢，有人響身邊我就會依賴架喇。

呵呵，神好保守啊。一切都好順利。天氣好美好，大家都好OK。有所得著咁呀。

其實自己初初都有ｄ不負責任咁，成日行得太快，無理前面的人。所以之後提醒自己，同埋同Hemmy阿豐佢地一起行個ｄ，照住人，咁就slow down自己。要學習啊。

仲有原來自己係忍唔到的人黎架，

突別記得：
加羊的50W美腿；潭中的一個股字；五個撲水的少年；神手所造的美麗的大自然；大家的笑臉；

今日留意到好多野呀。我睇到一ｄ野呀。睇到大家呀。好得意。
學習呀，嘻嘻。謝謝神。

行完仲好精神呀，可以再去盡ｄ添呀。

Ceci好照顧我呀，陪我買褲褲，又幫我拎袋袋，等我喎，太好喇，再次滾動。

呵呵，慘啦，Ceci同我都招人妒忌添，會唔會成為眾矢之的架？哈哈。爸爸啊。雖然有ｄｄ係Ceci同我害你既……

之後同爸爸同Ceci一起行，好歡喜，呵呵。好享受同你地一起的時間。過得好好好好好快呀。我認識爸爸多ｄ喇，我明白爸爸的一ｄ感受喇，爸爸~~我太唔了解你添。爸爸Ceci都好叻呀！我要認識你地多ｄｄｄｄｄ。

我要早番，所以令到Ceci爸爸唔可以一起食野同傾耐ｄ……一過佢地唔仲意既，呵呵，大把機會，係無？

番家個陣，原來話同Ceci一起覺覺架，但係都傾足全程，停唔到……呵呵，聽左好多好多呀，要時時為Ceci祈禱。

我要學唔好死撐，學學謙卑！
學去多ｄ尊重人，由人家出發（自己諗係好的，對人家黎講未必係）。

謝謝神，謝謝爸爸Ceci，好鍾意呢個combination，好滾動．好歡喜呀！
要珍惜你地，繼續一起多ｄ呀。

>>July 2, 2003 at 10:30:50 PM GMT+8

2003 年 6 月 28 日 星期六 【晴】

星期六早上起身個陣肉體上好累累，唔想起咁，所以就訓住咁諗諗野：父神同爸爸一路都加給我，好滾動！但係有ｄｄ難受。因為覺得對唔住佢地。

之後食完野，就開始好頭暈……救命！我想入camp。平時仲成日持住自己身體好……爸爸lin過來個陣就被識穿左喇。太聰明喇。爸爸叫我食藥同休休先，但係我曳曳，無聽爸爸話，落左街去拎相同入相俾ceci……之後出左一身汗，好熱咁……到爸爸再lin過來先食藥，遲左好多呀，爸爸唔開心。對唔住呀爸爸，我唔係突登唔聽話架。爸爸仲叫左ceci接我……佢地太……（唔識講）

之後見到ceci就無事喇。剩係累累咋。爸爸仲買左藥藥俾我同糖糖俾ceci添。爸爸好照顧我，ceci姐姐同加羊都係呀。滾動~~

今次的生活營同上年的好唔同。

上年係純粹參與者，同大家一起玩玩傾傾，好輕鬆、好開心的；

今次係參與多ｄ的，要準備的。我比之前更加感受到神的同在。神好保守呀。
之前plan好，以為準備得好夠，但係原來都唔係太充足，漏左ｄ野咁。仲有係唔夠祈禱的時間呀，仲有係想同大家傾多ｄ係心的東西，我覺得要改善下的。

仲有係原本想爸爸享受下唔駛做咁，但係都係要爸爸幫手添；但係爸爸都係leader人，要爸爸乜都唔駛做，佢都可以差咁ｄ野、唔自然咁；我應該尊重佢，俾爸爸決定做定唔做……對唔住爸爸。

其實入到去，我都唔多駛做野，分哂俾人做，呵呵。加羊佢好領袖，做得好周全，要謝謝佢。金牌PIG，個個都做得好好呀！辛苦你地喇。謝謝神。天氣好好，環境好好，個個都好好，再謝謝神。

仲有，鬼哥哥成為眾矢之的，佢句俊文真係好難頂呀。唔好再講喇。不過我覺得哥哥佢都無辦法喇，無奈咁。其實係有ｄ無聊的，但係大家都好樂在其中，呵呵，哥哥犧牲自己去俾個氣氛大家……

生活營完lu。但係我覺得仲未完咁。

上年的生活營，爸爸請我食雪糕，所以今年我想請番爸爸食。上年爸爸仲未係我的爸爸黎架。但係時間唔岩，無lu。

之後跟大家一起，睇爸爸ceci大戰，好得意呀，收英雄貼！爸爸番來喇！真係有ｄ料到呀。但係腰骨係咪好番呢？ceci好強呀！

一路行番去都同采采傾偈，之後又去買左雪糕食，呵呵。一路行一路傾，好似以前放學的感覺。佢教我要交托，提醒左我呀。都成年無同采采咁傾喇。但係都係唔夠時間……
婉婉，好想又同你一起呀。好想三個人一起去海邊退修傾偈分享。
好喇，聽日physics quiz，呀，要番屋企溫書喇。呵呵。拜拜采采。唔知幾時之後再可以咁傾lu。

番到家，發現腳指尾好鬼痛啊，RB！
好累累呀，要早ｄ訓。
爸爸呀，太好喇你。

爸爸同ceci仲一路傾緊701的東東，辛苦你地喇。

>>June 30, 2003 at 3:33:33 AM GMT+8

2003 年 6 月 26 日 星期四 【雨】

今日係pre-trip日，同爸爸同ceci一起去的。但係尋晚同爸爸食飯個陣飲左奶茶……訓唔到……自作孽呀~~有ｄ驚一陣會行唔郁呀。

早上同ceci一起撘車車，一路傾傾，好開心啊。我認識左ceci多好多呀。一路哈哈咁，但係……會唔會嘈親人呢？個個moment，Ceci做左姑媽，即係爸爸的家姐，嘻。
之後同爸爸一起吃早餐，呵呵，ceci同我飲茶走，爸爸就啡啡。快快吃完就去買東東食同撘車。個陣仲有驚驚落雨架，因為爸爸話舊雲跟住黎喎。但係神保守啊，呵呵，去到又幾好天喎，唔曬添呀。

我第一次上千絲瀑個處咋，謝謝爸爸呀。好靚呀。無左爸爸真係唔得架。佢一路睇地圖，一路帶住我地行，仲教我地東東添，呵呵，好爸爸呀。Ceci真係同我同一輩架喎。

上完個千絲瀑，再行上徑一會先開始落雨咋，謝謝神。不過淋濕哂呀~~

好鍾意同ceci一起玩水tum，踩水水（呢個moment爸爸應該係睇緊地圖做緊正經野...）；好鍾意一起行樓梯上去，行到死左既感覺，之後仲可以飲啖甘露（即係水水呀）；好鍾意踩落涼到陣既溪水入面，wow，cool la la！；好鍾意同爸爸同ceci一起狂奔；好鍾意行行下見到喇叭花；好鍾意神做的美麗大自然；好鍾意ｄ咕碌片段，好開心；好鍾意諗起就忍唔住笑既ceci樹熊樣，太有趣喇，咭咭咭；好鍾意爸爸飛撲落黎影既相（雖然仲未曬到）；好鍾意行完斜可以去茶餐廳食東東，滿足至死；
好鍾意所有野……

我要克服落斜。

走個陣同ceci撘車車，又傾偈，呵呵，好開心呀，哇咁快又一程車。佢又變左做家姐喇。咁樣似好多呀，因為我覺得佢大我少少咁，咁近好多呀，呵呵。

好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！好開心！…….好鍾意爸爸同ceci！！！好愛好愛你地呀！

>>June 30, 2003 at 9:05:52 AM GMT+8

2003 年 6 月 24 日 星期二 【陰】

今日呢，繼續庇護工場工作。

下午同婉婉tea一tea，之後睇書仔，行左一會，再吃印度野，呵呵。我覺得好有印尼風味的，我記得上次個飯辣到我剩係食左ｄ無汁既飯。未同過爸爸去呢度添。幾悠閒的呢。

之後番到家又繼續庇護……

噢，今日cut左爸爸好多次電話，爸爸唔好嬲呀……
被blacklisted……

>>June 26, 2003 at 6:13:55 AM GMT+8

2003 年 6 月 23 日 星期一 【陰】

爸爸條腰骨仲好痛呀。

今日爸爸同婉婉都好悶呀。
聽到爸爸的唉唉唉……係咪因為無媽媽陪住爸爸就係咁呢？

晚上做好ｄｄ野就上網找找婉婉，佢又OK喎，好似好開心咁添。

我諗諗下，自己都好少會悶喎。可能一路都有野做掛。但係一個人可以靜靜地，好舒服的。我鐘意獨處呢。

婉婉的媽媽無事喇原來，呵！！太好喇！謝謝神。

>>June 26, 2003 at 6:16:02 AM GMT+8

2003 年 6 月 19 日 星期四 【晴】

下午找完歌譜就meet爸爸，再去同大家打波仔。我原本諗住唔打架，但係忍唔到。失敗呢。見到大家一起就想落去，好難忍架喎。

之後就同7B食飯仔。啤啤佢放飛機呀。下次約老招。哼。嘻嘻。可以見到大家呀。趙道爹爹、德光、曾sir、RB、貓姐、LeeAnn、大佬、Pheobe同小鬼。

同趙道爹爹傾左好耐呀，我發現呢個爹爹係玩玩的叫喎，同小鬼個type係一樣的，我唔係當佢係真的家人咁喎，即係係玩咁叫，唔係認真的喎；呵呵，霸住趙道爹爹，同佢傾左好耐呀，嘻嘻，我話佢已經被爸爸取代左喇......曾Sir佢將我個名寫左響台布上面呀.......一路玩玩傾傾食食咁。7B人啊。

爸爸佢save到money喎，咁都得，好好彩呀。不過......到底可以有$1,$2定$3呢？今晚佢有漫畫陪住啊。

好，就係咁喇。

>>June 21, 2003 at 1:40:03 AM GMT+8

2003 年 6 月 18 日 星期三 【晴】

爸爸原來一路plan緊701的行程。爸爸真好呀。為左大家。佢尋日番宿已經開始諗喇。
不過真的好煩惱呀。要顧好多野呀。

我開始睇睇23條的東東，我要知多ｄｄ呀。

晚上同加羊傾左好鬼耐，原本我以為講講生活營的少少野。但係完左佢仲可以講咁耐野，估唔到呀。男孩子喎。好似認識佢多ｄｄ咁。我問佢係咪平時好鐘意傾電話，佢話唔係喎，但係.......好難明。原來佢都知我幾多野架。我都支持唔住喇。滴汗。

搞到遲左兩個鐘先上到去meet爸爸添。好彩爸爸有其他野做姐。

>>June 21, 2003 at 1:28:43 AM GMT+8

2003 年 6 月 17 日 星期二 【晴】

今天行山山呀。呵呵，行山好開心啊，呵呵呵~~~~~

早上就去爸爸度先，但係遲到呀......失敗啊。對不起爸爸呀。下次唔會的喇。

之後去到西貢碼頭處，佩琦已經去到左喇。
之後佢地響麥當當傾23條喎，我要認識下呢樣野先得呀。我覺得個principle係無問題的喎.......唔明呀。爸爸好失望啊......唔。唔制呀。我唔想呀。

之後就齊人上車走佬。原來的對四律.......well，睇黎我真係無乜知識呀。
我覺得好快就去到西灣亭喇。呵呵，行喇可以。

西灣已經被污染左喇，見到好唔開心呀。上年都仲係好乾淨的架，好靚架。唔。太多人去喇。

之後再繼續行去咸田灣。婉婉佢地已經......
去到佢地就歇歇咁。好想玩呀。無人同我玩。爸爸都唔濕得喎。我要李淑賢，我要海豚，我要加羊，我要阿奶......
爸爸打到側手翻呀，好free咁呀。不過我打唔到呀。點解架？明明以前可以的架。好想打到呀。
之後游左兩野，爸爸教我背泳啊，呵呵。try try下又好似得得地喎，不過係慢慢的。但係好開心啊。ｄ水好涼快架。唔想走咁。之後就追魚仔，好得意的架，我一埋到去佢地就走架喇，好好玩呀。不過一個人，玩玩下有ｄ無聊咁，就閃番上去lu。

之後一起食ｄ野咁。但係食唔落的。
爸爸同大家一起分享腸腸，爸爸好pro呢。我就食我的懷緬花生繽......芯芯想當年買俾我食架......雖然唔多鐘意食，但係實在太回味喇，呵......芯芯。

之後行的都係好易的路，但係行下停下，好累呀......

我見到紅樹林呀，仲掂到添呀。嘻嘻。
一路的行山人的好好呢。
婉婉Hemmy佩琦都行完喇，congratrulations。

出番西貢，可以食餐蛋麵，呢個真的係出trip必吃呀，感動得丫。食完仲唔多夠呀不過。嘻。可以行多一轉都得呀。

之後行一會咁。爸爸買雪糕俾囡囡食呀，好好味呀，爸爸呀。爸爸好好呀。好滾動。

之後婉婉閃左番去，我地就去食晚飯。蝕左$4.5呀。roar！

行去撘車個陣，佩琦話我同爸爸好似拍拖人咁，之後我就唔敢拖爸爸喇。對唔住媽媽架會。唔。我平時都拖屋企的爸爸架......

回程途中，腳仔好痛呀。唔知做乜事呀。每步都係喎。番到屋企就見到腳板底有好大條傷口......ｄ痛痛唔係損左個ｄ痛呀，好似有野響入面咁。沖完涼企圖挑佢出黎，但係又唔得喎，找唔到呀。我......都係由佢先，等佢同我融為一體罷啦。

累累，訓覺喇。

爸爸佢好爸爸呀。我唔識講呀。總之有爸爸一起就好開心。好愛爸爸。呵呵。

>>June 21, 2003 at 1:19:59 AM GMT+8

2003 年 6 月 14 日 星期六 【陰】

今天係父親節，爸爸父親節快樂！！

今日爸爸的一家人都黎左呀。我覺得佢地見到基爸爸彈bass會覺得佢好叻姐。嘻嘻，自己的仔仔嘛。爸爸今日著左件型人衫啊，好好睇。係比平時大個ｄｄ咁的，真的有ｄｄ爸爸樣咁呀。嘻。

之後完左午堂就去懇親團，原來同爸爸一家同一架車的架，呵。不過要顧各自的家人……

媽咪同姨姨佢地唔知點解咁大手入貨呀，好估唔到。之後就食野咁。
仲有乜呢？我的印象係不斷咁行行傾傾。唔知做左乜咁。

咋第就咁先啦。

晚上番到去就同爸爸食飯。今日係爸爸生日添架。佢好開心呢，嘻嘻。
呢期個部長成日話我孝順……令我尷尬非常呀。

食完飯就……又一日咁囉。

>>June 21, 2003 at 12:44:22 AM GMT+8