2004 年 5 月 20 日 星期四 【晴】

返左3日工就完了...真係話咁快...呢3日好似過得好快...係我第一份真係搵錢o既工呢...

份工o既性質係Data entry...即係我最想做o個D...淨係打字...唔駛Serve人...對我黎講係好理想...我之前過左10號~即係我填o既工作日期...我都無諗過呢度會請人...請係因為要入選民登記o既資料...D資料果然好多...每日返到公司都只係不停打字打字打字...不過好彩有彼得同我一齊返...

第一日返工用左1個鐘頭Train...有9個新人...Train o個條友講野好細聲...而且初初未做過都唔係好知佢Up佢...呢D野似A/C咁...要做落先知做咩...9個人返工~得我同彼得係識o既...本來仲有亞輝...不過佢竟然同柯達講唔記得左見過工...

第一日返完工成個人散晒...話晒朝9晚9...返12個鐘...係幾辛苦下...第二日可能慣左D...無咁攰...我每日返到屋企都已經唔係好想郁...而且日日都好早就眼訓...11-12點到已經好想訓覺...其實o個度真係好Free...我同彼得傾計又得...電話響聽又得...食野又得...睇雜誌又得...無乜規矩...哈哈~而且公司D員工好好人...REO o既同事好好笑...每次打電話去D選民度都好搞笑...所以我覺得佢好得意...另外2個=>Winnie 同 Miranda...都幾好人...其中一個好似韋小寶亞媽...不過無咁肥...哈...而且講野超大聲...成間房都一定聽到...~_~...

呢份工雖然時間長...不過都有$28/hr...我返1日11個鐘...都有300...臨尾3個鐘有$33/hr...3日就已經差唔多1000...只可惜做得3日就完了...如果有得繼續做落去就好啦...哈哈...

又要搵過第2份工啦...

>>May 23, 2004 at 3:46:25 AM GMT+8

2004 年 5 月 17 日 星期一 【晴】

今朝7點鐘就起身...因為我透過勞工處轉介...今日約左9:30去見工...食埋早餐去都好早...原來o係國衛中心前少少...聯合鹿島...不過太早...o個時先搭8-搭9...我就行返出去Seven買支水飲....因為實在太熱...之後涼返D先再繼續去...
見工...都無乜咁特別......填完份Form...見人事部o既職員...俾我預期中快...仲要快好多..我見左1分鐘就完了...佢話唔想請暑期工~想請D Stable D o既...咁就搞掂~走人...

見無野做就去打機...覺得好似俾人晨早老點左出黎咁...打機都特別落力...反而係10點幾都有人黎挑機...跟住就同Jan,Lawton上左勞工處...佢地填左Form...不過見無時間就無交...得我同Lawton交左張抽籤Form...
我返屋企執完野...見埋亞輝彼得...就一齊去赤柱曬太陽...曬完出去食野...再去打機...跟住就散Lu...夜晚就同彼得都收到莫名其妙o既電話...哈哈...亞輝都有~不過佢就...－＿－

佢地幾個一齊曬...得我一個曬得比較黑...係好明顯咁唔同色...哈哈~我都唔知點解咁易黑...唉~勁想燒野食...本來話下星期三~不過依家唔駛啦...下星期三未必有得去...
聽日...可能就係一個辛苦o既開始啦...不過...為左旅行就要努力啦...想寫Flash架...不過好似好唔得閒....

今天...累了

>>May 18, 2004 at 7:23:15 AM GMT+8

2004 年 5 月 14 日 星期五 【晴】

今日約左陳錦鴻12:30...不過我就12點先起身...起身同Lawton傾下Interview o既野...原來佢都唔記得要Fax番張野去HKU...結果搞搞下...我地就決定齊齊唔去...太好啦...可以避左個Interview...反正依家過左AL...有D唔係好想讀Science...而且Interview要用英文呢...跟住就叫陳錦鴻上黎等左陣~我地食埋野就去勞工處...填左份Form...見左個Officer...佢幫我聯絡左個顧主...約左星期一去見工...咁o岩係HKU Interview日...真係推HKU推得合時...然後見完Officer無野做就閃人...去左打機...發瘟...依家GEESE可以波駁超必...不過我一次都打唔死個大佬...跟住就返屋企玩FFX-2..玩到陳錦鴻頭暈喎－＿－....然後都係聽歌打機睇電視...本來想開書睇~不過又有D眼訓....;都係早D訓覺算Lu....

去HKU Interview同Oral無乜分別...令我覺得有壓力...雖然話依家唔去無晒壓力...不過...星期一Interview呢....唉....真係第一次見工...應該會係D Personnel見我....比起上次打字見工...今次好似勁D...聽日再Fax多2份...希望可以快D搵到工...去旅行啦...不過我Interview會死...
依家出面好多工都睇有無LCCI....o個時有考LCCI...依家又真係覺得幾有用...至少填Form可以多D野寫...不過呢...我依家都無掂成2年...唔記得晒啦...點樣睇返D A/C好呢...可能要搵人教返我轉頭...哈哈

由5月4號...到依家都係放左10日假...感覺已經好似放左成個月咁...

>>May 15, 2004 at 4:33:03 AM GMT+8

2004 年 5 月 13 日 星期四 【晴】

今日本來想早D起身...我較鐘較9:30...不過都係12:00到先醒...今日約左大家姐去強屋企...1點到就o係地鐵站一齊搭去西灣河...出面熱到呢...大家姐帶PS2...真係辛苦啦..大熱天時~部PS2仲要咁重...本來叫埋陳錦鴻~不過佢要返學校練Oral...所以都係得我地3個...無得打牌...~_~...玩PS2試左好多Game...龍珠,狐忍,GT4....都幾過癮...最好玩都係張按摩椅...哈哈~
跟住佢亞爸返~我地就閃人...等埋addison就一齊返去灣仔...佢地拎部機去換...因為改機之後玩唔到...唉~依家D PS2...$1580包改機,2個手制,1張Save card...我o個時買...依家可以買2部Lu－＿－...我去左打機等佢地...然後佢地都叫我改機~$260~等過左旅行先啦...過唔過到都成問題..不過改左機又真係多左好多無聊Game可以玩...但我又唔想成日卦住打機阿－＿－....哈哈...矛盾呢

仲未有工返...可能係我懶...聽日約左陳錦鴻一齊去勞工處...希望快D有工做...有$去旅行...哈哈
唉~我發現左...去Interview有2份Reply form我都遲左Fax返去...全部過晒Deadline...點算呢...我又唔想Interview喎~好似考英文Oral咁...又係聽食蕉都得啦...Interview好Q麻煩呀....聽日先打去問下可唔可以Fax返啦...
睇完FF8小說攻略啦...我終於知佢講乜啦...哈哈~今晚又玩返FFX-2....乜鬼都唔記得晒...已經唔知做緊乜Lu...

唉~快D搵工先得...

>>May 14, 2004 at 4:50:10 AM GMT+8

2004 年 5 月 10 日 星期一 【晴】

可能係好耐無運動...有後遺症...踢得o個半日波...第二日已經手軟腳軟...全身無力...AL真係害人呢...我都無去運動好耐啦...又或者係因為老啦-_-..今日都無乜野做過~依家o既生活咁悠閒~幾好~拎左支結他出黎抹...發覺支結他好污糟...不過依家搞掂...執下D錄影帶...以為又唔見左上次錄o既何韻詩勁歌...不過都俾我搵返...然後執下D書...執下D CD...總之就執野啦...
夜晚就睇下電視咁...乜都唔駛做幾好呢~哈哈...仲有睇下FF8 o既小說式攻略...睇下佢個故事講咩...
唔知係唔係我眼花...我見到地下有黑影行過...好似係曱甴...不過我拎殺蟲水之後入去又唔見...可能真係我眼花....
想配Con...不過我都驚自己成日太懶唔記得除...而且我又會卒眼....哈...不過都係想帶Con...帶Con無帶眼鏡咁辛苦卦...

要快D搵工先得啦-_- ....唉

何韻詩~Happy Birthday~哈

>>May 11, 2004 at 5:12:39 AM GMT+8

2004 年 5 月 9 日 星期日 【晴】

今日好早就起身啦...9點半...對我黎講已經好早啦...朝早同亞媽去食完早餐...佢就去曬太陽...我就去踢波...獅子叫左我去踢波...見到亞銅,王鏗,羅柚,咖哩...哈哈~D人都好耐無見...不過今日熱到痴線...之後踢到手軟腳軟...又熱...可能好耐無玩...跑左陣都唔係好願郁...不過我不嬲都係等運到架啦...我又唔識喎~志在去見下D同學...同埋跑下咁啦~
踢完食埋野...就落左銅鑼灣打機...去左世貿...乜都有玩下...近排真係成日出街打機...好少留o係屋企玩...玩完就去左亞東麵館食飯...咁就過左母親節啦...跟住o係街上面見到Hair Corner o個Fibi...我亞媽話佢個樣勁細個...佢好似得17歲...然後就返屋企Lu...跟住同大家姐,強傾電話...個個都買左PS2 o既...上次無去o既雀局~可能星期三就可以去啦...大家姐講野好好笑...哈哈...強仲問我點解無晒D Link...我本來想執下位...DEL下D 唔要o既...不過依家又懶得搞...然後再同Lawton傾左陣...

每次踢完波o個晚...全身都會好熱...可能係日頭吸太多熱啦...我沖涼都開好少熱水...D水都差唔多係凍o既...不過沖完都好熱...遲D曬太陽就慘Lu....
講開我又好想去曬太陽...Lawton都想去~哈~本來想聽日去...不過得我,亞輝,Lawton肯去...咁講咩~_~ 唯有唔去囉~~盧得榮又話要遊泳池...傻啦~唉~又想曬太陽~又想燒野食...強話遲D去佢度燒~梗係好啦~又可以開枱...又有得燒野食...曬太陽等Lawton同我一齊去啦~ccc
以前SPEED成員=>今井繪理子竟然奉子成婚~_~唉~最後會係咁樣...竟然係嫁俾個金毛喎....

雖然都考完AL...不過我發覺我自己仲徘徊緊o係AL狀態...同D朋友o既對話竟然有講到讀書...唉~唔掂...快D戒口

有2件好事...第一係我搵返隻Free Love啦...第二係...何韻詩生日啦...5月10...哈哈

>>May 10, 2004 at 3:04:36 AM GMT+8

2004 年 5 月 8 日 星期六 【晴】

今日晏晝訓到3點...隻狗又係1點跑左上黎我張床搞搞震...3點幾起身~無乜野做~睇下電視咁...然後盧得榮D即興野又黎...話去睇狙魔人..搵唔到D咩人..得陳錦鴻同彼得去~亞輝話好攰唔出黎喎...我亞媽又點我~又話睇戲凍...叫我著多條衫...熱到我PK...行到去陳同學屋企已經熱到死咁滯...跟住就去搵埋盧得榮...
即日睇又邊有位丫...有頭2行囉...咪搞啦...哈哈...結果俾人點左去Sogo...又行返去Newyork...無啦啦又轉左睇救命...真係睇到我嗌救命...套戲講個腎囉....睇完呢...就去左食拉麵...跟住再去打機...振宇都黎埋...然後落左第2期~本來想同彼得打GGX~不過有人玩緊~所以就算數...跟住就閃人返屋企啦...返到去玩下狗...然後同海人一齊聽Golden電台~

亞輝講左D好搞笑o既野...佢俾人點去參加做gym會員o既對話...哈哈....
今日睇返之前玩完o既Game o既故事...我終於知個故事講乜~以前就齋玩...都唔知講乜...想睇返FF8講咩...

「救命恐怖過見鬼2」<=呢句野真係...真係...

>>May 9, 2004 at 3:50:55 AM GMT+8

2004 年 5 月 7 日 星期五 【晴】

起身無乜野做...睇下電視咁...跟住就睇下VCD...買左N年o既雙雄...今日終於得閒睇啦...跟住就o係屋企執野...太多野執...AL D野成座山咁...唔要o既野差唔多有2個垃圾膠袋...有勁多PastPaper....有幾本直頭100%新...完全未用過....唉~o個時買黎唔知做乜...仲有太多影印o既Notes...Mok Sir影印o既PastPaper...好多都未用過...我一次過將所有野都分好晒...執左好多空位出黎~都係趁未有工返執好晒佢~費事到時返工or出去玩無時間~可能到時返工都攰死...依家執剩o個D都係等燒o個D...不過未必有得燒o既...要入到U先可以一次過燒晒佢...我想入U阿...好想燒晒佢...勁Side位...有好多都係得個擺字...考之前就話會睇...不過考完都未睇過...哈哈...學校派o個D英文Past Paper最Side位...唔知要唔要好...另外就係D天子傳奇越黎越多...發瘟...我差唔多有26x期...$14一期...我都用左好多$ o係呢度...
仲俾我搵到好多野~搵返D班相~睇到自己由Form1-Form7 o個樣...又真係越黎越唔同...而且都係一樣覺得自己個樣低低能能咁...~_~...仲有中五Form o既相...D人D樣有D好好笑...哈哈
結果呢~就執左我一日...唔知係唔係落雨前夕...熱到我痴線...要開行個風扇先得...

我好想去彼得度留言架~我睇人地日記話~無留言唔叫做睇人地日記喎...哈...不過我又無Xanga...又懶得開...試過就咁留言~不過又唔得~所以就算數啦...

終於執清D野...太好啦~_~ 唯一希望可以快D燒埋剩餘o既...

>>May 9, 2004 at 3:49:38 AM GMT+8

2004 年 5 月 6 日 星期四 【晴】

今日約左扭去打機...晨咁早...隻狗又衝左上黎張床度係咁搞我~_~...亞媽就幫我搵工...好似去LCX做Sales...唉~做Sales wor...我幫人倒米就有...我都唔識講野o既~點Serve客丫...所以我依然係最想做Data Entry...唔駛講野丫嘛~就咁打字就好啦...俾隻狗搞2搞~起身打左陣機又去訓過...
2點扭打黎~成班去左勞工處~好遠阿~~而且又好熱呢...上去搵完佢地...佢地隔左陣就走人...我地去左Game Zone打機...今次玩...爆左機啦...哈哈~用Dizzy打好著數~劍+魚...好用~cc 玩到佢地都走晒...然後就同扭返屋企打機...繼續學玩GGX...玩到8點半...我睇GetBackers佢就走人啦...佢話去買Joystick wor...哈哈~再夜D就玩結他玩到訓著左...2點幾先起身~無得睇小寶...~_~

講左幾日...都未執屋企D野...好多野~好亂~好想將D考完o既野收埋晒佢...更想將D考完o既野燒晒佢...如果下年唔駛考o既話....今年想做o既野好多~其實每年暑假都一樣架啦...想就多...做實做唔到...算Lu...

快D去FLASH留言阿~ccc
聽日去打牌呢~哈

>>May 7, 2004 at 6:57:49 AM GMT+8

2004 年 5 月 5 日 星期三 【晴】

呢日見o係屋企無聊~就同彼得出左去打機...今次玩到Level 七十幾...然後再玩85...然後再玩...94...哈哈~不過已經無得再上啦...哈哈~跟住陳錦鴻又到埋~玩完就閃人...首先去左3聯~本來係想買「四個人的幸福魚」...不過D職員話斷左...唔知幾時會有再版...－＿－...我諗我都係要去其他書局睇下...希望個結果唔好一樣啦...本來想去天地圖書...不過太遠~
同陳同學去左298買Headphone之後就返屋企打機...然後夜晚睇車路士...有無搞錯...個勢咁勁都要輸...上半場勁好睇~下半場就...－＿－....唉~決賽真係波圖對摩納哥....食蕉o既...

今晚佢地又問我去旅行點~我其實都無諗住咁早去~都係打算返左工先去~如果唔係點有$呢~本來佢地話5月尾去~我就一定無可能啦...依家佢地話最遲6月去~唉~其實依家一切都睇搵唔搵到工...我真係有諗過~如果唔得~我唔去算Lu...

考完試真輕鬆~哈哈

>>May 7, 2004 at 6:53:26 AM GMT+8