2005 年 3 月 4 日 星期五 【晴】

今日終於放晴!但係天氣仍然寒冷!唔知仲咩事,係咪太多野諗關係,係咁發夢!
(我知夢境見到既野係現實係冇可能實現的!)
就係因為發夢,我訓到10點幾就醒左!之後訓唔番!係床度hea到11點幾先起身!
差唔多1點先打俾邱富,佢今日去左探佢亞太,so係新界!
因為驚我趕關係,佢0黎左大埔墟火車站等我!大約兩點幾吧,之後去到尖咀,
海港城,佢條友呢幾日都眼姐,大概成日唔夠訓關係吧!
今次去海港城有搵sarah!佢電左個爆頭!!!其實唔係好爆,
同佢傾左幾句之後就上樓上舊Quiksilver,而家改左叫rainbow park,間野個公仔好低B下!
mouse係果度做,佢唔認得我0家啦~行完果度之後上樓上間page one睇書,
出門口前唔記得抄低個desginer既名!=.="""
So去到都係白搵!睇左OK多書!好想擁有呀~!又見到< 人性的弱點 > ,
之後已經想買!本書好似48蚊,但因為之後唱K,我廢事個袋重,so冇買到!
我0地仲見到本書desgin果條友好勁囉!因為本書好得!
本書可以整到一頁頁有關連咁,好有型!仲見到本請westwood個desginer!
一路睇住D衫唔同年代既變化!真係幾得!
睇完書之後去到city super見到我覺得好食果隻朱古力,但係又因為唱K,
驚溶,so又冇買到!最後我0地搭1A落MK!因為邱富之前講到朗豪坊間F.C.K有個靚仔好得!
so想睇下!去到,個男仔OK!但係幾小白臉,好似好細個咁,但係真係好高下!
都溝死女0家啦~!但係我都係覺得海港城westwood果個型D 0者!可能果個感覺man d掛~
我0地係朗豪坊四圍行下夾下糖食!行完之後去左掃街!我都只係食左小丸子0者!
um......都係果次去SOGO樓下果度果D八爪魚丸好食D 0者!
當然果度貴D啦~!我0地原本係公園度食,點知好多蚊....
之後去左7仔食,邱富俾左串雞軟骨我食,都幾好食!
食完之後四圍hea下!邱富等佢d fds,我又等彬佢0地唱K!
大約7點多邱富帶我到金雞果邊,因為彬係果邊等我,平時我好少機會係MK唱K!
So唔知邊間打邊間!果間係newway city!去到得我一個女仔!
基本上成晚都係得我一個女仔,未試過一個女仔同佢0地成班仔唱
算啦~佢地一向都當我係仔既~!
今日有鄧培,彬,葉洋,RB,肥布,鋒中途先上0黎!佢大概0岩0岩收工!
我又唔飲酒,佢0地又叫左酒飲,攪到我好似好蝕添!~唱左$161 !3粒鐘!
到左10點幾就唱完,之後行去YMCA果邊搭271!搭到富善買左串燒,
佢0地都買左野食,因為佢0地成班上精蟲家再玩過!~我食完之後就返家,
返到家即沖涼,沖完冇耐邱富打0黎,傾到點幾左右收線,冇耐訓lu~

>>March 15, 2005 at 10:26:56 AM GMT+8

2005 年 3 月 3 日 星期四 【陰】

今朝訓到12點幾起身,11點幾果時原本想起,但係見仲眼訓,再訓~!
起身過後煮野食,冇耐又俾亞媽小!算了吧~食野過後又呆!
人生好似冇咩意義咁!係因為冇工返,日日呆呆的過日子吧!?
唔知我一直冇工返到畢業會點樣呢?將來既事真係冇人知!淨係知自己而家好廢!
下晏冇野做執下個櫃,睇番好多以前中學既相!原來都影左ok多相0家喎~
果時真係激kid囉~都變左好多下....執完野冇耐彬打0黎同我講聽日唱K既野~
問我同佢0地出定點樣!又話唔知約唔約到女仔!因為家家同yin要收工之後先可以0黎!
而簿皮同妮又唔知係咪去!Then傾左陣電話收線後聽歌同睇書!
終於睇完本< 在世界中心大聲呼喊:我愛你 >
唉~~~真係睇得慢!本書真係幾好睇,我都有一排冇睇過呢D書了~
睇完書冇耐亞屎打0黎,同我講新monday又有工返,今次返12日,都係西環!
活復節期間返!見自己冇野做,於是答應了!
都好呀~到時將D錢儲起~!要努力儲錢呀!>0<"
好似有成30蚊粒鐘,返7粒鐘,收7點!大約2千幾蚊,都ok啦~最重要返工時間唔長,
就到我返學先~!今日又如常7點幾食飯!食完飯又躲係房!
最近老是這樣!唔知咩事!‧_____‧
琴晚同邱富傾電話時又時不時發癲笑,我估一定嚇親佢=.="
我都唔知點解自己會咁!究竟發生咩事?其實我想大哭/_\
硬係覺得唔知點咁!怪怪的!算了吧~
人總是感情動物呀!其實我而家生活冇以前返工日子充實先會咁0者~
或者我真係太懷念以前返工既日子!懷念每樣事物和人!環境,事物已經變了~
不能原地踏步!以前的,永遠都是回憶!
想念以往放工凌晨獨個兒走著那陰森恐怖高低不平的路回家!
想念放工食宵,坐下傾下計到凌晨先返家!唉~~~想太多了,算吧~!
今晚同邱富傾電話傾到兩點左右就訓lu~

>>March 15, 2005 at 10:07:50 AM GMT+8

2005 年 3 月 2 日 星期三 【乍寒還暖】

今日差D翻訓呀又!好彩7點兩個字醒一醒!唔係就大檸樂!琴晚邱富仲叫我今朝叫佢起身!
我仲打算7點半打俾佢,點知佢7點3就send左個sms俾我!如常9點3,4先返到school!
我知我應該學下早D返去!校長要睇我0地D layout!So9點9就上完K.K呢堂,落1樓1號班房等!
校長仲請左D人0黎,應該係主辦果D人吧~!佢0地0黎睇下我0地d layout!
我真係唔夠膽拎個layout出0黎,覺得自己遠遠比唔上人,做得好低B!
佢0地仲要我0地解釋下個layout!咁0岩好彩地我唔駛解釋!
或者我果幅太簡單吧!我仲以為會遲放,so仲打俾TOTO話我會遲到!
點知又準時放我0地走,我同TOTO差唔多時間到尖咀美麗華!
我0地去左果度唱K!仲以為我0地係第1班人去唱,點知唔係...
兩個人唱都幾好呀~又唔駛爭咪又唔驚唔夠喉,除非佢點幾鐘就cut歌啦!
但係今次可以唱到4點!因為我0地仲有地方去,唱到兩點幾就走人lu~
唱完去左尖咀果間匯豐銀行入錢,我儲錢中^-^ 但係.....好少=.="
之後陪TOTO去LCX買playboy袋!我super lovers度睇中左件tee!真係好想買呀>0<"
但係我冇買到=.="""...雖然話係新款,但係其實年年都差唔多,都係果個心形,
只不過我就係鍾意個心=.=+
之後我0地冇點行就落左荔枝角!因為TOTO話想行下< 香工 >喎~!
係尖咀六福終於見到亞yin,之前果次都見唔到佢,大概去了食飯!
同佢傾左兩句就走~!都有一排冇同佢聯絡!我0地落到< 香工 >好快就行完,
原本有野睇中,但係覺得價錢0岩,so冇買!5點左右走人!今次搭bus,72!
TOTO講好彩之前冇食野,唔係搭呢架車會嘔!
呢架車好撓路,成粒鐘先返到大埔!返到大埔6點!之後我0地去左大廣度買撈撈食!
我第1次買大廣果間食渣!OK好食,平!之後仲去左姐姐度,
點知佢行開左,舖close左!咁我0地再四圍行,之後返番50,見番D同事好開心呀>3<
亞權升左做in-charge!仲記得之前佢跟我點樣拾位,都教過下佢野!
估唔到升得咁快!佢果時打機好慢,so驚喜果時要我打機,
睇住一個遲我入行既人升做in-charge,而我......唉~~~~算吧啦~
亞權話penny係倉仲未走,咁我咪走入倉囉~點知winne同Jacky都係度!!!
Jacky仲提鬼住我,之後影左張好樣衰既相!=.="""penny電左一個唔< 戀 >既頭!
winne冇變,係化左妝,佢之前唔化的!
原來佢0地平日夜間得兩個同事睇舖!wo~好唔掂,睇0黎間舖一定好靜!
大舖冇可能得咁少人!比得而家唔係50啦,係59!好快同Jacky拉拉扯扯之下就走人!
之後行去姐姐度睇衫同吹水,7點左右返家!
今日行街完成冇收穫!一件野都冇買到,只駛左係食方面!
真係覺得而家既我已經冇以前咁大駛了!或者覺得自己冇工返真係唔可以咁大駛吧!
TOTO今日仲話7月放大假,到時去旅行,同JOJO 3個!唔知果時我有冇$!!!
唔知有冇工返!如果可以既我都想去下!話去台灣喎~我估我果時有淨既會去!
今晚都係睇下TV同寫下日記!呆...........10點左右邱富打0黎,傾傾傾...
3點前訓lu~其實覺得邱富都幾慘下,佢經歷既野一定比我多,
可能我覺得自己對人生睇法都好幼稚下!其實我已經算係幸福了!
PS:新年之前買既情人草到而家仲係停濟不前=.="""
好嚴重呀>0<""" 我一定種到佢開花0家>"<

>>March 15, 2005 at 9:49:10 AM GMT+8

2005 年 3 月 1 日 星期二 【雷雨】

今朝好眼訓,冇返學!累........而且今日果堂唔係咁想上,
琴晚掙扎左幾耐下,決定今日返定唔返!邱富叫我返,佢講得幾有道理既~
但好可惜今日都係冇返,原本我0地仲話放學去page one睇下desgin書,
因為我有個desginer想睇下佢D書咁!跟住我訓到11點先起身,原本仲想訓落去,
因為幾凍下!起身之後煮野食,餓.........!!!冇耐邱富打0黎傾左陣電話,
之後又睇VCD,唔知點解有隻新既VCD,係陳奕迅同容祖兒做既~
睇完冇耐大果個落街買M記食,點知買到返0黎麥樂雞冇醬點囉~
唔係第1次0家啦~係富善果間...........~
跟住D野食又淋哂咁!大果個睇唔過眼於是打去投訴!
咁打到去果個人問係咪冇醬~跟住大果個就話:有!茄醬囉~唔係用茄醬0黎點麥樂雞呀?
同埋天氣係凍凍地,但係D野食冇可能係淋0家囉~
跟住電話人就問大果個拎電話number,話跟進之類!
跟住大果個就話唔留電話,唔駛跟進!仲叫佢0地檢討下,冇可能俾D咁既野人食!
哈~我聽完之後覺得好爆笑!大果個仲指明係邊間分店!
亞yal兩點幾打0黎問我係咪今晚去食,因為之前我答應左去!
但係我又要畫final layout!又唔記得同番佢講今晚去唔到=.="
So佢打0黎問!跟住又同佢傾左陣電話,先知Cathy結左婚!!!!!太突然啦~!
上年明明冇拖拍!咁即係拍左幾個月就結?亞tal話Cathy玩玩下咁!
又唔係同佢老公住,Cathy係同summer同居的!好有問題......=.="
亞tal條友今日返2-6!仲遲到!唉~~~37風氣就係D人成日遲到!
以前50係唔能夠的!聽佢講先知琴日春茗,玩到今朝先訓!
又知亞樂係好突然之下簽紙唔做!唉~~~真係好多野變!咩野都變哂~
我仲問而家周錦明係咪仲係靚仔!亞tal話佢而家好似乞丐咁!已經唔靚仔啦~
得busy仲覺得亞明係掂!我記得初初入去做真係俾亞明吸引到呀!~~~ >0<
但係果時亞仔話我未入去做之前亞明仲掂!又幫過公司做model影poster~!
只不過真係好過上鏡!我都好想撞到亞明!因為太耐冇見!
或者佢已經唔認得我了!佢而家睇元朗,屯果邊既分店!
4點幾冇野做我又返入房聽歌,Then畫下final layout!
畫畫下又hea下咁!之後彬打0黎話星期5唱K!我話好!因為果日都答應左邱富出尖咀!
我可以就番時間走人去搵佢0地!都好少可同佢0地唱K,之前幾次話去,但我都冇去!
如果成日約到人就會去唱囉~傾左陣就收線!9點左右邱富打0黎傾左陣電話,
之後收線冇耐做埋個layout,11點幾佢打0黎問我做好哂果D~
大約1點之前就訓著lu~!

>>March 15, 2005 at 9:25:39 AM GMT+8

2005 年 2 月 28 日 星期一 【陰】

今日天氣仲係凍凍地,天文台話聽日同星期5仲凍喎~!
今朝我又翻訓,好彩7點3左右醒一醒!起到身!
邱富差唔多搭半打俾我,佢今日幫我簽到名,太好!!!琴日幫我簽唔到呀~
俾cashier果條友周到!返到school都9點半lu~都係上Tommy堂!
但因為我成日遲返關係,so唔識點上色,亂咁0黎咁囉=.="唉~~慘慘!
幅畫未完成就要俾分!我只做左少少.....覺得自己真係失敗呀/_\
智障好kid呀~!佢上色上到好爆笑!佢呢堂係第1堂返,
但係就要俾分,上果個底色唔知想點!嘿嘿嘿.......但我get到佢覺得自己幅畫好滿意咁!
好快又落堂!因為趕返0黎上TOTO屋企關係,我冇同佢0地食早餐就走人lu~
行到馬路等過果時邱富冇啦啦係我後面,我明明見到佢入左機舖0家=.="
佢話去牛頭角學車,話順路搭MTR喎!又話落牛頭角,點知同我一樣係尖咀出!
仲陪我等埋bus先走~!可能因為早關係,果個鐘數冇咩人搭車,
so冇咩點停站,好順利11點7左右返到大中!買埋野食上TOTO家都係11點10左右!
買左車仔麵上去,見買開野食,so打個電俾佢問買唔買野食!
之後買左串魚蛋俾佢!12點幾JOJO打0黎!佢應該0岩0岩考完試,
原來想知我走未順路一齊返家!但果時我0岩0岩打日記冇耐,so俾左TOTO聽!
打打下TOTO去沖涼,就係果刻佢亞麻返到!大約1點半左右終於打完!
終於打哂一星期既日記落去!
遲下果D日記或者等到有新電腦用先再打吧~!兩點返到家,冇耐睇琴日邱富借俾我既VCD
< 假如愛有天意 >,真係幾好睇,我覺得好睇過< 在世界中心呼喚愛 > !
大果個今日放假,下晏留左係家,真係好少可唔出街!睇完VCD之後就返房聽歌同睇書!
Then寫下日記~總係覺得每日都有記錄!寫少一日好似缺少D野咁!
或者呢個習慣已經養成好久關係!冇野做試戴前兩日買既帽,點知俾大果個話我低B!
又話我成20歲都0黎緊,唔好扮十幾歲!唉~~~咁唔通我到真係20歲以上先咁咩~!?
其實頂帽都唔係好低B 0者~我個樣生得細個都唔想0家!=.="""
下晏好爆笑,門個閘開唔到,我仲係度笑話出唔到去,勁笑啦我又!!!
之後俾亞媽小話我痴線!=.="""冇耐佢0地都開到!
5點果時亞媽冇啦啦收到明叔電話,話佢外父唔得,入左院,
叫亞媽去帝欣苑帶兩個細到紅磡火車站!
好彩大果個係度,即出門口,亞媽果時0岩0岩洗完頭,頭都未乾!
果一刻我覺得亞媽做野唔係咁冷靜,點解咁講?
因為佢係咁將同一句說話重複兩次!又叫大果個唔好等bus去火車站,打的!
其實基本上帝欣苑好少車出入,打的都要等!果時我就話,點解唔打的去叫個司機係樓下等呢?
咁咪唔駛再等過的士去火車站囉~!
6點半左右佢0地先返到,果時邱富打0黎傾左陣電話!
7點幾佞37,又係得我同亞媽食,大果個又出左去~
之後都係沖涼同TV!跟住10點幾11點又同邱富傾電話,12點幾收線即訓lu~

>>March 15, 2005 at 9:06:59 AM GMT+8

2005 年 2 月 27 日 星期日 【颳風】

今朝比琴日凍左,差D唔知醒起身,邱富打俾我先醒,
仲要落雨,FUCK!!!!攪到要帶遮出街,拎多樣野/_\ 好煩呀!!!
我今日唔返學又唔係咁好,話哂琴日都畫左layout,算係有野交先啦~
返到去當然遲大到啦,冇耐校長同roymand 0黎睇我0地d layout!
好快又放學,之後同邱富落九龍灣睇戲,去左食D野先,睇12點半,
捉迷藏都OK恐怖!原本以為關於鬼怪野,原來唔係既,好快睇完,都係兩點左右0者~
之後四圍行下,我咁大個女未去過呢個地方,又行左陣德福,其實都冇咩野行0家渣!
之後仲落埋官塘,見仲早,就係咁,落左藍田,上左邱富家,打日記~上網...
太耐冇上過網了,So而家可以打到日記,但係前幾日寫落既日記要聽日上TOTO家先打到!
我廢事咁多日積埋咁多,驚聽日去TOTO家打唔切!
呢幾日要畫野呀>"<....唉~~~份功課最遲星期四交!
唔知咩愛香港創未來兒童比賽之類咁樣!
我估我明天要畫了~!
今晚亞媽冇啦啦話我條眉好核突之後我叫佢幫我修一修,
仲話我條眉斷左少少係個眉尾果度!
冇耐點11點左右邱富打黎跟住又傾電話傾到12點幾先收線~!

>>March 1, 2005 at 5:25:24 AM GMT+8

2005 年 2 月 26 日 星期六 【颳風】

今朝訓到12點先起身,又係俾電話嘈醒=___=" Mandy打0黎,但住我冇聽到!
打算遲下先覆番佢!1點左右TOTO打0黎俾我,之後約我兩點係老地方等,
之後我同佢行左陣,陪左佢大眾買學德文既書,冇耐3點多少少就係珊瑚堡等JOJO,
食左個tea,之後再行,去左姐姐度睇衫,好耐都大去姐姐度睇衫啦~
JOJO睇中左條褲,佢著得幾好睇!跟住試左條淺色D既褲,
我口快快講左呢條褲著得肥,跟住之後佢答我:咁我係肥呀ma
我覺得自己講錯野=.=""" 希望佢唔好介意啦!!~
其實我只係想同佢講深色果條著得好睇過淺玩果條!
冇耐佢買左深色果條就走人,因為佢要補習!之後得番我同TOTO,
冇耐姐姐拎左D cap帽出0黎,之後我0地試戴啦~OK喎!
我覺得TOTO果頂粉紅色都襯佢呀!但係最終佢都冇買到,
可能因為返工驚冇咩機會戴吧!其實我都好少戴,但住見幾襯自己so買左!=.="""
跟住行多陣5點左右就返家lu~亞媽居然6點幾好屎早話食飯!
我食左好少,因為食左野先返屋企,邊度咁快餓呀=___=
食完飯之後就畫layout......明天要交呀,仲要上色=.="唉~~~~
跟住今晚邱富都有打俾我,同我傾左陣電話,點幾兩點先訓得著......./_\

>>February 28, 2005 at 8:21:23 AM GMT+8

2005 年 2 月 25 日 星期五 【陰】

今朝訓到差唔多12點起身,亞倩打0黎嘈醒左,但係唔梗要啦,
因為我都應該差唔多時候起身0家啦~!
佢打0黎話去行< 香工 >,有地方去當然去啦,約左佢3點係荔枝角MTR等!
我0地今次行得好快呀~用左粒幾鐘就行哂,今日星期6,可能天氣陰天想落雨關係,
冇咩人係果度行,行果度仲俾我0地發現度有一間賣姐姐賣開果隻牌子既衫,
仲要好平!亞倩買左一衫,一褲,一褸,而我只買左件簿身外套!
但係真係好平,$20!亞倩條褲都係$20,仲有條褸$60渣!
行完< 香工 >之後我0地落左MK,其實都係陪亞倩等佢男朋友0者~
之後佢仲帶左我去新世紀一間專賣曲奇,cake等既店買cake!
佢話果度既朱古力cake好正,之後我仲買埋一件朱古力餅!
冇耐就搭KRC走人lu~原本要去亞叔家食飯,最終唔見亞媽打0黎,
於是扮咩野都唔知唔去lu~大果個仲比我早返到,返到家我當然試下食件cake啦,
點知件餅好< 流 >呀!!!我真係好少可話D野食< 流 >囉~
但係兩件都幾好食,由其係件cake!
攪到我成晚冇食飯,因為食完都飽哂~
9點幾老豆老母返到,仲拎左生日cake返0黎,因為姑姐生日,
之後我又係食cake囉~!仲拎左幾多朱古力返0黎=.="""
今日唔知咩事,好似係朱古力日咁!食左好多朱古力呀=.=""
夜晚都係同邱富傾電話,傾到3點先收線~!

>>February 28, 2005 at 8:59:16 AM GMT+8

2005 年 2 月 24 日 星期四 【雷雨】

今朝十點幾就起身,11點3左右出門口,約左邱富係尖咀MTR等,
佢早到過我,之後去左食d野先,食完ling e打0黎,
佢打的過0黎搵我0地落去攪個頭!去到果個人好似唔係咁明我電咩野囉~
冇耐ling e走先,因為佢果時係lunch time,只不過用少少時間帶我去一去0者!
原本邱富又話剪,最終又係冇剪到!冇啦啦又走左出去,居然買左金莎俾我食,
話驚我電頭髮悶!其實佢咪仲悶,等左我4粒鐘呀!
終於電完,剪陰,shit!!!!佢都剪唔到我要果隻較果,FUCK!!!攪到我又留番長剪過!
電左$450 !都電左兩次啦,上次又係電唔到我要果隻,今次又係電唔到!
唉~~~真係有d唔開心囉!因為d陰攪到幾核突下我覺得……
攪掂完個頭我0地行左落尖咀行街!
我0地行落尖咀經過理大,我第1次去0家渣,真係幾大下!
可以扮下大學生!
我0地行左利時,新港,海港城,新太陽等等…..
行完LCX邱富仲帶左我去一撻幾靚既地方,
都係睇海境,但係由高處望番落去!真係唔錯!~!!
但係好可惜有雨粉粉,仲好大霧!唯有第2次好天再去過吧!
行連卡佛sales派香水板俾我,兩隻都唔錯,一隻係GUCCIU,一隻係ESCADA,
GUCCI果隻清D,ESCADA果隻就甜D,我鍾意ESCADA果隻多D,
310蚊30ML,想買添=.=”
去到WESTWOOD專門店,邱富又話果度有個男仔幾有木村FEEL,
So咪入去望下囉,e!?都幾得0家喎~我順便睇下袋同耳環,
好可惜又係搵唔到我想買果隻耳環!
唉~~~唔跳係邊度有得買呢?唔得,我遲下一定要再搵下~!
可能因為隻款舊關係吧!今日係連卡佛仲見到一部5位數字既手提,
我真係唔會買囉~邱富話果部手提得個款,我0地用開既手提好用過佢!
今日係尖東仲見到TVB一個藝,唔記得左佢叫咩名了!
行到8點多d邱富就送我搭271,之後走lu~!
上車冇耐佢打俾我,傾到差唔多到大埔先收線,
返到屋企亞媽有留飯俾我,9點幾TOTO打0黎傾左陣,so……
我都唔知清楚< 甜酸爺爺 >個結局個咩野=.=”
11點幾邱富打0黎,傾傾傾…..到3點先收線訓覺!好眼訓呢~

>>March 1, 2005 at 5:22:09 AM GMT+8

2005 年 2 月 23 日 星期三 【乍寒還暖】

琴晚好夜訓呀,訓唔著,兩點幾先訓得著掛~
可能係因為琴日訓成11粒鐘先起身關係…
今朝7點3起身!自己起身,知醒,勁呀~!!!
邱富7點7左右打俾我睇下我起左身未,仲話我咁勁知醒!
哈~係頂啦~9點3左右返到school,我唔係最遲果個!
隔離班果d仲遲!亞星,亞東佢0地仲遲,上K.K呢堂好眼訓,
真係好想爬係度訓,佐係又唔好意思,話哂好唔尊重人,而且返學只上兩粒鐘!
好快又落堂,係SCHOOL樓下發左左少少事,事情係門口開左一邊門,
一個著西裝既亞叔同邱富有少少衝突!
咁佢0地大家都唔讓大家行先,一個出一個入,邱富見佢企係度,
咁邱富咪又企左係度囉,之後個亞叔就話邱富:咩撚野?
之後邱富啤住個亞叔,個亞叔好似想行番轉頭打佢,之後邱富仲話:嚇鬼呀?
其實我覺得係個亞叔有問題囉~因為係佢開口話邱富先!
當然最後都冇野啦!大家冇理大家走左!
今日OK齊人返,放學又係我0地4個去食野,
我冇野,HEA左陣,唔餓住….
HEA到11點半左右就走人,羅家良原本返3點,
但個in-charge今日放假又拎左條key,so叫羅家良落MK拎番條key!
就係咁,今日搭MTR有人陪我!返到屋企我先煮野食,
成日都頭暈暈,可能唔夠訓關係,下晏打算訓又訓唔著,
聽下歌係床度hea左陣!冇耐邱富打0黎話去上水幫佢老豆手,
傾完電話之後冇野做又抄VCD出0黎睇,抄到隻< 驅魔人 >,
幾恐怖下,但係有少少悶!明天同邱富去攪下個頭!
佢話佢都剪頭髮喎~而我要電!好緊張呢~!
今晚睇完睇完之後邱富打0黎,跟住又同佢傾電話,
基本上日日都傾咁=.=”

>>March 1, 2005 at 5:04:10 AM GMT+8