2005 年 5 月 15 日 星期日 【酷熱】

琴晚又如常發左好多夢,怪怪的.......
夢見返工.....太掛念嗎?
耐唔耐又諗起亞敏,掛念她呢......
佢係我第1個會攬住既女仔~!會兩條友勁kid,又可以傾D好正經既野!
收工兩個食宵夜,兩個一齊行返家,返工時經常兩個.....
哈~難道我愛上她?講下笑=.="
不過真係好掛念佢...但係我估我係佢心目中冇咩位置!
因為同佢都半年冇見,開頭都有聯絡,近呢3個月都冇了!
大家唔搵大家,我好想搵佢,每次拎起手提,想sms,但最終都係冇...
算吧~或者再遲下睇下點先啦/_\...
今朝11點先起身,收到邱富SMS就起身了!
12點幾TOTO打0黎話佢病了,估唔到經過玩一日佢就病了!
琴晚仲嘔0黎,慘慘..........其實我琴晚都覺得個胃唔多舒服!So咪話收線訓覺囉~
唔知係咪琴日食pizza定咩野,不過我今個月一定唔可以再食!太肥了~
發覺自己好似黑左,一到夏天我就好易黑,果D咁強烈既太陽!o......fuck!我太易黑了!
一係就一身古銅色囉~唔黑唔白唔知想點樣!永遠都是白好睇D!
前兩年黑左,好樣衰呢~!一白遮三醜ma!
今日好熱呢,整天留在家中都覺得好熱........
好眼訓,累.....唔知咩事=_=
冇野做都係聽歌,上網,同埋執下D衫~
之後冇野又訓著左...又熱喎!/_\
6點多邱富打0黎,醒了!唔想訓,其實我根本就唔想訓>"<
So感謝佢打俾我,起碼我會識醒!
亞倩有SMS俾我,但係夜晚我唔小心刪左>"<
亞媽入0黎話今日33度,o........shit!唔怪得我由起身果一刻已經熱足一日啦!
但係我又唔夠膽開冷氣,哂電,而家先5月幾,幾先得0黎7,8月呀?
每年屋企電費都好貴......廢事老豆又屌哂鬼!
剪唔剪頭髮好呀?剪左D頭髮咪一D直一D亂囉?
好想剪呀!D頭髮好多.....但係我想留番呢個長度,想剪層次D頭髮!
好耐冇剪過啦!又怕剪得核突,剪完D頭髮好直又要電?
點好?整定唔整???
起初又係我自己話要留到D頭髮咁厚,好啦,俾我自己留到咁厚又覺得夏天熱,想點?
夜晚上下網,聽歌~之後傾電話12點左右收線,但係...唔想訓!
今晚唔想訓呀/_\...........一0黎可能係因為訓左晏覺,二0黎唔知想點,
唔想訓...唔想....好多野諗="=
究竟.....讀書幾時完結?但係到左完結既時候又會唔捨得.........
人...總是感情動物!........又係呢句=.="

>>May 16, 2005 at 4:46:45 PM GMT+8

2005 年 5 月 15 日 星期日 【晴】

2005 年 5 月 14 日 星期六 【晴】


今朝9點3就起身,起身冇耐邱富就SMS我,
估唔到佢都咁早,原來佢以為果時係11點幾~=.="
咁我已經答2就出門口,打算去增值!已經早左一個字出門!打俾TOTO,
睇下佢出門口未,點知佢提一提我今日冇K17搭!
攪到我由富善增值完之後行番去大中搭K12!
如果我等71S果D既話就要等幾個字先一班!
之後就拉埋TOTO,叫佢係大中等埋我一齊搭K12去火車站~
咁係K12果個站經常有bus埋站咁,咁0岩有對失明人士落車,
原本佢0地明明唔係行我0地方向,點知行得ok快咁樣行左我0地k12果條隊!
我同TOTO勁避!我之前聽邱富講咩督到衰3年0家ma!
但係果個位真係好窄=.=.....我已經貼哂路牌廣告,而TOTO差D飛出馬路,
我0地都係避唔到!都係俾佢0地掃到!但係相信後面成班人都俾佢0地掃到!
我仲聽到其中一個失明人士講:E!?原來呢度係巴士站0黎!
事後同TOTO講,之後佢就驚!
最終都係遲左兩個字!跟住差唔多落車Wendy就打0黎,
TOTO又話唔聽,咁我就話我聽,屌屌佢先咁樣~
因為其實搭271會放便好多,一程過,而且行去都唔會咁遠,好似近d...
之後我屌啦,其實只係玩下,我係度吹水話最衰係佢,攪到我而家同TOTO要打的去火車站!嘿...
見Wendy火哂咁,咁我咪say sorry叫佢唔好嬲=.="
不過我都知Wendy一向都好易火既人0黎...
搭火車時我仲係度玩佢0地,high下佢0地肩頭,
話咩衰3年果D,跟住佢0地幾個又驚啦喎~!不過kiki都係最冷靜果個...
去到我0地行去格蘭green box唱k!勁耐冇kid過,好high~
居然跳哂咁唱,除哂鞋跳左係疏化度跳哂咁~嘿.........好癲呢!
突然覺得自己好似返番去以前中學咁kid,咁白痴...不過係開心既^-^
而且仲大談關於性既野!笑到我仆街!!!講玩4p,kiki咁都俾佢諗到!
做D動作真係攪笑~嘿嘿嘿.............
同埋佢唱歌把聲幾得!幾響下~唔錯呢~~~~
唱到3點就cut歌!So我0地去樓下間先跡岩飲野!坐左兩粒鐘左右~
果間野D服務真係好好囉~一入去到歡迎光臨,帶位果D都冇!
條仔淨係識得望住我0地!OK~never mind!
不過我又口快快講左:點解呢間冇人帶位既?
跟住我0地坐左一個冷氣機滴水既位,係果度先可以容納我0地!又冇其他位可以...
之後我0地就話冷氣機滴水,條仔居然啤哂唔like咁樣抹囉~
冇耐我0地見第2張台D人走左,我0地坐左過去~
叫野飲,條友又問野勁唔like咁囉!FUCK~!佢走左之後我0地就話咁既服務果渣!
點知原來係條仔幫我0地整野飲,咁我0地咪驚佢加料囉!~
係果度傾左好陣子,傾左好多野,又笑得大聲,俾人望添=___="
講講下又講埋D恐怖,鬼怪野,真係幾恐怖下,淨係講都驚驚=___="
之後我同TOTO又話想睇鬼影,決定左夜晚上Wendy定食飯加睇VCD!
因為佢家冇人,佢老豆點幾先返家!
飲完野我0地去左新港,Wendy又彈我bra帶,FUCK~!
不過我冇整番佢,覺得係街上面好樣衰呢~!果一刻幾多人望住=.= ,真係唔該哂佢!
係街上面仲見到一架幾攪野既車!果時有帶相機,So影左相!
行左陣我0地去左重慶行少少果個商場影貼紙相,
一蕭影左三部,其中一部影得超核突!好唔掂囉~
次次影個鏡頭都係頭上面,影唔哂我0地咁多個!20蚊真係識先好影,
好似我0地咁,唔識攪就真係唔好影=.=" 算吧啦~攪到成張唔要拋左!
係果度都攪左好陣子,過膠,果度果兩個女人又故住講野,唔點理我0地!
過膠又唔見佢整,咁TOTO咪打算自己整囉!點知俾果條女屌!
影完之後我0地搭271返大埔,因為租鬼影同埋買pizza上Wendy家!
Wendy又話要返家唔知晾衫執野果D,因為佢家係火車站果邊,so佢一條友搭火車返去!
返大埔我0地分頭行事,我同TOTO租碟買埋< 遮 >水,
因為唱K又大叫又嗌,又食pizza,喉嚨唔係咁舒服!而Iris同kiki去買pizza!
係pizza hut仲見到古仔,勁耐冇見佢,佢呢期賣電話PT喎!
其實都唔係好清楚佢,只知佢send過icq俾我賣電話果D!
今日見到佢問佢,佢又話係PT 0黎,怪怪地,唔知點講.....
打的去Wendy家,上去時又講我0地唔會陪佢咁夜走,
之後kiki講左d好攪笑既野,佢話媽咪話太夜走,D男人就會曳曳,身痕0家啦~
嘿.....今日已經講左幾次曳曳0家啦!~笑死..........
我0地未試過去佢家食野,分工合作,好似大家一齊住咁,
果一齊覺得好溫馨呢~咁我真係覺得係0家ma!佢0地又話我核突=.="
食完睇鬼影,好恐怖呀/_\ lisi佢睇到叫,佢叫我勁驚,攪到我又叫,TOTO見我叫佢又叫埋!
夾住Wendy佢就想走,話我0地係度叫,kiki就好冷靜!勁~!
因為驚睇睇下時會有人打0黎,so較左震機,攪到miss call添~sorry~
睇完10點多落去Wendy家樓下間BGW,佢條友話想買短褲!
最終都係唔0岩,咁我0地就行返家! 因為睇完鬼片,Iris驚,咁唯有陪佢行返家!
好遠下呢~熱...............不過never mind啦!因為都勁少係火車站行返家!夜晚行感覺特別!
而且仲見到幾多外國人,原來大埔墟係咁多外國人住!
我0地慢慢行,又傾左好多野~!好耐都未試過5條友同時間係度出街!
而且我都勁少星期日出去出面,不過尖咀都好D!如果係CWB同MK就真係勁多人!好辛苦!
行行下Iris提意傾多陣計先返去!但係都唔知可以搵邊度坐呀~
大埔墟我唔係太識邊度有地方坐下傾計!TOTO聽日又要返工,佢好累呢~
So最終都係走人,算吧~下次先........
行到大中見到東華同亞樹,東華應該係0岩0岩收工啦,亞樹仲係舖入面,
佢0地可以隔住個閘係度講野都得囉=.=......
但係收舖唔係好多野做既咩?
返到家即洗白白,太熱了~返入房開冷氣...
亞媽今日俾左度符我!而且銀包有兩度符=.="
電腦都冇玩就同邱富傾電!點幾收線,兩點多就訓了~
今日帶左相機都冇同佢0地影相添>"< 唔記得左.....
不過好彩有影貼紙相,大家又約定左遲個幾星期去食燒烤果D~GOOD!=﹏=
不過食完燒烤個食好臭呀/_\ So我估果日一定食完就返家...
覺得今天又係好滿足既一日,好充實呢~!我太易滿足了=___________=
不過同朋友kid下,就算只係傾計都已經覺得好開心~


>>August 7, 2005 at 10:30:38 AM GMT+8

2005 年 5 月 13 日 星期五 【晴】

今朝10點正就起身,因為應承左話去飲茶!今日老豆放假!
發覺同佢好耐冇飲茶!其實我係唔鍾意老豆煩0者!
不過老豆勁勁勁........少會話我!同埋佢有時講野又係kid既~
飲到12點幾就走人,老豆去剪髮,又留低左報紙俾我0地!
真係好唔鍾意佢咁樣!次次都係咁!如果次次都係我0地拎,咁不如佢唔好買啦~
Then同亞媽仲有亞E行陣,亞E行行下話去打牌,得番我同亞媽!
我睇左條hysteric布帶,但係折左都要5百幾蚊!咁我仲咩係度買?
跟住又見到亞樹返緊工,同佢傾左兩句~
條友仲係咁整我個頭!
之後去睇下levi's 4個骨果條褲,點知大埔果間話冇哂~算吧!
其實都只係俾亞媽睇下好唔好睇0者~
之後陪亞媽去welcome買送就返家!
返到家一直都有同邱富SMS,佢條友冇啦啦話今晚一齊食飯同佢媽媽!
起初都唔想去,但係佢講左好幾次,最終我都係去!
係家玩左陣電腦就搭車去官塘,係APM行左個圈就上左猩猩家!
訓左陣=____="........
期間sliver打俾我,但我冇打番俾佢!
因為根本冇野同佢傾=.=......同埋驚佢一陣又叫我幫佢影相咪PK!
6點幾就搭小巴去藍田,原本以為出街食,點知佢媽媽煮左飯!
其實我真係唔係咁好意思,因為我連朋友,都未上過佢0地家同佢0地家人食飯!
真係好唔慣,唔知點咁,同埋我咩野都冇準備!
兩手空空咁,更加唔知想點樣!
邱富講到佢亞媽煮野食好難食,其實都唔係呀~可以接受呀!識煮已經好好0家啦~
佢媽媽都幾好呀,冇咩野!但係煮飯就真係耐左少少.....
或者可能係我亞媽煮飯快掛~
同埋佢亞媽煲既湯都OK呀,苦瓜煲得唔苦呀,清清地咁!
我亞媽煲就苦啦!試過有次飲到我想死=.=" 佢條友仲話只係甘0者!
同埋佢媽媽成日扮打邱富咁,覺得幾攪笑,我屋企唔會有呢個情況出現!
9點左右就走人,邱富送我搭車~
走時仲見到佢所講既鬼仔,真係幾鬼仔下喎個樣,唔差,算係靚仔!
不過好高呀,我估有6尺!唔知RB高定佢高D啦!
返到家都係10點多少少0者~!因為我行得比較慢...
而家行路一邊講野就好易扯!
返到家就飲亞媽煲既湯,今日飲左兩次湯,好有滿足感>﹏<


>>May 16, 2005 at 11:31:21 AM GMT+8

2005 年 5 月 12 日 星期四 【晴】

今朝9點收到邱富SMS,原本打算起身.
打算最終訓到10點半起身,冇耐收到亞媽電,之後出去食早餐~
食完行左陣,謙謙今日冇返學,佢發燒!
又話買玩具!買完玩具之後亞媽帶佢返家,而我一條友行返家!
返到家冇野做,都係hea下傾下歌仔咁!悶呢~~
個個fd都返工,讀書呢度又唔同我0地講幾時先畢業!
幾時先讀完呢度!我根本咩野都唔知!唔知呢度要讀幾耐!FUCK!!!即係想點?
我知遲下出0黎返工有排我返!但係目前0黎講,有份PT做下都好!
因為生活真係好悶呢~日日都係行街咁,一係就係家hea!
返學時間又短!唔知想點!做功課都唔會日日做,亦都唔會無時無刻做囉~
夜晚洗白白時肥章打過0黎,佢勁耐冇搵過我啦!~
係最近先傾過一,兩次ICQ,MSN咁大把!
原來佢話搭車悶打俾我傾下計!
< 呼 >完mask之後如常ICQ,MSN,傾電話~兩點幾先訓...
PS:今日係黑色星期五

>>May 15, 2005 at 2:04:06 AM GMT+8

2005 年 5 月 11 日 星期三 【微雨】

今朝翻訓0黎,6點幾邱富SMS俾我,之後起身!
早左兩個字左右返到灣仔,架車行得幾快下,而且冇塞車!
返到去都係整下紙咁,係呢堂內諗整書既主題!
我諗左小丑!原本我唔記得左諗,要一時間諗,就只諗到呢個...
我估都幾難做,不過當俾個考驗自己吧!~
好快又落堂,同亞倩食早餐!羅家良佢要返工!
食食下邱富0黎到,佢都食~
亞倩走先返工,食完早餐之後我0地搭船去尖咀,好耐冇搭了!
我0地交換左袋咩!佢果個係背囊!
勁耐冇咩過,我估兩年幾!咩左即刻細個左好多=____=
冇咩必要我都唔咩背囊呀>"<
行尖咀行左陣,係海港城有show攪,見到李燦森呀!覺得佢幾型下~
森美真人好似肥少少咁!~睇左陣之後行page one!打算睇下有冇小丑既書!
原來成間得一本!而且仲要賣左!wo~~~咁就FUCK啦!
關於小丑既書係咁小=.=.........
去7仔買野飲時Wendy打0黎!約我星期日去睇戲,佢條友又串哂咀咁啦~
同佢傾左陣就收線!
邱富因為隻腳痛,咁叫佢返家休息下!
佢送我搭車,點知又跟埋我上車=___="
結果同左我返0黎大埔,返到大埔都係兩點7 0者!
結果我題左一個主意!就係去海濱!勁耐冇去,邱富又未去過~
點知咁熱=__= ,仲有太陽添!曬黑呢...
仲以為今日陰陰天冇咁熱,覺得幾焗下!
下次都係簡番夜晚,黃昏去仲好,
以前都好少可下晝入去的~好嚮往同成班朋友一齊入去kid下~
夜晚係回歸塔飲酒!不過我唔識飲酒=.=" 算吧~
係公園,長登度坐低傾計~
試過同yin唔開心踩單車入去吹風~GOOD~~~懷念!
行到半路我0地仲玩Tommy車,行到最盡頭hea左陣,
行返出0黎去7仔買野飲!之後送佢搭車!
而我就返家~行海濱,都幾多路下,累呢~~~
食飯前唔小心訓左半粒鐘~食完飯hea左陣洗白白!
ICQ,MSN同傾電話~收線後我又玩多陣電腦先訓~
今日唔知咩事,有三個唔識既人打0黎,一個冇來電的,我冇聽到呀~!

>>May 13, 2005 at 12:48:07 PM GMT+8

2005 年 5 月 10 日 星期二 【陰】

今日6點居然醒左一醒,見仲好眼訓,當然扯盡佢啦~
今日架車好暢順,8點7左右就到灣仔!
我差唔多到CWB先醒!呢期一有時間我就會訓得著,搭車又必會訓得著!
好似返工果時咁............唔知咩事=.="
上電腦堂唔係好明,跟唔切,so決定睇人點樣做,返家再自己研究下!
放左學之後如常食早餐!食完邱富送我搭車!
佢0地去猩猩家整埋K.K份功課!
我去到都冇野做0家啦,而且又成日眼訓呀~同埋多個女仔係度點都唔係咁好咁...
咁不如返家訓覺好過了~落車行到屋企樓下個天橋,
一入去,o.............FUCK!!!居然有個小朋友係度屙尿!我即刻行快幾步‧___‧
其實果邊離商場好近!係而家呢個年代,真係好有問題囉我覺得!
個大人應該有檢討下!要教導D小朋友點做囉~
返到家點幾訓~訓下醒下咁,收到好幾個電~
最後收到JOJO電就決定起身了!
之後邱富SMS俾我,我話我起左身,冇耐佢就打俾我傾左陣電話!
亞星果D係隔離,勁攪野!好傻呀~嘿............
冇野做就試下今日上電腦堂學既野,不過都唔係好識=.="
之後攪攪下我就上下網,睇小池既網!
我好似好耐冇上過呢D明星網,model網=.=" 亦都好耐冇講過靚仔~!
不過而家呢一刻覺得小池係幾靚仔,不得不去望望!
食完飯過後冇野做又攪下部腦,睇下photoshop點樣用!之前冇上過呢堂........
唯有得閒摸下啦~之後洗白白!
洗完白白又上網,then又摸下photoshop~
冇耐傾電話,1點多D訓~
PS:亞倩!生日快樂呀~

>>May 12, 2005 at 2:05:24 PM GMT+8

2005 年 5 月 10 日 星期二 【乍寒還暖】


小池 徹平(こいけ てっぺい)
1986年1月5日生まれ
大阪府
B型
167cm/54kg/26.5cm
原來佢得167cm高.....不過好多日本仔都係咁上下高度的~
還是喜歡影5cm既樣多D~
今日無聊上網搵的,
網址:http://www.jap.co.jp/teppei/index.html
有時間可以去睇下~
本人覺得佢幾靚仔!係用靚仔0黎形容!唔係平時講果D型喔~
大大眼的男孩子...

>>May 11, 2005 at 9:01:44 AM GMT+8

2005 年 5 月 9 日 星期一 【雨】

今朝原本唔打算帶遮出街,但係見到個天好陰,又有少少雨,
最終都係帶,去到灣仔仲落大雨添=___=" 下身濕哂~真辛苦!
基本上我一落街行去搭bus時已經水浸,果時已經攪到隻腳濕濕地!
今朝邱富居然6點幾起身,但係我7點幾先收到佢個SMS!
今堂要講解我0地剪出0黎既廣告!O.....fuck~唔知自己想講咩野,差得很!
落堂時派番我0地要補番貨既科目!得兩科,
基本上我覺得學校係求求其其囉~我根本就唔止兩科唔掂!
落堂之後如常同亞倩早餐!羅家良返工先~邱富都0黎埋!
食完之後仲係好大雨!陪邱富返家拎D野先,之後去官塘果個運輸處攪架車D野!
仲見到佢平時講開9底果個肥鋒!
等賣車俾佢果條友等左好耐,仲有太陽出=____=" 熱...
攪掂好哂就揸架車去唔知邊度擺住先,因為架車仲未有牌,唔揸得!
之後搭番bus去官塘!去APM 首先同佢0地去KFC食野,
自從上次同亞倩食完之後都冇食,基本上返工果時就一個月都有一次食!
而家好日都唔會食一次!之後去CK!買左underwear~
第1次同男仔一齊買,仲一齊簡!猩猩都係度~
之後陪猩猩去紙廠買紙!第1次去果D地方,
果度我覺得幾恐怖下,如果一個唔係咁夠膽行!
如果夜晚同睇完鬼片就更加唔會行囉~買完上左猩猩家!
次次上去佢度佢都係彈結他,好勁呢~佢仲彈左少少I FOR U,
希望下次能夠聽到佢彈哂成首啦~我覺得真係好聽呢=﹏=
可能睇過< 神!給我多一點時間 >先咁掛~
仲見到邱富話同猩猩似樣既亞B!見到猩猩同佢屌哂鬼真攪野!
仲扮想打,幾驚真係介到過0黎=.="　我唔想係塊面整多撻疤痕呀．＿．
Hea到6點多又見到傳說中既nike人!我第1眼見到佢呆左幾秒!
因為我覺得佢同亞樂有7成似...唔知係咪我果時冇戴眼鏡關係!睇野蒙蒙地...
冇耐邱富送我搭車,返到大埔係大中一條友9遊,原本打算買野食,但係唔知買咩/_\
最終返家爆左個公仔麵!因為屋企冇人,冇煮飯,
亞媽同老豆去左謙謙,駿仔個公公既喪禮!
洗完白白之後如常MSN,ICQ~傾電話!
差唔多1點就訓.......

>>May 11, 2005 at 4:36:56 AM GMT+8

2005 年 5 月 9 日 星期一 【雨】

命運就像強姦，你反抗不了，就要學習享受
工作就像輪姦，你不行別人就上
生活就像自慰，什麼都得靠自己雙手
學習就像叫雞，又要出錢又要出力
好朋友就像避孕套，時時刻刻都為你著想
更好的朋友就像偉哥，當你抬不起頭的時候給予你力量









4歲既時候唔尿床就代表成功!
12歲既時候有一大班朋友就代表成功!
20歲既時候有性伴侶就代表成功!
35歲既時候有一番事業就代表成功!
70歲既時候有一大班朋友就代表成功!
80歲既時候唔尿床就代表成功!
一生...就是如此........









呢D都係係人0地D板度見到同聽收音機,
只不過是虛構!不要盡信!
不過本人覺得幾攪野=.=+

>>May 10, 2005 at 2:27:08 PM GMT+8