2003 年 10 月 13 日 星期一 【晴】

今朝呢..又遲左起身啦...起身洗完面都成7點37左右..個頭訓到扁左~不過都無乜點理佢就返學~唉~_~真係越黎越求其...返到學校要收功課...好快咁收晒~不過無交落去~因為Mok Sir九成叫我小息先交...今日Chem就又繼續講PastPaper...頭一堂都係講D溫左書都未必識o既野...唉~我未背過囉~有D地方唔知佢講乜~不過我好留心架~ccc~Lawton就勁啦~ccc Ar無理由唔知係Benzene Ring下嘛...哈哈~我都有份~Mok Sir又有問我問題啦~_~ Phenol-Methanal呀...依家實記得啦...難o既固然唔識啦..最大碌係~易o既都唔識...第二堂講D溫左書就識o既野~結果我都係要睇住本野先識囉...幾經波拆終於都捱過2堂Chem啦..Recess都係收埋D野~無乜特別~跟住打鐘我就交野落去~本來簡Sir堂~不過行到上黎見到有個Ms坐o係度..咁就真係太好啦~簡Sir無返~我就多左一堂自修堂~我地卦住吹水無理個Ms..不過佢就無啦啦同全班講再影響到人地就記DB喎~嘩...DB呀...呢樣野有幾耐無o係歷史上面出現過呀~??成N年前o既野啦~仲記DB~???然後都係繼續吹水~抄下Chem Notes咁...Maths堂都係一樣~開始自己做數...好似振宇話好耐無上過D咁有意義o既Stat堂~因為振宇話關Sir一講書佢就無心機聽架啦...成堂亞Jan就訓覺...~_~...哈哈~最得意都係關Sir會對我地自言自語有反應...我叫左句「嘩~今次慘啦」...佢會答「咩事幹」...哈哈~然後Lunch就同左肥倫食~無同教徒大江佢地食~唔係好多人~可能太遲通知啦~強都黎丫~跟住食完就走人返上去...見到成班人一排咁坐o係課室後面....然後唔知搞乜~_~ 哈哈...跟住我都加入埋...睇下邊個入黎就玩邊個~成班人一齊起身做同一個動作...亞扭見識過啦...哈哈~跟住講講下仲話等Ms Fan入黎我地做動作~做左好多核突動作...－＿－...佢地話由我開始先喎~跟住Ms Fan入黎本來應該由我帶頭~不過我都無做到...大佬~下次睇下邊個夠膽坐最外圍帶頭丫拿~唔係唔做呀~不過最怕佢班友甩底~如果得我一個做左動作~而佢地唔跟~咁咪大鑊...cccc 然後Reading就無野做~無啦啦大江話行出去特登睇睇到條題目~睇到有條係「何謂玄學」...我地就即刻諗下點寫...亂咁九Up...係咁作一打鐘佢就派啦...真係有呢條問題囉...同Clive合作...不過都係做唔晒~然後Ms Fan話生飛支...唔想講野~所以呢堂又變左Oral啦~第一日返學之嘛~大江就要表演啦...不過佢條友出到去唔肯講囉....係咁話唔識唔識唔識~Ms Fan叫佢介紹自己佢都唔講~發瘟丫...然後就到英文堂Lu...英文今日Oral...等到Ms Wong黎+排隊+慢慢行落去...所以時間過得好快~同上兩堂做o既野一樣...都係拎篇野黎睇然後講~我o個篇係講suicide bomber~有Raymond一組~炳煌成堂去左洗手間所以唔見左人囉~喨就係咁訓...ccc 然後返上去就聽師兄黃奉晏講中文Oral...講左好耐其實都係外表動作儀態問題...不過又真係幾好聽~仲叫人即刻出黎試下...Trunks, Clive,周天祐都中招...哈哈~無去同佢地溫Bio添@@唔好意思~cc 然後5點到就走得~D人散水散得勁快...Trunks話我地好屈佢出去囉~我就落左7A搵陳錦鴻一齊閃~行左落去交埋D野~見到Macro所以一齊走...返左屋企洗面~然後就出去自修室啦...去自修室之前去左食糖水~呵呵~~跟住呢~上到去就係咁抄Chem...我發覺自己笨了~_~ 唉~因為D人都走得7788...所以8點9到我同陳錦鴻都走...佢陪我食左D野咁啦~嘩~我好耐無試過食咁多菜嚕~跟住就返屋企啦..返到屋企變左打機~睇電視~再抄陣Chem...同Clive傾左陣...搵下何韻詩News...打字....無嚕~

今日學校好勁~D渠塞左...全校廣播話唔好用3-6校廁所...然後又話搞掂~跟住又話返我地知唔掂又塞左~唉~一舊野咁....哈哈~今日去到自修室前返左屋企~陳錦鴻話我~仲姿整過D女仔~_~" 然後有2個人都問去唔去海洋公園添~點算好呢....今日個中文Oral要報名先可以聽架咩~?陳錦鴻話好似Ms Au要....??我同Clive Lo既無參加比賽~又無報名黎聽Course喎~咁即係咩~?

今日要早D訓~好鬼眼訓....望埋下面...

何韻詩報道@_@ 今次亞詩嘔血呀~真係嘔血...

【明報專訊】何韻詩前晚帶病演出《Cash音樂成就大獎2003》，隨後便趕往與師父梅艷芳慶祝生日，並送上衫作禮物。何韻詩感冒未清，之前在錄音時還嘔出血絲，她自言是「嘔血詩」﹔之後搭的士回家即時衝入廁所嘔，幸好病情慢慢好轉。

自嘲「嘔血詩」
至於阿詩真的「財多身子弱」，表示因近日每晚都忙幵為新碟錄音，大前晚更錄到身體不適，返到家時狂嘔，嘔到有血絲，又沒時間看中醫，不過，阿詩雖然病到「五顏六色」，卻還自改花名叫成「嘔血詩」。

【星島】容祖兒前晚得到CASH的《最佳女歌手演繹獎》，事前她和好朋友何韻詩打賭自己不會勝出，所以現在得獎，便要輸1,000元給阿詩。雖然在這獎項上，阿詩也有被提名，不過最終輸給祖兒，她卻完全沒有不開心。近期阿詩因感冒，加上自己亂服中藥，所以近日錄音時，嘔至喉嚨破損兼有血絲。及後祖兒從記者口中得悉好友生病，也非常緊張地問候其情況。

【明報專訊】何韻詩早前被Neutrogena委任為深層潔膚系列及唇部滋養系列代言人，最近獲邀擔任主持10集《為妳打開美麗每一天》節目。拍攝時她以簡約造型襯托摩登家居，並以不同音域背誦對白，令現場氣氛變得輕鬆。今次製作費過千萬，共70集的護膚節目除何韻詩外，還有陳慧珊及宣萱。

>>October 14, 2003 at 12:58:02 AM GMT+8

2003 年 10 月 12 日 星期日 【晴】

今朝好好訓~訓到九點幾起身...起身之後...唔知做乜~_~ 好似係洗左個面~然後繼續去訓覺....跟住訓到一點幾先起身...起身之後就沖左個涼...就開始寫返D日記...真係好鬼多野寫~我記得我話要簡短D架~_~唉~然後寫完就做功課...做個中文用左好多時間...因為做做下就睇電視睇體育世界...足球小將...然後又彈下結他...跟住我家姐又問我Stat D野~好彩我有補習~佢依家學緊o既Probability我都識~搞搞下七點幾...佢地就去食飯~我就去繼續做功課~到7點半~就睇執法先鋒2...最後o個度好好睇架...方中信拎左支槍去射Eo2呀..哈哈~個場面又好睇喎~ccc 跟住就做煙花啦..今日日本同美國...香港比起黎真係收皮啦....哈哈~日本D煙花好靚呀~ 銀色o既真係好靚...我有D後悔無出去睇囉...美國o個D既大又高....我屋企睇到好多...仲有D主持發瘟...睇煙花你就睇煙花啦...邊度黎咁Q多四字成語呀...睇緊煙花仲可以o係咁多野爆出黎...哈哈~然後睇完又繼續做功課啦...做到我亞媽返黎我先做完...佢買左壽司我食...D魷魚切到勁大舊勁厚囉~_~然後又寫日記啦...Clivelo無啦啦話要做中文...話聽日交喎...我記得Ms Fan話星期二先交架嘛....俾佢講講下+我ICQ問人又無人知..我就想同海人+Lawton打俾Ms Fan問啦~不過都成12點~所以無問到...不過都記得真係星期二先交~之後就學下四字成語....沖涼...食左D野~又打字~唉~~~星期日係咁無聊架啦~唔記得寫~Tami叫我畫600囉~不過我都唔畫啦~我畫~只會浪費丫~_~

今日o既煙花真係好靚....我鐘意冬天o既...日本o既煙花無美國咁高....所以我要一半睇電視一半睇現場....但係就色彩繽紛得多啦....銀色o既...真係好靚丫....漆黑o既夜空+上閃耀o既煙花....如果有得同自己鐘意o既人去睇就好Lu~可惜我無....ccccc

>>October 13, 2003 at 2:35:45 AM GMT+8

2003 年 10 月 11 日 星期六 【晴】

訓唔夠4個鐘~就要起身返補習啦...今日早左少少起身~7點50就起左啦~唔駛咁趕~今日終於搭o岩車...本來又有架特別10號~不過無試~而好快就有架真正o既10號車啦~ccc 上到去發覺本來坐開個位有人坐緊~所以求期坐就算~Clive又係差唔多最遲先入黎...J.Lau話~聽佢講10分鐘就會知道點樣分上集囉~不過關Sir講到好難喎~又話最難o係分邊個Distribution~我期待J.Lau點樣教我分~~ccc然後走o既時候~我地2個又好似打左尖添~D人排晒隊咁等搭 車立..不過我同Clive o係中間就咁插左入去~不過都無理到...我地落左去CitySuper食野...今日又係唔知食乜~諗左一大輪~好啦...到我揀到啦..日式薄餅+炒麵~佢先同我講話~「我地未有喎」....發瘟丫~_~ 又要再揀過..揀揀下海少都到左..結果都係己揀番石頭飯...加一隻蛋要5蚊囉...凸~_~Clive就食左印度野...我地食住等人~亞扭到左~然後Lawton...食完野就一齊買左雪糕食~點解有豆腐味o既雪糕~_~"? 我叫左個Strawberry食~ccc

然後呢~就一齊搭車啦...求其搭左一架過海o既...初初食雪糕唔知點上車~不過最後照上...個司機都無理我地咁多...我地行左去上層坐...坐定左之後見到前面有個靚仔~我地就玩夾靚仔啦~ccc 鬼叫佢得自己一個人丫..唔知車上面佢有無D屋企人咁...哈哈~不過坐埋去都無人理我地~咁我地5個就圍住佢啦...見佢接緊野...Clive就拎張紙巾出黎跟住接~我地同個細路講野~佢又唔應~不過佢咁細個~應該係俾我地嚇親...成程車都無講過野~走同佢BYEBYE都唔理我地~我地落車亞Jan先話佢搭緊車入黎~所以我地就行住先...入到Poly打俾棍想睇下佢o係唔o係度~不過變左打去Marco度~然後打去佢屋企又打唔通~所以算數~我地就去搵左彼得,振宇同教徒先...行入去見到有人射波打籃球囉~呵呵~唔知有無人係特登入去射波然後走呢...仲有如果射波咁大個籠都射唔入就好笑Lu...仲有Live Band Show添~ccc 不過求其望左2眼就算Lu~去到個賽馬會o個度...見到佢3個....仲有朋友1號同2號囉...然後佢地話去聽酒店管理...所以就成班人入左去排隊啦~都好多人下...

然後Trunks就打黎啦...因為我身邊出現左好多唔知乜野o既目光..我地將個手提推黎推去~佢問我地o係邊~真係唔知點算~_~ 我有答佢架~~有Exit丫嘛~有選科心得話你知丫嘛~有架 車立囉~呵呵...然後搞搞下~最後佢收左線@@ 我地仲諗如果佢突然殺出會點...哈哈~然後Lawton去洗手間喎~佢一行去~我地就「嘩...打尖喎」..哈哈~跟住仲有海少個朋友..唔知叫「Cxx」...呵呵~ccc 呢條係伏線呢..然後入左去個Lecture Theater度...真係勁大勁靚~哈哈~好似個戲院咁~又有D人企o係度好似帶位咁~坐低左聽聽下都唔知佢講乜~聽聽下仲釣魚差D訓著左...因為真係好舒服囉...ccc 聽完本來仲坐o係度唔知話想聽乜~不過俾人趕走左~ccc

上到去~彼得振宇同教徒就走人...我地5個就繼續行~亂咁行~唔知行去邊度好~亞Jan打黎話佢o係食堂~叫我地去搵佢~cc不過佢話Trunks都o係度...有人露出反對o既表情...哈哈~正當我地唔知想去邊之際~就見到DE o個邊話有機打~Clive就叫去喎~咁就行囉~~見到有人跳緊社交舞~_~然後行行下見到李樂豐~原來已經係食堂門口...所以就拿拿臨行快2步...然後又行左去睇唔同o既Faculy...亂咁行~多到我都唔記得左行過乜...有計數機有Account有Engineering...唔記得Lu..只記得有個女仔係咁講佢o個科囉~問我地Form幾讀乜~我地亂咁答~答佢Form6Form4...讀文科....哈哈~佢仲問我地去唔去Lab Tour~_~我地話行個圈先返黎囉~睇睇下就上左去陳大X樓上面...亂咁行...行到見到有Nursing Lab...就無聊入左去睇囉~睇左個模擬病人Billy...識講野心跳脈搏手肺都會郁郁下...隻眼都會郁...佢又唔俾我揭起佢張被喎~呵呵~然後就去左睇BB沖涼~再去睇心肺復甦法~哈哈~原來要識咁多野架@@ 跟住就見無聊就走~入左去Microsoft o既唔知乜乜部~

入到去好多電腦...Clive拎D電腦黎上NBA.com~_~ 然後有條友黎問我地野~又問我地Form幾~我地又亂咁答...而且又問去唔去睇佢地個工場~我地見無聊~就落左去睇...換左個人黎帶我地落去~落到去D野其實都幾Practical~真係幾得意...然後睇完佢仲叫我地去聽Talk...o係半推半就o既情況下...就去左睇啦...都無所謂啦~反正都唔知睇乜~海人同Clive就走左去~_~我就跟條友行行下~帶隊o既就見到同系o既人~個條友一黎就話~鄧鏡波o既...原來係師兄~_~ 哈哈~佢又會記得我~cccc 個Talk應該佢知道無乜人聽...擺晒D野飲o係度...幾條友講野都好好笑...不過個Talk悶到嘔~好多人未聽完就走...仲有見到亞扭個FD...哈哈~出去到就落大雨~_~唉...我地要搵返佢2個...不過勁大雨~要兜黎兜去先去得返賽馬會...哈哈~然後搵返海人我地就走Lu...又係求其上左架車~去到銅鑼灣...

佢地話去食野~我無去就走左返屋企~因為要返屋企訓覺~等一陣補英文唔會釣魚...為左加快我訓覺~我就拎左支結他出黎彈~所以就真係好快訓覺...訓到6點幾~就起身洗面就出門口~去到喨就未到~等等下D人就越黎越多~ccc 有條友行埋黎...我見到佢個樣~諗起好似頭先海人個FD....然後我話咁似林瑋程個FD...佢先問我地係唔係識海人o既~_~ 原來真係佢...哈哈~跟住喨仲話我知邊個人似周天祐...如果個髮形差唔多...就真係幾似喎~哈哈~跟住臨走前要交野囉~唔識做~_~ 唉~實俾佢話啦~佢話如果英文E o既就留低~佢會幫下我地喎~咁我拎個D..所以就無留低~不過我想話佢知~我同E o個D無分別囉...去Counter問會唔會再開Sec C又話無資料~_~唉....真係慘...然後就走人返屋企...打機...食野...ICQ...到一點幾想休息下...不過一訓~就天光lu....@@

哈哈~可能就係我地呢D賤人~俾左咁多童年陰影D小朋友~咁先令到社會上有咁多好似我地呢D咁o既人~係惡性循環...哈哈~去左Poly咁耐~都唔知自己睇過乜囉~_~ 唉~都唔知點揀科啦....下星期我會問下地中海叔叔如果我Cert Level英文D o既~有無得幫下我囉~因為我真係覺得~我同D E o既無乜分別架~_~"

今日J.Lau語錄...ccc
「拿拿拿」
「知一樣野，問一樣野」
「知o既寫後面，問o既寫前面」

>>October 13, 2003 at 1:48:31 AM GMT+8

2003 年 10 月 10 日 星期五 【晴】

咦~今朝出門口見到好多人喎~行落街口咁o岩就見到祥...見佢一路行一路傾...行行下就見到亞So...佢話帶人去完陸運會會場~所以就行左呢一邊~同佢行到去大家樂...正當諗緊買唔買早餐食o既時候~就見到亞Jan買完走人...我見佢買左所以我又買埋一份...搭車立o既時候就度段估佢食乜..我好似估牛腸~上到去一開...我估錯左~原來佢叫o既係...「雞腸」~_~"...食食下唔知邊個話左Sir o係下面o個層...我地就話佢應該唔會上黎~所以無理...點知佢真係行左上黎...仲望埋入黎~不過佢又無理我地食早餐喎~唔知佢係唔係睇唔到...左Sir無入黎~不過Ms Wong就有~入黎交低幾份Sec A俾我...跟住隔左陣就上堂啦...

Maths堂都無乜特別野...教埋最後一個Distribution...關Sir話最難係點樣分邊個打邊個喎~跟住就PE堂....亞Jan話唔會俾人入波丫嘛~結果就係俾我搞掂左~ccc 唉~教徒同Samson都好勁~成日都俾到波上黎~不過我自己就衰~成日都亂咁黎...哈哈...Trunks都好勁~接Jan傳波o個下踩定轉身~仲有死人Jan D 頭鎚...今日仲有Raymond出左黎打龍~落堂換緊衫~又對住D落緊去o既靚仔嗌...仲有個夠膽死o係更衣室門口綁鞋帶...哈哈~不過叫親佢地都無過有反應~頂多都係望一下就好快走...ccc 然後就一齊行返上去~去問陳錦鴻拎返News Cut~買埋野飲就上去~差唔多小息完o既時候...有條友黎搵Raymond...我地班見到咁就好落力咁大叫...我都好落力架~ccc 然後Ms卓就即刻入黎媽叉啦....叫我地成班企起身...話我地識唔識乜野係尊師重道~我o個時飲野仲要俾佢話~哈哈~咁我上完PE堂口渴丫嘛~o個時我又唔知打左鐘未..大佬~我鬼知你o係出面咩~見到你我仲嗌~你當我傻架~?然後佢就話交俾Ms Fan...

不過Ms Fan又無鬧~問完大江LoHo做乜事~不過佢好似唔係好信~佢認為一定有大件事先會咁叫法~錯啦~我地係~無乜事都亂咁叫~由其係我自己~哈哈~不過佢就話我飲野囉~然後求其講左幾句就算...中文Oral..第一個出去受靶係Trunks~雖然佢做過~不過要再做~然後就亞喨~佢個Topic真係幾難下~「真小人與偽君子」...我地講講下變左偽小人~_~不過最勁都係亞輝~出去準備完入黎講~講都唔知有無10秒...只係話帶走自己條命就講完....無得頂亞...然後就15號...懶得聽佢講乜~跟住簡Sir未入黎之前就行左去Peter度~佢坐左o係Trunks個位度~o係度講返~頭先PE堂我右腳後揪變左撞左腳撞出界~_~" 佢話樹喜都笑喎....丫咧...Bio都唔記得做過乜~只係知道佢話要交錢47蚊...唔記得Lu...不過佢好似話47蚊呢個唔係Trip...只係出去玩~係秋季旅行o既繼集~呵呵~咁就真係太好啦~

Lunch食完野返上去~就見到周天祐俾人一次過貼左百佳飯o個D勁大張o既價錢紙o係背脊..亞So仲叫我地唔好嗌~然後我地就企左o係課室o既右下角吹水~Reading要班長落去拎野..我猜贏左...ccc 拎到上黎原來係最受歡迎o既雜誌...本來想亂填...不過要寫名...

然後就電腦堂...都係自學~無乜分別...Chem就慘啦...慘絕人寰慘不忍睹慘無人道慘慘慘慘慘慘慘....D Pastpaper難到有D唔知做乜...最後Chem堂仲要過晒鐘~本來我今日要幫Ms Wong睇測驗~結果反而要佢入黎拎返D測驗卷...然後Mok Sir仲繼續講...~_~" 講講下出埋Ether Extraction同Recrystallation..後者o既過程非常多...不過講完~佢話~你只需要識Recrystallion呢個字~_~ 唉~發瘟...跟住終於都落堂~我書都無乜執就去隔離班睇測驗啦...拎左個News Cut去做~仲有D測驗咁似我以前做過o既....@@

4:40分就走人~亞喨同Lawton竟然等埋我囉~呵呵~好感動架~哈哈~我估班人多數上完Chem會走晒架嘛~cccc 然後就一齊走...落到去喨話唔見左陵波麗...所以就同佢一齊返學校拎~原來係Chem D卡~_~" 我似為好似我D亞詩咁~係相添...然後就走人...返屋企...只係做左2個動作...訓覺..跟住起身打機....打到天昏地暗...2點幾先停~ICQ左陣...就訓啦...仲要起身補習架~

好耐無試過咁樣打機~覺得自己就咁就無左一日...我唔應該咁樣~_~"

>>October 12, 2003 at 3:13:56 PM GMT+8

2003 年 10 月 9 日 星期四 【晴】

今日想起身溫Bio不過又唔成功..個鐘響又繼續訓~訓到7:30我家姐叫我先識起身...如果佢唔叫我可能唔識醒...搞到好遲....行返去見到大江周天祐...打鐘又趕人走...早會有個Tongue Twist~英文急口令...Marco真係好勁喎~自願出去~我地班就無人敢出去啦~不過炳煌都唔弱丫...睇住D亞Sir一個二個無奈...成碌木咁企係度...呢個咁o既活動真係好啦~可以減少上Chem堂時間...
今日又做Pastpaper...發瘟....難到一舊野咁...講D 3D如果無個Model真係睇唔明...我左腦唔發達~係咁上下(基本上係成個腦都唔發達....)...然後講到Basicity~我已經遊緊魂唔明佢講乜...呢個時候Mok Sir又叫我答問題~_~ 我都唔知想點...結果佢又係話怕左你地啦咁樣+無時間...所以就佢自己畫返個Resonance....無溫書丫嘛~而且又唔記得Basicity...之後問返LoHo同Clive....
中文就講返個Listening...然後就discuss條Pastpaper...好快咁就過左一堂...不過下星期就要交條Pastpaper....600字最少喎~_~ 18分架...Ms Fan話個如果你俾個Proposal老細睇...佢同你講「試下做囉」...即係叫你唔好做喎....MsFan咁得意o既~仲話自己以前聽得多不過唔明人地真正意義喎...@@
Recess就同Clive落去買野飲...然後坐左埋去彼得附近...佢地對住我玩埋晒D「勇氣」...我初初以為佢地講用Cutter...原來只係用拳頭~_~等我以為Peter咁勇添...Eng堂做Listening~佢話呢年Pastpaper無音樂....跟住5分鐘睇o既時候我就吹口哨吹返隻歌出黎~有人跟住吹~唔知邊個...跟住Ms Wong就以為係我啦~_~" .....好彩~佢望住我時我無吹~仲有聲~咁佢先知唔係我~呵呵~然後就識做D唔識做D...可以都係因為唔夠訓~聽聽下又唔知佢講乜...然後落堂佢叫左我埋去同佢講野...佢叫我講野唔好咁大聲...哈哈...因為我今日幾下「混帳」都太大聲俾佢聽到...ccc 然後寫埋邊日做Oral就Lunch Lu.....
Lunch今日終於可以買到蛋撻啦~哈~哈~佢地無人食得我食~_~ 仲問我係唔係唔飽~我答大江口痕+想食之嘛~佢叫我下次口痕唔好買野食...R下佢就得喎....－＿－ 然後佢3條友落去打波...我就行返上去~拎張Bio出去戒毒所睇...然後就拎自己個筆袋黎玩~又幾好玩喎....CliveLo個賤人竟然用Mok Sir個Chiral Carbon架黎托notes....跟住又係電腦...自學呀...派左2張notes就做左成落...有個IT底真係幾好...Excel都係IT個時難D...2堂都係自己做野....不如~俾D File我~我自學算啦...~_~" 唉~~做做下我仲要Hang左個Excel...好彩有Save左先...然後打鐘就返上去做Bio...上到去問Clive佢先話無拎返未書囉~_~...上到去唔知乜事....有人塞條鎖匙俾我~原來亞So以為將條鎖匙掟左落去電腦櫃個窿度...佢地係咁諗點拎返條匙出黎...我地知道o既就睇住佢地+o係度笑~ccc 最後都係拎返條匙出黎...Quiz就一半抄一半做...然後做做下就多左2個變態o既掟鎖匙....搞搞下~抄下做下吹下水~Raymond就話收卷~所以都費事做算數走人...同教徒LawtonTrunks去左夾糖...跟住就返屋企...訓著...起身...打機...做功課...傾電話...沖涼....打字....

Chiral Carbon變左竹蜻蜓~變左可以亂咁飛o既武器..變左書托..好多用途~真係多謝Mok Sir啦~今日留言板好似變左戰場咁....打晒仗...唉~如果2個都真係明白~唔好再亂黎~就最好啦..仲有唔該陳錦鴻幫我Print體溫紀錄表...News Cut~今日又係無溫Chem啦~_~唉~~~真係救命....快D清返先得~日日都係想溫~日日都係無溫~我都唔知點解....亞妹又嬲亞培嚕@@~亞培玩得太癲啦~ccc 得閒要拎返D IT Notes出黎睇下先~ccc 咁樣可以易D明~反正我都係自學緊...無乜分別....最後係...我日記梗係寫返學野多啦...因為Form7係特別o既一年呀....

今日講最多係....「嘰嚕」@_@

>>October 10, 2003 at 3:13:51 AM GMT+8

2003 年 10 月 8 日 星期三 【晴】

今日朝早太趕~野食都無買就返學校...大江又無返~我要做晒點名寫板交紙.....簡Sir堂唔記得Lu...除左句「Life has its way」...俾我地變左第二樣野....Cis...哈哈~然後就Maths...有得睇水運o既時候影左o既相啦...關Sir真係好人啦~哈哈...然後一講到排列~上完J.Lau堂真係清好多~唔駛學關Sir咁...睇有幾多個Repeat先寫C幾多...突然有返D信心添~哈哈~Recess去交紙仔~同喨調轉黎交~我幫佢交電腦~佢幫我交紙仔~因為咁樣就見到Mok Sir...佢要通緝倉鼠交支票~_~"...因為咁樣就見到Ms Wong...因為見到Ms Wong星期五放學就要幫手睇住D師弟測驗~是但啦~我都無所謂~跟住就趕人走落週會...帶左張Bio落去溫...週會主題係Tourism Careers Talk...我淨係吹水+睇Bio...無聽過佢講乜~然後好禮讓咁等7A走左先~然後就行一條平時唔會行o既路返課室..後樓梯直剷上7樓經天台...跟住就Eng堂啦...點解我D Sec C咁差架...~_~" 好明顯係俾人地低分~不過睇返好多都係唔用腦亂做...哈哈~Lunch教徒俾隔離枱轟炸...食完飯就Pre下Lab咁...然後訓覺~不過俾人搞搞震~ccc Mok Sir又要我收野~無得訓~然後學已離去o既有型人士玩條領...反起佢~cccc 做個Lab先麻煩~_~ 一舊野咁...Mok Sir玩野~做Demo...叫我用隻手托住－＿－然後又耍我地~俾D K2Cr2O7...要自己Acidicify o既...發瘟丫~怪唔知大家係咁煲都無乜反應啦~然後大家都索到好多種唔同o既生果味...士多啤梨奇異果啤梨....為左製造混亂~我地枱係亂咁Up生果名o既^o^ 出到有火龍果山竹大樹菠蘿....然後Mok Sir又做Demo...蜜瓜奶o既顏色....不過好攻鼻...ccc 然後做LabReport...同Trunks講左~佢講野好多象聲詞...哈哈~跟住就走人返課室Lu....返到去Mok Sir話唔駛交住聽日交~所以大家就玩啦~Clive Lo訓覺~我身為佢同學~見佢訓~梗係唔可以俾佢凍親啦~~收集左大約1x條Lab Coat...笠住佢...佢自己都話好熱...哈哈~Mok Sir見到都唔理啦..cc 跟住就變左到周天祐....然後到海少...跟住見 支力 啦~大家都停啦~跟住就用7B專用電腦去Raymond度睇相~哈哈~好多都得意~我都有一張同PETER賣廣告o既~可以再去右邊Link度睇...然後仲衰~_~佢地上左D唔知乜野網o係度交流心得...LoHo同李樂豐都玩開H.....哈哈~然後發左陣瘟o係課室踢波+上關Sir趕客就走左落去302...做LabReport做到唔識做就去7A睇下佢地有無人識~結果去到變左同飛機吹水....哈哈~佢都話J.Lau好好笑~仲話PureMaths有唔同o既口訣添~~然後返過去做埋野...就走人返屋企...返到屋企變左打機~_~唉~~然後就訓著覺~無乜點溫過書....妖~雖然話可以discuss...不過都要溫架~_~

今日亞媽去左做手術嚕~所以今日屋企係無亞媽o既~cc 然後呢~聽日開始就要分開坐啦~上堂無得搞搞震添~_~唉~~仆街Fucker...睇死都係你啦...我要集中力....次次想溫書都變左訓覺打機發呆...點樣先可以集中少少....唉~~~~~~咦~好似真係過左10000啦喎@@ 咁好o既~~~呵呵呵~~有咁多同學睇~真係好啦~~呵~呵呵~扭文耀扭扭變埋扭計~_~"

今日梗係「Life has cis sray」啦(照拼音讀得架啦....)

>>October 9, 2003 at 1:08:04 AM GMT+8

2003 年 10 月 7 日 星期二 【晴】

今日朝早一樣~買早餐返學校食...入門口見到伯基~佢同亞BILL講緊野...費事俾佢問我拎去邊度食類似o既問題...就拿拿臨拎粉筆盒就閃...上到六樓又見到Fucker..又閃~咁o岩返到去放低個早餐~聽到有 車立 聲...即刻放個早餐落地..費事Fucker上黎...唔係Fucker...不過係樹根...呵呵~好彩丫~ccc 然後開左個Locker~就去食野~打鐘先記得要排隊~好快咁返去趕人走...CA堂除左對Answer之外~又係自學動作~不過D SQL真係唔記得晒...慘啦~_~佢話24分架...自學完就上Ethics...玩左個要合作o既遊戲...5人1組...每人1個FILE...FILE裡面有唔同o既圖形...要我地好似七巧板咁玩..目的係要全組人都砌到正方形...即係5個正方形...不過唔可以問人地拎圖形...只可以等人地俾...仲有~無得用任何o既溝通....Ms話呢個遊戲可以睇到好多野...我同Clive Lo,喨,Peter,Raymond一組...然後就開始...Ms Wong親自黎睇我地呢組...結果~我地係第一組完成~所需時間亦非常之短..過程中彼得好好笑~4個搞掂得佢1個唔得~ccc然後就去其他組搞事...ccc 最後亞輝o個組搞唔掂~時間關係就算數啦...Ms話我地除左笑係真係無任何溝通架~~哈哈~好想同Ms講~咁快又無任何溝通~都只係因為一個字=>「勁」....講完...然後就做埋個Test就Recess嚕~跟住就中文堂~仲係教緊形神氣韻...要透過形似去表達神韻~又話個形唔重要...然後講一堆招式名...六法喎~唉~總之依家中文堂就一舊野咁啦~Chem就做Demo...哈哈~周天祐~2Y3YX...我都記得丫...ccc 搞左半堂先開始上堂~再搞下D班務咁....就已經落堂~真係好啦~~ccc 食完飯就Bio堂...呢堂好野...成班擺明訓覺~亞Sir都話大家頂唔順~唔講啦...哈哈~我都眼訓...唔知佢講乜...跟住就英文堂...做Sec E喎~做囉~做到打鐘繼續做~多得喨份Marking~簡直就係漆黑中o既一點光明...哈哈...繼續收完數...應該有個蛋散無交...唔理嚕~~然後就返屋企等陳錦鴻...因為Ms Au要作文~返到去就訓左一粒鐘~起身再踢2場波...就出去嚕~去到自修室見到陳家和~然後就做野...發現自己乜都無帶...妖...份Lab唔見左...電腦書又無帶~_~....見Tami又問數~所以就坐埋一邊自己抄Chem背Chem...做到收工就走人~我同陳錦鴻就去左點心王...睇埋電視先走~返到屋企就打機~同Clive Lo傾下電話~問佢答案~然後就又打機...沖涼...打字...訓覺......唉~發瘟~傷風添~頂～～～

今日LOHO叫我睇o既報紙的確好勁...印D100萬o既錢出黎...哈~又未溫Bio啦~一返到屋企就唔知做緊乜~去完自修室返到屋企唔訓覺已經好勁架啦~_~" 終於都Login左Jupas啦~我驚自己打錯Password/唔見左個Application Number架...今日收到飲管星星啦...呵呵~多謝晒~~無Pre-Lab~聽日返去搞掂佢先....嗯~亞媽聽日入醫院做手術嚕@@ 最後係呢~海少生日快樂喎~

今日多左個新Term...Lunch同許文耀講「扭」...扭扭下....彼得竟然話~扭文耀...哈哈...以後就咁叫啦...

我發現~自己坐開做野~的確係唔同D..人會專心D..唔食飯會更好...至少無得食完眼訓先....下次可以o既我都會一樣.....

>>October 8, 2003 at 2:55:57 AM GMT+8

2003 年 10 月 6 日 星期一 【晴】

今日如常...朝早起身好眼訓...早餐今日買返去同Clive一齊食...好悠閒因為做晒功課~而且功課都無收就去左食早餐...梗係啦~D人好多都未做好...依家有個7樓真係好~可以去食早餐又唔駛擔心有人上黎收早餐...你話丫..邊有學校收人早餐架~_~"食完先收功課...慢慢黎....本來想唔寫亞輝同Trunks個名o係中文度..不過呢..交到落去呢...Ms Fan就問起啦..講左陣佢都話唔得~唔可以徇私柱法~_~" 咁所以就唯有寫返佢個名囉...然後交左張功課紙~先記得未簽名...不過都唔理佢啦...上Stat堂...補左習有返D信心..不過都係好悶...教Geometric Distribution...有D似中5 o個D GP...然後就中文~中文講意境~_~唔知講緊乜~都係自己傾計..Recess Peter話Mok Sir叫收支票~有幾多人無帶下..結果就一舊舊...好趕~英文就到Ms Wong發瘟...今日用中文黎鬧我地....痴線~_~ 條友乜都唔教...我夠知要做多D囉...你話份Sec E年年同一個樣~我就日日同你做啦...都無教過你份野點做~我夠知係寫一句General Common,再介紹下囉~咁即係咩呀...平時Sec A又係咁~用個PowerPoint黎對Answer...差有用呀????咁不如你派Answer俾我自己對算啦...有乜分別??算數....連續3堂o既Bio堂頭一堂講書...講Circulation...講講下唔知講乜野做運動時會唔會急屎~_~" 又會唔會扯旗...哈哈....Lunch堂到去咁o岩見到Mok Sir..佢話D支票唔聽日交都唔得啦...然後去左大家樂~5個人1張枱~幾好玩丫~ccc 然後Reading李汝富走入黎收張紙喎~不過Mok sir好似話交俾佢先~_~然後畫畫堂就畫Nerve..簡Sir兩三下就畫左出黎~我求其跟住佢+自己亂咁黎就畫好...然後就用左半畫溫Chem...放學就去同棋魔慶祝~ccc 乾坤點穴大法呀~ccc 然後都係放佢走~得返我同Clive Lo...我地坐到5:00到啦...Ms Lee又唔放陳錦鴻~打俾佢又無人聽~唯有返屋企先...然後佢終於都打返黎~叫佢上左我度先~然後我打埋鋪機~就出去買蛋糕啦..話要朱古力架喎~朱古力囉~揀左陣就買左個白色朱古力o既蛋糕~然後就行去搵亞培...行行去左大良八記食糖水...哈哈..然後就同亞培上中記放低舊野...就上自修室~上到去都係睇下Cosmo Girl....發呆...然後唔夠一陣就食飯Lu...落到去就唔見左Tami...跟住佢地都唔等~食住先~嗯...餐飯D氣氛有段時間唔係咁好...咁唯有我出聲啦~ccc 本來我都係帶本書落去溫...食完飯返上去就睡魔急Call....半訓狀態溫Chem...9:50先識醒~亞培亞妹都走人...跟住我就同陳錦鴻Tami走人算嚕~返到屋企仲衰...上左床「休息」...一休息起身就2點啦~_~ 我真係想休息唔係訓架...不過無辦法...所以Chem就等死o既....

係唔係都應該講多次~人仁生日快樂,棋魔生日快樂~聽日到海少嚕~~我又要出動啦~哈哈~今日好多人都o係度講無間道2...因為上次成班一齊睇過丫嘛~哈哈...見亞Jan無乜野~就好啦~下次唔好咁唔小心唔見左銀包啦~_~唉~~~D身份證唔見左好大碌丫嘛~最後係～多謝Tami條手繩...哈哈~呢個生日都算多野收Lu~~因為一份頂晒~~

要將日記寫得唔好咁Detail先得~_~
仲有...陳錦鴻做乜鬼野抄晒D四字詞語呀－＿－發瘟....
今日金句＝＞亞爸成日話：「出得黎行，就預左要還．．．．」

>>October 7, 2003 at 3:42:28 AM GMT+8

2003 年 10 月 5 日 星期日 【晴】

星期日係唔會有乜野日記可言....朝早起身12點幾就沖涼....沖完涼就起身整野食~一次過蒸晒18隻小籠包...然後就睇電視辣椒教室...食完野睇完電視都係打Winning..打到4點幾就去左睇書...睇睇下唔知點解又變左彈結他...然後都成6點幾...又變返去睇電視~睇星光伴彩虹~上集有蔡少芬~今集有張堅庭....然後繼續睇~睇個套執法群英~又幾好睇喎~D Cast唔差~有呂頌賢林家揀好多好多~哈哈~下星期我會繼續睇~佢話真人真事改編~有無咁狼去醫院劫人呀...然後繼續睇電視...打俾陳錦鴻睇煙花...D煙花真係超大聲~_~ 好嘈....今個星期係香港意大利~下星期好似係英國日本...哈哈~想出去睇添~然後呢~訓著覺...然後亞媽嘈醒我....然後有飯食....然後同Clive Lo做功課..然後睇VCD...然後.......

無啦~星期日係咁上下~係屋企有乜野做丫...都係睇下電視打下機彈下結他咁~我想學返結他架~_~不過知道無乜時間~而且棍要返學唔得閒~陳家和每日都差唔多要補習~我自己一個人學會好悶架~_~ 唉~~但如果有得學~我會去學架~反正我D時間都係發呆多~cccc 聽日會試下買野返學校食~出戒毒所食應該無事~搏下先~ 陳錦鴻今日仲send左個日文版o既日記俾我睇~_~佢將我個日記變晒日記...哈哈~好好笑~cccc

唔知聽日係唔係要測Bio呢~_~係就大鑊Lu.....

>>October 6, 2003 at 3:04:12 AM GMT+8

2003 年 10 月 4 日 星期六 【晴】

四點幾訓覺...然後8:00鐘又起身啦~今次唔駛咁趕...因為無起身沖涼~淨係刷牙洗面換衫就夠~搭3到就打俾Clive~然後搭半我就出門口啦...又係落去搭巴士~_~唉....今次見唔到10號啦...不過見到5號A...我唔知道去唔去到...又試下搭...發瘟~入晒跑馬地~行到我死~本來以為可以早D去揀位~點Q知D時間用晒黎行...唉~~下次除左10號/56號~其他都唔搭~費事又要行...因為時間仲夠...所以好彩唔係太熱~上到去就交錢...然後就入去~都係無乜2個連埋o既位~坐返上次個位就算數~今日又係好好笑~哈哈~J.Lau真係好得意~Clive勁啦~Notes又唔帶~乜都無~去齋坐....然後補完習就返屋企啦...返到去除左我家姐都未有人起身~然後我就寫日記~約左亞媽去食飯...然後寫完日記就訓著左...其間我亞媽係咁打黎..因為夠鐘我都唔起身...打左幾次~我終於都起身~落去Times Square搵佢...又係搭10號~_~唉~去到行左陣~就去食野~我亞媽同家姐係咁問我食乜野~_~我又無所謂喎...結果去左間叫做謙記o既野~有波睇~Arsenal Vs Liverpool...死人Clive Lo咁得戚~哈哈~俾Arsenal贏返~然後食完野就去左食雪糕~無Strawberry~叫左個唔係乜乜雪芭...怪怪地~_~" 食完就走人返屋企...又係發呆....寫日記...然後就訓著左.....

買左Hocc Neutrogena o既洗面膏啦~哈哈~不過有人話~我唔用得住~等埋佢先用...如果唔係就咒我爛面－＿－Short o既....補習真係越黎越好玩呀~唔知有無Stat人想一齊補呢??亞Sir仲講到Stat好勁...拎支A...好容易入First Choice....唔係First Choice都係Second Choice喎~唔係BandA喎~係First Choice喎~ccc~有無咁勁呀...不過拎到A先算啦....

今日精選語錄.....上J.Lau堂先知做緊乜..好好笑^_____^ 最勁係~凌空計o個句...
「你無可能唔知～你一定知！」
「千祈要出呢D...一定識計」
「無得錯～呢D下集一定無得錯！」
「一個圓圈一個交叉 C 2 1...」
「如果用Easy黎形容下集～上集就可以話係Very Easy！」
「你有無病～你有病～佢話你有病...你無病～佢話你有病～Misclass～」
「相同樹支乘埋佢，唔同樹支加起佢」
「無得凌空計，一計計到尾」
「或～～～～～者係．．．或～～～～～～者係．．．」

>>October 5, 2003 at 4:52:21 PM GMT+8