2005 年 4 月 25 日 星期一 【晴】

清晨~突然醒左~以為自己遲到~但望一望個鐘~先知未夠鐘~又繼續訓...近排都有D精神緊張~

1030~我返到學校o既N113...竟然一個人都無...1030已經係第一個...之後好彩D同學都有慢慢返黎~如果唔係就會一對一...o岩o岩開始時的確係咁...

食過午飯~同學們都係要去趕Java...我因為求其完成左~結果增完值~去Print返個Report就可以啦...但係我都未溫233...

結果當然唔係太識~都係亂黎~而且都知道有幾條錯左...唉~

星期4仲有個Java Test~聽日又有Presentation~麻煩o既Leo用o既麻煩方法~搞到全世界逢星期二都要著Suit...

其實...都差唔多~處理手法~同唔食飯一樣吧...

.................

>>April 25, 2005 at 10:17:02 PM GMT+8

2005 年 4 月 25 日 星期一 【晴】

有被騙o既感覺...

都係去訓覺吧啦...

其他野...後補吧

>>April 25, 2005 at 3:24:11 AM GMT+8

2005 年 4 月 14 日 星期四 【晴】

今日...起身又遲左半個鐘...不過都夠時間趕返學~
上過Nelson同Peter...突然覺得Assignment好似就快要交...原來得返一個禮拜~但依然未郁過~我諗今次可以唔駛咁趕~Individual Project應該做o既野少野過Group Project吧...
跟住Lunch食左個好難食o既牛肉菜飯...我以為係杏花樓D菜飯...原來係D牛肉飯+D爛鬼雜菜...的確無乜胃口...Leo堂俾人問到唔知答咩...
今日全程都好眼訓...返屋企都係要訓覺...

一剎那...都只係一剎那...感覺真係好差...
到依家...我依然唔能夠理解...

原來我自己可以係咁弱...

>>April 14, 2005 at 11:37:24 PM GMT+8

2005 年 3 月 31 日 星期四 【晴】

好像多了幾百個...

看來還有很多很多要學...


才可跟你走得更近...

>>March 31, 2005 at 2:55:30 AM GMT+8

2005 年 3 月 21 日 星期一 【晴】

今晚好靜...過得好慢...溫書一樣咁慢...
雖然聽日係mid-term...不過notes都係溫得少少...好似話mid-term唔合格呢科就會fail...希望無咁大碌啦...點解d功課mid-term會堆埋一次黎...仲有2日...到左24號...就可以抖一抖...唔駛每日都好似跑山咁
唔...今日又做錯事...將心比己...又的確係一個問題...有時連我自己都唔知點解~呢個的確唔知點解~有d下意識...
今日都有d情緒低落~不過無啦~過左去啦....
唯有感謝每位包容我o既人啦~~

誰也好 即使愛侶都 沒有必要待我好 甜或酸苦都一樣當寶....

>>March 22, 2005 at 2:43:14 AM GMT+8

2005 年 3 月 8 日 星期二 【晴】

我都有好多日無寫日記...個Acc都差唔多俾人Delete咁滯...睇黎2月o既Entry得一篇...都係因為我懶...

近排都有好多野發生左~多到都記唔到...就盡量寫D重要o既野...不過有D唔記得都唔出奇...

17號打後~都係25同26號2日吧~呢2日都要去殯儀館~去之前同亞Bill去左林雪屋企玩~跟住仲要無得返AMA~不過無辦法啦~本來諗住搵人錄音~結果係無錄音機~去到要身穿孝服~做儀式等等~上金橋銀橋...拎D紙紮野去燒o既時候好大風~當時我搬條紙紮橋~都幾驚佢會斷開~今晚D人都幾奇怪咁望住我...哈哈...有原因o既~

然後第二朝就要8點半去到...真係晨咁早~擔幡買水...買水原來係拎住盤水托黎托去~上埋山~然後解穢酒~12點幾就要食晒雞呀~炒飯呀~乳豬呀咁...既眼訓又唔太肚餓~由其食完就返屋企~依家仲差4月o既上位~就真係完成晒啦~地點o係沙田寶福山~亞婆亞姨婆亞爸都o係o個度~一次過唔駛2頭走~亞媽自己都買定多個位....

然後我記得我送左份禮物...然後我亦都收到份禮物...

跟住其實都好似真空左....呢段期間~依家都唔記得有d乜野...

唉~仲有自己衰格~有時諗返起都覺得有D唔係咁好...不過都幾難忘o既~_~"
感覺都幾特別...不過都係唔好亂黎....

睇左古巨基o既concert...都的確幾好睇~我對上幾次睇concert~睇完走o既時候都後悔無買相~因為買d相先記得自己有睇過~同埋有咩內容~今次我終於記得買啦...買左Devil may cry look o既相~1 set都係 $40 ~分左幾張俾同學仔~大家開心下啦....

去過上環搵煲仔飯~但竟然o係我去o既時候無開...真係吹漲...

仲有方知行同學o既fellwell...約左930~_~我11點先到...哈哈...哈哈...-_-.......
李智勤同學竟然o係bar度飲個差唔多$50 o既椰青...依家d人真係有$.....
之後無幾耐d人就散...不過亞so又出左黎~結果就大家一齊食野打機...
估唔到方知行無啦啦咁快走...佢臨走o個日我打左2次俾佢~希望佢一路順風~佢話要讀4-5年~睇黎有排都見唔到佢~
好期待佢返黎~因為到時大家都大個啦~唔知話題會係咩...大家有d咩唔同左...再見啦...我呢位同我食lunch食左2個form o既同學...

>>March 21, 2005 at 9:24:06 AM GMT+8

2005 年 2 月 17 日 星期四 【晴】

都有半個月無寫日記...有少少似荒廢左咁...俾人問我做乜唔寫日記~_~ System都send message話再唔寫就Delete我A/C...唉~搞到又要寫咁長~通常D人都無乜心機睇~

都唔記得有D咩發生過...31號到依家...傾左晚電話...跟住已經新年...今年仲好~唔駛拜年~唔駛好似以前咁年初三要去團拜...同埋一堆三唔識七o既人食飯...更加好o既係...到目前為止~我收得o個3封利事...~_~"! 屋企人走左去澳門玩..就留返我一個o係香港...嘿...年初23都有人o係度過夜...兩晚都好開心...哈哈

呢段期間買多左一隻啡色o既狗...但係好唔好彩...搵獸醫check過話佢健康唔好~就唯有搵過第二隻...我頂佢...仲更加唔好彩...換另一隻返黎有腸炎...即係狗瘟o既其中一種...到今日為止~獸醫話佢救得返o既機會係0...即使一個唔覺意救到...都只係一隻白痴...但多數救唔到...醫生話既然係咁...就無謂side $$去打血清吊鹽水..費事side幾千蚊...點解會咁呢~因為狗瘟已經上腦...所以隻狗依家會無啦啦=>1.自動抽筋 =>2. 嘔白泡 =>3.不停自動跑黎跑去 =>4.不停咬狗籠...
都全因為D病毒影響腦神經...

屋企人去左狗鋪講數~好似話會換返D狗用品...頂你隻狗$6xxx...換狗餅可以多到食幾年...自己食埋一份都仲得...

唉~_~呢間屋D風水真係...風水佬都話呢間屋漏財...買隻狗返黎...D用品我諗都$500...上次急症又$1300...都未計藥$同埋留醫...唉...首先就屋企人...依家連隻狗都有野~好彩亞Don無事....風水佬又話我亞媽訓o個個位係大病位...我家姐訓佢上面...2條友係咁病...但我又無乜事....

都唔知仲有乜...唔可以唔提o既係~我收到一份禮物...真係多謝晒...搞到我唔知講咩好~_~ 不過我好鐘意份禮物阿...有D額外o既感覺~

跟住亞A/C Ms好搞笑...跟住237 Project終於搞掂...跟住情人節好似第一年有收到同學仔o既朱古力~有4舊咁多...讀男校真係無呢D野...

又係跟住~過左12點~同左彼得食糖水~~彼得生日快樂阿~!

唔知寫乜啦...等我寫返密少少先...下次唔駛寫咁多

>>February 18, 2005 at 2:31:51 AM GMT+8

2005 年 1 月 31 日 星期一 【晴】

今日起身又凍左...有少少唔願起身...

我越黎越覺如果計英文~235 o既Lecturer係講得最顯淺易明o既一個...諗起ama tutor,Leo o既所謂引導性o既教法~235亞Sir至少無咁悶啦~

然後Lunch後~個個都要上堂...同Jacky去左QT Print Notes...聽到D笑談廣東話~哈

然後諗住搵地方睇下D Notes...去到Cill結果俾人趕...跟住又遲左去福記~所以Acc都遲埋...就食蕉啦...睇Class Rep表演...Jacky竟然答左佢一個問題...~_~"!!! 唉~~我見Dicky都懶得理佢...

233一樣唔知做緊乜...難明都嘔~唉~~放學去左剪頭髮...亞髮型師姐姐幫我Gel行個頭~佢幫我將D頭髮~大部份整晒去中間~_~" 結果我要急急腳返屋企一陣先落街食飯...食左個魚一丁~我食到一丁拉麵沙律啦~同埋D好食o既壽司...

過左1個Sem~都開始認識到D同學...我始終都覺得~唔o岩Channel o既~就無謂一齊食飯一齊行動...對住某D人...我都唔想講太多野...之前都Post過...

「朋友固然需要珍惜，但當大家再無共通話題，

又或對方做出一些你看不過眼、或感到討厭的行為時，

也無謂再硬著頭皮嘻嘻哈哈。

對著Wavelength不對的人，胡亂找話題，

或不斷Dead Air，其實相當辛苦。」

有時候~我的確會在意一句半句說話..大概係反應過敏...但係真係幾礙耳...說話o既震撼力~非同小可

無謂因一大班人...而接近1D我無乜興趣o既人...

所以都係同自己舊同學感覺舒服好多

>>February 1, 2005 at 1:28:29 AM GMT+8

2005 年 1 月 30 日 星期日 【晴】

又一星期...都係時候大約記下D重要野...

星期二晚同左彼得,Lawton同海人食飯~唔該晒海人帶左隻太極旗俾我睇~同彼得踢左幾鋪Winning...跟住就去左元氣食野...海人都好似無乜食咁...同舊同學食飯~同唔知點解同彼得食飯~每次都好好笑...然後食完晚飯就散水...

昱日,即刻睇左隻太極旗...第3隻碟都感人o既~然後當晚解開左個謎~

跟住星期六朝早o既電話~然後有星期日同朋友睇Beyond Concert...今次好似無上次咁好~可能只因為D歌太舊~舊到我唔識~同埋D嘉賓呢...就.....
試左尖東o既芝士汁撈麵...好彩我食極都唔肥...睇完Concert去埋滿屋...杏仁茶+合桃露都可以接受o既~

今個星期爆左Mgs第3次...結果係乜都無~無特別野出~唯有問下陳錦鴻~結果係~要光學迷彩同無限子彈都好麻煩

究竟我仲有o既3堂Acoustic Guitar去左邊?? 點解~! Muso D人會無通知有無得報Electric...究竟D人做乜野架

Sem2 D野好鬼難~Ama同233都唔知做緊乜...要班馬搵陳同學幫手~講起學校D野...又諗起個死人231...Tut根本係做Comprehension...
問題=>72000米即係幾多...答案:5-6個足球場
問題=>300萬即係幾多...答案:香港人口一半少DD
我想問~我o係度讀緊電腦嗎?我o係度讀緊電腦嗎?我o係度讀緊電腦嗎...

唔知Lu~呢星期咁上下啦

有微妙o既變化~但我又好似...

>>February 1, 2005 at 12:55:31 AM GMT+8

2005 年 1 月 29 日 星期六 【晴】

奠

清晨的電話
惺忪的睡眼
半夢半醒的腳步
冰冷的街頭
清脆的鳥聲
如常的新聞
微開的口部
肌肉的抽縮
眼角的淚光
張開的右眼
痛苦的表情

停頓的心跳

或者3個月黎~我都已經習慣了...
印象中一切大抵只有負面...正面的卻很少...但都有總有D...
我亦唔打算有太多人知...頂多有呢個日記o既人知吧...畢竟唔係咩好野
對我o既期望~我諗我完成左一半吧...因我自己都唔知道太多
我感覺...我都尋回少少...

>>February 18, 2005 at 2:36:52 AM GMT+8