2004 年 1 月 13 日 星期二 【晴】

本來約左海人食早餐~不過佢好似遲左~所以就無啦~我就買野食返左上去...結果盧得榮真係打黎問我o係邊~哈哈~行上去見到亞輝同Jan...跟住返到上課室...收完回條就落去...行第一次...
之後上第一堂電腦...o係MMLC...我都係自己溫中文...坐第三行o係最好o既~~之後要交張功課紙落去...行第二次...上Ethics聽歌囉....王菲喎~然後睇2個人o既case...咁就完~Recess又要交英文...行第三次囉....行完之後我就Tune結他囉~
中文Test...難就一般啦...不過估唔到會出咁多宗教o者...好多地方都有得吹o既~~做完之後都差唔多落堂...Chem Mok Sir又插話無長粉筆...叫我拎之前睇下喎~我咪答佢我都唔拎o既~每日都放o係課室就算架啦~跟住又擺我上枱...又話我做晒先准走...多得各位幫我囉~我數學白痴丫嘛~哈哈...
Lunch去大家樂見到彼得同振宇~就一齊食飯啦~跟住食完返上去踢波...Bio堂都係講書啦...都未講到Out Syl o個D...Eng...做Sec C...我成個Task未做囉~放學一樣係踢波~D人話踢到4點/4點半唔踢...跟住一個二個踢到5點9...跟住就返屋企沖涼..沖完涼...係訓著左o既...9點幾先起身...又係同海人傾左陣...跟住都無乜野做過~睇Bio囉

日日踢波....之後好攰呀...之後仲要人地行N咁多層樓梯...唉~做班長真辛苦...我唔想做阿~~~
2號同學個頭...唉~~大好青年變到咁....
海人話~上第一堂已經可以報下一期4堂囉....現代咁狗o既...所以聽日如無意外就應該要同盧得榮去報左先...費事無位就大檸樂...我Bio靠晒Simon蔣架啦~海人會同我一齊補星期日喎~ccc
唉~_~人仁約左下星期一食團年飯~原來唔係屋企人~都可以食團年飯喎....呵~希望到時唔好打晒仗/開拖啦
聽日唔足球訓練啦...我真係就快死...攰到死.....

點解溫書都仲係咁慢....唉~

>>January 14, 2004 at 1:20:42 AM GMT+8

2004 年 1 月 12 日 星期一 【晴】

今日朝早盧得榮又遲Lu...收功課o既程序都算幾好~大家都幾有規律....教徒好野丫...一次過3樣都無帶...Stat堂都係PastPaper囉...
中文叫左So Sir上黎講藝術...都幾好~幾易明...可能佢一黎教Art...而且又係教中文...用三教黎做主幹講藝術精神...唔算太悶...Recess就去左7A玩結他...跟住返去又係中文~繼續係So Sir...最有趣o既係...So Sir畫o個幅畫...好勁...好似人地D畫家畫咁...
Bio堂繼續講書...Lunch我地落到去唔知食乜好...又猜又擲銀...Lawton想食粥教徒就想食大家樂盧得榮就想食麵...不過最後都係大家樂...入到去就撞鬼囉~跟住食完野...就返上去踢波...踢踢下伯基黎趕....跟住簡Sir都落左黎....所以只好返上去...
上到去見到成班人睇緊Bio Hazard...睇過一次...不過都好好笑...跟住又講書啦....之後一堂就睇VCD....個女主角似周天祐...不過我同Ronald都見過...仲有一個更加似....放學就落去踢波...睇到5點幾...就走人返屋企沖涼...然後就睇電視抄Chem...跟住睇報紙...睇到訓著左囉...
起身已經9點...溫下中文囉...

依家上7樓落地下都係搭 車立...學校都無乜人...俾人捉到...睇到邊個啦...如果係陳明明,左冠雄,王劍昌...我相信會好大鑊...
芋頭糕又幾好食喎~
我家姐好似聽日生日...仲有亞郭生日快樂~~ccc

有D衝動想買Z Gundam返屋企玩添....

>>January 13, 2004 at 1:29:14 AM GMT+8

2004 年 1 月 11 日 星期日 【晴】

今日係第一日補Bio Intensive...盧得榮白痴~~我地幾個都知10:40...佢以為10:00...仲要話我講o既~~傻o既~~如果我以為10:00~我晨早就出左門口啦...然後一陣就出左搵左盧得榮先...咁o岩又見到Jan...咁就一齊上去啦...
第一次補...覺得幾有趣~簡Sir教o既...有D都無乜用...Glycolysis變左2個Step...哈哈...補完就食個Lunch...同肥成去打街機...打KOF....有贏有輸~跟住玩左鋪Z Gundam...D Computer勁死囉...我死一次就玩完囉...跟住就走人...搭地鐵返屋企...竟然可以搭錯去柴灣方向...去到天后又轉返去上環線...跟住想行去買果汁...又無開....
返到屋企好似係玩結他...跟住溫左陣Bio...個Cell Structure都叫OK啦...跟住又訓左陣...起身食下野..睇報紙...同海人傾電話...跟住又睇左陣Component....

蘋果名采李敏有一篇叫做「我是一隻果子狸」...十足十中文Oral短講咁...剪低左黎研究下~~
今日Download左隻Z Gundam歌黎聽...哈哈~幾好聽喎~~有人唱係唔同D....o個網仲有好多其他歌Download~簡直係掂呀~~
肥成話下次挑戰橫丁拉麵喎...o限時食晒o個種...
Simon蔣話~假期前要溫晒幾個Topic喎...唉~慘Lu...我實唔得啦...
溫書勁慢...Simon蔣+簡Sir D Notes一齊溫....唉~好多野溫...好Q悶呢...不過唔溫就仆街啦....
得閒就繼續去交學費~係咁玩Z Gundam先...
聽日3堂Bio添....救命－＿－......

非常值得慶祝...今日係搵到<兩位一體>點彈o既...時間所限~我只搵到Chorus前...哈哈~不過都好正丫~~ccc
仲有係~~大江有電話到啦...佢依家仲未有學返~要等到15號...佢打黎o個時佢o個邊係12點幾囉~香港好似先4點...o係電話度...我講野...要等幾秒佢先聽到囉...唉~_~ 搞到溝通有困難...哈哈

>>January 12, 2004 at 2:43:33 AM GMT+8

2004 年 1 月 10 日 星期六 【晴】

補習..J.Lau自己都遲到...不過每次盧得榮都實遲過佢...補完習走o既時間...要同J.Lau一架 車立 囉....跟住就同喨去左夏日城...佢走先~我就係咁玩King Fight...佢一蚊鋪咁抵...哈哈...除左時間快D之外...同2蚊o個D無分別...我諗由11點幾...玩到2:30先走...
去到嘉鳳...仲諗仲打俾亞媽叫佢買報紙...一打電話...就好似人地拍戲咁...我聽到電話聲...原來我亞媽都o係度...~_~...跟住同佢Up左2句我就買野食返屋企...食完好眼訓....訓覺~起身都六點幾....起身就做Stat功課...睇返2日o既報紙...跟住食埋野..盧得榮又成日唔收線~_~發瘟~
再夜D~我諗會係作文...同埋溫Bio卦...

依家每次補習...早餐都變左朱古力...我諗我唔應該食咁多朱古力...內熱
香港人...可以話係聰明....不過睇報紙...又覺得有D人....好白痴....o個單相士案...真係足夠反映...香港人另一面o既無知....
亞輝都話~流星果好睇喎~不過佢點解睇左一日就睇完－＿－ ??????
今日持續..........無乜野做過.....我只有一次機會阿!
聽日...第一堂Bio...

今日J.Lau教我~孭住個圖通山走.....~_~"

>>January 11, 2004 at 12:40:30 AM GMT+8

2004 年 1 月 9 日 星期五 【晴】

今日又有同Jan盧得榮食早餐...我入學校順便睇下Samson拎左板未~我見到個櫃無板架~不過上到去...Samson話未拎...結果又要勞煩佢落去拎返....
Chem堂...2堂都係教Inorg...Inorg終於都教晒...俾我想像中少...不作多提...Recess聽何韻詩+抄Chem~呵~~
Bio都入大直路啦...教到最後一個Section啦...Stat又有功課啦...仲同振宇爭位..哈哈~Lunch今日去左大家樂食煲仔飯~然後試左士多啤莉香蕉...幾得意~不過都係芒蕉好D...
上到去都一樣抄Chem聽歌...中文又要人作文...唉~另外~唔鐘意人地o係度讀我篇文...你老闆~睇你就睇啦...一D專重都無...我有話俾讀咩??講左句咪撚煩~好似俾Ms Fan聽到~唔理啦...彼得話我差D爆喎~係呀~
Eng ORAL....都係咁啦...D人....今日算齊人架啦~差一個無黎....放學就去左7A彈結他~跟住過埋去7B玩...玩到5點幾有人黎趕...就返屋企...
返到屋企~彼得打黎話食得飯~本來想做功課o既我就訓著左覺...起身再換衫出門~8點就o係機鋪等彼得佢地...
同佢地一齊打完機~就同彼得食飯先...去左中記....跟住再去打機~彼得俾人催返屋企先~我玩多鋪KOF就返屋企啦...
返到去...做左陣功課...睇上網D人點講Z Gundam...無乜野做過~

有個好有趣o既銀仔....初初以為唔見左...依家又出現返~呵~
開始又想玩返街機...今日交左四兜野學費...
聽日又要補J.Lau啦...

>>January 10, 2004 at 2:47:26 AM GMT+8

2004 年 1 月 8 日 星期四 【晴】

今日起身...又係亞媽叫...8:30...我當堂成個彈起~乜話..??8:30??? 我仲以為聽錯係7:30...但事實就真係8:30...一定遲硬到...但都即刻起身換衫出門...因為過9:00好似話會記缺點囉...
返到學校...就上7B放低書包...再落返3樓上堂...上完Stat..就即刻落去踢波...由於尋日去到盡...今日有D腳軟軟咁...踢踢下就有低Form行落黎...勁煩~又咁又咁...好在佢地唔夠一陣就閃左...跟住亞Sir話遲D要跑九分鐘囉...我叫左亞Sir同我地一齊踢波呀...哈哈~唔知佢係唔係真係會呢~?? Recess叫做換左衫就繼續踢...踢到差唔多完先至走...
中文堂都係做ORAL...之後Bio堂簡Sir無返...Ms Fan拎埋黎做Oral...呵~~又唔駛上一堂~無無聊聊咁做自己野...佢話夜晚去睇話劇~有個神秘嘉賓喎~佢話個嘉賓多謝佢地照顧佢年半...大家都o係度估係邊個...哈哈~我覺得我甩難呀...Lunch就同左彼得,振宇,喨一齊食...一齊去左大快活...返上去就訓...Reading訓...用2張櫈黎訓都無人理我~ccc
CA終於去MMLC啦...睇亞輝Presentation...跟住亞Sir鎖機~不過我又用返以前o既方法解左佢...Chem堂....Mok Sir竟然唔問彼得問題~?~!~! 同我預計o既差左D...哈....放學梗係繼續踢波啦...不過今日好多7A...凸~_~ 而且夜晚又要補習...所以踢到4:30就走人.
返屋企慢慢沖涼...然後就約Lawton食飯...Lawton第一次補英語天地....今日見到好多人...岑明峰,陳家和,泰仔,英智,陳家淦...夾埋有8個人咁多...呵呵~做Listening我錯到~PK~~唉~~~跟住就同Lawton喨去打機....打完就返屋企Lu~

我中一至中六朝早係無遲到o既...有都頂多6年一兩次...一個中七就遲左2次~~真係怪~
今日盧得榮都無返....上堂唔駛成日有條友o係側邊成日嘈生晒~哈哈
因為補習~無得睇話劇添~無得同Ms Fan食飯添~哈哈
好野~今日一樣~乜~~都無做過~~Yo~~

聽日唔好再遲到啦~_~ 遲到無得食早餐好慘呢~~

>>January 8, 2004 at 11:56:50 PM GMT+8

2004 年 1 月 7 日 星期三 【晴】

今日朝早又遲起身啦...7點50先起身...成屋D人訓到好似死晒咁...落到街盧得榮打黎...佢都遲所以大家都唔駛食早餐...佢o係大家樂附近等埋我就一齊上去啦~

上到去就瀨野啦...黃伯基黃樹根Fucker o係度嚴陣以待...要人拎張體溫表出黎先俾走...我有叫亞媽簽呀~不過我今日唔記得寫體溫丫嘛...咁平時都係o係班房Check到先寫架啦...點Q知佢係樓梯口伏我~唉~記低左個名~就返上去Lu

第一堂o既Chem...全程問題差唔多係Mok Sir自問自答...最掂係彼得囉...Mok Sir問佢溫左幾多...哈哈~佢答S-Block 囉...跟住佢俾人叫左出去寫溫左乜...彼得o個下o既反應係=>咁多點寫...心裡面九成諗=>呢次大鑊啦...哈哈哈..出到去就o係度九Up...真係笑死~然後彼得話好亂...Mok Sir係咁問佢點亂法...亂乜野...做乜亂...勁好笑^____^ 跟住我都有俾Mok Sir問我讀成點...我只係答佢=>一般啦....3隻字...簡單方便又快捷...哈哈...跟住佢俾測驗囉...

中文...好似俾人擺上枱咁~_~ 拎我D文黎讀...話多四字詞喎....之後成日彼得都係咁同我講四字詞...不過係問候我老母...cccc

Recess去度體溫...去買野食...ENG做Listening...即做即對...有69分~呵~算係咁啦~唉~~
Lunch食完野就返上去踢波...因為無晒其他Form成校得返我地Form7~過埋個無王管o既Reading~就落去CA堂...到我做Presentation...陳錦鴻成日都唔講野囉....

放學就落去踢波...亞So斷眼鏡喎~噢~~之後踢到好順...不過就抽筋~行返屋企我都覺得辛苦~訓到屋企沖涼睇報紙食野睇埋個流星果~最重要~係10點半都未溫過書o既~~~~

Mok Sir話~新一課會講同S-Block o既分別....預計會係=>「吳怡德...你話你讀左S-Block Element...」 跟住就叫佢係咁答問題...哈哈~好期待添~
下堂開始可以去MMLC啦...唔駛再去電腦室~~超遠~~7A班終於感受到行黎行去o個種感覺...ccc
流星果結局啦~~我睇完晒啦~呢本好似係我第二本真係睇o既小說....第一本係棋王...
咁又無一日~都唔知做過乜~~要減少沖涼時間,睇報紙時間
今日教徒生日...我上年好似有送過野俾佢....不過今年無Lu...我都唔記得佢生日添~~Happy Birthday喎~~
聽日要開始Section A補習...唔知會變乜樣...一星期將要補3日...最大碌係...星期六日朝早都要補....
唔知做乜變左English Speaking Day~
仲有係...今日~一連N日將會係咁踢波添...哈哈

今日日記又變長左添~_~

>>January 7, 2004 at 10:43:32 PM GMT+8

2004 年 1 月 6 日 星期二 【晴】

今朝同Jan食早餐...又係盧得榮遲...食到15分先行上去...見到簡Sir即刻跑上去...跟住亞Sir遲左少少都應該無所謂丫嘛~一踏入學校就即刻打鐘...真過癮...不過今日星期二要排隊...跑返課室...見唔到Samson~@@ 平時佢拎塊板...佢未返即係無人拎啦~_~ 即係我又要落去拎囉~早會完~就落去拎啦...即刻o係下面簽埋張紙唔駛行2云...上到去~原來好多人都無返...不過原來陷世界都只係遲到...Samson仲要勁遲...
Bio堂照樣講書...然後o既Stat堂都係咁啦...做返D唔記得左o既數....週會係齋對住「現代」亞Sir 係咁笑...笑左成堂...仲有Mok Sir又講返條Equation囉...Eng要人即堂做Sec E...唉~同Clive 合作搞掂算數...我地就落左去洗手間先~因為教徒未得~咁樣好似負負碌碌避左一劫 @@~....然後食左麵~飲左杯「哈蜜瓜蜜瓜橙」...都唔知乜野名黎o既....
上到去就係Hi Mean Wrong大菜....第一屆Hi Mean Wrong冠軍係裘囉....跟住上左2堂好苦惱o既Chem堂...到第2堂我地已經有D忍唔住...呵~放學就同Jan,亞郭一齊去左自修室圖書館....又見到李偉強~太好Lu~呵呵~真係唔該佢幫我霸左位(雖然唔知有心定無意^o^)~Thanks~~哈哈~我相信佢係幫我留位o既~~~~
到8點幾已經唔想溫~返屋企睇左陣黑白森林...睇報紙....都係咁上下啦...

返屋企o既時候買左雞蛋仔食...好似好耐都無食過~ccc
咁又無左一日啦...我究竟係度做緊乜....
聽日開始7A就o係側邊啦~又好似中六咁~如果佢地有結他玩仲好~呵~呵~~呵~~~~
流星果...到最尾一章啦...今日係睇到...非非除左陳思遠之外,又多左單緋聞...係同常浩然...Kenny自己剖腹...以為自己真係有子宮....LoHo都話本書唔錯喎....

今日...有如行屍走肉....沒有精神的人...所以對乜都無乜興趣...連名采都睇得好求其..唉

>>January 6, 2004 at 11:50:03 PM GMT+8

2004 年 1 月 5 日 星期一 【晴】

因為尋晚食唔落飯~今朝起身食左舊飯糰...再出去大家樂食早餐...不過今次我到左~就到盧得榮趕唔到黎~佢黎到已經係8點10分...佢等我食完就一齊返上去啦...一返去就要HI MEAN WRONG大菜...不過我開始左一陣...就要收工~亞SIR到...
CA堂亞SIR話帶我地參觀數碼港...不過係Day1 o個堂...費事唔上Chem...而且要同Form 4 o既同學去~更加唔想去~所以就決定左唔去...不過亞Sir話...佢留o係度教書喎~_~唔好呀....
第二堂又黎Fucker堂...反應一致=>悶到抽筋...又第一波又第二波又第三波...佢講咁多樣野~我只係記得~佢話~人腦~要訓6個鐘先會識得記野...咁我諗我都要訓返六個鐘啦...哈哈~
Recess又黎Hi Mean Wrong....我o個場又係咁~對對下Ms Fan黎啦...中文又係講PastPaper...難就一般啦...講起個音樂劇~Ms Fan話一係資助我地~一係就請食飯~哈哈~佢仲要話唔會請食好貴...最多都係Pizza Hut..哇哈哈哈~仲唔夠呀??哈哈哈...Ms Fan真係趣怪得黎好抵死..哈哈...不過我好似無緣去食...哈哈~不過都覺得好得意丫~cccc
Mok Sir堂佢自己又瀨野...又黎Balance Equation不過又唔掂...
跟住係一個好黑o既Lunch~先去到大家樂已覺得唔掂...見到亞Jan...打完招呼即閃...去左Delifrance..教徒條Tie中招....我就將個蓋一野Cup落個杯度o既時候~將隻杯將裂左...然後盧得榮想用糖漿兇我...結果作法自斃....糖漿爆左整到佢自己....哈哈~仲到整到個頭~一連三人中招哦~~~
上到去又黎Hi Mean Wrong...好多場精彩o既賽事...由其係裘呀...哈哈~~簡Sir黎到都照繼續...我o個場又黎~我Penalty一見到亞So...就輸晒啦..哈哈...我唔知點解佢寫字我都即刻笑...哈哈~然後李汝富企o係門口望住我地做乜野...成班即刻散水...
放學就同Jan,海人,肥成一齊去左自修室...去到見到亞銅...祥...欏柚...搵搵下位就見到亞強~坐佢側邊算Lu~之後亞培,人仁都到~夜晚食完飯~10點就閃~返到屋企就沖涼睇報紙囉~~

盧得榮個頭因為俾糖漿整到...仲硬過GEL頭...哈哈
右邊加埋亞郭個7B相簿先~~有好多勁野架~ccc
要開始努力啦....1月啦...跳樓啦今次....
喨話有6份Notes咁多添~_~唉~~星期日我都要去補Simon啦...星期四又要Listening....一個星期要補3日啦...唉~惡夢呀....
睇返亞郭D相...真係幾好笑...呵呵~~
流星果差2章就完啦...Kenny要同非非分手哦@o@~~

我諗我應該無事....路絲瑪莉雞同訓黎頸都差唔多已經遠我而去~亞孟~~

>>January 6, 2004 at 1:29:12 AM GMT+8

2004 年 1 月 4 日 星期日 【晴】

起身睇左陣周星馳...本來做正將~不過為左紀念梅豔芳....做左龍過雞年...然後一路睇~就睇下省港盃....不過睇左唔夠半場...就熄電視啦...繼續睇下個流星果.....今日睇到2/3啦...好多野都明確清晰左好多~夜晚直頭唔想食飯....呢2-3日係完全乜野都無做過o既...除左睇流星果...不過我覺得自己睇得勁慢囉....然後再夜D抄返D Chem~咁就一日啦..
亞輝話要努力讀書入大學~好事黎o既~希望佢真係會啦...有時D刺激會係一種好大o既推動力...
亞媽o係Jusco買左好多野食...不過唔多舒服~_~唔多想食囉...
海人話要寫返晒D日記喎~我又想睇下~佢會唔會呢~呵~~
仲有係...今日訓黎頸...個頭長時間側去一邊...好痛.....

事情發展到...黎卓詩借用非非o既身體...同陳思遠見面...肌膚相親之際...俾Kenny見到...

隻露絲瑪莉雞認真靠害...肚痛阿...
頭痛又肚痛....救命...

>>January 5, 2004 at 12:38:04 AM GMT+8