2005 年 4 月 10 日 星期日 【微雨】

琴晚訓唔著,我估我3點幾成4點先訓著,6點半起身,
鬧鐘一響我就即醒,勁呢~!因為通常我都掙扎下先起身的!
之後換衫梳洗咁樣~7點4出門口!今日決定左搭bus~!
其實我都係試下0家渣,因為未試過朝早搭bus返學!
原來朝早搭KCR轉MTR係快兩,三個字囉比起bus!
但係如果熱天,天氣熱我估都會搭bus!因為搭KCR,MTR D人D味...好勁=___=
起碼搭307 9成人都係office,5-7成人都噴香水!
係大老山隧道之前有少少塞,跟住行完東隧又慢駛去灣仔!
係灣仔警署落!邱富係果度等我一齊返學!佢個樣勁病~有d白青青咁!
8點10左右先返到school!好彩都簽到名!返到去之後交功課!
上上下堂冇啦啦有人入0黎叫小葵,亞德同女仔君放學見校長!
佢0地上星期冇見到,so今日放學要見番~
今堂都幾悶下,因為全部都好似教書咁樣,冇野做,唔駛我0地上堂做D咩野~!
上堂都係傾下計咁,羅家良話我黑左!哎呀~其實我一到夏天就好易黑0家啦~
我仲打算今年必定要去下沙灘!算吧啦~盡量唔俾佢咁黑啦!< 呼 >多d mask囉~
羅家良係講野直,但係都幾0岩聽!因為講下D唔好既地方出0黎等我注意下都好!
傾傾傾...............好快又落堂,今日早左少少落堂,
之後我同亞倩,羅家良落去樓下茶餐廳等小葵!
佢0地有食野,但係我冇叫到野食,因為成朝都覺得個肚唔舒服咁,想嘔想嘔咁=.=”
小葵都見左好幾個字先走得!
但係校長今次同佢0地講D野都冇上次同我0地咁衰囉~
同埋聽小葵講到校長講D野都我0地上次咁串咁!
11點亞倩返工先~!11點4左右我0地先走人~
之後邱富又陪我去等bus!因為0岩0岩走左班車,都等左ok耐先到!返到大埔就返家!
下晏兩點幾訓左陣,好眼訓,頂唔順,訓到4點左右,醒左!
之後即問大果個有冇人打俾我,TOTO打過0黎,
因為話今日去傾下計咁!冇耐就出去,去左姐姐度搵佢,佢係姐姐度睇緊衫!
原本都唔買衫0家!點知又睇中件,而且平ma~買左=.="
之後再陪TOTO去catalog度,佢睇中左初,最終佢買左兩件衫同一包紮便既橡筋!
買左3樣野都係3百幾蚊0者!~幾抵!但係我覺得果度d sales好似目無表情咁!
唔識笑囉~個男仔係有sales到呀,只不過係sales有咩平咁囉~
同埋佢sales果時都唔nice咁既=___=
買完之後我0地落左仙跡岩飲野!我想飲ma~
坐左陣就行番去大廣,TOTO話要影印!之後佢陪我行好入果間punk店!好似叫小紅屋!
果度D人幾nice^-^ 佢0地兩母女都好punk下又瘦!
果個女仔隻錶好靚呀>"< 係westwood手錶0黎如我冇睇錯的話!
佢對襪都好靚呀,係爛爛地咁樣既~!
係果度買野唔錯~!而且D衫又唔算貴我覺得…都幾靚!我估我得閒都會去睇下0家啦^-^
其實係好耐之前都行過,um...........都有一排冇行果間舖!
原本我係想買耳環!但係睇唔0岩,反而TOTO就買左隻耳環!
而我又睇中條手帶,最終買左!豹紋的^-^ 喜歡~
而且仲俾我見到類似NANA戴果條頸帶!原本都唔買果條頸帶0家!
因為自己整會平30幾蚊!但係我又好鍾意,最終行左一圈又行返去買~
而且我又唔識釘,因為條帶要釘左D洞先可以釘果D釘上去~!
行完之後就走人返家!~出0黎都hea左兩粒鐘!
返家冇耐TOTO就send歌俾我,佢覺得好聽果D~!都OK呀!~
之後食飯同洗白白,今日冇咩胃口,食左好少野................
成日好似想嘔咁=___= 好辛苦添/_\ 又頭暈暈,唔知係咪太唔夠訓關係/_\ 唉~
夜晚都係ICQ~亞倩send左d Tiffany鍊既相俾我睇!哎呀~好靚呀真係!
好想買,佢家姐個fd有折!點好呢點好呢??
明天亞媽話行朗豪坊喎!都唔知係咪!第2果個又咁0岩放假,
又話睇戲,都唔知睇咩戲~!um...........明天再算吧~!

>>April 12, 2005 at 12:26:32 PM GMT+8

2005 年 4 月 9 日 星期六 【微雨】

琴晚大果個又帶左佢個fd上0黎訓!原本打算off-line就訓,
但係最後又睇左陣書,終於睇哂本< 為真愛承諾 > ,都幾好睇!~
睇到4點先訓!凌晨有落雨呀~!
今朝又訓下醒下,唔知點解次次唔駛返學日子朝早都係訓下醒下咁!
訓到12點幾先起身,但係都好似唔係咁夠訓咁!
起身之後就拖地,因今朝亞媽早出門,拖唔切地,so由我拖!
佢同老豆去拜山,我唔去!~拖完地之後hea到3點幾先出去買紙果渣做功課!
交埋上期爛橙電話費!~買完就即返家整!
唉~整完之後都唔知自己做緊咩野咁!FUCK~!
今晚亞媽講埋D野,唉~~~佢講都係講埋佢今日拜山,我果D唔知咩關於既親戚既仔女!
又係度講人0地大我幾多,細我幾多咁!
我覺得年紀只不過係一個數字囉~唔駛下下講咁詳盡!
同埋果一刻我真係冇咩心情去聽!So一直都冇點應佢!唔多唔少有D炆炆地!
唔知係咪做功課關係,都唔知自己係度做緊咩野!
夜晚亞屎係我< 呼 >mask時打俾我,但係因為我< 呼 >緊mask,
唔係點聽到電話=___=" 真係唔好意思..............
佢打0黎係問我出唔出去,但係我推左話唔出,因為我0岩0岩先沖完涼,
我次次夜晚沖完涼就唔想出街0家啦~
今日咁特別日子我都推左去真係勁唔好意思!
我估遲下我會約番佢~!希望佢唔好介意!
TOTO今晚都有打0黎,同佢傾左陣電話~之後又如常上網!
冇耐同邱富icq之後又傾左陣電話~收線hea左陣先返入房,因為呢幾日都慣左夜訓/_\
PS:今日係亞屎生日,生日快樂呀~!!!

>>April 11, 2005 at 5:10:49 AM GMT+8

2005 年 4 月 9 日 星期六 【微雨】


識做掌上壓既貓~

>>April 10, 2005 at 1:17:52 PM GMT+8

2005 年 4 月 8 日 星期五 【微雨】

今朝11點幾起身,一起身又係咩野人都冇=____=
起身冇耐同邱富傾左幾句ICQ,佢落去茶樓搵位,so打俾我傾左陣!
佢仲係病緊=___="".....睇0黎佢真係要好好休息一排啦!~要小心身體!
我掙扎左一輪決定打俾亞媽問下佢係邊,搵佢食野!肚餓/_\
都估到佢去左飲茶!仲打左勁多次都冇聽=.="
好快手求其拎件Tee就落街!好熱呢~著左短袖^-^
亞媽原來同彩E行緊街!佢0地飲完茶0家啦,都陪我食野!
食完之後同佢0地行左陣!買左件豹紋背心外套,喜歡豹紋呢^-^
行到姐姐果度買左件線衫背心!喜歡~!但係姐姐唔係度,得姐姐個姐姐係度!
佢都俾左85折我!^-^ 都好似有一排冇係姐姐度買衫了!
亞媽仲勁,買左3件衫,有一件係襯衫0黎既0者~
但係有件我都覺得唔錯!So亞媽決定買!行左半粒鐘左右大果個打0黎話飲茶=_____=
佢朝早好早出左去唔知去邊度,兩點多返番0黎大埔就搵我0地飲茶,
唉~早D講ma!咁我就餓下先等埋佢啦!最終我0地去左迎囍度飲!
結果粒幾鐘食左兩餐,好飽=__=" 亞婆都有0黎飲茶!
亞媽佢0地仲勁,一日飲兩次茶囉~
飲茶期間講起亞媽以前年輕時紋眉,咁我就話我想紋身!
紋眉同紋身冇咩分別,亞媽一向叫我唔好係塊臉釘環攪咁多野,
今次我周佢話佢紋眉都係臉上面攪啦~!
咁之後講起塊臉釘環,佢就話今朝見到個女仔塊臉釘左5個環咁多,話核突喎=___="
唉~我真係想紋身0家!話想紋話左好耐~亞媽佢0地又話唔興,
我覺得唔關興唔興事囉~!紋身都係藝術既一種0者~我紋都會紋條碼=.=+
係兩年前既我已經想紋條碼0家啦!
但係...雖然我話想紋身,就算我幾想紋都好!為左將來,又驚後悔,so要好好考慮!
人生好多事做左之後都後悔,但係我希望盡量將後悔既機會減低...
同埋...............想同做往往是兩會事...
到3點幾飲完就走人!返家前我仲買左兩件tee for訓覺著!
之後陪埋亞媽去welcome買次紙果D就返家了~!
行welcome見到雪糕特價,真係好想買/_\
亞媽肥左,so佢話唔好買,話肥喎=____= 俾佢講一講肥呢個字,
最終我都忍手冇買到/︵\ ..............
返到家又整到個傷口,而家攪到D血含哂係入面咁!SHIT!!!成個幾星期都仲未好番!
見呢期熱,So我今日決定左執下D夏天衫,發覺原來幾多下=___="
上年都有好幾件係未著過!我估今年會著埋佢0家啦!
執完之後就上下網!~攪下我個Xanga網,呢個網係冇人知的!呢個網係2004年8月申請的!
原來我勁少上呢個網囉~!都唔知點攪,見到D人攪得好靚的!
我唔知邊度可以俾我打html =____="
8點左右食飯,食完飯之後洗白白!今晚< 殘酷一丁 >好鬼白痴呀D人!笑到我仆街!!!
今晚好悶............................冇野做,對住部腦,唔知仲咩=__=
12點幾邱富打0黎,之後傾到兩點左右收線~!佢要食藥訓!
而我傾完電話之後覺得好似唔眼訓咁,之後就on左陣line~
唉~聽晚唔可以咁夜訓了,後日要返學!
而家要準時D返學同埋返足學,同埋要交足D功課!呢D係我對自己既短期目標>"<

>>April 9, 2005 at 6:42:12 PM GMT+8

2005 年 4 月 8 日 星期五 【微雨】



>>April 9, 2005 at 2:34:27 PM GMT+8

2005 年 4 月 7 日 星期四 【微雨】

今日我已經唔係爛橙呢個台啦~
朝早起身之後見到張卡用唔到,之後換SmarTone果張!
YO~得左!得閒試下搭life係咪真係可以收到先!我兩個家姐都收到的~同台!
哈~今日冇野做睇番以前留言畫板,
原來我同亞kids一齊過兩日咁大把!唔知兩日定三日啦=__="
我而家仲以為得一日!因為我覺得呢個根本唔算係拍拖囉!
同埋可能果時自己0岩0岩失戀先咁掛~
但係我好快又醒覺即刻話唔一齊,因為知自己都唔係鍾意佢!
過兩個月左右佢好快已經有女朋友,拍拖拍到而家,雖然而家聽佢講同佢女朋友關係唔係咁!
我覺得每段愛情都有錯折!有錯折先係好事,起碼咁樣當係一個考驗!更加珍惜大家~
我又睇番以前鋒留俾我既留言,wo!原來果時我係極度白痴既中學生=_________=
果時大約係15歲左右吧!~好細個呢~!講野都好幼稚=.=" 想死!
但係回望番D回憶.........回憶總是長久的!睇番都有D唔係咁開心/_\
下晏冇野做都係聽下歌咁,頂多都係睇下書!同邱富sms左陣!
今晚老豆有返0黎食飯,但亞媽又屌哂鬼,又話等佢食飯果D,
佢意思係話老豆就算返0黎食都唔食0家啦!老豆都只故住飲啤酒!
唉~~~算吧啦!好煩呀!等埋等囉~!我覺得冇咩問題!
食飯過後洗白白,9點幾邱富打0黎,佢仲係發燒,但睇左醫生,
So傾左兩句就收線,因為佢要重蒙!重蒙之前send左M2M D歌俾我!
之後如常玩ICQ~大果個聽日放假,今晚唔返家,叫我執定衫俾佢!
佢個fd上0黎幫佢拎! 點知最後又冇0黎,佢點幾兩點返到,
仲帶埋佢個fd上0黎訓! =______=
今晚幾熱下,原本打算早D訓,點知最終都係訓唔著!攪到3點幾先訓得著!
唉~~~今日突然好想時間過得快D呀!快D過埋呢半年幾!
我覺得自己讀完呢度真係要好好搵工了!如果真係搵唔番desgin呢行做就做番sales!
因為我一生最大target就係買樓/_\ 我覺得一生中一定要有一層自己既樓!
我要快D讀完出0黎做野儲好多好多錢先得啦>"<
而家18歲既我,一事冇成,唔知想點!o...........FUCK!!!
今日時間太hea了,好多野諗,又諗釘環同紋身,紋身我一直都想,但係又諗到將來,
痛,只不過係痛一時,我忍到!但係怕將來後悔!
釘環,想釘眉環,但係聽聞會短命!耳.........
都已經有釘左8隻,唔知仲可以點釘邊度!想釘耳骨入面?
好多野想買......點算/_\ 我估買野既夢想好多都係半年後先可以做到!
買衫,買袋,買鞋???算吧啦~有錢先買到!夏天衫我都夠!不必渴求太多~
但係westwood袋真係好想買呢/_\ 2千幾蚊...........
Westwood耳環同Tiffany頸鍊都好想買呀!兩條鍊都要用3千多元了!
NANA果條頸帶好喜歡呀~!好想買!唔知邊度有得買呢?
唉~~~點解我成日睇中既野都咁貴0家!以前有工返唔識儲錢既我一定一早買左了=.="
但係而家冇工返既我,就算有錢都留番下月,等下個月用錢唔駛太過就住!
就算而家我有工返,想買既野都唔可以話買就買/_\
因為經歷過唔同階段明白到人大了將來錢更重要!冇錢不能買樓,
不能結婚,不能生兒育女!冇錢真係做唔到好多野!每人都有虛榮心,好多欲望!
就算買野都要適可而止!不能太過瘋狂!人大了真係多野諗同煩啦=__=
唔想出0黎做野,唔想踏入社會都只不過想逃避現實!但係現實永遠都係殘酷!
現實就係現實,不能再沉醉係夢境中!就算係夢境中,都會有醒既時候!

>>April 9, 2005 at 2:14:33 PM GMT+8

2005 年 4 月 6 日 星期三 【晴】

今朝6點4就醒左!5點半果時醒左一醒,
大果個返早,我個心又要自己今日一定要簽到名!So我都好醒訓!
6點半左右第2果個又出門口,可能今日開會掛~!
跟住佢出門口我就起身梳洗啦~!今日行動比較慢!因為好多時間!
我仲有成兩個幾字hea下~!7點4,5左右出門口!8點7左右返到school!GOOD~!
邱富又係第1個返到school!今日我冇戴con出街,
因為呢幾日對眼有d痛,大前日我除con整襯隻眼!前日返到家又唔記得除con!
到左洗臉先覺得唔對路!攪到勁難除!So決定左呢幾日俾對眼休息下,唔戴con了~
去到school樓下居然見到邱富係7仔企左係度!
之後同我一齊上班房同我一齊上班房!
冇耐仲見到flora,佢同我0地一齊上去!但係冇出聲‧__‧
哎呀~好少可咁早返到school呀!但係我決定左準時D返學0家啦!
因為聽少幾個字野就學少D野0家啦~!今日D同學都準時左返到,同埋今堂好多人返呀~
女仔君同亞德終於返0黎啦~!但係今日仍然係唔見小葵,佢上星期都冇返過學!
其實.............佢係咪唔想讀?好耐冇見佢了!~
上K.K堂!今堂因為早返,有幫K.K手!倒D水,走左我幾轉!但係有盡一分力已經好開心!
今堂我有留心上堂,影果D水,但係我0地影左好多張都唔得!影到10點幾~!
我0地幾個人幫手,可能因為我0地用左數碼相機!快門唔夠快影唔到!
呢D一定要用菲林果D相機先得!
影完之後去另一個班房傾番份功課!亞倩叫我設計砵仔糕既包裝!要半透明.....
Um........................睇0黎真係要好好諗下=_______=
放左學之後我同亞倩食早餐,羅家良直接返工!
食完早餐之後邱富同我行去搭bus~!
搭車時又訓左陣,返到大埔直接返家!係屋企hea左陣,到兩點左右亞恩打0黎,
佢話今日上0黎整生日蛋糕ma!之後就出去同佢一齊買整蛋糕既材料~
買左一個細同一個半磅18cm既蛋糕盤!買左D有哂size既牛油紙!
之後買整cake既粉果D~!仲有買左生果!
買左成點幾鐘先返家!都幾多野下,一袋二袋咁=.=" 之後整啦!但係我好累...........
整整下焗果緊果時hea左陣疏化度=.=".....想訓,但最終冇訓到!
最終焗完出0黎失敗!!!因為第1次整生日cake!好彩我買多包粉!唔係佢唔可以整多次!
之後整第2次得左!而家終於知原來焗一個18cm半磅既cake前段20分鐘,一共40分鐘!
中段要轉下個cake,等佢焗得混D!第2次焗既效果真係唔錯!
我下次整生日蛋糕俾人明白要點樣做啦~!
因為整左兩次關係,so攪到8點先完成!亞恩佢8點幾先走!
整cake期間食左好多=___= 飽........so今晚8點幾先食飯~!
食完飯之後洗白白,睇TV!GOOD~!
夜晚有冇來電電話打0黎,我冇聽,其實下晏都有!
但係果D唔知咩人,原來今晚果個係邱富打0黎!佢send sms俾我,
因為佢屋企打我手提係冇來電的~!大果個又傾緊電話,
邱富同我講話電話中叫佢打我手提!
我都唔知邱富打過我家=____=" 之後傾到一點多少少就收線~
佢今日發燒!慘慘...............希望佢明天真係睇醫生啦~!
收線後我再睇下書,大約兩點左右先訓lu~
今日冇野做既時間又入左TOTO diary!之後又留左言小小果條友~
其實我知咁做好似好小朋友,算吧=___=" 我都係小埋今次唔小了!
今朝同亞倩食早餐,傾左D感情問題~
佢話女仔必定要戀愛果D..........當然我清楚知冇拖拍既必定想拍拖!
鍾意既多數都想一齊!~但係.......我唔知點講!或者我害怕再次談戀愛吧!
其實我都想拍拖,只不過害怕吧?同埋而家都唔知自己做緊咩=__=
唔知到20歲既我仲係咪冇拖拍呢???

>>April 8, 2005 at 4:06:32 AM GMT+8

2005 年 4 月 5 日 星期二 【晴】

今朝成12點先起身,但係都好似唔係咁夠訓咁!
睇0黎今晚要早D訓先得了~!
起身又係冇人係家,可能我太晏起身了吧?
之後又係hea囉~上網!冇野好做!
下晏call JOJO幫我fax張月貴單!TOTO日記又俾人小!
So我冇野做,又想玩下,咁就留番個言小果條友!我仲留左ICQ專登叫佢add我!
而家好期待佢add我喔!~~~
之後再睇埋最後一隻< 神呀!請給我多一點時間! >
第2果個買左朱古力返0黎,攪到我又食左朱古力=____="
ICQ...........邱富send左d歌俾我!自從砌機之後我D歌都唔多!
冇野做聽歌同睇書!我諗我睇唔哂兩本書0家啦!打算續借!
今晚食完飯過後如常洗白白,仲< 呼 >埋mask~!
可能因為化妝化得多,皮膚好似冇以前咁好咁!睇0黎我要多D< 呼 >mask先得啦~
之後dl歌!wo~~~好多歌要dl!punk rock果D.....
今日真係悶極呀>0< 成日留左係家!唔知仲咩~!
11點多邱富sms俾我,冇耐打俾我,傾到12點左右收線~
但我點幾鐘先訓得著!
今日心情......................唔知點,差........唉~~
其實我係想點0家?

>>April 7, 2005 at 1:38:16 PM GMT+8

2005 年 4 月 4 日 星期一 【晴】

琴晚訓得幾好呀^-^ 可能因為訓得太少返學關係,
我居然一訓就訓到10點先醒一醒!
之後再訓,訓到11點多先起身~訓左成10粒鐘都有!
起身之後屋企冇人.........直到我出去搵TOTO屋企都仍然係冇人!
3點半左右出去,首先陪TOTO去姐姐果度買件衫,件衫真係唔錯0家我覺得!
唉~~~我都好想買衫添!算吧!忍下手~
之後去睇漫畫,TOTO呢期放大假,悶,要借下漫畫睇!
借完漫畫之後同TOTO去左rainbow食糖水,我未試過下晝食,
因為我鍾意夜晚食既感覺!
食完之後係四圍行下,之後我0地去左影貼紙相!突然有呢個諗法!
哈~~~影果時真係笑爆!我0地學D人點影囉~
之後整公仔上去啦~唔識擦,問果條友,點知果條友係度玩野話幾靚!
因為TOTO居然整左個豹紋bar=___=..............
擦完之後條友又幫我0地整番上去!o.....fuck!!!攪到我0地哂左D時間!
整左兩張,仲要好求其咁整的~!但係影出0黎效果幾好~
影完我0地將4張大既彩色影印2R size!咁我0地就每人都有一張啦~!
之後去左sasa買甲油!~再之後陪TOTO買噴水果D野!
今日叫左TOTO帶相機出0黎,我0地買完野先記得有部相機!
So我0地去左TOTO果個公園度hea左陣,影左D kid相!
到5點幾就返家~係屋企樓下居然撞到亞媽同老豆,仲見到玲E!
返到家大果個帶左佢朋友上0黎唔知睇咩同事既家姐結婚vcd咁樣~
睇到覺得好攪笑!個新娘幾靚下^-^
今晚都係買野返家食!洗白白,上網..........都冇咩野做!
同羅家良chat,佢而家係度簡返工定返學好!
又話畢唔到業既話就唔讀果渣!~其實我0地而家肯努力,肯付出,
都唔係畢唔到業呀~!未到最後都唔知畢唔畢到0家ma!
而家都讀左年幾啦!~仲差大半年左右就讀完!點解唔讀埋落去0者?
如果話唔想做一個後悔決定!如果而家唔讀埋落去,我覺得遲下一定後悔!
因為將來做野有排我0地做!仲咩唔利用呢段時間好好俾自己讀下書呢?
雖然我之前都唔係咁好,之前用左D時間0黎返工,攪到荒廢左學業!
但可能因為返過年幾工關係,好辛苦!返學真係好free!所以覺得呢D機會唔係成日有!
同埋如果而家先0黎放棄學業唔係咁好,而家放棄太遲啦!不如捱埋落去仲好!
其實自己一早知鍾唔鍾意讀0家ma~其實可以問下自己當初點解要報讀~
係大半年之前我都係度諗讀定唔讀,但係我唔甘心得中五程度!
做樣樣野都半途而廢!覺得咁做好似好冇用咁!
同埋如果我唔讀,係呀~做sales可以搵到一時之間既錢,但係長遠0黎計係唔得囉!~
雖然我覺得自己將來搵既工都未必係好!但係至少都有嘗試過!~
真係唔得既咪簡番sales做囉!~都唔駛死既!
唉~~~但係我今日同羅家良chat之後就更加擔心將來.......發覺自己又諗多左!
就0黎19歲,要好好為左將來打算著想!唔可以貪一時既錢,一時既為左買野而返工!
亞媽有時都講得0岩既,冇錢就唔好買野!將來做野有錢都要留住,要自我增值!
我知亞媽一開始我做baleno都唔想我做的!而家佢都叫我完成哂個課程先搵工!
我清楚知道屋企已經對我好好,至少讀書方面既金錢我唔駛擔心,
因為亞媽會支持我!我唔駛太過擔心冇錢做畢業作品展!
而家大果個又幫我支付車錢!等我一個月又唔駛為冇錢搭車而擔心!
因為我一個月車錢要800蚊左右~都幾金下/_\
同埋第2果個都有俾零用我食飯去街買野咁樣!
咁我慳D都夠既~頂多咪買少D野,唔好亂咁駛錢囉~
買少D牌子野!就算買都係當獎勵自己先買!唔係可以點/_\ 唔可以同返工比!
其實我已經好幸福了!~不必渴求太多.......
今日終於轉左台,大半年之前想做既事居然留番今日先做!3日之後我再唔係爛橙啦!~
再見啦JOJO baby~我以後都唔可以同你心連心SMS啦!你唔好傷心!
合約完左之後你都轉埋過0黎啦!我等你呀~! >0<
因為千幾分鐘真係唔夠我用!我成日都爆分鐘既/_\"
以前返工都好D!起碼以前返工唔會點用電話!而家冇野做,成日用電話!
傾多左攪到個個月爆!SHIT!!!而家我先知爛橙點樣計D分鐘=.="
原來計哂基本先會計心連心!FUCK!而家轉左數碼通有2千分鐘!我相信唔會爆分鐘啦~
頂多都係交百幾蚊既電話費!已經好好了~!
轉左台但係要將之前爛橙3個月內既月費單fax番俾數碼通!要住址証明!
So搵JOJO,原本叫佢幫我將個月費單印出0黎!點知佢都有fax機!GOOD~~~
咁就可以方便得多了~!今晚朱仔居然send sms俾我問我出唔出去食宵夜!
佢條友仔都好耐冇搵過我啦~我仲以為佢唔記得我添!
但係我都冇出去,而家盡量夜晚少食少食!
因為越夜食野就越易肥!以前返工差唔多日日都食宵夜!果輪真係肥左囉~
同埋我都有一星期冇食朱古力啦~我想減左我既手臂呀!好想夏天著背心呀>0<
同埋我覺得今年夏天一定要去沙灘!!!
夜晚都係同邱富傾電話,傾到3點幾就收線訓!
今日見到TOTO,覺得個頭隻色都ok!個頭都唔差,好自然既< 戀 >頭髮咁~!
我已經將今日d相post左係第8本相簿度啦~!
仲有!我決定左唔搵工啦/_\
因為發覺真係唔可以搵工,除非冇啦啦有朋友同我講有份工時間返得少啦~
即係一星期返兩,三日咁樣!我唔會主動去搵工了!
我想追番之前返學既野!如果我唔係呢幾個月努力,我驚真係畢唔到業‧_____‧

>>April 6, 2005 at 9:33:30 AM GMT+8

2005 年 4 月 3 日 星期日 【微雨】

今朝差D唔知醒起身呀!原本打算改善下返學遲到既問題!
打算今日早D起身啦~點知唔得囉~一醒已經7點3左右!FUCK~!
即起身!果時我仲發夢夢見自己大遲到,9點幾先起身!
今日仲要10點見校長,9點幾起身,就算打的都冇用啦~
就係因為發左呢個夢,就係咁樣,醒左,即彈起身換衫梳洗果渣~
搭車時同TOTO講今日都係唔去睇戲,因為我陪見校長攪得耐,好似好趕咁!
返到去又9點多D!唉~~~又冇諗過戒煙果份功課既desgin!SHIT!!!覺得自己真係懶勁了~
成堂坐咁係度聽人講解,好快到10點!我0地自動自覺落去1樓見校長!
同埋h13班都一齊見(低我0地一班)
但係因為比較多人關係,so我0地一班班咁見!h11見先~
10點幾先到我0地見!成班一齊小,一開波就問flora點解上次評審同今次評審都冇野交!
校長佢成程講既野大概都係叫我0地唔好讀果渣,但係佢唔係直接講囉!
同埋一係就簡夜校讀!重讀番之前我0地肥左既科目!
又話唔想我0地哂時間果渣!意思大概話我0地就算讀落去都未必俾到我0地做畢業作品展!
即係畢唔到業=__________= 因為其中一科肥左就畢唔到業!
畢唔到業,就算我想搵番關於desgin既工都冇用!因為都畢唔到業,出面又點會認同呢?
其實校長講D野都幾衰下,但係我知自己事!佢講D野都係0岩既...
成程我0地都冇出聲,得邱富出聲,但係佢都比平時少講野好多!
今日Roymand都企左係校長隔離!但佢今次冇同我0地講過野~
小完我0地之後執番好D野,冇耐我,羅家良同亞倩去食早餐~
我0地都係傾下返學既問題!放棄定點樣?但係我0地都唔想放棄!
話哂仲差4個月學費交渣喎!咁之前果D咪白廢左???
傾傾下講到flora!我今日先知原來佢改左中文名!亞倩,羅家良佢0地話flora改左好耐!
可能我之前返工,冇點返學果陣時改,so我唔知吧=.="
um......我覺得以前果個好聽D 0者~!男仔就男仔D!
但係一個女仔有個男仔名多麼的型呀~呢個都係我個人認為...
亞倩走先返工,羅家良返晏,So同佢hea左陣就走!
期間邱富都有SMS俾我!食完早餐之後同佢係灣仔搵果間賣紙果間野!
因為下堂李sir果堂要包裝兩粒糖!要搵紙包!So我0地順便睇下D紙!
其實都未買糖,又點知要用咩紙設計呢?So我0地冇買到紙就走lu~
行去搭船落尖咀! 陪邱富食飯!佢條友都食幾多野,食完飯唔係好耐又食個包!勁=___="
係尖咀六福門口見到yin係度點緊D金果渣!之後我走去撞佢!
同佢傾左幾句就走!我0地係尖咀hea左陣,四圍行下!
Hea到冇地方hea之後行到去停車場樓上,望海境果度!
係果度坐左ok耐~吹左陣海風!TOTO有打俾我!
佢搵左佢個fd同佢睇戲了!咁0岩佢個fd想睇!同佢傾左陣就收線~
到左5點左右先走人,邱富送我搭271!行緊去時佢係7仔買左檸檬茶飲啦~
之後又做埋D kid既動作!係度賣廣告咁!笑爆~哈!!!
係車度訓左陣................返到屋企6點左右,之後上左陣網,同JOJO SMS!
冇耐亞仔打0黎,佢都好耐冇搵過我啦~大概都係講下大家返工咁樣啦!
我就講下而家返學,同埋之前返工既野~又講下亞汶而家冇做I.T啦~
聽講果度D in-charge好衰!亞汶係果度做左半年左右渣!
今晚得我同亞媽兩條友食飯~
夜晚都係ICQ!同亞屎chat左陣,都好耐冇同佢chat啦~都係講下最近點樣咁~
11點幾邱富SMS俾我,冇耐就打左俾我傾電話傾到點幾收線~
冇耐兩點左右就訓了~!
唉~~~而家好擔心畢唔到業呀!~仲打算搵工添,而家根本唔駛搵啦即係!
好似讀多半年左右渣!我要利用呢段時間好好改善,學番之前未學既野!
仲要有進步!唔係做唔到畢業作品展,即係畢唔到業!我唔想~
其實我一開始條路係咪簡錯左呢?其實我一開始係咪唔應該報讀設計?
係咪一開始就應該讀完中五就出0黎做野?
但係淨係讀到中五程度,咩野都唔學,我唔甘心呀/_\
如果我淨係得中五程度,咁即係認定我淨係得一條路簡!就係做sales!
而家唯有好好努力做好日後既功課!準時D返學啦~
JOJO講得0岩,預期擔心咁多,不如不故一切咁向前,
又話如果一個人自己都唔相信自己既能力做某件事,就等於輸左一半!
但係總結我都係好擔心我既前途!
PS:今日係亞星生日,生日快樂~雖然我冇親口同佢講=____=" 因為我驚俾佢玩...........

>>April 5, 2005 at 4:30:30 AM GMT+8