2004 年 7 月 17 日 星期六 【晴】

今日返到公司~都無乜人...星期六~有D同事係短週~可惜我係Temp...星期六係唔係都要返...又落雨喎...

因為Sogo勁多牌子做Summer Sales...所以Marketing要寄D通知俾D VIP...要寄4000張...我返到去Merge完DDatal+Print Label...就開始貼啦...不停咁貼...呢個動作俾我想像中難+Time Consuming...平均1分鐘先貼得10個....Sarah話...今次原來係Trial...第一次試寄咁多喎~唉~_~ 即係我係白老鼠個FD...4000個VIP...我今日豁出去+自己留多一個鐘...無OT$ o既...都係貼得1200個左右...貼到我隻手條筋都有D痛...

Sarah 1點已經叫我算數~話星期一從長計議喎~不過佢地話係星期一下晝寄...如果我今日唔留o係度貼...星期一實跳樓都唔得掂...不過星期一應該會有人幫手~如果唔係佢實趕唔切....

2點鐘~貼完Tittot...就散水...去打機....搞到無食野~由朝早食左個早餐之後~到5點到先食野...真係餓死~

想放棄Showhappy啦....遲D可能真係唔用...

>>July 18, 2004 at 3:18:39 AM GMT+8

2004 年 7 月 9 日 星期五 【晴】

7月9號...全港中七緊張o既一日...今日請左假~前一晚約左8點鐘大家樂...去到都無乜人~得我同Jan食早餐~慢慢食返個皮蛋瘦肉粥~D人都叫我食快D...哈
上到去已經好多人坐晒o係度...時間o岩o岩好~Mok Sir o岩o岩講野~然後就派D垃圾...再派下D畢業證書咁...盧得榮真係無畢業證書~cccc ^__^ 跟住最緊張o既一刻都黎啦...派Result啦...到我~簽完名就睇下...我覺得都算係咁啦...奇怪o既係~我中文Listening U左....鬼叫今年Listening唔駛寫中文字咩..我又無乜運氣~4揀1都揀到個U返黎....跟住就仲出奇...我連中文Oral都U....~_~...考中文Oral o個日~Ms Fan話~預我有B...我話我今日講得唔好~佢話我點都會合格...點解會U呢...我仲雞過盧得榮個F...~_~....文化同作文都E....唉~2E2U...好在諗住最唔掂o既閱解B...拉返我返黎...英文Oral史無前列公開試合格...哈哈~值得慶祝~多得o個2個高手幫我~如果唔係實食蕉啦...夾埋英文有D...o係英語天地補左$7xxx都值得o既~~不過一句講晒都要睇下好唔好彩~
跟住D人又Check卷~等左陣~就去左打機~然後Lawton就上左我屋企~佢上黎咁耐~我訓左3/4時間...跟住先同佢出去食Tea...然後我又去打機~跟住就返屋企Lu...第2日又要返工~

飛機考得唔係咁好~仲有D好朋友都唔係咁順利~希望佢地無野啦~

我總覺~我每次都俳徊在邊緣....不過一切都順利...多半是有賴上天眷顧...

>>July 18, 2004 at 3:17:36 AM GMT+8

2004 年 7 月 8 日 星期四 【晴】

我又懶~所以日記又好耐無寫~依家又寫下先...我越寫越少日記添...

呢日係Grad Din o既一日...我朝早如常咁返工...公司o既同事都有問我~有無信心呀...緊唔緊張呀咁...俾人問多幾次...都好似壓力大左...亞Lui話佢都Repeat過中5...Sarah講...睇我一身古銅身o既皮膚...估我應該都無問題...乜有關係架咩－＿－....

唔知點解~近排食完Lunch之後...返到去都會勁眼訓...有釣魚情況出現~做Excel真係好悶...做影印,Scanning,Bindingo個D反而幾好...今日試過對單...D Sales為左10零蚊~就拆開D單厄$~第一次見呢...

放工6點2到就閃...去到中環站搵左陣先知佢地o係邊...跟住搵埋偉哥同亞輝振宇Raymond~就一齊去酒樓...上到去乜都唔理即打牌...D Ms亞Sir隔左陣就到...Ms Fan仲落場同我地打左2鋪~_~...佢真搞笑...跟住見時間都差唔多~就牌都唔打...搵位坐定先....

D野食一般啦...我唔覺得有邊道菜特別好食...我地呢邊有4個ms/sir...另一圍太多勁人啦...差D悶死左Ms Fan~唔知邊個同我講話~Ms Fan無乜野講~杜Sir就更加啦...佢中6,7淨係教過啦啦花同Trunks...同一圍杜Sir頂多識埋亞Jan...應該無啦...唔悶到痴線就有鬼啦...

跟住就打左陣機...唔知做乜去左CEO...彼得o個D早走...我就跟住早走返屋企...然後盧得榮仲要人打俾佢lor....

整體上~我唔鐘意去中環Grad Din lor~之後又無野做...Quality又一般....仲要盧得榮唔黎...建議中環o個個lor...唉

>>July 10, 2004 at 1:33:28 AM GMT+8

2004 年 6 月 30 日 星期三 【晴】

見其他人都有Update日記~我都寫下先...反正都有差唔多一星期未寫過~的確比以前懶左~上個暑期我差唔多寫足咁滯~

返工唔算辛苦~一時無野做~一時就好多野做~學下點樣用影印機~唉~上次有人俾左7-8份Linesheet我...即係o個D類似Catalogue....叫我貼晒Label...依家叫我影10份+整走返晒D Label...－＿－....佢公司得一部彩色~有4-5份都係要影彩色o既~如果我咁影法...實俾人打~哈

夜晚就同人仁一班人食飯...大江同William都有出現...多左2個新面孔....氣氛一般啦...我只覺得好Q熱...跟住就去左強度雀局....跟住原來係無波睇~我本來想留o係強度架...跟住就同大江買宵夜~我就單刀赴會去盧得榮睇波...5點鐘就散...返去訓覺~荷蘭佬...踢到好似對德國o個場咁~唉~

有D野都係高慧然o岩~「可是當事人樂在其中，甚至靠那樣的感情滋養身心，幾時輪到外人評說？」

想買D聽歌o既儀器...~_~ 即係MP3機或者MD機...不過都係唔知邊樣好~大江叫我都買20GB...我覺得...我5GB都未必用得晒...
竟然會改左去中環Grad Din...如果D野唔好食~我就實插建議o個個....
多謝亞彼得份手信...哈哈
返學都唔覺得咩~返工就覺得假期好重要~

>>July 1, 2004 at 7:42:49 PM GMT+8

2004 年 6 月 24 日 星期四 【晴】

呢幾日返工...都開始漸入佳境....咁當然未可以做野做到好Smooth啦...但係工作量開始多左~比起我第一,二日多左3-4樣~不過其實都好~我都學到野~學下點樣玩影印機~同事都好照顧我o既~

我暫時發現...公司有2堆人係傻傻地~_~...Scanner一帶D人...仲有我個位o既右手邊~D人都好得意~得閒聽佢地講野我都會笑...

今日就慘D...俾D封箱膠紙玩死...要寄野去上海~我要幫手封箱...D膠紙成日自動黏住...搞到我要係咁搵邊度係開始個位...如是者...就搞到我好熱...之後Carmen叫我粗暴D Wor....Lui仲好笑...D Marketing問卷Comment...見唔知寫乜就改左佢...幾好人o既~教左我用影印機~~

我都幾鐘意返呢份工~D人傻下傻下好搞笑...不過做起野都會認真o既~希望做多一個禮拜會更加好啦

>>June 25, 2004 at 12:21:12 AM GMT+8

2004 年 6 月 20 日 星期日 【晴】

有好多日都無寫日記~差唔多足足有3個星期...原來已經收到E-mail話唔寫就DEL...不過多得陳錦鴻幫手~先可以保住個A/C...如果唔係~我1年o既日記就要講再見啦
有好多野想寫~呢2星期有太多野~我只好簡單寫一下~不過雖然簡略寫~不過我估都會幾多下....

呢3星期無上網~無開ICQ~無寫日記~都通通因為個Mon壞左~o個晚寫完日記~正想Post o既時候~個Mon就無畫面啦...結果就唯有叫人拎去整...唔知壞左乜~$100 Delivery + $200 Repair Charges....依家終於可以用返啦...

呢3星期內...我為左見工呢...都有將個頭染返黑...我家姐就亂黎...見屋企無黑色...就用深啡幫我染....結果根本無分別...之後隔左幾日先買返支黑彩染...第一次變到有D灰色...洗多幾次頭又開甩色...結果要o係20號晚再染一次...今次就真係黑晒啦...無咁邪惡啦...

見工方面呢...Interview我o個個人...同我家姐講...如果我出去Interview見工...九成唔會請...佢叫我用英文介紹下自己...我講得3句咁大把...跟住其他野都係好似傾計咁...如果唔係識人...我諗我都無Office返...或者要o係柯達捱緊$25/hr 朝9晚10 o既工...第一次真係見工..的確係好有難度...柯達o個D根本就唔算見工...心理質素好緊要...

未返工之前~差唔多每日都係打機...出街/o係屋企打機...我放太多時間o係FFX-2度啦...點知...依家完成度99%...仲係差1%...我唔係好想玩第3週啦...不過我又唔係太甘心...我夾埋都玩左170-180hrs啦...咁樣都無特別爆機...好無癮...打機令我連結他都好耐無玩...本來想睇書...不過又掛住打機...係時候放低下啦...快D借俾人仲好...好想放返D時間o係第2度...

曬太陽...依家都只係曬得幾次...未到我想像中咁黑...我想仲黑D架..不過次次去到都無太陽...多數都係得Jan同我曬...其他人都唔鐘意去o既...Lawton要返工又無得去~依家加埋我都要返工...更加無得去啦...星期日又未必一定好天~就算好天都超多人啦...

雖然已經無返學~但依然有Keep住同D同學出黎玩下...睇波食飯打機...大江返黎之後都有出黎食飯...o個晚打邊爐好好笑...睇捷克對荷蘭...好辛苦...因為朝早返完工...勁眼訓...不過幾好睇~

最後就記下返工...依家呢份工係返Office...朝9晚6....$5000 1個月...o係ImagineX公司做...我就可以話係打雜...Under幾個部門...有BCBG, Marc By Marc Jacobs, Guess, Gap...D野又唔算太難做...而且都學到野~我發現....Marc Jacobs賣o個D手袋...無一個港幣賣低過$1000....而且做過印Label...要印衫上面~教洗衫o個D Label...影左成1000個...分地區都分到我傻...學Scanning,釘裝,然後最辛苦都係對資料...好多數~睇到眼花...Lunch好數有我家姐同我食~如果唔係得我一個就慘~佢同我都係同一間公司~不過佢係人事部...我o個位附近全部都係女性...至少要隔4-5個位先有一個男...D同事都幾好人...有時我得閒到無野做坐o係度..都有主動幫佢地做野..多數都係幫Amemda－Marc Jacobs做野~好少幫Lui－BCBG做野...唔算太辛苦o既~不過就攰啦....

彼得佢地23號就去日本啦~依家我搵到工做~不過太遲lu~都係疊埋心水返工啦~又學到野~又有$賺~又可以學習相處~

不過依然有D隱憂...AL唔知考成點~我都覺得要考多次...不過希望唔好啦..

>>June 22, 2004 at 3:34:52 AM GMT+8

2004 年 6 月 3 日 星期四 【晴】

呢日起身就去剪頭髮...約左2點鐘...預鬆D時間~所以早左到...個髮型師JOEY幾好人~同我o岩傾~佢都有去曬太陽~一樣鐘意玩Winning...所以都好多野講~仲有Game Wave俾我睇添~最出奇係佢突然話送個Color俾我~我答佢無所謂...結果佢就同我染左隻「834」...佢話係Brown...有D銅o既顏色...所以依家D頭髮...有一執係銅色...Joey話我曬太陽先染呢隻色喎~我都無乜所謂~
然後上樓上打左陣機...就返屋企...跟住又約陳家和出返黎~叫埋陳錦鴻一齊去左強屋企睇波...跟住就打牌...到12:30我都未食飯~覺得好肚餓~就落街食野~食左串燒,鴨腎,車仔麵,雪糕...結果就無返屋企~上去再打過...然後隔左陣就訓覺...成晚都訓唔到~因為得條毛巾當被...太凍我就較細冷氣...跟住訓著一陣又覺太熱又開大返個冷氣...第二朝佢地話個冷氣唔知點解時凍時熱....嘿
走前強唔見左副眼鏡~_~ 落到灣仔~同陳錦鴻打多陣GGX~就返屋企Lu...

我亞媽話似金色喎...有時都覺得怪怪地~我都係第一次做Color~亞媽話唔係怪~只係唔係咁好睇...太大執Wor...
我覺得可能會嚇親D同學...佢地可能會笑...－＿－ 好邪惡...

>>June 22, 2004 at 1:41:20 AM GMT+8

2004 年 5 月 31 日 星期一 【晴】

今日...起身12點~見天氣唔錯~藍天白雲陽光普照...就打俾Jan決定去沙灘...前一晚已經約好~只差天公造美...結果今日太陽幾好~費事Side時間...就直接買野上Van仔食...去淺水灣
去到D人都幾多...我地求其揀位放低D野...不過真係求其得滯...揀左D屎忽位...放低晒D野先覺凹凹凸凸...食埋個包就開始曬太陽...結果就2點到晒到5點半就走...中間仲見到亞斌...都好耐無見~我仲記得佢教過我射波架~哈
出到去都6點半...亞Jan懶到唔去練波~我就去打機~之後彼得都黎~不過太多人玩GGX Lu...所以無得玩...跟住返屋企睇電視囉

Lawton話我又唔早D講~我之前一日都未定丫嘛~起身見太陽好先去~咁所以呢~聽日再去過...一連曬2日~聽日用黑鬼油去曬下先...一舊炭...哈...我家姐今日都有去曬~不過佢曬完就發燒喎...

好想剪頭髮~好厚~又長~唉
近排好似好興Super Cancel...

>>June 1, 2004 at 3:32:13 AM GMT+8

2004 年 5 月 29 日 星期六 【晴】

呢日俾人叫左出黎食飯o既~彼得同Clive 2個o係出黎同唔出之間~最後都係出~去左機鋪打陣機先...出街見到成街都係一隻隻野o係度飛黎飛去...真係好麻煩~_~

本來話去食切腩河...不過我地去到都收左鋪...咁唯有諗有咩其他野食...結果o係灣仔道行下行下...入左哈迪斯隨離間餐廳...D設計好似唔錯...不過D野食就真係差左少少...杯奶茶都唔係好掂...連電視機都唔係好清...

好又一餐唔好又一餐....食完又去打機...打完機本來想走...不過又入去玩過~_~ 彼得=>3蚊拳王...跟住佢地仲話食糖水...傻啦~_~ 我返屋企~然後就一齊睇左娛樂之王..仲傾電話傾到3點30.....

>>June 1, 2004 at 3:29:59 AM GMT+8

2004 年 5 月 24 日 星期一 【晴】

聽日寫...

>>May 30, 2004 at 4:45:18 AM GMT+8