2005 年 2 月 2 日 星期三 【雷雨】

琴晚邱富打俾我話交咩功課~又話好易,咁我聽完就準備做啦~
其實都估到做唔切,我又一邊睇TV,so咩野都諗唔到,最終咪冇做到囉~
11點幾又同佢傾左一陣電話,收線後就返房,點知訓唔著,聽左幾耐收音機,
第2果個返到我都仲未訓~!大約3點幾先訓得著,今朝真係超唔想起身!
跟住7點兩個字先起身~7點11就出門口!但係都係遲到0家啦~
搭搭下車邱富打俾我,佢0岩0岩起身,真係好,可以8點起身=___=.....
佢話幫唔到我簽名!跟住我就打俾羅家良啦~我知佢呢堂一定返!
哈~真係簽到!太好~返到去9點4左右~!唉~~~攝影學好難呀我覺得~
可能我少返啦~!而且我個未訓醒咁,又開下燈,又熄下燈,對眼好辛苦/_\...
其實今朝都諗帶con定眼鏡0家啦~!因為真係超唔夠訓囉~!對眼又腫腫地咁!
亞sir仲叫我0地兩班下一堂將兩班分3組~唔知又攪咩野,其實我都唔知佢講緊咩野~
算吧~到時分左組先再問其他同學啦~
其實我0地兩班根本唔想分3組,
淨係想一人一班做!我0地班同隔離班上過咁多次堂都唔會有計傾的~!
可能我0地已經習慣左一班生活年幾關係吧~!
好快又堂落!一落school樓下覺得好凍下=.=" 因為落住毛毛雨.....
之後又係我0地4個人,亞倩,小葵,羅家良到樓下間茶餐廳度食早餐~!
亞倩最早走果個,冇耐小葵又走,佢0地都返工,羅家良返兩點,
so都係得番我同佢兩個人傾計,坐左陣之後就走人lu~佢話去剪頭髮喎!
哈~言出必行呀~!我就打算新年之後先攪下個頭,起碼新年之後有D錢係手~!
冇工返既我,唔可以話要咁就要咁,因為要就住駛錢呀~! >"<
跟住都係一條友搭271返0黎!訓唔著,本身個人好眼訓,但係又訓唔著,
搭車途中亞媽打0黎!嘈一嘈又攪到我唔想訓啦~
返到屋企都係一個人既世界~開電腦聽下歌!上網check下e-mail同睇下人0地d日記~
上上下網部腦又有問題!重新開機之後又入唔番桌面,又用番琴日精蟲教我既方法!
整實D零件!整左好幾次先得!=___=" 唉~~~
食完飯之後又hang=_=......連電腦都蝦我 .\ /. 可惡呀!!!
沖涼過後< 呼 >下mask,連返5日工都冇咩時間< 呼 > 0家啦~
今晚都係睇<< 甜酸爺爺 >>同<< 大長今 >>~!
我一向都唔鍾意睇韓片,但係呢段真係幾OK喎~!
明天連返5日工啦!~努力!!! >"<

>>February 3, 2005 at 2:06:58 PM GMT+8

2005 年 2 月 1 日 星期二 【乍雨乍晴】

今朝冇起到身返學!都估到0家啦=.=" 因為我訓得少,第2日一定訓多D先起到身!
訓到11點先起身,起身冇耐邱富就打0黎,問我仲咩唔返學~
我應承左佢話返,因為佢話我返先幫我整喎=___=
咁佢話帶埋猩猩0黎,因為猩猩識整!等等等.....
兩點先接到佢0地電話!係亞星打0黎,佢0地同亞星一齊搭火車0黎~
跟住我就落街幫埋亞媽禁錢!
去到火車站,佢0地已經等緊我,唉~~~真係唔想同佢0地出街=.="""
佢0地好癲...好遠處見到我就大叫我!果一刻真係想扮唔識佢0地=.="
跟住要搭番K巴去我屋企果邊0家ma!邱富又要倡錢!
去左買野飲,買左成排益力多,佢同猩猩好似攪基咁樣,一人一邊飲=.="
真係頂佢0地唔順~!上到我屋企佢0地又唔夠膽入到我家先除鞋,
對鞋就咁除左係門口!入到0黎見到我亞媽又問我駛唔駛叫,
咁我真係唔識答=.=" 之後猩猩居然叫:媽媽~ 跟住邱富推一推猩猩就叫:EE!
Then佢0地仲係有少少玩玩下咁樣叫早晨=.="
咁我亞媽又笑哂咁同佢0地講早晨~!其實我覺得完全玩野囉!
兩點幾3點叫咩早晨呀=.=?
真係估唔到猩猩原來都ok識整電腦0家喎!佢幫我整番個火牛,
咁整番幫我開機時又hang機果渣,佢又幫我較左少少野~
原來佢都幾叻0家!我唔知點解覺得整電腦既男仔係幾叻下~!
大約4點左右就送佢0地搭車,起初佢0地又話識,我問多幾次係咪真係識,
因為我驚佢0地唔識,佢0地0黎過大埔踢過波一次渣!
咁我話佢0地唔識帶佢0地搭車,行去搭車時kid him打0黎!同佢傾左陣!
之後帶左佢0地去大中果邊搭74x!行緊途中佢0地又係度kid kid下~
咁大廣亞波羅果度成日都有D年表人係度!佢0地又話有飛仔果渣~!
又話觀塘冇,真係激死=.=" 跟住行到bus樓上個天橋我就指住翠萍話呢度都有!
跟住猩猩話:嘩~估唔到咁快就返到屋企!
哈~我覺得猩猩幾攪笑0家~!如果唔係邱富都識唔到佢!
Then送到去巴士站邱富又問我有冇散銀,送佢0地搭車我冇帶銀包出0黎~
So指佢0地去7仔!最後say bye啦又!咁邱富就問我聽日係咪返學!
返啦~而家唔會返咁少0家啦~改緊!
返家途中打返俾kid him~哈哈~~~佢仲係咁kid!都係話搵日出0黎食飯啦~
但係要新年果段期間先得呀~唔知幾時呢?
成日話食飯食飯,唔知幾時先可以出0黎kid下!
返到屋企就check e-mail果渣啦~點知係咁hang機入唔到桌面!
打俾精蟲,佢就教我唔知整實D邊度!咁我整實D,wo~得左!真係用到開到!
下次再有咩問題先打番俾精蟲啦~!
今晚好早食飯,但係我成日冇點食野,但係都唔餓咁.....
今晚唔可以太夜訓lu~唔想星期5返工唔知醒=___="

>>February 2, 2005 at 11:33:34 AM GMT+8

2005 年 1 月 31 日 星期一 【陰】

咁就2月份啦~時間過得真快!!!
今朝起到身返學喎~琴晚都係好夜訓,兩點左右先訓得著!
都係遲左返到去,今日簽唔到名/_\.....
叫亞倩簽,咁0岩果條友又企住係度,so簽唔到,
打算羅家良,佢又唔聽電話,當我響多過4下電話,而佢仲未聽我就知佢未起身,
so我多數都會cut線!~
又係因為遲番關係,成日都係一條友坐,真係無癮.....=____="
又冇得同D叻人坐,又冇咩點傾計,真係幾悶下~
但係今堂都有野做,要我0地畫野!
好耐冇畫過野啦!咩野都唔識,又要度比例!好似去番初初學咁樣!
好快又落堂~!放左學同亞倩,小葵食早餐~
聽小葵講佢琴晚同男朋友嘈交,我旁觀者就覺得其實冇咩問題~
其實係唔駛嘈交咁問題!個問題係個男方幾細個下講D野.....
同埋講D野都唔理女方感受囉~我都知,鍾意一個人,果個人咁話自己一定好心痛!
食完早餐之後就返家,12點半就返到家啦~1點左右亞lin打0黎,
佢條友今日冇返工,話腰痛喎~都唔知係咪,又話出街又呢樣果樣!
同佢傾左成粒鐘電話就收線打俾邱富,
問佢呢兩日得唔得閒幫我整電腦!佢話聽日先得,so我今日都係冇電腦玩呀/_\
成個下晏都冇咩野好做,唔知想點囉~第2果個又放假,又係留左係家!
夜晚又係睇TV果渣~!因為早起身,訓得少關係,好早已經覺得眼訓,
但係自己又想睇TV,So死忍睇埋< 大長今 >先返入房,12點幾左訓~

>>February 2, 2005 at 11:15:43 AM GMT+8

2005 年 1 月 30 日 星期日 【雷雨】

今日天氣真係凍左幾多下!其實琴晚返家已經凍啦~
成日都落住毛毛雨咁!今朝又唔知醒起身返學!琴晚因為周身骨痛,訓唔著~
兩點左右先訓得著!訓到今朝12點幾起身,我太懶訓了~!
起身之後整番熱琴晚留既飯!又抄番以前D VCD睇下!
食食下飯亞屎打0黎問我返唔返到新Monday果份工,
佢幫我問下果個人俾唔俾我途中加入返工,因為我返michel rene返到8號!
最快要9號先可以返,咁0岩新Monday果度唔夠人!
亞屎又講到份工好free,返7粒鐘,有成40蚊粒鐘,咁如果果個人俾中途加入既我會返!
睇完VCD之後就換衫出大廣佩個火牛!YO~一佩就佩到!
佢叫我keep住張單,一個月內可以換貨!
其實我之前整過部腦都係果間整,so我估果間係有呢個size既火牛買!
而家買個火牛用住先,又仲未有錢買電腦呀~!個火牛買左$115 ,
我估都係自己錢0家啦~佢0地一定又話我用電腦多果渣,唔會俾番錢我!
買完之後就返家lu~返到家又織埋條頸巾俾堂細佬,而家織起左~GOOD!
但我覺得短,亞媽又話小朋友唔駛織咁長喎!~
今晚都係返家食同睇TV!唉~~~
好想玩電腦呀!成個星期冇玩,又悶,真係人都癲啦!~

>>February 2, 2005 at 11:09:06 AM GMT+8

2005 年 1 月 29 日 星期六 【雷雨】

今日起身都落住毛毛雨,今朝都係十點幾起身!差唔多12點出門口!
琴晚11點左右訓,但係都覺得唔係咁夠訓咁=.="
1點正返到舖,又係hea下同傾計!今日好多時都爆場~!
下晏九龍公園樓梯下面果撻地又有活動攪,又有表演!
又係跳舞呀>0< 真係爆GOOD!!!咁0岩果時靜場,so我企左係門口睇左幾個字,
原來果班人係嶺南大學跳舞學會既學生!估唔到居然係大學生呀~!
但係D女唔夠索!我成日都覺得跳舞果D女係好型好索咁0家!嘿...呢個係我既諗法~
4點左右又叫我去海港城拎貨,其實另一個PT都成日去拎貨,都係一人拎一次咁樣!
咁去到有個同事就叫另一個同事幫我拾D貨出0黎,
點知另一個同事話:唔得喎~我跟緊客!
冇耐個經理自己幫我拾!果個同事個樣真係好串,個樣已經串,
再加上講埋呢句野就更加串,果一刻真係想打爆佢=.=凸
拎完之後到5點幾又食飯~咁0岩同埋樓上果個PT食,同佢傾左陣計~!
早間同事走之後樓上果個PT落0黎幫手!係咁同佢傾計,
佢講野幾大聲下0家!但係好好傾,估唔到佢係大學生years1!讀理工!
大我兩年左右~佢話起初以為大我唔係好多!起初我以為佢同我同年咁!
因為佢個樣唔大~8點至10點呢段時間完全係傾計時間囉~
好free呀真係~!其實佢0地D同事本身下晏好悶會走左出街買野=.="
9點10左右我就即上去換衫走人~!等車時落緊毛毛雨,
又凍喎!=.=""" 好彩上到車好多位~去到旺角果個站都仲可以上到人!
返到0黎10點11左右,比琴日早左一個字!
但係訓前有D頭痛,可能因為淋左少少雨關係吧~!
返到屋企我就睇錄低既< 掌門人 > ,今集真係超爆笑!一條友睇都笑到我仆街呀!!!
之後沖涼,沖完涼又寫番兩日既日記~寫....寫到手都軟!
唉~~唔知幾時先可以有電腦玩呢/_\,我想打日記呀~!
星期五先再返工,返4-8號!last day仲俾我返11-8點添呀~終於有一日返早!太好!!!
返完唔知幾時先有得返呢?

>>February 2, 2005 at 11:02:06 AM GMT+8

2005 年 1 月 28 日 星期五 【陰】

今朝10點幾起身,11點半左右michel rene就打0黎叫我去又一城拎貨!
估唔到第1日返工就叫我拎貨~but冇所謂啦,又可以遲少少出門口,
而且佢又話驚我搵唔到果間舖,遲少少唔梗要!
好耐都未去過又一城啦~果度果間michel rene都好易搵0者~!
之後搭番KCR去柏寧!咁落車係尖東站果時有個女人問路,
佢又同我同路既,佢問咩中港城係邊!其實都係海港城果邊~
都係地鐵果邊出!一出九龍公園果個站我就指佢行邊個方向,then我就返工!
都係第1次咁樣帶人路,仲要行左咁耐......
返到就見到多左兩個PT!一個ok靚,但係幾大下咁,佢同我一樣企樓下既男裝區~
另外果個年紀好似同我差唔多,佢企樓上!But今日冇同佢講過野,
因為一個樓上,一個樓下,好少機會見到~!
好快到5點,又係時候食飯~!
大約6點左右叫我去海港城拎貨,仲好啦~又可以行下,因為呢份工根本冇野做,
行行企企~咁去拎下貨都好~!
我一去到海港城就見到張衛健,佢真人比上鏡肥咁,
唔知係咪肥左定咩,淨係覺得佢好漲咁!佢拖住佢女朋友,
我見唔到佢女朋友咩樣!但係只不過矮佢少少0者!佢本身都唔高~!
今日返工真係咩野都唔識咁,太耐冇返,D折都唔同哂~D貨都有d唔同左!
好快10點又準時收工走人,好彩架車有位0者~雖然又係坐樓下果層既最後,
但係好過冇位坐先啦~!11點返到家,0岩0岩睇到< 無間度 >最後半粒鐘!睇完就沖涼訓lu~!

>>February 2, 2005 at 10:39:32 AM GMT+8

2005 年 1 月 27 日 星期四 【暴雨】

今朝訓到11點幾起身!起身又hea下,睇碟!因為必定今日還碟,
星期6,日返工ma!睇睇睇......大約4點幾5點就出去還!精蟲打0黎佢返到0黎大埔!
Then接佢上我屋企整部腦!中途佢返家拎個火牛試下係咪我個火牛真係有問題~
原來真係燒左!So要買!佢幫我check完哂6點幾就走人lu~真係thx哂佢呀!
因為我最後都要星期一先可以買過個火牛!
精蟲又話佢驚下星期唔得閒,佢話我真係搵唔到第2個整先再搵番佢!
7點幾食飯,食完飯又係睇TV,睇完TV又係聽收音機~一邊聽一邊寫日記,
因為用唔到電腦,打唔到日記關係,唯有用手寫~!
再加上又唔知幾多日先可以整番好!要用手寫記低啦~!
明天返工啦!!!!!

>>February 2, 2005 at 10:30:32 AM GMT+8

2005 年 1 月 26 日 星期三 【晴】

壞電腦第2日!!!
原本打算今日返學!但當我醒果時已經7點幾~今日上攝影堂,
基本上要好準時8點半返到去,我就算即起身都遲成粒鐘,最終決定唔返~!
起身冇耐第2果個今日都係放假,冇耐佢出去租碟睇!
租左< 龍鳳鬥 > , < X豆先生 > , < 吾妻16歲 > , < 身驕肉貴 >,
睇左< X豆先生 >就出去幫老豆交唔知咩費!冇耐再返家睇過!
等亞屎call,5點多d係大中接佢!因為亞屎找左電腦底板俾我!
佢覺得係個底板有問題喎~跟住我0地係大中行左陣,
佢打算買禮物俾個fd!但係佢個fd都幾追牌子野果d~大埔好少有呢d 0家ma!
最後我0地行左入I.T ,有個男sales跟我0地!係咁撩我0地講野!
仲話有個sales讚我靚~!嘿嘿嘿.....有人讚當然開心啦~亞屎簡左幾耐下!
最終般左Mickey手鍊!個sales俾條新既我0地check!
點知check過3條都有少少問題!最後到cashier俾錢,個男sales就講笑咁講:
你都係check多次啦~驚一陣個Mickey眼或者耳又有問題~
個男sales幾好傾!問左兩次我0地讀書定係返學!起初我唔係咁想講,
因為覺得自己返工又唔係返工,讀書又唔讀書,咁個男sales就話唔講咪算囉~
到俾錢個男sales又問多次,咁我就講我讀書,之後佢就問我0地夠18歲未!
我話夠!佢就問係咪84年,我話86!佢又唔係好信咁=.="
之後就俾左兩張留電話,e-mail既野我0地寫!
話到時有咩on-sales果d打俾我0地!寫完之後我0地就say bye走啦~!
再行,冇耐去左仙跡岩飲野!飲飲下亞華個二家姐0黎左~
亞華個二家姐俾我覺得係玩果D人,但係都幾好笑!~
亞屎仲叫亞華二家姐得閒幫我留意下有咩pt~
大約8點左右我就返家,佢0地落bra,好似亞華個二家姐有d唔開心!
返到家冇耐第2果個煮左個勁重料既烏冬食!
食完之後又織下頸巾~9點幾左右收到個電話!
係果個男sales打0黎,
佢話提一提番如果條鍊再有咩問題可以7日內keep番張單去番大埔果間度換貨!
哈~其實我覺得果個男sales幾得0家!係幾型下~
跟住冇野做就睇埋果隻< 吾妻16歲 > ,真係幾好睇呀>.<
睇睇下亞lin打0黎,咁我一向睇TV果D都比較專心,佢打0黎我冇咩野講,
佢問我做緊咩,我話睇緊碟,咁佢問係咪阻住我,我又口快快答左佢:少少啦~
之後佢好似惱惱地咁樣話:咁唔阻你啦!
即刻cut左線!~so我係訓前都send番sms俾佢同佢say sorry.....
我未試過識到一個朋友係咁易發脾氣,可能我真係有錯,但係都唔駛真係發脾氣呀?
今晚3點幾4點先訓得著/_\
第2果個又開哂燈畫畫!攪到訓唔著,真辛苦!

>>February 2, 2005 at 10:25:58 AM GMT+8

2005 年 1 月 25 日 星期二 【陰】

壞電腦第1日!!!!
唉~~~今朝一起身已經覺得唔對路!因為見第2果個唔開電腦玩!
當我想開之際,第2果個居然同我講電腦開唔到!!!HOLY SHIT!!!!!
今日我已經冇返學,仲要冇電腦玩,攪到灰哂~
而家冇工返成日都係屋企,日日都俾亞媽小!
真係咩都唔想理,出街!!!但係個個fds都返工,唔知可以搵邊個,
so下晏睇完TV就返入房!呆哂~成日唔知做咩!完全哂今日既時間!
heahea下就訓著左!夜晚都係食飯同TV!

>>February 2, 2005 at 10:08:14 AM GMT+8

2005 年 1 月 24 日 星期一 【晴】

yo!~今日有起到身返學呀!但係琴晚3點幾先訓得著囉~原本我好早返入房,
但係聽收音機=.=".....今日原本都起唔到身,我又啪禁左鬧鐘之後訓番~
好彩彬打0黎叫我起身,唔係我真係唔知醒!但係都遲到,好彩打俾羅家良,
佢幫我簽到名!太好了!!!我都唔知幾耐未簽過名呀!
今日係新堂,Tommy上,wo~呢個我有d興趣喎!因為都係做番以前中學D野!
只不過有埋透視學!以前用既乾粉彩唔駛哂啦^-^
因為我遲左入去,變左一條友坐最前一行!never mind啦~
都好眼訓,唔知自己做緊咩!廢事一陣亂講野!亞星條友仲串我=.="
佢話見到我有返覺得好驚喜喎!~
羅家良今日帶左相機返0黎,令我諗番起初初入學時成日都帶相機去影相!
唉~~~真係好想買相機呀/_\.....手提又想買!唉~算啦~手提用住先啦!又唔係冇!
到真係儲到錢睇0岩先買啦!雖然而家呢部機開始耐唔耐hang機.....
但係而家最想買都係相機!我估要同第二果個夾份買lu~
好快又落堂,之後去左樓下間茶餐廳!我去到都係坐,唔知食咩~
因為我唔想食果D早餐!其實今日都好D啦~都識得想食野!係唔知食咩!
最終都係冇食到!羅家良返11點,So佢好早就走左,野都未食!
因為今日早左個幾字落堂!So亞倩仲可以食到野!食完就返工~!
同小葵經過7仔,見到邱富企左係度!問我0地去邊,冇地方去呀,返屋企,
之後仲叫我0地去行街!但係冇話去!因為我真係好累,訓得太少,好眼訓!
今日我轉bus搭返0黎!因為可以訓陣...返到0黎幾肚餓下!打俾亞媽問佢食左野未~
原來佢等我返0黎一陣食野!之後等左佢成4個字先見人=__="
食完之後係屋企樓下買左支冷針!買完就陪佢去welcome買野~!
Then返家~!返到屋企大果個終於返0黎!基本上佢隔日就冇返屋企!
返到屋企冇耐亞媽就去亞叔屋企睇住兩個細!順便拎埋果盒超人波子棋俾佢0地!
冇耐彬打0黎問我今日有冇返學!係呀~我有啦當然!有人叫起身仲唔返咩~!
但係當然會遲到!係睇下遲多定少0者~!我成日都攪成粒鐘先出門口呀!
我覺得遲半粒鐘唔算得係咩野!因為基本上好多同學都成半粒鐘先返到去!
而且頭果半粒鐘通常做唔到D咩野!(呢D都係我覺得0者=.=".........)
一傾就傾左成粒鐘,收線之後又上下網!都冇野好做,好悶呀‧______‧
上上下網聞到好大燒焦既味,好臭,打落管理處!
原來樓上13樓有人煲野訓著左!真係多得佢唔少,一陣攪到火< 燭 >咪PK!!!
冇野又抄碟0黎!睇完之後學下上次買番0黎既粗冷!而家用左另一種織法!
但係.....好難起步!=.="攪左好陣子先織左幾行!
夜晚食完飯都係睇TV~而家生活就係成日織頸巾,因為真係冇野好做!
一係就學車野~但係都好既,起碼都可以學多樣野~!^-^ 自學計劃!

>>January 25, 2005 at 2:34:17 PM GMT+8