2004 年 1 月 23 日 星期五 【晴】

星期五呢日...我都唔多記得做過乜...朝早唔知做過乜...3點就去到炮台山等佢地一齊去踢波...我3點1到打俾獅...佢話佢地成班o係筲箕灣囉....頂佢丫....等到搭半到啦...就見到佢幾個黎到啦...獅Lin欏柚楊卓西同佢女朋友...又係呢D人帶埋女朋友去踢波~_~
然後~先知~亞銅佢地都唔黎~早知我都唔去啦~~上到去~勁凍...凍到死~寶馬山好大風....仲要換衫...都無乜意欲踢波...D人都幾勁下呢~~出去叫做跑左陣(因為自己都唔知出去做乜野...)...就返去坐下...跟住就無聊咁行下搓下波...
5點幾6點到~就一齊走人....因為開始落雨...又係勁凍o既換衫時間...今次仲要落雨囉...一齊落左吉野家吉野...再同獅子一齊返屋企...睇佢開萬王...影都無個...哈哈~我就沖涼...跟住就出去啦...睇煙花....

嘩!頂你丫~我未試過睇煙花睇到咁樣!!!

獅子話雀都想睇~我地搭車去銅鑼灣第二期搵佢...跟住就跟我老豆上伊利28樓...係!!的確睇得好清楚...好靚~現場好震撼!無人爭位...一覽無遺..不過~凍到仆街呀~! 28樓~D勁凍o既風夾住D雨吹埋黎....嘩...我凍到隻手好似唔係自己咁...好養眼不過好辛苦....好辛苦咁過左10-20分鐘...(本來好想用個「捱」字...實在凍到太犀利..)...睇完即刻衝入間屋仔度...頂唔順...身體外露o既部份好似已經唔屬於我...塊面~D肌肉吹到...硬左...真係硬左~好似抽抽地筋添...隻手又唔多識郁...本來試過開遮擋雨...不過一開就吹反左...就知D風有幾大....佢地之後話我個口唇紫紫地...咁就即係好似人地中毒咁..真係凍到我差D死...太辛苦啦...

跟住就同獅去左打一鋪機...又趕住去食飯...食飯就勁多人~又係D親戚...一去就好忙=>收利是~呵~食完野~自己去左打機~亞媽就去唱K...

丫...唔知有差唔多相o既人...係唔係有差唔多性格...我見到踢波o個條友...第一個就諗起.....
無Lu...最精彩都係睇煙花...唔凍死都幾出奇..由其是我著得2件短袖...1件唔厚o既長袖...

>>January 25, 2004 at 2:38:33 AM GMT+8

2004 年 1 月 22 日 星期四 【晴】

今日又係俾亞媽+我家姐嘈醒~大年初一...正確黎講係俾隻狗嘈醒~因為亞媽係咁用住同一個Frequency叫隻狗...佢地之後出左去飲茶~不過我就無去~留o係屋企...唔知做過乜野~總之今日就無出過街啦~我係可以揀唔去拜年o既~呵呵~唔駛格硬對住D親戚~對住又無野講~大家坐o係度睇電視...不如我o係屋企自己睇好過....而且係夜晚出去食飯都唔駛o既~ccc 即係成日都o係屋企~無出過街~o係屋企叫做玩下狗,玩下結他,玩下機,最勁係我執過下間屋...不過又發現太多野~唔執住...我發現左一篇中五o既文...睇返覺得好得意~夜晚睇NOW有得睇嚦咕嚦咕...
再夜晚就打左鋪AOC...跟住入左房睇豪情...終於見到豪情o既何韻詩啦...傻下傻下幾好丫~跟住Niki幾靚丫~仲有D粗口...個攝影師...哈哈...古天樂真係黑到舊炭咁~有個Shot直接黑到見唔到佢個樣~個故仔無無聊聊咁~不過幾好笑~跟住就左一份SEC E囉....然後就睇波啦...

唔駛出街拜年都有利是收...哈哈~今年好似無乜意欲拆利是....
一諗起篇文就頭痛~俾Ms Fan講一講~我覺得好難作添....唉~
聽日約左獅去踢波阿~~之後仲要食飯~唉~~聖誕真係比春節好~

新一年...唔駛心想事成...萬事如意就好~或者都係要返陷家富貴好D

>>January 23, 2004 at 6:18:28 AM GMT+8

2004 年 1 月 21 日 星期三 【晴】

呢一朝~因為改左堂o既關係~我又要起身補習啦...今日喨要返鄉下...所以佢唔黎補...得返我同盧得榮2條友...補11點半...所以今日唔係太眼訓...我同盧得榮都期待快D落堂...快D打機....補完習先發現我無帶鞋...我仲約左人去踢波...跟住同盧得榮去左食麵...食左切腩魚片河...係幾好食o既...跟住...就打俾亞媽叫亞媽拎鞋囉~cc 佢話一個鐘後左右~因為我亞媽話會去搭地鐵...
所以就去左GameZone打機....今日本來同盧得榮打算一人50~不過玩玩下~大家就1人100啦~是但啦...唔駛我出錢...我亞媽同我家姐俾我~ccc 玩到成4點30先走...就即刻搭車去黑場....上到去一個二個好似就快斷氣咁...郁都唔郁下....又一樣...上去唔夠半個鐘~佢地就走...落左去大家樂食野...西多依家好食~佢地班人食完野就走先~得返我同獅子2個...我地想去打機~聽聞皇室變返成人...不過去到係老點o既...
然後就去左第二期...咁o岩就見到肥成...哈哈~又同佢砌左幾鋪KOF... 跟住就求其玩左幾鋪...就去意粉屋...我遲左9個字...哈哈~掛住打機...然後食完野就返屋企...訓覺...起身之後玩左AOC...又訓...

今日出左Doni,亞祖安奴,Mutu,李華度仲有Dida...哈哈~幾好丫~有人$50買李華度阿~~
Lin峰...有D邪氣...可能同條眉有關啦~~
唉~死人盧得榮..成3點35打黎我手提...我訓左啦

>>January 22, 2004 at 4:06:47 PM GMT+8

2004 年 1 月 20 日 星期二 【晴】

今日好似無乜做過野...起身成1點幾....起身之後就玩下結他...玩下狗...睇左份報紙...亞媽買左個雞飯我食囉...仲有夜D就食左幾舊芋頭糕..仲有2舊蛋糕...凍天食朱古力可以保暖o既~~食完就訓著左...俾電話+我亞媽嘈醒....
再夜D想做功課~不過做唔到~同盧得榮傾電話講下WCCF..然後一齊睇波....佢話好期待聽日喎....

成日聽到亞媽用同一個Frequency o既聲o既黎嗌隻狗...好煩....
我家姐同亞媽都資助我買Game喎~哈哈~即係唔駛自出錢囉~cc
聽日可能唔止玩8場呢~cc
聽日要補習添~_~ 年30都要補習...之後仲有波踢~我打完機即刻趕上去~佢地由1點BK到5點囉...

隻狗成日咬我~_~

>>January 21, 2004 at 2:58:45 AM GMT+8

2004 年 1 月 19 日 星期一 【晴】

朝早食左個團年早餐~有好多人~亞So,扭,Jan,海人,Lawton,喨...彼得又遲起身啦~點解幾次約佢食早餐佢都起唔到身o既.....仲有例遲o既盧得榮...佢黎到我地都食完走人啦...而且o個時都8:15啦....
行到學校門口...先記得又係叫左亞媽簽名...不過又未寫體溫...所以企o係門口寫埋先入去...盧得榮就唔知佢點Lu....今日D 新Timetable...搞到一舊舊~第一堂就已經係Chem....教晒書啦...今年Essay Food Additive好似幾熱喎~
ENG俾左2份Sec E功課囉~大佬~係得佢一個俾咁多功課....2份Sec E可以用我好多時間架...即堂做o既Sec A...用左D新方法做...未熟...
中文今日改左2堂...Ms Fan2堂用黎做閱解...第一堂做速讀....叫做係咁啦...派返黎都有40.5/60 o既...亞輝竟然係最高分~哈...「佢思想無你地咁複雜」<==Ms Fan話...即係話亞輝思想單純啦...cc...第二堂就精讀~完全唔想做...叫左Ms過黎講下作文~可以側側膊唔駛做精讀...Ms話要有重點...唉~同我之前諗o既唔同...
Bio好多時都唔知做緊乜...又LH又FSH...一時又Inhibition...然後又Feedback Mechanism...然後就月經啦~_~ 唉~唔知做乜~上得有D辛苦...
Lunch同放學D人都o係度睇醬爆武林...有D位就幾好笑...不過整體係好無聊....Lunch睇到..Mok Sir入黎....不過都無乜野o既...

返屋企...訓左陣啦...然後就去中記啦...今日係罕有咁無遲到...食完飯就同亞培,暴徒打機...識多左幾樣野...Z 可以將支炮變做劍...cc...用Z同亞培打~贏左o既~因為Z太勁Lu~同亞培Partner打到第6版就玩完~_~ 玩完就去搵班人行花市...行黎行去無無聊聊咁~本來想去玩下~不過D人又神情呆滯...算啦~求其行完就算啦~~行完就散~我即搭2A去搵彼得~ccc 係試到D野架~不過都唔係好掂~玩到第4章....打唔過隻祝融...又唔多識出連珠,合體技....睇黎要多D練~
然後11:45到...間野都收啦...我地各自返屋企...返到去...訓左陣...之後5點先起身...

Lunch今日凍到~我都著校褸出街...cc...平時都唔駛o既...不過今日真係幾凍下~仲有得凍添~不過又幾好玩~
我希望~呢個假期可以溫得晒...Inorganic Chem啦...再唔溫書就大鑊啦....呢句野我自己都聽左幾次...自己講都講左幾次...唉
另外~今日盧得榮拎左我地D卡返學校...Ronald都想玩喎~呵呵~一齊玩啦~無限金錢都一齊玩啦~
彼得係痴左線o既...係咁話「開機鋪」「去旅行」....哈哈...不過如果贏到個比賽...去旅行都唔錯阿~~

最後都係有行到花市...不過~同我諗o既都差唔多....

我屋企隻毛公仔

2004 年 1 月 18 日 星期日 【晴】

5點鐘起身...沖涼+繼續作埋篇文...作到7點幾就訓覺...9點又起過身....因為要出去補習...約左盧得榮食早餐...又係鮑魚通粉+反蛋...不過等勁耐...然後仲要俾左D所謂o既反蛋我囉....唉~~D蛋汁唔知點解都唔好食...我地好趕咁上去~因為隻蛋黎遲左丫嘛...好彩亞Jan有幫我地霸左位...哈哈~
然後補完習就去搵下邊度有o個部足球機...上世貿無料到...去第二期又係無...我o係第二期見到人地點打三國喎...係有招出o既....跟住睇肥成打SVC...再同肥成打KOF...又係輸左...哈哈
然後我地就落灣仔...去Game Zone...見到真係有部新足球機...我地盧得榮決定開卡玩...開卡都要$70...$15一局...$25二局...我地玩左4局...哈哈~出左2張黑卡...ccc
出去竟然落雨...我地行左去188....想去睇下Z Gundam乜野價...$480-$550...唔買Lu...結果就散水啦...行返屋企仲係落雨...濕囉~濕晒...哈哈~返到屋企有狗玩...係幾得意架~

我地打算每次補習玩4局囉....一張Henry值$3000喎~出到就即放啦...哈哈

>>January 18, 2004 at 9:30:55 PM GMT+8

2004 年 1 月 17 日 星期六 【晴】

星期六...要補習o既一日...同喨盧得榮補Stat...如常~盧得榮又係遲到o既...之後好似又係同J.Lau一架 車立....彼得話無上去踢波...有人BK場~我地幾個周圍諗食乜...最後係去左翠華食左個A餐...係鮑魚通粉...跟埋個煎雙蛋...由於我唔食生蛋...所以都係叫左反蛋...
食完野~我同喨去左搭電車去交學費...主攻o既係Z Gundam...玩左重高達...幾過癮~不過變左形唔識變返做正常...又係玩到宇宙就死...跟住就睇人地點玩...人地打宇宙係....2個人一齊射一架...即轉Target...一齊射另一架....如是者~咁樣就可以過版...不過要搵人夾下先...跟住喨走先...我就打KOF...有人挑機...我贏左3局...跟住另一個又黎挑...輸一個大門五郎...跟住就走人...
獅子話佢地都係o岩o岩開始踢...所以我就返屋企執野上去水庫踢波...上到去成班人唔知做緊乜...原來係爆左波落街....我黎到就繼續開波...係贏左o既...哈哈~跟住有人又BK左場...佢地嗌走囉...我上去唔知有無半粒鐘囉...你老闆...BK場只係用半個場囉...跟住我就繼續出去射波...亞銅話去打機~所以就等埋我...獅子就打龍陪我踢波....踢多陣就搭車落去...落到去就等一下葉o者~~然後就上8樓...CS都係咁啦~算Keep到...打Ice world都可以殺100....cccc
之後亞銅要補習...所以我地就走人...我就去左金海岸等食飯...都費事返屋企....盧得榮話有新o既街機足球...跟住就係咁講...我見到我D親戚就知道係周生...間野呃錢o既...o個圍野夾埋要7800...你老闆...完全唔值...不知所謂...最勁係我~今晚...我食左3舊魚...今次係o係我見到佢係條魚o既情況下....另外係...我老豆同o個2圍一樣....
跟住我要夾住佢返屋企...勁煩....夜晚作作下文就訓著左囉....

想同佢地多D踢波添..哈哈~今日真係踢得幾好玩下....
我屋企多左隻狗...我家姐同亞媽買左隻比熊....白色一隻...好似公仔...得2個月大....佢地2個真係諗到乜就做乜....一想買就買...痴線~_~

>>January 18, 2004 at 9:20:38 PM GMT+8

2004 年 1 月 16 日 星期五 【晴】

今朝本來想早餐拎走...Send左Message叫盧得榮唔駛黎~不過之後亞Jan打黎話食早餐喎~呵呵~~食完就返學~
今日用新Timetable...第一堂變左係中文~一黎就中文Oral....幾好玩丫~由其是Lawton~初初我諗住坤佢Ms Fan佢叫答野架~不過點知Ms Fan真係叫佢囉~仲有盧得榮D幼稚...ccc
Bio堂...D Out Syl野....簡Sir照教...不過無所謂啦~聽左無壞~考試唔溫就得啦~不過係簡Sir唔知定係佢唔講呢...Recess係圍埋一角一齊吹水...呵~~
Stat堂...都係做下數+睇報紙...陶傑D野好難明添~_~.....PE堂要跑九分鐘...亞Sir話我要做到7下引體先有A...不過依家跑30個就可以B...咁梗係B算數啦...A要用多好多力...跑到30個就收工~行都行左一個圈...仲有D時間直頭坐低算數~海人都一樣...跑夠30就收工...坐低....ccc 跟住踢左一場波~叫亞Sir一齊踢又唔肯...
Recess同彼得振宇食飯~海人喨Lawton就去左食粥喎~究竟點解要食粥~_~"??本來想買雪糕~不過都無~返到去又見到同學們睇緊呢個Video...草薙流武術o個個係勁低能囉...
CA我地去左MMLC度扮傻...哈哈...跟住就睇左一堂Presentation...之後Chem堂...受放假影響~D人勁嘈...包括我在內~
放學Lawton去左我度...玩左陣天誅...之後我就訓覺Lu...跟住睇左鹿鼎記..同海人傾左陣~就寫返D日記...同埋~作文囉~

唉~~PE堂改左o係Lunch前真係勁麻煩囉~個身又濕...
獅話聽日踢波...睇情況啦...唉~~聽日又要食飯喎~又要交學費....哈哈

最大鑊係俾Mok Sir叫左參加作文比賽....寫搭飛機...我都未搭過飛機...都唔知道點作...Mok Siri之後好彩叫埋彼得同LoHo同我一齊作...哈哈~彼得講到好理想架~話贏左一齊去玩~ccc 講到好似贏硬咁~哈哈~冠亞季都係來回機票...冠亞係全球航線任揀呀...不過...贏到先算啦...

>>January 16, 2004 at 11:51:39 PM GMT+8

2004 年 1 月 15 日 星期四 【晴】

星期四...我唔記得有D乜lu...中文囉....小志丫...我睇到佢面上流露出滿意o既笑容...派左佢篇文俾我地睇...我真係覺得有D位麻麻o者...跟住梁偉,LoHo都有...揀最好o既~梗係LoHo啦....Standard喎~Marking呀...哈哈~我好似唔多適合寫書信...而且呢篇文今次計時寫~我發覺計時寫係勁大鑊....我用左108分鐘...出黎o既結果都唔駛講啦....唔掂啦...得51.5分乍....哈哈~不過唔緊要~人唔係每分每秒都係發光o既生物~偶有佳作就夠啦~
跟住ENG做Sec E...雖然補過習...不過都係趕唔切做Task 1...而且我個Task 2以前做過添~都仲有少少印象丫嘛...我都唔知係佢俾唔夠時間~定還是真係我做得太慢...唉~
CA堂...因為亞輝無返~本來唔駛TAS...張朝暉講完之後就出左去拎野...Trunks想Upload DSource俾林生見到....跟住仲要俾張朝暉見到...然後張朝暉同林生,杜Sir傾過...改返又要TAS呀...其實Trunks都無Upload o既...未Send出去...結果佢係被記缺點一個~鄧鏡波記缺點好普通啦~食生菜咁食..哈哈~個TAS Part B難到痴線~~唔識囉~
放學去左7A玩結他....然後同Lawton一齊走...返屋企換衫...跟住就出去食野....再搵埋Ronald就一齊去補習啦...補完習去左打機....唱左$20...玩得$2...－＿－.....Z Gundam又俾人玩緊~所以就算數~返屋企睇左馮德倫o既偷吻....然後就訓覺....訓著左o係梳化....再入房訓...

亞Jan囉~話唔返真係唔返學.....
星期一會有乜野景象呢....九成會係分開2班人...同上次燒野食無乜分別...基本上我覺得無乜意義...所以人仁仲話叫我去之後行年宵...我寧願返屋企入廁所自閉仲好~一切都係睇情況啦...大家似一班人咪行囉...

其他唔記得啦

>>January 16, 2004 at 11:54:35 PM GMT+8

2004 年 1 月 14 日 星期三 【晴】

今朝竟然遲左起身..7:30...我仲約左海人食早餐...之後亞Jan都打黎話食早餐...勁趕呀...好彩都唔算遲左好多...我同海人都差唔多時間到...食到8:10盧得榮先黎...我又有得睇Need For Speed~Ronald話門口佈晒陣咁~所以叫我地簽左個體溫表先返去...真係唔該晒~cc 如果唔係就瀨野啦...通常我都係上堂Check到先簽丫嘛...講左俾盧得榮聽~不過唔等佢簽就走...所以佢要一路行一路簽...之後入 車立 簽...
去到門口...果然有亞Sir...仲見到有D人企o係學校附近簽名...哈哈...佢地話亞郭仲早過我地返...不過點解遲過我地入課室~原因就係~佢俾人捉住囉...呵~~好彩今日唔駛排隊...

跟住就Bio堂...今日教D野...Out Syl o個D佢都講得勁快...想唔聽架~不過都係費事~聽左....但就唔多入腦囉~然後就講Penis+Ovary囉...第二堂...朱Sir無返定唔知乜...所以佢地唔駛上堂...唉~我地就要上Stat...不過落到去~關Sir唔記得左上堂...咁都得...哈哈...結果成堂就做自己野~我有我睇報紙...佢地話似刨馬經~亞Jan同Trunks落過去睇~見到關Sir架~不過佢做緊自己野之嘛...太好啦~大家都唔駛上堂~
WA..Mok Sir竟然拎黎教書囉....唉~真係勁慘...Eng勁無聊...去MMLC無聊...係超無聊~不過都比上堂對Sec A呢D動作好...個"ISSUE"勁廢...唉~放Lunch去左M記...N年前去過...D魚柳唔好食....我寧願你送我2舊麥樂雞好過...Big-Mac..我同教徒都覺得越黎越差囉...跟住買埋杯芒蕉就返上去Lu...
跟住又去左7A玩結他~Mok Sir連我地個午讀都拎埋黎教書囉...勁多野囉...教到我地有D都痴痴地線...唉~一日上3堂Chem真係痴線~聽日就開Food Chem囉...放學即刻同肥成,Jan,Lawton,盧得榮一齊飛的去現代報名..因為可以交定下一期丫嘛~跟住仲見到亞So,昇,扭...再同Lawton搭地鐵走人...
返屋企就訓覺...起身8點囉~我又無左3個鐘...唉~然後就食野,睇報紙,睇Bio囉~

周華健黎收點名簿...哈哈~亞Jan就o係度唱周華健D歌...
好囉~聽日又要補Sec A...又有得去交學費...係咁玩先~

改變策略先得....咁樣落去唔係辦法...

>>January 15, 2004 at 1:16:16 AM GMT+8