2003 年 11 月 4 日 星期二 【晴】

今日測驗啦~Maths&Stat呀...朝早想早三四個字起身...係起左呀~不過我揀返上床訓多陣算數~ccc然後7點1先起身~就拿拿臨搞掂出門口~不過都要成7:40－＿－....然後返到學校就溫Stat....神奇~D Stat人個個都早返晒...都係返黎溫書...見Trunks咁早訓...原來佢係返黎做Lab Report....佢整唔見亞郭o個份...ccc 然後亞郭凸佢...勁好笑...哈哈~Trunks仲叫我落去幫佢問Mok Sir有無夾左落Essay度...傻啦~依家你唔見~又唔係我唔見~做乜要我落去呢~ccc
本來要排隊~測驗週唔駛喎~非常好!Bio堂..繼續講腦~同Clive都好留心咁聽書...簡Sir就講夢~_~"...無乜印象~飛....Maths堂測試...好....6條數....我做過4條o既...有補J.Lau果然爽...做過晒...得條第6條唔識....應該錯左...唔緊要~豪俾佢囉~反正我對左答案~頭4條Ans都o岩...哈哈....其他錯o既~唔理Lu~~~然後返到上去就圍左一堆人繼續傾份卷....傾傾下~我越黎越覺得Clive Lo o岩左囉~_~" 唉~跟住週會~過左簡Sir之後~就無聽佢講野...自己帶左Chem落去讀...其實都幾無聊...企起身唔知做乜...Eng又做無聊野...然後對Ans..我自己溫Vocab佢話我囉~唉~我都唔想~對Ans呢個動作太無聊啦....
Lunch返到學校前就見到Mok Sir~佢話午讀就要開始去Lab....Chem Lab未Pre好...唔知做乜...Mok Sir仲要過黎老點~佢就話Butanone係8x度已經出晒...然後叫我燒到9x度....跟住就話~_~ 你睇下~有D綠色野出左黎~丫~發瘟丫....佢叫我燒我先燒到9x度之嘛.....跟住最後都俾我做得到...出到Orange PPT.....然後就返上課室...亞So叫我幫手諗~貝澳玩乜喎~我連食飯都無意見~去玩又點會有....放學就Bio Study Group...然後臨走Ms Fan入左黎....Raymond話唔知乜乜....Peter答「你好廢呀」....跟住Ms Fan講~佢都覺得係....哈哈...Peter~好野下...^_____^...然後完左D人就走晒~得返我,裘,Nixon....我o係度溫Chem~佢地就傾D甚麼禁o既遊戲...聽到...訓著左@[email protected] 然後起左一陣~就閃~落左7A~佢地好忙咁解緊本「香港之秋」...佢地要Quiz成本書...應該唔係Open Book添...唉~~我返屋企~就溫Chem...聽下大江借俾我o既CD...因為今日食自己~到Post日記呢一刻~我都好似未真正食飯~只係食左2碗糖水....唉~溫書溫得勁慢~_~唔知搞乜....

要交Formal Report...勁長囉...好彩下星期四先交....有排啦...
今日本來都想同大江叫人出黎食飯~不過無人~_~算數...約左獅子星期五食飯~想叫埋以前TKPC D人添~波記巨星匯呀....
今日語錄=>「堪字砌」

>>November 5, 2003 at 1:32:00 AM GMT+8

2003 年 11 月 3 日 星期一 【晴】

今朝Clive又係話食早餐...去到又係唔見人~自己買上去食...好趕~大江有返~見佢咁得閒~所以將班長野交左俾佢做...ccc 原來~Chem Essay係一張紙一條...唔係一版紙一條...寫到我勁迫囉~_~" 成班都好努力咁做/抄...D人做到要上堂~都仲有幾個唔掂....有D直頭唔落黎上CA...好似Trunks咁....
CA堂...好無聊....派左張WorkSheet做自學一堂...做PowerPoint...D人係咁整D聲出黎....Tony搞到好似打仗咁...喨就整好多牛呀,羊呀,荷蘭牛,乳牛等等o既聲...我就用開Window o既聲...之後想o係出Animation o既時候播歌...不過搵搵下變左聽歌~_~ 李樂豐就上GOLDEN....成班都唔係做野o既...哈哈~Trunks仲好笑...佢o係上面做完Essay落黎...然後俾亞Sir問去左邊~Trunks話遲到o岩o岩返...不過張Sir話「我頭先見到你喎」...哈哈...好好笑~ccc 最後落堂...佢話下堂做埋Send俾佢~我唔知點解無位Save囉~所以算數....
然後就諗住交Essay啦...我臨交前就o係教員室前面Check下邊個未交...發現有幾個都未交~其中有一個係教徒~我斷估佢地應該唔係無做....你老闆丫...自己又唔拎落黎...D人真係麻Q煩....搞到我要上去拎~上到去見到擺左枱面...依家唔識交落黎呀~?然後又返落去交...下次邊個無...我照寫唔Q理...因為我無必要特登行上去~然後交落去...Mok Sir又話要分開....所以我就咁就行返上去....唉~
ENG唔知佢做乜~無理到~我自己溫Vocab...然後中文就講書...我地自己傾傾下講到~孔子六藝佳精...武藝高強...率領其頭馬孟子...座下3000弟子,72門生...橫掃少林武當華山...跟住喨講講下就講到東邪西毒南帝北丐...不過...中孔子....哈哈~好好笑....cccc...
Chem堂就搵笨...無啦啦要寫Essay...仲要無得開書...所以同Clive,Raymond,PETER一齊Organize...Mok Sir之後叫我同教徒出去寫~我篇Essay會寫乜囉....寫完又俾佢插....不過佢話個How the Benzene Ring Affect The Reaction o個度寫得好~其實係4個一齊諗架啦~我1個邊有咁勁丫.....跟住佢竟然話要放學交喎...頂佢丫.....Lunch食完野就要返去做Essay...見到個師父黎整野~成班又黎亂Up...哈哈~仲拎佢個鑽黎玩...然後Bio堂~講個腦...呢課好似幾難下~
然後Ethics...Topic都幾好....亞So成日都PE褲+結婚....嗯....承諾+溝通+情感....
跟住就返上去做Essay....做完就借左LoHo份LabReport抄...哈哈~然後再同喨~Lawton一齊留到6:30....去M記食麥樂雞....N年無食過Lu....返到屋企~就Stat啦...聽日測驗丫....食左個好難食o既日本醬油(即係豉油)麵....唔好食~夜晚都係做下數...Pre左半個Lab...打字...無Lu

獅子今日話想出黎食餐飯~_~可惜今日唔得閒呢~~聽日~或者後日啦...我連自修室都無去....唔知亞培佢2個點樣啦...要講o既都講左~要勸o既都勸埋~盡左人事~就聽天命啦.....

究竟有無人明夾心餅講緊乜~_~"?????

>>November 4, 2003 at 1:49:57 AM GMT+8

2003 年 11 月 2 日 星期日 【晴】

今日起身都一點半....起身睇下人地日記....食下野咁..然後就Lawton就打黎~一齊做Chem...同佢一樣都係亂咁做~做做下都收左線....做到5點幾到啦...然後就聽歌打左2鋪Winning...6點鐘到...就睇返錄左o既Hunter+食士多啤莉o既雪糕....哈哈~然後熄左陣電視~又開返~睇執法群英....跟住睇完就變左玩結他....又黎啦...一彈結他就眼訓.....訓著左...起身我亞媽都返黎啦...有飯食...同PETER食住飯黎ICQ...睇到佢一張相~真係好好笑...大家請睇下+研究.....睇唔到請Refresh~或者~自己去PETER D 相度睇~~Number係0022....好~請睇下先...

1.PETER個樣...好認真....哈哈
2.PETER指住o既人個樣...似一個人....(唔知有無人有睇俗世情真...呢個似做收數佬最大o個個)
3.佢地做緊乜...
4.最低能係後面班人...流露出仰慕o既神情...

2003 年 11 月 1 日 星期六 【晴】

今日真係唔掂....呢日日記好易寫....

呢朝...7點9喨就打俾我~起左身....拿拿臨就化妝換衫出門口...都係遲左少少~就同喨去搭車啦...又見到架特別10號~_~問個司機佢又唔知答乜...然後後面即刻有架正常10號...梗係搭架正常架啦...落車先記得無打俾Clive Lo...打俾佢佢話岩o岩出門口喎...今日成堂都釣魚...係釣足...唉....聽到D聽唔到D...勁眼訓~辛苦...唉~今日佢仲要講2個Distribution添...放左就同喨去搭車...然後買野食返屋企...食完12點都未夠...即刻訓覺...訓到5點半先起身...熱醒左....起身就沖涼...
因為今朝遲到~所以就早D到達約定地點...ccc食左個淡咖哩田螺雞排焗飯...然後就補埋最後一堂啦...上到去~拎返份卷....個分唔知點解..D+/C...即係乜~_~"???因為之前訓左覺~所以呢堂聽到~幾好...放左就返屋企...然後就打左陣機....寫日記...夜晚都係咁寫日記...仲有玩左個測驗囉~

可能因為真係太攰啦....有一次試過之前4點先訓都無事...不過今日就失策啦...超眼訓...我上J.Lau堂未試過咁架~_~" 下次要返補習之前~一定唔好玩得咁攰...下星期可以去踢波啦~ccc 因為唔駛補Sec E...仲有~我枱頭o既野食~又多返...好多好多....
亞培同妹又唔知做乜....

無啦~今日得咁多...

>>November 2, 2003 at 3:21:52 AM GMT+8

2003 年 10 月 31 日 星期五 【晴】

今日Short左...因為無沖涼訓覺...5:50已經起左身...起身先至沖涼...然後7點到Jan問去唔去食野...有人陪我食早餐梗係去啦~佢話叫埋Clive~是但囉~然後我寫日記...好少返學朝早黎寫日記...打俾Lawton叫左佢黎一齊坐...然後Clive8點先黎~我同Jan都食完啦~_~3個人等佢食早餐..然後佢未食完我地就行啦...唔係好記得...Maths堂~繼續PastPaper...書D題目都係明D唔明D咁....繼續叫關Sir直頭做Past卷...所以佢就落去拎左Pastpaper上黎...抄左2條用黑板俾我地做...叫做OK啦~
然後中文堂....講返篇文...又係Print左張紙出黎~寫晒D反面教材...今次好多有我份~_~唉....我都唔明死灰復燃有乜問題~佢話誇張喎...可能真係唔o岩卦~無所謂啦~不過好彩都有5x分...唔算太低~Trunks爆冷喎~寫左篇幾好o既文...然後就講返唐君毅啦...如果唔係放左產假~而家早就教晒啦..Ms Fan叫我地唔好唱生日歌喎..ccc~Recess搞Clive~佢借買野飲遁左去...Eng堂又對Listening...然後對Sec C...佢話喨成日都係做緊自己野~因為佢俾人發現係咁寫野~不過Ms Wong唔知佢係溫緊Vocab...梗係啦~對Ans咁無聊~_~...然後BIO講書...好眼訓...訓左陣...唉~然後起身都差唔多完Lu...Lunch得返我同教徒~俾教徒發現左我訓覺...Lawton同海人又唔食~算數...落到去打俾大江...睇下佢做乜唔返學+提佢去燒野食....佢話佢o係中央見到簡生...然後我仲o係電話聽到佢同簡生o既對話...之後佢話俾人發現~所以要返學~ccc 食完野上去已經o係度機戰緊...我就坐埋一邊聽何CC...聽聽下大江返黎啦...一係唔返~一返就倒瀉汽水...－＿－....然後聽聽下歌Mok Sir行入黎....費事俾佢哦..所以即刻收埋~_~"然後索性唔聽歌...去玩算數...Clive勁遲先返~怕俾人起壇卦...然後佢一返黎~坐低~勁多飛機飛埋去...我就係咁玩紙~佢淨係話~好大風~哈哈~
跟住Reading先Pre-Lab...都無乜心機睇~掛住玩...做Lab就勁核突...我地發瘟係咁將個Mortar&Pestle不停咁中~成班一齊發出聲響~結果Steven行過黎媽叉我地~ccc 不過Trunks仲唔知~仲繼續...ccc...將D菜中到爛晒...彈到好多綠色一點點...然後因為同佢地傾計~去左PETER張枱做...倒到自己~成隻手都係Propanone....跟住睇返個樽...好大個Label寫住..「Harmful」「有毒」~仲有勁大個交叉...~_~....不過倒落隻手o個下好爽...涼o既....cccc 我倒到張Menu又有~張枱又有~隻手又有...不過倒瀉左都勁快揮發~都唔知有無3秒...哈哈~然後搞搞下~自己造得勁少水...所以用左PETER o個...亞So就玩~波菜上將－＿－.....然後做左一張就算~做LabReport...PETER佢地就做多張....亞So o個張好靚...ccc....然後就返上去Lu....返到課室~搞埋D未完o既手尾...就係起壇...同佢握手囉~4個一齊黎...結果Clive亂咁Fing之際~中左佢一拳~_~"然後仲俾佢叉住條頸...cc...跟住都係放佢走啦..玩過下手機版o既Rainbow 6...好鬼無聊~_~" 然後就返屋企先....

2003 年 10 月 30 日 星期四 【晴】

呢日朝早叫左Lawton~喨去大家樂~食個早餐...然後返到上去勁趕...又要收功課...又要寫板點名記欠交...搞完一輪~收好功課~Mok Sir就出手啦...佢叫我出去~將D功課睇一次...邊個News Cut無做齊Vocabulary,Summary,Comment o既...就抽出黎~唉~叫到無得唔做啦...~_~..幾個都係無寫Vocabulary呢行...亞輝仲好野...交左本Chem出黎...炳煌就交空簿...結果我就抽晒D唔齊野o既人出黎....然後仲要我記名添~_~...跟住開始上堂~我先開Locker...ccc

今日Chem第一堂主要都向住我~_~問埋D Physics問題...跟住我又唔知做乜變左IR專家...用「肥」黎形容個Spectrum...仲有方同學o既行為...第一堂就咁過左...無Break..不過我都要落去交左功課先...返上黎~就講Essay啦...Aromatic Compund & Aromatic Hydrocarbons....Mok Sir一問到Raymond~又想打人啦..ccc~ 兩篇都要交...唉~星期六日又要做啦...

Bio~繼續講Nerve...我今日無上次咁留心~不過都知做緊乜...Maths~繼續PastPaper...下星期二又要Test啦...雖然只係3個Distribution...不過都死啦...7/11要Chem丫嘛~_~ 唉~點算呢...

Lunch...去Delifrance...竟然冷氣好似Short左...叫教徒拿拿臨食完走人算...好熱...我發現~條街仲涼過間野...返上去~放飛機~放放下Mok Sir入黎@@...佢叫左我同PETER出去...佢話聖母無原罪o個日~中七要搞活動喎...要我同彼得搵一個人做負責...咁我彼得宣佈完~都無乜人想做...見Ms Fan咁o岩入黎~就叫佢揀一個出黎...佢揀左亞郭...咁亞郭就成為負責o既人~要去搵黃智山啦...

中文只係測下驗...同Clive Lo合作下咁...都叫做順利完成...太好啦~唔駛再睇書啦...然後就講作文...扮Mok Sir講野好好玩~成班o係度扮~ccc~Trunks篇文仲俾MsFan拎黎讀添..ccc 然後就ENG ORAL...今個星期開始又要上返Ms Wong...唉~~~得一個字~慘...同左亞扭~喨~海少一組...然後就發呆吹水~咁就一堂...放學落去搵左黃智山...佢話下星期話佢知點搞喎...然後就打俾陳錦鴻...佢話想去自修室...不過就食緊野..咁所以我就返左屋企先啦...

好快就出返黎~然後就搵陳錦鴻啦....一齊去左自修室...溫Chem...溫到Short左...佢因為要測2科...所以就溫中文+數...我就係咁背Equation...終於都背晒...哈哈~10點走人...咁我今日真係用左5個鐘做野啦..哈哈~返到屋企好攰...都無乜心機再讀....打下機~電話就響啦...係講聽日o既燒野食...講講下~佢地打左俾故王~聽左D好得意o既野...ccc~~然後...講完~好眼訓...訓左...點幾起身...又去返訓...

一陣好似有好多人去....出奇地~Cindy,Flora都去~去囉~去囉~
睇下呢日有無仗打先..@@...

>>November 2, 2003 at 1:10:41 AM GMT+8

2003 年 10 月 29 日 星期三 【晴】

今日好早已經起左身~因為約左海先生一齊去搞身分證....8點3起身~化完妝換好衫就出門...去到入境大樓就見到海先生啦~ccc盲中中咁亂咁行...是但搭電梯上去~見到有個牌話8樓~8樓囉~然後就排隊拎籌...117號~ccc 要睇電視等~我同海人就一齊填Form...填填下見到15號...－＿－...唉~撞鬼...D籌去得勁快...填完唔夠一陣就就已經行得~入到去同條友傾兩句咁...然後就整FingerPrint~再影相...佢話可以影兩張喎~我求其揀左張有D笑容o既...俾差佬逗~張證都唔駛咁兇丫嘛...然後就要等~見主任~都唔知見佢黎做乜...我地坐o係度~睇中文~邊睇邊等...入到去o既所謂見主任...勁無聊~_~又黎FingerPrint~再Print張類似行街紙o既野...就走得~夾埋都係差唔多半粒鐘...又幾快喎~而且所有野都先進晒~~原來我o係96年o既今日~(一樣29/10)拎身分證架喎~呵呵~咁o岩o既~cc

跟住就同海人去左幸福樓飲早茶~ccc~本來想叫喨~PETER~不過打2個電話都未能接通~我又唔知屋企No.~所以無打Lu~食左好多野~然後我地就上左自修室~見到亞Jan...跟住就開始合作睇中文~第五章真係悶到抽筋...然後1點幾~佢要走人~然後我就坐到6點9~買本書仔就返屋企~亞媽去左油麻地~今日又要食自己~返到屋企食完野~就訓著左...起身都10點...然後就做下News cut..寫日記...Showhappy究竟搞乜~_~...仲有睇日記...同埋ICQ囉~無啦~

Lawton又唔去得~點呢~_~

>>November 2, 2003 at 1:05:53 AM GMT+8

2003 年 10 月 28 日 星期二 【晴】

便服日...今朝終於都食左早餐...我食完咁滯盧得榮先出現...佢買左Delifrance...等我食埋野就返上學校...跟住今日要排隊..跟住李汝富講左好多廢話...乜乜明日高鋒會...D人佢地都揀晒啦...仲講黎做乜...仲要講勁耐....梁賦唔知係唔係繼承左佢亞哥D野...夠膽面對咁多人喎~

講完就返上去...因為要落去上Stat...D人D中文又未做好..所以功課就交俾大江收...我就帶埋PE衫落去上Stat...又係講Section B o既PastPaper...難呀...唔睇佢我鬼知要咁樣計咩...一堂教得半條咁大把...咁就計左一堂啦...

跟住就PE堂...見亞Sir未落黎~所以就落左去射陣波...ccc 跟住亞Sir到左先上去換衫..Clive Lo件衫呀..「有無膽跟隊」...然後又踢波啦...嘿~今日踢得幾好丫...最好係入左罰球~哈哈~將助跑力變成Curve...由界外球位射去小食部龍門個邊~入左喎~ccc 獅子教o既...同隊o既都好勁...Samson同教徒先係重心人物...當然Raymond都打好丫~合計4:2...不過係咁俾人玩野話玩幼細~_~落左堂之後繼續射波..不過俾樹喜趕...亞喨唔知係唔係傷左~無得踢添...入到更衣室...我地就講D力量型o既同一隊...技術型一隊...仲有...神秘o既一隊..ccc 亞昇話~我地o個個算係勁o個隊喎~梗係啦~Samson同教徒咁勁..ccc...然後就買野飲返上去...

然後中文堂~Oral...咁多個~我覺得係「惡人生惡相」最好講...好彩今日未到我...不過都近架啦...因為都差唔多係時候啦....大江咁好洞察力...睇得出~係著校服o既先俾人叫出去...咁又真係喎~有著校服o既都俾人叫晒出去...Bio堂講Nerve...今堂幾好聽丫..講得幾清晰下...不過唔知係唔係因為上完PE堂...死左半班人...

Lunch~大江話Lawton俾人串~我唔知呀~我都聽唔到條友講乜...跟住差唔多食完~隔離枱倒瀉野...大江話佢低能...然後佢爆粗喎~梗係即刻超住佢啦...跟住都無乜野...返到上課室就機戰啦－＿－....飛機亂咁飛...之後仲俾Ms Wong見到...不過佢都無乜話我地...我地亦自動回收...留返下一次....

CA堂亞喨今次無落去~教Graphics...亞輝俾人問問題~然後張Sir又黎啦...又話唔夠時間啦...教PowerPoint又叫人Present囉..即刻擺隔離班o既人上枱..又係翻譯...將裡面o既文字由英文轉化為中文...再將本來係中文o既讀一次出黎...cccc PowerPoint譯左做「力量點」...咁就教完PowerPoint啦...你話飛得幾快丫...半堂就完~_~....Chem堂好辛苦呀~_~Simple同Fractional原來有分別囉...Raymond就慘啦..成堂都俾人問住...我好唔鐘意D「繼續努力啦喎」...講到勁耐~打晒鐘都唔肯走...Mok Sir帶左D CuSO4 o既Crystal + 1杯糖精上黎...然後落堂要我俾返Steven囉...嗯...呢度有事發生...詳情自己睇一篇...跟住就Oral啦...唉~準備又係唔夠時間...然後講~又講到一舊舊....Discussion又知乜Q係Employment Practices...唉~總之就係差...差得好緊要...算數~一向ORAL都係F...唔差好遠...

Oral完因為趕住去剪頭髮~所以執書包就走人...見到海人,亞扭返黎~所以就一齊走...落去7A搵埋陳錦鴻~就閃啦...陳錦鴻上左我度~同我打左鋪Winning~然後就一齊同亞媽行落去搭車...佢陪我去埋間野度先走...亞媽帶左我上去~因為未去過~而且唔知邊個打邊個...個髮型師叫Marcus...然後亞媽俾埋錢~...最慘係俾人問~_~係唔係外國返黎~唉~亞媽一齊去丫嘛..剪完就走人啦..打電話俾Tami睇下係唔係食野...結果有個唔知乜人聽~係度玩野...然後係收左線o既...行到去自修室再打~先知係故王~_~...唉~跟住我企o係出面等~點知佢地又話未得...咁唯有入去先~入到去終於聽到沙...睇下人地o既字體...睇左篇好得意o既文..ccc~仲玩下邏輯估數字...不過估到第9-10個~先話~之前佢錯左#$%^&*)(...然後就去食飯...唉~陳家和唔去~原來又無其他人..呢餐飯我就慘啦...又係D陰盛陽衰o既局面...我感覺到俾人圍咁款...Tami終於知邊個Lawton啦...又話星期五燒野食...都要睇下點啦...故王話我地陷世界差佢一隻龍貓喎~_~ 有D咁o既事咩?? 結果呢餐飯食到10點半左右...就閃...返到屋企~就訓著....

每次見親故王~隻手都好痛~佢係咁打我囉...仲有每次都挾野我食...不過係D青椒呀...洋蔥呀...~_~仲要下個星期彈龍貓~龍貓~?~?龍貓~??.......
星期五點呢~唉~~Formal test...

>>November 2, 2003 at 1:02:47 AM GMT+8

2003 年 10 月 27 日 星期一 【晴】

盧得榮又話食早餐...叫佢到灣仔打俾我~無o既...我打俾佢~又無人聽...到8點1先我再打俾佢先有人聽...算數~唔食~第一堂Chem喎~邊趕得切...仲未溫TAS添...

返到學校求其睇左2下Excel Notes....然後就Chem堂啦~今日又係梁偉~勁多問題都係問佢...好彩無問過我...聽日就要講38課啦...唉~我仲未背好Equation添...然後中文堂做下D閱讀理解...派返上次o個份~亞輝有21分囉...咁勁~_~"??? 跟住唔記得Lu...

Recess去左買野飲...再睇下D Notes咁啦...ENG堂作文...又係未作晒...就要交...交o個時連TITLE都未寫~結果要嗌返份作交返黎~先有得寫返個TITLE...算數~次次都作唔晒~卦住吹水....

Lunch食完野就上去310同Wallace ORAL....比我想像中差...我釣魚呀...佢係咁講報紙~USA同Iraq D野...又講地理問題...我悶到勁眼訓...搵笨o既...早知就唔去..搞到無時間溫TAS...一上到返去課室~就即刻打鐘要落去....

TAS...有D唔識~同Trunks+喨一齊研究...有講野~又有射呢眼...大家教黎教黎~居士仲行埋黎叫我唔好望黎望去...做到Section B...Trunks Hang左機...不過佢係無Save架!!@@ 咁就大鑊啦~佢識做都唔夠時間啦...最後+左D時間俾佢..不過我估都凶多吉少啦...

放學就落左去踢波..好多人~好好玩~我好多都把握唔到~_~算....喨仲傷埋....佢地走晒~我就同喨射波....ccc...今次唔知點解~用力射個菠蘿蓋唔係太痛...所以可以用力...然後同喨上去放低D吃就走人返屋企...返到屋企沖涼...打機...做功課...然後食左碗好多野o既麵...又魚蛋又獅子狗...ccc 食完野~突然好眼訓...所以就訓著...起身都11點...做對埋份Sec E...然後都無乜野做過Lu....

Trunks真係好唔好彩....唉...仲有~我聽到PETER講左D好得意o既野...
仲有...隻右手開始痛...係軟弱無力....可能又係俾Winnie Kam打得多....－＿－

>>November 2, 2003 at 12:59:38 AM GMT+8

2003 年 10 月 26 日 星期日 【晴】

今朝一點先起身~唉~尋晚斷斷續續咁無覺好訓~_~因為尋日又係無沖涼就訓著...算啦~起身即刻沖涼...沖完涼~做下Sec C~就已經夠點半啦...就去左睇逃學威龍2...同埋打機...見睇電視都做唔到功課架啦~又睇唔到書~所以就一邊打機一邊睇電視算數...跟住玩到4點幾...就想做埋份Sec C...不過費事太遲~所以都係去化妝準備...5點幾到...Lawton打黎話到左香港站~所以我就出黎啦...

見未食野~就買左Hardee's上車食...費事遲到丫嘛~_~跟住我都唔知上左架乜車...好似係90號~上到車大江打黎話驚遲喎~我地出隊道~佢就好似o岩o岩入隧道囉~然後落車就跟大隊行...行行下大江竟然追到上黎...跟住就行去海洋公園門口...去到好似遲左2個字~?定2分鐘~?我都唔記得Lu...故王話陳家和同煎Pan入左去先喎~然後就同佢2個一齊買飛入場啦...ccc 入到去~佢2個原來都係企o係度唔知做乜...跟住接2連3見到飛蛾...一隻隻咁o係我面前行黎行去...然後呢~就去左麥記...佢地幾個坐o係度...大江就去買野食...我初時都唔知佢地班人坐o係度做乜...等人喎....原來係等個麥記高級人物...我第一次見到~麥記~好似茶餐廳咁..有人特登行出黎落單囉~!~!!!仲要有人送D野食出黎~隊都唔駛排...仲要唔收錢~咁~~~~都得o既~??????我睇到D咁o既情境~幾無奈呀...麥記好黑暗呀~__~" 大江就笨左啦...哈哈~跟住就行左去買鬼屋飛o個度...故王講埋D唔知乜乜時間飛~我都唔明~不過是但啦..然後就排隊啦...勁長...有一間o既飛已經賣晒囉...算數~我地淨係買左2間乍...每間7張~唔知點解無買Tami o個份...

買完飛就去排隊搭纜車...條龍又係勁長...跟住原來Tami已經排緊隊~_~ 我地因為咁樣就插隊啦...ccc 架纜車上面佢地幾個聽到人地車嗌~佢地就嗌埋一份~我無乜出聲...留力呀...只係臨落車叫左下..ccc 跟住就去左玩機動遊戲...行過o既時候見到好多人扮o既鬼...ccc 第一樣玩過山車..個煎Pan又唔玩...跟住我坐欄杆俾職員行埋黎好型咁啤我2下囉...然後今次同大江全程都嗌...亂咁嗌~ccc 然後就去海盜船~個煎Pan本來又話唔玩~迫到佢玩~cc~玩o既時候感覺唔錯~比以前好~我記得以前好似有次玩到有D抖唔到氣~今次反而無乜野...ccc...故王唔肯玩噗樓機囉...所以就去第二度..行過劇場聽到Edwin囉~_~" 好彩我無聽到Hocc o者...然後好似係行左去排越礦飛車..不過太多人~費事等~就行左去第二度...去左玩急流...同Lawton一架船...我又坐前面啦...濕呀~濕晒呀...跟住等埋Tami~就去搭車返去正門...好凍...因為個身濕左..~_~"

然後就去玩鬼屋啦...Tami因為無買飛~所以即刻買番~不過只係買得一間~_~...第一間就去妖怪部屋...日本妖怪呀...帶頭行~一入去就見到有個日本女人派3D眼鏡..派完佢無啦啦嗌...ccc 然後入到去~見到2個日本武士...郁黎郁去~好好笑~佢行去我面前~我都無乜理佢..哈哈...然後有個人著到同牆o既顏色一樣...不過俾我見到...然後有間屋...錯覺令人覺得佢好似真係轉咁~有幾個我行過佢都無嚇我~cc 不過去到有度軟軟地o既地方...就得意啦..cc 我行過佢又唔嚇我~不過後面D女仔行o既時候~佢不停踩o個軟o既牆囉~呵呵~我見到咁樣~行返去後面拍手...cccc 然後有個就想開門嚇人~不過佢又俾我見到~垂頭喪氣咁行返入去Lu...ccc 有D嚇親係~拉低隻窗o個個...然後前面唔知做乜又唔敢行...跟住就我地就行先~無乜野就出返黎~ccc

行去第2間o既時候..有個女o既...無啦啦同我講「過黎」...哈哈~佢係間鋪頭拉客o個D...好笑~ccc 我HI左佢一句就走Lu~

然後就去玩666酒店...呢個有D無聊..~_~"今次唔駛我帶頭~哈哈~然後都係有D人行黎行去咁...仲有係好多都係假o既~唔係咁嚇人...好似係~有條屍訓o係張床上面&另外有張床自己郁咁...都唔驚~_~最記得係~有個好似屠夫o既物體~走出黎行到我面前~跟住嗌~然後又係咁拍D板...我見佢嗌~我又嗌囉~ccc 跟住嗌完就行Lu...然後都無乜野~又係幅畫~拉落黎有個人出黎嚇人囉~不過我未行到去~佢已經俾我睇到~所以又無乜特別~_~...仲有最後o個度~有3個都係假野o係度飛黎飛去...然後我已經行左出去Lu...佢地話有個真o既突然行出黎喎~

全程都係嗌住玩o既~都幾好玩~不過我最想玩係~兇靈再現囉....哈哈~都唔錯架啦~只不過係太多野~都係我未行到佢~就已經出左黎or俾我見到...有D又唔嚇我~哈哈.....

出到去~搵返Tami~就去影相啦....隻中國彊屍好得意~ccc 佢唔知點樣可以忍到笑...而且唔眨眼架..@@~跟住就係日本單眼怪~哈哈~然後仲有個雪女~個雪女好正呀~~ccc 個眼神...我鐘意呀~哈哈~佢地有同雪女影相呀..又有科學怪人~仲有個海盜...我地成班人同海盜一齊影相~我仲有同佢握手呀~哈哈~然後有同疆屍影相~仲有同隻後生巫婆影左相..cc~跟住都夜啦...佢地都要走...所以就行去搭車走人Lu....返到屋企~沖涼~打字~未溫TAS呀...

可能就係因為有TAS~都玩得唔係咁放~而且我仲突然醒起~我有D野未做...不過返到屋企~原來做左囉~_~好彩囉~今日整體都好好玩~唔錯丫~希望無人悶親啦....

另外係~今日應該俾故王打左40-50拳o既以上~好彩佢用拳頭打人唔係咁痛...不過同佢玩握手黎猜..佢有過之而無不及...比上次更勁更大力~玩左我幾次就唔玩啦~大佬~好痛呀~_~ 有時仲踩我添~Short架...仲恐怖過鬼屋D野丫....

>>November 2, 2003 at 12:57:17 AM GMT+8