2005 年 1 月 13 日 星期四 【乍雨乍晴】

今日又懶洋洋咁待在家......
12點左右起身,11點幾俾個電話嘈醒左,但我冇聽,
唔知點解D人咁鍾意11點幾打俾我!果個電話唔知咩電話0黎,唔識,so唔聽!
起身之後食左個蛋撻,冇咩胃口=.=
下晏又係上網,好辛苦!好凍/_\" 耐唔耐打乞痴,又< 辛 >鼻涕!
呢個情況已經持續左成個星期!頭暈暈咁......救命/_\"""
夜晚都冇咩胃口食飯,今晚都如常咁玩ICQ,
亞lin係MSN度同我講話鍾意我,不荒謬啦!~我同佢只係傾過幾次就話鍾意,
究竟佢知唔知咩叫我鍾意?!佢話我係好女仔,哈~其實佢唔知我咁爛口0者!~
就算我真係好女仔咁又點,我覺得唔係話好就話鍾意囉~!
佢問我將來有冇可能,我答左佢唔知,其實呢一刻我冇鍾意佢囉~
如果我好直接咁答,佢會好hurt!佢都同我講多謝我咁答佢,起碼佢唔會咁hurt先喎~
1點左右佢就off話訓覺啦~!而我就玩電腦玩到點幾就返入房!
其實我都未必清楚咩叫鍾意,但果一刻我真係唔知點解自己會問佢知唔知咩叫鍾意!
So佢都問到口啞啞咁樣!可能佢對我既只不過係好感,
有可能佢自己都將好感,鍾意混淆了~
我知佢係一個衝動,講野好直既人!可以話俾我有少少感覺係唔經大腦!
但係希望俾我咁問佢,佢下次會清楚知咩叫鍾意啦~
佢之前同佢女朋友一齊4年,其實我問佢關於以前拍拖既人,
佢都唔係浪漫既人,俾我感覺鍾意佢女朋友有限,或者佢所指既專一就係同同一個人拍拖,
而唔去溝第2個啦~但係佢個心根本就唔係真心鍾意對方,呢d,又點叫專一呢???
其實...我覺得呢一刻既我係唔0岩拍拖,我覺得未係時候,
因為覺得自己未搵到一個真係有feel既人~!
我唔要對方真係好仔,但係至少唔係玩女先~!同埋最梗要係我對佢係有feel!
呢一刻仲未有一個令我有feel既人,或者我緣份仲未到掛~!
同埋讀書,返工,呢D我已經煩夠!其實呢係一刻既我覺得愛情已經係其次啦~
雖然我真係想拍拖,但係我連讀書都攪唔掂又點敢去拍拖呢?自己都未理掂自己!
仲要去關心多一個人,我怕我做唔到!咁樣對大家都唔公平~!
當然,遇到個0岩既會一齊啦~
唔知點解以前中學可能有拖拍啦,會覺得拍拖重要D咁!
因為以前俾我會覺得拍拖係可以長久~但係其實好難.....
但係慢慢單身日子長左,又俾我覺得拍拖其實唔係真係太過重要!
雖然都係重要,但係戀愛會有結束既一日,呢個年代就算結左婚都會離婚!
可能呢一刻我係呢個諗法,但係我唔知自己將來有拖拍既時候又可能有另一諗法!
其實拍拖天長地久既意思,只不過係回憶長久留係腦入面!其實...長久留係腦入面已經足夠~
哎呀~我都唔知點解今日會講呢D野,可能有感而發吧!?

>>January 15, 2005 at 3:06:04 PM GMT+8

2005 年 1 月 12 日 星期三 【乍雨乍晴】

今朝依然係冇返學,成個星期冇返學啦!而家仲要冇工返都咁樣,
都唔知想點,唔知自己係咪想讀,但係只知唔想半途而廢.....
即係都係果句:唔知自己想點!淨係知自己唔想點~
成日話返,最終又冇返,想點???SHIT!!!!!
訓訓下個胃好唔舒服!之前醫生話我感冒菌入腸...
都唔明點解次次病都病咁耐~!
11點幾左右起身!之後都係上網,今日成日都好齊人,個個放假!
好話啦~!因為老豆生日!!!下晏睇VCD,<< 戀情告急 >>幾好睇喎!
有幾感人!又幾攪笑~亞Sa做戲幾好~!
第二果個下晏出左去cut髮,唉~~我都好想呀!而家D頭髮冇咁亂啦!
我一定要電我想電果隻先得>"< 唔係我唔死心!
個髮型師根本就電唔到我要果隻亂!!!
今次我想淨係染前面D陰,剪番短D陰~!唔知下次可唔可以整到我想整既頭啦/_\"
但係我想係新年之前攪掂佢,唔知可唔可以呢?
大約6點左右就同大果個出去買cake!去到麵包城,已經叫人0地拎左0家啦~
但係唔對路,因為唔係兩磅,係一磅,唔夠咁多人食!
之後我0地打俾亞媽,攪到人0地包好哂我0地先話唔要,我都係第1次咁樣=___="
大果個就話佢0地服務態度又唔係好,話夠膽咁做喎=_="
跟住我0地去左好幾間,最終係<< 超群 >>買左個cake!
之後就去<< 迎囍 >>食飯~坐左冇耐D親戚朋友都到齊!大約8點左右就食飯!
D菜都上得ok快,有d都幾好食,有d就麻麻,個糖水唔錯~因為係紫米露=﹏= 喜歡!
謙謙把聲沙哂~!佢病左好耐,而家好番又成日嗌,攪到把聲咁!都幾百厭!
駿仔就一向怕多人,成晚都冇咩野講,只係度玩玩具!
9點幾左右就食完飯,大果個就送亞麻亞爺搭車,老豆就返家先,
而我,亞媽同第二果個去左行街,行heib,買左件隔綿褸,亞媽錢.....THX~
之後行izzue,冇野睇0岩!個場好亂,走人~經過Baleno見佢0地仲未裝修完!
但係開左少少門,見到都裝修好8,9成!好大呀~~~
因為之前孖舖,好多柱位,So間格冇咁好,變左冇咁大!
我知我0地係同對面bossini一樣大0家!見bossini都好大下~!
Baleno而家仲有幾級樓梯(我見到),可能係fitting掛~之前一向都有樓梯,冇可能冇既咁又~
有樓梯都幾好呀,幾靚呀~!好期待佢0地裝修完既樣!仲有YOYOBOBO添~變左A舖ma!
仲記得之前返工知會裝修,penny仲話我遲下一定係企YOYOBOBO!
又話我著埋yoyobobo d衫!講得幾衰0家,但係又好玩喎~!真懷念.....
行左一陣就返家lu~返到屋企都係10點二左右0者~!唉.....
好耐未試過夜晚行番以前收工果條路返家!
今日終於行到......好懷念/_\...因為我真係唔捨得份工.............
發覺自己真係一個極度情動物既人!唔識得放抵...
無論任何事物,愛情也好,工作也好,我都是這樣/_\"
或者我又要用比較長既時間去放抵呢份工吧!?
其實...係因為呢份工帶俾我好多好多數唔哂既回憶.....
我清楚明白到每樣事情都有結束既時候~剩落0黎既就係回憶~!
回憶往往都係美化左,係好既~!更何況我係呢間公司做好多時候都係開心!
只不過係好辛苦...其實邊度有工唔辛苦呀~!?
俾我再簡多次,我可能會放棄學業,其實我之前做左咁耐,基本上學野既都拍得住in-charge!
基本上呢一年真係好哂,哂既係,如果我唔係讀書,我就做左in-charge~
咁慢慢升上去轉第2間做都有一定既職位!起碼唔會係最低微果個!
其實係呢個之間真係好難簡!
返學,話哂都返左年幾,雖然返得少,但係對任何事物,同學都有左份感情係度!
我知自己如果放棄左學業就一定做死一世sales!
又或者我慢慢進修其他野,轉下行掛~亞仔都轉左由sales做office啦!
有男性朋友同我講過女仔做野頂多做到三十幾四十歲,根本唔哂咁膽心返工呢個問題喎~!
或者男仔同女仔諗法唔同啦!我知佢0地明白男仔一定要養家,亦都知女仔未必要,
基本上佢0地可能覺得女仔有男仔養已經足夠!
但係我唔知我既將來有冇咁幸運有男仔養ma!~So唔膽心就假啦!
就算有人養,都冇可能靠哂對方!自己都要搵番多少啦~
唉............而家又想搵番工,點算好?!
人.....其實係咪會有好多後悔既時候?後悔係好事定壞事呢?
下星期要返番學先得啦~!最少都要一星期返兩日啦!唔係真係好哂亞媽錢/_\"
雖然我而家返到學,都唔知做咩野,根本就追唔番...唔野都唔知.....
ps:今日貓姐俾番佢結婚果日d相我0地,都幾多下,哎呀>"< 影得好樣衰囉~!
仲俾人偷影左我同大果個影人既樣!我都唔知俾人偷影左的>"<
第2果個仲話妁d相scan左佢!睇下係咪真係scan先啦~!如果係scan左先再post上網,
D色係幾靚!但我影到好肥=.=" 我覺得自己果日著到好肥!好唔掂呀>"<
如果下次再有得去飲我一定唔可以著到咁囉=.="""
一定化番好少少個妝先~!/_\"
今次實明左7分面真係影得個人瘦D 0家>0<"
同埋呢d相都實明到我有d baby fat---塊面.........

>>January 14, 2005 at 8:56:11 AM GMT+8

2005 年 1 月 11 日 星期二 【晴】

估唔到今日仍然冇起到身返學,呢幾日都點幾鐘訓,訓到12點先起身!
又懶了~唔知係咪因為冇工返,惰懶哂個人!
其實以前返學一星期都返到兩日學,耐唔耐都有功課交!基本上交到都會交,
但係而家唔知係咪厭倦左個生活,懶,唔願起身返學!冇哂推動力~!
起身左之後煮左D意粉食,之後都係上網,上上下網咪織下頸巾囉~!
果一舊冷織左我好耐,因為都幾大舊下!而家都織得ok長,雖然我唔係成日織.....
織織下猩猩打0黎!我第1次聽佢電話,冇咩講,好快收線~
4點幾亞媽就返到,駿仔今日出得阮啦~!太好!!!
今日仍然係有D冇來電既電話打我手提,勁FUCK!!!我仍然係冇聽到,
因為每次我有聽冇來電既電話都係D響電話既聲,好PK!
如果係問卷果D都唔會打得咁多次囉我覺得,今晚已經打左成3次了!
琴日打成6,7次都有!其中一次有聽,但係聽到D打電話既聲~!
今晚要早d訓先得啦~一星期唔可以連一學都唔返囉~!
下星期要重新去學習返學既生活>"< 一星期唔可以返得少過兩日學/_\"""
聽日又開始凍番...真係好怕冬天=.="

>>January 14, 2005 at 6:47:59 AM GMT+8

2005 年 1 月 10 日 星期一 【晴】

連續兩日冇返學,今朝訓到11點幾起身,之後就換衫去睇醫生!
等左唔係好耐就到,冇化到妝出0黎,周身唔自在,So睇完醫生好快就返家~
亞媽都係出左去睇駿仔,話佢仲有D燒,肺炎...
咁我返到屋企就煮左D通粉食,食完就食藥,之後都係上網!
之後再係床hea左陣...但係又訓唔著.....
跟住又起身上網,冇耐又係食藥!基本上都冇點出街!悶.....
夜晚10點幾左右亞屎打0黎,原本係同佢chat緊,亞lin都係佢屋企食飯,
我又唔知邊個打邊個,都唔知邊個係亞屎,邊個係亞lin!
So亞屎就打0黎,佢打0黎都幾突然,因為平時佢好少會打0黎,
跟住傾傾傾...當中亞lin又同我傾左陣,原來佢都幾kind=.="
佢果隻kind唔同kind him果隻kind~!kind him果隻就真係kind得0黎好攪笑!
講起kind him都好耐冇同佢一齊kind過lu!~
因為平時D男性朋友好似佢咁樣kind~!真係好鬼夾>"<
好想有日能夠同kind仲有亞敏3條友出去玩~!kind下!
同亞屎傾電話途中,佢send左d相俾我睇,有亞lin!
我未見過亞lin既樣,今次終於見到,唔靚仔,都幾大個!
亞屎話果張相影得冇咁好,我都覺,果張相好似仲未準備好咁樣=.="
即係好似未訓醒咁!anyway~做朋友唔理靚唔靚仔啦~
傾到差唔多12點就收線,傾完就返入房準備Z.....
明天會返學0家啦~!放左學又唔知有咩地方去,都係返番0黎大埔啦!
原本星期6同TOTO,JOJO去唱K,但係JOJO要補貨,So最後呢個星期都不能唱,
好耐冇唱過K啦!又想3條友去唱,唔知幾時可以呢?

>>January 11, 2005 at 4:08:46 PM GMT+8

2005 年 1 月 9 日 星期日 【晴】

今朝又係冇返學,個個星期一都必定唔返咁樣!
成日留左係家...唔多舒服=___="
差唔多成日hea左係疏化度!冇去睇到醫生...
上次D藥食到手震,個人好wing之後停左,其實我知自己未好番,
但係又想hea住,睇下自己會唔會好番!
發覺唔得囉=.="
成個下晏屋企都冇人,亞媽去左探駿仔,
駿仔成個下晏都冇咩野,佢亞媽拎左D玩具俾佢玩,
但係到左4點之後又發番燒,仲燒到好高溫!
6點左右亞媽返0黎就幫佢問< 日果 >
話駿仔撞到野,要燒野都係~!駿仔好易撞到野,
小朋友一幾日都唔好番又發燒就好易撞到野...
燒完之後8點幾果時又話退番D燒,有時燒左心安理得0者~
今晚都冇咩胃口食飯,食完又好似有D想嘔咁=.="
跟住又屙左幾次.....
今日成日都冇點玩電腦,係夜晚on左陣line~
我諗我聽日都係返唔到學,打算去睇醫生,唔舒服搭車返學好辛苦/_\"
唉.....好討厭自己成日病,都唔知點解會咁易病...
由細到大都係好易病,由其一病就好難好番,會病一排咁.....

>>January 10, 2005 at 3:25:20 PM GMT+8

2005 年 1 月 8 日 星期六 【晴】

今朝訓到12點幾先起身,琴晚睇完<< 死亡寫真 >>返左入房織頸巾!織到3點先訓~
起身冇耐亞媽又出去同亞E果D飲茶,而我就一條友留左係家,
之後仲睇埋噩夢!呢套就幾無聊下,唔太清楚佢想講咩野,覺得唔好睇囉~!
So我邊上網邊睇!咁點都租左返0黎睇,冇可能唔睇0家ma!
原本一條友睇都驚驚地0家!但係今日要還,冇法,硬食!!!
睇到3點左右亞媽就返啦~亞叔打過電搵亞媽!原來駿仔又發燒,入左急政!
跟住大約5點左右我就出去還碟!打俾亞媽見佢咁耐仲未返都唔方好野!
原來駿仔要留院!發高燒!其實前日駿仔0黎我0地屋企果日都發燒0家啦~
果晚仲發燒就應該帶佢入急政,咁亞叔第2日先帶佢睇醫生啦~
第2日睇完醫生,夜晚又發過~!果晚又係冇帶佢入急政,
今日見佢仲係發高燒先帶佢入急政!
咁我還完碟就去那打素睇下駿仔!老豆都係度,佢0岩0岩收工,隔冇耐大果個又0黎睇下駿仔!
我見到佢病得好辛苦!燒到耳又紅,又難抖氣,佢BB果時已經一病就氣管有問題!
醫生又話佢個肺唔清,可能有肺炎~!
我入去睇佢一陣就出返0黎,亞媽又入過去睇佢,
食完藥隔多半粒鐘之後嘔!果度我覺得唔係咁夠人手囉~
好彩我0地有人睇住佢,如果唔係佢嘔到四圍係都冇人知!
可能佢食左兩日藥,so食藥時間又唔話唔食藥果D~!
嘔完之後又要< 聞氣 >!但係嘔之後就冇咁高燒,但係都38度!
8點左右亞叔返番0黎,佢之前去食飯沖涼,拎家D野入院,因為佢今晚留係醫生陪個仔!
8點幾我0地就返屋企!返到屋企又有兩個冇來電既人打我手提!
都唔知邊Q個成日都冇來電打我手提,
我試過聽0家,但係一聽就係D打電話響果D聲!
正一仆街=.=凸
唉~~~見到駿仔咁樣真係唔知點...
而家佢仲未退燒!真係令人好膽心!!!/_\

>>January 9, 2005 at 2:48:42 PM GMT+8

2005 年 1 月 7 日 星期五 【晴】

估唔到琴日發夢,夢見番以前Baleno同我好fd既同事,有小桃同亞敏呀~!
仲見到小桃係前場嗌場,果時50舖已經裝修完,我返去睇下,撞到亞敏!爆開心!!!
見到小桃黑左同剪短左頭髮仲要電亂左~!個人唔同哂囉~!
唉......呢個夢感覺真係好親切呀!但我知一定唔會發生!亞敏返工返12粒鐘,邊度有機會撞到!
除非約埋既0者~!講起亞敏,都好耐冇見佢lu~!
今朝11點幾michel rene打0黎話出左糧俾我!April仲問我自己0黎拎定係幫我入票!
因為佢0地一陣都去bank可以幫我入埋,之後我就俾左我既ac number佢幫我入~!真係thx哂!
估唔到咁快出糧!一個星期多少少渣~!原本我預佢最快兩星期先出到的!
而家又唔駛專登返去拎張票!D同事幾好人~!
收到April電話,收線後我就起身啦!因為都訓左成10粒鐘!但係個人都累累地,可以病關係吧!
雖然係出左糧,但係我都唔可以亂駛錢,因為每個人唔多錢駛ma!留番0黎不時之需用都好!
起身之後第2果個出左糧,俾左1600蚊俾我!第2果個一出糧又要俾家用又要俾錢我用!
其實佢都唔會好多錢駛,我知佢辛苦0家~So我又點可以咁頂咀呢?
但係有時佢D脾氣真係好惡頂!出0黎做sales之後覺得佢講野態度比以前差左好多!
但係我做baleno之後反而覺得自己脾氣冇以前咁差喎~!
可能大家賣既衫唔同,我成日都對住好多煩既客!但係第2果個又幾何對住d咁煩既客呀!
忍耐得多呢D客,反而覺得其他有D煩既事都冇咩咁大感覺,一山還有一山高ma!
唉~~~唔知大果個會唔會俾零用我啦/_\.....
我知大果個我話冇錢就會俾我,但係一定要我出聲囉~!=___="
但係有時出聲真係有少少唔好意思,雖然係家姐,但係話哂都係靠人0地養!已經唔同以前!
而家又要計住車錢,又要計住呢樣果樣點樣用錢!
放完學返家好多時都轉番KCR返0黎,因為同一日搭KCR第2程有8折!
除非果日我想搭bus啦~唔係都會搭番KCR返0黎!因為一日車錢要40蚊/_\ 都幾金下~!
下晏食完藥之後覺得好唔掂,個人好wing!D藥可能太重...
其實琴日食完都get到隻手有少少震咁!wing wing下我就訓左係度!
訓醒之後老豆老母都返左!之後就沖涼食飯lu!~
今晚冇食到D藥,停左,亞媽話我應該打返俾個醫生講喎!話一陣D藥太勁暈左都唔知!
8點鐘就做果個<< 十大 >>!<< 十大 >>好似好急咁樣,D歌首首都係唱一半就冇!
劉德華拎到好多獎呀!!GOOD~~~
琴日租既VCD都仲未睇...So睇完<< 十大 >>就即睇...
睇左<< 死亡寫真 >>,好血腥呀真係!!!唔怪得三級!
但係幾好睇!好藝術!呢套戲唔錯呀~!
另外<< 噩夢 >>仲未睇,打算聽日睇完之後就還~!

>>January 8, 2005 at 5:16:01 PM GMT+8

2005 年 1 月 6 日 星期四 【晴】

琴晚又同亞lin傾電話~!傾到差唔多兩點先收線,兩點幾就訓著,其實我係好眼訓的...
原本仲打算訓到10點幾11點就起身,點知醒果時已經1點,
起身之後食左少少包...因為get到自己唔多舒服!喉嚨痛又累又頭暈咁!
亞媽兩點就出去,去亞叔屋企,等大果個堂細佬返,之後接佢0地兩個過0黎~
因為亞叔同亞嬸今晚約左朋友食飯果渣~!要夜少少先返!
3點左右TOTO就打0黎!問我出唔出去,因為佢0岩0岩學完琴!
果時已經化好對眼0家啦!因為打算出去睇醫生,點都出去!
佢打0黎我就快快手咁換衫果渣!之後陪佢還碟,咁我又借左兩套鬼片,
唔知點解好多時都鍾意睇呢d戲~
又驚,但係又鍾意睇,唔知為咩=____="
之後四圍行,去左姐姐度睇衫,今次冇買衫啦~!因為而家冇工返我要學識點樣忍手同慳!
行到咁上下TOTO仲陪我去睇醫生,我都唔知幾耐冇試過有人陪我睇醫生啦~真係唔該哂!
佢話就算返家都冇野做果渣~!睇醫生之後我0地仲去左寶湖食魚肉翅.....
其實佢前日先腸胃炎0黎,我又病,醫生都叫我0地食D清淡野,
但係我突然諗番起以前中二果時好鍾意lunch行過去食車仔麵果渣!
講講下咪好有興致去食囉~!都唔錯,但係其實最想食就係車仔麵,但果時已經差唔多5點,
廢事食完夜晚又食唔落飯,咁唯有下次食啦!TOTO仲話想食格仔餅!
但係我叫佢唔好亂食咁多野,驚佢又嘔!
其實我都好多野食0家!俾亞媽知我亂食野一定唔俾啦~
唔得!!!下次一定要食車仔麵果D先得!>"<
5點幾就返到家,大果個居然咁早返到,佢話去完出回鄉証喎!~
我果個都過左期,大概得閒都要出!佢話返大陸玩喎~!So要出!
冇耐亞媽就帶左兩個堂細佬同埋亞叔個人工返到!
返到0黎俊仔就要訓覺,佢返學累.....謙謙又發脾氣話要落街,於是大果個又帶佢去welcome!
原本係帶佢去welcom,點知又買左玩具龍騎變身器返0黎!原來去左文具店買!
亞媽又同個工人出去買送,得番我同俊仔係家,其實都係陪佢訓!要睇住佢!
6點幾又見細果個係咁該,都病左好幾日0家啦佢,之前D藥都食哂!仲係咁病,
so亞媽又帶佢去睇醫生!睇完返0黎又買左龍騎=_____="""
基本上佢0地次次0黎都會有收穫~!
大果個訓醒又發燒,so冇食飯,我0地食完飯之後亞媽落街買左粥俾佢!
睇見大果個發燒真係辛苦...又話頭暈果D~!耳都紅埋!同佢探熱燒成102.6度!
知佢好似發燒咁我0地俾D兒童幸福佢食,我都唔知點解有,可能亞媽之前買掛~!
食左藥,食粥,出左D汗就見佢冇咁燒咁啦~!
兩兄弟都病.....10點3左右佢0地亞爸亞媽0黎左接佢0地走,兩個都訓左!
叫佢0地起身,大細都唔想起身,兩個都喊,細果個又發脾氣!
大果個又唔想走,想留低,但係又想細佬一齊,之後又喊,佢老豆又要佢走,
我0地俾左幾耐佢諗,咁我0地話佢再夜D想走冇人會帶佢返家!
之後佢就好唔想咁樣就同佢亞爸亞媽走啦!~仲話聽日睇完醫生一定要0黎!
佢0地走左冇耐老豆就返!
湊細佬真係一樣好難既事,玩時就好玩,但係病時又要好照顧佢0地,
又要有耐性,又要泵,又唔可以下下鬧!由其佢0地兩兄弟一齊既時候仲特別麻煩!
今晚亞lin有打俾我同sms俾我,打俾我果沖緊涼聽唔到,
之後sms番俾佢,佢又話佢今晚有朋友生日出去玩,
又想返0黎打俾我,之後我話唔駛,其實我覺得唔駛成日傾電話囉~!
朋友0者=_____= 唔駛日日都搵日日都傾電話掛?
可能佢有d過份關心,令到我覺得唔知點咁!so我今晚冇同佢傾電話!~

>>January 8, 2005 at 4:30:34 AM GMT+8

2005 年 1 月 5 日 星期三 【微雨】

今朝終於知醒起身返學,但係都掙扎左一陣=___="
琴晚都係好夜訓!~3點幾左右啦!同亞lin傾電話傾到點幾,
佢夜晚晚出去督波.....我都知佢貪玩!但係同佢傾計好舒服~!
今日我搭8點4果班火車!返到學校都9點3左右lu!~
返到去個人好呆.........呆坐左半粒鐘有多先醒覺!
亞星佢仲係度派糖,佢叫我都冇應佢=__="" So佢最後果句都幾大聲咁叫我!有d惡...
次次亞星返到0黎都必定唔會坐定定,一定係班房度行0黎行去又傾哂計咁!
邱富佢0地返到仲更加嘈,亞東係最靜果個,佢好比心機咁樣做功課!
但係亞東一係唔出聲,一出聲講野又係好攪笑~!
因為好耐冇上Tommy堂,我都估唔到今日係上Tommy堂!
都跟唔切佢D功課!佢而家又唔知整D咩野,算吧~我都整唔到,留番家先整!
因為我冇假針筆果D!~
唔知係咪因為我返學又唔係返得多關係,硬係覺得同D同學仔有少少隔膜咁!
唔知點講.......可能因為少返學,佢0地講野話題我都未必傾得到!未必明...
我諗我都係唔好講咁多野比較好D啦~
好快又到放學!今日亞倩幫我簽名,唔係又簽唔到!
原本我打俾羅家良先,但係響多幾下冇人聽都知佢唔返學仲訓緊,
So我都即收線啦~!放學之後同左亞倩同小葵食早餐,
其實我都冇胃口0家,但係又想坐下,so都係飲杯野坐左陣!
11點左右就同小葵行去搭MTR!~搭緊KCR果時東華打0黎,
其實我成日都避電話,so今次我聽,佢打俾我話佢琴晚飲左酒,又話唔開心又話喊0黎...
果一刻我唔知可以講咩野,因為我好頭暈,次次唔夠訓都好頭暈,根本諗唔到同佢講咩野!
再加上...我覺得佢好似未醒咁樣!講真,我同佢又唔係真係咁0岩傾,
佢打俾我都冇咩野講,佢唔講野,我又諗唔到講咩野!
唔明點解佢唔開心會打俾我!我問佢點解打俾我,佢話手提見到我電話就打俾我!
見同佢冇咩野傾好快我就話:我打俾人,唔講啦~
我聽到佢把聲係好down咁樣0家,其實我話打俾人都係值口,唔知點解我唔想同佢講......
或者可以話我逃避掛~!唉......我真係唔知!!!唔想理,好煩~!
搭到返大埔我搭K12,因為想行陣,返番Baleno.....佢0地今日切場,
而家確實左真係要搬同裝修!大約一星期左右先開番~!
唔怪得返去咁亂啦!我見到penny係度先行入去渣,順便拎埋糧單!
penny又遲到,仲遲左兩粒鐘,唔怪得佢咁耐都仲未升到啦,仲係做in-charge!=___=" 唉~~~
見到佢個樣都係0岩0岩訓醒咁!
同penny傾左陣計之後就返家lu!~唔知幾時再見啦!裝修完之後都唔知會有咩staff 0黎!
睇0黎果D staff我都唔識0家啦/_\"
返到屋企都冇野好做,只係覺得時間過得好快,同TOTO傾電話~
同TOTO傾電話之前東華都有打0黎,但係我冇聽,我覺得之前有聽之後冇聽,
一定係唔想聽佢電話囉,我估佢知......So之後佢都冇打俾我,我又冇覆佢!
下晏都冇點上網,但係今日ICQ newman居然hi我,都好幾個月冇見佢!同埋都好耐冇同佢ICQ~
都傾左OK多野,但係因為佢要出街,so好快就要say bye!
冇耐掛住同lin SMS,因為佢send SMS過0黎!
大約4點幾左右大果個又去完覆診返買左野食返0黎~!
食完大約7點左右又食飯,So我都冇胃口食飯,食左好少......
仲要有煎豬扒,我覺得亞媽整得幾好食0家,但係因為冇胃口都食得好少/_\"
聽日又唔知有咩攪作啦~!仲要有3日咁多先到星期一返學=___="

>>January 6, 2005 at 3:08:54 PM GMT+8

2005 年 1 月 4 日 星期二 【陰】

今朝我都係冇返學...連續3日冇返學!而家唔駛返工既我都成日唔返學!
覺得自己真的很失敗......=____=" 而家我晚晚都訓唔著/_\
救命!!!!!!呢幾晚我都3點幾4點先訓得著,其實我12點左右就撻落床0家啦~!
都唔知點解會咁樣,或者我太多野諗...次次一唔忙既日子我就必定夜晚更加難訓得著!
咁即係我聽日一定要返學,唔係就俾人小爆,而且聽日仲唔返學即係呢個星期冇返過一日學!
再加上我要拎番張學費單!仲未拎...其實我有返學既日子都必定遲到,
好多時候都係搵同學仔幫我簽名,但係有時都會簽唔到,就好似上星期咁,
有返學都等於冇返學!因為一日都簽唔到!~SHIT!!!!!都唔明點解而家呢間學校遲到當缺席!
琴晚同亞屎仲有亞lin傾電話都傾到12點先返入房,冇耐大果個又要我幫佢拆佢條頸巾!
佢琴日放左工返0黎就織頸巾,衫學者一定會成日織錯或者漏針!
攪到我琴晚都唔知幫左佢N咁多次拆線果D!~爆煩=.=
頭果幾次都冇咩野,但係後尾我訓前都係咁!發覺琴晚係俾d冷線圍住0黎訓咁囉~
琴晚聽完絕情谷都仲未訓得著,又係3點幾左右先訓得著,
其實7點左右我係起到身,但係對眼好累,又冇起到!最終咪又冇返學!
我都成8點先訓得著~!次次都係日光日白先訓得著咁!
夜晚硬係半訓半醒咁樣!好辛苦呀>"<.......................
起身之後又如常煮野食,亞媽去左謙謙屋企,因為佢發燒喎~!
3點幾左右就出左去寄野!寄完之後又返家~!
成個下晏都一條友係屋企!都幾悶下.....
呢D咁既生活真係唔想過囉~!睇0黎真係要好好返學先得了/_\
我成日都講話返學返學,原本冇返工之後都返到學,呢期凍左又起唔到身返學,
一到冬天就想冬眠...................好怕凍呀>"<
而家唯有下星期返番多D學啦...唔係可以點=.=
今日冇野做既時候又係織下頸巾,斷斷續續咁樣織,so織得唔多...
亞媽成7點幾先返到!~今晚都係睇TV....
PS:今日係彬生日,祝:生日快樂呀!!!又大一歲!嘿....19!
新既一年,到7月份就係我19歲生日,19.....好快就到20!MY GOD~!!!!!

>>January 5, 2005 at 2:26:35 PM GMT+8