2005 年 11 月 12 日 星期六 【晴】
有時候一句說話o既震撼力都可以好大...今日我又試到了...
雖然大家係不和...不過一直都無o個種感覺...
直到一句說話...突然就湧現啦...
我同你o既關係要係咁樣嗎...?
難堪的不想 只想痛快事情...
時間尚早別張開眼睛...
>>November 12, 2005 at 4:46:40 AM GMT+8
2005 年 10 月 18 日 星期二 【晴】
唔...自二星期前開始...因為功課太多的關係...都無乜時間寫日記...包括做自己野...但今日又突然好想寫一下...
每日都差唔多固定係1030返學校...即使第二日唔駛返1030...又或者係dayoff...但依然係要早起身返學做功課...每日都差唔多做到11點先走...有時可能早少少...但早極過9點吧...返到屋企食完飯...又係做功課...本來由以前2點幾訓...依家幾日都係4點先訓...第2朝又要1030返學做功課...今日就已經起唔到身...
唔..呢種咁o既生活...真係有d討厭...仲慘過返工朝9晚6...我朝10晚11...每日返到屋企又要食自己...不過唔知點解...人地組好似比我地輕鬆得多...或者係我地太過執著...但我覺得至少有保證...
唔夠訓有後遺吧...上堂周不時發夢...耐唔耐都釣下魚...都幾辛苦...因為釣魚唔同訓著覺...想聽書但隻眼依然係要跌落黎...
多得同學o既支持...一齊拍住每日咁做功課...即使係星期5dayoff or 星期6...都依然一齊努力...大家肯做就係一種鼓勵...
但唯獨是你走遠了點
我諗我係做錯左..有時我可能係太注重功課...
睇過某套卡通片,醒起覺得自己好似當中o既一個唔係人類角色...點極都唔明白咩先係愛情...
向來我都想自己感性一d...感覺多d...不過始終到有d困難...
看了一點...忽然有被遺棄的感覺...
>>October 19, 2005 at 2:41:57 AM GMT+8
2005 年 10 月 15 日 星期六 【晴】
在打今日最後一個sms時...心裡面...有點酸..
都唔係有點架啦...
真係好對唔住...
或者我應該有d行動...
有時候....人真係需要一d絕對寧靜o既環境...同絕對平靜的心境....
先可以將腦裡面渾沌一片o既野清清楚楚咁諗一次....
可惜時間真係唔足夠...
我依然係一片大混亂....
好對唔住.....
唉~發up風
>>October 16, 2005 at 4:50:36 AM GMT+8
2005 年 10 月 1 日 星期六 【晴】
唔...近呢2個禮拜實在太忙...忙到竟然周不時留o係Poly做功課傾Project...我諗之前我都唔會留o係poly做功課做到11點俾人趕吧...
呢個禮拜...interview過~33x乜功課都有~好在我CLC present未到~如果唔係就真係大檸樂...
活動唔多~踢過一次波...o個日曬到死~不過都幾好玩~十幾個人一齊熱到痴線咁踢波~都幾過癮~我想睇返佢地錄起o既video阿...因為我記得o個日都好多低能野-_-...
之後o個個wk就去左打機...我都唔知點解打左咁耐~不過又幾好玩~好耐都無玩CS,又有BF玩~AOC~咁多人一齊玩都唔錯~呵~玩到11點幾~_~ 可能係交完331勁趕勁趕同337interview完o既後遺~大軍變左世仇~_~
講起331~下次都係唔好預咁趕了~337都係~趕到o個下想入左去interview先~不過d野又無人睇住~其實所有project都係吧...希望唔好咁趕了~同gp o既組員都好努力阿~!!
然後黎緊星期4~又bk左場打波~每個禮拜一次~_~"!!
我又密謀搵地方學結他啦~! 依家搵左sandy個亞sir~等夾到時間~就可以開始學啦~好期待阿~~真係好想學結他...一直以黎~都想繼續玩~不過硬係好多野做...自從返工打機~少左玩之後~就開始放低左一排~不過我相信~有人教結他o既時候~我就會好俾心機學架啦
近排太多功課做...我真係少左時間陪林雪了...我都會盡量抽時間o既~! 不過有時功課真係太多阿~~希望你明白~~~
下個wk功課又黎啦...等我開開心心過埋呢2日吧..
>>October 2, 2005 at 6:23:20 AM GMT+8
2005 年 9 月 23 日 星期五 【晴】
又過左好耐無寫日記啦...d同學仔都開始少黎啦~咁都正常o既~我又唔係成日update~
今日其實都仲有野做...基本上D Project不停咁黎...我依家一星期有4-5日都要開會o既...但我依家又唔記得之前o既野...只記得337331335338咁樣....
近排總係好多事o係身邊發生...好o既唔見得多...但唔好o既就一樣黎完到一樣...
同林雪近排耐唔耐又鬧交...唔唔唔...我都希望大家都可以了解多d...磨砂阿...有問題解決都好o既...我都想o個個會笑o既你快d返黎~唔好苦瓜干乾咁樣啦~我有時可能真係做錯好多野~不過我都有改架啦...多得林雪~我有得睇hocc~真係好睇呀~! 買左本影像note~佢話係限量一千本o既sonvenir...嘿嘿~不過都要$220~又覺得side$又覺得有紀念價值...真係矛盾~_~"!!
今個Yr唔知點解突然間...想識多D IS o既同學...同Andy,Jonah,Dicky&李靜 1 Gp做337我的確幾開心...因為每個組員都好努力做野...我自己都做得落力左~何況d gp member個個都咁好打...今年揀組員真係唔錯阿~! 我覺得呢班唔單止係組員~都係好朋友阿~~唔...我突然又諗起我d中學同學話我~o岩o岩開始唔識我...覺得我兇神惡煞...但識落就覺得我低能-_-...哈哈~咁樣都唔錯丫~想見下d中七同學~就快有機會啦!下星期好似同埋亞mok sir一齊食飯~
聽日就係IS足球o既大日子...本來係應該好興奮...但係無啦啦又有D咁o既野...真係內憂又外患...或者今次真係一個寶貴o既經驗...對陌生人唔好9up吧...如果唔係就盞自己煩...只怪自己講野一舊舊...
快D雨過天晴啦...
>>September 23, 2005 at 3:23:58 AM GMT+8
2005 年 9 月 22 日 星期四 【晴】
我俾人tag
5個habits
1. 打機症.一日至少要打一陣機lor,另外一日試過可以不停咁打機,食飯都照打,當然去廁所無得打,街就當然唔出啦.
2. 食飯...會傾向鐘意食熱o既飯,唔知點解覺得好食好多.當然唔熱都要食架啦
3. 鐘意著短褲多過長褲好多~太凍就無辦法
4. print notes我會通常1版開2個slides only
5. 對住唔熟o既人我好似啞咁樣
唔tag人~都無人睇到~_~tag個林雪儀啦~自己睇到就跟阿
>>September 23, 2005 at 3:36:59 AM GMT+8
2005 年 9 月 10 日 星期六 【晴】
幾經辛苦~本來我都差D唔記得左...
我終於有得睇何韻詩o既下世梁祝傳奇
真係要唔該晒林雪阿~~
得你幫我搵飛乍~如果唔係就無得睇啦~
就因為係咁~我星期六有得睇舞台劇~希望一切順利~等我有得睇啦~
>>September 15, 2005 at 9:02:45 AM GMT+8
2005 年 9 月 9 日 星期五 【晴】
電腦又俾我家姐搞到中左毒...麻煩...無啦啦又搞壇咁o既野出黎...依家暫時只可以用notebook上住網先...好在d功課未開始要用電腦做...如果唔係...我都唔知道講咩好...
不過部機都有3-4年啦...我諗都差唔多係時間買過一部啦..不過今次點都要分開機用架啦...
>>September 9, 2005 at 12:13:23 PM GMT+8
2005 年 8 月 14 日 星期日 【晴】
講一下其他野吧...
因為有工返...今日亞媽生日...拎左D人工去請佢食飯同買禮物...咁o岩佢又好鐘意隻狗...結果我俾左少少$俾佢買狗啦...正因為係咁...我屋企依家+埋有4隻狗咁多..最新o個隻叫做小白...因為全身白色...佢好似DonDon細過o個時...
講下關於Jupas啦...之前過左個Time Period...同亞輝要特登搭車去HKU Jupas Office...仲要俾多$200改Choice...都有諗過改唔改..不過最後都係算數..因為報都要400啦...跟住放Jupas...派左個City Comp Science俾我...呢個就係我之前諗左好耐o既大問題...因為留o係Poly有機會去HKU,UST,或者升返上Poly...出面o既人睇City好低o既...但依家又有個Degree...本來想問下D Professor...但去到一個人都無...交Quit Form前真係好苦惱...係Degree~但係City...我問過都有好幾個人...叫我讀又有~唔讀又有...由其係交Form前一刻...真係好慘~最後問左Mok Sir...佢建議我留低...因為依家去到City就一張Cert都仲未有...而且佢話如果我係Top o既駛乜驚...結果我都無交Quit Form同Accept個Offer...我留低左o係Poly...俾左600蚊去唔知做乜...唉!!
同朋友提起~個個都覺得奇怪...不過我想...我要...努力去升Degree...或者到時有2張Cert呢...不過要好努力啦...
恭喜好多同學都去到其他科~唔駛再留o係IS呢個地獄啦...
其他o既諗唔到住啦...寫住呢D先啦..
>>August 15, 2005 at 4:09:23 AM GMT+8
2005 年 8 月 13 日 星期六 【晴】
嗯...好耐都無寫過日記啦...今日見得閒少少~就隨便寫D野吧...
近排我又有工返...由7月26號已經開始返...我俾人坤左我話係入資料...結果呢~就竟然又變返打雜...
第一日返工已經要OT到8:30...第二日就9:30...估唔到我上年唔駛OT...今年返2日就已經要6個鐘...1日之耐包起30個D類似果籃o既Package...第二日4:30先開始出Press Kit...-_-...做60個...總括即係想講~唔知點解D野要趕到咁...仲要做咁多野都得一兩個人做...
之後問返...原來係無OT補o既...咁先仆街...不過俾野我做o個個叫我星期6唔駛返...同埋佢報我返左...咁先順返D...
然後都相安無事咁返工...只係覺得其中有一個同事成日D濕碎野都唔做...俾晒我做...
有個星期6...我一早返公司點Locker裡面o既Item...點到12:50我返去放低D野...然後俾呢個唔做野o既同事...o係12:50分俾成疊紙我叫我Cut紙!!大佬我收1點...差唔多放工先搵我做~?又要搵個Cut紙閘...然後Cut2下...就界到隻手啦...流血lor...另外2位同事都有俾紙巾我...但o個位同事竟然係問我幫佢Scan左野未..我答佢未wor...佢話...係wor...你整親wor...嘩~仆街~咁o既反應即係知道我整親啦~都唔理下d同事o既...
呢位同事...連Print一張野都要搵我做...
不過到最後...都聽到佢話唔做...唔知點解覺得...好囉~恭喜你...
就咁返左差唔多3個星期...應該有返幾千蚊啦...哈哈~本來最後一日臨走前同事仲想叫我影印...我睬佢都傻^o^
今次做野無咩得著...最多都係~做野唔好咁快lor...因為就算做得快...都有人係咁話我慢...試過俾d貼紙我貼...9點45左右俾我..有250張左右...到10點佢問我貼完未...然後又話我慢...唉...
到第二個星期...我已經開始每日做野都聽歌聽電台...兩日唔夠就要叉一次電~D CEO行過我都無理佢...哈哈^__^
有機會...都係唔好返呢間公司做...暑期工都唔多想...
>>August 15, 2005 at 3:36:43 AM GMT+8
|