2003 年 12 月 25 日 星期四 【晴】

今日成3點先起身...起身係無乜做過野~睇下電影台~李修賢同周潤發o既戲...真係N年前...超後生...跟住就睇報紙...睇返3日未睇o既報紙...之後都唔知做過乜~睇花樣中年...本來人仁叫我出去中記~不過我都係懶~費事去Lu~叫佢地食完打俾我睇下去邊~不過音訊全無~~唔緊要~ccc 我留返o係屋企~~~ 夜晚都係睇下電視咁啦~~

夜晚無線新聞最後o個度好好笑~D人做唔同o既運動~另外呢~韓國麵係好食喎~比香港麵更彈牙~~ccc唉~今日乜都無做過呢~~
過左一個好平靜o既聖誕節~畢竟聖誕節都係家庭,情侶o既日子~我屋企人o係屋企~所以我都唔駛出街o既~~何況我唔會好似電視D人咁~~出街凸D差佬...所以~聖誕平凡有平凡咁過~亞輝教o既...哈哈~

祝其他人都聖誕快樂啦...Merry Christmas~

>>December 26, 2003 at 1:12:46 AM GMT+8

2003 年 12 月 24 日 星期三 【晴】

今朝訓到12點~就起身化妝換衫啦...因為獅子o既2張飛~約左大江一點鐘...我遲左~不過大江仲遲過我~_~ 過左入場時間...等佢黎到~我地去買埋野飲先入場...太趕時間~無將D野飲野食收埋~俾個帶位員問...「要唔要我同你保管住先?」...不過佢地都係放我地入去~但係就叫我地唔好留低垃圾~_~ 入到去已經做緊...o岩o岩去到間大屋度...套戲麻麻啦....睇完大江都照樣將D垃圾放o係戲院~ccc 然後就去左大家樂搵獅子啦...俾完錢佢就閃Lu....見到好多學生o係度唱緊歌...就返屋企啦...訓著左~

夜晚約左彼得振宇去盧得榮度...7:30左右...就去到時代...o係二千年廣場望過去~振宇唔知我o係裡面...好好玩~跟住彼得一樣~~都o係度搵我地o係邊....買好多野食...就搭車上去...去到上左Clive屋企放低D野先..同佢玩左個遊戲~估下佢o既反應....跟住就落去搵大江...企左o係樓下吹水...買左罐啫喱狀o既野飲...等亞輝~_~ 打左俾佢幾次~都係話o係屋企...然後終於都上到黎...佢話黎一陣就走~_~ 即係~等佢等1粒鐘~黎半粒鐘就走o個D...一去到就即刻黎料打邊爐....果然佢屋企係有4箱汽水...最好笑o既係大江...用手拎D煤氣黎索...哈哈...跟住亞輝...去洗手間要除衫....費事整污糟....仲有振宇放晒D菜落去又唔食~_~...大江去到同去網吧係無分別o既~除左上網同食野...佢係乜都無做過...亞輝最後都係無返去~我地2點鐘就走人...亞輝自己話鋤D...輸左就請搭的士....結果好似係彼得贏~振宇輸一隻...我輸2隻...亞輝3隻..哈哈~佢要猜我地囉~cccc 落到北角食糖水...俾個老細吹漲...話說係叫左碗腐竹糖水~老細:「要唔要加蛋?」我答:「好呀...」老細:「無蛋喎...」...玩野呀~_~ 跟住見到周圍D醫生名都唔正常o既...梁華滾...邊有人個名用個滾字~_~ 仲有個叫劉華...哈哈食完糖水~就返屋企~沖涼訓覺lu~~

呢日收到周天祐將聖誕卡....呢張係一張無地址o既聖誕卡....即係佢係自己黎我屋企樓下放入我信箱o既...振宇話~周天祐問過佢我同彼得地址喎~~
亞輝無乜食過野~不過都收左佢40蚊~都好似唔係咁好添
呢日夜晚好好笑~笑左我成晚...好開心呢~~ccc 今年平安夜~都算係咁啦~~

>>December 25, 2003 at 9:32:31 PM GMT+8

2003 年 12 月 23 日 星期二 【晴】

今日係學校o既聖誕慶祝會....我7點40到先起身...正想刷牙之際~亞Jan仲打電話黎話食早餐...不過我先o岩o岩起身無耐...我成8點30到先返到學校~果然今日遲到係無所謂o既~~雖然門口企左樹根同Fucker...不過佢地都係四萬咁o既口....返到上去...D人都齊晒....一黎到就俾人問條匙o係邊...大江拎走左囉~
因為太得閒...就一齊落去拎點名簿~落到去俾樹根問我地咁多人做乜...跟住仲慢慢猜樓梯上去－＿－......不過玩左唔夠2鋪就變返行上去...上到去無野做..玩飛機~Mok Sir都黎到...然後就玩Truth or Dare....Truth D問題有D都好鬼衰....問亞郭o個條...我問Clive o個條...仲有問彼得最憎邊個...哈哈~Dare做左好多得意野...彼得鍚Fucker...亞扭去隔離班嗌...仲有亞昇做倒立...喨學耍拳...最後就係我...俾佢地班人叫我落去叫Yumiko...落到4樓咁o岩佢地打緊波....我叫左3聲之後就即閃~跟住後面就話有野啦~原來係Yumiko發難渣...用粒波Ban我地D人...我地返轉頭睇乜事~Mok Sir就叫我地返上去~佢拆掂喎~~咁我地咪返上去囉~跟住上到去就變左睇野...開左電腦...睇左超人...睇亞昇..Mok Sir就叫我地小心~唔好再同佢隻無EQ生事....因為我地入大學唔好花Record喎~跟住就又睇超人...我睇Mok Sir心不在焉咁...佢九成係俾Yumiko件事搞到咁啦~~睇完Ms Fan就送野食上黎啦...真係好人啦...D人就食野~玩牌...我就坐左o係度睇無間道...Mok Sir走埋黎問~上次你地同Yumiko踢波邊個贏呀~_~唉~好明顯佢仲係諗緊o個件事o既...然後佢地班人繼續玩魔術...坐左陣就話抽牌~最細執野...不過抽唔抽到最細都係成班一齊執...11點鐘走人....
我同Clive, Jan,肥成喨大江等人就去左拎Notes...嘩~影左140蚊~_~ 而且好大份...要拎住去玩~去到太子...我都係坐o係度睇亞輝名彼得打...然後唔夠一陣就走啦~同大江去左味千食野~就返屋企訓...2點幾~一訓訓到6點半...起身都唔記得做過乜~好似係做功課~夜晚係咁睇Now o既電影台...睇到5點~做公子多情好好笑~

樹根每次見到我~都話我係奸o既~_~
總括呢~我地今年係無用過錢o既...另外呢~~Ms Fan請左食朱古力哦~哈哈...

丫~唔知單拖見到Yumiko會點呢....cccc

>>December 25, 2003 at 4:50:06 AM GMT+8

2003 年 12 月 22 日 星期一 【晴】

今日朝早同左海人,盧德榮食早餐~盧德榮今日竟然8點就到...早左好多喎~~Chem堂趕埋個Nitrogen....然後講返份野卷...都唔記得當中做過乜啦...只記得教徒D Balance...亞郭問問題~~最好笑係Mok Sir 話完彼得~自己Balance唔到條Equation...
Recess o係度邊聽何CC邊抄Chem....Bio堂又俾測驗啦...好多要溫呀...Animal Nutrition & Nervous Coordination & Plant Growth ...跟住都係講Kidney...Stat開始講Probability啦...當係鞏固記憶啦~反正聽完J.Lau講野...都唔似記得咁清楚...Lunch梁偉做Survey...調查Trans~有邊個俾佢問過借錢...我係無俾人問過o既....可能佢知我唔多鐘意佢~
然後...中文堂...又無啦啦俾人擺上枱~_~ .....跟住叫人作文...話想我地即堂交...我同盧德榮,喨~唱聖誕歌...新年歌...粗獷版....笑足我成堂...然後又記錯~_~ Ms Fan唔應該係范太~哈哈....Raymond就俾人屈聽日請食野....呵~~~
Oral堂...得5個人...唉~D人走晒去邊....要人做Formal Presentation...篇野我睇都未睇得明...所以我一開始~就開宗明義講我唔知佢講緊乜...是但講2句就算Lu...
放學睇亞So點樣佈置課室...然後就聽歌....Plan下篇文...4:30趕客...大江先o岩o岩返黎....我交低條匙俾佢就算Lu....
返到屋企...唔記得做過乜...好似係訓左覺....起身又睇電影台啦....~_~作文作得勁慢....不過都好~都叫做做晒......

振宇...依家到佢好似大江咁~成日無啦啦望過黎...仲有佢今日個頭....~_____~ 同Trans.....
Hocc Dress Me Up 熱播~~~~~~愛上~出生入死~

>>December 23, 2003 at 3:02:39 AM GMT+8

2003 年 12 月 21 日 星期日 【晴】

尋晚聽歌聽到5點先訓~何Cc~今朝起身都成1點鐘~我家姐播歌播到我訓緊都聽到....起身就打左陣機....跟住玩玩下~就想做野~因為有ENG要做...不過想做之際....又開左個Now o既電影台...做蜀山傳~咁就睇左套蜀山傳啦...~_~ 跟住先開始做下野...都係玩下結他又做下咁...做唔完....唔駛出街食飯~~
然後邊食野邊睇Chem...再夜D...唔該亞郭俾個FTP我Download~我地上台表演超人o既片....好睇呀~哈哈~~估唔到個效果咁好~個FILE有47MB...哈哈...
跟住就沖涼~睇埋D Chem就算啦.....都係做唔晒D Eng...

唉~_~呢幾日無睇過書仔~又無做過野~~我想買本叫做「愛上天使藍」o既書~同何cc一D關係都無~不過唔知點解我好想睇...
呵~聽朝有早餐~~遲D有5C聚會~再同大江Farewell(呢個未定)~仲有~後日可能同Clive食飯~呵~~
得閒一定要逗隻兩位一體呀~~~~~

>>December 22, 2003 at 1:55:14 AM GMT+8

2003 年 12 月 21 日 星期日 【晴】

Dress Me Up

忘....沙...娃鬼回魂...兩位一體o既結他....出生入死.....無家可歸都幾好o既...
Barbie....似係唔知乜野音樂...好似係Jazz....呢隻一般啦...
娃鬼回魂...開頭幾段真係好有o個種FEEL架~~
仲有隻「鬼」....10幾分鐘後先出現....唔開住都唔知道~~以為出生入死之後就完啦...
元神出竅...D歌詞唔知做緊乜~_~....

睇下呢個假期有無時間逗下隻 兩位一體....
推介=>忘,沙,出生入死

>>December 21, 2003 at 4:35:49 PM GMT+8

2003 年 12 月 20 日 星期六 【晴】

起身又要補習啦~次次上J.Lau堂都好好笑...今日好彩唔駛同佢一架 車立...因為Clive要報名...J.Lau個樣真係勁搞笑...跟住同喨一齊返左TKPC...拎書返屋企...再落左去下面踢波...兩個人踢都好好玩~玩到2點....買完果汁~走人買野食返屋企...食野時睇戲...睇左亞Gill o既唔知乜乜樂園~亞Gill好靚呢...跟住就係周潤發+張國榮+鐘楚紅o既戲...真係N年前...叫做縱橫四海...睇睇下去訓覺~起身都係打下機~睇報紙+大結局....

D力上返個菠蘿蓋...好痛...之前都係咁~
今日見到有隻JOEY2...開左黎聽~聽返...好聽..
仲有聽左HOCC...頭6首到啦...娃鬼回魂同忘幾好...不過暫時D歌除左沙~都真係一般...

>>December 21, 2003 at 2:39:21 AM GMT+8

2003 年 12 月 19 日 星期五 【晴】

帶埋呢日結他可以唔駛帶返學校啦...呢朝其實都好多野拎...除左帶支結他,仲要帶PE衫...跟住因為低過20度...又要帶校褸...好似走難咁~_~同Clive食完早餐...就返學...Stat今日仲未講到去Stat o個Part...仲係做緊Maths...唉~_~弱項...
PE堂一黎就跑5-6個圈...然後做返每堂指定動作....1=>指住海人對鞋...等佢做10下掌上壓~2=>等彼得去做掌上壓o既時候望住佢~踢波都幾好丫~叫樹喜一齊踢佢又唔肯喎~
Recess有個人走入黎~唔知澄鏡乜乜~我地推黎推去~呵呵~玩左佢一陣~佢就自己走左Lu~中文就Gp Discussion變返去個人短講~原來~睇報紙同書都會有幫助o既~亞So好好笑~Lunch...呢日o既Lunch簡直係一個無奈o既Lunch....首先有撞鬼...然後又輸波~唉~~余鐳勁呢~~仲搞到佢地傷傷地~我彈結他唔知做乜俾人小~_~?
CA堂...無聊~對Pastpaper...Chem又變返普通就咁教~Mok Sir都好識做~肯放人~然後就排左2-3次~就落去啦...心情梗係緊張啦...上到台~真係做自己野~_~ 雖然話就話亞So佢地o係我面前做動作~不過我好似睇唔到咁~而且仲彈錯左一個Chord~唉......整體唔錯架~台下面反應好熱烈~PETER燈光非常好~初初我地唔知係佢添~成隻歌去得好順...比想像中好...到亞昇唱...用手機當螢光棒...喨同Trunks o個部好似激光炮咁...勁光...我自己行去前面望~好靚架~~
宣佈結果~個人~係我地班亞昇贏左~團結~係7A...尹國寶同王偉釗~_~ .......唉~~算數啦~~好玩就已經好夠~~跟住就走人返屋企~睇陣戇J...就出去同Clive,大江食飯啦~去左天后食野...大江可能無同人溝通好耐~詞不達意...係咁俾我同Clive串佢...哈哈~跟住講下中三D野...大江話Ms Fan o係台下面笑到傻左~其他人反應都好激~~佢話尹國寶佢地唱得唔係咁好~_~唉~~~跟住無野做~所以散水...返屋企...

我一諗起中文訂飛o個度就慘啦~_~ 唉~我記得我真係有講我同Ronald要補習唔去得架~不過我就真係無講到Lawton之嘛~_~唔記得丫嘛....依家都唔知點.....
呢日o既校園節拍~好多謝亞培亞強大家姐特登返黎棒場呀~
嗯~大江都就快走...1月2號...噢~又走一個~~

買左HOCC CD啦.....

今次校園節拍真係好多謝7B各位有份參與o既同學~一切得以順利完成...造就左一個~好難忘o既中七...

>>December 21, 2003 at 2:25:35 AM GMT+8

2003 年 12 月 18 日 星期四 【晴】

今朝又要帶住支野返學...打俾亞Jan...佢話唔知乜野無帶鎖匙銀包~所以又黎唔到...返到上去又即刻要排隊....見到好多人仲做緊功課囉...有Mike宋出黎講野~佢唔記得o既時候好好笑~
Mok Sir堂...今日竟然用PowerPoint教書...可能因為黃啟泰黎上堂啦~或者測試緊卦...然後無左Raymond...又到PETER啦~中文又派返D文~今次篇文作得唔係咁好~不過都唔緊要啦~偶有佳作亦足夠~人不是任何時候都在發光o既~~然後又係做閱讀理解~Ronald係閱解神哦~
Recess首次試下排舞...睇落幾好丫~ENG做SEC C...仲係差D...唔夠快...Lunch返上黎~見到亞So返左~太好啦~~佢都為左聽日上台返黎~之後我地繼續排舞...出埋天台試~不過王劍昌又趕我地....麻鬼煩~_~
CA堂...聽To Sir講野...好悶好悶...不過唔聽又唔得~個TAS同Database TAS無分別...另外係...Presentation原來係有排都唔駛做...妖~我咁早做做乜~唉....
放學就落左去繼續排...仲上台試下~都幾好丫~不過唱就好似怪怪地~
跟住返左屋企先~再出黎同喨,教徒一齊報ENG....跟住我就去自修室Lu...我都唔知有乜人~只見到有亞強~全程都係睇書~跟住亞培到~就落左去食飯~暴徒人仁尹國賓亞培亞妹...好耐無見~~食完佢地又有飯後活動~我返屋企睇報紙睇電視算數~~~然後夜D做左少少英文~又睇下書咁啦~

今日蘋果日報有Hocc報道...而聽日就有Hocc CD出啦~我亞媽去旺角都幫我買左2張Hocc呀~呵呵
聽日個結果會點呢...雖然我唔覺得會贏~不過只係有玩過~就係啦~剎那o既發生~都係永恆!~已構成宇宙o既一部份~! 輸左~就當九一主義啦~
有電影台睇...一開~嘩!猛片....N年前林子祥同小柏林o既「一咬OK」...好野丫~猛片.....

咳~持續不退...

>>December 19, 2003 at 12:55:47 AM GMT+8

2003 年 12 月 17 日 星期三 【晴】

今朝食早餐~Clive又話黎~影都唔見...返到上去~收下功課~發現好多人都無返~Clive,Jan都唔返~搞到無人同我食早餐~仲有振宇同亞扭~本來以為亞輝都唔返~不過佢只係遲到o者~
跟住係Bio堂~繼續講書~最痴線係~_~講晒之後先話我地知~Cytokinins係Out Syl o既...發瘟丫...然後要書...我以為我本書唔見左添~開Locker又無,我櫃筒又無....之後係Stat堂~今日清晰少少啦~都知道做乜~不過發現D Maths o個邊都係唔記得晒...唔知道D2次>0係Min,<0係Max...仲有聽住亞輝同梁偉講野~幾好笑~ccc
跟住就頒獎典禮...因為彼得餓呀~所以早左同佢落去先~週會...睇住D人拎獎都無乜感覺~唔係話自鳴清高~只不過真係唔知有乜用~無理由出到去見工~同人地老細講~我拎過乜章乜章...人地九成回應你~咩黎架? 而且就算開始~都無乜用...Form幾先...我仲有o係學校唔知有無3個月...況且睇到人地得獎我都無乜感覺~ccc 返到課室Mok Sir就講個Lab...佢講完我都唔知做緊乜~佢話我地無pre-lab...唉~_~我都唔想~我係無帶返屋企呀....結果佢成堂捉住我係咁問我~我又唔識喎~
ENG堂無鬼聊~首先要我係咁派野...之後就做無聊Exercise...就睇住張Lab Menu~研究下~Lunch同勁扑食飯~大江又唔到喎...然後食完就返上去~佢睇左陣無鏡道呀~我繼續Pre-Lab...然後做Lab~好多都做唔到~我睇見隔離Ronald o個組真係有D興....邊有D陷家祥自己o係度做Lab Report~得Ronald一個o係度做架....發瘟....放學就做Lab Report...聽下裘同Nixon對話~我同教徒就做Lab Report~跟住一齊走~亞培話今日唔得~所以唔落去Lu...所以返屋企...做功課~休息左9個字...然後睇電視+報紙~唉~衝上雲霄真係希望你快D做完~_~.....搞到我成日都掛住睇電視...
之後睇報紙...睇書....約左亞培聽日~~

亞輝係咁問人拎聖誕禮物~_~ 你俾我啦~
聽日就有Now o既電影台~哈哈~有戲睇Lu~
聽日又要帶支炮返學啦....唉~鬼叫又綵排~佢地班人仲未排好D動作~我有D擔心...第一係D同學會唔會一齊o係星期五一齊上台呢....因為個時間都好似好遲下....第二係...D動作未準備好...我驚趕唔切排...而且Wong Sir將個Focus放左o係我地o既動作上面....真係有D不安感...不過算啦~杞人憂天...我相信7B~臨場都可以搞掂....

咳到就死~唉~

>>December 18, 2003 at 12:19:14 AM GMT+8