2005 年 5 月 22 日 星期日 【乍寒還暖】

今朝落雨喎,攪到帶遮出街=__=
係大老山果邊塞車,亞倩send sms叫我幫佢手簽名,我估我都遲到!
結果我同佢分別打俾亞東同亞星,叫佢0地幫手簽名!唔該哂~
差唔多9點先返到去!亞倩9點半先返到!搭左粒幾鐘車...
返到去個個都問邱富咩事唔返,咁我照直講,
佢0地D人話低死!可能佢0地只係玩下掛~
但係我總覺得唔係咁好囉咁講野!~
今堂又係吹水堂!不過亞sir有講到下一份功課係咩野~
亞星又如常串哂咀咁!佢0地班友係咁串爆世傑,笑死!串左成堂囉~
為左下次果份功課,蛋既包裝,講咩由幾多樓拋落去,咩速度咁樣!
咁都可以傾左好幾個字,應該係串先0岩.......不過真係好爆笑!
好快落堂,同亞倩食早餐,小葵同羅家良冇返...
叫左野食冇耐邱富個fd,亞業打0黎!話邱富隻腳< 弊 >左!叫我即刻落觀塘!
之後食完野就去觀塘!猩猩係度玩野,明知邱富隻腳整襯仲係度玩=.=" 唉~~~
亞業覺得佢份人好似幾好咁喎!~
原本佢0地想係APM行,最終都冇行就同邱富搭小巴去佢家!
見佢真係辛苦.........隻腳打左石膏!行路好唔方便又好哂力~
去到佢家hea......5點幾同左佢搵佢亞媽係將軍奧睇醫生,
因為政府醫院都唔開消炎藥,so睇私家診所!
6點幾睇完打的落觀塘,如常搭74x返大埔!
訓著左,冇啦啦有電,邱富打0黎,醒左~
返到家即食飯!hea左陣先洗白白~
亞業打過0黎,但係唔得閒聽唔到,過後我又冇打番俾佢,會唔會唔係咁好?
算吧...都係得閒先再打番俾佢=.="""
今晚邱富冇打俾我...............大概食左藥累訓著了!
原本想SMS問佢係咪訓著,或者打俾佢,最終都冇,
最終訓前send左sms俾佢話我訓了~
而我頂唔順,12點幾都訓著......眼訓呢=____________=

>>May 24, 2005 at 1:00:15 PM GMT+8

2005 年 5 月 22 日 星期日 【乍寒還暖】

2005 年 5 月 21 日 星期六 【晴】

今朝訓到11點多先起身,冇去到飲茶呀~算吧.....
一起身亞恩就打0黎問我剪頭髮既野!
收線冇耐就打俾邱富,見佢真辛苦了,
平時行兩,三個字既路程要用一粒鐘先可以行到去!~
痛死了!要聽日再照X光!~
不過應該冇事既~唔駛咁驚...
下晝感覺累累的,想訓,冇耐亞恩打0黎,佢攪掂好個頭,
出去陪佢買野~泳衣等等..........
4點幾就返家!亞恩都0黎!等大果個返0黎,因為大果個幫佢手買帶!
明天去旅行呀!要拍野~
跟住睇VCD,我又想訓,返左入房hea,睇左陣書,之後又唔知點解冇訓到!
冇耐亞恩入埋0黎,我0地訓左係度傾左陣計!
喜歡同別人訓係床度傾計!GOOD~
大果個7點幾先返,so亞恩7點幾先走,話唔食埋飯,返家食喎!
大果個一返0黎就屌哂鬼!講真,
佢就算唔返工既日子係屋企都唔幫手開飯同埋食完飯唔幫手執野!
我覺得佢嘈我冇用囉!~唔該理掂自己先!
果時同緊邱富傾電,燥燥地都係收線了!~唔知自己情緒會點樣!
不過之後都冇野,同大果個串左兩咀咁!當然都係我幫手執野果渣啦~唔係我仲有誰?
食完飯之後收埋D歌,之後沖涼,< 呼 >埋mask!
覺得自己一到夏天就黑左咁/_\ 唔得啦~唔可以咁,我要白呀/_\
今晚訓唔著,睇左陣書...
黃昏時訓係床上望住個天,睇住個天慢慢黑...月亮,好靚,想夜晚外出走走..........
琴晚....搭完車行返家時,見到個天多左星星.......

>>May 23, 2005 at 1:10:38 PM GMT+8

2005 年 5 月 20 日 星期五 【晴】

今朝訓到11點左右亞lin打0黎,我冇聽到呀,因為知佢打0黎係傾電~
12點幾彩E同亞媽返0黎!今晚佢0地成班聽演唱會~
我上網,咁有相睇下,彩E又係度問邊個0黎,SHIT!
講真果句,亞媽望我電腦D野我都會啤下,so我亞媽唔會問囉~
佢居然夠膽0黎問.......起初我唔應佢唔理,之後佢仲要問!
跟住就同佢串左幾句~我覺得我既朋友圈子唔關佢事囉~
亞媽都冇咩幾何見到我d fds!果一刻覺得佢真係好八!好討厭咁樣!
俾我有D感覺係亞媽唔管我,居然亞E 0黎管我???
兩點幾睇睇下書,小富子打0黎,佢居然0黎到大埔>.<
果時我仲未換衫,而且我又唔敢肯定佢今日係咪真係0黎大埔搵我!
結果即換衫就出去,佢話唔識路,求其搵左個停車場,原來大廣果個!就TOTO樓下果個!
咁見到佢,佢就話要離開呢個大埔先,
So好冇目的之下,上左車=______=
佢今次揸車冇之前咁驚啦!~GOOD!揸揸下就慣0家啦!~
我又唔知佢目的去邊喎!攪到撓左路,但係最後都係返藍田!
去左佢家,坐左陣.........佢媽媽係咁同我講佢d缺點!又話佢冇野好!嘿........
差唔多6點同佢仲有佢媽媽去大家樂食野!
因為小富子仲未食晏!仲要去踢波!
食完同佢搵埋秋yin,搭bus落觀塘!
勁耐冇去過球場囉~原來呢度有咁多個=____="
勁耐冇一次過見到咁多男人囉=______=" 感覺怪怪...
以前就話去波場果D都係fd搭fd 0者!~
睇陣左,餵蚊添~!咁耐冇睇過人踢波,不過又唔係好悶!
8點多D小富子送我搭車!
係APM有show攪喎又!有班人跳舞!GOOD~
每次見到呢d show都必睇呀>.<
以前返工冇野做,逢星期日都有show睇!有時又係跳舞!喜歡!
等車果時我0地仲自拍左幾張相^-^
不過又唔係影得咁好,算吧=___= 下次再影過>.<
不過返到家我整左其中一張放係MSN度>.<
10點左右收到小富子電,佢踢波整襯隻腳攪到入急症/_\.......
打石膏!擔心死了!/_\ 下次踢波小心D ma~
不過而家一定要休息一排,冇咩必要都唔好出街呀!~
要俾對腳休息多D,咁先冇咁易再整襯!易D好番~

>>May 22, 2005 at 4:52:12 AM GMT+8

2005 年 5 月 19 日 星期四 【雨】

今朝8點幾就醒左,之後格硬訓,訓到9點幾又醒,
最終hea到10點幾起身!唉~~~都唔係咁夠訓!但係又訓唔番/_\
11點幾出去食早餐!~食完同亞媽係大中行左陣!
仲買左把長遮,綠色迷彩......係亞媽話襟色喎=.="
去到家樓下睇手提先知原來邱富SMS左我兩次,但係我唔知,
Feel唔到震同響果渣!sorry~
So一返到家就即打番俾佢!傾左陣,亞媽買左豆腐花食!
勁耐冇食過,本人唔係十分喜歡食,但係都會食!
下晏係家hea=_________= 眼訓呢~冇野做,好悶.....又上唔到網,唔知想點!
睇左< 精武家庭 > ok好睇!~有D地方幾攪笑!不過套戲係咁打!
5點幾出去幫第2果個還書,出去打俾JOJO,
同佢傾左陣電,叫佢幫手上網搵有線個電話!
冇耐肥章打0黎,佢收工,打0黎傾左兩句,
又俾佢串.......算吧=___="已經慣了!~
佢0地一向都唔當我係女仔...
返到家邱富打過俾我,之後同佢傾左陣電!
大果個明明收早又唔係家食飯,今晚都係得我同亞媽食!~
食飯時亞媽問左我好多野=___=
講起細個佢打我0地,我話將來如果有仔女都唔會因為唔合格而打囉!
我覺得唔知為咩~!不過算吧!我真係唔明亞媽點解要為左唔合格就打囉~
以前細個唔合格俾佢打到飛起!~講起都.......FUCK!
其實我細個真係有溫書囉,只係我真係冇盡力!
但係有時我盡左力,都得唔到好成績,跟住又俾佢打!
我覺得每個人能力有限囉,唔通個個都咁叻啦喎?
所以細個果時就比較鍾意老豆!佢唔會為左讀書D野而小我打我!
而且又會買玩具俾我,又同我去冒險樂園果D玩,又幫我掟左好幾次既好大既公仔!
每次收工都會買零食俾我0地!好細個果時佢一定收工就會返0黎抱我!
但係大個左...就覺得老豆講D野好無理頭!等佢講果句野都等好耐先講到出0黎!
有時佢講果D野我根本就唔想知!因為我根本就唔明佢講緊咩野~
不過而家老豆真係老左,食煙飲酒又勁,唔多唔少神智有D問題~
食完又係hea陣,之後係咁攪下部腦,我唔知禁咩制又上得番網,
嘿嘿嘿.................GOOD!~
最近同肥章有聯絡喎!~今晚傾左陣MSN!佢叫我落去玩,
玩下狗~好耐冇見過佢隻狗,兩年幾?
不過當然我最終都冇落去玩啦!唔鍾意夜晚沖完涼又落街!
今晚同邱富講起浪漫~
「浪漫...
係唔認真
係唔實在既
係冒險
係出軌
浪漫...
係要記一世既」
每個人對浪漫定義唔同,可能兩個人好開心,咁就叫浪漫!
可能食燭光晚餐又叫浪漫!
不過今晚我先知,浪漫係用錢都買唔到返0黎~認同!
冒險,出軌就真係要對方肯願意先能夠!嘿.....我真係好想試下!
當然唔係犯法果D啦~
而我個人認為浪漫真係要記一世~即係做左出0黎係深刻,不能忘記~
PS:討厭下雨天,令人更加不想外出!

>>May 21, 2005 at 4:41:54 AM GMT+8

2005 年 5 月 18 日 星期三 【雨】

今朝真係唔想起身囉,因為見到勁大雨呀>0<
遲左兩,三個字起身,我好少可一起身就開電視!
今日仲專登開電視睇下有咩雨果D!點知冇=_____=
行雷....都幾驚下,因為前幾日睇完鬼影...
攪到我洗頭果時.........=.=" 算吧!~
每次睇完鬼片朝早起身一個都比較驚.....
搭車係吐露港有少少塞,心諗仆街啦!一定遲~
結果8點9先落車,不過仲趕得切簽名,都係有人幫我簽左,應該係亞倩!THX~~~
我冇資料拎返school,so今堂變左吹水堂!咁0岩羅家良又買左雜誌!睇.....
好快落堂,今日幾齊人下,小葵,羅家良都有返,一齊食早餐!
食完之後再番上school問夜校D野,點知居然得出0黎既答案係唔知!
仲未有堂,又話要等開班!真係好多個問號!又要我補課,點知成兩個幾星期仲未有堂可以補!
即係想點?都唔知呢間學校想點!一向都覺得呢間學校冇交帶!
起初收到要補咩課果張野又話叫自己問幾時有堂補課,
問左又咁樣,即係點樣呢???
難道私校就係咁樣?真的想快點畢業!
一向都唔鍾意絛交帶,拖得就拖既感覺!
12點多少少就返到大埔!落大雨........濕哂~
係灣仔走果時仲有太陽=__= 羅家良仲話佢屋企果邊有太陽......
返到家都係hea下,上網,搵下資料!但係搵唔到/_\
仲想上網搵下有冇小丑既來源果渣!~
TOTO打0黎,話晏D出去!0岩0岩睇完醫生,
佢又胃痛果D.......飲多D水啦~呢期食D清D野呀記得!
唔好再諗衰3年啦!你有野我都有野啦~
排隊係我0地後面果渣人都有野啦咁!
之後打算睇漫畫,點知又訓著左,一訓係張床度就好易訓著,我指下晏!
一訓就訓左兩粒鐘,好有滿足感!收到邱富MSN,
起身hea到5點幾先再收到TOTO電,佢0岩0岩訓醒!
最終都係冇出去~never mind啦~
夜晚都係上下網,傾電傾到點幾訓覺~

>>May 20, 2005 at 11:51:26 AM GMT+8

2005 年 5 月 18 日 星期三 【雨】

2005 年 5 月 17 日 星期二 【晴】

呢兩朝邱富都有SMS俾我叫我起身!THX~
如常咁既時間出門口,但今日又冇塞車喎!~
So 8點6,7個字左去到灣仔!GOOD~~~
今堂上電腦堂D野唔算難!仲跟得到!好!!!好呀~!!!
小葵今日送左禮物俾亞倩,哈~!一個好可愛包裝既condom!
士多啤梨味!個包裝好似普通既糖咁!不過我估到小葵叫估既話都係呢D野0家啦!嘿.....
估唔到今年亞倩收生日禮物又有t-back又有condom呀!
我真係未試過收呢D!不過收到會覺得攪笑,so係開心既~!
好快落堂,今日冇同亞倩,小葵食早餐!羅家良今日都係冇返學!
陪邱富見感化官!等左好耐下.....不過見就見得好快!
差唔多12點送我搭車!佢搵亞星佢0地食野同上猩猩家做埋K.K份功課!
K.K份功課仲未做添=.= 今朝仲見到K.K返左0黎.....
亞倩話下星期一交喎!~咁我聽日要準備下啦~
而我返到大埔同亞媽,兩個家姐,仲有卿E飲茶!
期間亞lin有打俾我傾左兩句~條友lunch time喎!
不過佢女朋友打俾佢就即收線~
我知佢同亞屎fd既程度係日日通電,又上大家既屋企食飯!
可能我係亞屎既fd,佢打俾我,都算正常掛=.="?
兩點左右飲完再行陣!買埋做功課既硬卡紙果渣!
Then去左姐姐度睇衫!買左件背心,不過件背心係要襯衫係入面,因為穿窿的!
跟住去左睇漫畫~租左NANA >3< LOVE~~
行到家樓下,第2果個仲撩我買candy d野食,shit!唔買啦=___=
食少D...食少D...食少D......
我最少都要keep番90磅囉=.=
返到家都係hea下聽歌仔!睇漫畫~!
好眼訓...最終又訓左晏覺!原本又話唔訓,但係周公係咁急call,冇法~
又有冇來電電話打0黎,今次聽左,一聽對方即cut線!Holy FUCK~~~!!
食完飯冇耐邱富就打0黎,傾左幾句再hea陣就洗白白~
今晚有開冷氣食飯,GOOD!~終於開廳冷氣了!
洗完白白打俾TOTO,佢出去睇< 早熟 >喎!明天放假....
之後整埋本簿,其實都唔係咁難整......但係整得唔係咁好,不過都用得!
傾電話......點幾左右先訓~
今晚係咁閃電呀!但係又唔見落雨喎!But我知九龍,HK區果邊落到狗屎!

>>May 19, 2005 at 4:28:50 AM GMT+8

2005 年 5 月 16 日 星期一 【酷熱】

今朝起身覺得好似冇訓過咁,琴晚3點幾先訓....累呢~
又有少少塞車!好彩返到去仲簽到名!不過已經有人幫我簽左,
原來係亞倩幫我簽^-^
今堂亞sir幫我0地分左3組,同隔離班混埋一齊!傾Big HK Event!
亞星係我0地果組唯一一個男仔,有佢條友係度就覺得好爆笑~
世傑果組有d抄我0地既~到出0黎講我0地討論出0黎既結果...
我0地兩組都好爆笑,世傑果組爆笑D!好鬼白痴呀!嘿嘿嘿.......
咩野單腳企係避雷針呀~好爆笑!但係kid下都好,開心下^-^
亞倩佢0地果組就正經D!好快又落堂,小葵今日有返學!So一齊食早餐!
反而羅家良今日冇返喎!~
食完早餐之後陪邱富續借左書之後再陪佢食野!
食完去官塘運輸署攪埋架車D野~
攪掂好哂去番佢泊車果個地方,wo~~~第1次坐佢車,
佢始終係新牌,so見佢好似好驚咁=__=" 唔夠膽開得快!
其實我覺得渣車真係睇夠唔夠膽!同埋渣多幾次熟手左就唔同0家啦~
唔知我有冇機會考車牌呢?
不過架車我覺得好似好多野要攪下=_="
個安全帶好有問題!起初我0地唔識點樣開冷氣,佢同d fds研究都唔識!
咁要俾架車個師夫check下,最終師夫係度先開到冷氣...熱左幾耐呀/_\
師夫手車好爆下=___=.....佢渣得好快......轉灣位都行80米!真係勁=.=
行公路咁...我覺得好似搵命博咁囉~
3點幾終於攪掂好哂D野,then打的返邱富家!
跟住睇埋上次隻碟,磅重...shit!!!仲係咁重!點算/_\........
之後大約6點幾左右就走人~
搭小巴落官塘時亞lin打俾我!唔知點解佢呢個月又搵番我!
不過每次都係佢打俾我的!Anyway同佢只係普通朋友~
搭74X係鑽石山之前果個站停左好耐,前面架bus唔行!
起碼停左兩,三個字囉~都唔明點解個司機唔肯行第2條線走!
有D人燥哂喎!其中一個仲好大聲咁屌9個司機!
8點多少少先返到家=_____= 由藍田返到大埔一共用左粒半鐘呀!
食完飯之後hea左陣先洗白白,而家我冇食完飯即刻洗白白0家啦~
連我亞媽都話食完飯即沖涼唔好喎~
亞倩今晚ICQ同我講今朝我好似燥燥地...
其實我都唔知今朝仲咩事,但係我都覺得自己硬係有D野咁,只係唔知咩野0者~!
之前TOTO都講過我唔出聲既樣好串,好似燥哂咁!
不過今朝我真係冇燥到!可能係琴晚太多野諗...
訓唔著,攪到D情緒有少少問題!Anyway sorry今朝令< 你 >唔知點咁呀~!
傾電話傾到12點左右就收線,好眼訓=_________=。。。
12點幾就訓著了!~GOOD!~KEEP ON!~


>>August 7, 2005 at 10:28:47 AM GMT+8

2005 年 5 月 15 日 星期日 【晴】


愛/喜歡/鍾意/好感的分別
愛
只會得一個 , 他能使你全心奉獻 , 而且 , 他的地位是任何人都不能取替的 !
你的思想 , 行為 , 喜好 都會受到他的影響, 他的喜怒哀樂也等於你的喜怒哀樂 .
每一分每一刻你都想與他一起 , 日思夜想的主角都是他 .
失去了他 , 會傷心得肝腸寸斷 , 痛徹心脾 , 整個人就像只剩下一個軀殼 .

喜歡
只會得三數個 , 他們都能牽動你的情緒 , 不過卻不會對你造成太大的傷害.
你會十分欣賞這個人, 會留意他的一舉一動 , 在乎他對你的感覺 .
很多時候都會想起他 , 會想到他能否成為你的情人 .
若失去他 , 會感到幻得幻失 , 有隱隱作痛的感覺 .

鍾意
可以有好多個人 , 你會被他們的某一部份吸引 , 可以發展成知己或是情人 .
你會欣賞他某方面的才華或優點 , 就如鍾意任何一樣物品 , 如洋娃娃, 小飾物, 衣服等 .
你不會常常想起他 , 亦沒有一定想擁有他的念頭 , 但會是個你鍾意和他傾談的人.
假如失去了他 , 會有點可惜的感覺 ...

好感
任何一個人都可以 , 這只是發展感情的首要因素 .
你對他不需要十分認識 , 他只是一個你不會討厭的人 , 可以成為朋友的人 .
沒事的時候可能不會想起他 , 亦不會想到將來和他發展成怎樣的事情 ,
失去了也不會有甚麼特別的感覺 ...


>>August 7, 2005 at 10:29:45 AM GMT+8