2007 年 12 月 30 日 星期日 【乍雨乍晴】

你也可以計劃人生

十多年前, 看蔡元雲的書, 就有看過大概的書名, 就是"你也可以計劃人生"。
當中閱讀之餘, 書中有一些習作可做, 幫助你計劃人生。
在這之後, 我習慣每年都會檢討自己過去,
並為新一年作一些簡單的計劃。

近兩年最深刻的感受,
就係Master畢業, 並且有很好的成績,
而從未想過會讀神學, 又不經不覺巳讀左一年多,
呢兩年又因為公司的轉變, 識左好多新同事, 建立了很多友誼,
工作亦順利,
對團契的弟兄姊妹亦加深了認識。
媽媽和小狗Momo都身體健康,
我體重輕了, 十分fit : ) (事實上有定期的跑步, 令我很愉快)
事奉雖不是滿意, 但也是充滿感謝,
投資亦有不錯的回報.....

為到這一切, 要感謝天父上帝!
------------------------------------------------------------------------

2008年的計劃相當簡單,

工作, 做好我份工, 多幫助同事,
團契, 做個好關顧,
投資, 能達到新的目標,
三神, 勤力學習,
靈性, 多靈修,
健康, 保持定期的跑步, 早點睡。

這些計劃看似簡單, 事實上做到並不容易......
而關鍵在於最後一點, 就是要早一點睡,
只有足夠的精神, 才能清晰工作、思考.....
同意嗎!!! (劉牧師的口頭禪)

2008, 其待你的來臨!!!

>>December 31, 2007 at 7:49:59 AM GMT+8

2007 年 12 月 30 日 星期日 【乍雨乍晴】

前幾天從報紙看到開審的案件,
是關於年初一名六歳女童,
在旺角落小巴時被車門夾著頸巾拖行,
被捲入車底輾過,
母親最後只能抱著滿面血的女兒說了一句:媽媽很愛你!
只見女兒手指輕微郁動, 再無反應。

再看這個新聞, 便想哭出來。

願天父親自安慰這位母親,
願小女兒的靈魂得到安息,
願這位母親能和女兒在天國相見.....

若世上真的這麼多令人傷心的事,
那麼, 我們總要努力幫助他人, 令更多的人得到安慰......

>>December 31, 2007 at 7:49:50 AM GMT+8

2007 年 12 月 26 日 星期三 【颳風】

12月24日--平安夜
今天提早放工, 心情特別愉快。
我們一同在三冠王食晚飯, 再返平安夜崇拜。
其實我都有諗過唔返崇拜, 出席其他活動。
但係咁多年都返平安夜崇拜, 好像只是有一年和媽媽返其他教會的佈道會先冇返,
而我深信天父希望祂的子民平安夜記念主耶穌, 而唔係去party慶祝。

Jacqueline, Nicole, Isabella, Kevin, Bertha, Brian一家, Josephine and me, and 主耶穌,
我們一同吃這個平安夜晚飯,
看到三冠王個聖誕大餐開價$150 per head, 所以我地冇人叫聖誕大餐,
只是個別叫焗飯就算,
我心裡覺得, 市道好番d, 乜都貴晒, 茶餐廳都話$150聖誕大餐,
我突然覺得反而要更加節儉, 唔好人地跟住貴我就跟住食, 跟住洗錢,
因為永遠唔知下一次經濟災難幾時來臨。
我同自己講, 要知足.....

平安夜崇拜週刋印住以下經文,
『我報給你們大喜的信息, 是關乎萬民的, 因今天在大衛城裡, 為你們生了救主, 就是主基督！』
我同Jacqueline講呢句經文好勁, 或者話, 我今天感覺呢句經文好勁,
救主是為我們而生的, 對我就是為我而生,
佢係邊個, 就係主基督.....
Jacqueline如常作答, 緊係! 聖誕節呀嗎!!!......
哈哈......

兒童詩班令我最為感動, 聽到小朋友天真的聲音,
就像天使的聲音,
下次有人問我天使唱歌係點, 我識答勒!
有好多好聽的聖誕詩歌,
其中, 我覺得新生王歌仍然咁偉大.....

崇拜後, 加埋大頭, 沙拉, 小琳, 大師兄,
十幾人再食宵夜, 我都食左一份常餐,
食得開心的話, $30o既常餐都可以令你好滿足。

希望2008年每個團友都願意抽時間出來活動,
如果同時間配合禱告, 我相信團契o既凝聚力就係咁開始。
-------------------------------------------------------------------------------------

12月25日--聖"堣�
今日係Joanne洗禮,
冇去到觀禮, 想訓多d同埋留d時間執屋。

晚上我地21位團友加1個baby加3隻小狗, o係Carmen屋企玩,
d食物好正, 有元氣壽司同埋Pepperoni's,
看到咁多壽司令人好開心,
而Pepperoni's o既燒雞, 意粉, pizza, 春卷都咁好食, 好好味,
我一d都無客氣, 係咁食,
不過原來我真係食得好慢, 同埋我掛住同小吉玩,
所以我未食完桌面好多o野都冇晒勒!

小吉係Carmen收養o既狗女, 係比熊犬,
其實好欣賞Carmen決定收養, 而唔係買一隻,
就算我都會選擇買一隻狗從小養起, 不過小吉都只不過係三個月大,
聽佢地講, 係個女主人太多狗, 決定放棄小吉, 而個男主人仲對佢好差,
所以小吉一見到男人就好驚,
我用左好多時間陪佢玩,
起初我抱佢, 佢驚到震,
我慢慢掃她的毛,
不驚不覺, 我抱了她兩個多小時,
佢再冇驚我, 好舒服躺在我身上,
我想佢要好長時間, 先可以對人(男人)恢復信心。

今晚, 要多謝上帝給我一班弟兄姊妹!
-----------------------------------------------------------------------------------

12月26日--Boxing day
好耐冇見過Michael,
今日去左佢屋企, 間屋裝修得幾好,
33樓o既高層公屋望海景, 係好靚o既海景,
私人樓的話, 好貴先買到.....
我今日力推Christmas party,
不過Michael, Jacqueline都好似唔想去, 難明.....

>>December 27, 2007 at 7:59:15 AM GMT+8

2007 年 12 月 26 日 星期三 【颳風】

求主寬恕.......
剛過去的星期六開會, 我們談到紅事白事團契會否給予金錢作慰問,
我就出口舉例話如果團友"Z"全家瓜晒, 就點點點......
呢個例子不應該出口,
雖然團友"Z"係不存在, 但係都唔應該作例子,
有邊個想有團友全家瓜晒呢!
求主寬恕我說了不合宜的說話.....

>>December 27, 2007 at 7:58:46 AM GMT+8

2007 年 12 月 26 日 星期三 【颳風】

保密日記，請登入觀看！

>>December 27, 2007 at 3:41:06 AM GMT+8

2007 年 12 月 15 日 星期六 【晴】

剛過去的查經係今年最後一次,
大師兄o既分享語重心長, 其實大師兄今年真係努力,
不過團契個出席率低, 就直接影響查經質素,
聽講有時查經員都不能出席,
所以真可惜.
我深信得到最多o既係大師兄,
相信天父會特別賜福予他
而關於提摩太書裡的信息,
如真道, 工人, 精兵, 教會的問題如批評的事等等......我會好好學習當中的教導.
還有, 大師兄的事奉態度, 直得我們學習.

團契後, Helen帶我地去左灣仔街市打邊爐,
食物唔可以話好食, 但係氣氛幾好, 同埋平, 每人$53打邊爐係好抵,
同Helen出街好玩就係佢有好多主意,
一話去打邊爐, 咁就去勒,
佢仲話不如食完再去公展會, 不過我地唔夠時間去,
只係去左Time Square行吓,
今年o既禮物推出, 感覺上冇舊年咁多款式,
我買左隻公仔俾momo做聖誕禮物.......
最後大家話去食糖水,
原途見到陳冠希唔知拍戲定MTV, 不過唔覺佢有星味.
大家食吓糖水吹吓水, 都好開心,
團契明年的方向?
我話呢種歡笑可以充滿整個團契也不錯......

回到家中, 我忍不住提早給momo聖誕禮物,
我幫呢個公仔改名做"汪汪", 因為個公仔係黃色,
momo玩左整個晚上, 這一刻汪汪還在她左右呢......

>>December 16, 2007 at 2:19:40 PM GMT+8

2007 年 12 月 13 日 星期四 【晴】

食食食.....

上星期同Shelley食煲仔飯,
佢竟然叫一個油鴨脾煲, 一個臘味煲,
唔肥唔食, 不過真係好鬼香架.....

打後過了兩天, 同La La跑完步,
佢竟然話去打邊爐, 兩個人食左8碟,
份量都幾多架........

昨天就同Fa去食迴轉壽司,
見佢食得咁開心, 我都好開心,

>>December 16, 2007 at 1:31:07 PM GMT+8

2007 年 12 月 13 日 星期四 【晴】

保密日記，請登入觀看！

>>December 14, 2007 at 9:44:45 AM GMT+8

2007 年 12 月 2 日 星期日 【晴】

11月回國內工作兩星期, 真係好疲累.........
事緣係我的team巳經有好多同事走左, 以前工作會互相接替,
例如每人留國內4天, 但係依家就要我地4條友做晒,
今次上去我地4條友做3隻菌, 辛苦就唔係, 但係時間磨到你殘、磨足兩星期。
未來o既日子都會係咁, 雖然唔會話成日都回國內,
但係, 一去就可能會長d勒。

今次回國內都有d體驗, 有一個晚上,
我地做完o野去食火鍋,
對面食店有人"湯"狗, 先cut個頭, 再一開四份,
好殘忍, 心裡很不快, 不過由於我好奇,
我就睇埋落去.......
人類真係好卑鄙, 很難過, 望住狗個頭, 死亡唔可怕, 人類卻好可怕。

另一個晚上, 在一個偏僻的地方工作,
主要原因係租o個度d廠比較平,
我同事病左, 食完晚飯佢就番左酒店,
當時只係晚上7點, 雖然o個度d治安唔係咁好,
但係, 我都決定一個人行吓呢個福永鎮,
個街市好多o野賣, 個樣係70年代o既香港街市,
見到一個手機廣場, 約有40個鋪, 有100個女sales, 場面直情係用偉大來形容,
你諗吓有一百個人望實你踏入呢個門口, 你想唔買o野走都會困難,
咁o既環境, 我當然係pass,
再行到去一個購物中心, 大開眼界, 原來小鎮地方o既"超市"可以咁大,
擺即食面個section都大過一間ok, 你話國內有幾多牌子。
結構同Walmart一樣, 有衫、電器、食品, 不過就大過Walmart,
仲連住一個綱吧, 約有50部電腦俾你上綱, 以每小時計錢。

行完呢間超市, 我行吓d街鋪加小敗店, 大部份都係賣小食, 內衣, 老翻,
我買左一個剛出爐o既燒餅食, 雖然剛食完飯, 但係個燒餅真係好吸引,
好好食, 好香, 再有機會去, 我一定食多幾個, 5毫一個。
我諗o係香港5元一個都會有人買。

今晚可以體驗國內一d較為落後地方o既夜市, 我好開心。
---------------------------------------------------------------------------------

踏入11月, 好多o野我都想改變, 特別係要對自己再好d,
以前我剩係諗住點樣令人開心, 雖然我以後都會咁做,
但係我會更加愛自己....
回香港後我買左好多新衫, 從未試過一個月內買咁多,
有幾多件呢?1,2,3,4,5,.....8, 仲共買左8件衫,
著衫d顏色及款式都多o野....
唔知係唔係內在o既我提醒自己要改變呢!
--------------------------------------------------------------

洗錢要識搵錢, 不過我全年要達到o既投資收入目標,
多數去唔到, 因為得番不足一個月,
冇緊要, 因為即使達不到, 我都好開心!
-------------------------------------------------------------------

三神課程, 依家上緊靈修神學, 都令我有幾多思考o既地方,
還記得上一份宣教策略o既工課, 我做到半夜3點先訓, 跟住半夜5點起身繼續做到7點,
然後仲番到工....好強, 不過, 當你有決心要做, 就會做到....
亦係因為要回國內, 所以分散了我的時間。

明年o既宣教實踐計劃, 小組會議進展緩慢, 唔知幾時大家先可落實去做。

課本Streams of Living Water呢本書幾好睇, 又係Richard J. Foster寫,
當年佢o既Celebration of Discipline曾有很大回響。
我會花多d時間讀Streams of Living Water呢買書。
----------------------------------------------------------------------------------------

新一年事奉方向, 我推卻左做副團長,
內心有掙扎過, 如果冇人願意做, 我是否繼續做呢?
但係我巳經做左兩年, 有d累,
而內心係想做關顧o既工作, 我提出後,
團長亦同意我做關顧,
唔做埋副團長, 係因為我唔想再做行政性o既o野,
我想好自由去關心團友, 籌備各種活動,
計劃係我會定期為一班職員攪活動,
關心新朋友、新團友,
為團友攪旅行、食飯、分享等活動。
寫吓寫吓, 要放工勒!

>>December 3, 2007 at 9:59:26 AM GMT+8

2007 年 10 月 24 日 星期三 【晴】

下星期一出trip, 又係回歸祖國,
本來係去8日, 今日講o下講o下, 變左11日,
正面d諗, 其實幾開心,
因為工作轉變o下地方, 其實就等如休息一樣啦,
成日做同一個地方咪仲悶,
而且洗錢又可以洗阿公tim....
--------------------------------------------------------------------------------

呢排收到好多Miffy禮物,
先係收到三枝原子筆, 一枝office用, 一枝屋企用, 一枝隨身, 真係有心思...
另一份係Miffy silver系列, 有毛巾, 鏡.......銀色o既miffy原來咁靚.
最後一份係2008 Miffy 月曆, 正!!!
真係多謝晒各方好友, 我會好好珍惜, 也會好好珍惜我們的友誼。

>>October 25, 2007 at 9:52:46 AM GMT+8