2005 年 6 月 16 日 星期四 【雨】

童年必做的事
1.玩米缸，將手插入米缸裡面o既米裡面篤下篤下或者扮劇泥。
2.在百貨公司入面篤扶手電梯旁的吊牌。
3.地下有階磚時，特登隔一格一格o黎行(不可踩界，要完全在格內)。
4.用錶面反射陽光，照o黎照去。
5.跳樓梯(愈多級愈勁)。
6.行路上高起左地方(例如高起左o既長條型石博，好似玩平衡木咁行法)。
7.鋪張紙在硬幣上面，然後用鉛筆係上面油，油返個形出o黎。
8.食完瑞士糖之後，將糖紙包番個原本四四方方果個形出o黎。
9.超級市場踩住架購物車o黎行。
10.踩水"tum"，係好特登果隻，唔深唔踩。
11.吹口水波。
12.搣牆上的乳膠漆或牆紙。
13.係平滑o既地面上面"冼"下"冼"下咁行。
14.整濕o的紙巾，掟上學校廁所天花頂。
15.食完綠箭香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉
得怏個時飛出o黎，睇下個粉刷中邊個。
17.放膠袋(當風爭甘放)。
18.去後梯執咸書睇，張睇完的咸書撕開飄落街。
19.貼張龜仔紙嚮o的同學
20.踩人地個影。
21.狂踩人地對白飯魚，尤其是大肥仔果o的。
22.用幾條橡筋射
23.掉人地門口的拖鞋落街。
24."蚊"消防喉，射水落下面個球場，睇下射到幾遠。
25.擇水彈。
26.用氣鎗射街上的途人。
27.玩千揪，"fing"到咁上下就飛出去鬥遠。
28.落樓梯時坐係o的扶手上面"sir"落黎。
29.在自動梯行相反方向。
30.把"誤投信件"或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.帶玩具返學。
34.用圖釘弄穿學校壁佈板。
35.亂按人家的門鐘，然後鬆人。
36.明知過了三歲，仍然不買票，"捐"地鐵的入/出閘機。
37.用改錯水(很舊的有一個掃那種)附送的天拿水，搽在手上。
38.在井字型公屋中間的大天井中放�飛機，或者放紙青蜒，看看誰放的紙青蜒最慢由
廿幾樓落到地面。
39.煲蠟。
40.把汽水罐靜雞雞放在校車的車輪下攝住，開車時把它壓扁。
41. 圍閹
42.呵尿時出力射走 D 屎積
43.將紙碎或者紙飛機撒落街
44.將bubble紙氣泡逐粒"鏈"爆
45.o係屋企走廊玩"壁虎功"
46.走到開動緊電風扇面前:"呀~~~~~~~~!"
47.用間尺好似 "搖搖板"咁彈起舊擦膠
48.寶貼當泥膠,用間尺整pizza
49.係屋企撩鼻屎然後抿落牆
50.將 d 擦膠碎 用尺切粒粒
51.膠水搽係手/筆盒上 , 等佢乾之後成塊 met 出黎 ~
52.洗手時用手頂住個出水位,用d水去射周圍d人
53.同隔離位鬥快開哂筆盒d機關
54.飛拖鞋
55.特登將飲完的紙包飲品吹脹然後放在地上，大力地踩爆佢
56.用泥膠塞電制/電話插蘇
57.Lay埋係櫃入面
58.用鉛芯筆幫自己打針
59.係屋企開哂所有遮,再lay係入面扮去camp
60.披住張被扮香港小姐
61.壓碎粉筆扮白粉
62.拎哂D公仔出0黎幫佢0地攪選美比賽
63.用衫lup住自己對腳玩兔仔跳

>>June 17, 2005 at 1:59:04 PM GMT+8

2005 年 6 月 15 日 星期三 【雨】

今朝醒呀,有帶遮,出到去灣仔果邊又落雨!
仲以為簽唔到名,點知返到去成9點仲簽到喎~
呢期我都7點半先出門口!我估都係早返一個字出門好D了~!
行返school時見到有架交通警壞車!見到佢想推番架車好吃力,一定爆重!
今堂都有D野睇,但係我0地班好似排到好遲囉~
成日都係理隔離班,冇可否認隔離班係比我0地勤力!
不過佢0地做D野又唔係好出眾呀~可能我0地班一向都成日玩玩下好多野講......
唔知係咪因為咁,D miss亞sir覺得我0地唔正經?
所以好多時都係理隔離班唔點理我0地?
不過整呢本書我會肯去做!俾心機>.< 得閒做下,唔駛拖得咁遲交!
落堂之後都係得我同亞倩,小葵今個星期一日都冇返都呀!
食完之後原來邱富送我搭車返大埔,因為佢下晏要去睇下架車點樣!
果度我唔去啦,又唔係揸車入去,而且果度好多昆蟲!最驚/_\.....
而家仲落雨天,一定仲多!我唔去啦一定=.="
點知等車等左好耐,最終邱富又話返藍田,佢要返家晾衫果D!
之後又搵埋亞星,亞東食野先!食完佢0地去買dom!
行去時好大下呀!亞星買dom時又係咁講果D 18個,
唔好買呢D 12個,唔抵果渣!~之後又俾邱富買左新出果隻!
買完之後拆先知得9個!哈~亞星屌哂鬼咁,果一刻覺得好攪笑~!
去左邱富家,終於睇到佢細個既相,成日都唔記得睇!
佢細個都似似地而家既佢呀~白白淨咁!
之後俾左D上年既相我睇,哈~!好X爆笑!!!笑到我仆街!
我估一定好好玩~!癲到爆~!見到猩猩上年既樣真係好爆笑!
D頭髮爆長!長得好恐怖=.=" 好似F.4呀~~~嘿嘿........
原本打算快D走,佢唔可以咁遲去車房果度!
點知最終我0地都係訓著左=.=........
4點幾走人~!搭車去到吐露港果邊見到勁多貨櫃車呀!係超多!
亞媽話落雨貨櫃車一定要行下路喎~
攪到吐露港慢駕!去到差唔多廣福果邊又有撞車!
咩果度成日撞車0家咩=.=? 呢個月已經見過兩次了!
今次撞得好金下!見到兩架貨櫃車!D警察落口供之類~
見到仲有架的士,前後都撞到散哂咁!我覺得個的士佬重傷囉咁樣......
落車冇耐JOJO就打0黎啦!話聽日唔駛去工啦喎!
因為去check個地址根本就唔係果間公司!果間公司又冇留電話俾佢!
返到家一直都有個唔識既電話打0黎!冇聽~!
食完飯都有打,見佢好似好急搵我,最終聽左,
原來係東華係佢間舖度打俾我!話有個fd搵我,但係冇左我電話!
想拎番我個電話number!但係東華冇俾我電話number俾佢!
So只拎左對方既電話number俾我!wo~~~我問佢果個人點樣!
最終知原來係亞敏,係亞敏呀>0< 好開心~!!!!原來佢仲記得我!
只不過冇左我個電話number渣!真係好miss佢!爆miss呀>0<
好懷念以前同佢kid住咁返工, 食宵夜,玩,係前場傾計,
收工前商場冇咩人,我0地仲係shop度跟住音樂跳哂舞~!
我又成日係佢面前捉住D model係度玩,佢就會玩我kid,但係又同我玩埋一份!
有時我0地因為玩得太癲都會俾in-charge話,
但係話既係佢,而唔係我,可能因為我比佢做得長,所以每次玩俾人話都係話佢,慘慘!
試過有次仲話我0地再係咁落去就要我0地其中一個調舖!可知我0地玩得幾癲=.="
雖然我0地係咁kid,但係我0地可以傾到計,佢又可以幫我解決到問題!
以前夜晚放工成日同佢一齊食宵夜,見12點幾仲早,又係我家樓下傾陣計先返家!~
仲記得有次我0地一齊睇住對情侶落的士嘈交,拉拉扯扯!
果時原來我0地係我家樓下傾緊計既~點知變左睇戲!
我識左佢唔係好耐,但係我0地都好多回憶!有時仲同埋kid him煲煙,
當然我只係同佢0地吹水,唔食煙的!
仲試過有次我凍,但係夜晚約左佢0地班kid野食糖水,
咁0岩亞敏收夜得一個,之後就拎左ebase一件衫著住走,第2日先拎返0黎!
嘿…其實咁樣可以話係偷衫走!但係我0地成班都係fds,互相包庇!亞tal都冇理!
起初第1次打俾佢,佢冇聽電,之後冇耐我唔得閒佢又打多次俾我,
到我冇聽!最後我打俾佢,響左好多下先聽到!
我0地勁多野傾,傾到佢電話冇電cut左就冇~
原來之前約我同kid him食飯果日跌左電話,一直都搵唔到我0地,冇哂我0地電話!
佢試過係大埔行過好多次撞下我,經我家樓下又專登行慢D,但係都撞唔到我!
我仲一直誤會佢甩底!以為佢唔肯搵番我~原來唔係呀╥︵╥ 我怪錯她...
同佢傾完電之後都係上下網咁!~
再之後同邱富傾!點幾收線訓了~!
今晚實在太開心了=﹏= ,因為好掛住亞敏呀真係!~
雖然只係一個電話,但係好耐未試過咁開心!~
或者同佢識既時間唔長,但係經歷得多野,又一齊返工掛!~


>>August 7, 2005 at 10:21:47 AM GMT+8

2005 年 6 月 14 日 星期二 【雨】

今朝一出東隧就勁大雨!我冇帶遮呀~好彩邱富有帶!
我唔可以成日依賴佢帶遮的>___<
上電腦堂,今日都有跟下點樣攪個酒樽,但係當然我有d都跟唔到啦~
底子太差了!好彩有亞倩係隔離╥︵╥ 佢好叻呀~!
好快落堂,羅家良今日有返!一齊食早餐!
食完之後都係同邱富佢0地食!我都係坐~
再之後同邱富返家,佢要拎衫落家樓下乾衣同埋畫張台既圖,
要介玻璃!幫手剪塊台布!
頂唔順,訓著了~訓左一粒鐘,點知原來佢係我訓著果時拎左D衫落街乾衣!
跟住上網見到羅家良,叫佢send歌,但係send唔到,唔知點解!
之後用shared files dl佢d歌!攪左好陣子,得左~!GOOD!
跟住落樓拎D乾左既衫,邱富搵一搵亞迪!
拎完返家放抵就送我搭車,叫埋亞迪出0黎~
走時亞媽打0黎,又話今晚第2大舅父0黎大埔,訂左台食飯,係迎囍食!
我估一定晏返家,我又有功課要做,驚做唔切!
最終決定唔去!打俾JOJO同TOTO,睇下邊個可以同我食飯,
兩個都唔得呀~但係JOJO咁0岩出尖咀見工,fitting model呀~!
唉......如果我高少少,身材好既話,我必定去見呀>.<
因為人工唔低呀ma!~
返到大埔勁大雨!JOJO有帶遮,結果等埋佢一齊返家,冇遮唔得呀!一定爆濕!
跟住順便叫佢陪我買飯返家食!
行返家時又大雨喎,亞媽打0黎,問我係咪唔去,
我話要做功課!之後屌9我話點解唔下晏做!之後又同佢嘈左幾句!
屌~!我點撚知今晚會去酒樓食飯0者!
佢條友居然cut我線!FUCK!!!無禮貌!最憎佢呢點!
成撚日都係咁!打0黎屌9我,又cut我線!咩事先!?好討厭呀>"<
一係有時問野就唔撚應人,之後又屌9我!
返家冇耐薯彬打0黎,都係問去沙灘D野~
夜晚做左陣功課之後沖涼,沖完又做,聽歌,
到11點左右先有人係ICQ hi我!結果玩左陣就冇做功課了!
其實我只係做左8頁出0黎,但係唔係咁好囉我覺得...
只係做左人物介紹,內容簡介咁!其他內頁都仲未做!
冇耐打俾kiki,因為我唔知佢0地去唔去,而且想知佢0地去既話係幾點去!
之後再同邱富傾電~12點幾收線訓覺!累.......
我知你最近好煩,我幫唔到你D咩野,但係我樂意聽你講,
了解你既野~能夠同你分擔任何事!希望咁樣能夠舒緩下你既心情啦!


>>August 7, 2005 at 10:22:23 AM GMT+8

2005 年 6 月 13 日 星期一 【乍寒還暖】

今朝搭車亞倩都有SMS俾我叫我幫手簽名,當然我都簽到啦~!
返到去,咩野都冇交到,因為冇做,覺得自己咁落去唔係辦法!
好彩好多人冇交,so可以下堂交番>.< 我一定會交的!!!
而家攪到淨係廣告呢科都有兩份功課要交添...唉~~~好似好多功課呀!
今日小葵同羅家良都冇返呀又!So都係得我同亞倩食早餐!
冇耐同邱富食,亞星打陣先0黎!食完佢都返家了~
而我就返邱富家,而家放學冇野做就係咁=.="
兩點幾3點走人!因為邱富搵fd cut玻璃!係樓下亞迪等我0地~
好大雨呀........搭74x時爆大雨!好似洗車咁!
如常又訓著左,係吐露港邱富打0黎,醒了~!
好彩返到0黎大埔冇落雨0者!返到家之後先落!
返到玩玩下電腦冇啦啦管理處既人上0黎話樓下有人投訴我0地冷氣機滴水!
我0地0岩0岩先開冷氣渣喎!我0地睇根本就冇滴!
之後大果個打番落去管理小佢0地!
原來人0地投訴既係B,唔係D室囉!~而且一到夏天就會有呢D情況出現!
都唔知仲咩春!咁多野關我0地事啦喎?
之後話佢0地,滴水果度係B,我0地住既係D!
唔知點解好多時早返家屋企都冇返食,今次都係!
亞媽話去屯門,大舅父生日食飯!
大果個又唔知係咪fd生日,出左去,攪到一條友係家!
7點左右同邱富傾電~傾左一粒鐘到,
但係傾左好多野!~都係關於我同佢,例如性格果D~!
今晚落雨喎,結果煮公仔麵食算了~!又懶得落街...
睇TV!聽歌!好少一個人係家,so我enjoy呢個感覺!
冇耐謙謙打0黎喎!~哈!得我一個係家,之後佢就話搵我,
不過佢都係問:食左飯未呀?
覺得佢把百厭聲真係好得意!講野又叻!都幾識泵人呀~!
冇耐沖涼,洗洗下臉冇啦啦手提響起,
TOTO打0黎,之後沖埋涼就打番俾佢,同佢傾左好陣子電~都好耐冇同佢傾過了!
話下星期佢,我,JOJO一齊返大陸!佢話想影相!
不過我同JOJO唔影啦~陪影!順便行下!唔知去唔去得成呢?
之後攪下整書果份功課,但係我唔識呀/_\ 嗚.......
聽日要上堂問亞倩點樣攪先得!第2果個今日比平時早返,
11點屋企先有人,我又懶得熄冷氣,一條友落雨天涼冷氣好凍添=___=
都係第2果個返0黎佢熄!嘿.........仲俾左500蚊我!GOOD~GOOD~!
要儲錢儲錢,慳D駛!覺得自己已經好叻啦,上個月淨番幾百蚊>.<
最主要原因係我冇買過野~!雖然好多野都想買,
但係諗到而家冇工返就唔可以亂駛錢!
再加上遲下有工返既時候一樣可以買到,只不過係遲少少0者!~
我喜歡的品牌呀~! >︵< 等我........!!!kid了=.=
不過遲下有工返都唔可以好似以前咁大駛!一定唔可以呀>0<
都唔明點解自己有返工又唔學儲錢,而家想儲又整=.= 都唔知為咩!傻了.....
傾完電話原本打算訓,12點幾EVA打0黎,之後又傾左陣電~
差唔多成點先訓呀!~

>>June 15, 2005 at 11:55:52 AM GMT+8

2005 年 6 月 13 日 星期一 【乍寒還暖】

*你最近*

最近喜歡的人 : 老公仔,所有喜歡我既朋友
最近喜歡的食物 : 零食,不能盡錄..........
最近喜歡的飲品 : 凍朱古力,朱古力雪芭,蜜瓜奶
最近喜歡的電影 : 最近....um......都有一排0家啦!~應該係藉著雨點說愛你同埋連環不幸事件
最近喜歡的歌曲 : Kiss Me,Look What You've Done,lonely,我真的受傷了......

最近喜歡的運動 : 跳舞算嗎?
最近喜歡的地方 : 屋企,涼冷氣ma~
最近喜歡的事情 : 做愛,嘿....
最近喜歡的朋友 : 喜歡我的朋友我都喜歡~
最近喜歡的品牌 : westwood,可惜一件都冇=_= 冇錢呀/_\ 遲下返工先吧~忍.....
最近喜歡的課堂 : 書刊設計
最近喜歡的 COFFEE : 一向都唔飲
最近喜歡的衣服顏色 : 盡量都唔想著咁太花既顏色,冇特定話喜歡咩顏色!
最近喜歡自己１人嗎 : e!?最近好似冇諗過想一個人

*你試過*

你試過因為１個人哭嗎 : SURE
你試過傷害別人嗎 : 我唔係惡意
你試過玩弄感情嗎 : 絕對冇
你試過愛上朋友的戀人嗎 : 絕對冇
你試過跟不喜歡的人談戀愛嗎 : 有掛,果次算掛....
你試過心碎嗎 : 經常
你試過愛１個人愛得很深嗎 : 每次談戀愛都投入,所以應該愛得深
你試過因為戀人而改變嗎 : 只要係我愛既人 ... 我都願意為佢改變
你試過暗戀別人嗎 : 梗有!
你試過愛上戀人的朋友嗎 : 絕對冇

*你喜歡*

喜歡貓或狗 : 狗
喜歡被吻的地方 : 頸 & 額頭 & 咀 & 臉 & 耳仔,嘿.....
喜歡被抱嗎 : 極度喜歡!>3<
喜歡什麼水果 : 士多啤梨,芒果,西瓜等等...
喜歡的天氣 : 溫暖,太陽唔太猛既時候,因為我怕凍的!

喜歡男生定女生 : 當然男生,我好清楚自己性取向
喜歡牛奶嗎 : 其實唔太喜歡0家,但係覺得自己缺乏營養時就會飲,so耐唔耐都會飲下
喜歡戀人對你說什麼 :說話時講既每一句都係真心話
喜歡怎樣的戀人 : 唔會呃我,專一,唔花心,細心,對我好

*誰令你*

誰會把你弄哭 : 愛人,家人,朋友,自己
誰可以令你開心 : 愛人,家人,朋友!基本上少少事我都可以笑一餐,邊個都可以令我開心
誰可以令你改變 : 朋友,愛人,自己
誰令你覺得煩 : 家人
誰令你放下尊嚴 : 愛人
誰令你放下自己 : 朋友,愛人

*你*

你最長的１段愛情 : １年3個月多少少
你最短的１段愛情 : ２日 (其實我覺得唔算囉,都唔鍾意既)
你的最愛是誰 : 邱廣富先生
你最懷念的１個吻 : 溫柔既一吻
你最懷念的抱抱 : 係我喊既時候攬住我既擁抱係最懷念!不過而家好少係人面前喊!=.=+

你最不想失去的１段愛情 : 唔到我控制
你是１個執著的人嗎 : 愛情上.....我絕對係
你自我中心嗎 : 絕不.......我很討厭的
你會幫助別人嗎 : 當然會!係我能力範圍內會盡量幫
你是好的情人嗎 : 我唔知自己係咪,但我會盡力做好
你是１個好的聆聽者嗎 : 我好樂意聽0家!有唔開心可以打比亞luen
你會為戀人而跟朋友吵架嗎 : 好似未喎
你暗戀別人時,會告訴別人嗎 : 我唔會,遇到呢D事情一向都怕羞="=
你相信會有１生１世的愛情嗎 : 當然信,只要肯相信,就會有!

*你的朋友*

最醒目的 : penny,覺得佢返工果時好醒,得過扯過~嘿.....但係又做到喎!又串到人,勁~!
最聰明的 : 誠誠
最純的 : 好多都純呀
最勤力的 : 葉洋,之前見佢出街都拎住返工D野計升幅,以前既我返工係唔會咁的!~
最懶的 : 其實最懶果個係我=.=+

最遷就你的 : 老公仔
最清楚你的 : 我連自己都唔清楚自己...更加唔知人0地清唔清楚我!
識得最耐的 : kiki,yin,wing!小學唔知幾多年級識!不過妮妮原來幼稚園係同我同一間!仲一齊表演過,但當時我0地係唔識既~!
你最信任的 : TOTO,JOJO,亞屎,亞倩........
最信任你的 : 唔知呀...

最搞笑的 : 亞星,佢講好多野我都覺得好爆笑!嘿嘿...
最白痴的 : 亞敏,meimei,kid him,比得,當然係玩果時白痴,好攪笑呢~懷念...好耐冇見啦/_\
最有錢的 : 唔知呀,人0地唔通有錢同你講咩~
最豪爽的 : 好似冇
最貪玩的 : 亞琳,東華,亞樹等等......

*你最想*

最想吃 : 雪糕
最想跟誰在１起 :老公仔 >３<''
最想去 : 日本或者陽光與海灘既小島既渡假地方
最想跟誰見面 : 好耐冇見既了朋友們
最想做什麼 : 跳舞
最想買 : westwood袋同GUCCI袋
最想得到 : 愛人的歡心
最想扔掉 : 唔開心既野
最想吃的雪糕 : 朱古力味的

>>June 14, 2005 at 1:56:23 PM GMT+8

2005 年 6 月 12 日 星期日 【乍寒還暖】

邱富今日6點4就SMS俾我,但我訓多幾個字先起身,
而家唔係朝早洗頭,可以訓晏少少!~
搭車期間亞倩SMS俾我叫我幫手簽名,
我都係0岩0岩返到去簽,因為塞車!仲要去到官塘果邊落雨!
去到灣仔仲幾大雨,好彩邱富買左遮,唔係濕哂了~!
返到去咩野都冇做,傾下計,同埋我冇野做係度畫下野,
猩猩今日返左學校,仲落左0黎我班------坐同玩~!
10點多少少就同亞倩落去食早餐!因為見冇野做~
原本今日拎埋果舊銅走,但係我認唔出邊個係我呀/_\
不過我打算下一堂淨番幾多,類似既我果個就簡左佢!
同亞倩食完早餐就行去來機舖搵邱富,
雖然係度返學返左兩年,但係我一次都冇入過呢間機舖!
Wo~~~一入到去冷到仆街囉我覺得=.=
同埋今日又落雨,本身又怕凍!
唔怪得平時經過見到間機舖成日咁多水蒸氣啦!
之後佢0地去食野,亞星話睇雜誌見到一間食好大舊包~!又話一個食唔哂!
係灣仔搵左陣,最終都搵唔到,去左一間café!
都係食包,舊包都好大舊下!俾著我一定食唔哂呀!
食完之後搭船去尖咀!亞星,猩猩,亞東行海港城,
而我就跟邱富返佢家!睇埋< 美國處男三 > ,套戲真係幾爆笑下!
訓晏覺時開左冷氣,邱富鼻感敏又發作,攪到勁打乞痴!慘慘...
6點左右搭車走人!夜晚如常ICQ,MSN,
想係ICQ搵kiki,約佢去沙灘日子果D~!精蟲又叫我約下佢0地D女仔,
但係我係ICQ搵唔到,都係聽日打電話吧~!
同邱富傾電到12點左右收線訓覺~wo~~~~~~

>>June 13, 2005 at 11:29:31 PM GMT+8

2005 年 6 月 11 日 星期六 【乍寒還暖】

今朝都係10點幾起身!~老豆放假喎!去飲茶,ok~!
去左京都飲,行去時居然見到KIKI同佢亞媽果D一齊!
叫左張大台!原本唔打算陪第2果個出TST剪頭髮!
但係佢俾左著數我!嘿........最終決定去了!
飲完茶就搭271出去!~原本佢條友只剪,點知最後又電埋=.=
好彩邱富有出到0黎陪我,我陪左第2果個一粒鐘多就走!
邱富D fds都係度!連湯威都係度~
係TST行左陣,佢0地食完野之後就打的去廟街!
去左褲城,佢0地買褲,同改,攪左幾耐下!
猩猩玩果隻貓俾佢抓親!原本我仲想去摸佢添=___=
隻貓咁惡既...!走前猩猩報復!係咁搵野攪隻貓,核突呀=.="
之後去買印度民族既地方,猩猩買埋繩我0地就行去MK!
冇耐邱富送我搭車走,落雨.........好大雨呀>0<
好彩返到大埔冇落雨!返家食飯~睇陣TV,沖涼~!
而家都係日日洗頭好D,唔慣隔日洗頭=__=
傾電~!1點左右訓了~!


>>August 7, 2005 at 10:23:00 AM GMT+8

2005 年 6 月 10 日 星期五 【晴】

今朝俾亞媽抄醒了,問我去唔去飲茶!
最終決定左去!~而且都好耐冇同亞媽飲茶!
一邊make up,諗起我好耐冇試過端午節朝早起身睇TV了!
打的去太和美心飲!飲飲下邱富SMS俾我,佢想水我,打算係大中搵我,
嘿...點知原來我係太和囉!~最終佢等左我好陣子!
同佢係大中行陣之後去左沙田!搭72去,想一程過~
去到沙田原本想睇戲,但好多人,今日我0地都要做節!唔可以晏返~
最終我0地係沙田行,食野!行到一間精品店,
見到ok多龍貓,入左去睇!佢居然買左隻龍貓公仔俾我!
隻野唔大隻,但覺得幾貴下!Anyway多謝你呀老公仔>3<
下次唔好哂錢買公仔啦!龍貓公仔貴呢~!
行行下去到Quiksilver,當然又入去啦!邱富試帽!佢見到自己個頭咁燥哂~!
唔好咁啦!頭髮會長0家ma!~只係你D頭髮長得慢少少........俾D時間佢啦~!
遲下就唔會咁0家啦~!
去到32見到penny~佢冇變到!但係好忙囉~!慘慘!希望佢快D調舖就好了!
差唔多5點搭番72返大埔,邱富居然陪我搭呢程車返0黎再轉74x返官塘!
返到0黎大埔送我返家>3< 因為唔會好多次咁樣,so更加珍惜!
係家hea左陣,仲影左我D龍貓公仔相!放心~隻公仔已放係床頭>.<
等埋老豆返0黎同佢一齊去亞婆家打邊爐,
今晚係亞婆家做節!都幾多人~佢0地都係講同問我拍拖d野=_______="
9點多返家,洗白白~!GOOD!~聽歌!
傾電到點幾收線訓了!~
PS:今日係端午節

>>June 12, 2005 at 2:35:53 PM GMT+8

2005 年 6 月 10 日 星期五 【晴】

１出街個袋有 D 咩 ? TISSUE,化妝品, 潤手霜,MOBILE PH,WALLET,PEN,記事簿,八達通
２而加聽緊咩歌 ? Akon - Mr. Lonely(呢兩日成日聽)
３鍾意去邊度食野 ? 唔知呀,對食方面冇咩要求
４鐘意咩類型既女仔 ? 心地善良,樣靚身材正,嘿嘿嘿.......
５鐘意咩類型既男仔 ? 心地善良,細心,如果有型又有鬚就好啦>.<
６出旺角有咩地方１定要去／有咩１定要做 ? 唔知呀,朗豪坊果D啦都係
７出銅鑼灣有咩地方１定要去／有咩１定要做 ? SOGO,時代掛~其實度度都會行下...
８出尖沙咀有咩地方１定要去／有咩１定要做 ? 望海既地方,海港城
９最鐘意邊套台劇 ? 我唔睇台劇的
１０用１首歌黎形容自己 ? 唔知........
１１鐘意著底褲定孖煙通 ? T-BACK~!嘿嘿嘿.....
１２有咩心願呀 ? 買樓,有一架mini copper
１３無聊既時候會諗起邊個 ? 愛人>3<
１４無聊既時候最想搵邊個 ? 愛人>3< ,JOJO,TOTO,亞倩,亞屎等等.........
１５邊套戲睇得最多次 ? 孤男寡女
１６睇邊套戲最易喊 ? 再見螢火蟲
１７睇邊套戲笑得最開心 ? 唔知........
１８有邊套戲睇到１半已經想停 ? um.....唔知喎!一時諗唔到!
１９用１種動物黎形容自己 ? 老虎,易發脾氣....
２０識咁多人之中 , 邊個最靚仔 ? 好多
２１咁最靚女係 ? 好多
２２足球同籃球 ? 足球!!!因為愛人勁鍾意 =]
２３最憎邊個星座 ? 人馬
２４點解咁憎呢個星座 ? 花心
２５咁你最鍾意邊個星座 ? 巨蟹
２６點解咁鍾意 ? 因為我同愛人都係呢個星座,嘿...
２７如果比你問１條問題 , 你想問 ? 其實我係一個點既人?
２８鐘意 Hello Kitty 定比卡超 ? 老貓!FUCK~~比卡超=___=,唔好玩啦~!謙謙先鍾意!
２９邊個明星以前好鍾意 , 而家唔鍾意 ? Edison
３０你有幾多隻錶 ? 以前中學用既計嗎?
３１分別係乜野錶呢 ? 好普通既錶
３２如果有得比你整容 , 你會整邊 ? 鼻,最想整走黑眼圈/_\ 我想有對明亮既眼睛呀/_\
３３邊個係你偶像 ? 諗唔到...
３４有乜野你係想做又唔敢做 ? 紋身,真係好想...
３５鍾意玩 ICQ 定 MSN 多 D ? 兩樣都喜歡
３６飲芬達鍾意飲乜野味 ? 提紫
３７去飲茶有乜野１定要食 ? 油菜,春卷,< 登 >蛋.....
３８你會唔會做人既後備甜心 ? 嗯........唔知呀~!
３９鍾意周慧敏定楊采妮 ? ^*%&$#@ ..!!
４０如果比你開鋪頭會開乜野鋪頭 ? 食市
４１點先做到你男朋友 ? 專一,唔花心,細心,最梗要對我好
４２鍾意偉仔定華仔 ? 華仔
４３鍾意 ７-１１／ OK ? ７仔
４４如果比你揀１樣街頭小吃 , 你會揀食咩 ? 雞蛋仔,細細個已喜歡!
４５你鐘意既人突然間同你講佢鐘意左１個人 , 你會有咩反應 ? 呆哂
４６如果你發現自己個好朋友都鐘意自己心上人 , 你會點 ? 接受,扮冇野....其實好唔開心.....
４７如果你男朋友鍾意左第２ 個 , 你會點 ? 咁......不如分手吧!
４８你鐘意番自己以前個男朋友 ? 絕對唔會
４９但係發現佢個心已經鍾意左第２個 ? 唔關我事,佢而家都有女朋友呀~
５０最深刻既夢係點 ? 夢見關於死亡既野
５１如果要你性感你會揀低胸定露背 ? 低胸,如果我係大波既話,嘿.......
５２分左手之後 , 會唔會數佢既缺點 ? 盡量都唔會
５３咁發現佢數你呢 ? 失望,傷心
５４你失戀會做 D 咩 ? 喊,自閉,寄情於返工,努力工作!
５５失戀之後幾耐先復原 ? 唔定~睇下愛得幾深啦!之前果次應該用左一年時間先完全復原!
５６宜家諗緊咩 ? 將來既我會係點?老公仔你而家有冇掛住我呀?
５７同邊個人只有１面之緣 ? 路人
５８ 鍾意寶珠定芳芳 ? %&$#@ ..!!
５９下午茶會食 D 咩 ? 通常都唔食,除非餓
６０屋企有幾多隻 VCD ? 好多隻喎!唔想數...
６１如果你去到荒島 , 你希望你自己有 D 乜野 o係身邊 ? MOBILE PH
６２做 D 咩會好緊張 ? 見工
６３支唔支持婚前性行為 ? 支持,只會同愛人>3<
６４今日想做 D 咩但係失敗左 ? 想訓多陣都唔得
６５你有乜野係好想儲齊１套 ? 宮崎駿一set動畫VCD/DVD
６６有冇儲錢呀 ? 好少...已經盡量了!
６７相簿入面最多同邊個既合照 ? EX-BF
６８最想放棄 D 咩 ? 冇野想放棄,珍惜一切事物
６９呢個世界你最想邊個得到幸福 ? 每位愛我既朋友
７０印象最深刻既係咩 ? 第1次做愛
７１最鍾意邊個電視角色 ? 唔知
７２同唔同意戀愛大過天 ? 都唔係0家
７３覺得邊個最有女人味 ? 關芝琳
７４同邊個只可以維持朋友的愛 ? 朋友囉!~
７５學生應否談戀愛 ? 呢句野咁熟既,=.=...要談戀愛都阻止唔到,以前自己都係咁!
７６邊樣野最貼身 ? 內衣褲
７７呢世人最遺憾既事 ? 之前返工返學唔識衡量,後悔.........
７８鍾意明戀定暗戀 ? 應該係明戀
７９男仔對女仔講粗口你覺得點 ? 玩既冇問題~如果係惡意,咁個男仔勁冇品囉!
８０鐘意帶眼鏡定唔帶眼鏡既異性 ? 冇所謂
８１去冒險樂園最鐘意玩咩 ? 夾公仔
８２去海洋公園有咩唔敢玩 ? 好多野都唔敢玩
８３一生人有乜野１定要做 ? 結婚,買樓
８４去百佳通常會買咩 ? 朱古力,餅
８５鐘唔鐘意同人鬥氣呀 ? 唔鍾意,討厭呀~!
８６美麗與快樂 , 揀邊樣 ? 快樂,快樂係用錢買唔到!
８７你會揀１個對你好好既人同你結婚定係鬥氣冤家 ? 緊係對我好啦!傻了嗎?
８８覺得單戀點 ? 慘,但係忍受到,因為好多時單單下就會淡
８９愛人還是被愛 ? 愛人
９０比鐘意既人呃完１次又１次 , 有咩感覺 ? 點解我會令到佢呃我,其實我做錯咩野?
９１有 D 咩你死都唔肯改／ 改唔到 ? 感情豐富
９２學做左 D 咩宜家覺得好白痴 ? 暫時未覺得學過既野係白痴
９３最想感受１次乜野既感覺 ? 想知紋身咩感覺
９４覺得時下既年青人點 ? 濫,冇咩大志,理想!
９５有 D 咩你覺得宜家諗黎好無謂 ? 做dancer
９６點先有安全感 ? 擁抱既時候,覺得好有安全感=﹏= 喜歡~
９７睇番小學既紀念冊有咩感覺 ? 好大陸feel呀~!點解會咁0家???
９８想比自己本日記邊個睇 ? 愛人
９９想睇邊個本日記 ? 個個都想睇,我好八0家! >.<
１００覺得呢個１００問點 ? 答死我了...

>>June 11, 2005 at 4:06:45 PM GMT+8

2005 年 6 月 9 日 星期四 【微雨】

1.我愛你不是因為你是誰，而是我在你面前可以是誰。

2.沒有男人或女人是值得你為他流眼淚，值得的那一位，不會要你哭。

3.那人不是你所想般愛你，但不代表那人不是全心全意地愛你。

4.一個真正的朋友是向著你伸手，觸動你心靈的人。

5.掛念一個人最差的方式，就是你坐在他身旁，而知道你不能擁有他。

6.就算你不快樂也不要皺眉，因為你永不知道誰會愛上你的笑容。

7.在世界裡你可能只是某人，但對某人你可能是全世界。

8.不要花時間在一個不會花時間在你身上的人。

9.可能神要我們在遇到那位對的人之前先遇上一些錯的人，讓我們遇到那位對先生
對小姐時懂得珍惜。

10.不要因為完結而哭，要為曾經發生而微笑。

11.這個世界永遠也會有一些傷害你的人，你要做的就是繼續去信人和小心你下次
信的人。

12.在你嘗試了解其他人和盼望其他人明白你之前，先把你自己變成一個更好的人
和了解你自己。

13.不要太努力去找，最好的東西是在你最預計不到的時候出現。

copy from kiki diary


>>August 7, 2005 at 10:26:13 AM GMT+8