2004 年 3 月 27 日 星期六 【晴】
呵~近排都無乜時間寫日記~可能因為就黎AL...考試啦...要溫書丫嘛....邊有咁得閒....不過我又唔多覺得自己好勤力...仲有打機添....而且成日o係屋企無無聊聊...得閒就玩下ICQ....最大鑊係成日同隻狗玩...隻狗真係好似毛公仔架...幾得意...哈哈
30號就開始考中國文化...又o係o個句...【加一把勁沒有結果 或者應該懶惰】...溫左都唔知用唔用得返....中文就擔心Listening多D....考mock我都唔合格....
唉~不過我擔心Chem多D....上次都係負負碌碌得一半分...出到去考...真係九成唔掂
呢幾日都讀緊Bio Simon Chiang.....唉~份份都廿幾頁...仲要版版都係字....都幾係野....
近排真係鐘意左睇Getbackers同GTO....我搵極都搵唔到GTO ED隻歌~好想DL喔~~
亞輝開左個新o既Forum...Forum Link 用黎通訊都好o既~希望可以有D唔係7B o既人都去啦...哈哈
>>March 27, 2004 at 5:27:48 PM GMT+8
2004 年 3 月 18 日 星期四 【晴】
今日考Oral...今年Oral又食蕉啦...上次考就全部女...今次考就英文人~_~
今次好唔好彩...遇到2個國際級人馬...佢地唔係鬼佬鬼仔...1男1女...勁到好似方知行仇皓明咁o既樣...另外一個就平平均均....咁我都介乎o係平均同唔掂之間....
不過最大碌~好似係我講左2次中文~o係Gp Discussion...=>唔係...我好似有咁樣講過~不過我估唔算太大聲卦....俾2個國際級拋完之後~我驚Discussion o個Part D Examiner聽唔到我講野添....
雖然都有4-5次Turn Talk....不過比起2個國際級....仲差好遠~
我o係Waiting Room o個時都知大鑊架啦...點名o既時候~有3-4個係用英文應o既...=>Here,=>Present....其中一個就係我o個組架啦....
仲有我諗...個女仔個樣普普通通咁...我估佢應該唔算太勁....但係睇樣係食蕉o既....一出口~就已經係方知行咁款....
邊有咁架...今年Oral有E就偷笑啦....有D就要去還神啦....哈哈.....有F就....正常o既-_-.... 唉~同我Cert Lv 一樣....又聽F啦....
所以話考Oral最緊要定~我今日已經唔算太驚啦....不過都估唔到有2個咁o既高手....o個女仲要一次過講晒一個Issue裡面我諗到o既PT...即刻無奈阿~_~....
有D灰....所以去左打2鋪機先返屋企~之後仲灰~_~ 咁就遲左無得睇GTO同Get Backers....返到屋企都做完Lu...考到8點1x分...唉~都有成2個鐘~ 然後就好似死左咁~乜都無做過~
今日果然係同小學同學一個Center考試~佢見到我~不過我就唔係好知邊個打邊個~大約估到係邊個乍...不過就無講野阿~~除左上次街上面一個唔覺意俾我撞到...估唔到~就要o係考場見啦...不過都多謝~ccc
彼得同喨都話~前面仲有黎緊....我會努力架啦...今次我連Memory Card都拎走埋
>>March 19, 2004 at 5:44:24 AM GMT+8
2004 年 3 月 16 日 星期二 【晴】
今日返左學校練Oral...練左3次...3次都係覺得自己o係Discussion無乜Contribution...而且仲要講到疾下疾下...唉~如果唔係黃寧珠趕人...+上我肚餓~我都想繼續練...大佬..2日後我就要上路啦...肥成仲慘...聽日就係啦佢...同彼得+方知行一組都真係有D無奈...方知行實在太勁啦...雖然我都好希望我o個Gp有D咁o既人...不過就唔好係咁對住我講野啦..我受唔起呢D刺激...
聽日繼續返學校練~11點就返去...今次要減少無聊時間...唔好吹咁多水先...最重要係~要食定野先....希望練完會有D進步啦~唉~真係Sec C又係18分~Oral又係18分~真係...
我亞媽今日就去返捐血o個度...上次佢打返電話黎~叫我亞媽去多次..話有D野同佢講...我都真係幾驚下...然後今日返黎...亞媽話~佢D血有沐巴唔知乜野病毒...不過張Report話~呢種病係加勒比海o既病...乜我亞媽有去過加勒比海咩~_~"??? 好在~都無事~有呢種野~只係叫佢唔好再捐血o者~唉~無妄之災~不過無事就好啦...
睇過下D分...stat都有60~都算係咁啦...中文Listening好似唔合格..文化36/72~平均..作文57.5....Chem...40/80~又係平均...乜都平平均均~就夠架啦~哈哈
唉~呢幾日都真係乜野都無做過~我開始越黎越覺~自己同考Cert Level o既時候無乜兩樣...都係懶懶閒...又成日打機~救命....
好想開本紀念冊睇下D同學仔寫乜~不過都係忍左手...因為好似仲有人未幫我寫....振宇好似未寫~_~
睇黎~要收起張Memory Card...唔好打機啦~_~
>>March 17, 2004 at 1:31:36 AM GMT+8
2004 年 3 月 12 日 星期五 【晴】
終於得閒寫日記啦...我考完Mock啦....解脫~o係咁打機~完全無掂過任何關於考試o既野...哈哈~如果日日都可以係咁就好Lu~
今日考o既英文Sec C...雖然我有補習...不過都係做唔切....篇Comprehension都仲係差D時間....唉~我諗我時間都用左o係篇Sentence Cloze同Summary Cloze度...下次要再改一下策略...我好贊成地中海教~邊份有信心就做左先~同埋趁自己仲有精神同心機...做左D Sentence Cloze同Matching...今日次序係Proofreading=>Matching=>Sentence Cloze=>Summary Cloze=>Mc Cloze=>Comprehension....下次頭2樣照舊...第三or四樣就改左做Comprehension先~因為Mc Cloze容易D睇....而且唔識都可以撞丫....不過下次就考Lu...就算自己做~都唔會計時啦...不過好似有份地中海俾o既Exercise可以做~ccc
中文~今日算係咁啦~我都覺得~有D係努力都無乜用...溫左書....都唔一定記得...而且...記得又唔一定係就咁答返落去...所以~中文真係努力得滯都未必有用...今日算係咁啦...第2條第3Part D Compare and Contrast...我無睇到唐君毅又點識丫....其他都係吹下拆下咁...我諗應該都合格卦...哈哈~
尋日考o既Chem就慘D啦...都覺得係一半半....我自己有勁多未溫....Physical Chem只係溫左Book1 o既4,5,6課...好彩有讀Org Chem~Essay都仲識寫~不過我覺得2份Paper我都做得好似好趕~唔夠時間...唉~過左去就算數啦...唔理佢啦~睇下派卷o個日點樣啦....
仲有~我今日考左英文Oral...分數...都係普普通通啦...叫做罕有地合格....4+4+4+4.5=16.5/28...都有57分o既....整體上就...唔知點解突然好緊張...仲要錯埋D低能錯...People is...呢D~_~ 唉~下星期四考都唔知點算Lu...就算改到Grammar o既錯~緊張都九成無得改~由其要對住D 女仔~唉~~讀男校o既唔好處就係呢D啦....
考Oral之前我地去左夏日城打機...著左校服入機鋪~我就o係咁玩SVC...然後玩到差D趕唔切...哈~不過就無幫到Lawton錄野lu...唉-_- 好錄唔錄...錄香港人在廣州....
跟住就買左隻戰國無雙玩....都幾好玩....我都未玩完...我老豆係咁催...勁煩....之後我就即刻放低o個手制...然後今晚任何野我都係單打佢o既~結果我就拎左部機入房打~如果佢o個時仲出聲~我實企硬同佢嘈....都ON9 o既...老馮讓你睇電視阿~? 自己晨咁早返黎...出面無人陪佢食飯先打黎問亞媽去唔去食...食蕉啦
預計~派卷o既23號開始呢~就讀中文+英文....我諗一個星期趕得切o既!! 英文2號考~實夠時間o既...我估...哈哈
今日Day Off...預計聽日都係Day Off...頂多做下Maths...最重要係~休息...約左彼得食飯~亞培仲叫我去同CA打邊爐~我約左彼得Lawton同海人阿~~~~真係Sor啦~
暫時將Flash版Cloze住先...因為我覺得~好似都無乜人去...不過如果有人要留言~我都會鼓勵佢去Flash度留言...因為Show Happy 會食晒D留言....我有好多都唔見左Lu...
雖然話~考完Mock...更加勁o既...仲黎緊...
>>March 13, 2004 at 2:12:10 AM GMT+8
2004 年 3 月 6 日 星期六 【晴】
今日又過左一日休息日...成日都無溫過書...返到屋企就打機訓覺咁...本來我有諗過夜晚溫書架....不過夜晚又變晒做無聊野....掛住搵歌...呢幾日好似幾鐘意搵返D卡通片o既歌...今日想搵Tales of Destiny同Cybaster..不過都係搵唔到...希望亞輝隻碟會有啦~哈
跟住又變左睇戲...都係Now寬頻~_~ 睇左幽靈人間...本來想睇完就溫書.....不過咁o岩又有大隻佬...咁我又睇埋啦...大隻佬有幾度都唔明....不過都唔錯...最後2個劉華真係搞到我唔知佢想表達乜...睇到因果~就唔做和尚...之後又做返...唔多明...
同小學同學講起.....原來我同佢一樣係3月18李潤田6:15考Oral...都唔知係唔係真...不過又唔似假喎...-_-...點會咁編架....都唔緊要o既...不過如果同識o既考...會好似怪怪地~加上佢英文又勁啦...我Oral又年年F喎...聽食蕉囉@_@...應該唔會咁o岩同Gp卦..哈
個Flash交左錢啦~唔該獅子喎~不過都好似荒廢左咁...考AL...係咁上下架啦...
>>March 7, 2004 at 3:59:52 PM GMT+8
2004 年 3 月 5 日 星期五 【晴】
嗯....今日終於都寫返日記...又唔係算太忙....不過又掛住打機~近排又玩返隻三國....所以都好少行埋部電腦度....而且仲要溫書呢~
都考左3日Mock...考Mock好似令我對考試o既睇法變到時好時壞...考之前覺得好唔掂~考完...又覺得無乜特別....雖然係咁~我都覺得自己依家仲未夠班考試~D野唔多識....又勁多未溫....由其是Maths & Stat...我D Maths奇差...唉~我都唔知點解會係咁~我要諗下D補救方法先....
下星期可能會仲辛苦...最大碌係有科Chem....電腦反而無乜所謂...唔讀都唔緊要...唔係話自己識晒...只不過係....張朝暉搞到我好似唔係好想讀....而且入到去吹水都仲得o既...我諗星期一我都會睇下o既....
今日係Day Off...過左Bio,Sec E 同Stat...休息一下都唔緊要....放學就返屋企訓覺~起身就打機~然後就出去搵亞培食左餐飯...跟住又去打機....返屋企都係打機~然後就同裘傾ICQ囉...講下會考完搵工o既野....
講開又講...我亞媽睇雜誌~有份係請Data Entry o既...Requirement係會考5科合格+英文20wpm+中文10wpm....都好簡單~有$28一個鐘~遲D睇下點....反正考完AL...如果玩一個月....乜都玩晒啦....所以返工都唔錯....睇定D先~可能有D仲好~因為求其睇~都睇到有成3-4 o係打字呢D....有份仲要考過LCCI first level添~~我考過架...哈哈~是但搵D野做啦...玩一個月~乜都夠啦....如果搵唔到~咪玩足3個月囉....哈哈
近排鐘意聽下D卡通片o既歌~俾我搵左幾日~鐘意都搵到Blue Seed o既 Touch and Go啦...哈哈~係無線播過o既種子特務Ending歌~另外唔該亞輝幫我燒隻碟~佢話幫我燒隻機戰有人唱o既CD呀~哈
寫日記o既時候~食緊Lawton幫我買o既杏仁餅~係幾好食哦~真係唔該晒~cc
噢~我中英文~都做左Oral o既先鋒....18/3 & 4/5 ....唉
>>March 6, 2004 at 4:07:42 AM GMT+8
2004 年 3 月 1 日 星期一 【晴】
近排寫少左日記...可能因為溫書卦...不過我又唔係好覺得自己好勤力...一日24小時...cut走訓覺+無聊+打機+發呆+食飯+雜項...都應該仲有時間剩...但係我又唔知點解溫書溫得勁慢...唉~
同彼得傾左陣ICQ...佢好似溫得多過我好多...不過佢話佢溫得唔係咁Detail...就係呢度啦...我諗諗下...我發覺自己可能真係溫得太Detail...一份Simon Chiang o既Respiration雖然係=簡Sir 3份Notes咁滯...不過我都無理由溫得咁Detail...早應該溫得求其D...可能咁樣會仲更加好....
依家就死得啦..Bio先至溫得2份Simon Chiang...+先前溫過2份Cell Bio....都唔知點算啦...真係跳樓都唔掂...雖然話考Mock o者...唔駛讀咩...其實應該學彼得唔好溫得咁Detail...溫得勁求其可能會有D幫助...呢D就可能係分散投資啦...
唉~講鬼咩...你老闆~_~仲有一日就考啦...聽日仲要補Sec C...我都想睇下自己溫得D乜...預計聽日唔溫Simon Chiang....預計聽日會聽返簡Sir舊o個D Notes...預計聽日會睇到我痴線...預計聽日會早D訓...預計後日好似做Exercise咁...預計....後日就死得....
點解大家好似讀得咁多...點解我又讀得咁慢...那西D先...
低處未算低...呢句野真係幾好....
唉~隻死狗好煩~_~成日咬我~又吠~最煩係我亞媽同家姐日日同佢玩...佢地叫狗o既音頻非常煩...真係叫救命...-_-....殺左我啦....
【加一把勁沒有結果 或者應該懶惰】...<<懶>>
>>March 2, 2004 at 4:17:12 AM GMT+8
2004 年 2 月 25 日 星期三 【晴】
今日係我Last Day啦...真係最後一個上課日~以後無得o係鄧鏡波返學啦...不過仲有幾個Mock要考...雖然要返去考Mock~不過都係上堂係最好玩o既...
今日又同尋日一模一樣...成日都勁Free...Mok Sir堂都係上道德堂...佢講埋呢次無架啦...話我地出到去就無人再管~責任由自己承擔...然後叫我地寫野俾佢...跟住又到佢講野...唔~佢話我作文係要迫...有能力做到喎~不過其實我自己都唔多覺得係...只係無得揀先做...哈
然後就Ms Fan堂...都係係咁影相...Bio+Stat都一樣...同Trunks o係度玩電腦...D Physics Game都幾得意...Lunch就去左Boston....Mok Sir同Ms Fan去左搵位先...然後食完野佢2個就走先囉....要遲到丫嘛~特登求其坐多陣先走...跟住成班人同左我去買4粒電...哈....就一齊返上去...18個人迫入架 車立 度..不過原來仲有位...
返到去...樹根叫我地影相~影完相就返上去~繼續玩電腦...之後Ms Fan上黎又唔俾人玩...要人圍圈喎....要人講下野...都唔知要講D乜..Ms Wong黎到我地直頭將個Eng堂都Combine埋...繼續講...D人o係度爆大鑊...哈哈~原來亞郭咁受歡迎...ccc...Cis話無玩ICQ喎...呵....
然後落堂成班影張相...就落去搵大姐明影相...十幾廿架相機...叫D Form 5幫我地影...影完就落去睇師生賽...睇完就上去繼續影相...亞張Sir又要人返黎TAS啦...~_~" 見到Ms Fan改簿...就叫左佢出黎吹水...由4點45左右吹到差唔多6點...我終於問左佢點解佢咁搞笑啦...哈哈~我之前想問好耐架啦~^____^...聽下佢講覺得我地D人點...ccc 講海人易面紅...講亞Jan傻o既...
講到我o既時候~我都好少聽到有人話我嘈係表面o既...哈哈...估唔到Last Day最多反而係同Ms Fan傾計~~不過佢真係好搞笑...哈~佢應承左話ALevel之後打牌...話去佢屋企架~ccc 佢仲話打牌差我一餐飯呀~哇哈哈!
唔...Last Day無太多傷感o既氣氛~或者有D人真係同我無乜關係...都唔好話我無情...我真係覺得有D人只係階段性朋友...離開鄧鏡波就無~如果要硬格話個個都友誼永固...我又覺得好假..因為某部份都只係點頭之交...時間威力好大架...隔多一兩年...我o係街見到呢D人...都係講2句就算...都預計到會係咁...而且~有D人...就算LastDay之後都會見...都會再出黎食飯架啦~佢地唔搵我~我都會搵佢地啦~哈~只不過無左上堂o既感覺o者....
我都好開心有寫日記....我係由03年1月開始寫....都寫低,記錄左好多回憶....記低左呢一年多D o既野...我興幸...有留低點滴...
就係咁~我在7B o既日子正式結束啦...我o係鄧鏡波o既日子都結束啦
今日D日記又好似長左D...哈
>>February 26, 2004 at 3:05:26 AM GMT+8
2004 年 2 月 24 日 星期二 【晴】
今日已經係最後2日...越黎越接近Last Day....今日上堂全部勁Free....我完全無做過野...中文堂...自己同人吹水影相,Bio堂一樣睇Video吹水....Maths堂叫關Sir唔好講Past Paper...
PE堂就踢波啦~ccc 不過亞Samson就慘D...爆眼角...好在無事o者...依家有事就大鑊啦...都唔知點溫書...然後Lunch就一行10個人去左食飯~返上去CA堂~直頭唔落去上堂...哈哈~朱sir都唔理...
跟住Chem堂又一樣做自己野~成日就係咁樣過...哈哈~幾過癮....
放學就返屋企訓覺....訓得勁辛苦...係咁醒下訓下....驚過左鐘遲到....然後補完習肚餓到痴線...求其買左個哈迪斯返屋企食就算啦...
食完野~又打下機~傾下電話....咁又一日啦....乜都無做過~頂~_~........
睇到D相~我都明白...唔同世界o既人...即使點樣走近~終於都係會分開o既....世事就係咁啦....
聽日Last Day....開開心心過埋佢啦.......
>>February 25, 2004 at 1:03:04 AM GMT+8
2004 年 2 月 21 日 星期六 【晴】
星期六朝早補完習...返屋企好似係訓左覺...然後訓到3點鐘就起身....俾盧得榮打電話黎整醒左...
呢日係AL前最後一日o既WCCF....我地如常咁玩...不過今日出左好少黑卡....成6張先出1張....不過都出返張C.Lopez o既紅閃...賣出去都可以幫補下...哈哈
然後Ronald落左黎~彼得都黎埋...本來我地諗住上亞輝度睇波...不過因為彼得都出左黎~就調返轉叫返亞輝出黎~我地去左現代o個度o既Bar....7點幾去度...吹下水....然後8點先叫野食....
亞輝都黎左~佢痴線o既...一碗湯落勁多糊椒粉....然後8點半就一齊睇波....去到Bar入凍奶茶~_~唉...哈哈....然後睇完波就去左打機...睇亞輝打Virtual Striker...然後一齊玩virtual Fighter係咁挑人機....係咁俾人打死...哈哈
打打下仲要無啦啦熄晒機...原來係差佬查牌...側邊D人好熟手咁拎晒D身份證出黎~不過都無查到我地...然後再玩多陣...就散啦...
呢次係我第二次真正咁同亞輝食飯呀~ccc
>>February 25, 2004 at 12:13:21 AM GMT+8
|