2005 年 6 月 5 日 星期日 【陰】

哲學家柏拉圖說過, 古神話中有3種人: 男男﹑男女和女女,即1個人擁有2個人的成分.

後來, 人觸怒上帝, 於是衪把人分為2份, 人從此失去了一半, 變成只有男和女.

從此以後, 人尋尋覓覓, 都只是尋回生命中丟失的一角,

原來每個人一出世就缺了一角, 東奔西跑就是為了尋找the missing piece!

>>June 6, 2005 at 11:52:15 AM GMT+8

2005 年 6 月 5 日 星期日 【陰】

愛一個人
要了解，也要開解；
要道歉，也要道謝；
要認錯，也要改錯；
要體貼，也要體諒；

是接受，而不是忍受；
是寬容，而不是縱容；
是支持，而不是支配；
是慰問，而不是質問；
是傾訴，而不是控訴；
是難忘，而不是遺忘；
是交流，而不是交待；
是為對方默默祈求，而不是向對方諸多要求；

可以浪漫，但不要浪費；
可以隨時牽手，但不要隨便分手；

以上的都做到了，即使感情已不再，
也只有懷念，而不會懷恨。

>>June 6, 2005 at 11:51:42 AM GMT+8

2005 年 6 月 4 日 星期六 【微雨】


原本今日9點幾又醒了,之後翻訓,估唔到一訓就訓到11點9先起身!
好耐未試過咁晏先起身啦!~訓左差唔多10粒鐘!
起身之後仲係覺得眼訓..........
下晝都係玩下MSN同ICQ,呢幾日都冇玩~就咁on左係度唔知仲咩~
同亞屎chat~講起佢d fds成日上佢家食飯,問我幾時會上佢家食飯喎!~
好呀~幾時都得既=﹏= 你家真好客呢~
亞盈呢期係MSN都有hi我!仲話得閒出0黎行街飲野果渣~
基本上佢呢句野我聽過好幾次!同佢應該有年幾冇見過面...
亞倩有叫我出MK,但係我又唔想出去出面,
同埋通常如果冇野買,唔會星期日出去MK的~太多人了!sorry~
ICQ順便約埋yeeni去沙灘,叫佢搵珊果D!
其實我仲未有泳衣囉,但係我好想去呀/_\ 盡快買了!
怕到去沙灘之前一兩日買,又會好似格硬去買咁!
其實基本上我每次買有需要既野都係咁=___= 算吧...
下晝打俾TOTO,知佢部腦有問題整緊,so冇上網hi佢!
點知佢同緊fd玩啤牌~ 仲未講到我想講既野就收線了╥︵╥
冇耐JOJO打0黎,同佢傾左陣電~佢逢星期日都同家人食tea!GOOD~我都想!
老豆居然3點幾就返到!早呢~~~不過佢返0黎都唔會影響到我~
冇野做,成日留左係家!返入房,又訓左係床度,之後真係訓著左=.=
我經常冇野做就好易訓著,就算我訓得幾足夠都好! =______= 好懶呀!
起身冇耐就SMS俾邱富,佢今日都打左好幾次俾我,
行緊路要搵亞業幫手拎住電話都打俾我,太好了~ >3<
成7點都仲未見屋企煮飯,老豆老母仲訓緊=___=
So決定左都係沖涼先,而且要< 呼 >mask!成個星期都冇< 呼 >到!
皮膚差得很呀/_\ 不過今個星期有兩日冇化妝呢~GOOD!
今晚勁玩ICQ,MSN!meimei居然hi我,唔知係咪前日同比得傾ICQ時,
比得同佢講我miss佢關係呢?講真,真係好miss佢0地呢~
而家佢0地兩個都係MK返工!但比得一定好辛苦啦!果邊果間Baleno一定好忙!
11點幾見邱富仲未打0黎,仲打算早D訓,
差唔多12點佢就打0黎~都估到佢訓著左,so冇打俾佢嘈佢,
呢兩日佢咁唔夠訓,一定好累了~!
因為下晝訓左晏覺關係,攪到唔想訓!
1點收線~但係3點先訓得著/_\......


>>June 6, 2005 at 11:14:09 AM GMT+8

2005 年 6 月 4 日 星期六 【微雨】

2005 年 6 月 4 日 星期六 【微雨】


龍貓~好鍾意呢一幕!feel so good~~~好多煤炭屎飄上天...

>>June 5, 2005 at 1:33:11 PM GMT+8

2005 年 6 月 4 日 星期六 【微雨】

http://www.yes.com.hk/mindgame/special/514/lovemyself/asp/default.asp

愛自己:

原來在你心目中，最重要的 5 件事是 …
第一位： 自信

第二位： 愛情

第三位： 家庭

第四位： 事業

第五位： 錢




可愛 是形容你自己本身的人格

癡身 是形容你伴侶的人格

低賤 是形容你敵人的人格

令人回味 是形容你對於 "性" 的看法

深不見底 是形容你對於你自己本身的人生的看法




JOJO 是一位你永遠不會忘記的人

亞屎 是一位你永遠可以當他是"真正朋友"的人

邱富 是一位你真正深愛的人

TOTO 是一位與你心有靈犀的人

亞倩 是一位你終身難忘的人


你必須將此訊息寄出 7 次，之後你的願望將會在下個 星期五實現。



哈...寄出訊息,怪怪的.......
這只是個遊戲吧!
而且覺得有些不太準,
自信我一向也沒有/_\............分些自信給我吧!
可愛...我從不會認自己可愛,更加不想自己可愛=____=
癡身,什麼叫癡身=.="???
對性...令人回味?嘿.........




愛情年齡:
你的愛情年齡已經進入成熟期，就像人說：「三十而立。」你開始有種老靈魂的感嘆，認為自己可以把愛情的分寸拿捏得當，卻無法像年輕時那麼盡興地相愛。你偶爾會感到疲倦，有時會有些寂寞，雖然你都可以很快把它們處理好，但是心裡還是有個遺憾。
你跟愛情年齡比你小的人交往，總是從他們身上感受到年輕的魅力，卻也經常冷眼旁觀他們愛情歲月的增長。你大概只能在愛情比你年長的人身上找到安慰，雖然你不見得會愛上對方。不過，有的時候別放棄給自己年輕一下的機會，畢竟這也算是回復青春的機會啊！


我覺得自己很不成熟呢!~拍拖仍在學習中...
我也希望能夠可以把愛情的分寸拿捏得當呀!
所以我不太認同測驗出來的結果~



失戀計算機:


失戀危機指數…39
LUEN 起伏不定的情緒，有時就連他自己也不知自己想怎樣，作為伴侶的自然無所適從，另外，他遇上不滿時，只會藏於心底，之後又埋怨人家不瞭解他，伴侶不走才怪。 LUEN 應付失戀的方法：玩自閉，老是耿耿於懷。

>>June 5, 2005 at 1:31:04 PM GMT+8

2005 年 6 月 3 日 星期五 【雨】


成晚係咁發夢,基本上我係無時無刻都可以發夢‧____‧
9點見少少邱富SMS俾我,我好蒙咁send番個SMS俾佢,
冇耐佢就打0黎,而我就好蒙咁同佢傾左幾句收線~
10點左右起身,因為醒了,訓唔番~never mind啦!呢期又唔係太夜訓!
11點幾12點同亞媽落街食野,
當然得我同佢條友,佢又問下我拍拖D野啦!
仲叫我得閒帶俾老豆睇下喎=_____=
不過就算老豆唔鍾意,佢都唔會理咁多,因為佢一向都好少鬧我!頂多都係串我幾句~
就算點樣都好,屋企都反對唔到我咁多野,
而且我鍾意佢0地都冇法!
亞媽一向對我拍拖D野就係我鍾意就唔會管我咁多!
不過佢0地淨係驚我攪大肚果渣0者!
因為亞媽話驚我大肚俾個小朋友困住自己冇哂自由!呢點我完全明白!
而且佢0地一向都係驚我俾人呃,同埋認為做女仔點都蝕底果渣!
食完野之後同佢行左陣!
陪佢買左OK多野,又係萬寧買野,又去左藥房果D,
但係D野全部都係我拎囉=.=".......
我仲買左上次亞星買果隻朱古力,見特價10蚊左右,so買了~
wo~~~原來幾好食>﹏< 基本上呢隻牌子d朱古力係幾好食的!
點解世上咁多好食既朱古力/_\........朱古力萬歲呀/_\ kid了~~~ =.=凸
返家放抵D野兩點多邱富打0黎,佢車我出去官塘,約左亞倩,
但係佢老豆揸車,我一向都好驚見到佢老豆,
因為聽佢講,佢老豆係D好燥好惡既野,驚驚=.="..........
太早關係,亞倩又仲未出門口,結果去左藍田,佢老豆同佢亞媽食野,
而我就同邱富上佢家先,佢要沖涼,佢沖涼期間EVA打0黎,
佢0岩0岩食完飯~大概都係傾下遲下去沙灘既問題!
好想去囉其實!但係又怕曬黑/_\ 因為我去一次沙灘就一定會黑左!點算..........
hea左陣之後搭小巴落番官塘!
約左亞倩係AMP anges b等!而邱富同佢d fds去食野!
同亞倩係咁易行左APM,之後去左佢講果個咩野開倉果D度睇,
不過...我覺得冇咩野行,行一次夠了!~不過未行過,行下都好!
行完再去番APM,亞倩等佢男朋友接佢,
行I.T,睇中左對遮仔涼鞋呀~/_\
冇耐我就搭bus走人,返到家都係7點2左右0者!GOOD~~~
食完飯都係睇TV,hea左陣先沖涼~
收到3個SMS,好意思~喜歡! >3< 我知你用左好多心機去諗,
我冇你咁叻,我唔識得諗呢D野出0黎~ =.="
11點幾薯彬打0黎!傾左陣電話~差唔多成12點先同邱富傾電!~
今晚又係用手提傾!大果個又用屋企電話唔讓俾我>︵<
嘿.......今晚有人講3隻小豬既故事俾我聽!=﹏=
從來冇人會講故事俾我聽!除左幼稚園果時..........


>>June 5, 2005 at 3:05:03 PM GMT+8

2005 年 6 月 2 日 星期四 【溫暖】

今朝9點幾就醒了!下晏去左官塘搵邱富,俾番手提佢,
其實原本想聽日先俾番佢,呢個星期落得太多官塘了,
好似唔知點咁=________= 因為聽日同亞倩去官塘,
但係冇左手提點都好唔方便,同埋我拎番D紙仲有本簿!
琴日開始對眼就好唔舒服!琴晚我見到隻眼好似發炎咁囉,
因為我用紙巾抹眼時見到D黃黃地色既眼水咁既物體!=___="
跟住今朝起身洗頭隻眼俾平日更加紅,
冇耐又係咁流眼水...最終決定都係唔化妝出街了!
驚D化妝品入左眼,又冇戴con,戴眼鏡!要遮下醜!
好樣衰=______= 都唔知N年冇咁樣出街,除非病了...
搭車前還番D vcd,遲還5蚊隻呀!一共15蚊!
去到官塘同埋肥雞,亞業陪邱富睇跌打,好快就搭車返大埔!
我估我冇咩必要我都唔會唔化出街囉,因為實在接受唔到自己咁樣=.="
搭車時冇野做又發呆諗野,仲打算下星期電頭髮,
我估應該電番呢隻,比呢隻細D< 戀 >,我怕講其他d人又唔明!
亞媽又話不如電細D< 戀 >,咁咪爆爆地囉~唔知今次又會點樣啦=___=
諗諗下點知邱富打0黎話佢而家去電頭髮,估唔到又會咁0岩,
不過之前我0地都有講過電頭髮呢個問題!
返到家見到有蛋撻,食,食完之後覺得個胃唔舒服,想嘔咁=______="
Hea左陣出去交電話費!原本叫TOTO幫我交,但最終決定都係自己交了~
夜晚食完飯冇耐邱富打0黎,聽佢把聲好唔開心,
佢要剷哂個頭,因為佢老豆唔like佢電頭髮,同埋仲有其他好多因素...好慘呢!
明白到佢點解咁唔鍾意佢老豆,
我永遠都覺得我屋企既問題唔算得係D咩野...一家唔知一家事!
我應該慶幸自己生存係一個冇咩問題既家庭!
邱富唔好咁唔開心啦~頭髮剷左可以再留過!電頭髮而家唔電得可以遲D再電!
洗白白...其實由我睇TV果刻已經見到有隻野飛0黎飛去,唔知咩0黎/_\
之後到我洗白白,洗完面,居然又見到佢/_\
攪到我即刻開番門出0黎,好驚/_\
而家落雨天,成日都有呢D野,真係好驚呢D野..........
今朝明明好好太陽,今晚仲咩事行哂雷,閃哂電,好大聲=.=" 天氣真係難測!
夜晚都係傾電話!點幾訓了~

>>June 4, 2005 at 2:32:25 AM GMT+8

2005 年 6 月 1 日 星期三 【乍寒還暖】


呢期都係7點半先出門口,搭車期間亞倩SMS俾我叫幫手簽名~
到大老山隧道果邊居然落雨,心諗唔好去到灣仔又落,
點知真係落,落車冇耐仲大左雨,行得幾快下~
返到去其實都冇咩野做,同左Miss講轉題目!因為我真係搵唔酊小丑既資料!
本身真係想做小丑既書,但係搵唔到,唯有遲下自己得閒想做既先去做吧~
結果簡左龍貓,希望今次OK啦!~
但係我要將幾個星期既野一個星期內攪掂,搵好哂資料,畫好哂彩色封面layout果渣!
要俾Miss知本書入去係點樣!
放左學之後同亞倩食早餐,食完搵邱富~
再陪佢食野!之後搭車返去佢家!
結果,又訓著了,訓左一粒鐘,邱富仲訓得耐過我=.="
佢平時好少訓得到晏覺的!
4點多落官塘食D野,係大快活有條麻甩佬係電話度嘈得好勁,好大聲!
屌哂鬼咁,勁多人望佢囉~如果我係電話中人一定cut佢線,仲俾佢係咁屌咩=.=
之後去睇跌打,佢0地真係掂,係咁食野=_______= 好恐怖!
基本上5蚊腸粉可以食到我好飽囉~
睇完6點幾亞業同邱富送我搭車,
行去APM時見到李雨陽呀>0<
佢好得呀!型!正呀~~~dream man~黑黑地皮膚,又大大隻咁!
我鍾意呢D大隻呀>0< 又唔係話真係好大隻果D!
佢隔離個女仔都幾好,幾襯呀佢0地,應該係佢女朋友掛~
兩個都幾高,不過果個女仔,女仔0黎講佢算幾高,
而李雨陽比正常男仔高少少0者,我估6尺高左右!=.=+
臨上車果一刻邱富先記得俾番本筆記簿我,
但費事阻住人,結果話算啦,下次先拎咁樣!
點知上車冇耐抄下個袋先見到邱富手提係我度=.="
即係我0地都漏左野係對方度!打算明天過去拎番我本簿同俾番手提佢,
因為我點都要係呢幾日努力做下layout同搵資料!
廣告學果個亞sir又要我0地每日做4個layout!下堂俾佢睇!
7點幾返到家,食完飯睇下TV!
之後傾電話,12點左右就收線了,
但係我聽左陣收音機先訓............


>>August 7, 2005 at 10:27:45 AM GMT+8

2005 年 5 月 31 日 星期二 【微雨】

今朝又係翻訓囉~一醒就即起身!冇塞車,GOOD!仲早過琴日一個字到!
邱富今日終於有返學喎~!係school樓下見到佢同亞東係度!
一返到去就俾D hello kitty亞倩!佢家姐儲.....
上電腦堂,唉~~~我又跟跟下又跟唔到,結果又放棄了,又上下網咁!
或者我個底子唔好,電腦又白痴關係,跟唔到..........
好快落堂,如常同佢0地食早餐~
食完陪邱富禁完錢之後去左< 書得起 >,打算搵小丑既書,
點知都係冇/_\...................我應唔應該轉呢?
之後搭bus去邱富家,因為佢要沖完涼之後先去睇跌打!
Hea左一粒鐘左右就搭小巴落官塘!
邱富果座樓次次都會係14樓停一停,
起初我唔留意,佢講一講真係14樓停!
之後我驚驚地.....開門.....一望,係個女人,仲要著紅黑色衫褲,
當時真係驚驚地=.=" 之後我傻笑!因為覺得自己好白痴,又會信佢講D鬼怪野...
亞業同肥雞都有0黎!肥雞一見我就望住我,一睇就知佢想拎hello kitty,
因為佢琴日都提左我兩,三次今日帶~
佢0地話食野,食完之後邱富話驚落雨,
結果送我搭車之後先同亞業一齊睇跌打!
我都要返家做功課,想貼番果本簿,仲要幫佢表起張風雲!
搭bus時又訓=___= 而家一搭半粒鐘以上既bus都必訓!
返到家整完邱富果份之後就整本簿,
um......仲核突過上次咁,唔知點講=.="
都唔齊呀D紙,點算/_\ 攪掂好哂睇埋TV先洗白白~!
夜晚都係傾電話,TOTO今晚有打0黎,傾左兩句就線了...
12點幾就訓.....

>>June 2, 2005 at 12:35:16 PM GMT+8