2003 年 11 月 25 日 星期二 【晴】

今日同亞Jan,Clive食早餐...見到佢個爛鬼獎...係用磁石Hold住...成個獎唔同部份仲可以轉~_~ 好似好鬼化學咁...趕到最後一分鐘先入去...入到去就已經打鐘啦...好快咁上去趕人去早會...上左頭2堂...就Recess啦...班人就選角色~我無厘頭咁變左做學生o既臥底...我都唔係好知要做D乜~不過是但啦~當係玩...週會唔駛落去...不過就要寫篇唔知乜鬼信~去讚or彈D傳媒~我求其讚左伍晃榮就算數~然後就搞埋Jupas D 野...Mok Sir要我出去做Demo~仲Tick晒D評分做Below Average~_~"跟住傾下D盧間道....就落堂啦~英文堂做Listening~條友把聲簡直....唉~_~ 我好多都聽唔到~鬼叫佢把聲衰呀~? 勁多人都唔知做緊乜~都做到無乜心機...我就發呆~Clive就寫D Equation上去本野度...完全唔知做緊乜~亂咁填算數....LUNCH今日大江唔返喎~Clive又避啦...ccc 食完野上黎就睇波...死人Jan係咁話打得咁緊做乜~對7B都係輸~_~我睇下佢o個日做D乜...最低能係~有個球員好興咁話「邊個話走步呀?」有人答佢「亞Sir囉」...好好笑~ccc 贏波就即刻有個傻o既舉起雙手...佢個樣非常高興...你依家打緊班際乍...唔係奧運呀~_~....最重要係~成場佢都係企o係場側邊...Chem Lab都過得去啦...都叫做做得掂...放學就上課室做Lab Report~唔該鏈球教我做喎~做完就o係課室踢下波....然後就閃啦~落到大堂見到D低Form同學o既名...一個二個都好怪...「徐英國」「楊光」「余鐳鐳」...哈哈~睇完就返屋企...訓著覺~起身都8點~彈結他...跟住就唔知做過乜~睇電視囉~仲有係疑惑緊駛唔駛測中文...~_~ 唉~
我今日放學記得有o係Locker拎本中文書出黎架~不過返屋企唔見左~九成o係學校啦~_~唉~~TAS唔溫啦~唔差好遠o既...
究竟參唔參加校園節拍好呢~??cccc

聽日好似就要拍盧間道啦....~_~"我個角色叫周榮仁...

上Eng堂~就咁坐o係度...個身都勁熱....齋坐都坐到出汗...然後係咁打乞嚏...我估我病Lu...個身係咁發熱....好熱...成左2粒藥...今晚要早D抖....


>>November 26, 2003 at 12:11:58 AM GMT+8

2003 年 11 月 24 日 星期一 【晴】

今日朝早去左食早餐...睇Lawton黎...唔該Lawton佢幫我打左條Tie...我o係鄧鏡波讀左咁多年~年年都要打Tie~不過年年都唔係我打~我有學...不過年年換冬季都唔記得點打...收功課...又係Trunks未做話一陣交俾我...次次都係架啦~慣晒...CA堂...無得對PastPaper...出黎Show左個無聊PowerPoint..然後仲話要人做Presentation~佢成課唔教~叫我地出黎教~有40分鐘Present時間喎~ccc 我同陳錦鴻就揀左Application of Information System黎做...基本上IT學過晒...不過實際上亦都唔記得晒~_~"
Ethics 今日梁少佳上..講「卸膊」...要我地討論3個問題~我地Up到天花龍鳳...例如=>A.卸膊令到經濟增長放緩...B.卸膊令聯系增長會率脫勾－＿－之後就係亞昇出黎講....中文堂就講書....好野丫...課文D句子...簡直掂過碌蔗....之後就睇住亞昇係咁同Ms Fan拗....我地後面想叫人Ding走佢...又或者捉佢出去打....拗黎做乜~係咁講「君子不立危牆之下」...Ms Fan話佢解錯呢句野囉...一致認同~陳端勝上身...聽佢拗左都有10分鐘以上....總括黎講我覺得好煩...次次都係佢...落左堂去完廁所返黎~佢仲拗緊....妖...佢係咁問Ms Fan明唔明佢講乜...咁o岩我企側邊~佢就問埋我明唔明佢想講乜~我答左句「唔知」就算啦....
Lunch又係大江返學o既時間啦...都預左架啦~_~ 佢返下晝班丫嘛....食完飯返上去就睇班際籃球...條友插水扮死囉...一隻手之嘛....又唔係隻腳傷...~_~"Derek都返左黎喎~cc 佢個頭~同我個頭~一樣都變左... 跟住我地俾樹根趕~先返入課室...READING傾話唔拍VIDEO....改做搵人上去表演..陳+劉,Cis+Trans,2+15...笑到我死...cccc
之後Derek同我地一齊上左堂Bio堂~集中算唔錯....放學佢地班人就o係課室練波...另一邊就傾拍VIDEO~_~一時拍一時又唔拍...是但啦~我好似係負責打SMS o既人...計過單手打「有內鬼」要7秒...「救我」要3秒...哈哈...跟住就留低睇Bio~悶到抽筋訓著...起身就已經俾人趕...落左7A搵陳錦鴻~唉~_~佢好明顯需要睇醫生...佢讀唔到R音丫....然後7點到同佢食完糖水去左自修室...然後就到10點返屋企...食野...訓著...起身再做野...

星期日o既日記唔寫啦...星期日都係呆下呆下~唔寫...
夜晚收左一封信+一份禮物...No Comment....

我地班~多左個評論員A.....

>>November 25, 2003 at 1:51:03 AM GMT+8

2003 年 11 月 22 日 星期六 【晴】

呢日喨打俾我起身~就去補習啦...買左支冰極檸檬綠茶....嘩...你老闆丫...咁怪o既~_~" Clive Lo好野丫...九點補習~九點先起身~然後黎到又帶錯Notes...現代開左好多Intensive Course...初初見到Bio 10點40...不過J.Lau補完係10:35~_~"而且仲o係謝斐道....不過Clive Lo話多數係Video...補完習就走啦...如果Clive Lo補星期六..佢就變左一日連續補3次啦...哈哈~買左野食~食完野就訓覺...一訓竟然可以訓足4個鐘....然後起身同Lawton,海少傾左陣電話...Clive Lo之後又打黎話星期六已經爆晒....嘩...快到咁...??不過佢話開左星期日~咁無辦法~唯有補星期日囉~我家姐幫我去報...然後隔左陣就要出街食飯啦...因為我老豆生日...基本上唔係好想去...我亞媽已經早左一個鐘去亞拉麵館等位~不過都未有...我去到等左陣就有啦...完全無食過麵~全部都係D生煎包,乜包物包咁...餃子~仲有蟹粉小籠包...食完野就返屋企...睇EVA無耐...麻煩o既老豆又唔俾人睇~頂...然後入房用房部Short下short下o既VCD機睇~睇唔到...就訓左o係張床上面...訓著左....

呢日唔知做乜~係咁訓覺...

>>November 23, 2003 at 7:02:10 PM GMT+8

2003 年 11 月 21 日 星期五 【晴】

今日出Trip...好彩都起到身...同喨+彼得食早餐...然後咁上下時間就行落去啦...行到落去見到好多學校o既學生趕緊返學...因為就快遲到...我地幾個就係咁同佢地講「今日唔駛返學喎」...有一個細路本來係跑緊o既...不過我地咁講完~佢就真係行慢左...哈哈~然後就搭地鐵...會合左Lawton....入到地鐵....就拎住2碌野扮地鐵D扶手...記得去到一個站~個真正o既扶手俾人圍住...有個男人見到我地假個支...望一望我...我估佢想一齊扶住...哈哈~o個時我同彼得都忍唔到笑....去到筲箕灣...就見到一大班同學啦...今次又係等Clive Lo...~_~" 同啦啦花...除左大江之外~等齊人就出發啦...上左上面搭9號...同同組o既o係前面吹水...好快就到石澳...落去到~D人去下洗手間咁...就開始行啦..不過就同前面唔見左...行行下都見得返...行左去岩岸...o個條路好似唔預有人會入去咁....入到去真係好多石....放低D野...就開始做野啦...唔算太多野做...又唔辛苦~海風好大...o個度仲有好多火山仔...多到...真係好多...我都估唔到咁多....其間有拎D海膽上黎玩...仲有玩寄居蟹...海癸...亞郭有落水~呵呵~大江仲勁...跌左落水~_~" 然後就影相...影左幾張低能相..哈哈...然後就走人啦....2號15號閃得勁快啦...然後班人就走先~我地就買埋野飲先走...然後就搭Van啦...跟住彼得佢地等埋我地一齊食野~出到去就去左澳門街食野啦...上到去首先要佔據有利位置...有好多都暗笑...哈哈..成班人話去篤波~然後突發地唔去~然後都係去...哈哈~本來去到都係諗住睇下~不過見佢地玩得咁開心~我地就開多張枱玩...玩玩下Lawton,海人都黎埋...然後再一陣~就走啦...喨陪我去左Tom Lee..買左2個Pick..有一個好似係鐵黎架喎...
然後就上2樓睇下結他...就走人啦...整埋副眼鏡就返屋企...返到屋企我都唔記得做過D乜Lu....好似係訓覺....然後夜晚就睇衝上雲霄...然後我老豆就返黎..飲到要人送佢返黎...做埋D野完全不知所謂...我完全唔想同佢講野...行路s形o既...然後睇EVA...再寫日記就訓啦..

彼得佢地去左比賽~亞郭仲拎左亞軍...好勁喎~@@

>>November 23, 2003 at 7:04:24 PM GMT+8

2003 年 11 月 20 日 星期四 【晴】

今朝買左個早餐返去食...塊吉豬硬到...我簡直係同佢o係度搏鬥...首先~把爛膠刀係搞佢唔掂o既...再黎~佢硬到連隻叉都插佢唔入...最後~我要用好大力~用隻叉叉住佢...用牙咬+大力扯...先搞得掂~_~ 搞到食通粉勁趕~唔該喨幫我寫板點名...
頭2堂Chem....今日好似做左台主咁...乜叉都係我答~_~ 又要出去畫圖~又要答問題...唉~我3號~我打後o既人陷世界都要一齊出去畫~ccc~睇黎Inorg同Org Chem都有得Fight...2樣都要係咁背...~_~ 上完2堂Chem之後係好攰~ Recess 成班人o係度吹水....我就抄返D Chem Notes...

跟住好似係Bio堂~因為個Lab借左~咁所以就繼續講書...D野好唔明~混淆~搞到一舊舊咁~Confused....Maths就睇Example...無乜野做~幾得閒咁....Lunch大江先返學~_~又係咁...我好似係去左大家樂食...然後返上去睇炳煌耍拳囉~整體上...我只係驚...佢又爆軑...然後中文堂...又要作文啦~_~ 唉~呢篇好難寫囉....「演講辭」...Ms Fan過黎叫LoHo...彼得...我去參加演講...雖然話係照住份稿讀...不過問題係...場地o係九龍又一城陳xx中學...最大問題係...時間係星期日早上九點半...嘩..呢個時間我好忙丫嘛~訓覺呀大佬...最後都係推左Ms Fan唔參加~而佢都無迫我~ccc 跟住ENG堂...又ORAL啦..今次同Raymond,周天祐,Chris~~~一組...今次講到一舊舊啦~_~ 不過Ms話我有Improvement...算係咁啦~

放學就落去Bio Lab拎D工具...一個二個拎住碌圓柱狀o既尺..好似舞龍咁...我猜贏左只係拎鎚...然後返上課室就睇住亞So,大江,Clive Lo o個D...好好笑~然後出去戒毒所見到Ms Fan..跟住就走人返屋企...訓覺...本來睇7點幾...無位...改左睇10點~好彩大江同陳家和都無所謂...獅子請睇忘不了~哈哈~o係慘同好笑之間...整體就一般...唔算太好~然後就一齊去左維園坐左陣~一點鐘到~就搭車返屋企啦...然後沖涼..就訓Lu...

>>November 23, 2003 at 7:05:01 PM GMT+8

2003 年 11 月 19 日 星期三 【晴】

今朝朝早俾人霸左個廁所~朝朝都要等廁所~返學校就做下英文News Cut~想放學唔駛做咁多野丫嘛~其他Stat人就做Stat...Trunks早左返黎...又係問人借黎抄~今日~我終於忍唔住....我問左佢...究竟佢每日返屋企做乜野...佢答我佢唔記得帶返屋企做囉~咁我再問佢其他科o既功課...然後唔知點~就無理佢啦...

上Stat堂....D數係識做~不過唔識寫~成日將D Standard Score o既Range同樣Standardize o既Range溝亂...然後D Prob又一舊舊...亞輝成堂都唔係上o既~_~ 淨係草擬足球隊o既陣容...好似人地打機咁...PE堂佢地就試陣啦~發覺教徒o個堆組織好勁...亞輝今日就上身...係咁入波~我仲好野~係完全唔知做緊乜...唉~_~ 少活動係咁上下架啦~成堂都係好無奈o既~~

然後PE堂完換衫呢...Trunks o係更衣室裡面踢波...踢踢下粒波去左Raymond腳下...一篤~飛來橫禍~中左喨個頭~_~" ~Raymond的確唔o岩喎~太大力啦...然後成班坐晒o係度吹水~原來係等齊人先行~我又唔知~_~得我一個未換衫~ccc 條匙掛左o係勾衫o個D位~無人拎上去~咁即係上面班人o係度等啦...之後好似亞昇拎左上去~跟住就成班上左去啦...我就同喨去左買野飲...

上到去就中文Oral...「青春無價」的確好難講...全程Ms Fan D表情都係好無奈~哈哈~跟住BIO堂都係出Trip前o既Briefing...乜都Up下~要5-6個人一組...我同左Lawton,海人,教徒,亞郭同LoHo...嘩~有2大高手坐陣~掂啦~高級組冠軍+影相o既亞郭+地理Bio人LoHo...ccc...大家都拿拿臨搵好組~費事有D特別人物要求加入...

然後就放Lunch啦....同喨話去Delifrance..教徒話去M記~D咁o既時候我係決定左擲銀仔o既...結果都係同喨~cccc 大江都有黎...海人好野丫...落晒成包糖漿...~_~" 傻架...返上去就見到佢地睇Movie...摺衫同龍虎亂舞好勁...哈哈...

CA堂又黎啦...唉~又話帶書~帶黎唔知做乜...一入到課室就即刻叫做Script...Trunks問李樂豐關於分組o既問題~個個都話有組~咁o岩個Mon o既Filter 出左黎...結果佢應該係一怒之下~大力咁拍個Filter埋去...爆玻璃囉~個Filter爛左...我坐側邊架...－＿－.....然後成堂都係做Script...

跟住Chem堂~太好啦~MokSir無返~Ms Fan代堂繼續做Oral....因為青春無價太難講~我地要求Ms Fan講一次...所以o個D之前o既同學都特登講得勁快...不過都要提一下彼得...咁大膽話某某亞Sir亞媽生佢生到成個外星人咁...又話人地似模型...個頭細個身勁大...哈哈~仲有跟D動作...然後就到Ms Fan講啦...哈哈~我地Assign條題目俾佢....「假如我是一棵西蘭花」...佢又話唔識講~又要問我地~哈哈~勁好笑..然後佢講到一半又話真係諗唔到~咁我地叫佢講另一條~順理成章~就變左Ms Fan演講~「假如我是杜汶澤」....另外有一度又係勁好笑~「如何將細胞變成大胞」....佢真係o係度諗...點樣變~_~" 哈哈~佢個樣好疑惑咁o係度沉思~最後都係無講到~只係講左一半西蘭花+少少杜汶澤...Ms Fan講野勁多「呢」~俾亞昇話~佢一邊話無~不過一邊就係咁「呢」...好好笑~最後佢講野講到勁慢+字正腔圓咁~講最後幾句野~避免再「呢」...之後簡Sir返黎派VCD...我地叫佢講「假如我是西蘭花」~果然~簡Sir轉數極高...諗都唔駛諗就即刻開始啦...仲可以講好耐~ccc

放學同喨,振宇出左戒毒所溫書...然後就返屋企...睇報紙..睇天子...然後就打邊爐...訓著覺~夜D獅子打黎~我地打左俾大江~又原來~我同大江都有D同樣o既感覺~某人做o既野~做出黎係為左俾人睇架囉...然後就打字啦....

本來想要大江呀~不過佢今日又唔返學~唔知佢計唔計落去做Project o既人數~而且又叫左LoHo...費事反口唔要人地~咁樣一黎唔好意思~二黎費事好似揀完又唔要~將人拋黎拋去~從一而終....不過咁樣大江就慘啦~同Trunks一組~最慘係~同t.A.T.u....丫嘛~_~" 唉~唔好意思啦~~

Mok Sir唔返~我好開心~不過佢聽日唔返我仲開心囉...因為今日得1堂~聽日2堂喎...ccc今次篇中文Listening都幾好~呵~隨筆....Ms Fan要我,彼得,LoHo...參加演講喎~_~打死都唔滯啦...雖然係齋讀~不過都係唔得~唔掂....

Ms Fan D反應,表情都好好笑~傻下傻下咁~好得意~ccc 每次我都覺得佢好好笑~ 佢有時聽到D低能野都會笑一餐~ccc 笑哦~~係我想睇到o既野哦~~~

Clive Lo唔返~真係錯過晒~

>>November 23, 2003 at 7:05:47 PM GMT+8

2003 年 11 月 18 日 星期二 【晴】

今朝起身遲左~仲要有D肚痛..落街打俾Clive Lo~佢都話遲~咁所以就唔同佢食早餐啦~行到胡中見到海少~佢陪我買左個早餐就返上去啦~返到上去就食早餐+趕Lab Report...我都唔明點解有D同學可以做到2版~_~" 然後就Chem堂...一開波就插人~ccc Trunks俾人插喎~呵呵~無信~唉~我真係有十萬個懷疑佢o係屋企做乜野~然後成堂都畫畫~好鬼悶~_~"彼得係咁俾Mok Sir屈出去~ccc 今日都有問我問題~我鬼知佢唔計個Pair Electron o既effect咩~中文堂聽Listening~今次做o既~得2張紙~_~同上次差天共地~上次寫到抽筋~今次就有D聽唔明...算啦~唔期望高分~然後就Recess啦~

Recess成班人圍左去睇張新整o既Poster...然後本來o係後面吹水~之後前面唔知搞乜~見周天祐同亞So一齊跌左落地~然後就亞昇就同周天祐開拖啦~呢D野最好睇架啦~睇到Lawton,海人D樣~呆左咁款...因為未見過掟枱丫嘛~D同學分開佢2個之後~然後成班人都走去班房後面~教徒就去左前面做輔導...跟住就SECTION E測驗啦~我Task 4....2版半紙用晒呀.....唉~_~ 勁多Irrelevent o既野~不過以Ms Wong o既評分準則~都合格o既....哈哈~~然後Lunch就同Clive(成功迴避o既人)....同教徒食野...落到去仲見到Raymond~所以就一齊食啦...講左好多Bio~唉~我又開始覺~唔補習會死啦...
返上課室就見到成班人o係度傾緊<盧押道>....然後何Sir入黎~朱Sir無返~Phy o既同學第一個反應o係Yeah...聽到話有高人黎~即刻話佢地係讀電腦o既...哈哈~點知係Ms Lam....然後我地就落去Lu~唔知發生乜野呀~~電腦堂好無聊~又係自學~仲要做個爛鬼故仔....然後落堂啦...返上去就同振宇睇亞Jan同肥成打波~然後就入返課室做Stat功課~未做完就俾人趕~出門口做埋先走人..同Lawton,Nixon,裘一齊走~佢地個個都想打周天祐喎...返到屋企~就睇報紙~沖涼~做功課~抄Chem notes~等等~然後欏柚又問HTML~答到我唔想答佢囉....

上次我都差D同周天祐開拖架啦~有乜咁出奇丫~見怪都已經不怪啦...既然咁多人都想郁周天祐~希望佢自己識檢討下...佢並唔係粗口爛舌~唔係霸道....但係就好討厭....我一時時都覺~好似話教徒有時都覺....
張Poster~關Sir輕挑浮躁,不可一世o既表情~擺明係奸架啦~哈哈
成功感or自信~對一個人真係重要架....我諗呢個亦都到係D讀書幾好o既人繼續好落去o既原因~係一個循環丫...

好像已經完了~但應否....

唔記得左~依家寫返~Hocc12月中好似會出碟呀~cccc

>>November 19, 2003 at 2:08:05 AM GMT+8

2003 年 11 月 17 日 星期一 【晴】

今日七點鐘俾人叫醒左...去左同喨,Jan,海少食早餐...Clive遲到黎唔到~我地o係度估返到課室會聽到乜野...返到課室...我地預計Trunks會問我地拎答案抄...不過佢竟然帶左Marking返學校抄...大家估錯晒...跟住就收功課~又係差Trunks一份...Bio堂就努力聽書~有D唔明~算數..成堂Trunks就o係度抄CA...佢連PastPaper問題都無~齋抄Marking...好野丫...我用左4版紙~佢可以用一張紙做晒...又俾佢趕到....然後Stat堂...坐左另外一個位~聽得有D唔明~搞到要落堂再問清楚~都叫做好DD啦...ccc 週會堂就傳媒3週第2週....Mok sir話我地唔識排隊分高矮...呢堂都係自己吹水...仲有我o個行7個~有4個訓左...~_~" ENG堂聽完Clive讀英文之後...對Answer...無理佢~我自己溫Vocab....Lunch就落左N年無去過o既M記食野....叫左個Big Mac餐...最笨七就加左個湯...佢九成係N咁多碗水煎埋一碗.....淡到亞媽都唔認得...我飲左2啖已經放棄啦....如果有人就咁買一碗8蚊o既湯...飲第一啖已經咁..就真係好笑啦....麥記~食物素質同價錢成反比....唉~~教徒要成3個魚柳飽先飽...佢仲有食麥旋風添~_~ 然後就返上去~響下警報咁...就打鐘啦~Reading就用左黎決定聖母無原罪做乜野~一致決定拍Video~盧間道...哈哈~彼得做導演~Clive Lo就劇本...班內面有某個同學3番4次有意咁想拖我落水做野~唔知佢想點~唔好問我係邊個.....然後做Chem Lab...自己一組乜都做唔到~結果4組合1~先做到一個RESULT~幾好丫~好好玩~哈哈~放學就即刻返屋企拎衫+洗面..就同喨+Lawton去自修室...去到見到強...佢2個6點半就走左~我就直落同佢一齊收工...其間見到亞培佢地...CA把聲大到我o係男廁都聽到....－＿－....然後返到屋企就休息下~煮野食...睇報紙~打字咁啦~~

前幾日好似發左一個夢...有幢樓冧左...差一D波及我屋企...另外~依家係~有心~不過力就得一半...要再加D...!!!Clive聽日又話食早餐....我睇下佢會唔會遲到....裘張圖又幾得意喎~哈哈~幾正丫~ccc最後係突然諗到個小學同學~我仲有睇佢日記架~ccc 不過又無聯絡嚕~諸行無常....

聽日SEC E測驗...我溫得一半乍~其實英文係要溫架...唔係求其睇就得~要背架

>>November 18, 2003 at 1:09:35 AM GMT+8

2003 年 11 月 16 日 星期日 【晴】

今日起身一點幾..乜人都無晒...唔記得做過乜...好似係睇左個EVA o既第一隻VCD...睇VCD好過睇ATV囉...可能無廣告~集中D啦~加上班裡面o既人都有講開~所以我都想睇下個故事講乜~其實之前都睇過架啦~不過有D唔知做乜~然後好似係做英文Sec C...睇下電視....然後就彈下結他咁~然後打機~睇執法群英....都係咁啦~夜晚就做CA PastPaper....唔該喨Send左份Marking我睇~睇住做的確好做D....然後就食飯~又搞Jupas啦...臨時聽家姐講又改過~原來D Interview係5-6月~唉~~最後都係改左幾科~執下D位~同Lawton,彼得,陳錦鴻傾下~就收線打字~訓覺~

我家姐叫我ORAL講多D野~有層次D咁講喎~_~"好難架喎~由其係英文....好彩英文唔駛聯校考o者...
聽日放學應該溫英文~後日測SECTION E啦~咪以為英文唔駛溫先得架~cc

>>November 17, 2003 at 12:51:42 AM GMT+8

2003 年 11 月 15 日 星期六 【晴】

尋晚訓覺....5點幾醒左下~有隻蚊o係度WeWe聲~_~ 然後又o係熱同凍之間~搞到有段時間訓唔到..朝早7點幾又要起身~去返補習...今日我無釣魚~不過我側邊2個就好眼訓囉~ccc 落堂見到D Poster~我地又笑~然後就企o係人地個課室門口偷聽佢講乜~喨約左梁偉~所以我就一個人走返屋企啦~訓到屋企~訓覺~3點幾先識起身...然後打機~然後就開始做野啦~抄返篇英文....再+返D字...寫完又訓覺~_~" 起身就做Sec C....睇電視...我老豆返黎~問左幾廿次~Now寬頻電視有乜睇~勁煩...煩到嘔~一飲左酒就麻煩~返屋企又呢樣又o個樣...然後食左個飯~就睇波啦~Netherlands Vs Scotland...荷蘭輸1球囉~_~" 睇完就沖涼...打機...睇HXH...彈結他~打字...
放假可以終於幾時訓覺都得~真係好~ccc

唉~仲有成年PastPaper要做丫....

>>November 16, 2003 at 3:46:37 AM GMT+8