2005 年 2 月 22 日 星期二 【晴】

今日已經冇咁凍啦~GOOD!!!
今朝邱宙有打俾我,但係7點4先打0黎,我響左好多下先聽,佢cut左線,
so….我又翻訓,今朝冇返學,訓到1點先起身,大概前兩日都訓得少關係…累!
老豆今日放假,陪亞媽覆診,當然我起身果時又唔見佢0地啦~
咁我咪煮野食囉~琴晚晚飯冇點食!攪到傾電話時有d肚餓…..
其實今朝冇返學真係唔係咁好意思,因為呢期邱富都打俾我叫我起身!
佢根本唔駛咁早起!點幾邱富打俾我,傾左陣,今日成日都留左係家!
唉~~~冇野做好悶呀!/_\ 而家生活真係唔知點!琴晚第2果個又問我借$!
借左$300 ,好彩我呢期冇點用錢,又開始有儲$既習慣,唔係都借唔到俾佢,
但係佢明明有利是錢0家ma~y用得咁快既?真係唔知啦~
我仲打算電頭髮添=.=” 今晚因為老豆係度,so打邊爐!GOOD呀!
大果個收早,有一齊食!到9點又睇< 甜酸爺爺 >,good~
之後邱富打0黎,傾到12點幾就收線!
今晚有打俾JOJO傾左陣,因為我想借電腦用,睇下佢幾時得閒…
都好幾日冇打日記了!
PS:原來今日係元宵節~!!!

>>March 1, 2005 at 4:52:22 AM GMT+8

2005 年 2 月 21 日 星期一 【乍雨乍晴】

今日仍然好凍呀~~~/_\ help~~~!!!!
原本打算今日返唔到學0家啦~點知邱富7點準時打叫我起身!=.=”
講真,當有人打0黎叫我起身我都必定起到的,
話哂人0地一心打0黎叫我起身,我唔起真係好衰囉~
今日邱富幫我簽左名,返到去都係9點2個左右!
今堂係上tommy堂,上色,乾粉彩!我可能遲返,之前又有堂冇上,
唔識上色,上極都上得好核突囉~失敗呀!!!>︵< 真係想喊!
好快又放學,之後又同亞倩佢0地去樓下茶餐廳食早餐,
羅家良今日有返,佢都有一齊食,食完佢0地個個都返工,
而我又咪冇野做冇工返囉~之後`又搭車返家!
搭車果時邱富sms俾我,大約兩點左右佢就打俾我,同佢傾左陣電話!
冇野做又聽下歌同寫下日記,睇書等等…..
邱富佢今日俾左佢幫我燒既碟我,有一隻係歌0黎!
So咪聽呢隻碟囉~下晏成日都係家,好悶呀!!!!
夜晚又咪睇TV,食飯睇書等等……..
大果個收工仲買左野食返0黎!呢期仲係食得少野,
但係耐唔耐都食朱古力,GOOD呀!!!
今日冇野做寫左篇論文(意思係寫左篇好長既文章),唔知咩事!
一寫就唔停手,可能太悶關係吧!
夜晚邱富打0黎,又傾左陣電話,成點半先收線.差唔多兩點先訓!

>>March 1, 2005 at 5:23:07 AM GMT+8

2005 年 2 月 20 日 星期日 【乍雨乍晴】

今朝邱富7點半左右打俾我叫我起身!估唔到佢都可以咁早起身!
威迫之下醒了!但遲大到,因為照理我應該7點起身就唔會遲咁多!
但係因為邱富琴日話今日放學去睇戲,又話打死都叫我起身!
驚俾佢話,so咪返左學囉~第1次上呢堂,係個幾型既miss教!
教我0地點樣諗野果D,因為平日我好少星期一返學0家ma~!
返到去其實都唔知做咩野囉~星期一真係特別少人返!好快又放學,
同亞倩,小葵佢0地勁快食完早餐就走人,因為佢0地兩個都要返工!
之後搵邱富,我0地落左CWB,去左皇室堡買飛睇12點4!
未夠鐘我0地就4圍今朝邱富7點半打0黎叫我起身份估唔到佢都可以早起,
行下hea下,今次仲行埋百德新街,
去左一度幾靚既地方!之後買D野飲就去睇< 在世界中心呼喚愛 >!
套戲睇兩粒半鐘,好純潔既愛情故事,係感人,想喊,但係又未至於講到係好感人囉~
大概都係講初戀,有病死亡咁樣,個劇情有少少舊……
睇戲時邱富仲問我凍唔凍,知我凍仲除左件外套俾我,
我見佢都應該凍,因為佢著得果一件,之後我都除番俾佢!
睇完戲之後我0地係cwb 4圍行下,仲去埋搵羅家良添~
佢間shop好靜!好得閒下!傾左幾句就走人lu~
4點幾我0地落左廟街!搭MTR去!佢知我個袋重仲幫我咩!
因為佢借左本書俾我睇,咪有一定重量囉~
我本身個袋又唔係輕……去到部佢食左野先,我唔餓,唔食!
講真果句我咁大個女都係第1次落去廟街0家!
D野幾平,仲好多老翻,假野,北姑同癮君子等!
仲有好多關於性既野賣!邱富話平時同男仔落去好D,佢仲帶左我一間叫褲城既店!
專賣褲既,好平下,唔知28腰以下30蚊條,以上就好似60蚊條,
改褲好似15蚊定係唔知幾多,之後佢仲買左條粉紅色既褲!
亞星佢0地之前上堂都有講過果度D褲平又改得好果D!
邱富係果間野好攪笑,又擦哂鞋咁樣!
之後行多陣5點幾佢就送我搭車,佢落MK搵男仔君佢0地!
我返到家6點左右,佢6點9左右打俾我,傾左一陣就收線,之後食飯!
夜晚都係睇TV!11點邱富打0黎又傾左陣電話~
之後佢幫我燒碟,因為我叫佢幫我燒隻xp碟,
咁佢又話燒D歌俾我睇下,因為我而家冇電腦玩,冇咁多歌聽!
亞lin有搵我呀今日,但係我冇打番俾佢,原本我話會打番俾佢,
但係冇,佢打俾我時我又話唔得閒…….最終我係訓之前send左sms俾佢,
話我要訓,得閒先再搵佢=.=”
有時諗…我咁做係咪唔係咁好呢?

>>March 1, 2005 at 4:34:21 AM GMT+8

2005 年 2 月 19 日 星期六 【乍雨乍晴】

琴晚真係成晚訓唔著!訓到6點幾醒下,7點同8點都有醒過!
So好似冇點訓過咁樣,12點幾起身!今朝明明開到電腦,
但係成日hang機,我由點幾開到3點一共hang左6,7次!
真係好fuck!so我係最後一次hang機興興地就冇再玩電腦!
咁0岩邱富打俾我,同我傾左陣電話,都好d,冇咁悶!
傾傾下亞媽又話今晚去亞婆家打邊爐!so傾到4點幾就同收線!
之後換衫,睇下VCD,睇果套< 機場客運站 >,大約6點幾同老豆一齊行過去!
亞媽早已係4點行左過去!唔知係咪天氣凍關係,亞婆隻貓好凍咁樣!
又痴住我,佢一向都好乖,大約9點就返家lu!~
今日都冇咩人打邊爐,得芳E兩公婆,亞婆一家3個!
夜晚都係同邱富SMS!電腦又開唔到,壞了!完了!算了吧!
真的要買過部了!攪到我今日開始又冇得打日記,又改為手寫住先!
日後再打番上網!
Ps:今日真係幾凍下!

>>March 1, 2005 at 4:13:51 AM GMT+8

2005 年 2 月 18 日 星期五 【乍雨乍晴】

今朝訓到12點幾1點先起身,唔知點解咁好訓=.="
起身冇耐又煮野食啦~之後抄VCD睇,
then上網,fuck~!唔知係咪之前hang機,攪到我勁重新開機左爆多次先可以開到腦!
即刻post相打日記等等!今日開左第8本相簿呀~!
攪掂好哂冇耐又hang機,頂呀>"<
之後隔左兩粒鐘左右我先去開番機,
因為想dl<< 在世界中心呼喚愛 >>既主題曲,
JOJO話好聽,一dl,原本我之前係收音機聽過0家啦~
平時夜晚冇野做,訓唔著聽收音機時聽過!我本身都想dl,
原來就係<< 在世界中心呼喚愛 >>既主題曲!good呀~!
但係dl完冇耐又hang過!攪到我夜晚食完飯之後先再開機,
夜晚都勁難開機啦~攪左好耐!都唔知重新開機左幾多次先開到!
都係玩左陣電腦!睇JOJO send俾我既<< 在世界中心呼喚愛 >>既網!GOOD呀~
睇預告都覺得套戲好感人/_\
唉~~~唔知係咪因為訓得晏,到而家一D想訓既感覺都冇!
我估我今晚都係聽下收音機聽歌咁啦~唔知又幾點先訓得著!
唔知點解.....今晚特別唔想訓...
第2果個今日幫我拎左a.y.k果件衫返0黎,佢條友琴日又幫我換左K-2果件衫!
仲打算等遲下先換/_\.....而家好似佢幫我安排好哂咁=.="
聽日天氣仲凍!得9度!救命/_\~~~

>>February 20, 2005 at 5:04:19 AM GMT+8

2005 年 2 月 17 日 星期四 【颳風】

估唔到琴晚傾電話一傾就傾到今朝先收線,真係勁=.="
我成7點先訓得著!今朝12點左右就起左身,訓左5粒鐘左右渣!
今日真係凍左......仲以為唔會再凍添~!起身之後又係煮野食同換衫啦~
差唔多4點精蟲先上0黎!攪部電腦攪左好耐,
當中係咁同佢傾計,佢仲話買左 << 超人特攻隊 >>DVD,
又話早知我有DVD機就拎上0黎睇啦!~唉.....
應該早D打俾我問ma!我都想睇呀/_\...
亞媽5點左右返到0黎!之前去左亞叔家睇住兩個細!
6點左右大果個收工返到,換左衫又出過去~!
大約整到7點多精蟲先走,都整左幾耐下!
而家果個super XP,D野唔同哂~!靓左,IT左!
又要慢慢去摸熟番部腦!夜晚打算D記,打左3日日記~
之後又DL d歌!因為冇哂~第2果個打返0黎又小我仲咩洗哂D野!叫我賠番俾佢,
賠佢條毛咩~!咁唔洗都洗左囉!而且唔洗機仲可以點樣?都冇得救呀!
夜晚佢返到冇耐又hang機,之後又開唔到,so我冇玩lu~返番房!
今晚都係同邱富SMS啦~知我整番好部腦又send左winmx俾我dl歌!
話想搵咩歌可以叫佢send番俾我!
大約兩點幾就訓lu~!

>>February 19, 2005 at 4:16:45 PM GMT+8

2005 年 2 月 16 日 星期三 【陰】

嗚.......今朝唔知醒起身,響左鬧鐘我又再翻訓,一醒果時已經8點啦~SHIT!!!
就算我即起身,返到去都10點,咁返0黎仲咩?算吧.....最終冇起到身返學,
原本仲約左亞倩放學去睇戲<< 在世界中心呼喚愛 >> !好想睇呀/_\
而家攪到冇得睇添~前兩日話去唱K,我又冇返學,而家去睇戲,我又冇返...唔知想點囉~
今次冇得睇,唔知幾時先可以睇啦~
12點先起身,途中發左好多夢!亞媽今日去左亞叔家睇住兩個細!
大果個起身冇耐又同個fd出去左,佢個fd又0黎左訓!
之後我煮野食,睇 << 吾妻16歲 >>大果個琴日買的!
之前睇過,好睇咪睇多次!冇野做又抄番D cd出0黎聽,
發覺自己原來好耐冇買過CD啦!搵日行下CD舖先得!
今日真係好聽呀!連條頸巾都織起左,呢兩個月唔知織左3條定係4條頸巾了!
冇工返日子真係苦悶............
今日又冇街去!夜晚又係留左係家...悶呀>"<
夜晚居然落雨,shit!!!12點幾1點同邱富傾電話.....

>>February 19, 2005 at 6:49:56 AM GMT+8

2005 年 2 月 15 日 星期二 【陰】

琴晚落雨,好彩今朝冇,唔係又要猜遮出街,煩!!!
7點起身,如常8點先出門口,去到大埔墟火車站都差唔多8點半啦!
返到school都差唔多9點4!第1次上呢堂,咩板畫,雕刻之類!
個亞sir真係有d似山德士上教!而家堂堂都係同隔離班上堂,
但仍然冇同到隔離班講野!呢堂因為猜 上過關係,上堂果時咩野都冇做過!
好快準時地10點半走人!我0地又如常到樓下間茶餐廳食早餐,
我又如常地食唔哂,胃口仲係唔係咁好,hea到11點左右我同亞倩行去CWB,
而小葵就返工!原本去CWB目的係去A.Y.K拎番件衫!之後買左等佢返貨拎!
亞倩話去去2%睇衫,原來係幫佢男朋友睇,因為佢男朋友唔知係邊間睇中件外套,
但係冇哂size!點知我0地去到CWB有男裝買果間2%都係冇哂size!
最後我0地四圍行下其他CWB既2%,但係冇男裝......
之後行去第2果個做果間K-2睇衫,因為亞媽果件衫唔0岩,我打算換左佢!
都有睇中件tee,但係我又想等到遲下有新d貨返先換!
而亞倩睇中左件外套,but佢冇買到.....
去a.y.k拎貨,點知拎唔到,我知佢一定返錯左size!但係呃我話未返到,
要過多一兩日先通知我再0黎拎!咁算啦~唔梗要啦!
我同亞倩係CWB行左少少地方就搭112落MK再行!
去MK亞倩目的都係行2%,我0地行左旺中,新之城,瓊華,朗豪城,
始創,聯合等等.....
行左好多間2%同K-2!去到旺中,亞倩話亞星講有間賣褲cutting好,
總之亞星講到果間野好好咁啦,又平,但係其實唔係囉~
因為果度d褲比較中姓,唔係咁我0地!So我0地都係咁易睇過就算了,
其實我都話亞星講野野信一半就好了!佢條友成日吹水咁既~
但係我知佢有係果間度買左褲,佢著就幾好睇,我0地女仔就唔多0岩囉我覺得!
行朗豪坊時見到亞J,佢而家冇係ebase做啦~轉左去I.S.O做!
其實佢以前係ebase做都係hea下hea下,冇心做咁!估唔到咁快轉左去第2間做0者~!
都好耐冇見佢,我0地仲認得大家!佢都冇咩點變到!
去到朗豪坊一定行super lovers啦!亞倩睇中左件電話繩送俾朋友!
見佢買,咁我之前係SOGO又睇中條紅格褲,so咪順便問埋條褲幾錢囉~
因為係SOGO見590蚊,我唔知折左未!原來仲有平價,我再用埋亞wing個fd個VIP number,
仲有得平多少少,於是最終買左~紅格褲呀>﹏< 喜歡呢~!折左281蚊!
咁去到始創,唔知果間叫咩KM咩野咁既,亞倩係果度睇中件外套,
我覺得靚過K-2果間,又係果度睇幫佢男朋友睇中件外套,最終係果間shop買左!
好平,平均100蚊件,因為而家做緊特價!
行埋聯合我0地就走lu~而我就返番大埔先!
等72x等左勁耐囉~上車如常地訓著!
亞敏又話約今日食飯,點知條友又冇打俾我,打俾佢又熄左電話!
亞kid him打俾我,我又話等亞敏打俾我,因為打唔到俾佢!
6點幾好眼訓,返到屋企訓左半粒鐘,kid him打俾我,佢0岩0岩收工,
我唯有推左佢,話下次先,因為亞敏一直都冇打俾我!算吧.....
so今晚留左係家食飯!~亞敏都唔係第1次放飛機0家啦,之前有次約埋去街又係咁!
夜晚又係睇TV,原本今日精蟲話上0黎幫我整電腦!
但係佢朝早SMS話今日唔知攪咩野,上唔到0黎,so改左星期5先~!
夜晚冇野做咪浸下今日買條褲囉,點知甩色甩得好勁!長左少少,要改,
但係亞媽過初十幾先可以改褲喎~算吧,又唔係等住著!
10點幾邱富打俾我,之前都有sms俾我,同佢傾左陣,
佢亞媽返到,煩住佢,之後又話收線轉頭打俾我!我都冇諗過佢會打俾我,
咁打算訓啦,點知12點佢打我屋企,但係因為我要訓關係,so傾左一個字左右就收線!
好可惜第2果個又入0黎開左台燈,唔知攪咩,攪到我成點先訓得著!慘................/_\

>>February 19, 2005 at 6:43:23 AM GMT+8

2005 年 2 月 14 日 星期一 【微雨】

祝大家生日快樂呀!!!
今朝又係冇返學,原本打算,因為亞倩話去唱K ma~但係今朝我好頭暈,
最後決定唔返了!都係俾亞媽小我唔返學啦~12點幾打俾JOJO,
傾左陣電話!佢叫我睇下中醫攪番好個身子~哎呀!好驚呀真係!
因為未睇過中醫,而且好驚飲苦茶!我知一定話我體虛果D~
下晏冇野做又織頸巾,都唔知點解成日織頸巾!真係冇野做!
打算過埋3月就搵工了1搵工又有效賺,又唔駛成日留係家俾亞媽小!
之後返工日子幾好,起碼同亞媽關係好左,因為大家少見左,佢少鬧我!
唔知幾時先再有工返呢?呢兩日冇野做抄番D CD聽!
YO~SPEED!!!好耐冇聽佢0地D歌啦~今日好好留係家休息!
亞敏11點call我話佢聽日off!叫我搵埋kid him一齊食飯!可惜佢電話冇電,
未講完就cut左線lu!
夜晚邱富SMS俾我,傾到訓之前12點左右先唔傾,大約點幾左右訓lu!

>>February 18, 2005 at 1:14:02 PM GMT+8

2005 年 2 月 13 日 星期日 【微雨】

情人節快樂!!!!!!!
今日又係一年一度既情人節,當然地今年都係呆呆的渡過~沒有情人!
今朝凍左,其實琴晚返家都好大風0家啦!今朝真係冇起身返學!
都估唔到,好累......訓到12點幾先起身,都幾晏下!=.="
起身之後煎左羅白糕食!下晏呆左係家,Mandy打0黎,佢都好耐冇搵我,
約左佢星期四,五食飯,唔知係咪啦~都好耐冇見佢!今晚原本落街食飯,
但係我冇,得老豆老母兩條友落街食,叫佢0地買0黎俾我!
情人節同老豆老母過覺得好有問題囉=.="""
夜晚都係睇T!11點亞敏打0黎同佢傾左陣,話約星期3一齊出去食飯!
搵埋kid him!收線後打俾kid him,打唔通!算吧~第2日先!
今日東華都有叫我出去睇戲,我知一定冇位既,早兩日買就話0者~
so都係推左佢!亞lin都有叫我出街,我話唔出,佢話唔迫我!其實佢都幾耐冇搵我0家啦~
11點幾邱富sms俾我,聽佢講佢今日都幾黑仔,真慘~
之後冇啦啦又話大埔有人爬山死左,跟住我話佢咁留意新聞!
佢話佢八,我就話佢八公!之後佢答我,佢係ok八,
又話我都ok八,so佢又話我係八婆!佢講果段野好攪笑下~
今晚覺得占寒占凍咁,病病地啦又~

>>February 18, 2005 at 1:07:32 PM GMT+8