2004 年 2 月 18 日 星期三 【晴】

星期三,呢一日無返學...起身之後都係做Ethics功課~大約3點幾就同亞媽出去睇醫生....今次本來想去灣仔道o既王偉忠....不過原來佢逢一三五下晝就休息...咁無可奈何o既時況下....就搭車去返St.Paul再睇....
今次個陳德仁又o係度...護士問要睇邊個...打死都唔揀呢個陳醫生...本來有個姓薛o既...幾出名下...不過佢要4點半先到...我去到o個時先至3點8....所以就揀左個當緊席姓Wong o既睇.....
探熱呢.....華氏99度...緊緊叫做無發燒....不過其實都差唔多架啦...我都知自己身體比一般正常人體溫高....等左陣....入去見醫生...醫生問完我有乜病...之後就話我發燒斷斷續續咁....有D問題...最大碌係叫我留院俾佢觀察下...我打死都唔制...佢就叫我去照X光照下個肺...
咁結果呢~我就去隔離o個度俾$140照左張X光....然後又俾返醫生睇....又幾快喎~真係好似地鐵站咁~即影即有....然後醫生話....個肺無乜事...不過就氣管發炎....然後佢就話...持續發燒10日以上都唔散係好有問題...可以係Cancer,腎有事,或者肝有事....咁我都知佢兇我o者...應該無咁嚴重o既(我估...)..因為佢唔能夠排除呢個可能性丫嘛....佢同我講...如果食埋呢3日藥都唔好...就叫我返去留院...佢幫我驗下血...睇下有乜事....
之後我就去等拎藥...今次要食抗生素....拎完藥就返屋企Lu....

呢個黃偉明醫生....點都好過上次個陳德仁.....姓陳o既睇得勁求其....今次呢個Pro好多.....至少俾我感覺到~佢對病人有D關懷.....
嗯...我都知應該係自己唔太注重身體...晚晚又夜訓....搞搞下終於搞出個病....不過其實我都想早D訓....不過就係因為AL.....太多野做....或者係我時間分配唔好....所以成日都覺得D時間唔夠用.....
唉~仲有依家咁o既時期....大佬~點留院呀....一留院就真係乜都唔駛做啦....AL都可以等下年再考....
講到底...都係仆街A Level.......算數

>>February 20, 2004 at 1:51:28 AM GMT+8

2004 年 2 月 17 日 星期二 【晴】

今朝無乜胃口...野都無食就返左學校....上Chem堂~叫做自己溫書...問左D關於書o既問題...然後咁就一堂啦...Ms Fan堂讀作文~今次到裘...不過Ms Fan話好處亦同時係壞處...用太多四字詞...濫用~!哈哈~跟住就講要考Oral啦...
Bio同Stat都係咁...我上Stat堂都差唔多成堂o係度訓...訓到之後又頭痛....好彩亞Jan有頭痛藥...Lunch D人就唔知點解分開左2班人...食完麵買杯芒果汁...耐到痴線....係咁等....Ms Au考Oral真係幾快...由尾考上黎...29號開始一堂已經考到11號...星期四再考...即係星期四無得唔返...
英文作文...我極少有咁可以o係佢話交o既時候完成...都算係咁啦...亞輝勁快做完...o係度玩文曲星...養寵物...叫做楊國恆...同亞郭講多左陣Stat...就返屋企訓覺...每次都係一訓覺就勁多電話....次次都有盧得榮....補完習就同陳家和食野...跟住返屋企又即刻訓著....

亞輝近幾日係完全Activated....係咁痴線...ccc
丫....塊面舊骨好痛...又唔知做乜野...可能咳得太多....
聽日唔返學Lu...或者再去睇醫生....不過我叫左方知行聽日練Oral...同埋帶Notes俾亞郭睇添...噢...

>>February 18, 2004 at 4:24:16 AM GMT+8

2004 年 2 月 14 日 星期六 【晴】

今日雖然都仲係病病地~不過都出左去補習...補完習就同Ronald去左打機...可能病到ShortShort地....連打KOF未打到大佬已經死左~_~...跟住返屋企唔知做過乜...好似係同隻狗玩...然後2點幾又出去...
去搵左獅子先....同佢食野...然後就去Game&Fun買IC Card同膠套...跟住就行去第2期....亞輝都有到....之後等埋盧得榮就一齊落去第二期度打機...玩WCCF....因為太多PK坐o係度唔玩...我地只係跟到一部機...但未有得玩~就同肥成去玩KOF...
跟住玩完WCCF...就同佢2個食野...又係唔知食乜野...結果就去左天后...因為喉嚨痛...唔食得泰國野...之後都係食左上海野...亞輝叫左3條春卷...多到痴線~_~ 食唔落~我食得好少野~因為都無乜胃口....食完野就散...亞輝陪我搭車囉~cccc
返到屋企好頭痛...訓到1點幾先起身

情人節我都估唔到~會同亞輝過~哈哈~亞輝話佢自己係深閨人...睇落又幾似喎~今次都叫做第一次真正同亞輝食飯啦~上次打邊爐佢都唔食野o既~_~ 不過今次反而係我唔食野...

真係好少可會同亞輝一齊食飯~ccc

>>February 16, 2004 at 12:55:14 AM GMT+8

2004 年 2 月 13 日 星期五 【晴】

今日起身刷牙洗面....之後都係睇下幾多度先...發現都係低左...不過都唔返學啦...留o係屋企啦....結果繼續訓覺...
不過我D體溫仲o係度不停波動....12點返學前...換晒衫再Check下...又去返101.x....唉~發瘟....所以我Send SMS俾喨話唔返....然後又訓覺啦...
總括黎講....係隻眼勁澀....口唇又乾....身體又有D忽冷忽熱....我諗多數係燒到我身體裡面D水都無晒...食野又無胃口....呢晚都係求其食D野就算啦....
唉~搞掂第一份K Kwok....仲有大把黎緊.....
算啦~唔寫啦....希望自己病快D好番...繼續溫書啦...病就勁大碌啦...會無左好多時間....
AL完一定要玩到痴線~ccc

>>February 14, 2004 at 2:07:43 AM GMT+8

2004 年 2 月 12 日 星期四 【晴】

今日已經無返上晝....留o係屋企...Lunch同成班人食完飯就返學校...到左Chem Check Out...我叫伍Sir幫我Check下體溫...點知就真係又黎料...Check到我又發燒...唉~然後就落左IS Lab再Check...今次用探口o既方法...有37.4....比正常高左0.2度...跟住廖Sir就請示樹根...樹根話鐘意留就留...走就走...結果我留低左...不過要帶住口罩黎上堂....
放學都唔係好掂...結果都係同Ms Fan講唔考Oral...LoHo同我調左時間...不過我就要同宋奶一組Lu...唉~自己走人返屋企...返屋企訓...都直頭費事返補習...叫Lawton講話我唔舒服唔返算數....夜晚食左D粥....睇左陣電視...然後就做下D K Kwok...
成身D骨好痛...壓埋一舊...鼻塞到痴線...勁塞....然後仲要喉嚨痛....我今次真係一係就唔病...一病就好大碌....都唔知有無燒壞腦...ShortShort地咁...
聽日仲要有TAS...我聽朝如果真係無燒就返學啦...如果有就算啦....或者同今日一樣....Lunch先返...反正D堂都無乜所謂啦
我仲諗緊聽日同唔同彼得佢地食飯好呢....一切聽天由命...

>>February 13, 2004 at 12:51:18 AM GMT+8

2004 年 2 月 11 日 星期三 【晴】

今日終於病左..返到學校都係痴痴呆呆咁...朝早食早餐之後都已經有食藥...Lunch都有...不過都好似無乜用...仲要俾Mok Sir上堂問我問題...我都傻下傻下咁唔知做乜...吸氣大力D都覺有D痛...一咳就仲大鑊...痛徹心肺!!
夜晚食完野...覺得有D熱....之後就試下探熱...一探就102度....再探就好D...101.9....~_~.....之後就換衫出去St.Paul睇醫生...個醫院無乜人...所以好快搞掂...醫生話我有感冒...我仲驚緊係禽流感..ccc...跟住要打針囉...仲要唔係打手囉...唉~無啦啦自己走去醫院俾人拮屎忽....
醫生幫我開左2日假紙...聽日就唔返學架啦...我就諗緊...返唔返學校考Oral呢...費事要佢安排過就唔好啦...唉~仲有聽日要補習喎....後日又要CA TAS....無得唔返....可能齋返下晝算Lu....
唉~呢D時間先黎中招...好彩唔算大件事...如果唔係就慘啦...考Mock同AL都黎緊~_~ 如果再病...又少左時間溫書架.....
今日好似係Suki生日~Happy Birthday~

我寫緊日記呢篇日記o既時候已經退左燒~得返98.5...哈哈~聽日應該返下晝啦...ccc
俾人拮針o個位...好痺...哈哈

>>February 12, 2004 at 1:32:19 AM GMT+8

2004 年 2 月 9 日 星期一 【晴】

之前幾日日記無寫...都唔想補番Lu...因為時間都好緊逼...唯有講一句AL真係害人不淺...哈
食完早餐返學見到彼得振宇...一齊返學...中文堂測驗都係亂黎...唔可以話唔識...不過又唔算太識...跟住又俾作文...最後一篇...Marking勁到痴線~有7x分...哈哈~LoHo真係好勁~ 叫Ms Fan開枱~佢又話唔好~哈哈~佢真係搞笑~
今日振宇帶左錄影帶我睇...就係好出名無錢英超爆粗...咁o岩佢有錄低....返屋企訓醒覺睇過...笑到我痴線...哈哈~賀歲送鳩猴...之後講完佢地個樣先好笑~唔知佢地係俾人玩定係乜Lu...我家姐同我亞媽都有笑...一切睇左幾次~
隻狗越黎越放肆~成日係咁吠...朝早起身返學又吠...我放學返屋企又吠...我訓覺又吠...都只怪其他人成日放佢出黎玩...放到慣晒~
仲有個烽火XXXXX...好似幾好睇....睇落唔錯~搞到我睇左成集...如果真係要追...就只可以錄Lu...至少可以Cut Q晒D廣告...仲有薛丁山原來真係同薛仁貴有關....
一條Chem問題~問到D人都唔知做乜...放學落左去問Mok Sir...不過問完~自己又唔記得左點解...聽日又要再問過...
好似患左AL恐懼...係咁搵野報補習...唉~_~ 痴線...

>>February 10, 2004 at 12:48:00 AM GMT+8

2004 年 2 月 6 日 星期五 【晴】

今朝又遲左出門口...去到大家樂搞到我要極Speed...10分鐘食完...同裘一齊返學校...返到去要收作文....第一堂已經係Ms Fan堂...派左張紙...係同St.Francis考Oral o既紙....我...被編入左死亡之組...嘩...同陳志瑋+陳展豪+2個女仔...係囉~仲唔大鑊??首先~4個都姓陳o既~會唔會有姓歧視阿~_~...而且~陳志瑋呀!係陳志瑋呀...上次考「最能代中國食物」...我已經覺得瀨野啦...今次又黎~~仲有陳展豪...一陣佢又黎燒孔雀我點算...越講越痴線~話2個女仔可能同佢2件一模一樣...唉~慘啦...我大鑊話人地組好多...若果到時有乜事....我可能唔出聲算Lu...
今日Oral我又唔駛做...呵~好彩未數到我...不過MsFan實玩野啦...我覺得佢俾親我都有返咁上下難度...簡Sir就帶左個好消息黎~就係Mok Sir無返...嘩~簡直拍爛手掌~哈哈~教書一樣咁悶..我開始聽到有D唔想聽...直頭係無心機聽....Recess就一齊o係後面踢波...Stat堂都係好悶...D Maths勁難...我100%係3條Stat 1條Maths....PE堂踢波...罕有咁用個頭頂入左...哈哈....
Lunch食完飯返上去...又係睇緊Video...D魔術真係好掂~不過我對D銀魔術無興趣...對D白鴿有興趣多D...朱Sir自己都睇埋一份...搞到過左鐘都唔記得~ccc CA堂係睡魔急Call...勁眼訓...差D訓著...之後寫下野先叫做好D...本來o既Chem堂~依家就變左關Sir代堂...呢一堂聽左好多野...關Sir果然上至天文下至地理..乜Q都識....臨放學前...宣佈話有一班有十幾個人一齊發燒...之後仲有衛生署o既人黎左~呵呵~鄧鏡波真係得意啦~所以要人清櫃筒....
之後就走人同亞So,Lawton一齊返屋企...又係玩Z Gundam...亞So佢地走左之後~我就訓覺...然後彼得7:35到打黎...差唔多一個鐘後(應該係無一個鐘o既~哈哈)終於都出到去~然後就打左KOF就去食飯~又係要諗去邊度食...跟住食完就去Game and Fun....無乜野玩...睇人地打KOF...跟住佢地都走人返屋企~我去返快活林打左3鋪KOF...就返屋企Lu...
夜晚就睇左無限復活...個故事係話...佢認為~每個人都生存於唔同o既空間...28號o既Ekin...就因為意外返左去25號...幾得意~或者~聽日o既我~依家正o係聽日寫緊日記都唔奇...Cc

雖然係死亡之組~不過話時話~我都想睇下2號溝女...
點解D人可以唔寫日記架...D人越黎越懶啦!
今日又係無做過野~_~

>>February 7, 2004 at 3:23:24 AM GMT+8

2004 年 2 月 4 日 星期三 【晴】

今日同裘食完早餐...一齊返上學校...見到Lawton,亞輝同唔知邊個...唔記得左...真係俾Lawton講中...要著左件校褸先俾入學校...不過樹根好人...我淨係穿左一隻手就已經行得...ccc
Stat堂好眼訓...1堂做1條數真係慢到抽筋...用關Sir個方法考試就真係死得...咁長...跟住Bio都係咁啦...好眼訓囉...
WA講D野都唔算叫做太有用...同地中海講o既一樣=>Suppose你應該知架~.....好似幾多人訓覺下...我側邊o個件囉...Eng一樣咁無聊...Lunch食完飯~大家都o係度講跟住個TAS...
Chem 今日TAS...之後話唔可以Discussion...只可以自己一個做...不過今日都照樣周圍問...我都有o係Mok Sir面前同亞郭一齊做...佢仲過黎一齊睇下我地點樣估－＿－.....成班都係咁...周圍走黎走去問...大家答案差唔多都一樣...如果錯就一定好得意...我將條Pt wire同Glass Rod燒到分開左~不過又唔知點解唔駛入去簽名賠...哈~之後臨走先我坐o個張Branch仲要漏水...應該係1,2,4,6,7是但一個倒左D Con. Acid落去整穿左條渠...哈哈
之後做Lab Report...都好快做完...做完就閃...返屋企訓覺...訓覺前Set左時間錄勁歌...起身已經8點啦...哈哈~好彩有錄低...而且可以睇下佢點彈...我又可以學下野...Hocc今日係彈最愛是誰...不過都唔錯~幾好聽~哈哈~之後就睇Inorg...
不過我都唔知幾時可以有時間逗下隻歌...因為真係好唔得閒...溫書用晒D時間...+上我要用時間黎無聊...D AL野又勁多...我今日睇報紙...話諮詢中學6年制...唔駛考AL,會考...唉~佢地就真係好啦~_~

唉~李老闆...真係玩野...篇日記寫左一次...又無左.....

>>February 5, 2004 at 2:32:34 AM GMT+8

2004 年 2 月 3 日 星期二 【晴】

今朝買早餐見到裘...佢話屋企今日開始無得食早餐~?? 本來打算等埋佢~不過我驚上去要勁趕...所以都係走左先...行到合和就見到LoHo,Samson...又要排隊...所以就更加趕...食食下仲要俾人趕...不過睬佢都傻...都係入返課室食...

盧得榮原來又係遲到...仲要唔落電腦室...o係天台做功課...CA亞Sir話我地TAS太差...話用亞輝無返所以再測過....唉~我唔想再測啦...UE一樣咁無聊....係咁派野....
中文派返D作文...今次都係作得唔掂...Marking同彼得都唔掂...反而跑出左張蔚諾...不過Ms Fan話唔駛好聰明o既人都可以作得好...哈哈~真係笑到我碌地...^_____^ 我係將D資料搞到亂晒...D日期完全混淆....佢Comment寫文筆唔錯~不過係D資料錯晒....哈
Chem堂講o既野....有D難明....聽日仲要TAS....唉~真係多野...好似Test咁...Lunch有9個人一齊食飯...哈~吉豬飯好食喎~
然後返上去又係睇緊VCD...我就無睇~聽歌訓覺...Ethics堂又俾功課啦~唉....跟住做左個9種人格...我係3同9...和諧型同唔知乜...第一次以為自己只係9...然後先知自己數錯...放學就o係課室吹左陣水...
跟住返屋企就訓覺...起身之後都係睇Chem啦...今晚好似無食飯...只係食左幾塊牛肉乾......

又係啦!唔可以訓覺呀~我已經可以唔打機~唔彈結他~差專心集中~仲有訓覺呢度...

訓住聽何韻詩幾好丫~

>>February 5, 2004 at 2:32:52 AM GMT+8