2003 年 10 月 24 日 星期五 【晴】

呢一日朝早...7:30先起身...Lawton仲約左我食早餐...所以遲到左...搭10先到...唉~Sor啦...去到見到亞喨同佢o係度~原來Lawton返埋學校放低埋野...叫左喨陪佢~_~"我地食完野~就趕上去啦...今日大江又唔返~D野我做啦...所以就未得閒做其他野...

跟住..Bio堂...已經唔記得啦...唔知點解近排好似教得好快...轉眼間就教Muscle...轉眼間又教完Joint...然後Stat堂~帶左份Lab落去Pre..不過今日又係做數~PastPaper...果然Section B o既係一堂教一條...結果掛住做數~無PreLab...Recess都唔記得啦...

週會堂就有Career Quiz...問埋D題目~好多都唔識~不過有一兩條就好白痴~根本上無得錯...因為擺到明~o個Answer係反話...講講下講到要做呢D揀業常識問答o既PastPaper..哈哈~Mok Sir話唔駛做喎~因為Marking年年都唔同...ccc
然後幫佢填埋張問卷...又Pre下Lab..咁就一堂...Eng全程做Listening...今次我估聽得唔錯~不過做得就差D...聽到同做到o係兩回事...~_~....算啦~好多時都係D字唔識串...

Lunch最好笑...ccc 同Samson,Nixon,Raymond一齊食Delifrance..Samson同Nixon好少o係出面食架~ccc 佢地話貝澳o個日~只係准我用中國隊喎~_~ 傻啦~我邊有咁勁...食完野一齊上去...最好笑係~有個Form1仔~行行下行左上7樓...行行入左7B...我地就係咁玩佢~哈哈~有Samson o既「爆破學會」...So o既「Martix功夫」...「飛行學會」....我o既「著Labcoat示範」...Trunks o既「飛行道具」...等等等等...笑到我死...個o靚仔又要好似好信咁...哈哈...MsFan企o係門口~我都唔知佢見唔見到啦~哈哈~然後玩完叫佢每日上黎特訓..ccc 跟住發現...大家都係未Pre-Lab o既...~__~ ...所以就拿拿臨去Pre啦..

今日唔駛ReportSheet~仲好啦~交一份~又唔駛寫咁多野...帶埋本Equation就去啦..我地組做得勁慢..因為我地已經打算同隔離組合作...做得3個Experiment...仲有D係打爛野..有D又唔知點~搞搞下都係周圍抄人Answer...最唔掂係個2,4-dinitrophenylhydrazine...3支都無料到...Mok Sir初初做都做唔到...然後佢話3支都有喎...是但啦~佢話有咪有囉....最掂就係個SilverMirror~我初時聽喨講Shake左~以為會唔得~不過放左o係度唔理佢~我地組支TestTube出黎o既~都可以照到自己個樣架..cccc...俾佢拎走左添~做緊LabReport o既時候...我講左句個2,4-dinitrophenylhydrazine好難畫...好唔好彩~俾Mok Sir聽到~佢即刻黎睇住我畫~話如果唔識就抄100次...好唔好彩~我係唔記得點畫o既..不過好好彩~我畫到一半~有人叫走左佢..哈哈...然後佢話返黎~叫我做一個實驗喎~就係將D SilverMirror倒落我隻手度...佢話~星期一喎~__~...初時我都諗緊好唔好~之後佢又話~會勁污糟...所以我就話唔好啦..哈哈~然後就閃人...返上7B...

呵呵~好玩o既時候又黎啦...佢地成班人做緊LabReport...我同喨就去左玩飛機...10幾隻飛機係咁放~激起左全班同學o既戰意..大戰就一觸即發啦...哈哈~呢個活動~係由「飛行學會」同「爆破學會」合辦...成個課室好似戰場咁~十幾廿隻飛機係咁飛黎飛去...哈哈~勁過癮...我地見到D圍埋一邊做Report o既同學~就好似911咁~襲擊佢地啦..亞郭,PETER,LoHo o個D...ccc 玩到成班癲晒...好熱~出晒汗..哈哈~然後D人都開始走啦...我地就留低~教徒~棋魔..亞昇...天津飯...講講下...講到D好特別o既野...然後MokSir走左上黎~因為佢今日Onduty...好彩我地收晒...俾佢發現就仆街啦...然後約好佢地食飯就走人....返屋企...

返到屋企訓覺~起左打左2鋪機就走人...教徒就打黎話得...然後就打俾PETER...再出門..呢餐飯好開心架~好多時都笑...坤左人地杯凍檸水?? 有個跳下跳下o既員工...cccc....跟住食完野行行下~PETER買左發光PC狗~然後就去左SEVEN~食雪條~13蚊2支~幾好~唔錯..哈哈~然後送天津飯返屋企,教徒搭車,PETER返屋企~自己就返屋企..返到屋企就打機...然後做SEC C....然後沖涼...然後訓覺...

大江好野丫...笠左條鎖匙返屋企...搞到Physics班o既人無得用電腦..哈哈
Raymond~唔好再o係Mok Sir面前提及任何關於日記o既野啦~_~唉.....我覺得佢會從D非法途徑得到個Url....
「爆破學會」副會長...今日學校好開心@[email protected]

>>November 2, 2003 at 12:54:41 AM GMT+8

2003 年 10 月 22 日 星期三 【晴】

今朝起身好眼訓~因為睇Bio睇到3點幾先訓...返到學校都係溫Bio....大佬~我先讀得一份o既5頁乍...要Quiz 4份架...上堂前成班都係溫Bio...不過好似Samson o係度睇報紙...
然後Stat落繼續做PastPaper...都幾好玩~所以都無乜溫Bio...關Sir見亞輝成日唔知做乜~就問亞輝係唔係唔考...ccc 不過又真係幾似~同Jan成日都見到亞輝亂咁畫簿仔...然後有一題...關Sir用好多Step先計到o既一題...俾Clive Lo一個Step搞掂....唉~無野講....
中文又黎講Pastpaper...佢講返教過o既幾課o既內容...都唔知係乜...講起先有D印象...佢問我地究竟記唔記得D課文名係乜...
Recess就本來打算同Clive落去買野飲....大江同喨都有一齊落去...然後仲落埋Canteen食野...五香肉丁麵....我好似已經N年無o係學校食過野啦...哈哈~見到吐痰人就串佢2句咁啦...ccc..睇人地踢波仲見到有個學生個樣..好似廿幾歲o個D咁...然後有個人個頭好好笑...我地打鐘企o係度等佢行過黎~望住佢...ccc..Eng堂Ms又記得亞Jan今日要講野~佢走唔甩啦...要我地成班好似Listening咁寫低講乜野喎....派Section C...然後又要我行N層去拎Question Paper...頂你Ms Wong~上黎又唔拎埋...今次個成績都唔差~哈哈~MC有D睇下CliveLo o既~合共63~後面o個Part我自己做架...ccc..不過我地都係自己做自己野...溫Bio溫Vocab....轉堂本來我揭發Clive Lo~佢又揭發返我轉頭~跟住我就周圍去揭發人...哈哈~好多人都話自己黎~唔駛我出手~cccc 然後Ms Wong黎到~成班o係度Sip衫...哈哈
簡Sir堂...無乜印象...因為悶到真係抽晒筋...最好笑係~佢講講下書話自己試過唔著鞋打壁球...然後落地唔知點樣...隻腳趾扭爆左喎...哈哈~笑到我碌地...要聯5針喎...仲除左對鞋同襪Show隻指公我地睇...哈哈~我真係好想知~簡Sir教骨就除襪~教Reproduction會唔會除褲...哈哈....講到軟骨...就話學生好鐘意問~條野有究竟有無骨...哈哈...佢話D人~見好似耳仔咁有「回彈力」喎..ccc..講講下就講耳仔會唔會扯旗...哈哈....跟住就Lunch啦...今日個Lunch素質好差....乜都差....我最欣賞o既係~杯茶....Reading想溫Bio...不過麻鬼煩...要正班長落去會客室....~_~" 講個「即日完成功課計劃」....又黎~話要第一堂轉堂即刻拎落去....唉~又黎Bio堂~~教得超快~因為好多都Out Syl...其實唔駛講啦...然後就Quiz啦...哈哈~我地擺到明Discuss...簡Sir都無理...然後我地問簡Sir點做...佢有答我地囉~放學就同LoHo,亞昇,Raymond一齊溫Bio...聽左好多我好似未聽過o既野....@@ 2位高手好勁喎~好似睇晒本Understanding Biology咁...哈哈~
返屋企就睇書仔.見Tami亞妹都無出去...所以留o係屋企..打左一粒鐘機...然後溫Vocab...然後訓著覺...起身溫左陣Vocab...打字...然後去溫Chem....

簡Sir D Quiz...目的都係想我地溫書o者~咁樣Discuss下都幾好丫~我地幾個都想佢俾多幾個呢D咁o既Test...無野架~咪當Exercise,Pastpaper~我覺得咁樣都唔錯~仲有呢~今日Quiz同放學溫Bio...都多謝Raymond嚕@@仲有LoHo...佢地講左D我唔知做緊乜o既野...似係幫我地補習咁..哈哈~真係唔該晒~ccc~2號條腰原來好似有事...等我今日仲同Clive Lo揭發佢添...cc~不過唔理啦...我好唔LIKE15號囉~我唔做班長都無野~一做開就好唔鐘意佢囉~次次D野都要人屌到先識交...好煩呀
拎返隻我的快樂時代出黎聽~好聽丫~Relative唔好聽o既都好好聽...Cccc~揭發係...掹人地Sip好左o既衫出黎丫...哈哈~

最後~我今日想講...我隻左手好痛...俾Winnie Kam打到好痛...暴力遊戲呀－＿－

>>October 22, 2003 at 11:56:20 PM GMT+8

2003 年 10 月 21 日 星期二 【晴】

今日返學又見到大家姐啦~哈哈~無食早餐...然後返到學校...因為尋日唔記得拎板塊落去...所以要問門口條友拎返...又要聽佢九Up...返到上課室見有時間~所以就背Vocab...打鐘先開始寫板收功課...大江今日竟然有返喎~佢之前一日話唔返架...仲有D人猛嗌肚餓...
Chem堂又係PastPaper...Mok Sir話搵梁偉做Standard架嘛~答答下又變左我同PETER呀,Raymond o個D答返...Mok Sir問LoHo做Recrystallization做左幾耐...LoHo答3個星期到...跟住我又講埋一份...不過俾Mok Sir聽到...佢叫我返屋企做囉...聖誕假交喎~_~ 唉...然後又黎~一講到Terylene~Mok Sir唔記得一向係我答開定PETER....結果又問我~好彩都仲有少少記憶...然後答完PETER先舉手話係佢囉....第二堂Chem好彩有人要抽血檢查~大半班落左去...所以Chem堂被迫中斷~太好啦...可以唔駛上咁多Chem堂~中文黎抽血真係o岩時候...哈哈...Mok Sir就俾左份週會紀錄我填~然後填完就o係前面傾計...講下旅行~又講下揀科...好快落堂...
Recess出左戒毒所背Vocab....然後Bio堂...亞昇話亞郭抽血抽到暈左喎@@咁大碌...然後簡sir發火...好似因為亞昇串佢...跟住又無事...Bio勁悶勁眼訓...我都無乜心機聽佢講野....同Clive都係想訓但又唔可以訓之間...亞郭之後都返黎~見佢都無乜野...不過佢抽左咁多血~唔拎返幾件三文治囉...@@....然後Stat堂半堂教書半堂做數...一時間真係分唔出邊D Distribution打邊D...要睇住Solution先識做...做做下大江落黎搵鎖匙...佢落到黎...鎖匙都唔係我度...~_~" 結果佢又跑返上去...然後唔知Lu...
Lunch返上睇到班人係咁玩橡筋...亂咁射...跟住要收便服日錢~收完交之前數一數~整好一摺...然後交落去2樓...落到去唔見左一舊水...返上去搵又無...結果我就自己拎左一舊水出黎填左條數佢...算數啦~可能行落去o個時跌左卦...破財擋災
然後Reading勁眼訓...MsFan搶埋Reading個時間黎作文...未教演講辭...不過都照作啦~然後佢話唔俾返屋企做囉...要即日交~Clive Lo作報告...要作勁多野..哈哈~見英文堂先~所以就唔作住落左去...12個人~有一半走堂去作文唔黎上堂囉...不過今日都幾好玩~教徒好勁...2號講野好矛盾....佢每講一句~我都好有想反擊o既衝動...奈何英文唔好~仲要係Oral...所以反擊失敗...仲約左Wallace星期一放學再玩Discussion都好o既..我諗有時係自己唔講野啦...唉~然後聽教徒彈下遇見...聽天祐彈東華~就返上去作文...跟住等埋Clive先走...佢又想坤我去食野=>再o係附近搭車走人...我無上當...cc
返到屋企~見到亞培...佢話亞強唔得閒+亞妹唔舒服所以唔出黎喎....跟住我就訓著左...大江打過黎....我同佢講左亞強唔出黎~所以佢都唔黎Lu....訓到8點~Tami打黎我先識起身...因為故仔王出黎~所以我就起身換衫出去同佢地食飯~我行左去Seven食雪糕~今日終於食到香芋啦...然後再買魚蛋...就去左點心王等佢地...o個收銀員好好笑~上幾次黎都覺得好得意架啦~ccc傻下傻下咁...同陳家和一齊買野食...佢好似叫凍檸水...回答「乜話？」...陳家和再講凍檸水....然後回答「凍定熱呀？」...陳家和又再講凍檸水...哈哈哈~然後睇住電視黎食野....食完野就o係度玩...咁多樣野~最記得係故仔王...猜囉...互相緊握對方o既手...贏左o既就兜野拍落人地隻手度囉...玩到我好痛－＿－....紅晒.....勁....不過好玩...每次佢都好多遊戲架喎~都叫幾開心啦...
然後就閃人Lu...返到屋企都係咁上下啦....我今日都未做過野....~_____~" 仲有Tune過下支結他...嗯...D音原來全部一齊走...怪唔知我唔覺啦...

今日我唔覺得簡Sir真係玩囉....我認為佢係真係發火架....只不過收得快乍...即刻扮野玩下咁....唔覺囉~可能Ms Wong話佢EQ高...高就高在呢度...轉軑轉得勁快...如果我遇到咁o既事...俾我一定做唔到...所以千祈唔好同我玩D咁o既野....放學~簡Sir無啦啦入黎話要測Circulation...大佬~一日點溫4份Notes呀.....唉...
今日真係乜都未做過~都唔知搞乜~放學訓覺=>出去食飯=>返黎打字...算啦....好彩今日無乜野做...而且今日餐飯見到故王都算幾好~不柱我唔訓覺起身出黎食野...

Clive Lo話要自己我出一舊水唔好喎~_~又話乜野籌款...哈哈~唔駛啦~算數啦...因為~呢一舊水...買左樣野....好真切感受到一樣野.....嗯~值得...

亞強生日快樂啦...我都唔記得打俾佢講添....唉~無記性~

>>October 22, 2003 at 1:11:28 AM GMT+8

2003 年 10 月 20 日 星期一 【晴】

起身勁多野執...因為尋晚做完功課即訓...去買早餐返上去..好彩有見到SamsonNixon~佢地幫我拎野呀~cc 又PE初又早餐又波...仲要拎粉筆盒+板丫嘛..然後上到去就繼續做埋D Chem...邊食邊做~食牛腸唔俾刀我囉...唔知邊個隊把Cutter過黎~_~" 亞Jan話我知佢o係下面食完囉...唔該喨教我做埋剩返o個2條...然後成個朝早就係收錢收回條收功課...好忙~_~"
收緊野o既同時...李汝富又講野啦...用詞非常好...第一個「拉曲線」(即係拉Curve...)...第二個係「7試」...(即係測試....)....唉~有個咁o既副校長...然後俾埋亞Sir簽名...就一齊落去上Stat啦...無乜特別..溝晒所有Distribution黎做~又係話我地唔專心...無乜特別~飛~~PE堂...D人換衫好慢...我上去俾匙大江..佢先o岩o岩除衫囉...我同彼得去洗手間o既時候...見到亞昇o岩o岩行去更衣室~_~"...PE堂今日我差D Ban中亞So...哈~粒波o係佢頭上面飛過...今日教徒就勁啦...門前又入轉身又入..乜都得~哈哈...最勁係~我地個龍...一野將Samson振宇一次過隊左埋牆...哈哈...成場波我都係唔知做緊乜..ccc 落堂入更衣室換衫~又係留o係度吹水...我同大江係咁大嗌~叫D人入黎~哈哈~50蚊搾2下...290雙鐘起計免收代支..哈哈~有個靚仔真係走入黎...正當我換緊褲又嗌o既時候...Ms Fu經過見到囉~_~"...度門開住架...哈哈~然後佢好似叫個學生黎關門...而且佢第二次行又經過更衣室~佢今次唔望過黎啦...我地然後就行上去..鬼咁邪~一個小息見到Ms Fu4次...哈哈....
今日中文Oral變左做Listening....大江~派野o既時候將成部野整跌左落地...哈哈..搞搞下仲好似播唔出聲添...我地即刻好興奮...以為大江係民族英雄...點知又Work得返~_~結果都係要聽....聽到一舊野咁~好多都係過晒先知過左~Ms Fan好多都俾我地聽2次...今次非常好...「洪水猛獸」...「玄妙」...同埋最勁o既「全面」....o個句係~「周同學,你答得好全面喎...」....咁串o既~不過我鐘意~「全面」呢個Term...哈哈~上Bio無乜特別野~淨係見到大江食野~我地就望住佢...哈哈~又話好味呀...好肚餓呀咁...ccc 搞到簡sir估佢食野~不過我地都講返話佢唔係食野....但事實~佢真係拎住個好大舊o既包....
Lunch我淨係記得幫振宇交左Book場紙...然後就要交錢交回條...D人真係最後一分鐘先交野o既...唉~然後就投票去邊~因為烏溪沙太貴~依家改左長洲或者貝澳~我都唔知乜野係貝澳~不過是但啦~都無乜所謂...聽講話~除左球場~無啦...哈哈...CA堂...我地一如以往~慢慢行落去...然後王偉釗就最好睇..哈哈~佢Present=Translate...將英文轉做中文讀一次...哈哈...然後都係自學...無聊~我地亂咁上留言板日記聽歌囉~Chem就都係PastPaper...Mok Sir話我做得比較好...我即刻問返佢有無睇錯簿~_~ 我星期日夜晚11點幾先開始拎出黎架喎~只不過係個Mechanism抄返我原本o既Notes之嘛...有幾好丫...其他o既咪又係半抄半做....佢睇一條就話好~亂黎~_~ 放學就成班同Mok Sir傾下揀科o既野...睇落...Earth Science都真係唔錯啦...又可以係咁去trip~而且佢話~前景睇黎都幾好~我去馬架啦@@ 哈哈~問到佢有乜野科係大聲叫可以有利o既...佢唔知囉~呵呵~然後中文Oral course又黎...今次我地除左參加比賽o既人~其他都無人留低...我執埋D野~就出左去戒毒所啦..見到Clive同扭...然後就吹下水~又講再考中五中七Oral點樣玩野...哈哈~不停聽到Trunks o係籃球賽發聲囉...然後佢地2個走先..我繼續溫vocab~不過又俾人趕所以要走~行出去就見到佢地班人...然後我就返屋企Lu...
返到屋企行行企企~睇下公仔書...執下野....仲有沖左涼...溫Vocab...跟住就換衫出去啦..上到去見到尹國寶...嗯~依家o既情況果然一舊舊..@@ 是但啦~我都無乜所謂...然後大江黎度...再坐左陣~就落去食飯啦...亞培同亞妹又嘈啦~_~" 亞培話去廁所行左去~一去就無返過咁滯~真係跌左落屎坑呀....尹國寶就去搵佢...都係唔見埋...結果要我同大江出馬..請佢地落返黎~食食下亞妹又嘔~_~" 亦都因為咁~亞培就去照顧佢啦~佢地咁樣先好返D...善後工作就交俾亞培啦...我大江同尹國寶就走先...
返屋企..睇電視...睇到好勁...伏屍o係地下....訓著左....訓到11點幾上埋梳化訓...然後起身..沖涼....ICQ...打字...

點解亞培同亞妹成日都嘈架..~_~" 大江Physics交白卷喎@@~聽日仲話唔返囉...聽日亞強生日呀~哈哈~亞扭越黎越係野啦...羽毛球又扭,GOLF又扭...大扭呀~ccc 發瘟丫...不滿丫.....今日10點Hocc o既廣告~變左陳慧珊呀－＿－....丫.........頂你丫.....仲有可能今日踢波整親....大脾條筋好痛...行都痛~成日都痛.....

嗯~今日見到咁樣~個圈會唔會變返去以前呢..???

>>October 21, 2003 at 2:06:19 AM GMT+8

2003 年 10 月 19 日 星期日 【晴】

好~補返星期日o既日記~起身點幾...睇逃學威龍...想一邊做Sec E一邊睇~結果都係唔得o既...都係要等睇完先可以再做...做做下又去左ICQ...然後都係歸位繼續做...不過又黎啦~做唔夠一陣~又變左食野開電視睇...好~非常好! 哈姆太郎....然後終於都真係繼續做Sec E...好似又係咁...7點半做執法群英~有CID o既代表李修賢...哈哈~好勁~亞頭方中信就出左啦..幾時有王敏德~我最想睇任達華做賊...然後都唔記得做過D乜...好似係傾電話+睇鬼水兇靈...亞媽買左粥+椰汁海底椰糖水我食..哈哈.總之11點先開始做Chem...趕唔到~我又做得慢...做到3點幾...

算啦~星期日o既日記係咁架啦~總之~我真係唔明白點解~我做所有野...都係勁慢...做Chem..我都唔知點解可以做咁耐..做份Sec E又係...做成日o既...唉~呢度真係要改啦...

昨日同今天有差異...

>>October 21, 2003 at 1:59:51 AM GMT+8

2003 年 10 月 18 日 星期六 【晴】

今日起身8點鐘...打電話叫醒Clive..執野化妝都成7點40先出門口..去到本來坐開o既位俾人坐左...今日補習教左條好難o既數~亞Sir話每次返去只需要溫30分鐘書...不過呢條就要溫25分鐘~佢仲話下堂開上集...唔返下堂就可以唔駛返架啦..講Pastpaper講到遲左放...同Clive行左幾間Seven..都係無香芋軟雪糕...咁o岩見到有架23號o係個站度...結果我地要極Speed追車...係上到車o既....

然後o係正門落車...打俾喨~佢話佢地o係Science..所以我地就行去搵佢地...行左陣終於見到佢地5個...佢地原來已經行左Science一個圈...不過我又未拎野又未睇~所以喨同Lawton就同我去睇下啦~我地又再行一次...今次除左拎野之外~有行埋去問下D人...行過Biochem,Food & Nutritional Science...呢度非常好~問佢讀乜野~佢答得好玄..佢答我讀Food同Nutrition...家下我無眼睇咩~_~"...然後行到Earth Science...俾條友講到好似好好玩~佢答我關於地球o既野都有得讀...最過癮係成日都可以出Trip...佢講到又去呢度又去o個度咁..幾吸引架...哈哈~無Geog都得~因為佢Suppose全部人都係無Geog~但係有D同Phy有關喎~我真係完全無Physics架喎...有難度..唉~然後經過Chemistry企左o係度...都無人理我地~_~" 等左陣我地問人先有人理下囉..最後拎左個Periodic Table...幾靚架喎...而且有埋BP同MP...哈哈~最後成班人一齊去番Earth Science度寫名~因為佢話寫低名有活動都會搵下我地~而且IN會考慮IN寫左名o既人先~見無乜所謂咪寫左我個大名落去囉...跟住見都差唔多12點~就行左去聽Economics and Finance...入到去好多人...見到Clive同昇一齊...因為已經好多人坐滿晒~所以我地就要分開坐...講真好悶~重有一個大問題...我發現我....聽親Talk都釣魚o既...唔知點解~_~" 佢最慘係要計50%CE50%AL...仲要Count CE Maths....大佬~我CE Maths得個E...死得啦...佢可能會話我~點解咁難E我都做到....而且我發覺我好似對E&F呢科無乜興趣...

然後聽完就行返出去..唔知去邊度~行行下見到有Social Work..所以就上左13樓睇下...上到13樓~第一樣做o既野係.....去廁所....然後就入左去Sharing o個度...有個Grad左o既人返黎幫手...聽佢講做過下義工服務呢D對入呢科有幫助...又係啦~我,平時一向唔做野...點會去做義工丫~_~" 我大約都知道自己係一個無耐性o既人...所以我覺得好似唔係好o岩我....雖然佢講到幾好玩...但係一個社工佢話要Handle70個Cases..咁就好似好辛苦喎~_~ 我仲有發現...入去聽Sharing o既...陷世界都係女仔多...得我地Group o係全男....怪怪地~然後搭 車立走...咁o岩去到8樓開門...原來係日本研究~醒起要幫人拎野...所以就出左去...點知佢話呢度係電腦房...要問野要去MainBuilding237喎....等 車立o既時候...有個人就話有野係可以問佢喎~_~"求其問左駛唔駛識日文就走人...向Supersandwich進發...行去o個度本來想食野~不過都係繼續睇野...睇到Stat...Average要C呀..而且仲要係有D精算架添~_~唉....見到有Psyco...就行左埋去~個科名叫做認知科學...我地一致認為....係Trunks最o岩讀o既..PETER仲引用入 車立 o禁制o既例黎問o個條友添...睇完之際~俾我見到Lawton同佢個FD一齊傾緊計喎~咁梗係要問下佢乜名啦...東爺丫嘛~我地就即刻變晒南西北中發白爺..哈哈...

睇完就向住黃克競進發啦...同佢地經過時光隧道(希文話o既..)就見到有Faculty of Engineering...跟住就係食野啦...哈哈~我叫左好多野食~有雞翼有菠蘿炒飯有汽水有豆腐花...不過等得真係耐左少少...食完野講下踢波D野...我都唔記得寫返~亞So射波...省中個女仔囉....個女仔中招之後...好似好痛咁...@_@ 亞So唔同人地講對唔住囉~跟住仲講埋亞輝o既反應...哈哈~大家吹下水咁~然後就上學生會o個度啦...o個度主要都係D Engineering o既野...仲有Computer咁啦...o個時clive Lo仲要係咁打黎話黎搵我拎返D Notes..講俾佢聽我地o係周亦卿....佢又唔行過黎~一味話o係Faculty of Engineering...頂~最後都係睇住個地圖教佢黎~然後先見到佢...拎走完佢D Notes之後...佢就同幾個有型人士一齊走左去....我地一邊Send SMS一邊跟住佢...哈哈~跟跟下PETER同振宇就去左睇Education...我地繼續...去返Supersandwich就停左Lu...然後就行左去MainBuilding...兜左一個圈...入左去日本研究...點解o個度D對白係同我o係8樓聽o既一樣....?? 然後拎左Leaflet求其問左幾句就走...最過癮就係跟住o既...比較文學啦....嘩~最好笑係佢D人...有個仲話o係蘭桂坊或者SOHO就可以搵到佢喎....仲見到國雄添...我估唔到佢o係呢度讀呀....@@ Lawton就淨係掛住睇~坐o係石上面o個女仔~_~"....然後聽佢講落呢科又幾得意喎...跟住同佢講完就走啦...行左出去搭車....海人就走先...我地就等埋振宇PETER...然後去左搭23號走~我地等車o既時候海人都仲未有車囉....同喨,Lawton一齊落車...就返屋企訓啦...

因為約左喨食野先~我較左鐘6點..不過成6點2先識起身....所以又遲左1個字...我地又係唔知食乜~結果去左順發食野~求其食個墨丸河就算~所以係勁早上到去~都未有人入去課室~我地好少咁早到o既...ccc 拎返自己上堂做o既個份野...發瘟~2個交叉....錯Q晒~果然係散Task之中最深o既一個...喨同我一樣都係錯晒...全班得3個Tick乍...唉~Check-In好似有Tick喎~咁勁~_~" 下堂要Test啦...上多2堂唔駛上...我想補其他Course...因為地中海叔叔話Cert E o既留低..我同喨落堂就問佢如果我地D o既可唔可以幫下我地~不過原來佢話只係再聽過個Sec E Course..我地見o係咁就算數Lu...走人...
落到街就周圍搵Seven去買軟雪糕...行左3間都無...然後就去左搵我亞媽食D野...然後又走先去春園街Seven買雪糕~頂~又無....唉~~~搞乜架...結果就返屋企打機~然後就即刻有人返....玩左陣就去左同人ICQ...嗯...聽左一個人o既野...所以都話~人即使表面點樣...背後都一樣有驚人之處....然後就繼續執書...天子4有齊102期..天子如來神掌唔齊..唔見晒..都好~屋企無咁多位...
再夜D~亞媽返呢~佢買左個士多啤莉o既雪糕我食..哈哈~然後睇VCD...然後打字...訓覺....

喨都報左Stat啦~可以一齊補習Lu~呵呵~~如果下堂唔上~就真係可以唔駛上架啦~我D飛又搵返啦~真係o係D港大Leaflet度...哈哈....我發現...去咁多次Info Day...真係去HKU最有意義..我特登唔訓做足功課去架...cccc 結果我今次係有目的咁去~再唔似上幾次咁~漫無目的...唔知搞乜..哈哈~多謝我o既同學同我一齊去喎~ccc

J.Lau今日語錄.....
「呢張書」
「發數字瘟」
「o岩啦o岩啦o岩啦」

>>October 21, 2003 at 2:04:12 AM GMT+8

2003 年 10 月 17 日 星期五 【晴】

今朝又係訓到亞媽叫我先識醒...本來想起身溫下Excel...不過又係起唔到~算...返到學校掛住收回條收錢又要收功課~所以好快就打鐘...Mok Sir堂都係做下Pastpaper..今日佢講o既野除左個Basicity~其他都知做緊乜呀~不過有D仲係未溫書所以唔識~_~ Mok Sir講書講到連自己教左未都唔知....
中文堂~派棋王~我都有71分...哈哈~算係高啦~Clive都有70...請食飯啦~PETER仲勁~82...本來想做Listening~影晒印搞掂晒準備好~原來部機Short o既....跟住就解返個道貌岸然+「赫」...Recess都仍然係o係度研究武俠棋王玩紙...好明顯教徒係上癮o既...Eng堂做Sec C...今日無人帶Marking添~不過好彩都做得晒~好開心架~竟然可以做得晒~平時俾我實做唔切~次次都要有一個Task亂做~可能係今次個Matching容易卦....MsWong行左2次黎叫我自己做~因為我成日都吹水~_~ 我見到有D人o係度做Section E囉....打鐘收野...Lunch食完野入左BlockBuster睇龍咁威~出左正版啦...哈哈...行上樓梯見到黃寧珠~我同佢講HI~佢HI返我轉頭喎~哈哈...然後就CA堂...要Quiz Excel...D題目係有D似IT o個D...不過我都唔識o個度死~因為我已經唔記得晒...好野丫~都無乜溫過~所以都係亂咁做...然後又開新一課~不過都係自學...又係自己Search...仲叫人出去Present~Trunks一定有份喎~哈哈...然後就放學啦
放學就去踢波~不過學校場俾人Book左~所以佢地話出去踢...成村人等我一個添~_~ 哈哈~然後落左修頓...不過好多人...結果去左維園...仲見到巴基..原來佢讀緊玫記中七商囉~然後就一齊踢波....有傷兵....肥成隻手...教徒隻眼..仲要俾人踢低幾次...發瘟....踢左2場大約6點就走....大江打黎話成飯~不過亞培就同人搞生日~Tami無人聽~亞So輝振宇話打邊爐又無料到~結果都係約大江星期一先食~然後同教徒去左藝視整返副鏡~踢波佢食左2下餅囉....然後就搭車返屋企啦...返到屋企就沖涼~然後訓覺~起身9點就打機睇電視....10點就即轉台睇Hocc~然後又繼續打機.....打字....訓覺~

咦~唔見返巴基我都唔記得~係佢話我知亞妹個名叫做.........問巴基點解佢有個咁o既名~佢話o個時亞妹自己講o既...哈哈~
Clive Lo本野係咁俾人研究....個個都有睇~雖然我有+少少意見~不過自己睇落都諗唔到點解o個時會諗埋D咁o既野...都覺得好好笑....由其是係「要不要抽筋煙」呢個...我特登o既~吹咩~哈哈~~聽日去HKU呀~我都唔知去睇乜科...唉~~亞媽今日去左拜山~不過我無去喎~@_@ 佢地買左D唔係咁好食o既野返黎俾我食囉－＿－另外係~唔該亞喨幫我收Section E~因為今日收其他回條+錢已經一舊野咁~好混亂....踢完波去左Seven買左個香芋味o既軟雪糕~好食呀....又無做功課啦...

「我看見了(國語)Star war!!!」

>>October 18, 2003 at 1:25:45 AM GMT+8

2003 年 10 月 16 日 星期四 【晴】

今朝突然興起想食早餐...落到街打俾Lawton無人聽...行行下又見到大家姐~cc~亞Jan就打俾我~問我食唔食~哈..結果我地就大家樂見啦...見到家明我都無打招呼...Jan仲問我點解唔同佢打招呼喎~我都唔知喎~然後食完野行返去...見到大江同LoHo...我地見到有個鄧鏡波o既同學想自己一架 車立...亞Jan就問點解要搭呢架...我同大江入到 車立 就講因為我地見到有D人想自己一個人一架 車立...然後係咁玩~o個同學就呆o係度唔郁囉...呵呵~梗係啦~我地4個佢自己1個....

今日又要排隊...見到MokSir唔知點解怪怪地..好彩佢無講D乜...Bio堂今日我有聽書架...不過都係呆下呆下...算啦~今日已經好清晰~比平時好架啦~由其是佢個流程圖係最掂o既~不過我都未抄完佢已經係咁講~好啦等我抄完啦~佢就講完啦...~_~ 然後Stat堂~今日又係好有意義~叫關Sir俾多堂時間我地做數...佢又肯喎~哈哈~所以今日就做埋幾條星星題...好麻煩...不過最過癮係計到第16條~雖然唔係乜野特別事~不過對我呢個數學白痴黎講已經係一件喜事...我Cert Level得個E架乍~_~ D人都話好難先可以拎個E...唉~落堂亞喨就問另一條星星題...我又行埋去聽~結果就加時10分鐘...等佢解左個題目~都終於明啦~

Recess賤人Clive Lo竟然走左去喎...嘩...都未到Mok Sir堂受死就走...佢唔記得拎筆袋~俾我發現左...哈哈~我拎左黎玩~然後見佢行過下面...我地班人將個筆袋掟落街~點知佢條友唔接住~_~ 哈哈~7樓掟落1樓~不過佢筆袋都無筆o既...得個2舊膠+2個改錯帶...然後仲要咁串飛的走...我地話佢~搭去前面就即刻落車...ccc 然後就到死期...Mok Sir o既週會堂啦...果然估中左丫...佢唔俾我地坐低~叫我地成班罰企..咁o岩就有學生會人黎...因為我同大江都無去聽點收錢...然後問我地做乜野又玩返...跟住就插大江啦~問佢記唔記得上次Lab叫佢做乜...問佢點解可以俾同學擺野入櫃..俾個理由佢喎~大江都唔知點答~亂咁黎~跟住就問我啦...我答野o既方針係想食住佢個勢~不過發覺好似唔多掂~佢問我記唔記得Lab仲講過D乜...我初初真係唔記得~然後先諗返起係唔好踢波玩電腦囉~~然後佢又繼續問我關於玩波o既野.問我佢地有無玩喎~我初時答有卦~佢就要我肯定D...咁結果我都係答有...叫我描述喎...我咪答佢都係拋下波仔無大打Ban...跟住Samson就出聲啦...自己講出黎話已經好耐無玩~只係亞喨話要拎走先最後玩一次...不過就係咁o岩俾黃智山條蛋散見到...佢入黎收波...然後自己開櫃拎走埋部機囉....發瘟丫~點解可以無啦啦開櫃~佢「話」因為以為我地仲有收埋波囉....所以Mok Sir就轉向~去左亞喨身上...亞喨就話因為以為個波唔見左...突然之間搵返~所以先至玩左陣...2個都係話自從Lab堂俾佢插完之後...已經無再玩啦...不過呢個係事實丫~真係無乜玩喎~由其係打機~都係打左一次乍嘛~跟住去返我度...佢話我頭先又話有...咁我以為佢話尋日俾人收波丫嘛~雖然我見唔到o者~咁我估因為尋日玩波俾人發現~所以先俾人收啦..然後又去返Trunks度...問佢仲有無打機~都係答打左一次就無啦...跟住Mok Sir就沈默啦...最後佢以一句~希望呢件壞事可以變做一件好事...可以用黎REINFORCE我地...然後又變返收錢...再揀去邊度旅行..超正~一連放星期6-星期3...去過夜喎~ccc 都好~最後暫定係烏溪沙....仲好啦~長洲有D唔想去啦~烏溪沙反而可以同Form one同學一齊玩...哈哈~即係玩D Form1仔...ccc 無經無險就過左Moksir堂...然後英文都無理佢~同LoHo係咁查Vocab....篇Matching勁難囉....

Lunch食完就同教徒大江去左買雪碧..跟住係唔記得Pre-Lab o既...做Lab就得意啦...So輝倒瀉野....哈哈~最勁o係亞扭~~亞扭呀~~睇到有裂痕...Experiment~應該係Fail左...跟住放學就留左o係學校做Lab Report..聽住o個4個o係度做Oral...好勁哦@@ 跟住佢地做埋Labreport就走~得返我一個~亞培叫我食飯~然後我同陳錦鴻走左~返左屋企洗面~然後就去左188附近影印...再上去買左3張Hocc...就去搵佢地啦...去到放低個書包就即刻去食野...點心王...成餐佢2個都係睇電視....食完就去返自修室拎書包...咁其實我拎個書包出黎做乜野...~_~" 同佢地等埋車就返屋企~睇電視+打機....打字...ICQ...想溫書....

對收DC呢件事...Samson覺得真係巧合~好日唔玩~一玩就俾佢見到...我個人就覺得~係條陷家祥特登架囉~唔知邊日條友朝早無啦啦走入黎裝黎裝去架啦...今次踢波斷正....條友仲唔乘機呀...黃智山收啦...睇我地唔順超就上黎...不～～知所謂...
嗯~我都覺~距離遠了~

>>October 17, 2003 at 1:45:56 AM GMT+8

2003 年 10 月 15 日 星期三 【晴】

今朝係就咁返學校...出 車立見到海人咁就一齊行...返到去就無野做...無啦啦黃智山走入黎唔知做乜...條友都烚戇o既...行入黎望2下就走...發呆等打鐘~大江又好似唔返~所以D野又係我做左先...之後原來係遲到...不過亞輝同亞扭都係無返...早會個Fucker又講野啦...佢話用3,4分鐘講丫嘛~我地即刻話計時...正常佢o既3,4分鐘就即係1個字-2個字...不過今日又幾準時喎~4分鐘就停啦佢...內容係講~我地身為中國人呢~要對神舟有認識喎~駛唔駛同佢背晒幾多馬力...有幾多Parts...用乜燃料呀咁呢...佢條友...我企o係度早佢講鬼咁耐...今日又唔見佢咁喎...
第一堂CA...落到去講左份Excel...仲話俾20分鐘我地做...唔駛5分鐘~已經坐左o係度啦...然後又係自學做Exercise...叫我地開機...o岩o岩開完Login到~佢就話差唔多收機啦...~_~ 妖~都唔知係唔係玩野....梁偉o個時仲Login緊...做D勁無聊o既Exercise...最奇怪係Trunks個Excel好明顯係Short o既....Ethics做下D EQ Test...講講下就話簡Sir EQ勁高...就令我諗起簡Sir串Trunks啦...哈哈~10月14號o既事啦...Trunks話簡Sir唔知乜野~簡Sir答....「好笑呀」..Trunks仲唔知訂...繼續講...簡Sir又用同樣方法答佢...笑到碌地...cccc 去返Ethics...講EQ處理問題...2條都有Peter<=呢個名...然後講墮胎~?_? 然後再講分手要揀o岩地方~?然後講一個Case....
Recess~就成班對住個窗大嗌..係度「喂」...本來係想嗌下面個抹車o個條友....成班人一齊嗌左2聲都無反應...o個下勁大聲....大聲到對面放狗o個條友都望過黎....ccc 然後Peter講話見到Prefect~話叫得咁大聲都得...Prefect答佢正常喎....哈哈~橫睇直睇打斜睇呢個點會係一個好Prefect...跟住就變左一班人出去睇波...睇Monkey~Hiphop~羅兆輝~亂咁叫...望到葉就鴻就扮泰國佬...ccc
中文堂仲係教藝術呀救命...仲要做Pastpaper...D答案都唔係正常人諗到o既...;仲要我地做返落隨筆~好彩有抄低點做....佢又未改完Bookreport喎~Chem堂我都唔記得有乜野...總之就講IR...講Pastpaper...Lunch就去左「大家好」~佢地成日以為我唔鐘意~我都話左無所謂啦~食完就買左蛋撻~ccc 再去夾糖~返到學校就有大鑊野...Trunks部DC俾人收左~話要班長落去搵黃智山喎~哦~我都無乜所謂...哈哈~好平靜咁行落去~班人跟住落睇返熱鬧~然後無事...只係叫我同大江要鎖好個櫃...講完之後Trunks話「但係部野我架喎」黃智山答「你帶部野返黎做乜」...我地就唔理Lu~閃人~cccc 返到上去就見到Ms Fan...又做緊中文朗誦~見到得幾個人個勢唔係好夠~所以叫人出黎睇野...結果就成班走出黎...Msfan同我講「你傻架??」...睇住個低Form朗誦~搞到佢係咁笑~臨走昇So仲頒D剷,掃把俾佢...我就屈佢亂咁搞校工D野^o^ 哈哈
Reading Trunks話部機俾左樹根...大鑊喎...呵呵~我地就諗Mok Sir聽日會點鬧...扮下佢鬧人~哈哈...講緊Mok Sir...Mok Sir就無啦啦走入黎~以為佢上黎炳我地...不過原來係派書....簡Sir入黎都知道我地俾人收野...跟住Fucker上黎睇我Reading睇乜書~我都睇Vocab無理佢...佢睇埋簡Sir睇乜書...哈哈~簡sir本書用Beckham海報包住...哈哈~o係Fucker面前烚下烚下咁款~等Fucker走左先話我地知~佢個本係~投資心理學...Fucker近排鐘意火箭丫嘛...果然o係Fucker面前...人人係平等~簡Sir都要好似學生咁...
Bio堂有聽書...講得好快~講講下就又黎集體訓覺...Eng堂...佢有佢講Sec C...我有我係咁查字...咁就放學啦...放左學就玩紙巾...玩紙...~_~" 然後成班走晒~得返我,Peter,振宇...出左戒毒所溫書~跟住佢地走先得返我一個~然後又俾人趕~走左落7A搵陳錦鴻~走到7點幾先一齊走...去買書...然後返屋企...勁眼訓到頂唔順....起身睇下Chem,電視...10點鐘又見到Hocc~打緊機o既我都即刻放低手制轉台...哈哈~睇完俗世情真繼續睇Chem...沖涼..打字...

大江條友...遲到早退~佢就係版啦...今日又遲到又早退....亞Jan今日代表學校打波呀~不過我無去睇~留左o係學校...我好耐無試過留o係學校留到7點幾Lu...
今日落去搵黃智山都好平靜咁落去~唔知點解~可能係我覺得佢呢個亞Sir不嬲都無乜阻嚇力(簡單講即係廢廢地...)...所以都無乜所謂~算啦~今日唔死~聽日都要死~聽日三堂Mok Sir堂呀...係唔係都係班長起身答問題架啦~不過Mok Sir好似叫大江Keep匙架喎~ccc 聽日先算啦...反正佢都知我D答案一向勁求其~最好就炒左我~我做唔做都得~唔做仲好~唔駛成日走黎走去~Mok sir都無乜所謂~如果係Fucker就麻煩啦....

我今日夠膽講...我打左100次乞嚏以上囉...唉~傷風啦...

>>October 16, 2003 at 2:23:48 AM GMT+8

2003 年 10 月 14 日 星期二 【晴】

今朝落街打俾Jan想叫佢一齊食早餐...不過又無人聽~所以就自己買左野返去食~Raymond仲問我做乜咁早~_~"亞Jan返黎話佢原來已經食左野囉...我諗起大江話佢唔返~所以D班長野都係自己做返...Peter就幫我寫低有乜交...不過有D人都未做好~要排隊所以唔理佢做完未都趕人走...上到黎就點名...然後見D人D功課未做完~叫佢地交去我枱面算數..行去上Stat...朱Sir叫返我轉頭~原來亞扭同炳煌都無返...所以Tick返先走人...
今日Stat堂非常好~成堂都係做數~唔駛聽關Sir講野...咁樣o既stat堂都幾好~本書同Solution廢o既...勁多錯~另外有D數都幾陰下...ccc...見到亞輝成堂唔知做乜..係度畫簿寫字...哈哈~跟住中文堂...唉~好鬼悶呀藝術...又形又神...一時重形一時又重神...一時又形神俱備...講講下仲去左偉大o既「以畫為喻」...求求其其聽完算...佢都問我地係唔係好似無聽過一樣~我梗係答「係」啦~~唔理架啦...讀佢份Notes算數...佢話o既..然後又話教返課唐君毅...最好啦...呢課最重要丫嘛~
落堂就同幾個同學同MsFan傾左陣...問起佢Clive o既棋王點...佢話唔得喎...ccc 不過咁就無人請我食飯Lu @_@ MsFan又要趕住走又未答完我野...結果係..車立 門摺埋左...佢頂唔住架 車立－＿－....然後就出左去天台敲...敲敲下+呆左陣就打鐘上Eng....
派返份Sec A....佢計少我成10幾分囉...佢將個12分計左1分~_~ 妖....然後求其聽下佢講Answer..我自己就溫Vocab...喨又係溫Vocab...LoHo都有抄Vocab...仲話交換喎~ccc 都好丫~Bio堂教書....無乜特別...有都唔記得....
Lunch今日無乜人一齊~得我同教徒2個~去左50嵐...又見到強...仲見到大家姐...教徒話Bio堂好眼訓~可能因為佢病病地...然後食完野就去夾糖...Reading都係Vocab..仲有睇相...然後因為亞輝~Bio就落左去畫畫先...我見我都畫晒~就帶Vocab落去溫算數~跟住轉堂又去拎返D野...然後訓著咁滯...唔知點解~佢講完交返個時間俾我地~我就識醒啦~同教徒SamsonLoHo玩膠..彈黎彈去~簡Sir臨落堂仲想挑戰我「喂」~結果俾我地班D「喂」返轉頭~跟住玩橡筋.....因為等Lawton~所以就留左o係度...得返教徒天津飯同亞昇...變左玩紙....然後佢地走晒...我就繼續溫Vocab...~_~唉~成日都係Vocab~因為已經唔記得晒頭100個解乜...就算記得都好矇糊下...俾人趕左2次...7B=>戒毒所...Lawton上黎~我地又入返7B...溫書背野吹水...大江打過電話黎~坐到6點就返屋企....
返到屋企就坐o係度...然後打機...然後就Chem啦....抄Chem...然後背...食乳鴿....沖涼...打字...

大江話佢考得唔掂喎@@ 今次佢有難嚕~實在太好啦~我諗返起MsFan唔o係度o個段時間...上堂真係唔知做乜Q...如果佢唔教返o個課書o既話~就大鑊啦...咁多課最重要係唐君毅呀....另外係~我真係想每日放學留低溫下Vocab...因為返到屋企要溫其他...今日又打左2個鐘機...唉~_~ 算啦....已經改緊....ccc 有心無力唔緊要~有心就得~可以慢慢出埋力...

天氣一轉真係多人病~_~ 教徒竟然今日話想走...海人又好似唔係好掂...ccc 大家小心身體啦..天氣轉涼啦...不過我好鐘意依家呢個天氣....D風....好舒服
最後呢～多謝喨你Send左份Vocab俾我啦~哈哈~

丫...真係最後啦~今日我見到Hocc廣告係o係【俗世情真】第二節之後o既廣告有得播架~~即係大約10點到啦....

>>October 15, 2003 at 2:14:53 AM GMT+8