2005 年 3 月 24 日 星期四 【陰】

今朝6點幾醒左,唔知係咪因為平時返學早起關係,
攪到而家6,7點都會醒下!之後到10點又醒左,見仲眼訓再訓下!
到11點起身~之後食野!再hea下.........悶呢~!
今日第2果個又放假!見到屋企有雜誌!睇…
o..........見到Tiffany&Co既頸鍊!好靚呀>0< 唔知係咪睇NANA果本書收到影響添~
我本身得一條Tiffany&Co既手鍊渣!果條頸鍊真係好想買呀/_\
第2果個話到我生日先買俾我,因為條鍊差唔多3千蚊/_\
以我而家冇工返既情況睇係冇可能買到的=.=凸
我本身又想買westwood耳環!睇中果條而家又冇得買,唯有轉下個目標吧~!
唉~~~算啦,我都係搵到工先買吧,而家儲到錢先留住先啦!
又想買underground既厚底鞋!very喜歡呀>0<~~~
唔知我幾時先可以買到呢幾樣野0家啦/_\ bad!!!
下晏JOJO打俾我,等佢媽媽剪頭髮話悶,
之後同佢傾左陣電話!期間邱富打0黎,但我叫佢轉頭打番俾我!
因為我同JOJO傾到好興致勃勃呢~又kid左陣!
同JOJO收線後我打番俾邱富又傾左陣!冇耐姑姐搵亞媽,都知一定傾電話!So收線了!
3點幾果時發覺自己應該要出去還書=.=
最終一條友出左去還書同借埋NANA果幾期!
點知又係借6送2咁樣!攪到我要格硬咁借多兩本唔知咩野既書!
其中一本作者本人之前都有睇過佢D書,覺得都ok,呢本又好似未睇過!
So借了,而另一本感覺好似好傷感咁,唔知係咪 =_______= 但最終都借了!
其實我覺得佢既畫功都好似幾爛咁=.=" 唉!~算吧!~~~反正也是送的!
一路借書過程都同JOJO傾電話!傾到返家就收線lu~
返到家就睇左第6期NANA!~之後就出番廳上下網!
6點幾亞倩SMS俾我問我有冇興趣買Dior耳環,跟住我打番俾佢,
原來佢所講既係亞星果隻,即係我之前睇中果隻,我睇咁多隻都係果隻靚!
而且亞倩仲話係專門店買400蚊一對!wo~~good呀!
咁一個人冇可能買一對,so佢同我一人一隻!明天俾番錢佢~
(估唔到冇去街都有野買=.=")
老豆今日早返~wo~~~So今日又幾齊人食飯!
只不過D送唔係咁0岩食/_\........so食得好少~
食飯過後洗白白,跟住又係度睇NANA ! =﹏= 實在太好睇啦!!!
而家NANA拍成戲,我一定睇呀>0<
今晚老豆早返,但係係咁同佢頂咀,佢講左D唔係咁0岩聽既野囉~
都係重男輕女既感覺,又話我唔做野果渣!有話咩女果渣!
我就博佢,咁唔通做仔就唔駛做野啦喎?
擺果少少野就係佢隔離佢都可以叫我行老遠幫佢放番好!咩事0者?
雖然返工係辛苦,但係我覺得都唔駛一返到屋企都駛到我盡囉~
而家男女平等0家!唔係得女仔先要做家務0家!
唉..............算吧啦=___=" 嘈0黎都係冇用!基本上下次都係咁!算啦.....
睇左3期NANA之後冇野做又上網,無聊之下睇番以前既日記!
o.....原來以前既我係咁白痴係咁細路女0家喎!~
雖然而家都係=___=" 但係果時仲更加白痴囉~唔知咩事???好嚴重呀>0<
12點幾邱富打0黎,原來佢整襯,受傷,慘慘/_\
傾到4點幾就訓lu~好眼訓呢~~~!
PS:羅家良生日快樂呀~!!!

>>March 26, 2005 at 4:52:17 PM GMT+8

2005 年 3 月 23 日 星期三 【晴】

今朝邱富6點4就SMS俾我,果一刻就醒左一醒,
之後佢6點9又打俾我叫我起身,好眼訓囉真係=__________=
果時真係o左咀,6點幾渣喎~!我知我6點幾起身先可以趕得切簽到!
但可能我平時慣左依賴別人幫我簽到同埋又慣左7點多少少先起身返學~!
琴晚1點前先訓~佢打俾我,我都hea左陣先起身!今日都比琴日早左少少出門口0家!
但係又係去到K巴站條隊勁多人!攪到又係8點3先到大埔墟火車站!
好彩今日0岩0岩好係佢0地去會展之前返到去渣,唔係我返到去都唔知佢0地去哂邊啦~
估唔到今堂可以行街街!睇個澳洲既攝影展~
之後仲要我0地係貿易發展局商貿資訊中心度做會員!
去到我0地仲見到有個男仔上咸網!起初我同羅家良係度講,
呢個人係咪張登唔0岩座呀?點解會咁矮同咁近咁既坐到!
點知亞禮同我0地成班講條友上緊咸網=.="
之後我0地成班行近左,條友先發覺我0地係度望緊佢!嘿嘿嘿...........
我0地係果度亞sir又問我0地邊個位置先可以影到個門口影得好果渣~!
淨係講呢D都攪到11點,之後去到會展果間設計廊睇desginer d作品!
見到好多唔同既精品好特別同靚,價錢又不太貴,唔錯呢~
我覺得果度買野送俾人都幾好!仲俾我0地見到一千蚊果本書!
可能本人未睇過入面係講咩有咩野關係,so唔睇咪覺得貴囉~
但亞sir話一千蚊唔算貴喎!~其實我覺得亞sir有錢先覺得唔貴0者!
相機又有咁多部呀=____=" 算吧~~~我呢D冇工返人士,而家仲要只係學生身份!
當然俾唔起一千蚊買本書啦~
唉..........睇0黎我真係要搵份part-time做了!窄窄地呀!~好多想買既野又買唔到/_\
亞倩同亞星又係度玩,話生日又話送呢d果渣!~
亞倩係度同亞星講:咩你唔係送俾我既咩?
亞星又話佢自己4月4日號生日,叫亞倩送俾佢!
(果一刻見到佢0地咁樣都覺得幾攪笑~)
果樣係音樂盒之類既,入面有舊公仔一開就會彈出0黎!我本人都幾喜歡~
我覺得幾得意!四十幾五十蚊左右!~出面都好少可有得買...
(或者係我未係出面見到吧?)
行完11點幾,之後亞星佢0地問我0地食唔食野~
亞倩打返公司話學校有野做,so佢都同我0地食,但係羅家良因為要返工,冇同我0地食!
行去搵地方食野時亞星企左係亞東同邱富中間,之後雙手禁住佢0地肩頭,
冇啦啦凌空打翻!經過D人都呆左一呆,我同羅家良係後面見到都呆一呆!真係幾勁下=.="
(其實果度冇咩人,如果多人我估亞星唔會咁玩!)
之後我0地去左吉野家食!好耐冇去過吉野家食啦~仲記得初初開學成日去吉野家食的!
果時亞盈仲係度讀!返工果時我耐唔耐都有買吉野家食,
但係自從冇返工之後都有幾個月冇食了!
亞星同亞東真係好攪笑!亞星4月1號考車牌,
我而家先知男仔考車牌要著得斯文正經先好去考,原來都睇外表的!
跟住亞星又講話會著到好似童軍咁樣,
仲要整埋D好kid既樣好動作!笑到仆街呀真係!!!嘿嘿嘿...
講起外表衣著,今日亞星著果件恤衫我真係覺得好靚呀~!
唔知邊度買呢~!真係鍾意呢~!件衫幾襯佢!我都想買件類似咁既衫呀=.="
食完野之後亞倩返工,跟住我同亞星,邱富,亞東佢0地行CWB方向!
今日同邱富睇< 哈爾移動城堡 > !去到CWB冇耐亞星同亞東話去打機,
之後我就同邱富睇下去邊間睇啦~點知CWB果幾間都係粵語!
我同邱富都覺得日本好聽好多!但係係CWB想聽日文要到夜晚9點幾先可以睇!
之後我0地check,落左油麻地果間度睇!原本打算一定有飛買到啦~
兩點幾果場,點知得番頭果幾行,估唔到咁多人睇!大概今日第1日上映吧?
之後我0地簡左5點幾果場!果間睇咁晏都只不過係30蚊0者!好平呀~!!!
其實係因為用左學生証關係!我讀咁耐都未試過囉~
佢條友睇戲好多時都用學生証!仲貼左D貼紙落張學生証度,
咁D人就睇唔到係全日定係半日制學生,事實只有全日制學生先有呢個優惠!
我0地半日制既係冇0家!我都係第1次用學生証,
果度D人又唔點check張學生証=___=" so過到關,只需要30蚊就可以睇到場戲!平!!!
原本都唔知可以去邊度hea 0家!
有成4粒鐘咁多!我仲諗一定還唔切書!今日last day!
打俾TOTO問佢舖頭仔收幾點,之後佢俾左電話我,原來收9點!
最終我決定左搵亞媽幫我還,而防萬一趕唔切返家還唔到就仆街啦~
因為有成8本書咁多,第2果個仲叫我記得還書,但我本來以為睇戲睇好早!買左飛先醒起要還書!
行行下邱富話佢想返家晾衫先!朝早洗左未晾!最終就同左佢返家!係佢家hea左陣!玩左陣電腦~
我都有一排冇睇雜誌!佢又耐唔耐買雜誌!見有雜誌睇,So睇下雜誌~
差唔多4點就走人~行去搭車時邱富係條街度大嗌!我即刻開行少少,行前D扮唔識佢!
佢條友仲係後面大叫:姑娘!去邊呀?
唉~真係俾佢玩死=.=" 因為佢大嗌果時條街D人即刻望哂過0黎~
我想像到佢同猩猩兩條友拍埋一齊係街度一定好癲=___=
去到油麻地邱富話肚餓,之後去食左個M記,我食左少少薯條!
Then5點3行去睇戲!套戲都幾好睇,仲聽到唔少人係度笑,但係我唔太明笑咩野=.="
雖然係某D位置係好攪野~同埋戲仲有隻狗好似豬咁,好攪野~!
男主角幾白馬王子feel(我覺得) !7點3左右睇完出返0黎!
咁我同左亞媽講8點幾返家食飯!So睇完戲冇其他地方去就搭車返家!
睇完戲邱富冇啦啦行入廟街!之後入到7仔,見佢搵野,見到佢搵左支for鼻感敏既野!
買完之後佢拆啦~點知佢放左係我個袋度,原來佢係買俾我=_____="
我仲問佢係咪個鼻唔舒服=.=" 我以前佢買俾自己用!我一向都唔會用呢D野~
因為我耐唔耐個鼻就有問題!有時又流鼻水,有時訓覺又鼻塞塞咁!
睇完戲出0黎個鼻又有d鼻水咁!但係我估可能有少少鼻敏感吧~
以前一向都冇呢D情況發生!唔知係咪冇返工之後成日返學,係灣仔空氣差先咁掛~
定一或係我本身有少少傷風?真係唔知啦~!
唔知係咪因為咁,邱富就話買0黎俾我就有用果渣~!
原本係佐敦搭!但係勁多人排隊囉~邱富佢都要行番去尖咀搭車!
之後我0地就行去尖咀!佢仲帶左我行一條快少少既路!我好似未行過果度!
有D地方行過,有D地方未行過咁!或者印象好蒙糊吧~!
8點先上到車,但係架車搭左一粒鐘囉~都幾耐下!
去到大圍邱富SMS俾我,冇耐就打俾我,佢一早落左車仲去緊買飯!
我上車冇耐亞媽已打俾我話我晏返唔等我食,留左飯俾我!早知就唔咁早返家啦~
我返到屋企附近邱富都買完飯行緊返家lu!~
返到家整番熱D飯,之後上下網,睇心花放,睇完冇耐洗白白~!
洗完白白又玩左陣ICQ,打日記,11點左右邱富打0黎,
傾到12點幾就收線訓lu~好眼訓呢~!!!

>>March 25, 2005 at 11:07:48 AM GMT+8

2005 年 3 月 22 日 星期二 【晴】

今朝7點正邱富就打0黎叫我起身,好眼訓呀=________=真係好唔想起身!
但係琴日又做左功課,做左今日交,冇可能唔返啦~!
而且星期二中期評審!廢事到時冇野交出0黎俾人睇啦~
今日其實早左少少出門口0家!點知去到K巴站超多人囉~
又要行到富善巴士站果個73x站先到隊尾!SHIT!!!
仲以為今日可以早D返到去添=.= ,點知同平日差唔多囉~!
返到去就即印塊木板!好快攪掂好!佢0地係度整緊塊銅板,
因為我進度好慢,我覺得自己一堂一定未攪掂好哂!
今日係最後一堂啦~So..........算吧!之後呆左成堂,好眼訓呀真係!唔知想點~
個頭有少少痛,因為唔夠訓吧~前兩日都唔夠訓=___= 真辛苦!
放學同亞倩,羅家良一齊食早餐~!之後同邱富落尖咀!搭船去,wo~好耐冇搭了!
去到我0地去海港城!係碼頭見到個鬼仔好可愛呀>﹏<
我估3,4歲左右啦~隻眼好大!藍色的眼睛!
係海港城都見到個勁得意!又係鬼仔0黎,佢應該0岩0岩學講野果D!
起初邱富見到個外國人抱住個小朋友,但係又拎住個BB車,
佢想落樓梯!跟住邱富幫佢拎落樓梯!D外國人好nice~
係咁thank果渣~跟住邱富摸個小朋友,佢媽媽叫佢同我0地say bye~
但係佢唔出聲,好似怕羞咁^-^
之後我0地去到city super~因為邱富要食野!~坐近窗邊睇海景!GOOD~!
落尖咀目的係買tie的,之前係another睇中左!但係我用VIP得9折!
公價貨品員工冇折的/_\.....去到仲有呀~!但係邱富話覺得唔值!
最終我考慮左好耐,其實條tie我真係好鍾意/_\" 唉~~~
但係最終我都冇買到!因為條tie折左都260蚊左右~!
唉~~~好依依不捨咁樣落沙田lu~
落沙田去文化博文館!目的睇香港精神紅白藍!
我原本以為要買飛,點知原來星期3係免費的!真係估唔到!
係果度四圍行,睇左好多野,好多野睇,好呀~!!!
D desginer真係勁,可以利用紅白藍膠袋做咁多野!
之後去到一個地方係有一大塊紅白藍膠袋係頂,之後有幾張登坐!
前面有個畫面係落雨既情景0黎!我0地坐係度可以聽到D落雨聲,
都幾真下!好似係度避雨咁!幾好feel~!
琴晚亞tal打0黎話今日返B half,咁可以過去馬鞍山搵佢同kid him食下野同占卜下!
點知佢今日下晏打0黎話30唔夠in-charge,要借過去一日,so..........最終唔駛去/_\
唉~好耐都冇見過佢0地啦!仲打算見下同行下馬鞍山添~!
我0地去左7仔買野飲,佢又買煙!7仔果條友又問佢夠18歲未,
之後話覺得我0地唔夠,仲話我個樣好細個/_\...........嗚嗚........
好傷心呀真係!雖然我個樣真係細,但係好耐都冇人話我似15,6歲囉~
而家好多人都話我似番我果個年紀的!
其實一直以0黎我唔鍾意人0地話我個樣細!俾人0地覺得0靚妹,唔識大咁!
唔知點咁!即係唔成熟咁!唉~~雖然話就話女仔樣細係好事!因為老左都覺得冇咁老咁!
但係我個樣細............唔想呀>"<
而家18歲呢個年紀好尷尬呀!俾人0地覺得未成年!唔知點囉~FUCK!!!
邱富老豆4點約佢係大學站等,叫邱富渣番架車返去!
So 3點幾就走lu!一返到家就見到謙謙0黎左!老豆都係度,佢今日放假!
原本打算今日還埋D書同借埋D NANA!
點知抄下先知要來有本仲未睇,< 當現在遇到未來 > !
So最終決定聽日行完街睇完戲返0黎先還lu!~
6點多D頂唔順返左入房,then訓到7點半先起身!好頭痛,唔知點解次次訓晏覺就一定頭痛!
但唔訓又唔得,因為真係好累,驚今晚又唔早訓就仆街啦~
聽日都打算返學,通常攝影堂都返的!o...........今個星期睇0黎連返四日學!好勁呢~!
今晚冇野做又上下網,玩下ICQ!見到mei mei on-line即hi佢!好耐冇見佢啦,好miss佢呀>︵<
Carmen今晚on-line同我講今日係沙田見到我~wo~~估唔到係沙田都撞到!
玩玩下ICQ邱富打0黎,之後傾電話傾到11點幾收線!收線後我仲hea下咁樣先返入房訓!

>>March 24, 2005 at 1:35:35 PM GMT+8

2005 年 3 月 21 日 星期一 【綿綿細雨】

今朝都知醒起身呀~見邱富未打0黎,so打俾佢叫佢起身!呢兩日佢都起唔到身咁=.=…..
因為佢講過如果佢冇打俾我就應該唔知醒起身,咁我就打俾佢叫佢起身!
其實我好眼訓,因為訓得好少~原本仲想唔返,但係因為上Tommy多野做,
同埋今堂係畫果個板盒既最後一堂,差畫埋木紋就可以俾分!我唔想唔返攪到又冇分囉~
So最終都起左身!又係9點幾先返到學校!
返到去即上木紋!我覺得自己好似攪到似豹紋多囉~!怪怪的……
好彩最後都有80分!我覺得有8字頭已經算好0家啦/_\
因為上次果份得70分!上次果份我用兩堂做起,咩野都唔知,亂咁上!又未完成!
真係幾核突下…
放左學我同亞倩仲有羅家良一齊食早餐!
邱富send sms俾我,問我搭咩車!佢又話行果邊,咁就約左係7仔等!
食完野佢陪我等埋bus先走人~亞媽又打0黎,佢話佢去飲茶!
So返到0黎大埔都去左飲茶,都係去hea下,食左D菜咁樣~!
搭車果時落雨呀/_\…返到0黎大埔都落雨,真慘~!!!
同佢0地飲完茶之後四圍行下,順便買埋雕刻刀!
行到veeko,果度D同事問我係咪冇做,話唔見我好耐~亞媽又係果度試左條褲,
但係唔好睇!同veeko D人吹左陣水就走人~!
去到屋企樓下welcome掃番日常既野!之後就返家lu~!
返到屋企都係上下網咁!悶呢……………..
今日下晏我冇訓到,掛住睇NANA~第2果個左前幾日借左漫畫書返0黎!
4點幾邱富打0黎,傾左陣電話~5點幾收線!原本打算睇埋NANA就畫塊木板!
點知都係睇唔哂~係食飯之前沖涼,食完飯hea左陣就畫塊木板,之後就雕!
原來都幾難雕0家喎~10點左右邱富打0黎,之後傾電話傾到11點幾12點就收線~
跟住我又睇NANA!睇到12點半就準備訓lu~

>>March 23, 2005 at 9:02:52 AM GMT+8

2005 年 3 月 20 日 星期日 【乍寒還暖】

琴晚訓到點半先收線,差唔多兩點訓掛~今朝知醒起身,好勁呀!
琴晚邱富收線前叫我今日打俾佢叫佢起身,我見佢7點半仲未打0黎,
大約估佢仲未起身,so7點半打俾佢叫佢起身!
如常8點出門口,返到school 9點4左右~!
今日行得比較慢!其實行快少少都係快一個字左右返到去!
今日返學先知miss已經有一個十歲既仔,之前我知佢結左婚又渣電單車!
而家知佢原來有個仔仲要十歲!睇0黎佢20頭就生小朋友了,
而家仲keep得咁好,真係善慕呀>0<
唔知我將來係早生小朋友定遲,我當然想早啦!起碼冇咁大隔膜!易溝通D先啦~
我琴晚畫果D野真係好易俾佢0地估到=____=
唉~算吧啦!一睇就知係介刀~!亞星果個難估啦真係!原來佢畫可口可樂!
之後傾戒煙果份,D同學諗既野都幾好喎~!睇0黎我要搵搵資料睇下點做先得啦!
亞星同智障今日係度打機,一部好似係小葵,一部好似係智障佢本人!
Wo~~~我都好耐冇打過機!唔識打好樣衰添=.=” 但係我又想打機呀>0<”
好快又放學,之後同亞倩,小葵食野,羅家良返工!
放學落雨,o……..fuck!!!~之後邱富SMS俾我話遮埋我!
原本仲打算搭MTR,因為落雨ma!如果等bus一定濕身!
佢條友原來把遮係問人借的!之後陪我等埋bus就走lu~
搭緊車時亞媽打0黎話佢去飲茶,之後我返到大埔去左飲茶,
因為冇野做,hea下都好!去左稻香!好耐冇去過,因為都幾遠下~
飲完之後就直接行返家!行返家時JOJO打0黎傾左兩句!
返到屋企都係上下網,冇野好做………悶呀!
琴日第2果個借左漫畫返0黎,NANA!
So我今日睇,睇完一本就訓左陣……累呢~!
原本仲話唔訓,點知最終都係訓著左=_____=…………仲要訓成兩粒鐘!
7點幾食飯,大果個今日終於係度食,但係一食完又出去~
呢兩日食飯時邱富都有打0黎,真係撞唔0岩時間啦~哈!
9點幾邱富打0黎,佢俾番今日俾我果隻碟既postword我!我要裝0黎聽歌~
Wo~~~得左!GOOD呀!~之後傾左陣電話,大果個話用電話,so收線!
之後都係hea下睇TV咁!冇耐11點幾又同邱富傾過電話,12點到收線!
但係我兩點幾先訓得著,大概訓左晏覺關係!
3點幾樓下好嘈,聽到叫咪走果渣!跟住又好似有D打架既聲,
咁聽到當然望下樓下啦,點知見到有一架警車停係度,冇耐開門,衝出0黎!
冇耐我都唔理啦~訓lu~

>>March 22, 2005 at 6:31:24 AM GMT+8

2005 年 3 月 19 日 星期六 【晴】

今日訓晏少少,11點左右起身,起身又係hea,成日冇出街,
呆.....................hea左成個下晏,執左少少野,都係執下衫咁啦~太多了!
洗下指甲油,修下眉,dl歌,
返房聽下歌!原本想做功課,但...又懶成個下晏冇做!
唔知想點!FUCK~!唔知想點,收皮=.=凸
今晚食飯OK齊人,老豆早返,第2果個又放假,係大果個冇返0者!算吧,佢成日都係咁!
食完飯過後便開始畫下畫...交功課.....
但係我都hea左陣先畫=___= 唔知想點囉~
畫完都10點幾!我簡左畫介刀,原來係太易了,一睇就知,好易估‧____‧
我畫完其實應該要做戒煙宣傳果份!但係諗唔到,同埋覺得做唔切,
so最終決定聽日返學睇下D同學攪成點先再諗吧~!
而且上一堂冇返...唔係咁清楚做咩!驚做錯~!
畫完玩下ICQ!個ICQ有問題!人0地hi我,我都唔知!唔怪得同幾個fds傾,有d冇應我啦~
係我見唔到佢0地有應我!我仲以為佢0地唔得閒應我!
11點幾邱富打俾我,傾傾傾........
今晚佢講左D野,令我諗番起以前返工D野,喊左出0黎=.="
我知嚇襯佢0家!但係我忍唔到,呢一刻最易令我喊就係講番起以前返工既野~
其實我覺得自己真係好唔捨得放棄份工,同埋覺得後悔辭左...
果時我真係返工好辛苦,真係捱,但係捱完過後係開心,
呢種感覺搵唔番0家啦~以前好鍾意成班同事收工食宵夜,
雖然係收得夜,但係感覺過後都覺得係開心既~!
唉~~~唔知我幾時再有工返!
而家既我,雖然有讀書,但係淨係返朝早,唔知想點,生活好苦悶.../_\
以前有工返既我係積極,積極在係返工囉~!
果時冇返學既話,就起身返工,做野,放工,食宵夜,返家,訓覺!
差唔多日日如事,但係生活覺得好充實!
從充實日子裡放假行街,去玩,感覺特別唔同!
我唔捨得每樣事,人,物!而家既50再唔係以前既50,
地方,事物,因裝修已經唔同哂~人...已經變了!
我知人諗到後悔就一定唔開心!或者果D回憶令我唔捨得先咁掛~
回憶永遠都係長久~人...總是感情動物!

>>March 21, 2005 at 6:00:39 AM GMT+8

2005 年 3 月 18 日 星期五 【晴】

今日又係9點幾起左身,shit!又訓唔番~!起身之後都係hea下咁,冇野做!
上下網,見到亞tal iv!佢今日放假~GOOD呀~!!!之後我0地傾左幾多野,
我知佢識玩塔羅牌,於是我0地決定下星期占下塔羅牌,wo~~有D驚添!
之後chat下又換下衫,3點幾亞倩打俾我,大約4點7左右出門口,
亞屎send sms俾我,大致上問我有冇打俾新Monday關於份job既野!
其實我仲未打,佢條友又冇打俾我,唔知想點!
同佢傾左兩句之後打俾亞tal,因為佢都出尖咀,咪同佢傾陣電話先囉~
Um…..以前好多同我同期既同事都升職考試咁樣!
我仍然一事冇成,其實我覺得讀完desgin呢度都唔會搵到呢行既工,
但係至少我唔想做番sales…..想試下做office果d工/_\
到時我讀完出0黎我咩野都要重頭0黎過~唔知想點…..算吧~!
我同亞倩差唔多時間到尖咀地鐵站,
跟住我0地出發去藝術館,睇法國印象派畫展!
Wo~今日好多人呀~!講解果條友6點至7點!係有人講解畫呀,
但係超多人呢,聽到又睇唔到,最終我0地兩條友自己睇,其實都真係唔係幾明,
不過我見到有d畫係幾靚!我0地用左一粒鐘都冇就睇完,
之後7點左右行去海港城KCF食野!食完好快就走人,
搵下有咩禮物可以買俾羅家良,但係…我0地今日成日都搵唔0岩有咩野買俾佢=.=
同亞倩行anges b,新太陽廣場同利時!行another睇中左條呔!白色0家~喜歡~!!!
跟住又睇中左兩件衫!行完又睇westwood果D牌子既野!
我又再次見到我之前睇中既westwood袋啦!原來要差唔多4千蚊!
o……我真係太多野想買!
係利時我睇underground d鞋,跟住亞倩就話我係咪覺得自己矮,
我知佢係講下笑0者,但係我覺得一生之中一定要有一對0家/_\
只不過係睇下幾時買0者~有野想買就想搵工,咁我應唔應該搵工呢?
我唔想又攪到個樣殘哂呀!唔想返一份工好似以前咁樣返咁多鐘收咁夜!
但係當我搵到工,有少少錢我又唔識儲,又用0黎買牌子野,總之唔知想點啦~
行完哂大約10點幾就搭271走人,好彩架車有位坐0者!唔駛白企返家!
我原本打算搭KCR,因為一定有位坐,但係我又想一程車咁唔駛煩!
返到屋企即沖涼,冇耐上網叫邱富send d歌俾我,
之後同佢傾電話,傾到3點先訓~

>>March 20, 2005 at 2:09:03 PM GMT+8

2005 年 3 月 17 日 星期四 【微雨】

今朝又係10點左右醒左,之後又訓唔番,想訓都訓唔到,
唔知係咪因為返學慣左訓5,6粒鐘就返學關係,
攪到今日唔駛返學都係訓果5,6粒鐘又醒左!=.="
我諗係因為肚痛關係而醒了吧~
起身冇耐煮野食啦,亞媽去飲茶,我唔去了,肚痛唔去,廢事又亂食野啦~!
食完野之後就上下網咁,都係DL下歌,then攪到我D日記網咁!
原本打算都冇街去0家啦,點知3點左右羅家良打0黎收線一分鐘都冇彬打0黎,
問我去唔去睇戲,咁0岩佢0地睇< 連環不幸事件 >
wo~正係我想睇幾套戲之中其中一套!So我勁快手換衫,
3點9就出門口,搭271出去!~途中同邱富傾左陣電話!
之前佢0地話係朗豪坊睇,點知我去到先知佢0地改左話係百老匯睇,
攪到白行添=.=" 之後係bodyshop等RB,原來佢0地去左球場度hea!
彬買左小丸子,佢買果隻又幾好食喎~!
我0黎到冇耐yin都0黎到!之後買左野飲,yin買野食,之後5點9去睇戲!
套戲幾好睇喎真係,有少少嚇到人既場面!但係有d又幾攪笑!睇粒半鐘左右!60蚊睇都值既~
睇完戲家家去打波走先,之後我0地都返大埔,原本搭271返0黎,
點知架車滿哂,得企位,咁我0地仲差一步就上車0家啦,點知最終都話搭小巴!
途中亞yin一路係咁小RB真係好爆笑,大致上都係話一早應該搭小巴之類,
因為話由油麻地行去旺角遠果渣~!
行緊去果時居然撞到亞簡同佢男朋友,佢0地係呢兩日一齊的!
um.....佢男朋友好細個咁!一睇就覺得亞簡係大過佢,
但係佢鍾意既,咁我0地都唔可以講咩野!~
搭小巴冇耐JOJO打0黎,講既都係亞簡同佢男朋友既事~
搭呢架小巴要半粒鐘,因為行舊路關係!~係吉吉島落!
因為我今日好趕咁出門口,又答應左亞媽返家食飯,so我冇同到佢0地督波就返家!
妮妮係屋企出0黎同佢0地督波,妮妮到左冇耐我就話走lu~
返到屋企食飯睇< 心花放 >,之後上網,咁0岩TOTO都有上,
佢send番之前新年期間send俾我既相!之後我post埋上網!
再睇大長今,then沖涼!12點幾就訓lu~

>>March 19, 2005 at 3:52:21 AM GMT+8

2005 年 3 月 16 日 星期三 【晴】

今朝又係差D唔知醒起身,都係邱富打俾我叫我起身,佢搭3打俾我,
如常8點出門口!Wo~~今日熱左好多,可以著短袖出街囉=.="
但係我見朝早見涼涼地,著左件外套出去,早知唔著外套仲好...
返到去學校9點3左右!上K.K堂,
仍然返到去唔知佢講咩野,大至上教我0地點樣整到旋轉既感覺,
試左3張寶麗來,亞sir話咁樣影會值2萬蚊張喎~我估係佢個人影出既價0者~
我0地影就唔會咁既價,我估一定平好多囉我0地影!
臨放學之前幾個字係度講緊一組做果份功課!男仔君有野交到出0黎,勁呀~!!!
其實我都明明地佢0地講咩野,大概叫我0地每人諗下關於香港既特色造一樣物品出0黎,
then影左佢!但係要諗真係一樣好難既事.....
放學之後我,亞倩,羅家良去食野,好快11點就走人,羅家良今日放假,
但佢返番學校拎木板!係我食早餐時邱富SMS俾我,問我有咩地方去,
之後話去行陣,咁我都冇野做0家啦,so咪行陣囉~
行緊去時羅家良後來車上,之後我0地3條友行到銅羅灣廣場果邊,
冇耐亞東同男仔君打俾邱富,佢0地0黎緊,之後羅家良走先,佢返舖頭拎D野!
咁我0地三男一女係CWB行陣!雖然我耐唔耐都會成班男仔得我一個女仔,
但係次次一多過兩個男仔去街,得我一個女仔既時候我就唔知可以講咩野=.="
so.....我成程都好似冇咩點講野咁!
亞東同男仔君0黎到之後同佢0地去左食車仔麵,果間我未去過,
居然有人係門口等位,唔通真係咁好食?因為我食左野,一粒鐘內邊會食兩餐呀=.="
食完因為時間早就window shopping!~D舖都未開,悶......
之後我0地去時代行,覺得亞東講野真係幾爆笑,有d串~!
行到chevignon,邱富講果條3D褲真係唔錯喎~我自己本身又睇中左條淨藍色咁既牌,
唉~~~好想買添,如果JOJO有折兩條褲加埋都要$1000!
最近又買左兩條褲,再買好似好多咁=.=" 點算好呢?但係我鍾意淨藍色果條多D...
因為上次我買果條都係好似3D咁,只不過冇邱富講果條咁深色0者!~
行完時代都唔知行咩,咁佢0地又話去牛頭角電髮,
so佢0地接我搭車,仲陪我等車,我知維園果邊有307搭,其實都有d唔好意思啦,
3個男仔陪我等車=.=" 架車又比較耐先有一架!
今日搭車好似耐過琴日少少(我有睇時間),搭車時當然有訓左陣,
返到大埔差唔多3點,4粒鐘冇食野有d想食野,之後打俾亞媽睇下佢想唔想食野,
咁我0地就食個tea,食完野就行陣~我係D舖頭仔買左件淨黑色既衫,
見平,同埋個cutting幾好,買了,打算改裝下整D野上去,咁咪等於DIY囉~嘿....=.=+
覺得係D舖頭仔買平衫,改下件衫好似好D咁!由其係淨色!除非係襯衫啦~
行行行.......我又買左兩set爸爸~靚呢^-^
原本都唔打算買,亞媽又買under,咁我睇睇下又睇中左!就係咁...又買了=.="
4點多返到家,上左陣網,冇野好玩,日記又上唔到去,個網唔知咩事囉又~!
5點幾返入房hea下,訓著了!成日都覺得頭痛咁="=.....
7點前訓醒都仲係覺得頭痛,又訓得唔舒服!唔知咩事~
冇耐又如常7點幾食飯!
之後洗白白,攪呢樣果樣,冇耐睇TV同DL歌,
有D我之前覺得好聽既歌又好難DL/_\"""
11點幾邱富打0黎,仲以為佢今日真係電左頭髮,點知冇~
今晚傾左好耐電話,傾到3點幾先收線=.=" 好眼訓=___________=
收線即訓,第2果個玩電腦玩到3點幾,同我一樣時間訓,
亞媽又係果段時間起身晾衫,之後就話我0地一個煲粥,一個玩電腦攪到咁夜果渣~
算吧!~都唔係成日咁呀!我連續返幾日學都冇一日係咁夜訓!
俾一日放縱下都得掛?唔知下星期可唔可以連返4日學呢?
呢個星期連返3日!不禁要讚下自己有進步呀!好呀!!!=.=+

>>March 18, 2005 at 4:00:47 AM GMT+8

2005 年 3 月 15 日 星期二 【微雨】

琴晚12點幾就訓著lu~累爆呀~!
今朝差D唔知醒起身!好彩邱富今朝都有打俾我叫我起身渣~!
8點鐘出門口,當然都係遲到啦~!邱富幫到我簽名,亞倩係我去到大埔火車站果時打俾我,
話佢0岩0岩上車,叫我順便叫埋邱富簽名,但係邱富差D幫唔到我簽呀到,
so最終佢都幫唔到亞倩簽到!我一知邱富簽唔到名就打俾羅家良,
點知打俾佢,佢仲係屋企訓緊,即係唔返學了~!亞倩遲我少少返到去~!
今堂白坐,我預左,因為呢堂連埋今堂都係上左兩堂渣我,
呢堂好似就完了!刻木板,銅板咁~但我一樣都冇做到!
見到flora有本雜誌,亞倩借左0黎睇,之後我0地睇,睇睇下亞星果渣又走左過0黎睇埋一份,
果本全部都係日本女,我0地係度講邊個靚邊個唔靚咁樣!
個個都話唔鍾意D黑既女仔!
睇睇下仲有兩,三頁係教整cake同朱古力0家~GOOD!
好快落堂啦,咁我同亞倩落一樓影印呢幾頁!因為我冇野做,打算得閒試下整啦又!~
放學同亞倩食早餐,羅家良同小葵又冇返!
食緊野果時邱富sms俾我,因為我未搭過307,佢問我想唔想搭bus,
原本我都叫佢唔駛接我搭車,佢話陪我搵下邊度有307!
點知我食完野又俾佢周到我=.=" 因為佢話周到我平時都係呢段時間行去搭MTR!
我食完野出門冇耐就見到佢彈左出機舖!
之後佢就陪我搵307,原來都唔係好遠呀個站,不過要等半粒鐘一班,
大約等到11點4左右就有車,原本班車係11點半的!
因為搭呢架車,我又知CWB邊度有得搭,其實同搭KCR轉MTR差唔多價錢!
12點1就返到大埔!都好快下,可能11點幾呢個鐘數冇咩車同人掛~
返到大埔就返屋企lu~原本都以為冇地方去0家啦!~
大果個今日又係放假,點知兩點幾亞媽又話帶謙謙0黎玩,
跟住去八號果邊接佢,我又一齊出左去,3條友去接謙謙!
首先帶左佢去M記食下野坐下,之後再去昌運樓上剪頭髮!
我0地都係泵佢剪渣,話帶佢去美國冒險樂園玩~睇佢剪頭髮好攪笑,
佢又扮唔驚,又貪靚!好快就剪完~之後我0地四圍行下,
行到izzue想睇下我之前睇中果兩件有折未,點知仲未有,
我睇中果件外套仲冇左/_\.....好傷心呢~唔知第2間分店有冇啦!~
之後我0地行到bauhaus,wo~~~我又買野了,
原本冇打算買的,點知亞媽睇中左條褲話好睇叫我試,
試左真係OK喎!~而且我好似冇多袋褲,係tough 0黎既~
So用VIP折左都差唔多600蚊!我又睇番之前睇中果件背心,
因為我覺得件背心好得意,試左,ok喎~件背心唔太貴,二百幾蚊!
跟住大果個又試左條levi's褲,好似我果條咁樣0家!
試左又得左,咁我買條褲同件衫仲差少少就夠1千,
買滿1千蚊會平100蚊!原本大果個簡衫,點知佢又簡唔0岩,
最終我買左件細細件既tee,我覺得隻色幾好,橙藍色咁既~
減100蚊既話件衫折左約2百幾蚊左右!都ok呀~
買左3樣野一共用左1000蚊=.=""" 呢期好似又大駛左了!
前幾日先買左條chevignon褲同一件tough既衫!~果度用左一千蚊多少少,
睇0黎有排都唔駛買褲了,除非真係睇中一件好鍾意啦,唔係都唔買了!>"<
到5點幾我0地打的返帝欣苑送謙謙返家!去到佢屋企睇佢做埋功課我0地先打的返家!
去到屋企樓下welcome,入去掃左少少野食!
之後就返家lu!7點幾食飯,hea左陣就沖涼睇TV~!
9點幾10點邱富打0黎,之後傾到12點左右收線訓lu~

>>March 18, 2005 at 3:54:37 AM GMT+8