2005 年 7 月 2 日 星期六 【晴】

今朝差唔多11點先起身,朝早又俾太陽曬住,真辛苦!
起身hea左陣,好慢咁make up,攪到12點先出門口,同亞媽去食野~
食完行左陣就返家!邱富搭0黎大埔搵我>3<
兩點幾出去搵佢,陪佢食野~
之後去左吉吉島買番我上次買左,食唔到既餅試食~
到4點3左右約埋亞媽,亞E搭車去醫院!
去到沙田買左少麵俾老豆,見到沙田有間食忌廉鬆餅,未試過,
於是買0黎食,食過,麻麻0者=_______= 一定唔會翻買!
去到老豆出0黎同我0地傾計,跟住我同邱富落去樓下7仔買野飲~
等到大果個成6點幾先0黎,叫佢買埋報紙0黎!
因為要返去亞婆家食飯,so我0地差唔多7點就走人~!而邱富搭bus返去!~
亞婆家好似有蚤咁=.=" 有貓狗,再加上亞婆打理屋企都幾唔乾淨下!~
亞婆而家整果D送好得,爆咸同勁多油!超健康!
下次都係要諗下先上唔上去食飯了‧___‧ 廢事哂佢咁多鹽油!
我0地睇埋掌門人就走~我一返到即沖涼,
因為覺得成身都好烏漕=.= 好唔舒服囉~!
沖完即SMS俾邱富~冇耐等佢打俾我,傾電話傾到1點多收線,
兩點前就訓著了~!

>>July 4, 2005 at 1:03:01 PM GMT+8

2005 年 7 月 1 日 星期五 【晴】

Wo~~~今日放晴呀!太好天了>﹏< 好喜歡!不過好熱.........
雖然我唔係太怕熱!但我唔可以企係太陽下曬,唔係好易暈!
一陣都會覺得暈暈地...太弱了!
朝早7點幾,8點幾,9點幾分別醒過!因為太陽曬到我!
原本打算9點幾起身,但係最終都冇,見仲好累眼訓,訓到10點3左右先起身~
10點半左右亞媽又話卿E話去京都飲茶!
跟住我換衫,make up果渣!~自己一條友過去,邱富SMS俾我都冇覆到佢,
落到樓先打俾佢傾左陣!我0地5個人都係食左八十幾蚊渣!好抵~
可能我0地食得唔多野掛~12點多D就走人,
之後去買日常用品!而我買左少少化妝用既野~!
仆街了!我真係要買化妝袋,基本好多化妝品都唔可以帶到出街!
但係我而家仲未睇中.........
之前搵TOTO幫我買既落妝綿,佢係買左,但係咁耐都冇俾我/_\
我頂唔順了,結果自己再買了!佢遲下俾我時,我都可以遲下先用,一定用得著的~!
跟住經過佐記,裝修完之後I.T左喎!
見到佢D背心100蚊3件~!買0黎打底!因為覺得佐記D質料都幾好~
買完就返家,亞媽訓陣,知佢累了~返到家冇耐邱富打0黎,傾左陣!
冇野做上網,打下日記!~冇耐TOTO打0黎問我出唔出去!
我要探老豆當然唔出去行啦~第2日先吧~!
3點幾4點走人,買左餅同包,約埋舅父搭車去醫院!
差唔多6點,三個大舅母,D亞E都0黎埋~!
攪到我排到好後先入去探老豆,同埋好快就要出0黎,
因為每次只可以入兩個人探病!
7點幾老豆行出0黎,同埋我0地成大班吹水,傾到8點多返番入去!
而我0地走人~成班一齊搭80k落沙田轉火車返大埔!
返到0黎大埔,原本去酒樓,但係最終我0地去大埔墟果間潮和興打冷!
Wo~~好耐冇食過呢D啦!幾好食喎!我0地叫左8個送,
又叫左野飲,飯,粥,麵等,都係3百一渣!抵!!!
食完我0地行返家~好耐未試過搭完火車唔轉bus返家了~
返到家等佢0地沖埋涼我先沖!
之後同邱富傾電,一傾就傾到差唔多兩點收線訓ZzzzzzZzzzZzZzZZZZz...................

>>July 3, 2005 at 2:24:57 PM GMT+8

2005 年 6 月 30 日 星期四 【乍寒還暖】

今朝7點9已起身,估唔到仲早過亞媽起身~~佢太累了,失眠.......
8點1左右女仔君打0黎問我今日駛唔駛返學,
因為李展輝之前話星期5調堂,其實係下星期5返先0岩!
聽佢把聲就知佢0岩0岩訓醒,好彩我醒左,唔係我一定勁蒙咁答佢!
跟住我8點4,5個字已攪掂好哂,不過等佢,到9點左右先出門口,
去到k巴站先記得今日紅日,冇得搭,結果行去搭71A!唔駛等好耐就有車~!
去到沙田火車站打的去醫院!
咁0岩老豆推左落去照!咁我同亞媽坐係出門等!
冇耐推番上0黎,見佢好冇心機咁!除左姑媽唔係度既時候,其他時候都冇見過老豆咁樣!
話佢冇咩野,照左冇野~冇胃潰瘍果D~!
之於出血可能因為佢平時食煙飲酒得勁,
而且老豆好鍾意一收工返0黎就食好多野,但係又唔食飯,
飲飽食醉就即返入房訓!咁樣好易攪到胃下垂!
同佢傾左兩句就推番入病房!而我同亞媽搭bus出番沙田火車站食野~
結果去左食味千拉麵,因為根本唔知食咩野!
而且蕃茄拉麵未食過,話食話食,都唔知講左幾耐!~見冇野好食,食了~
不過不失啦,可能我落左好多7味粉關係吧=.=
食完之後四圍行~!整個沙田主要既商場都俾我0地行哂~!
係bauhaus買左兩件衫~!見特價,平左幾多下!~
沙田果個M記開番,wo~~~爆多人!亞媽原本仲話想係M記坐下,
就算冇人我都唔去呀>︵< 除非冇地方去,等人就話!飲野食野打死都唔去!
除非我太耐冇食,好想食,同埋趕時間先食M記!冇咩必要都唔會去~!
之後去西田果邊間Mickey試果個boxing袋!我同邱富都覺得靚!
原本打算我試0岩就買,因為等邱富都可以用ma!我知佢喜歡~3百幾蚊唔貴呢!~
不過.........我次次試果D boxing袋都唔0岩我既>︵< 太大了!!!
亞媽又話見到個袋都見唔到個人又話我好似帶住個水泡出街!!!
太誇了吧=___=.....boxing袋係咁0家啦!~或者可能真係我咩得太大吧‧___‧
今日我0地買左隻海豚俾駿仔,因為一直搵都搵唔到,佢要個咀係尖尖地形既海豚!
終於搵到了!~D質地幾舒服呢~!又去左優之良品買左少少零食!
兩點幾去食左個tea!凍忌廉朱古力奶好好味!不過唔可以成日飲,肥死了~
好彩我都有個幾月冇飲過!食左個斑cake!正呀>﹏<
食完tea之後搭bus去醫院,係出面坐等到5點半探病時間!
亞媽唔係咁舒服,當然,訓得咁少,佢一向都唔夠血呀~!
去藥房買必利痛上車食,去到醫療之後佢訓左陣,
而我都想訓,但係D清潔亞姐出出入入,嘈=.="
跟住我就打機~!養下果3隻狗!期間邱富sms我,又話可能返工返埋夜,
又話咩搵朋友,so預佢唔會0黎...
到5點半左右入去,亞媽幫老豆抹臉果渣!之後hea陣邱富冇啦啦入左0黎,
嚇死,因為我估佢係唔0黎的!估唔到最終佢0黎左!
原來佢同我SMS時已經搭緊地鐵0黎0家啦>.< 驚嚇~!
冇耐同佢去7仔買野飲,佢食D野~!因為未食過野呀返工!慘慘...
返番上去,亞媽幫老豆洗頭!~亞媽真係細心!~一向都覺得佢係呢方面都係好媽媽!
雖然係煩左D!但係其實有邊個亞媽唔煩呀~唔煩,唔理即係代表唔關心0者~
就算我係咁諗,但係平時亞媽勁打俾我,我都會fuck哂~!
冇耐大果個0黎到,跟住我同邱富出去出面坐,
驚俾人話太多人唔得!之後大果個叫我落去買雜誌!
買完返上去榮叔同姑姐都0黎左探老豆,我,邱富,同大果個見咁多人,都出左去hea~!
8點左右走人!邱富陪埋我0地等bus先去等bus走~
返到大埔買野食返家,因為welcome有9折,而且我0地又有野食想買!
結果大果個幫手買野食,而我同亞媽去左welcome掃貨~!
買左好多野~!幾袋!等俾錢等左幾耐下!返家買完野hea先沖涼,< 呼 >埋mask!打俾邱富~
傾電傾到1點左右訓覺了~!好累...其實咁早起身又四圍走都真係幾累!
不過都冇以前返工咁累了~同埋而家發覺自己好似冇以前咁企得咁!以前可能返慣工,
十幾粒鐘唔係問題!頂多都係覺得疲倦不堪!
而家行得太耐會覺得有點兒腳痛!o...感覺好似返番初初做sales會企到腳痛!
咁樣唔得喎~一定行多D先得了!如果咁唔好彩將來做番sales咪PK!
老豆聽日終於可以食返野,兩日冇食過野啦佢!一直吊住D鹽水,營養水等!
不過估佢聽日都只可以食粥!
聽日下晏先入去探老豆,但係我同亞媽打算買D野俾佢食!~
唔知老豆幾時先出得院呢?
而家見到老豆老母開始老,我估我真係唔可以再咁落去,
要努力讀埋呢度,雖然我做D野出0黎唔係咁好,
但係我都想讀完呢度有人請,我想有高D人工,
想將來有自己屋企同埋家人都唔會為金錢而太過擔心!
我唔可以咁大駛,就算見到自己鍾意既野都唔可以亂買~!
遲下返番工,都唔可以好似以前咁,一鍾意就要買!唔可以,唔可以....
女仔貪靚買野都唔可以咁過份,唔可以,唔可以,唔可以........
將來返工時我要時常提醒自己!人0地唔可以下下提到我的~!
買牌子野都唔可以過份買!一個月買一樣貴少少既俾自己做獎勵已足夠!
就算有D錢時一定要剩!努力儲錢>.< 我相信自己一定可以!
PS:今日係71遊行!~
謝謝老公仔呢兩日都有過0黎! >3<

>>August 7, 2005 at 10:24:42 AM GMT+8

2005 年 6 月 29 日 星期三 【雨】

原本今朝都係打算打俾邱富起身,點知佢7點4就sms我話佢醒了,
落雨,帶了遮出街!~今堂又係電腦室上,終於俾左功課安祖娜睇!
佢居然話我勤力!其實我好懶,D功課根本就係拖下拖下做,而且又做得唔好!
不過我會再努力0家啦>︵< 為左將來,我唔可以成日拖功課的啦!~
上上下堂收到大果個電,冇啦啦話老豆入左院,嚇死.....即刻down左!
果一刻先知原來自己都會著緊老豆=.="
一放學就走人,邱富又話唔陪我,話同亞星打陣機,
原來佢呃我,聽亞倩講有bus去沙田,so我0地搭左bus,
搭完bus再轉的士去醫院!搭bus期間邱富冊除左肥鋒電話!
去到見到老豆冇哂心機,當然~因為老豆就算發燒都唔睇醫生的!
平時病佢都唔會睇醫生,咁大個女我估見過佢兩,三左右睇醫生0家渣!
因為佢一向都驚睇醫生!亞媽講原本佢打算睇私家,
但係而家胃出血喎!當然入院啦!!!
見到亞媽佢0地都喊,但係我冇,不過當然好唔開心,
我知老豆已經驚,我0地仲喊,咁佢咪仲驚囉?
或者我果隻關心好似老豆咁掛~!老豆關心人係唔會講到出口!
覺得自己好衰女,平時又成日話唔鍾意老豆,又串佢又呢樣果樣,
好多關心既野都唔識得表達!其實我心裡多麼的關心家人呀/_\
就算幾煩都好,到自己有事,或者點都好,佢0地都會盡力幫我!點都好,始終係一家人~!
所以我就算幾任性都好,我唔會完全唔聽佢0地話~
陪完老豆入院,我0地打的去新城市飲茶!邱富都係度~等位等左幾耐下,
成點幾兩點先食我第1餐,之前咩野都冇落過肚!餓到冇咩知覺!
飲到3點走人,最後邱富請飲茶,話因為我亞媽生日喎~!
飲完荼買埋老豆日常用既野就打的返醫院,
坐陣等探病時間先入去!結果太累,我同邱富都訓著了~
訓醒冇耐同邱富入去睇下老豆~!6點幾邱富走人!
冇耐我又入去坐左陣!~大約7點幾8點走人,等bus!
果架車經大埔0家!但係等左好耐下囉~!!!!
仲行舊路,shit!!!用左半粒鐘先返到大埔!~
因為第2果個今日請假,要去哂百幾蚊睇醫生為左張醫生紙!
要交張醫生紙俾公司!睇完醫生之後去食野,肚餓呢.....
食完返家沖涼,原本打俾邱富,見大果個用緊電,屋企人又想用電咁,
驚俾佢0地話我用電,MSN俾邱富!其實我唔係有心唔打俾你的!~
打我手提,傾左一陣,見冇人用屋企電,咪轉囉,點知俾人屌!~
唉.......好煩!~最後一路都用手提到12點幾收線訓覺!
其實我好累/_\ 呢4日都唔夠訓呢,日日都係訓得果5粒鐘就起身返學/_\
俾過而家好好多,俾著以前既我一定起唔到身!
聽日仲要7點幾起身去醫院!

>>July 2, 2005 at 5:53:22 AM GMT+8

2005 年 6 月 28 日 星期二 【綿綿細雨】

今朝搭車又係訓足成程,太眼訓了=________=
差唔多到CWB果邊先醒~!去到灣仔落雨,FUCK!!!冇遮~
但係大埔明明冇落雨ma.....
攪到等左一陣細雨少少先行返去~簽到名,GOOD!!!
今堂test呀~!畫Mickey!根本就唔識畫,跟住我0地上面搵圖,
我唔識畫關係,就咁係張圖上面畫,不過都唔係好掂‧____‧ 太差了!
不過好過冇分啦!~75分~我冇做到3D,D人做左3D有8字頭!
世傑好串今堂講野呀~!勁係度串D人!
佢條友真係好掂,成日成個早餐買返班房食!今日仲食粉=___="
連續第3日我0地去開果間茶餐廳冇開啦!
於是今日又去左第2間食~!
食完亞倩返公司做功課!而我去左機舖搵邱富,最怕入去,冷氣太凍了!
悶唔係一個問題~我淨係怕凍!
等左好陣子,走人,好曬呀!~帶遮又唔係,唔帶遮又唔係,帶遮有太陽好KID囉=.=
原本打算搭車返家,但係最後又行左第2做果間school睇衫,
因為佢話有件新貨襯我!去到,都唔錯喎~!
睇衫陪邱富食野之後去左中央圖書館!睇個展覽~!
D作品都幾好!填左張form拎咩紀念品!原來係file一個!
睇完之後邱富送我搭307,期間經過維園,見到D小朋友踢波,
佢又想踢,踢左一球,俾人話唔識踢波,好慘呀/_\
隻腳仲未好番,一定唔可以咁快踢番波!只係用耐少少既時間0者!
我相信遲下一定可以踢番0家!起碼好過我,我而家應該唔可以跳番舞了~!
唔開心,跳下舞,感覺良好!=.=+
不過千其唔好用冰< 呼 >呀!將來有風濕好慘0家!痛死!!!~
今日好早返到家3點就返到,落車冇耐俾人撩=___=
FUCK!!! >0<凸 唔該借借呀!唔該~
返到家同邱富傾電!~之後上網,打日記~!Good~!!!好呀!!!!!!
TO TO打0黎傾左幾句~冇耐見悶又返左入房,打算訓.....
0岩0岩訓左兩,三個字左右邱富打0黎,醒了~冇再訓!
好早食飯,7點多少少食完=.= 食左好少渣,唔餓~!
沖完涼上陣網,做左陣功課!排番好好D位~
同邱富傾電,12點前收線,邱富好累呢~!
訓得果5粒鐘返學!而我12點幾訓了~!

>>June 30, 2005 at 2:05:02 PM GMT+8

2005 年 6 月 27 日 星期一 【晴】

唔知係咪呢期太累關係,今日係吐露港訓到過左東隧!
期間邱富有SMS我,我覆左佢之後又訓過~!
今堂我冇交到功課呀/_\ 而家差廣告兩份功課!
計埋今堂果份3份了!o..........shit!~!!
唔知下次亞sir收唔收番呢/_\
落堂之後得我同亞倩食早餐,佢0地都係冇返到~
但係我0地平日食開果間呢兩日都冇開,唔知係咪拾左!
點解我0地次次去開果D都會咁0家/_\
So今日我0地去左大家樂食早餐!~
放學前得知原來我0地交埋8月份學費就唔駛交了!太好啦╥︵╥
跟住我0地拎埋本今年畢業作品展果本書就走人~!
食野.....當我0地食完傾計時邱富0黎到!~食完亞倩返家,而我就同邱富,
首先陪佢返藍田食野先~之後去左佢家,
原本打算兩,三點走,結果成四點先走人,又訓著左,電話都聽唔到=.=
落觀塘,約左亞業係OK等,佢0地送完我搭車之後去MK買野~!
返屋企hea左陣6點幾又出門口,去迎囍食飯!亞媽生日~
去到D人未0黎,跟住我0地3姊妹去左吉吉島買零食,其實係for返家食的,
點知買返去酒樓,我D餅同朱古力冇哂/_\ 好傷心.....
我專登買既餅,食左!果隻餅未食過打算試下/_\
跟住我心愛的朱古力又俾哂佢0地食~!得番兩條唔係我簡既朱古力=_____=
即係買左等於冇買=.=................唉~!
未食之前大果個同第2果個係度玩電話!大果個影左我兩張相!
我又整埋D kid樣了~!其實唔知兩,三個月之前佢條友係我玩電腦時都影左我相!
果張相仲要整左D牢獄咁既物體!估唔到佢仲未detele=___= 見到果張相真係想死=.=
跟住第2果部又影左我兩張相!哈~一張淨係影我後面D頭髮!
另一張影我側側地面,有少少啤啤地望佢,so影左出0黎好似好串=__=
因為果時我冇野做,用手抬起個頭,結果佢又冇野做影了~!
佢條友話見到呢張相真係想打相入面既我!
跟住食果個抄麵有一隻好奇怪既姑係我度!之後大果個又影左相,kid了~!
不過隻姑真係幾大隻,同埋我覺得好似有毒果D咁=___= 結果我冇食到!~
謙謙成晚又係勁多野講好得意!講多謝果D好鬼攪野呀做D動作!
覺得佢食住佢亞哥囉=.="今日佢0地兩兄弟著埋同一件衫~扮Twins!
不過覺得佢太多野講啦=.= 可能會捉唔住佢!平時係街度又跑喎唔理我0地!
成日要跟實佢,又驚唔見左佢!
所以我一定唔夠膽一條友帶佢出街,唔見左既話,點俾番個仔人=.=
食到10點左右先行返家!~返家即沖涼,
入到廁所,打算沖涼時第2果個又話用廁所!
0岩0岩落緊妝時大果個肚痛,攪到我洗左臉又未沖涼!
攪到成個沖涼過程都好有阻滯咁=___="
沖完涼即打俾邱富,但佢係迪迪家入鈴聲!
跟住等佢打番俾我,一傾就傾到差唔多1點先訓~!

>>June 29, 2005 at 9:19:37 AM GMT+8

2005 年 6 月 26 日 星期日 【晴】

今朝差D唔知醒起身,個鬧鐘唔響呀>0< 亞媽入左入0黎叫我起身!
又收到邱富SMS喎~!So決定起身!
Make up,出門口!搭車又重蒙,最左最少半粒鐘!去到CWB果邊先醒,
醒時睇手提,見邱富冇搵過我,又冇SMS,覺得好怪,
咁打俾佢,冇人聽,之後sms,冇回應,打多次電都係冇人聽,都估到佢唔知醒起身!
亦都估到佢朝早sms俾我之後又訓番~!
知佢返工好累了,而且呢期又唔夠訓,so打左兩次都冇再打俾佢!等佢訓多陣吧~
今堂睇D人掟蛋真係好睇呀!嘿............
隔離班果個女仔真係慘,做兩次,上一堂同今堂,隻蛋都係掟爛的!
10點3,4左右就落堂!GOOD~!亞倩而家唔駛返工住........
咁我,羅家良同亞倩行去CWB,羅家良要返工,不過返工前同我0地行陣先~
而我同亞倩決定左今日去唱K!首先去匯豐存錢,我第1次用呢部機的~!
入完之後行去CWB,行緊去時居然撞到JOJO~
我知佢今日去見工,so都估到佢去0黎灣仔見工!
因為同緊亞倩,羅家良一齊,so JOJO話晏D打俾我!~
我0地行左SOGO,見到Mickey d玩具好靚呀~!幾想買,不過買0黎唔知仲咩囉=.=
行完SOGO行埋皇室,去左玩具反斗城,
而家D小朋友真係好幸福呀~!好多玩具簡,而且大部份都唔貴呀~!百幾蚊就好大份!
而且整既玩具好精細呀~!都幾似0家!
我0地仲見到架mini cooper玩具~好大架!200蚊左右0者!好呀~!
但係得藍色同紅色簡,而且係新款mini cooper 0黎!
走出玩具反斗城前見到有度拍攝,有個細路女,好得意咁喎~!
跟住佢爸爸,媽媽係咁泵佢開心!但係之後又見到個細路女講果兩句對白,
好快手走出鏡頭,擺到明係度玩緊=___= 睇0黎同小朋友拍攝真係好難既事0黎!~
行埋HMV,發覺我好耐冇買過CD了!以前返工初初都有買~
之後太忙就開始冇買CD到而家!而家有錢都留住,冇亂駛,冇工返ma~!
發覺有3隻 CD想買>︵< 買唔買番好呢?
跟住羅家良返工,而我就同亞倩去9樓唱K,冇耐邱富0黎~!佢起身冇耐就0黎,GOOD GOOD!
唱到兩點多D就俾人cut歌,因為好多人等緊!
亞倩話想買波衫俾佢男朋友,咁我0地四圍行下,睇下泳衣,亞倩睇中果件adidas泳衣真係幾靚喎!
攪到連我都心動,不過600蚊,不如買Roxy,Quiksilve好過~!
成日都好想著好D泳衣,不過唔夠膽,冇身材╥︵╥
行埋時代,等電梯上去時有班大陸佬係咁望住我同亞倩,
勁驚=.=" 望住佢0地,佢0地仲夠膽望番過0黎!
基本上都話D男人係唔會驚我0地0家,望住佢只會助長佢更加望我0地!
而我同亞倩都知班大陸佬望我0地!跟住我就話不如搭第2部=.=
之後邱富知佢0地望我0地,之後就行到勁近佢0地啤住佢0地!
上到9樓,係page one睇左陣書!四圍行下,冇耐亞倩過去又一城搵佢男朋友~
但係我唔去又一城了,因為我唔想轉K巴返家,好辛苦/_\ 個人有點兒累...
同邱富行多陣就送我搭車!等左成半粒鐘先有車!
期間邱富同我講左D野,講呢D野我當然會唔開心,
但係我唔想你因為我唔開心而唔同我講,因為我只係想得個知字~
如果遲下先俾我發現,就算冇野,都會令我更加誤會!
邱富班fds咁0岩0黎大球場買飛睇波!冇耐佢0地0黎搵邱富!
上車冇耐邱富打0黎,傾左陣,之後我就重蒙,其實我好眼訓呀真係~!
返到大埔一落車JOJO打0黎,佢0岩0岩由MK返到!
上次TOTO放左整頭髮果舊野0黎我度,咁由我還番俾JOJO~
跟住JOJO就跟左我返家,不過冇係我家坐陣,拎完就走了!
冇耐又同邱富傾左陣電~!7點幾食飯,不過冇咩胃口,食左好少.....
同亞倩傾電~唉.....D袋實在太吸引了!有工返就好了~不過有工返都要考慮買唔買!
就算買都要儲錢買,唔可以話買就買! >︵<
因為就算我有工返番,我都要戒掉以前返工亂駛錢既習慣!
同亞倩傾完打下日記,同邱富SMS,
到8點幾先記得唔記得左幫第2果個錄野,fuck!即快手咁佢錄,
但係遲左半粒鐘!一定俾佢小了~之後沖涼~!< 呼 >埋mask!皮膚差更加要< 呼 >下!
沖完涼有個miss call~lover打0黎!又有msn我~傾左兩句...
之後一路都係上網聽歌,10點幾邱富打0黎,傾電到訓前先收線~

>>June 27, 2005 at 11:30:28 PM GMT+8

2005 年 6 月 25 日 星期六 【綿綿細雨】

今朝9點幾醒左次,驚唔知醒起身叫邱富起身~!
手提鬧鐘響起~即打俾邱富,原來佢起左身了~GOOD!
跟住我再訓,11點多佢打多次0黎,之後我就起身!
同佢傾左陣電~之後佢返工!而我係家煮野食~!
成日留左係家冇野做,悶...........聽歌,MSN等!
咩野都唔想做,好累咁,可能琴晚夜訓,不過邱富早過我起身,又返工!佢仲累過我啦~
成個下晏都係得我一個係家,4點幾老豆返到!
今日淨係畫下對眼就出街,唔想係面度化妝,想俾佢休息下.....
覺得好倉白=____= 面色不太好!
算吧~基本上我成日都係咁,身子不太好掛~!
邱富一落場就打俾我,傾左陣電~6點左右同老豆去榮叔家食飯!
其實咁早去都唔知做咩~!攪到去到白坐,有點眼訓.....
見到個窗貼住一張紙,都估到謙謙畫的!
謙謙仲係度講解,內容講邊D唔準做!
7點幾開始食飯,勁多野食呀!~有成12樣送!
食完之後又有cake,又有糖水,生果,者喱,cake等等,我食唔落糖水了~!
cake我都冇食,因為係芝士0黎,我一向都唔食呢種cake的,覺得好難食=.="
謙謙超多野講!~好攪笑,覺得佢把聲好百厭既小朋友聲!
但係佢講野又真係幾醒既~兩個小朋友係自己間房開左台食野,
因為佢0地係佢0地間房度睇VCD~!見住佢0地咁樣覺得好攪笑~
之後攪到10點多打的送左亞麻,亞爺去巴士站先返家!!~
返到家即沖涼,之後ICQ,等lover電~
佢今日早左少少收工打俾我,點知佢一打0黎冇耐就有人打0黎!
都唔知邊Q個,又叫我估!但係佢係話搵我0家喎!因為叫左我全名~
係一把男聲,之後我話唔玩,隔離有線,冇耐佢就話:咁冇野lu~
就係咁佢收左線!但係到而家都唔知邊個0黎,因為冇來電的!
都唔知佢係咪玩我電話定點樣=________=.......
跟住等埋邱富沖完涼打俾我,傾到點幾先收線,好眼訓呢...

>>June 27, 2005 at 1:33:44 PM GMT+8

2005 年 6 月 24 日 星期五 【綿綿細雨】

今朝9點幾亞媽入0黎問我去唔去飲茶!結果我拖到10點3左右先起身!
11點左右出門!同埋大果個一齊去,因為佢放假呀今日!
飲飲下邱富sms俾我,冇耐打俾我傾左兩句!佢遲左起身~
跟住飲到12點幾就走人!之後係大中行左陣!~
同佢0地係大廣果間家庭用品店買左D野!~
而我順手買埋整cake既野!~同埋沖涼果舊綿~!
四圍行左陣,有買衫同褲!~THX亞媽!~跟住佢0地又話去飲茶!
而我就拎野返家先~勁多野拎囉=.=".....
我覺得突然之間變左一個人住,為自己屋企買左好多野咁~!
邱富打0黎話佢0黎大埔!咁我返家放抵D野等佢電又出去!
陪佢食野,點知四圍都好多野,基本上大埔星期6,日都係咁多人!
度度都要等位!結果去左美心!~
食完左陣!到3點9左右送佢搭車!因為佢6點幾要返工!返左家先!~真慘呀!~
每次出0黎大圍探亞太都0黎搵我>.<
原本今日唔駛返工,之後搭車去我度先知要返工,
如果一早知要返工就唔好0黎啦!~返家休息下,咁返工時都冇咁辛苦呀~!
跟住差唔多時間就打俾佢叫佢起身,驚佢搭車唔知醒起身~
佢返到家之後係SMS傾左幾句,send埋琴日我0地影果d相!
冇耐又傾左陣電話!~收線後如常玩電腦!
收到個問卷既電話!其實之前同邱富傾電都有打0黎,但我話隔離有線唔得閒!
點知佢真係打多次0黎,結果做左個問卷,問左好耐囉=.=
問好多好無聊既野,有好多都係吹水囉我!
今晚彬打0黎問我7月尾去唔去camp~!其實我都想去玩下,
不過成個幾月,我真係唔清楚到時會唔會有野攪~!
同埋又要返學!不過玩一,兩日應該可以的!~而且我都未同過佢0地去camp!
之前兩次都冇去,因為去妮果度,好驚呢,果度好多昆蟲0家>"<
不過彬話今次唔係去果度喎!~唔會有昆蟲!咁都好D...
最驚都係佢0地會影人0地訓覺既相0者‧________‧
夜晚都係等邱富電~收工即打俾我,之後又等佢沖埋涼打俾我~都等到點幾了!
唯有成晚係度玩ICQ!因為冇野好做,對住書刊果份功課想死,
淨係攪番好頭果8版既位同size!
仲有成十幾版要攪,又唔知點樣攪好,唉~~~想死!但我想做好佢,點算/_\......
聽日下晏冇野做要攪下呢份功課先得,唔想成日拖住.......
今晚同邱富傾電,佢講起佢琴晚發個夢,好恐怖,勁驚=.="
果時得一條友係廳,兩個家姐都未返!FUCK~~~
我唔夠膽返入房訓!跟住同佢係咁傾電,等第2果個返,傾到3點9左右先肯收線!~
我知你好眼訓,但係又肯陪我傾咁夜,THX呀>3< 下次唔會咁的~!

>>June 26, 2005 at 4:48:38 AM GMT+8

2005 年 6 月 24 日 星期五 【綿綿細雨】

第 七 十 八 簽 中 吉 簽

曾 點 論 志
瑟 希 鏗 爾 尚 留 聲 春 暮 時 剛 春 服 成
冠 五 六 人 童 六 七 無 雩 歸 詠 暢 幽 情


解 簽

流 年 : 四 季 平 安 ，春 末 夏 初 運 勢 更 佳
事 業 : 可 定 遠 大 目 標 ， 得 天 時 人 和 ， 百 事 可 為
財 富 : 易 賺 易 洗 ， 但 有 儲 蓄
姻 緣 : 勿 錯 過 性 格 開 朗 樂 觀 的 對 象
健 康 : 身 心 健 康 ， 但 秋 冬 時 小 心 感 冒



http://www.icard.com.hk/fortune-stick/
COPY FROM CARMEN DIARY

>>June 25, 2005 at 12:26:47 PM GMT+8