2004 年 12 月 22 日 星期三 【晴】

22號...Sem 1 o既最後一日...考埋個232~就真正完左第一個Sem啦...但係一如以往都未溫晒書~

11點鐘返到Poly...都無乜心機溫~溫溫下都走左去食飯~水汪汪o既蛋~~我唔多鐘意食~所以就交晒俾亞細~~哈哈~去埋睇電視...就入去考試啦~

睇完Pastpaper以為好難~不過Tiffany版本易好多~但未溫Class當然唔識~唔緊要~~唔理Lu~~有邊次係溫晒書去考試丫....

考完去左工展會...好多野食...蟹粉小籠包都係一般...然後去沙嗲王食飯~Wallis實在衰格~_~"! 講D野搞到我同Freddie笑死...我笑到唔夠氧氣~搞到隻手指同腳有D麻痺...Freddie就係咁喊...

再食埋甜品就散~今日D楊支甘露有D差...

本來想寫返之前o既...不過都唔記得...唯一記得係Ivy鐘意份禮物~哈哈~畢竟我都好少買禮物~平時多數都係夾$...要用腦諗真係好難~加上我又唔多行街~

終於完啦...Poly第1個Sem

>>December 24, 2004 at 5:13:31 AM GMT+8

2004 年 12 月 18 日 星期六 【晴】

星期六...去左會展GameShow~嘩~比我想像以外多野玩...有好多好玩o既Game...試左好多野~哈哈~雖然有D要排得耐D...不過都抵...哈哈

GT4我見到有香港賽道~哈哈~地點係尖沙咀~我係咁認路~見到半島,新港同個大菠蘿~不過好似見唔到Poly...然後釣魚太郎無人識玩^__^ 我突然覺得自己好勁添~哈哈~仲有Death of Degree呢個好好玩~Tales of Rebirth都想玩~魔戒太慢~無興趣~風雲幕末傳都可以~Genji就梗係好玩啦~唔數啦~太多~!

但正因為咁~就搞到我勁想改機...唉~! 始終都要向呢個現實低頭~~走向改機之路~~仲有未數Metal Gear同ZZ高達阿...

然後7點幾就走~走左轉海旁...俾我映左張好靚o既相~哈哈~我真係幾鐘意呢張相~同學仔都話幾靚~哈哈~~哇哈哈~

跟住就去同亞媽食飯~因之前2日我返屋企時佢訓覺~我訓覺時佢返工~食左2碗飯~然後好多蒜蓉蒸中蝦....

>>December 21, 2004 at 3:19:19 AM GMT+8

2004 年 12 月 17 日 星期五 【晴】

星期5約人返學溫書...12點...結果1點幾先出現~十足十以前約踢波...約朝早十點~我差唔多十二點先出現~o岩架啦~所以呢日都咁上下...

返到去都唔夠一陣...就去左飲茶~亞May真搞笑~_~ 我每次放底隻杯...都即刻會斟茶...哈哈~結果我就飲左好多茶...都食左唔少野~雪花卷依然無之前咁好~

然後溫左叫做1課半...有D頭痛...一頭痛就好似感受到D血沖去個腦度咁~完全無心機溫~結果去左食飯~~間越南野又的確幾好~o個條街仲好野食~得閒要同盧得榮亂黎下先~

跟住...發現左胡愷+所謂有南部風情o既地方...無奈咁俾d電梯屈左上去~但又因為咁~見到森巴~有火焰雪山~實在太好啦~! 雖然我亞媽話~$25好得去邊丫~不過我都想試2野~哈哈

然後亂行一通~就同Freddie睇埋個午夜場天下無賊~劇情ok可以~對白ok搞笑~觀眾ok麻煩....然後流浪於尖沙咀...無車返屋企~又唔知訂...唔知點搞~最後向林雪求救~然後就慢慢行返去Poly...想放緩腳步~不過夜啦

一路上...的確有點冷

>>December 19, 2004 at 4:55:27 AM GMT+8

2004 年 12 月 16 日 星期四 【晴】

太耐之前...都唔記得係乜...考完mm之後o個日...朝早唔記得做過乜...然後夜晚去左旺角~試過傳說中o既炒公仔麵...哈哈~的確唔錯...車仔麵~我覺得都無乜分別~_~"

收到份聖誕禮物...哈哈~我亞媽話幾靚...仲有飲左D湯...的確唔錯wor~同埋傾左陣計...然後唔記得左

o係旺角行多2轉~我包我自己實盪失路...多人到呢....

>>December 24, 2004 at 5:48:02 AM GMT+8

2004 年 12 月 15 日 星期三 【晴】

一朝返去考management~結果出o既題目~係如Tips一樣..真係多得Zoe佢地...否則就真係唔知點考...好順利咁...寫足3個鐘...攰到D手指有D硬...好在有睇定CEO...否則唔知點吹水~不過應該唔高分~合格就好~

考完慶祝就出左去食Lunch...然後落左機鋪...起初都無乜野...不過臨走前職員叫我地check有無唔見野..先發現亞細就唔見左銀包...跟住問職員就見到個銀包...當然無晒$啦..不過都係不幸中o既大幸~D證同卡都o係度~因為賊仔唔識偷Porter...但係亞細就無得買碟...豬頭細第一次落機鋪~第一次就中招...

唉...都因我而起...有D內疚...如果我唔話去打機就無事啦...唉...

跟住唯有返學校~盡下人事~幫下D同學仔~就算我唔識~都可以陪下佢地啦~

結果就去到唔知幾點~~亞Bill亞細Carmen又唔食野~結果得返林雪~去左翡翠拉麵小籠包~一啖過o既小籠包~會泌汁o既鍋貼~哈哈~雖然個擔擔麵有D辣...不過好好食~~要再食多次~

唉~真係累事

>>December 19, 2004 at 5:27:03 AM GMT+8

2004 年 12 月 9 日 星期四 【晴】

好~非常好~又過左一個234測驗...今次我諗都只係55波...識D又唔識D...算啦~都過去啦~第一個測驗真係負碌...

話唔定係前晚太夜訓...今日測完驗就開始眼訓...食完Lunch交埋功課返屋企...攰到o係地下度訓著左...起身時屋企都無晒人~等獅子同基和上黎...就出去食晚飯...

始終都係無做到最重要o既野...失左今次o既目的...我都有D唔知點開口~~結果唯有返屋企訓覺~真係太被動lu

接住黎仲有ama,mm...所以聽日又要返poly~唔駛返早~已經係恩賜啦~~D時間都用晒o係功課測驗考試~好似少搵左D中學同學添~~快D Sem Break啦~~Break啦~~

Beyond 1月尾有Concert~記得上一次幾好睇~今次都要再睇~唔知有飛賣未呢~?

始終好似無將人地o既說話放o係心~不過有時一句說話o既震撼力又可以好大~呢個我感受過~

>>December 10, 2004 at 5:05:38 AM GMT+8

2004 年 12 月 5 日 星期日 【晴】

今日成日流流長...進度好慢...本來想溫定下D書...到夜晚又發現自己已經呆左一日...又無無聊聊咁side左一日...

晏晝睇左陣黃霑~聽完D人致悼辭...開始有D奇怪o既諗法...

今晚出左去食飯~有$20鵝片~食得勁快諗住返屋企可以溫下書~結果返到屋企又係玩結他...噢......

理所當然嗎??...原來自己一直都無咁諗過...

今晚都好似一舊舊~都係訓吧啦...

>>December 6, 2004 at 3:18:17 AM GMT+8

2004 年 12 月 3 日 星期五 【晴】

終於過埋最慘烈o既一星期...我諗Final都未有咁辛苦...呢星期真係好眼訓...連今日o既Test都過埋啦~加埋上星期做MM,GE,ELC累積o既...終於可以休息返一日...

英文Present都俾我呃左個B...都無乜邊幾次英文present有B...哈哈...234都搞掂埋~不過做做下熄左機o個下真係有D灰-_-...依然有D驚錯方向~不過有個好Partner係唔同D...至少都夠鼓勵吧

鼓班都過埋...今日Last一堂...結果係乜都無練就走左~Muso D 人又遲開門...最後一堂都係咁~上得3個字...抄得份譜黎都走得人

仲有應記下D突發事件...好似已經無得返轉頭~~依家似月做單位...唔知捱到幾耐呢...

踏入十二月啦...今日好似燈飾都開燈啦...海港城都應該會好靚~上年平安夜打牌~聖誕就比較平淡~今年唔知有乜地方好去...

今日係休息日...乜都唔做~等自己抖返下啦~

開始感覺無感覺,無記憶...唉

>>December 4, 2004 at 12:41:13 AM GMT+8

2004 年 11 月 24 日 星期三 【晴】

終於...都過左mm presentation啦...present時幾smooth,整體都算唔錯...present我都覺得尚算可以...不過實際上...都只不過係將大家o既野夾埋晒一齊,其實好多錯處...包括我自己做o既野...不過過去左就算~

今日真係唔駛上elc,就去左食Tea,上ama早知就走啦~佢講d數都做晒...哈哈...

其實做mm都忙左幾日...上星期要1-7全職返學...六日都要返Poly做Project...想休息下都無...今日搞掂就想去鬆下,過左hall搵Clive打Winning...結果...2場都輸晒...唯一入o既一球...竟然要係開角球頂頭鎚...唉...大倒退...仲衰過電腦...藉口係=>我已經無開Ps2成個半月啦...哈哈

再出返銅鑼灣...周圍行...過左一個幾開心o既夜晚...

不過近排無聊太多...係時候要收歛下...

無啦啦又好似係咁打乞痴~每次打完個身都會熱~~邊個豬頭講我..

仲有功課殺緊埋黎...又測驗又功課...估唔到一個HD o既功課量都有返咁上下...我連Jupas都未報...未來一星期都有排搞...唉

低處未算低...

>>November 25, 2004 at 2:11:29 AM GMT+8

2004 年 11 月 16 日 星期二 【晴】

寫一下日記...

234 tut好耐無試過咁易...雖然只係做到一半...不過我都覺得比較易啦...GE堂係鬼佬堂...本來打算去做自己野...不過鬼佬想我地坐埋前面...所以無得做野...中途放Break乘機撇s...不過好似俾人發現...當然~我無回頭望亞Sir睇唔睇到啦...

終於過左Assignment2...做落又覺得其實唔駛花太多時間去準備...然後ama有少少意外~有82分~我仲諗住matrix唔識~應該無咁高分...跟住捱左成日仲要傾mm...不過唔緊要~食隻大熱狗就頂得順...雖然俾人陰左落左芥辣...－＿－....不過就精神左少少...都叫做有傾過野~大家其實都好攰啦...

下晝開始...要用紙巾...好似有D傷風...我諗都唔係好似...係直頭傷風~今日又唔夠訓...都有D吽

屋企送多左幾個櫃黎~不過依然無得睇電視...唉

想買條綁住手提電話o既繩~不過又唔知邊度有得賣...又懶得去買...唉~

覺得今日有D side左添.....

>>November 17, 2004 at 1:20:23 AM GMT+8