2005 年 3 月 14 日 星期一 【颳風】

Come Back Later ...... Please Wait !!!<----呢句係羅家良打的!
唔該哂~因為我驚個網會被cut!真係唔該哂呀~!
今朝冇番訓,勁呀>0< !!!但係我勁唔夠訓囉~!琴晚又掛住聽絕情谷,
大果個又夜晚晚係度開哂燈睇書!SHIT!!!叫佢熄又唔肯,唯有順佢意.../_\
今日返學都遲0家!原本打俾羅家良,佢話今日返學0家ma,點知手提都冇開,即係唔返啦~
跟住打俾亞倩,好彩佢都幫到我簽,thx!~GOOD呀!好!!!
今日上Tommy堂,返到去都係上色果渣~塊牛油紙整到隻手,好彩冇流血,
唔係D粉入哂去囉=.=""" 小葵今日都係冇返,今日都唔多人返學!
原本今日上堂做果份要今日交的,但係我0地好多人都做唔切,
一班人用亞Qiu既乾粉彩,so又要等人0地用完先可以用咁,一定唔夠時間啦~
So下堂一定要交到!好快又落堂,之後同亞倩食野啦~
原本邱富過0黎灣仔,但最終佢係官塘等我,因為佢話可以拎部腦啦喎!~
咁我食完野就搭MTR過去!我唔知佢係度白等0家=.="
我仲慢吞吞...估唔到佢等左我半粒鐘=.=" 勁唔好意思!~
跟住去中銀入錢俾佢朋友~部腦攪左$3950!
之後我0地上左猩猩家!WO~佢仲未訓醒!終於上到猩猩家,都好亂下~!比想像更亂~
但係佢間屋仔成大班人上去玩一定好好feel我覺得,好有< 六樓後座 >既感覺呀!
上猩猩家唔知攪部腦咩野,之後攪掂邱富又抬走!
我知部腦係好重0家=.=".....但係我幫唔到手~..........
之後我0地行去搭74X返大埔!係bus上我又講埋d kid野!覺得自己真係好kid!
以前kid him話我係kid霸!佢係kid王0者~!嘿...
抬到我家佢休息一陣就幫我裝,起初上唔到網0家,唔知攪攪下又上到喎~
佢都攪左成粒鐘,之後先去食野,佢成朝冇食過野!
3點幾先去食,但佢話去廁所,咁我就經過大B啦又,次次去都見到亞權!
又同佢吹左陣水~!跟住同邱富係bossini行左一個圈,
冇耐帶左佢係沙龍食,點知入到亞媽亞E果D係度,佢0地差唔多走!
亞媽走前仲俾左100蚊我,連埋佢張單一齊俾埋錢~
食完野就送邱富搭車!之後我都返家lu~
冇耐打番兩星期既日記,真係想死,打左我成3粒鐘=.="""
跟住又搵番D midi,整番背景音樂落個日記度!~GOOD~~
但係唔知點解硬係D圖成日都冇顯示到出0黎,呢個網...真係!~
算吧~搵日再攪攪!
訓得太少關係,睇0黎今晚要早D訓啦/_\"
PS:恭喜哂邱富!考到車牌~開心死啦!

>>March 16, 2005 at 6:18:36 AM GMT+8

2005 年 3 月 13 日 星期日 【陰】

今日同琴日一樣咁凍!今朝我又冇起到身返學,好似又慣左逢星期一唔返學咁!
其實今朝仲見有d頭痛咪唔返囉~(是籍口吧?)
10點幾起身俾亞媽屌到化~大致上都係話我唔返學哂錢果渣!
睇0黎今個星期要連返3日學了!唉~~~覺得自己真係懶爆!SHIT!!!
起身冇耐第2果個話整熱香餅,問我食唔食,整埋我果份!食完之後都冇咩心情,
因為一起身又俾亞媽小,so食完我又返入房!
而家返工又唔返,唔返工又唔係,唔知想點!又驚返左之後又好似以前咁樣返唔到學!
淨係返學下晏又好乏味!仲有一年,一年話長唔長話短唔短...
一年可以改變好多野!~算吧啦~諗咁多仲咩,諗0黎冇結果既野,再諗只會自尋煩惱,
何苦?(但我腦袋仍然不停想著=.=")
點幾左右佢話去亞叔家睇下謙謙!
下晏冇野做又寫下日記咁,點幾邱富打0黎問我整電腦果D野!
原本今日返學俾錢佢,但我又冇返學,佢聽日又要考車,我咪唔知點俾錢佢囉~
整番好電腦之後我要一次過將兩星期既日記打返落去!
兩點幾我就出番廳睇VCD,又係度煲番< 神!請結我多一點時間! >
終於睇哂~4點幾5點左右我打算拆左個電腦櫃,因為佢整果部新機係打直的,
唔再係以前咁樣打橫!點知拆唔到=.=" 攪左成粒鐘,亞媽幫手先得,
之後我就執下抹下個櫃,就係咁,攪左粒幾鐘=.="""
7點幾食飯啦又,之後沖涼睇TV,10點幾邱富打0黎,
佢對聽日考車好緊張呀~so 12點都未到佢就話收線訓l~
而我收線之後仲同兩位姊姊吹水~!1點左右羅家良SMS俾我,
大致上同我講叫我快D打日記,驚我日記俾人cut!其實我都驚呀~
但係我仲未有電腦用呀ma!~之後我就打番俾佢叫佢幫我求其打D野先!
大約兩點前就訓lu~!

>>March 18, 2005 at 4:02:49 AM GMT+8

2005 年 3 月 12 日 星期六 【雷雨】

今朝8點幾起身,累......果一刻真係唔多想起!大約9點10左右出去小巴站等亞媽佢0地!
出門口之前同第2果個嘈左幾句,佢條友話我著件衫紅色,屌~我件衫根本就唔係紅色,
係橙橙地色渣ma!~之後又話呢樣果樣,關佢撚事咩~!自己唔請假去拜山就唔好咁撚多野講啦!
去到小巴站見到亞媽佢0地買左D花!去到三門仔因為水漲關係,我0地要坐快艇去拜山果度!
wo~~型呀!!!但係今日好凍/_\ ,坐果時好大風,凍死啦~!
經過D魚排,好多狗,好惡下囉=.=" 到岸邊D水好清呀,如果而家係夏天就好!
去到目的地大家除草,攪掂好哂之後就開始上香果渣~
到尾升大家食左D野食,之後第3大舅母係佢亞媽度買左D爆竹!
佢0地居然放,wo~~~好大聲!!!其實我0地係犯緊法=.="
點幾左右我0地出番去三門仔,又因為水仲未退行唔到關係,
攪到要搭快艇啦又!又要凍,但係感覺好好!
我又係第2班人返番去!同舅父佢0地係海邊玩,D水真係好清,
大概我隻手好凍關係,掂D水都覺得D水係暖既,佢0地仲玩< 扁 >石!
哈~~~睇見佢0地真係好玩,亞媽話佢0地細個冇野玩就好鍾意玩!
返到三門仔我0地搭小巴出番大埔!去左京都飲茶,兩位台!
傾左幾多野下,因為成日都冇點食野,大約3點幾就走人,
原本得我同亞媽兩條友四圍行下,點知玲E叫我0地等埋,
咁亞婆係4月24生日,我0地要訂台食飯,京都果度當晚好多人擺酒,
我0地驚D菜唔係咁好食,於是去左迎囍度問下,點知迎囍當晚冇哂位,等番兩張台!
咁我0地就留左電話,如果有台既就call我0地咁樣,
之後我0地再行下,我去番heib度試番上次果條chevignon,
但係又俾我見到條3D咁樣,cutting怪怪地咁樣既,之後試左,發覺呢條試出0黎仲好,
而且我本身睇中果條有少少問題要第2間舖轉過0黎,
雖然我真係好鍾意果隻色,紫紫地幾特別,但係最終我都係買左有少少3D果條!
呢條$795 ,原本玲E又叫我唔好買,但係我冇理佢,最終買左,
之後我0地去左bauhaus度睇衫,玲E試左好耐囉~!佢試左好多條褲,
話想做埋VIP喎,因為佢之前儲落左D單!
跟住佢買左兩條牛仔褲,其中一條係levi's新出果條女裝褲,
差唔多1千蚊,都幾貴下,貴在於佢D水晶囉~!
而我買左件tough jeans既衫,係咩再造綿,試落幾舒服!買了~!
玲E又話我大駛囉,又係話我未出0黎做野就咁囉~!
講真果句,我唔通到老先買呢D衫咩?到大左有錢都買唔番而家呢個年紀既衫啦!~
基本上佢次次都係咁講!算了吧~!
見買開衫就問下如果張VIP過左期點樣再做番,
佢話張VIP當600蚊,一係就儲單2千2蚊,一係就一張單千4蚊就可以做番VIP!
咁我覺得都幾貴下~!係K-2想做番VIP只要買一件正價貨品就可以再做番VIP了!
baubaus仲要用得一年~!但係我又覺得張卡好型=.=" 因為係透明的,
so我過多半年左右都會再做番VIP!
行完之後就返家lu~今日冇做過功課!聽日要交的,但我做唔切!算了吧~
今晚原本打邊爐,但係老豆去到街市打返0黎又話冇咩野買,最終都係買野食返家!~=.="""
11點左右邱富打0黎,因為眼訓關係12點多少少就收線lu~!唉~~~今日有點兒頭痛!

>>March 15, 2005 at 12:29:37 PM GMT+8

2005 年 3 月 11 日 星期五 【雨】

今日成日都落住雨,燥哂!~今朝訓到11點幾起身,起身冇耐就煮野食,
成日都冇出街,大果個放假,病了!第2果個又話病病地!亞媽又話頭暈暈,
好驚下個到我囉~!成個下晏係度煲< 神!給我多一點時間! >
一set12集,睇左6集,仲打算一次過睇哂,但係睇唔哂,因為睇到第6集大果個好似唔係咁like!
最終冇睇落去啦~3點左右邱富打0黎問我整電腦d野!~
問我預幾錢咁樣!~之後同佢傾左陣電話,其實我連佢個fd都未見過!
我信得過邱富,應該冇問題掛~!
今日下晏係咁同JOJO SMS,次次佢send俾我先,我覆番佢就得,
我主動send俾佢就唔得!真慘!怪.....唔知咩問題!
But我打算月尾轉數碼通了,係半年之前已經想轉,但因為果時返工忙,冇時間攪!
因為爛橙收又收得差,大果個都係用數碼通,佢$138有2000分鐘,
我都好似係$138,但好似得千3分鐘左右!SHIT!!!!
今個月仲爆左分鐘添~!基本上期期都爆,今期爆得仲勁0者!~
而家邱富又係咁叫我轉,攪到我又再次想轉台了!
明天拜亞公,仲記得亞公走果個星期喊到仆街!
我明白人老左,要面對生老病死,冇人可以避得過,點都要面對現實!
而家做既就係盡一點孝心拜祭!
唉~~發覺自己18歲一事無成,唔知想點咁=.="
11點幾邱富打0黎,傾到點幾就收線lu~!

>>March 15, 2005 at 12:09:21 PM GMT+8

2005 年 3 月 10 日 星期四 【暴雨】

今朝又10點醒左!呢個星期都係咁!11點幾12點亞媽話落街食野!
食完同佢hea左陣,1點左右邱富打0黎話佢學完車,then差唔多鐘數就過去火車站接佢!
佢幫我買左本< 電腦廣場 >,之前精蟲話我屋企樓下有得買,點知都冇既~
跟住邱富話佢咁0岩買雜誌見到幫我買埋,so拎俾我!
而佢又未行過大埔,so同佢行下~!果本書我都唔知講咩野既=.=" 唉~
去到大中陪邱富食野先!~係紅蜻蜓食,仲見到有幾個女仔係度嘈果度D職員!
食完之後係大埔四圍行下,行到3點左右見冇野好行就去左沙田!
好耐都冇真正咁行下沙田,之後去左馬沙買朱古力拖肥糖食!
行下K-2,因為邱富睇中左衫,我想睇下係咩款~
見經開沙田,又知比得係59,so過左59搵比得傾左陣,
邱富係大埔同沙田果間baleno都俾d fans問野,以為佢係果度既sales,
因為佢企左係度等我!
佢條友成日食得一支煙,話想戒煙,但係好辛苦!
So去左7仔買,點知條友居然問佢夠18歲未,第1個人咁問佢夠18歲未~(佢講)
佢食完煙之後再四圍行下~之後我0地去左HMV睇下CD咁樣,
冇耐見冇野做就返家lu,佢送我到火車站就走人~!
唉~~~見鬼十3月24號上映呀~!我估我4月頭先可以睇!
原本搵精蟲砌機但係佢又話做功課忙,最終我搵左邱富個fd幫我砌!
我估3日後就有得上網玩電腦啦~!
10點幾邱富打0黎,傾到差唔多兩點先收線訓!

>>March 16, 2005 at 10:45:19 AM GMT+8

2005 年 3 月 9 日 星期三 【晴】

今朝知醒起身,但係訓得超少,兩點幾先訓著,3點幾同6點幾又醒過!
今日早左兩,3個字返到school,但當然仲係遲到啦~
上攝影堂好多時都唔知佢講咩野,今次都係!其實我已經有留心咁聽同睇0家啦~
落堂前又話唔知分組做功課!我0地一班一組,唉~~~都唔知點做!咩香港特色!好快又落堂,
我同亞倩兩條友食左個早餐,好快佢又返工!之後我慢慢落尖咀,四圍行,等ka yen!(我表姐)
其實我食完野已經打俾佢,佢條友果時話行緊去大中搭271,心諗:仆街,咁我咪等成粒鐘?
我一條友係尖咀等左佢9個字左右,差唔多12點佢先0黎到!
佢0黎之前一,兩分鐘有條友走0黎問卷果渣,起初都唔想理,
但之後見到佢張野係問咩野之後我就解答左佢既問題~
條友野當中又問我讀咩書,問完之後又讀到點樣果渣,之後我見亞yen 0黎左,
so我扮忙咁就走左!呢份問卷我好似年幾兩年前做過!
之後我0地去LCX,因為佢想買袋,最終買左個playboy袋!7蚊左右!
我係LCX睇中左件衫,但係又冇買到=.="唉~~~
買完之後我0地去左豐澤睇相機!因為佢要買上機,聽日返大陸玩喎~
睇中左部,但係決定返大埔果間分店先買!~
之後我0地搭MTR落MK,點知係尖咀MTR有條友走0黎問我參唔參加咩野model大賽咁樣!
起初我已經見到佢望過0黎,但係我以為我後面有人,佢0地搵朋友=.="
之後我又扮到好忙咁樣冇理到佢0地就走左lu~!
因為我知9成都係呃人!我唔想俾人呃呀=.="""
落MK最主要都係去果間新既韓國化妝品牌missha買甲油!
買完之後我0地搭72x返大埔,返到0黎都係兩點左右0者!~
上車冇耐冇啦啦收到一個唔熟識既電話,原來係wendy打0黎,
佢返左0黎HK好耐,而家係酒店買野,傾左about兩個字左右就收線,
唔知我0地幾個幾時先再約出0黎見面呢???
返到0黎大埔首先買整cake既野,之後買相機,再之後就買左車仔麵返家食!
原來整cake都唔難,可能因為果包粉已經放哂野落去,我0地只放蛋,水,同牛油,
其實我0地次序有少少問題!但係都整到出0黎,用左粒幾鐘整左兩舊,
都幾好食,係朱古力0黎0家=﹏= 我諗我下次整會整D朱古力粒落去^-^
6點左右亞yen走!之後我打算訓陣,但係同邱富SMS,冇耐佢又打0黎,
最終都冇訓到,7點幾食飯,好頭痛="=......大概唔夠訓關係吧!~
10點幾邱富打0黎,傾到12點幾收線lu~!

>>March 15, 2005 at 11:43:21 AM GMT+8

2005 年 3 月 8 日 星期二 【晴】

今朝又係冇返學呀!我有一個習慣,就係成日爬係度訓!
唔知係咪因為爬係度訓關係,攪到個肚唔舒服!於是冇起到身返學lu~
之後十點鐘醒左,但係床hea左成粒鐘先起身!11點起身疏洗冇耐亞媽話去飲茶,
第2果個今日放假,佢同亞媽去湊謙謙放學先,之後我攪掂好哂就行去京都搵佢0地!
時間攪得0岩0岩好,食左粒幾鐘就走!仲見到卿E佢同D亞太飲茶!
飲完謙謙又話去美國冒險樂園玩,原本係昌運果間既,
但係我話果間細,冇咩game,之後我0地行左去中中果間玩!
我夾公仔,公仔3次都夾唔到,算吧~!第2果個同謙謙玩左30蚊,換左winne the poor既間尺!
呢把細細把既間尺,咁就30蚊,出面買都係幾蚊0者~!
但係又少同謙謙去呢D地方玩,so算了吧~!
之後我0地大PK對面果間度睇chevignon D褲!唉~好想買我琴日睇中果條,
唔知點解呢期好似鍾意左chevignon D褲咁!耐唔耐就睇下~
睇完之後我0地去左大PK,謙謙買糖,我順便睇下搵唔搵到邱富講果隻洗頭水,
專for洗曲髮的,但係又係搵唔到,算了吧~!
第2果個同我0地行完大PK就出尖咀話買野,之後返到家我陪謙謙做功課!
要睇住佢做,佢填顏色真靚=.=" 但係呢D先有小朋友既味道ma!~
佢做完功課又要陪佢玩,其實佢仲有閱書未睇,佢返家亞爸亞媽會同佢睇0家啦~
因為英文0黎,廢事教錯佢=.="""
同佢玩左陣之後5點左右訓左陣...o......我太懶了!起身冇耐邱富SMS俾我!
冇耐佢話因為唔知點樣應我就打左俾我!因為我講左d好kid既野!
傾左冇耐就同第2果個落醉瓊樓搵位食飯,亞媽送謙謙返家!
我0地3條友食完之後去珊崎買包,我買左舊cake叫朱古力爆炸!YO~~~
但我估今晚都唔肚餓食0家啦=.=" 但係又覺得舊cake靚好似好好味咁,咪買囉~!
返家冇耐沖涼,之後又如常睇TV!11點幾左右邱富打0黎,傾到12點幾就收線lu~

>>March 15, 2005 at 11:27:44 AM GMT+8

2005 年 3 月 7 日 星期一 【晴】

今朝差少少唔知醒起身,我又翻訓,7點3起身,8點出門口!
出門口居然發現唔見左八達通!好彩出門口之前睇下係咪袋0者,
唔係上到車冇八達通又冇散銀都唔知點算了!最後係之前著過件褸抄番!
8點出門口點知8點半先去到火車站!返到school9點4,5啦~!慘....
上Tommy堂,我做左好少野,因為好遲返,介唔切D野!
今日女仔君好攪笑,冇啦啦見到亞星有百幾蚊係褲袋度,之後佢又話亞星有錢!
之後亞星就話咁都叫有錢呀?結婚好冇?隔左一陣女仔君冇啦啦叫亞星做老公!
攪到亞星O哂咀!我又係咁叫亞星應番女仔君!嘿........笑到仆街!
之後佢0地又話咩做大定細,因為佢0地都有男女朋友!
好快放學,亞倩冇返,今日我0地冇一齊食早餐,羅家良佢返早,放學就走人,
小葵同我攪完學費單D野就走人lu~!又要增值八達通!今日我改搭KCR,
其實我一向都知同一日內使用八達通卡第2程有8折優惠!
但係有時想轉bus訓下,so有時搭bus有時搭KCR!
返到屋企,亞媽原來等我返0黎一齊食野,之後我0地去左迎囍飲茶,
叫埋亞婆3條友,等位果時見到JOJO 0岩0岩放lunch返家!見佢讀書真辛苦啦/_\"
努力呀JOJO~!我相信有付出就有收獲的!
飲茶果時我0地叫左OK多野食,因為太耐冇飲,好多野都想食,食唔哂=.="
飲茶都係4,5個人飲好好多!可以有多D野食簡!食完之後亞婆走先!
我同亞媽四圍行下!睇中左條褲,可惜冇我既size!
去到heib睇中條chevignon褲,可惜著得唔係咁好睇,但係我喜歡果隻色,
紫紫地色,好少有!~亞媽係果度買左條褲,百幾蚊,都幾平!因為折左!~
原本試左件外套,亞媽又話麻麻地,最終冇買到!
行到izzue,見番我上次係德福果間分店睇中果件,亞媽都話好睇,
但係要4百幾蚊,佢話貴,另外又睇中左件夏天衫,修身款,最終兩件都冇買,
因為佢話遲下一定有得平,叫我遲下先買/_\"
原本我一入到izzue就見到有頂帽,即試戴,但係亞媽又話我少戴帽,買帽不如買衫!
行到step睇波鞋,亞媽又話要買波鞋,最終我都買左對adidas,紅紅地色咁既~
平呀而家買波鞋,可能舊款關係吧!~但係本人都幾鍾意adidas~!
亞媽係果間睇唔中鞋,最終去左東華做果間買左對nike!
買完之後買mascara,再行到大廣陪亞媽拎鞋,佢之前拎左對鞋去整,
但係仲未拎得,冇耐就返家!返到家即穿鞋帶!攪掂好哂D野同邱富SMS左幾句就訓左陣!
7點左右起身,冇耐食飯,可惜D送唔係咁0岩胃口,食得唔多!
食完飯冇耐即沖涼,老豆返緊0黎,廢事沖沖下涼佢返到又話我用廁所果渣!
11點幾邱富打0黎,之後差唔多傾到1點先上床打算訓,冇耐TOTO打0黎,
佢話0岩0岩收工,今日借左去上水果間分店,行條路靜佢驚,so打俾我傾到返家!
傾完之後我就訓lu~!
唉~~~果想買izzue果兩件衫呀!夏天果件其實而家未特價我用VIP折左180蚊左右,
其實我覺得都ok呀~!遲下見到特價我一定買0家>"<
今日行街睇中衫褲都買唔到,慘........../_\

>>March 15, 2005 at 11:04:21 AM GMT+8

2005 年 3 月 6 日 星期日 【晴】

今日好似冇咁凍了!今朝冇返學!唔想返!我知有時D野唔係自己話唔想就可以咁樣!
宇起身就send左SMS俾邱富,因為佢今朝打左3次電話同一個SMS俾我=.="
so同佢say sorry!起身冇耐佢打左俾我傾左兩句就收線~1分鐘都冇JOJO打0黎訴苦!
大致上都係考試時間長辛苦關係!放心啦~過多兩個月都冇就可以重獲自由0家啦~
第2果個今日出糧,俾左零用我!唉~~~今日又係好悶,唔知想點!又自閉!
每個人都在忙碌!我呢?
下晏冇野做又執下間房啦~真係超無聊呢~但係而家間房已經冇之前咁亂!
執完之後又抄下VCD睇,抄到< 午夜凶玲續集之凶玲再現 >
悶到仆街!!!!!一D都唔恐怖,唔好睇!亞媽唔知係咪受我影響,佢下晏都抹下佢間房D野!
睇完VCD過後又係又聽歌!好悶呀!!!~聽日放學後又係冇野做0家啦~點算/_\"
夜晚屋企都有煮飯,11點幾邱富打俾我,之後傾到12點幾就收線,但係我成3點先訓得著!
因為下晏不覺而咁訓左陣=.="""

>>March 15, 2005 at 10:42:53 AM GMT+8

2005 年 3 月 5 日 星期六 【晴】

唉~~~呢兩日都係10點幾醒!今日10點幾就醒左!又想訓番,但係又訓唔到,
之後hea到10點幾起身,冇耐食野,起身冇耐已經收到邱富SMS!冇耐1點左右佢打0黎,
傾左陣,大果個返夜,亞媽又過左亞婆家,so成個下晏得一條友係家!
TV冇野睇,悶.........!聽歌!唉~突然諗起自己好耐冇買牌子野,以前返工都ok追求!
而家冇工返,想買既又買唔到!但係而家最想買既係westwood耳環呀>0<"
唉!~~~好多野食買,化妝袋,underground鞋,GUCCI袋,算吧~GUCCI袋都唔知幾耐先可以買到!
之後係SOGO睇到個幾好,斜咩的!~4千幾5千吧~!
但係我估我想買既野都未必有得買,因為遲下買電腦,買完電腦又想遲下買數碼相機!
下晏邱富打0黎傾左陣電話!佢踢波,之後收線!
老豆今日好早返,返到0黎冇耐就訓,7點幾食飯,食完飯之後沖涼< 呼 >mask!
Then睇< 掌門人 >,笑到仆街!!!哈哈~睇完冇野好睇又返入房,搽甲油!唉~~~悶!
今晚好似好凍咁!又話聽日暖番,都唔知係咪0家!好怕凍呀~~~
11點幾邱富打0黎傾到成點先收線!今晚......好唔想訓呀!

>>March 15, 2005 at 10:35:03 AM GMT+8