2004 年 2 月 2 日 星期一 【晴】

Basco慶典...今日唔駛返鄧鏡波...不過就要去天主教總堂...即係明愛隔離~每隔2年1次...朝早去左地鐵站搵彼得同亞Ju...跟住就去食早餐...海人之後跟住黎...然後亞So同扭都黎埋...食到一半...亞Ju就趕下一場...佢好似約左人~
Lawton黎到就企o係出面唔入黎...食完就過對面一齊搵Ronald...然後搭車又見到LoHo...仲有亞輝同振宇...然後就等入教堂囉...無乜特別野...我好似已經第4次黎...樹根勁似人地G4特工...然後又要俾神父祝福...摸下我個頭~_~好彩唔係俾Fucker余摸...cc...
放左就去亞輝屋企....亞輝搭搭下車先話無帶鎖匙..所以去左灣仔拎先...然後又搭返車去北角...亞So同扭仲快過我地...亞輝哥一句....亞Ju真係拎PS2上黎哦~_~....然後我地等埋振宇買麻雀紙...就雀局啦...之後打下機...又雀局咁...玩到盧得榮連習都唔補...9點幾先走....亞扭又話唔識打...不過佢又贏錢喎...我都有贏...應該贏左1個早餐卦...亞輝同亞So輸最多囉...cc 亞輝本來食13么贏架...不過之後D Extra Round又輸返轉頭...cc
返到屋企...食左幾舊芒果...食埋個麵...睇左陣一枝梅...楊怡幾靚哦~cc跟住勁快好似死左咁o係張梳化度...我亞媽同家姐勁嘈...又嘈又尖...結果我就醒左...醒左之後一樣咁嘈...所以就大聲咁佢2個咪嘈...當堂靜晒!!
沖完涼變左同盧得榮傾電話睇英超囉....

呵~我發覺....我開始試下食D...我平時唔食o既野...煎雙蛋...魚...我近呢一兩個月都有試過
Ms Fan唔識打牌架喎~ccc 今日叫佢一齊打牌...佢話唔打...因為佢唔識~_~
再一次將載滿朋友心聲o既書拿出...交到呢2年o既朋友手上...

別讓自己沈下去...連放縱都不行...

>>February 3, 2004 at 2:30:54 AM GMT+8

2004 年 2 月 1 日 星期日 【晴】

今朝同Jan食完早餐...補Simon蔣...條友好似肺勞咁...講唔夠2句就咳一咳...佢講野又係勁好笑...我上佢堂好似上J.Lau堂一樣咁笑...補完習去左打機....出銅鑼灣打Z過到第3版...不過第四版就死...又玩下KOF...然後就散水...
行到街口...見到間狗鋪...我地企左o係度都有3個字....睇2隻ChowChow開拖...勁好笑...一隻係咁走去搞另一隻...另一隻就係咁訓覺...跟住佢地去中央...我就返屋企......又玩下狗...
隻狗跟住賴尿~_~ 頂佢個肺...然後訓左陣覺...起身就睇Inorg....跟住都無乜野做

Showhappy食左我D留言...要留言都係去Flash啦....
今日睇報紙...勁歌又即將會有何韻詩~呵...

講完...無乜野想特別提....

>>February 1, 2004 at 10:37:15 PM GMT+8

2004 年 1 月 31 日 星期六 【晴】

今朝補習~早左起身~7點30亞媽醒我又跟住醒....勁快咁搞掂就出門口...8點到已經落去食早餐...差唔多要走人o既時候...亞媽都落埋黎...結果就同佢坐左陣~就閃人先~去巴士站搭車~
今日盧得榮史無前例咁早過J.Lau到..J.Lau遲左2個字...今日J.Lau又係勁好笑...「無威力」...仲有幾句野都好好笑~之後就去左Game & Fun打機...玩左陣KOF...又同喨玩左陣Z...今次有人挑機阿@@...不過贏左~ccc 然後有個唔識o既同我Partner~輸左...-__-
跟住就閃人返屋企~訓左覺...起身又出過去...去換交...@@....換左$600...跟住食埋野...又去Game & Fun...成績都算幾好~可能因為換左D後防啦...入去o既時候仲係天光~出黎出經黑晒...我同盧得榮去左三聯...之後唔知食乜野~結果去左扒王...食完野就閃人Lu...

今日搵唔到幸運魚...不過就見到愛上天使藍....仲有本梁芷珊o既...不過都係無買~因為盧得榮係咁催我話食飯....
丫~真係多謝彼得亞媽o既回禮..哈哈
噢~一去又無左一日Lu....聽日又要補習啦~_~

>>January 31, 2004 at 11:05:13 PM GMT+8

2004 年 1 月 30 日 星期五 【晴】

今日要返學啦...尋晚都訓唔著...背完Essay訓...睇錶已經4點...矇查查再醒一醒就已經係6點40...o係張床上面唔知做乜...之後都係起身...
去食早餐...D大家樂o既員工幾有趣...係度同我講...我地學校咁都唔放埋今日...無啦啦要人返個星期五...~_~...盧得榮無到...唔理佢就走...
去問Mok Sir駛唔駛交Chem Essay~原來真係要~好彩我有做~Chem唔記得帶PastPaper...不過是但啦...都係咁做...但係下堂再唔帶~~我相信會死...Bio悶到抽筋...
今日Eng Listening...都用唔返補習教o個D野...用唔到D符號...做2000...個Expert講得又快又一舊舊~電手都寫唔到啦...ccc
放學就去搞埋篇作文...Ms Fan話我篇文文筆唔錯( ^___^ 呵 ) 不過似介紹人地D空姐咁...哈~國泰搞架嘛....之後Ms Fan就幫我地改左篇文...就交俾Mok Sir啦...唔知有無得去旅行呢..哈哈
班際足球輸埋喎@@不過唔駛要啦...都無乜所謂啦~亞輝好似唔係好開心呢@@ 跟住就同Lawton,喨一齊返屋企...打Z Gundam...之後搞到我自己玩到10點囉...然後又訓覺...再起身

開始踏入2月啦...AL一步一步迫近...而且同D同學相處o既時間...只係得返3-4個禮拜...
Lunch o既 彼得....有亞輝o既影子...cc

>>January 31, 2004 at 1:04:19 AM GMT+8

2004 年 1 月 29 日 星期四 【晴】

今日起身就溫左陣Inorg...仲係溫緊D N字頭o既野...溫溫下又變左打機...打到卡碧尼出黎啦...有D難玩...玩左幾次都唔掂...不過最後都搞掂左...
跟住5點我老豆買左成碗雪菜肉絲米我食...我無話佢知我約左喨6點食飯....結果就食野+睇下個小飛俠...我以前只係玩過隻Game...都未睇過小飛俠...連佢叫亞童木我都唔知道~
然後就換衫出去...去到春園街見到一男同一個女人抱住個BB仔...唔知做乜...叫左喨黎睇~跟住唔夠一陣就行人啦..去左大快活~不過都係唔食~去左順發~唔多肚餓~食件西多...然後就搵埋Lawton一齊補習...
補完去左打機...出街機打都係唔掂...買埋本書仔就返屋企....溫Essay...
D人仲係研究緊....駛唔駛做Chem Essay....唉~聽日都唔知收唔收好...
今晚仲要執好個書包...好多野要帶返學校....
Ms Fan又收唔到篇文啦...究竟搞乜...我已經用REPLY去Send俾佢架啦...都無~_~???

2月差唔多要開始啦!快D溫書啦~_~你老闆.....我要收埋張SaveCard唔玩PS2先...除非有人上黎玩囉~我要封結他先....一彈結他就訓著覺...唔得...唉~仲有唔好食零食...哈哈

>>January 30, 2004 at 12:57:42 AM GMT+8

2004 年 1 月 28 日 星期三 【晴】

今朝起身屋企無人~打左陣機~然後起身無幾耐~彼得就上黎啦~我地一齊玩左陣Z Gundam...然後亞媽返左黎~睇住彼得同亞媽o係度拎住封利是推黎推去...哈哈
張古華特已經放左手...成功SOLD...雖然無原來個價咁高~不過已經返左本啦...哈哈...如果賣埋D黑卡應該有賺幾舊水...
今日篇文~Ms Fan話收唔到~_~??結果佢就打俾我~話唔掂~跟住就變左我Send E-mail俾佢~然後收到佢E-mail再Send返俾佢囉~_~ 彼得~自己搞到自己一舊野咁...
究竟Chem Essay係唔係真係唔駛做架....
隻衰狗已經唔記得左點樣上我張床啦...哈哈~佢今日上唔到...cccc
噢~塊Flash版就黎無Lu...31號到期~~未俾錢獅子幫我交添~_~
一陣要溫書!快D努力!!唔好再懶啦～！

>>January 29, 2004 at 1:25:34 AM GMT+8

2004 年 1 月 27 日 星期二 【晴】

今日o既日記都幾好寫~因為又係無乜做過野~大部份時間都係作文~篇文真係好鬼難作...要諗D字黎寫落去...又係諗到頭都大...篇文都係每段作D每段作D...然後合埋一齊作成...咁就終於搞掂...不過都用左成日...皆因我作唔夠一陣又打機,作唔夠一陣又玩結他,作唔夠一陣又傾電話,作唔夠一陣又ICQ,作唔夠一陣又睇電視,作唔夠一陣又食野,最近仲多左樣,作唔夠一陣又玩狗
隻衰狗...成日都咬人...唔淨止咬人...係乜都咬....膠袋又咬,佢D玩具又咬,書又咬,我隻手又咬,我家姐褲腳又咬,乜Q都咬...玩完要佢入籠就係咁吠~_~ 唉~~另外隻狗入左房之後就係咁上我張床...抱佢落地又跳返上去...佢仲要拎埋舊玩具咬住咁跳上去...不過佢白雪雪~唔著衫勁搞笑...好得意呢~ccc

夜晚就同獅子欏柚打左AOC...今次唔知點解打得好輕鬆...唔係好知做緊乜...
呢幾日我老豆成日都o係屋企...唉~勁麻煩....成日都開電視開到好大聲...初幾先開工呀~_~

又係無溫書囉~仲有好多報紙~唔想睇Lu...剪低睇少少~其他唔睇...
彼得聽日黎我屋企阿~~佢俾篇文我打~一齊Send俾Ms Fan睇下~
本來想將篇文擺上黎俾人睇下~不過諗諗下都係唔好Lu....

香港咁多人~贏o既機會好微~不過都希望贏...哈哈

>>January 28, 2004 at 3:47:12 AM GMT+8

2004 年 1 月 26 日 星期一 【晴】

今日終於唔駛出街...o係屋企都無乜野做...起身屋企又係無乜人...都成點幾....朝早就做左Chem Essay囉~搞掂左~做完啦~cc 不過我仲有篇Extra o既作文...唉~呢篇交好難作...我諗都要用返咁上下o既時間...同彼得打俾Mok Sir~佢又要我地作喎~贏左去旅行...呵~不過全港中一至中七咁多人...想贏都好難啦...
開左隻Z Gundam黎玩...嘩...重高達真係打唔過...哈哈~唔打佢就無事~打親就死硬~俾另一隻勁打...都幾好玩~唔錯~我覺得絕對好玩過Gundam DX...可能DX無得變形...Z就大部份都得咁滯...變形好玩好多~而且D機體都幾吸引...哈
隻衰狗成日咬人...得o個3個月...一摸佢就咬人隻手....雖然唔係好痛~不過佢D牙都係尖o既...佢除左件衫...真係好似一隻白色o既毛公仔...ccc
仲有~好多日無睇報紙...唉~~又未溫書....又未執過D野....好大幢....我估我多數o係呢個假期都執唔到架啦...
作文作文~快D作埋篇文...就開始溫書...
夜晚睇左套戲...如果現實真係有D咁得意o既人就好~ccc

點算呢...未溫書...人地學校都考Mock啦...唉~~

>>January 27, 2004 at 3:53:59 AM GMT+8

2004 年 1 月 25 日 星期日 【晴】

今朝早約左Jan食早餐...不過遲左起身...叫佢叫定野我黎食...跟住補習...盧得榮連補習都唔返...補完打俾佢~佢又唔知點...又唔知係唔係出黎~大佬~唔出黎我就留返o係屋企啦...我地就行左去實惠...因為亞Jan要買麻雀枱...然後就散啦..我返屋企先...跟住就出去搵獅子...盧得榮又話2:00~2點30都未到...等我同獅o係Game&Fun度呆等~仲見到教徒
同人地打KOF...見識過人地點用Chris...跟住盧得榮終於識黎啦...我地玩WCCF...今日每人一舊~出左張湯馬絲,Lopez,仲有用李華度同人換左張Nesta,跟住仲有個傻o既用Buffon換我地張哥度巴...最勁係~中左張古華特o既閃....獅子就一直睇住我地玩~真係辛苦佢啦~
玩完就去左188...終於都買左隻Z Gundam...跟住就同獅子搭車去海怡...去親戚屋企整機...上到去發現....佢部機唔掂....獅子話要用碟裝過...不過佢帶得隻Me黎...跟住獅子鍥而不捨o既精神~我地就周圍問人邊個有XP o既碟~係咁打電話...跟住都係無....棍又未返屋企....本來獅仲話拎走部機...或者出去灣仔買碟...不過最後都係棍返屋企~順手拎隻碟落黎~我地o係美心食完飯~拎埋隻碟就返上親戚度....
成日最無奈就o係呢度....Install完...發覺上唔到網...搞左1粒鐘到...最後都係唔掂...打電話去和記問...佢老闆...佢話原來係佢條線Short Q左...頂你個肺~_~....跟住~裝返個Program可以o係電腦睇電視....初初裝好..可以揀有線同無線...我地揀左有線~睇D野係勁花...完全唔掂~又搞左陣...試下轉去無線~又好清喎...原來係~我親戚屋企係睇唔到有線~所以Tune唔到...唉~
我地整完~都10點幾...搭車出去~食糖水~跟住因為走8P...去左打機~不過我入左$...又有8P...所以得返我一個打~$2又爆機^o^打完就返屋企

張古華特...睇2本書寫都係$850-$900....不過賣唔賣得出呢~cc
今日發現...原來Chris係可以屈死大佬o既...@@
剪指甲剪得太深...2隻手o既食指都好痛
我有FD考Mock啦...不過我仲未溫過書－＿－....點算呢...

>>January 26, 2004 at 3:19:05 AM GMT+8

2004 年 1 月 24 日 星期六 【晴】

尋晚係想起身做功課~不過都起唔到...本來5點終醒過~但係又即刻訓著...到今朝早10幾...終於都起身啦....我起身一話沖涼...頂佢丫...我家姐同亞媽即刻起身用個廁所黎刷牙洗面...發瘟...咁算係乜...?? 我唔沖涼都唔起身....
沖完涼就做下功課...唔夠一陣~我家姐就叫左個FD上黎...帶埋隻ChowChow上黎....勁大份...同我隻狗差D開拖...2隻一行埋就互丙...之後隻ChowChow俾人困左入廚房...而成家人就出左去飲茶...得我o係屋企...打下機~無聊下咁~
佢地5個人出去~7個人返黎~_~ 成屋都係人~我屋企又唔係大~你老闆...咁多人...到4點半就出去搭船....去坪洲...
搭船~就係遇到o個班人...成班都係去坪洲拜年...我老豆D同學喎...去到...非常無聊~我係齋企o既...然後落左街飲杯有羌o既豆漿...食左D零食又返上去...然後隔左陣就食飯啦...食完閃人...返屋企...

我發現~何韻詩好似係廣東順德藉o既...同我一樣...哇哈哈哈~
今日~我俾一個大我1年o既男仔~即人地個仔~話我似廿幾歲...~_~....佢夠似賊囉...的水仲長過方知行...哈哈~
入坪洲又係凍到嘔...唉~仲有D風吹埋黎...勁凍....
D細路都一個二個越黎越大...阿Zoe都大過啦...不過佢好多問題~幾得意~ccc...仲話我係傻o既~因為我o係坪洲買左罐好凍o既可樂...
仲有係~比起上年~今年唔駛再坐清一色勁悶勁痴線o既男人政治新聞社評社會學業吹水9upo既枱啦...因為溝亂晒黎坐...都好~無咁悶...上年聽班男人吹水係悶到我嘔白泡~有D似亞輝食飯~都唔知有無講夠10句野...今年情況好少少...
條脊椎骨....左邊...好痛....連帶隻左手一齊痛...可能係啪條骨o既時候拉傷....
合計~暫時有3x封利是...咁上下啦~

呢D野~一年一次就好~多一次都唔掂

>>January 25, 2004 at 2:11:48 AM GMT+8