2003 年 12 月 16 日 星期二 【晴】

今朝...聽到o既第一句就係~「你今日唔駛返學咩??」....望下個鐘~已經8點2點~_~ 唉~~即刻拿拿臨起身整野...又未執好書包~又要帶結他...不過其實都唔駛咁趕啦~我都預左會遲到架啦~出門口都8:20啦~~
但因為第一堂係我o既CA Presentation....我無理由淨係要陳錦鴻一個人Present丫嘛~所以遲到左~都行快2步~希望可以快D返到學校~奈何我又拎住支野呢~返到學校8:36...返到7B...朱Sir未到~Samson又未收功課~成班都做緊Lab Report~所以我就收住先...D人睇黎都係未做完就交...收唔齊~不過落左去先~因為陳錦鴻應該做緊Present丫嘛~落到去...今日唔駛Present囉....做乜野Integrate...妖~_~....好鬼無聊....我之後都決定左唔收D Lab Report~求其交左張紙就算數...所以今日無人欠功課...無人要留堂...
第二堂由Fucker講~我終於知乜野叫做有料無組織都等於廢...Fucker應該識o既野幾多下~不過呢度講下~o個度又講下~由倫理=>歷史=>Bio=>「Guns,Germs,Steel」=>又去返Bio...勁悶....中文繼續PastPaper~忠義信真係好難呢~唔留心聽就趴街啦~~佢要我地即堂做一條...我都唔知寫左D乜Lu~用婚姻呢個Example~似足中五D RS....Chem堂~安全...
Lunch試左Delifrance個士多啤莉雪香....種味...又未到藥水味...不過有D似思樂冰...問起班人星期五點~有D人都唔得喎~最麻煩係放學~做乜要放學搞呢...簡Sir堂D人又係訓覺~好難頂....ENG本來想訓~不過就去左後面睇報紙...除左用黎做功課~就咁睇下發生乜事都好丫~
放學玩左彈結他~然後就係所謂o既Rehersal...亞Sir之後問我....係想贏定係想玩...咁即係咩意思?? 我答無所謂乍...跟住就落左去睇波...亞輝變態~_~俾佢射中死都有份...然後就走人Lu...買完野飲~就返屋企放低支結他...同Lawton,海人,彼得一齊去左188度...本來想買Hocc CD....不過睇左2-3間都無...然後只係買左張相~見到D Game仲想買添~_~不過買左係一定死~~~然後去集成睇~都係無~唉~~問佢佢話星期五囉....然後就散水啦~行咁耐得張相...
返到屋企...訓覺....然後起身就做功課Lu...後面o既都一樣...

今次係我2年黎第一次朝早遲到~其實遲到o係上年陸運會已經試過架啦...不過我好似無乜朝早遲到過...是但啦~我都無乜所謂啦~
真係好啦~有佢地陪我行188~ccc
唔該喨講我知~有Intensive Section C...一定報呀@_@

Wong Sir話我地主要唔係唱,唔係彈~係後面o既動作~??? 我地幾時將個Focus去左後面~?? 如果真係睇動作~咁大家要努力排下做乜動作啦...

>>December 17, 2003 at 1:17:26 AM GMT+8

2003 年 12 月 15 日 星期一 【晴】

今朝返學...買早餐見到Ms Wong...因為好凍~所以今日飲熱奶茶唔飲凍o既...路上見到Lawton所以一齊返學...返到上去唔夠一陣....見到海人...就知佢今日氣息唔好~我地稱之為「印堂發黑」...食早餐又俾關Sir趕~_~....然後就收功課...又係Trunks...好野丫~Sec E...無做過~PastPaper~又係無做~頒個獎俾佢丫~
今次就唔俾面~第一堂就收晒D功課~佢仲好晦氣咁叫我即刻交落去~我咪答「好呀」囉~依家係閣下唔做功課~2樣都唔做~照計我無必要幫佢~覺得自己做得好o岩添~ccc
Stat成堂就做一條數...D Diff.搞到一頭霧水...D2次仲大鑊...唉~我睇黎聖誕都要溫返第一本書...中文講PastPaper...難呀~_~" 又要交功課...ENG同BIO唔寫...不過就記得Clive Lo又上身~o係度拍裘...Clive未講野已經俾人小...哈哈
然後去左五十嵐Lunch~教徒話就快無得食特價午餐喎~Lawton同海人個餐勁遲黎~所以又有得睇人Need For Speed...然後就同Clive,教徒去左買果汁~因為kiwi營養豐富~雪梨清熱~所以溝左杯黎飲~又猜輸俾Samson...又要落去拎野~_~....
Bio做Lab...都係咁上下啦~吹水多過做~仲有亞Jan發嬲囉~~亞So用Pipette Filter吸水射佢@_@....然後睇住Nixon同Samson玩橡筋...放學就做Lab Report~然後去睇邊個Yumiko咁串~跟住做完份Report先走...返屋企訓~睇電視,報紙...每日如是啦

聽日要Rehersal啦~原來今年校園節拍改左做放學喎~_~唉~我驚有D同學星期五唔得閒添...咁咪搞到上唔到台囉~仲有~聽日又要帶支野返去啦－＿－...
唉...今日做野好慢~聽日要返快少少~~
今日o既高慧然寫o既野幾有意思喎~~
裘部機又真係幾似燈籠喎
仲有係~聽日要做CA Presentation Lu.....

今次大鑊啦...開始係咁咳添~_~

HOCC出左碟~~~~~~~~~~

>>December 16, 2003 at 1:09:37 AM GMT+8

2003 年 12 月 14 日 星期日 【晴】

因為之前一日太夜訓...起身今日又1點幾....起身第一時間又係打機~_~ 唉...跟住玩到3點幾~就開始做埋個Presentation...然後就同Clive Lo一齊做CA Pastpaper...發現...2002年PastPaper D 答案咁o既....答埋晒D野都唔係咁容易諗到~由其是條VLookUp....唉~結果我又係自己做個Excel出黎~睇下佢想搞乜~最後終於都係知道做緊乜啦....跟住就練下結他...準備下星期o既決賽呀~哈哈~
終於叫做搞掂晒D功課~不過呢~真係發覺做得勁慢~本來想留返D時間睇書仔~不過~又係無晒時間~~可能係因為打太多機啦...希望我唔好再打機...上次行銅中見到Game都想買返去玩~不過依家都係免啦...

枱頭o既零食又多返~好多糖同薯片~cccc
同CLIVE LO約左星期五食飯~有邊個睇到~~報名呀~~~
今日仲聽到Eason版o既一生中最愛....佢話介紹譚詠倫....我初初真係起為佢真係譚詠倫架...不過我家姐同我講係Eason黎架囉~_~ 不過又真係勁似喎

今朝~~痰上頸喎....情況嚴重~_~ 多數因為傷風...

>>December 15, 2003 at 1:39:36 AM GMT+8

2003 年 12 月 13 日 星期六 【晴】

呢個星期六...如常地起身...如常地遲到...如常地補習...如常地偷聽中文...如常地同J.Lau一架 車立...如常地同Clive,喨忍笑...如常地搭車...如常地買報紙...如常地買麵...如常地食住麵睇棋魂...如常地打機....如常地發呆...最唔正常~係呢日夜晚做Presentation做到5點...

如壹周電視書寫~東華~細個想自己屋企俾人影住拍門~電視台黎你層樓....不過到左今日~我只想訓~~壹周~寫電視介紹好好笑~
上J.Lau堂笑左我好耐~因為佢成日都話原機上....直覺上好似人地~叫野食~~燒鴨原隻上咁......哈哈

J.Lau今日教我地：
「原機上」
「FIT佢,係咁FIT佢,FIT FIT FIT,FIT到佢o岩為止」

>>December 15, 2003 at 1:35:59 AM GMT+8

2003 年 12 月 12 日 星期五 【晴】

今日Sports Day決賽...Lawton打完俾我~我又係訓著返...今次早左~7點10先起身~__~.....好過之前o既7:20...然後就打俾Clive叫醒佢...跟住就化妝換衫出門口...又遲左一個字...@_@ ....跟住齊人就出發~2日搭車~2次都見到黃啟泰...勁多Prefect企門口...
我地o係上面望落去見到Clive,亞So,棋魔3個一齊無帶校褸...一齊俾人捉~然後就食早餐...再落去周圍圍靚仔...見到亞So個細粒仔....然後亞So仲落埋黎~食人支雪條~_~"....跟住Ms Wong都過左黎....仲捉D人過黎俾我地玩~哈哈~跟住就話太多人~所以唔俾留o係度...跟住就周圍搞D Prefect呀...無無聊聊咁...個Prefect竟然想走...ccc 然後走到出出面~就俾樹喜叫我同Clive個名~叫我地返上看台....~_~ 跟住就睇書~聽歌~原來聽住歌去睇D校監校友校長嘉賓講晒係咁好o既~直頭真係當佢唱歌呀~
跟住就走得~同亞郭,知行一齊行~會合就一齊搭車出銅鑼灣...話食野~不過大家都唔知食乜...結果就分頭去食~我同Clive,So,喨就去左新釗記~亞So又多左句唔知乜野....食完野~就落左銅中行...再去亞So屋企...玩具反斗城~_~....佢簡直就好似導遊咁...樣樣野都識玩...又將人地隻老虎掹出黎~又熄人地部電視...笑到我死~跟住越黎越多人黎到~然後就去JP睇戲啦...今次無間道....時間搞到我一舊野咁~大家都唔係好明~睇完就同PETER一齊行~返屋企~然後都係打下機~然後就做左陣功課囉~無Lu...仲有係睇電視~~睇大結局....

亞扭變左做代言人啦~有乜事就要出動同人交涉~呵~
亞郭原來跑完之後~嘔喎@@ 小心啦~
今年陸運~果然係輸晒俾7A喎~哈哈

有邊個未同亞So行反斗城...一定要試下...哈哈

>>December 14, 2003 at 10:19:43 PM GMT+8

2003 年 12 月 11 日 星期四 【晴】

星期四o既呢日~起身都係點幾啦...跟住就打機....因為放假多丫嘛....然後2點幾就約陳錦鴻....3點幾上到黎~本來係話做Project~不過大家都做緊自己野~頭一粒係無做過野~哈~好野丫~跟住我打機上面有問題~~所以叫佢做住先~跟住玩到我玩唔掂~直頭唔玩算數~開始做野...不過都6點幾Lu....做到食飯都未做完~一邊睇電視一邊食飯一邊做Presentation....結果都係做唔掂~_~ 不過都叫有做過野....然後睇完電視~就分埋工~佢之後就走Lu...跟住我都唔記得我做過乜~多數都係打機...

>>December 14, 2003 at 10:21:12 PM GMT+8

2003 年 12 月 10 日 星期三 【晴】

今朝6:45收到Call...唔知做乜訓著左~起身已經7:20分Lu...我仲約左喨佢地7:40....又要Need For Speed....去到巴士站都係遲左少少...見到Lawton同喨~不過就未見彼得~~ccc 搭車就見到教徒同周天祐...然後又撞到亞輝....我初初仲以為係邊個添....上晝o既陸運會....就如PETER所講...由我地班做開幕...第一場就全部都係我地自己班...跟住我都唔記得左做過乜...好似係訓覺...跟住去左食早餐...亞So同喨...篤穿左o個兜麵...D水慢慢滲出黎...跟住就周圍搞事...圍住D食緊野o既靚仔....好玩呀~ccc 跟住呢~就去圍Ms Fan...然後就返上去準備走~
Lunch之前~大家就準備好走人...準備好晒D計劃...Clive話呢個叫Form TaxiBond....~_~" 結果係分左4架車....不過...有一架車o既同學好不幸...犧牲左~亞郭....亞Jan...仲有亞輝...亞輝食左餐只係講左7-8句野o既飯~我地15個就去左香港仔中心o既太興食飯...為左哀悼亞Jan...我地係一齊Send左SMS俾佢...「浩氣長存」...ccc...最好笑係...睇Samson食飯o個樣...佢同裘o既飯最遲先到...睇住佢地Need For Speed...Samson睇到裘一野叉起塊扒o既時候...佢個樣~笑死我~好似人地D 100萬Yan 獎金比賽咁....哈哈~不過Samson見勢色唔對....就唔食碟野....放棄算數....最後裘都食晒....哈哈~勁好笑...然後又係飛的返去...見到亞郭....即刻同佢致敬...佢都唔知乜野事~ccc 跟住上去就見到亞Jan同亞輝...亞Jan話個電話一次過震左6次...然後再震多一次...哈哈...然後就係心情好興奮o既時候~~亢奮~~百一欄...我地就o係度玩~睇下邊個第一個整跌個欄....跟住就周圍走...去左Canteen附近...見到亞So個細粒仔...然後俾樹喜問~我地乜野身份~_~" 哈哈...跟住就行返過去...尋找Ms Fan~然後又圍佢啦....個廖Sir係咁o係度影相....發瘟丫....然後就睇3千...又係咁嗌....亞Jan浩氣長存~ccc 跟住Mok Sir都黎左~同Ms Fan傾緊計...我地又圍啦...李樂豐做硬本週之星啦...叫Mok Sir食屎啦...又講腦膜炎...同Mok Sir D對話又係勁廢...佢Up埋D野都唔知講乜...跟住就走人去準備閃....同佢地搭車...俾Clive Lo打劫左一舊水~買飛唔找錢o既~_~ 然後就同喨走人~~返屋企...訓~~~起身就睇電視~都係咁啦~無無聊聊咁....咁多日假~好悠閒~ccc

亞So又買左個啞鈴....今次仲可以入水...係水樽....我又發現~某人一講野....成班人就會靜晒....另外係嗌廖Sir先好笑...成班一齊叫完佢~跟住叫佢唔好行埋黎.....
總括黎講...今日係把聲沙晒....+ 喉嚨係非常十分痛....都只因為係咁嗌.....不過今次陸運會就好好玩...
今日仲聽到「元神出竅」...不過係完全唔知聽到D乜....

最後係~上面寫住令我亢奮o既~~~我地班o既迪加~竟然入到決賽~真係估唔到呀...哈哈~~佢地又要排下做乜動作~所以我今晚都有準備過下~試過下D Chord~不過最驚係到時太多人~嚇親我~~因為得我一個彈~~有壓力呀~_~ 彈錯就會好怪架啦...仲有唔知Ending點樣好~~不過實在太好玩啦~今次係我第一次參加比賽~入到決賽~已經夠啦~ccccc 贏埋就最好啦~~哈哈

>>December 11, 2003 at 6:34:38 AM GMT+8

2003 年 12 月 9 日 星期二 【晴】

今朝同左Jan,Clive食早餐~盧得榮又係最後先出現...我地過20分鐘就遲到~佢就8:10先出現...得5分鐘俾佢食野~我同Jan就o係度睇佢Need for Speed...一到8:15~即閃....今日Chem堂又Double Lesson啦...講左好多Equation丫~不過唔算太難~Mok Sir又估我Balanace唔到條Equation喎~@_@ 不過我掂左~ccc..Raymond台主地位~依然不變丫~
Recess同Lawton試過天使藍...發現有D唔係好夾...建議改唱迪加...反應比想像中好~~好多人都話上去一齊玩....ccc Bio + Stat唔寫啦...Lunch就去左Delifrance....見到彼得佢地~成班變晒堂食...哈哈~D盆好似砌Puzzle咁...食完野返上去睇左２分鐘波....入去課室試Chord...又唔夠一陣~出去ORAL啦....Topic係「那一次我笑了......」唉~呢D乜野題目黎架...我用左我地拍戲做主題...佢話講得唔錯喎~ccc~不過下次要用個比較喎
Reading就繼續試Chord...不過Ms Fan就拎左黎講作文...我聽返佢讀我o個篇文o既時候~我起初仲以為佢話我離左題添~寫得唔好o既反面教材...不過佢話寫得幾好喎...我都唔覺D野係出自我隻手....歸去來辭陶淵明o既一句~係我o係陳錦鴻身上學架乍~ccc~跟住就要人作文啦...吹水多過乜....結果之後又要趕....我字體~九成3分以下...同10號風球無乜分別...跟住就英文Oral...放學就睇初賽....跟住成班上去...哈哈~勁好玩....我獻出左我七年o既第一次啦...佢地班人跳舞+唱...好玩丫~~之後~唱完行出去~我發現一樣好有趣o既野...有人連個Amplifer帶返黎~唔通佢唔知道~初賽~都唔知有無2分鐘咩~???可以用白痴黎形容~~~~~
然後就返屋企~訓覺~起身~打機~睇電視~睇報紙...沖涼...訓覺.....

「李智勤，搭車又搭船，快食保濟丸」「李振宇是蝴蝶．．．」原來有D咁o既歌...cccc
鏈球班際~唔係有心架~哈哈~~唔好介意喎~丫~今日大家樂換左通粉喎~D粉唔同左~仲爽左滑左彈牙左~好過以前o既少少...
我同Lawton,Ronald唔可以去同Ms Fan食飯Lu~又唔可以睇歌劇Lu....因為1月8號~第一堂Listening呀~_~又會撞到咁正...
俾Lawton話我無恆心添~不過又的確係...嗯...決定左o既野...都無實行到....提醒左我....
柯受良竟然就咁去左....印證最後一個木字藝人死亡o既預言....某某書寫過~木字o既人好大碌....張國「榮」...「林」振強...「梅」豔芳都中招...又或者係宋美齡張之琛....

今日上去唱迪加..好玩之外~都有D感動~除左拍戲~再次感受到...同班同學o既團結...今次o既上台~就如電視所講....不問結果...只追求過程...過程~梗係好玩啦...入唔入到決賽都唔緊要~今日總算係我第一次上台參賽...仲有咁多人撐住...好想多謝同我一齊上台o既同學~哈哈

>>December 10, 2003 at 3:43:12 AM GMT+8

2003 年 12 月 8 日 星期一 【晴】

今朝食早餐又食到好遲~亞Jan都有出現~不過佢無食野~Stat堂講Pastpaper~真係對D dy/dx同In失晒憶Lu~不過一做到Probability我就醒神晒~因為有補習丫嘛~ccc PE堂~發現~墮後少少踢的確好D~下次都會咁做~ccc樹喜話佢無睇過無間道~所以唔知我地做緊乜~_~ 連校監都有睇~樹喜竟然無睇~??
然後中文堂~Ms Fan話~有無興趣....我地已經答無...不過佢之後話係去聽歌劇~順便同佢食飯~我地o個時都未決定....成堂Discussion就o係度講Bio...哈哈~之後俾Ms Fan問返講左乜野就亂咁吹....跟住就到Bio Test啦....今日個Test齋出Nervous System~無出過Support & Movement~簡直就係太好啦~我淨係溫左Nervous system~無睇過Support and Movement...哈哈~2條都係Nerve呀~cccc 應該都合格~夠架啦~ccc 我側邊o既Lawton仲好野~寫左唔知有無6行....
然後就去大家樂買飯~佢無收單~所以我地就拎多左一盒飯~上到去俾左梁偉Lu~@_@b 跟住上到去睇波~亞輝好勁丫~ccc Ms Fan上黎問我做得Oral未~我話睇波同食緊飯~結果又唔駛做啦~哈哈~又改聽日....CA聽Presentation~得返5分鐘又要我出去講~我都未做好~~不過我show左俾佢睇我有做到野~就順延到下一堂....Chem堂~Mok Sir買左個蛋糕+3箱可樂黎送俾我地呀~ccc 仲有真假Mok Sir一齊真係勁好笑~
跟住就落左去~睇校園節拍初賽~~然後返屋企~就打機~睇電視....馬德鐘瓜左...@_@ 嘩~~然後今日乜都無做過~

咦~依家Samson早返過我~D板呀~粉筆盒呀~全部唔駛我拎添~cccc
星期日日記唔寫啦~無乜特別野~只係溫書溫到變左打機~發呆....
我今日已經報左名參加歌唱比賽啦~不過唔係我唱~我負責彈~天使藍~彈到熟晒~可以唔駛練~係睇Lawton歌詞背得熟唔熟o者~cc 我仲可以彈每一句說話,絕對架~ccc 不過九成入唔到決賽－＿－......是但啦~我志在上去玩~最後一年丫嘛~
仲有好多報紙未睇呀救命~_~幾日o既報紙呀....多到嘔呀~
仲有喨 o既Reflex呀~_~

另外~今日最驚喜係~「無鏡道」o既反應真係比想像中大~教員室好多亞Sir Ms都話要VCD喎~然後今日同D 校園節拍人講開野~俾人問左幾次~有無得燒隻VCD俾佢喎~ccc 不過我地自己都未有~然後行過走廊~Clive 話聽到有一過行過我側邊o既~o係度講~「我想同佢換.....」....仲有~有無間道2 o既電影欣賞...同埋D MC講野都有D無間...最後係Mok Sir覺得好似好勁咁~佢話D配樂好喎~哈哈~

聽日參加比賽~!ccccccc

>>December 9, 2003 at 2:15:52 AM GMT+8

2003 年 12 月 6 日 星期六 【晴】

星期六...朝早8點半先起身....太眼訓...所以叫喨自己去左先~我就即刻勁快咁刷牙洗面化妝換衫....32分鐘起身~4x分鐘已經o係車上面...打俾Clive Lo...佢話佢頭痛唔返啦喎~好野丫....今日補習都OK啦...J.Lau都係好好笑~...買完野食返屋企~食完野~就訓左陣~起身都唔記得做過乜~然後夜晚就溫Bio啦....

唉~屋企真係咁多野玩~仲有~我唔知點解~我溫得勁慢....
掙扎o既係~我今年應唔應該上台呢~?? 唉~~ 我o係想同唔想之間.....

>>December 9, 2003 at 1:50:06 AM GMT+8