2005 年 1 月 23 日 星期日 【晴】

今朝結果冇起到身返學!但我明天必定返~
因為我打算今個星期一定返多D!今個星期係新堂ma!
起身冇耐大果個同佢個fd落街買野食,順便買埋我果份,佢個fd琴晚0黎左訓=__="
大果個仲買左<< 亞孖有難 >>返0黎!成套戲都係打打殺殺,好似唔係咁好睇,
原本仲以為有亞sa既戲會好好睇添~!
睇完都4點,之後上網,上左兩粒鐘,之後又係hea!~
彬係icq add我,知佢聽日返早,6點9起身,叫左佢聽日7點call我起身返學!
哈~我估聽日都返到學,但係當然一定遲下,係遲幾多0者~
冇野做就織頸巾,琴日已經織好自己果條,而家織條俾堂細佬!
8點左右老豆買埋野食返0黎!而家9點冇左< 皆大歡喜 >,好似唔知點咁,
可能睇左咁耐,呢半粒鐘用0黎hea下睇都幾好,
而家仲睇果套咩韓片,一向都好憎睇韓片0家啦!
跟住夜晚又ICQ啦,點知亞lin發我脾氣!真係激死呀.\ /.
佢都幾大男人,同埋覺得自己冇問題~!佢話我有問題就得,
但係我話佢有問題居然發脾氣,仲off埋!
我都好耐冇發過d fds脾氣!佢條友成日講野勁直,講野又覺得自己係0岩哂咁,
都唔聽人講野既~!我覺得每個人一定會有唔0岩既時候~唔係個個講野都0岩0家!
有時都要聽下人0地意見0家!
咩男人0黎0家!?off-line冇品.\ /.凸 FUCK!!!
佢off左冇耐我都冇玩ICQ了!之後返入房織頸巾!

>>January 24, 2005 at 3:15:05 PM GMT+8

2005 年 1 月 22 日 星期六 【晴】

今日俾亞lin電話嘈醒,11點半左右起身,
琴日我4點幾先訓,真係好眼訓!琴晚第2果個係度畫漫畫!
唔知咩今日交果D~!攪到我成晚冇覺好訓!
跟住起身冇耐又on-line!因為見到TOTO on先on,叫佢send埋上次聖誕節D相俾我~
影左好少渣!跟住就post上網!又開左個新既相簿,因為之前果個放唔哂D相!
而家一共有7本相簿啦~!未計以前放中學果D相既相簿!
新相簿網址係:http://hk.pg.photos.yahoo.com/ph/luen_lolita/my_photos
下晏成日留左係家,拎左< 見鬼 >出0黎睇,睇睇下我好耐之前畫既油畫架成個跌左落0黎!
第1次跌已經扶番好,點知又跌多次!攪到仲爆左樽!!!
亞媽就即走出0黎問咩事,之後又小9我!係咪痴撚線0家!?
大風自己跌落0黎!跟住又話拋左我個油畫架!果一刻真係火都0黎埋!
同佢嘈左一輪,之後仲一條友係度嘈!痴9線!!!!!
佢今日成日都唔知仲咩春!少少事係度嘈哂~!果一刻真係想< lin >死佢=.=凸
真係好鬼惡頂!!!!!!我今日心情差到爆炸.\ /.
我忍左佢好撚耐!成撚日係度嘈,都唔知嘈咩春!?
個個都忍佢氣,聽佢係度話唔出聲!可以點???
夜晚食完飯又係度嘈!都唔知嘈咩春!真係想一巴Q佢!
但係我0地成家都冇出聲囉~可以點呀!但係真係忍到好Q辛苦!!!!!
平時問佢野勁無禮貌!成撚日唔應人,再問多兩句就係度嘈!痴Q線!唔係佢癲係我癲囉~
一向都超少同佢嘈,佢就一條友係度嘈生哂~!真係忍得好辛苦!!!!!
老豆又係,放左工返屋企就咩野都唔做,返工辛苦唔做野都正常!
但係有咩理由拎啤酒,拎呢樣果樣都次次都係我幫佢拎先得0家?!
有手有腳點解唔自己拎呀?間屋又唔係大!!!呢D唔係我食,唔係我飲0家!仲咩事要我拎呀???
我真係受夠啦!!!!!!!!!!!!!!!!!!!
跟住夜晚玩玩下ICQ同邱富傾左陣電話~!
邱富同我傾,佢話我唔讀會後悔,話我唔試又點知得唔得!
其實我已經set左target俾自己0家啦~打算係呢一個月內睇下改唔改到!
如果到3月前仲係改唔到,我會放棄~跟住邱富當然話講冇用,要做!
話我聽日返唔到學,星期二朝早會打爆我機!
其實個問題係睇自己0者,其實人0地叫唔叫冇關係,起身其實多數都起到,一定會醒一醒!
只係有冇心去返學0者~!
大約12點前傾完,跟住又同亞lin sms,
大約到兩點幾先訓,果時我已經好眼訓,因為訓得少.....大約訓左5,6粒鐘起身~!
可能而家慣左最少訓8粒鐘起身吧!?

>>January 24, 2005 at 3:06:08 PM GMT+8

2005 年 1 月 21 日 星期五 【晴】

今朝都係早起唔到...原本都打算唔去出回鄉卡0家啦~!但係又俾人小!
之後點半左右咪出左去大埔墟囉=.=" 屋企果邊行去又遠喎~!So先好唔想出...
原本打算星期一放學搭車返0黎經過去出,但係佢0地又話到時又未必可以係新年之前拎到喎!
同大果個一齊去,佢順便拎埋張回鄉卡!點知去到先知原來要帶埋舊果本回鄉証先可以拎新!
So佢就打俾亞媽叫亞媽拎0黎!出回鄉卡好快!兩,三個字攪掂!係果度影埋相!
睇埋之前果張卡,o.........好核突呀!勁樣衰,而家影果D好似貼紙相咁,幾好喎影得!
個樣對比之前當然係大個左啦~!
亞媽打的0黎,因為佢一向都行得慢,兩點半左右就走人~!
之後先去食野,我0地去左食pizza下午茶!果個批好細,好攪野~!我0地叫左好少野食,都夠食!
食完之後我就同亞媽行陣,大果個就返家先~
跟住亞媽買左對鞋,我就冇野睇0岩!只係見到個龍貓咕o臣~好想買呀>﹏<
100蚊,但係而家要慳D駛,so唔可以亂買野/_\ 如果係有工返我估我一早買左啦~!
亞媽都話得意!我一向都鍾意龍貓,基本上好多龍貓野都like 0家啦=.="
行行下亞媽又要去happy!咁咪等佢囉,等等下見番對面舖bossini果個同事,
一向同佢都有野講,佢問我調左去邊度做,我話我冇做,話讀書,佢以為我係full,
哈~其實我係一個好似full-time既part-time囉~基本上唔知個個都以為我係full.....
因為我咩野都做ma果時~!同埋次次執位我都係指人0地點樣執=.="""
唉~~~~~好懷念呀/_\...我知人唔可以成日往後看/_\" 但係真係好難~!
返到屋企樓下買左舊冷!點知...返到屋企先知唔見左最粗果支針!
FUCK!!!我係度諗緊借左俾邊個=___=凸
唉~~~買左果隻冷都冇得織!遲下先可以買支針,而家搵都搵唔番啦~又要哂錢去買!
咁原本自己有就唔駛買啦ma!
返到屋企都係上網,仲織緊之前果條頸巾,因為我織下唔織下咁!
而家都幾長,但係...仲有好多冷剩!So都唔知織到幾長好!又唔知整唔整so so好!
下星期起到貨0家啦~!我估下星期先可以織今日買果舊冷!今日買果舊係粗冷0黎既~
So應該唔會織得耐!~唉.....冇野做就係要搵呢d野0黎做下,都唔知為咩=.=".....成個家庭主婦咁!
夜晚都係屋企食飯,因為睇< 皆大歡喜 >所以9點先沖涼,點知又要睇< 十大 >
大果條仆街明知我要沖涼仲即刻入去開大>"< 攪到我唔可以早D出0黎睇< 十大 >,SHIT!!!
但係今年< 十大 >麻麻地好睇,拎獎既歌手0黎0黎去去都係果幾個,估都估到!
睇完之後就上網~!但係都冇咩點chat=____="

>>January 22, 2005 at 5:32:36 PM GMT+8

2005 年 1 月 20 日 星期四 【颳風】

今朝都係咁上下時間起身,即係都係咁晏起身囉~11點幾12點左右啦~!
起身之後又係冇野做,咁原本以為今日成日都留係屋企0家啦~
點知3點幾舅父打0黎話去亞婆度打邊爐!
見冇野做,又想打邊爐,下晏冇野做就睇VCD!
因為大果個琴日買左兩隻VCD返0黎!~下晏兩隻都睇哂~
<< 鬼馬狂想曲 >>同<< 低一點的天空 >>
<< 鬼馬狂想曲 >>我之前睇過,唔記得係去戲院睇定咩啦~!但係我覺得唔係咁好睇囉!~
6點半左右就同大果個行去,大果個而家放緊大假!但係我0地去左大中先,佢想睇鞋,
睇完先行去,原本佢係想買鞋的!去到亞婆家冇耐訕 3開始打邊爐啦,老豆8點先到!
隻PK個頭仲係咁大,可能因為天氣凍凍地,係咁痴住我,我一直坐係度,佢一直都係我隔離~
凍天攬住佢都幾好,但係佢一定抓爛我屋企張疏化,所以唔可以拎返屋企玩一兩日!
同舅父佢0地呢班親戚係幾好玩,起碼0岩傾過老豆果邊~!
或者老豆果D細佬妹比較有錢,職位又高,so唔多唔少都會有唔同!
傾起野上0黎都要好就住.....同埋一定會有少少階級0家啦~!
係亞婆度睇埋<< 佳大喜歡 >>之後9點半左右就走~!
亞婆住果邊一向好大風,幾凍下/_\"
其實我一直都唔係咁鍾意去亞婆屋企,因為佢屋企養貓狗,而且又唔乾淨,
so一向都怕去,但係今晚都ok多人去打邊爐,於是都有去到!
返到屋企又睇TV喎,So hea左陣先沖涼,沖完涼又睇過~!
冇耐就返入房整部衣車啦,攪唔掂,最終都係要搵亞媽0黎,嘿嘿...得左!!!
而家可以用得番~!太好了!!!早知搵亞媽攪啦=___="
整唔到我仲發脾氣=.=" 我太細路女了~!但係亞媽都容忍我幫我整,
諗番,自己都有唔0岩...可能因為我唔識呢d野,咪整極都整唔好囉~!
整好之後,跟住都係上網~聽日要去換張回鄉卡呀!
因為今年新年返碧桂園玩番晚,
佢0地成班親戚話返去< 錄 >齡,唱K,做mask,< 泵 >骨果D......
又話想去唔知邊度夜生活玩下!聽落節目都幾豐富!
雖然我唔知自己最終決定係咪真係去玩,
但係都出左先,因為本身果張都過左期!但係聽朝就要好早起身去玩啦/_\"

>>January 21, 2005 at 4:37:58 PM GMT+8

2005 年 1 月 19 日 星期三 【陰】

今日都係冇返學,而家我考慮緊讀唔讀落去好!同彬傾,佢叫我set target俾自己!
即係要盡快決定,唔係會拖得越耐~!基本上我返下唔返下,D野又追唔到,
同埋我覺得自己好似冇咩心讀咁!亞敏講得0岩,唔係一定讀完呢度先可以搵到咁既人工!
再加上,我已經浪費左一年多既時間,而家唔想又浪費多一年!
佢知我一定唔捨得,但係而家唔係話捨唔捨得既問題!基本上小學,中學,都有離合,都唔捨得!
將來...會有更多野唔捨得!但係...我辭左baleno已經覺得後悔,
我唔想又多樣野後悔,so我真係要好好考慮清楚!雖然人生好多野都後悔,
但係我0地可以盡量減少後悔既機會~!
都有好幾個朋友叫我唔好讀,而有d朋友就話:唔係你話想唔讀就唔讀0家ma!
我唔多唔少係唔想讀,如果用果一年時間讀,倒不如係呢一年時間返工,
希望可以升職加薪咁樣~!如果我讀完之後又要重頭0黎過去做野!果時...我都差唔多廿歲!
雖然話而家細,雖然話人生中有好多時間係哂左!但係我都唔想將D時間白白流走~
其實可能呢D野只係講值唔值得!值既用多少少時間都覺得冇問題~
但係我覺得自己基本上讀完出0黎都唔知有冇張文憑,而且都未必可以搵到desgin呢行!
基於呢D原因,So...我決定左啦~
彬話幫我問下佢個fd果份文職,如果可以做既我會做,唔可以既我會讀落去!
新年啦~新年過後我要俾自己一個最後決定!
呢個決定係真係好重大!基本上係關於我將來行既路,我真係唔想行錯.....
今朝,我都係訓到好晏起身,起身食d野,裝身大約3點左右就同TOTO係大中行陣!
佢借相機俾我,再陪佢去姐姐度睇衫,褲,因為佢話試褲,
點知最終係我買褲,而唔係佢買,但係佢就訂左件衫囉~
我買左兩條短褲!兩條都喜歡~而且都少左行街買野啦!今次行完唔知會幾時先再買野~
可能下個月新年吧?但係我又要留番d錢電頭髮!都唔知點lu~!
等姐姐開門等左幾耐,四圍行下,仲見到東華!唔知點解見到佢,又覺得佢有少少討厭咁=.=.....
原來姐姐去左電頭髮!都幾好睇,電左6百幾蚊~!都ok啦~
去完姐姐度,買完褲就去左買絲襪,係TOTO買,佢話想買實色既黑色絲襪喎~!
買完冇耐就返家lu!~返到屋企都5點左右~!
但係屋企樓下等搭life果時有個男仔係咁望住我,我都已經望下佢0家啦~!
入左hoist我扮咩都見唔到,當我出hoist仲以為佢想跟住我!
因為我出果時佢好貼住我果隻,一出我就即勁快手門口=.="
我屋企一出門口就係life口!佢完全係hoist門口想出咁樣!果彩佢冇出,搭上去......
講真,得3條友,另外果個係9樓就出左!都好多位企!得番我同佢兩條友,又唔係迫!
果一刻都幾驚!佢D眼神好嘔心.................=______= so我唔夠膽望!
今晚都係得我同亞媽兩個食飯~!夜晚又係睇TV同上網...
咁冇野做又係度學下車野啦,點知我部衣車起珠/_\.....點解救?
11點左右亞屎打0黎!同佢傾左成粒鐘先收線~可能少傾電話,都幾多野傾~!
PS:今日成日都想落雨想落咁.....=__________=

>>January 20, 2005 at 4:28:25 PM GMT+8

2005 年 1 月 18 日 星期二 【陰】

今朝真係冇返學,琴晚同亞敏傾電話,都好耐冇見佢!同佢傾到點幾左右,
而我就大約兩點幾3點左右就訓左~!
今朝居然訓到1點先起身!可能琴日返學訓得太少,下晏又冇訓覺掛!~
起身冇耐亞媽帶左駿仔0黎,佢今日返去覆診ma!
原本亞媽打算3點左右就帶番佢返屋企,但係佢又唔想返住,
話睇埋電視先!結果佢老豆放工就約左亞媽係屋企附近接駿仔返家!
下晏同佢玩電腦!係度玩D game,佢話悶,但係佢又冇帶到龍騎0黎玩,
原本佢覆完診就返左家帶過0黎我屋企玩,但係亞媽又話佢返左屋企就唔會過0黎!
結果咪冇帶到囉~!今日都真係好悶...如果謙謙係度既話一定會冇咁悶,
因為佢係爆多野講,冇時停!
4點幾果時JOJO打0黎問我返唔返到沙田michel rene!
今個星期6,日同下星期6,日!但係我下星期已經要返柏寧michel rene!
So我下星期一定返唔到!咁佢4日要用人,冇可能兩日我返,兩日第二個返0家ma!
因為沙田果間都搵唔到人返,JOJO又要補課返唔到!
我估應該唔駛我返掛~同佢傾左幾句就收線啦~
亞lin今日都有打俾我,基本上佢日日都打俾我,又基本上我又成日唔聽佢電話,
當然我耐唔耐都有聽!同佢都幾多野講,次次傾都傾得幾耐下~
但係我今日一次都冇聽佢電話...
跟住夜晚ICQ到點幾~因為要send番合約俾羅家良!
但係開極都開唔到!原來又唔知用咩方法save咁~!最終佢都開到0黎睇!太好~
又掛住chat~!因為...係度諗讀定唔讀呢個問題!
大約兩點幾3點就訓lu~
PS:今日係駿仔生日!!!

>>January 20, 2005 at 11:37:41 AM GMT+8

2005 年 1 月 17 日 星期一 【颳風】

今日已經暖左好多!但係我都著尊領衫出街~!因為我太怕凍了...
遲左少少起身,8點多少少先出門口,去到火車站都差唔多8點半!
跟住到學校都成9點半~!我有打到俾亞倩,亞倩今日都遲左出門口,
So...我,亞倩都簽唔到名/_\...
返到去亞星話佢都係早左兩,三分鐘返到!即係佢早我一班車左右掛~
佢都簽唔到!但係又扮簽到喎~!=.=...基本上都係吹水堂!
有亞星係度就一定覺得好爆笑~!佢今日講D野真係好攪野~!
佢冇啦啦拎左個摺左既紙袋出0黎問我0地知唔知咩0黎!
哈~佢居然將個紙袋當file咁用!個紙袋仲有條繩,真係超爆笑,係佢先諗到!
基本上呢堂我冇點上過,唔知係太知亞sir講緊咩~!有咩咪睇咩囉~!
講D字體學!D人真係勁,俾著我都未必可以將隻字諗咁多,諗點樣寫.....大概我真係要學下!
羅家良今日俾左佢要我幫佢打果份合約,都ok多字~!8頁!最遲星期四send番俾佢~
放左學之後去左食早餐啦,我都冇食到,只係度吹水,原本亞倩食0家!
點知佢話唔夠時間,返11點ma~果時已經10點8了!
跟住得番羅家良食,差唔多夠鐘亞倩就走,得番我同羅家良!
我0地傾到大約11點9左右先走~!行去搭MTR時見到女仔君,佢今日著得幾斯文,拎身份証喎!
但係佢見唔到咁.......=___=" 想say hi都冇,因為當我發覺佢果時係0岩0岩經過...
太眼訓關係,搭KCR訓著左,好彩仲識得落車,0岩0岩好~!
返到大埔冇去其他地方就返家lu!之後見有d餓就煮左野食~
食完冇耐就打字,打左兩頁半3點左右落街,去郵局寄野!好快就返家~基本上都冇地方去呀~
跟住冇耐又打過,7點左右食飯,食完飯又打,哈~!打哂~~~~GOOD!!!
而家仲差check下有冇錯漏0者~!
夜晚可以輕輕鬆鬆睇TV^-^
明天唔知返唔返學好,因為果堂英文堂返0黎都冇咩用,而且我又冇返咁多日,
聽日仲係最後一堂.....我寧願返星期四好過啦!~

>>January 18, 2005 at 12:38:09 PM GMT+8

2005 年 1 月 16 日 星期日 【颳風】

琴晚亞lin又打0黎,之後同佢傾電話傾到4點左右,而我就差唔多5點先訓得著!
都打算返學0家,較哂鬧鐘,點知8點鐘先醒一醒,唔知係咪自己啪熄左個鬧鐘定咩野~
攪到今日又冇返學,覺得自己真係好失敗!亞琳講得0岩,唔通傾電話比返學重要?
我唔想再拎籍口俾自己唔返學啦~就算病都可以返學0家!除非真係好病啦~!
我諗係讀書時期真係唔可以拍拖,唔係會分心~!基本上我唔係一個話一就話一,
話二就話二既人0黎,即係唔夠灑脫~我需要改變.....覺得自己真係好唔成熟...
今日成日都冇出街.....冇野做都係上網,冇耐就車左個lolita蝴蝶結手帶~!
第1次車,都ok滿意,個衣車成日起珠,攪到我最後都係用手縫,SHIT!!!!!
下晏michel rene打0黎問我29,30,4-8號返唔返到工,有工就當然返啦~
而且呢份工又返得咁少呀,唔係成日有得返!
冇耐JOJO send sms俾我話幫我問過我想電果隻幾錢,
之後我就打返俾佢,又過冇耐TOTO打0黎,佢話估到我會唔返學喎=___="唉~~~
到左7點就食飯!今晚亞媽都有煮飯!
夜晚睇緊TV時羅家良打0黎叫我幫佢手打8頁紙,有250蚊~
原本佢冇講250蚊都打算幫,因為而家都冇野做,跟住佢講有250蚊就更加幫啦!
打下字就有250蚊~我估都打得哂既~!
跟住12點左右我就返入房~!

>>January 18, 2005 at 12:33:51 PM GMT+8

2005 年 1 月 15 日 星期六 【乍雨乍晴】

琴晚都3點幾先訓,訓到今朝1點先起身,而家成日都好晏起身,唔知想點=___=
起身兩點左右先食野~跟住冇耐亞媽返到,買左D綠色一支支竹,有葉果D(我唔知果d叫咩!)
平時屋企都有放開,今次佢買左更綠更大既返0黎,真係嚇左幾跳~!
下晏都係上下網咁,而家好開心呀~!開心既係上網越0黎越識得多人著lolita~!GOOD GOOD!
紅格,豹紋,lolita,punk~like呀>3<
開始融入了自己的世界...傻傻的=____=
3點幾JOJO send sms俾我話佢電左頭髮啦,同佢傾左陣,
冇耐佢就send左佢0岩0岩電好頭髮既相俾我,都ok喎~!
而家考慮緊去唔去佢0岩0岩電完果間好,而且平少少.....
但係又驚果條友唔識電我想電果隻喎=.="
老豆今日都早左返,黃昏就返到,今晚屋企有煮飯,GOOD~
PS:討厭玩女既男人,即係唔尊重女性!!!

>>January 18, 2005 at 12:32:41 PM GMT+8

2005 年 1 月 14 日 星期五 【乍雨乍晴】

琴晚原本都打算訓,但係訓唔著,
其實今次係我自己唔想訓!跟住聽收音機,夜晚好多歌聽,感覺好舒服!
不知不覺,又望住個天,睇住個天光,7點先訓...
之後訓下醒下,仲聽到大果個今朝9點幾10點先返到屋企!大約1點左右起身!~
起身冇耐就煮野食,亞媽今日冇啦啦拎左我D公仔洗,洗左幾機!
而家D公仔乾淨哂~亞媽話而家北風易乾D先洗喎=.="
3點幾EVA打0黎,約一陣5點左右出去吹水,
其實係我想搵人傾下計0者~!等佢再打0黎途中就上網搵下歌,
因為想搵番D之前聽收音機好聽既好歌^-^
大約5點左右就出去,約左係大佰佳果個7仔等!
之後經過Baleno特價場,我都唔知仲有擺,仲以為收左場~!打左個突!
今日又冇帶con出街,仲未買浸con果d水...
penny一早見到我,我又見到一個好似penny咁既人既物體,
之後同佢傾左陣計,佢帶住個耳筒既物體,我話:而家帶呢D既?
佢就懶係型咁樣答我:扮FBI呀ma!
哈哈~其實講講下又幾似既~佢好攪笑~!
佢仲問我有冇上樓上睇,我話冇,原來今日開左啦!!!!!裝修完~!佢話好靚!
知約左EVA就好快走左啦我~唔記得講bye添=__="
之後搵EVA啦~!同佢上左Baleno,wo~!真係靚左好多喎!唔係咁核突啦個場!
仲見到javy!!!但係我扮見唔到佢呀~!佢都同緊亞瓊夾緊野!
個cashier而家放左係中間,其實之前都估到,如果俾我desgin都會放係中間!
個場咁大,放係中間會high d咁樣!(俾人感覺...)
我發夢都見到個場係咁樣呀~!又係cashier係中間!點知今日去真係!
其實之前聽話收音機講夢呢個話題,其實夢就係時空穿梭一樣!
夢境會見到將來或者係以前既野~!
見到Baleno多人都冇入去啦~!之後我0地就係大佰佳果邊坐左陣,傾左陣計,
冇耐見凍就返番入商場邊行邊講,bauhaus果D度行左陣!
因為果邊有幾間新開ma!bauhaus裝修得好靚呀~!幾特別!佢係木feel之外,
仲有D謎公咁樣!左穿右插咁!真係唔錯呀~!平時見到其他分店都係好普通既一間shop!
而家大埔多左好多野行!!!SO GOOD~~~
我0地四圍行,又去左買朱古力食,之後EVA又陪我去買浸con既水~!
大約7點左右就走人!今日同佢傾左好多野,又知佢呢期近況點樣~!
好耐都未試過咁樣同人傾計,感覺真舒服!又或者耐冇同EVA好好傾計吧~?
返家之前我就去左買飯返去!因為得我同亞媽兩條友食飯,煮飯都唔知煮咩,食唔哂~!
返到屋企都係7點幾0者!老豆今日收早左差唔多9點就返到0黎!
夜晚都係上網,JOJO又講電頭髮~攪到我又要煩電頭髮呢個問題,
因為我都打算電,只不過我驚個師夫又唔知我要電邊隻0者=__="
chat chat下又見到亞tal on-line!其實我真係好唔捨得50,掛住每一位...
同埋我覺得而家既我,個人太廢,好懶,真係要返下工先可以勤力d.....
我同佢講想返番去做,我又覺得好樣衰,
之後佢同我講亞pui都返番入去做啦,同左DM亞wing講,
只不過我驚javy不喜歡,驚唔俾我返番去做0者~!
同埋我返番去做,只想做5,6,日,唔駛返番以前咁多時間啦~!
但係最快我都要過左新年先可以講話返番去做囉~!
亞tal叫我搵javy講,一係同亞瓊講左先,同佢都唔係咁熟,點講喎/_\"
今晚唔知會唔會又太夜訓?琴晚我只不過放縱自己一晚...我都估唔到自己天光先訓~
都好耐未試過咁樣啦!我估今晚我會迫自己唔會太夜訓了!
因為我決定左聽日留係家做陣功課,星期一返學啦>"<

>>January 15, 2005 at 5:16:43 PM GMT+8