2016 年 7 月 30 日 星期六 【酷熱】

再見螢火蟲


今日我要加薪團隊跟local團去睇螢火蟲,
導遊放左隻幼蟲在我手上,
好痕, 好好玩,
成個團好多活動, 到晚上先上山睇螢火蟲,
見到幾隻咁啦, 唔算好多。
最特別係見到螢光蠍子,
成幅牆都係, 好勁

>>August 23, 2016 at 2:37:01 PM GMT+8

2016 年 7 月 29 日 星期五 【酷熱】

2016動漫展


睇完書展, 就係動漫展,
玩具店老板教我如果要星期六去,
就選午飯時間入場, 即11至12點入場,
話果時有個gap, 會突然少人左
結果當然唔係, 一樣咁多人,
排左30分鐘先入到場,
不過因為可以捉精靈, 而且米菲有笆蕉扇、西瓜汁,
所以唔覺太辛苦, 天氣係超級熱......

動漫展真係好多野睇,
幫同事買左三盒限量版高達模型, 都成千元,
自己又買左成千蚊, 入一入去洗左2千幾, 但洗得好開心,
行左8小時, 你問我點行到咁耐,
米菲再行耐D都仲得, 只不過係太累了....

有諗過再去多日, 不過實在不想再排隊了

>>August 23, 2016 at 2:35:20 PM GMT+8

2016 年 7 月 20 日 星期三 【酷熱】

2016書展


今年選了星期四下午入書展, 也是書展的第一天,
刻意下午放假, 為了避開人流,
因為星期六、日去真係排隊入太恐怖了。
米菲都排了一陣, 但條龍一路都有行, 冇乜點停下來, 不過就好熱,
用左成半小時先入到會展入面。

米菲從3點開始睇, 到9點離開, 剛好睇左6小時,
好喜歡香港的書展, 米菲會繼續每年去呢!

今年在場內買不到溫偉耀博士的簽名版新書......
《今生, 來世》係基督教信仰探索系列第五本書,
過去都是一年一本, 不經不覺米菲追住來睇已經第五年了,
而每年入場都買到親筆簽名版本, 今年場內冇簽名版,
好在書店店員話我知基道書樓有簽名版賣,
如果唔係我就少了一年簽名版了, 哈哈,
呢系列, 好好睇架.....

今年都係宗教, 勵志, 旅遊, 寫真都有買,
另外, 今年的武俠展覽都好值得睇,
同場仲有個日本動漫旅遊展, 介紹好多出產動漫作品的日本城市, 好睇架!

2017年書展再見

>>August 23, 2016 at 2:32:47 PM GMT+8

2016 年 4 月 23 日 星期六 【晴】

4月東京之旅第六天
米菲在秋葉原和上野


今日早返D起身, 9點就已在Doutor嘆咖啡食三文治。
本身住在上野, 所以了解這裡。
從京成上野駅旁入口, 步行去上野恩賜公園。
下雨了, 不算太大雨, 樹木林立加上雨水, 有份淒美感。
公園一帶暫時還很寧靜, 但始終是星期日, 晚一點可能很多人吧!

第一站係國立西洋美術館, 入場費430 yen, 只是買了常設展門票,
就是指美術館買了下來的收藏品, 是14世紀的作品,
好多都係同宗教有關連, 如果順序睇, 可以睇到耶穌從聖嬰開始,
直至釘十架, 升天的畫作都有。
米菲對藝術品及畫認識好少, 喜歡隨意睇下, 但因為有咁多畫和宗教有關,
所以特別有共鳴。
耶穌和12門徒的最後晚壑]有, 這幅很喜歡呀!
館內的作品, 大部份可以隨意影相, 但當然不能閃燈, 部份作品如果有個攝影及X標記, 就表示唔可以影。
美術館亦有表明, 建議不要花時間影相, 從而輕鬆地好好欣賞每件作品。
睇完整個展覽, 就會去到門口的紀念品店,
那時就發現, 頭先睇過的作品, 都會變成明信片, 90yen一張,
讓觀眾可以買下喜歡的留念, 這個安排好貼心呢!
米菲買了三張, 其中一幅就係耶穌和十二門徒的最後晚�, 另一張係雪景畫,
還有, 就係地獄之門。
門口就有地獄之門的巨型調像, 名牌上寫著:
Auguste Rodin (1840 – 1917)
The Gates of Hell (1880 – 1917)
Rodin 羅丹, 係印象派雕刻家, 被稱為現代雕刻藝術之父。
見到的是當時製作了三個model 的其中一個, 是青銅雕出來的, 好震撼。
門上昰否真的刻有186個痛苦群體, 雖然雨停了, 但米菲就無細心去數過,
米菲唔想數數吓掉進了地獄之門呢!
另外一個出名的雕像作品沉思者, 也刻在地獄之門上。
只不過是羅丹後來抽了出來, 作個別雕刻品之一, 但後來沉思者好像反而成了羅丹的成名作品。

下一站係國立科學博物館, 門票620yen.
入到裡面, 再細分為兩個展館, 分別是日本館及地球館。
日本館展出日本列島點樣來, 並將曾經出現過在日本的生物, 都盡可能展出一個標本。
標本之多, 另人讚嘆。
而地球館亦有很多動物標本, 包括恐龍。另外, 一些天文學儀器, 及很多種測量地震的儀器, 都有展出, 好好睇呀!
睇完先知, 原來有咁多種測量方法。當然, 在日本, 他們更加關注展出地震測量儀器, 讓國民認識。

快到中午12點正, 米菲只是行左兩個館,
就係國立西洋美術館及國立科學博物館, 只係公園的十分之一。
行到有點累, 而且還要回酒店check out及寄存行理。
公園裡, 還有東京國立博物館想去的, 及上野動物園。
但發現到左中午時分, 公園多左好多人,
如果博物館及動物園都多左人, 就冇咁好行了。
所以米菲回酒店check out後, 就再沒有回到上野恩賜公園了。
因為急左一點回酒店, 所以沒有行去公園的花見路,
已過左櫻花花期, 不過或釵酗硈遲開也說不定, 無論如何, 無行過去那邊了。

在酒店寄存好行理後, 就係午飯了。
入左去肉之大山, 一直以為坅Y外賣串燒, 原來入面仲有曙U有座位,
點了份牛扒定食, 塊扒本身好大, 味道普通, 不過不失, 定食係跟沙律、薯容、飯, 飲品自助任飲, 真係大滿足。
幾時在上野想食西�, 就會來這裡了。

食飽, 就出發再去秋葉原。
今次從另一邊出口出到地面, 先去參歡AKB48 Café & Shop,
買左小嶋陽菜的寫真相片, 這裡是官方的商品店, 但商品比我想像中少, 而且質素好一般,
可能主力係咖啡店吧!
隔離就剛好是另一主題店 Gundam Cafe,
好多人排隊入去飲野, 真係多fans朝聖呀!

星期日的秋葉原, 特別行得舒服,
因為整個區域禁止行車, 只有一個區域集中有攤販賣動漫產品,
在大道上沒有攤販賣野, 好有秩序,
真係好舒服, 下次來要特登星期日行秋葉原,
反正星期日好多旅遊點都多人, 來這裡睇動漫反過來方便d.

米菲今日又買到好野, 但秋葉原真係好多店可以行,
下次要預多D時間先得。
去我喜歡的Mister Donut外帶一件草莓donut, 在街上一邊欣賞街景一邊吃,
好寫意呀!
在這裡留到下午四點先離開回酒店拿行理, 坐番Skyliner去機場,
沒有預留時間行成田機場, 雖然真係想到處睇下,
在機場食了豚肉拉面, 真係好鬼一般, 而且貴, 不過無法,
因為冇時間慢慢找野食了。
大部份手信都已經買好了, 所以只在免稅品店再買了文明堂的蛋糕給MO媽。
傳統的蛋糕MO媽最like了。

這次旅程唯一令我少少不滿的,
就是回程行理等左超耐, 講緊係一個小時,
就係咁樣一等, 再miss埋巴士, 跟住要搭NA21,
好耐先一班車, 所以夜深才回到家,
希望HK Express的行理安排好好改善啦!

今次東京之旅, 讓米菲好好認識東京,
雖然仲有好多地方未去, 但這樣輕鬆遊每日只去兩個地方,
似乎更開心呢!
有人說過, 當你第一次去一個地方旅行,
因為要計劃行程, 安排交通並配合時間遊玩, 有時又要找路找地方, 所以不能完全relax,
但當你第二次去這個地方, 不用想咁多, 準備咁多, 找咁多, 先至可以relax咁遊玩,
這個講法我認同呀!
米菲認為, 第一次去一個地方, 係享受少少冒險、發掘、驚喜的樂趣, 也充滿新鮮感,
而第二次去一個地方, 除了這些, 就再多一份親切回味的感受, 一份掌握到的滿足感吧!

在好快的日子, 米菲就會再出發東京了!

>>July 24, 2016 at 5:41:10 PM GMT+8

2016 年 4 月 22 日 星期五 【晴】

4月東京之旅第五天
米菲在秋葉原


今日訓到夠, 十點先食早�
繼續到Doutor食早�, 喜歡他們的咖啡, 今日試三文治套�,
係一個火煺生菜三文治, 好新鮮, 真不明點解咁好食。

上野坐JR山手線二個站直達秋葉原駅, 好快又方便。
因為米菲唔知邊個出口, 所以就從秋葉原公園出口出去,
站隔離就係Yodobashi Akiba, 而公園前行就係Shosen Book Tower書泉。
正好, 就行書泉先。係一手綜合書店, 有八層高, 而5至8樓係主要賣hobby及動漫書籍的。
雖然賣一手書, 但因為有部份書籍係有一本樣本放在面頭, 所以可以先睇睇, 喜歡才買。
而新書又用膠套封好, 所以書籍保存得很好。看過合適, 就攞本封好的購買, 真係好明白客人的心理。
米菲在這裡差不多睇左2小時, 真係好滿足, 不過沒有即時買下喜歡的書，因這裡營業時間長, 晚上回來再買, 米菲唔想背著書本走上一整天呀!

Yodobashi Akiba是Yodobashi Camera友都八喜最大的一間, 除了電器, 化妝品, 幼兒用品, 玩具都有, 變成一間綜合百貨。
門口做緊Takara Tomy車展, 推廣緊一架新玩具車仔Toyota 86GRMN, scale 1/59,
推廣價700 yen, 仲有架真車1:1放喺度俾人影相, 米菲其實對車冇認識, 又唔識欣賞,
不過既然遇上Toyota新車仔發佈, 以前又係開Toyota, 咁就買返架。
Yodobashi好多玩具display, 見到展出八月會開賣的saber stay night 的食玩,
一個saber, 一個遠板澟, 及糖果, 2800yen未連稅, 但figure質素很高, 期待。
另外, 筋肉人既展出都好靚, 這是米菲童年時最喜歡的動漫, 等緊香港重播。
PS4亦有特價game, 不過因為版本問題, 冇買。


終於可以到訪Radio Hall (電子零件會館)。
60年代係賣電子零件得這名字, 到80年代變成賣電腦零件, 這裡被公認為日本PC發源地。
當然, 後來維修電腦及買零件的都變得式微, 2000年後被動漫行業正式取代,
成為動漫迷朝聖地方。
到2011年舊館拆卸再重建,, 2014年新館重新開業。
所以米菲到訪, 已經係10層高的新大樓, 門口的手信店已吸引了我眼球,
竟然有魔法少女的手信零食, 不過真要控制住自己, 唔係又破費, 話晒仲係在大樓門口, 幾時買到10樓。
成楝樓好多野睇, 裡面包含了kaiyodo, 宇宙船及Yellow Submarine,
aZone Label Shop及Volk Doll Point展出的人形公仔好靚, 喜歡人形公仔的動漫迷必要來睇。
米菲買了在香港早已消失的涉谷凜景品, 平平地買到真好。
有建議話, 由於新館租金以沒有當年那麼便宜, 所以在這裡尋寶, 亦未必買到平野。
米菲反正第一次來這裡, 就先欣賞到處走走, 稍後再買吧!

不經不覺睇到4點, 發現自己未食飯, 就到附近計劃到訪的日式炸豬扒食堂。
係日文店名, 此店特式係平同埋速食。
對於餓肚的米菲, 745yen有份炸豬排定食, 有湯有飯有菜, 係超值。
米菲另加了份沙律, 都只不過是108yen, 好抵呀!
再到訪東京時, 必會回來秋葉原, 也必會來這裡食廉價炸豬扒定食。

之後繼續動漫之旅, 去了好幾間店:
ASO Bit City, 係Laox電器的動漫館, 但實際上冇乜野好睇, 主要賣模型。
Gamers最近車站, 呢間店就多好多野睇。
Kotobukiya壽屋, 好多figure展出。
米菲搵唔到在Akiba Zone 的K-books.
Sofmap係動漫, 家電, 數碼產品連鎖店, 米菲發現這裡價錢貴喎。
Animate, 始終係動漫產品連鎖店的龍頭, 有8層高, 但池袋本店較大。池袋店係主要賣給女動漫迷(乙女), 仲大間D, 莫非乙女市場比宅男更大。
Liberty係秋葉原中古遊戲店龍頭之一, 有十幾間, 雖是二手, 但保存很好。7, 8及11號店有模型及Figure, 可以尋寶呀!
米菲後來再去了的可能是Liberty 4號店, 有3層高, 以超平的價錢買到我的妹妹沒有那麼可愛的figure, 是故事中少見的角色, 真好。
Gee!Store係動漫商店大廈, 地面層是扭蛋基地, 超過100部扭蛋機。有6層高, 扭蛋食玩, cosplay官方店, 女僕cafe都有。整体而言, 唔係咁啱米菲。

行到8點半, 收鑊不少, 不過今天主攻的都是少見的景品。
見到Pablo mimi店, 以往Pablo主賣大型cheese cake, 過左咁多年,
可能市場上真係有需求, 終於推出迷你版, 不過唔係叫cheese cake,
係Pablo mini cheese tart, 有三種味道, plain, chocolate及uji Matcha(宇治抺茶)
原味185yen, 其餘213yen, 唔貴喎,
而且暫時得幾個人排緊, 米菲一次過買晒三種做宵夜。
店員用英文告訴我, 最多保存多少天等等,
米菲告訴他, 今晚一次過食晒三個, 店員很驚訝, 話三個加埋接近成千卡路里,
米菲就話唔理咁多, 呵呵呵!!!
後來調查一下, 發現每個大約268卡路里, 可以吧!

返去書泉買書, 買左有聲優寫真, 電玩遊戲畫冊, 動漫畫冊等等, 好滿足呀!

>>July 24, 2016 at 5:41:17 PM GMT+8

2016 年 4 月 21 日 星期四 【晴】

4月東京之旅第四天
米菲在築地市場和台場


今日行程係早上先到築地市場, 下午到台場
上野坐JR日比谷線直逹築地, 落車要行一段路, 經過築地本願寺, 就到築地市場。
由於未食早�, 就到場外的井上, 食左碗叉燒拉面。
師傅每次以制作8碗拉面為一個單元, 每次大約有十個人排隊, 所以一般到第二round, 就可以有得食。大約等15分鐘左右。
井上只做早上, 但仍可以賣出600碗的紀錄。當然, 他們4:30am就開門, 方便在魚市場打工的, 也可以來食。
等候時, 可以見到師傅點整, 湯底係昆布和豬骨, 另外每碗加上一大湯匙醬油,
每碗有五塊叉燒, 指明用上鹿兒島黑豬。
另外, 這裡特式係立食。基本上, 會找到空枱的, 因為大家都食完就走,
一大班食客企晒喺到食面, 幾好的體驗。不過上次米菲在大板立食牛扒, 就好累, 因為那天很夜, 行到很疲累。
所以, 立食最好在早上, 哈哈!!!!
米菲覺得拉面算不錯, 口感較為腍, 吃後感覺很口乾, 怕味精的人要留意了。

接著去左佃權買關東煮魚蛋食, 米菲試了店員推介的煙肉魚蛋卷,
就是用煙肉卷著魚蛋卷, 但係食落口凍凍的, 又不給顧客番熱,
米菲直情覺得唔好食, 下次也不打算試他們其他的食品。
跟住在場外市場行左一陣, 又食過。去左松露, 呢間店出名係玉子燒(煎蛋捲)。
到底松露的玉子燒點解可以賣到咁出神入化, 連百貨店都有他們的專櫃呢?
原來他們用上茨城縣農場每天直送的出名雞蛋, 都路之蛋, 做出很好的蛋漿,
再將上湯加入蛋漿, 由於上湯的甜, 就可以減少加入砂糖, 煎出來的蛋捲就不會太甜。
係好食, 米菲在很飽的情況下, 仍然把整杯玉子燒食晒, 推介松露。
近門口另外也有其他玉子燒店, 但要食就食最好的, 松露也反正不用排隊。
行左無耐, 米菲又吃了一條燒鰻魚寸, 但味道好普通。
本來打算去石橋買草莓, 旅遊書話最抵最平係石橋, 但係找不到這店。
在另一水菓店買了福岡草莓, 1000YEN, 留番下午食。
不捨得買白色的那種草莓, 日文叫白莓, 因為5000YEN, 太貴了。

行完場外, 係時候入場內睇吓。
原來場內係要再行一段路, 先可以去到, 並不是單單就在隔離。
入到裡面, 拍賣當然見唔到, 因為時間不早了,
只見到大和壽司店, 大排長龍, 我諗都要等一個鐘頭,
而排隊的人, 大部份都係香港人。
米菲就去了鮮鮨勘, 都係傳統壽司, 都係出名店,
但可能係羊羣心理, 大家一齊排大和,
米菲就去左排鮮鮨勘, 同我一齊排仲有個西人, 和一個日本人家庭,
等左20分鐘左右, 太好了, 心想大和那邊, 真係唔知要等幾耐了。
由於太飽, 米菲只想試好野, 就唔叫SET, 就咁點了大拖羅和中拖羅壽司,
再加兩件甜蝦壽司, 好味, 今天早�, 真係食左好多野, 大滿足呢!

在場內店附近, 開了一個展覽館, 介紹新的豊洲市場,
因為11月7日, 築地市場就會消失, 整個市場就會移去豊洲市場。
呢度介紹話由築地去豊洲, 要2.3KM, 但都係了解吓咁,
因為旅客並不會由築地出發去豊洲。

米菲差不多點半才離開築地, 出發到台場。
JR日比谷線的築地站, 並不能去到汐留, 所以要從築地市場行去大江戶線的築地站, 先可以到汐留。
到汐留後, 再坐YURIKAMOME臨海鐵路, 坐4個站, 就可以到台場海滨公園站, 因為米菲想先到SHELL MUSEUM參觀。
入到SHELL MUSEUM, 好快就睇完, 因為入面冇乜野睇,
我因為好多年前, 曾經在SHELL打工, 所以入去八吓。

下一站係DECKS, 入面再分為三部份,
分別是Island Mall, Sea Side Mall及Joypolis.
米菲沒有計劃點行, 就先行Sea Side Mall 吧!
Legoland Discovery Center, 一早知道是必需要帶著兒童才可以進入,
所以只是行過來睇下, Lego shop可以進入, 但我不是lego迷, 不用破費。
行行吓行到Sea Side Mall的露台, 一望出去, 好靚呀,
望住成個海灣和彩虹橋, 呢個景太美了, 發現地下有間Café, 可以坐低睇呢個美景,
好, 一陣行完街, 就去café坐吓.
入到Odaiba Takoyaki Museum八爪魚燒博物館, 其實也不是什麼心目中的那種Museum,
只是在open area, 有從大阪來關於八爪魚燒的展品, 再加一個美食廣場,
入面有5間從大阪來的粉物燒店, 有八爪魚燒, 明石燒等等。
同一層有台場一丁目商店街, 以懷舊昭和風為主題, 有好多間精品店及零食店。
另外, 有間鬼屋, 叫台場怪奇學校, 米菲當然唔敢入去。
亦收集了70年代的遊戲機, 有很多都是米菲小時候玩過的, 有D我更加係”高手”。
米菲就選了一款玩玩, 高手即是高手, 一玩HI Score 就係米菲, 呵呵呵!
接著入左去Madame Tussauds 杜莎夫人蠟像館間Shop,
因為米菲唔係太大興趣入場, 就o係間紀念品店行吓,
不過, 有幾個像係唔洗入場都見到, 係免費參觀,
米菲就同左Lady Gaga合照, 好似真一樣呀!

行完Sea Side Mall, 就見到Joypolis,
係Sega室內電子機動遊戲, 在門外的大電視會介紹各遊戲, 太激了, 米菲當然唔會入場。
除遊戲外, 原來亦有初音演唱會, 係小型的那種吧!
最可惜時間上不配合, 如果唔係, 可以睇一次初音, 也很有樂趣。

進入Island Mall, 對於米菲來說, Island Mall冇野想睇, 因為主要係購物商店,
加上唔係自己喜歡的brand.
Tokyo Trick Art Museum是在Island Mall的, 不過米菲一人就不想進去, 因為好難拍出視覺效果。

米菲把在築地買的草莓洗乾淨, 就去Island Vintage Coffee間店嘆咖啡,
呢間咖啡店, 就係先前望到那間, 室內只有兩張枱有人, 而露台出面D枱,
就一個人都冇,
米菲在露台找到最好的位置, 一邊望住海岸和彩虹橋,
一面嘆著咖啡和草莓, 真係好正,
4月的天氣, 美好的陽光和涼涼的海風, 人生真係好好玩, 簡直係淨化米菲的心靈。
不過, 只係因為閒日, 加上個店出面冇人, 我先敢食草莓, 話晒在人地間店食外來食物, 始終係唔啱。
再有機會來, 我都會選閒日來這店, 而下次我會試店中的蛋糕。
米菲很享受這裡呢!
離開時, 當然係把垃圾帶走, 再把杯子拿回店裡給店員, 她們很高興我把杯子還給她們, 因為她們不用出去清理吧!
其實, 無論去到那裡, 能做多一點點就好, 多一點點笑容就好, 一切就變得好。
這刻想著, 面對香港社會的不公平, 工作環境的不公平, 都要帶者這種平和快樂的心情面對就好了。
事實上, 寫日記時, 也是好好回顧生活, 讓自己可以平靜下來。

沿著Decks Tokyo Beach海岸行, 就自然會行到Aqua City Odaiba.
呢個商場, 有很多日本品牌店, 不過先經過這裡, 回頭再來,
因為米菲想先去其他地方, 首先係富士電視台總部。
到達這裡後, 竟然參觀現場錄影那部份休館兩個多月,
只好在地面的展館和紀念品店參觀。
最吸引我, 就係Hero套劇,
可以見到久利生公平、麻木千佳和其他角色的工作証和咭片,
印著東京地方檢察庁城西支部, 和事務官麻木千佳, 好有型。
紀念品中, 最吸引我係小丸子的寫真大百科, 以前真係未見過, 買左一本。
裡面介紹晒所有角色, 情景, 和重要的事。
後來也沒有見過其他地方有得賣, 早知買多本送俾人啦!
另外, 電視台大樓, 開了間Chibi Maruko Chan Cafe小丸子咖啡店,
入面可以影相, 係快�, 價錢不貴, 不過米菲實在吃不下,
就買了Post Card.

下一站係DiverCity, 冇錯, 就係有巨型高達那商場。
在富士電視台大樓裡, 發現仲有15分鐘, 就係巨型高達活動時間,
米菲當然唔想miss啦!
在這次旅行, 米菲第一次跑步了, 笑死, 好在從電視台走去DiverCity,
也不算太難找, 趕得及見到聽到聲响, 高達開始活動,
原來真係好震撼, 雖然活動只係個頭郁郁吓, 但都好興奮了。
睇完Show, 同高達合照係指定動作。
旁邊有個鐘在倒數, 仲有1080日, 就係高達第一次在電視播出的40週年紀念,
寫住2019年4月7日係40週年紀念日, 其他都係日文睇唔明,
不過今天是2016年4月22, 計一計, 真係1080日後, 不知到時有乜活動呢!
我諗都係出模型, 同埋出模型啦!!!
在晴朗的天空, 影出來的巨型高達, 真係好震撼呀!!!

在商場外, 亦有小型Gundam Front Tokyo Official Shop, 不過睇吓就算, 無野想買。 而商場入面, 就有個大型展館。
DiverCity入面D Shop較年輕化, 無論時裝, 手信, 及美食廣場, 都係大眾化價錢。
米菲見到Hello Kitty Japan店, 裡面竟有hello kitty雪糕配上kitty 人形燒, kitty迷不容錯過。
在Calbee plus買左盒裝薯條, 入面有8小包, 一次過試晒8種味道。
另外, 特別味薯片當然唔少得。買吧!
卡樂B, 肯定係我最喜愛的薯片。雖然其他國家牌子薯片我都有食,
但係, 腦裡彷彿記憶了卡樂B的味道, 每次食, 每次都喜歡。

Gundam Front Tokyo 入面真係好多野睇, 一次過展出大量高達模型成品,
有成千件咁多, 米菲睇到飽晒。
見到STUSSY, 嘩, 今期shirt衫好靚呀!
不過好貴, 點算?
米菲找到個理由, 買左件好貴既,
理由係, 香港買咪仲貴, 新款嘛, 今日買有野送, 今次旅行未買過衫,
呵呵呵, 可以想出一百個理由。
總之, 買左。
店主, 送左隻Stussy杯俾我……
台場The ODAIBA係一間土產手信及零食店, 好多都係東京及台場限定,
米菲買了百合鷗之玉子, 係蛋型甜點零食, 望落去同真蛋一樣, 味道較甜。

行完商場, 發現好快又有高達夜間活動SHOW,
咁就睇埋先走吧!
原來, 早上係高達轉頭和噴霧, 晚間除了加上燈光效果, 後邊商場屏幕會播放動畫。
米菲走到海岸再影台場的夜景, 這裡真是日夜都咁美。亮了燈的彩虹橋更為搶眼。
行完Aqua City Odaiba後, 因為成9點, 決定回上野先食晚飯。
行程上, 米菲從海濱公園駅, 玩到汐留駅, 坐Yurikamome臨海線一個站就到新橋, 再轉JR山手線就返到上野。
返到上野已經十點, 星期五的上野, 好熱鬧, 居酒屋都坐滿人。
米菲就直接去番食過嗰間天婦買專門店食飯,
叫左海幸天丼, 係天婦羅飯再加細份冷蕎麥麵, 有兩隻大蝦和菜天婦羅, 好正呀!
雖然好熱氣,但米菲再到family mart買左可樂同薯片, 好滿足的一天。

>>July 24, 2016 at 5:16:58 PM GMT+8

2016 年 4 月 20 日 星期三 【雨】

4月東京之旅第三天
米菲在東京晴空塔和新宿


今日行程係早上先到東京晴空塔, 下午到新宿.
繼續在Doutor食早�, 喜歡這裡.
從JR銀座線上野駅出發, 到淺草駅, 走出地面, 行到東武伊勢崎線淺草駅, 搭一個站就到Tokyo Skytree.
上野其實有Skytree Shuttle, 但米菲唔知個站在那, 都係JR容易D.
行去東武伊勢崎線淺草駅途中, 會經過吾妻橋, 前後見到三棵櫻花樹, 都算係額外驚喜, 因為已經過晒開花的日子呢!
有兩棵仲係綻放, 雖然唔係成條橋都係, 但都好開心, 今天係6日旅程中, 會落雨的一天,
在陰天情況下, 影出來的櫻花樹真係冇咁靚, 所以米菲隨便影幾張, 就靜靜地欣賞下,
也是今次旅程學會的, 用少D時間影相, 用多D時間觀光及欣賞.
附近只有兩個香港人在拍照, 還好, 不算太嘈.
其實在吾妻橋, 遠遠都望到晴空塔, 但係行去可能好耐.

去到Tokyo skytree town, 主要商場係Tokyo Solamachi, 入面有3百幾間商店,
真係好多, 而無論衣服及商品, 食店及手信, 好多在這裡都會推出skytree限定品,
禮品都整得好靚好有心思設計的, 所以真係好多野睇。
不過米菲都係先上去塔觀光, 下來先再行商場。

Tokyo Skytree 東京晴空塔, 有634m高, 2012年5月22日開幕.
有個說法, Tokyo Tower東京鐵塔是五六十年代戰後振興日本的象徵,
而東京晴空塔就是平成時代東日本大地震後的復興象徵,
而日本人也以他為全世界最高的塔及全由日本人自行設計為自豪。
另外, Skytree意思係向天空申展的大樹, 但中文名沒有釋成東京天空樹,
原來係中文字有版權的問題, 所以最後只能釋成東京晴空塔.
Skytree分為Tempo Deck及Tempo Galleria兩個level,
Tempo Deck有三層, 最高點350m, 入場費要2060yen, 不過絶對值得上去, 好震撼。
Tempo Galleria有兩層, floor 445及450, 最高點451.2m, 入場費1030yen,
不過要先到Tempo Deck, 才能再上Tempo Galleria, 不能單單只購票上去Tempo Galleria.
上到去Tempo Galleria, 真係好靚, 絶對值得花錢上來, 由於是最高, 所以望晒全東京, 很美。
突然, 晴空妹妹出現, 嘩, 好開心呀! 但人多, 我只能拍到晴空妹妹, 趕不及和她合照。
在Skytree上, 紀念品店, 食店, 咖啡店都有, 可以慢慢享受這裡的環境.
當天亦有日本學生以團隊方式上來, 但塔上很大, 並不覺得受影響。
今天由於是陰天, 有點霧, 遠望看不到富士山。事實上, 就算天晴,
也要配合富士山那邊的天氣, 才能看到富士山呢!
米菲如作天一樣, 買枝晴空塔水飲, 飲完就有個塔樽作記念了。
買左post card及手信.

Tokyo Skytree Town除了晴空塔, 個水族館都好值得入去.
米菲就係因為作天入唔到sunshine city 個水族館,
所以今天決定入這個skytree水族館, 叫Sumida Aquarium, 入場費2050yen.
係一個人工的全室內水族館, 連入面D水都係用化學方式混出來.
入面唔算好大, 但係以科學及教育方式設計整個館的參觀流程, 物種較平時少見。
睇企鵝那部份, 米菲最開心, 真係好近距離接觸牠們, 而且有好多隻。
入面有個水母培養實驗室, 因為分別用上不同水箱養著不同日子的水母,
所以可以睇到出世的水母, 由1天, 2天直至7天的變化, 喜歡水母的不能錯過呢!
睇完野, 係購物時間了, yea!!!
在Tokyo Solamachi商場內的Go Slow Caravan買左帽, 難得揀到合適的, 而店員服務很好。
竟然在一間傳統記念品店, 有Miffy 以skytree為主題的圖案繍花手巾仔,
是日本製的, 雖然買來都係唔會用, 太細, 但係繍得好靚, 都係帶回家吧!
在Rilakkuma store Tokyo買左個mouse pad, 終於買到喜歡的款式了。
這裡的手信店很多, 所以米菲一次過大部份手信都在這裡買。
這裡太多野行和睇, 下午3點幾先離開Skytee town.

由於拿著太多東西, 所以米菲先返回上野, 到酒店放下東西, 才出發新宿。
從上野駅坐JR山手線, 直逹JR新宿駅.
差不多6點先到逹新宿, oh, 今天終於落出雨了。
本來打算去沼津港食回轉壽司, 點知米菲行左兩圈都見唔到,
見到一間叫元祖回轉壽司, 就入左去, 呢個時間唔洗等位,
呢間店的壽司, 好食到不得了, 大大舊魚, 細細舊飯,
而且新鮮, 師傅會不停做唔同款式,
真係好鮮味, 起初我肚餓, 會特別留意特價嗰D,
雖然特價, 都係好大件, 後來我就唔太留意價錢,
想食就攞, 不過到我食到飽時, 仲有好多新款式出籠,
早知食慢D, 哈哈, 今次食壽司食得特別開心,
都係跟顏色碟數量俾錢, 都係花費1700yen, 真係又平又好食,
如果再來新宿, 一定會來呢間店。個招牌寫住, 元祖壽司, 新宿西口店。

食飽就去了Yodobashi Camera, 入面D玩具有部份較平, 但今次冇睇啱。
去到一間108yen店, 店名係日文(Silk), 買左相架, 文具及零食, 好抵呀。
當然, yen滙率低時, 108yen店就平得好緊要了, 每樣貨品都係7蚊, 你仲想點呀!
接著去左紀伊國屋書店, 係連鎖書店, 新宿區都有三間,
這裡書種十分齊全, 可以一次過找到不同類型的書。
米菲去了本店, 好大間, 這裡更有專賣漫畫及畫集的。
在這裡買了剛剛出版的idolmaster畫集, 另外再買一本idolmaster的舊畫集,
在日本買, 真係平好多, 作為一個動漫迷, 能買到心頭好, 真係好滿足。

下一站係Shinjuku Piccadilly, 係新宿電影院加埋精品店。
呢度可以免費攞到大量電影宣傳單張, 無論係日本片, 或者外國片都有,
而且印得好靚, 時常都有專人補充單張, 所以唔洗怕攞唔到,
戲院是刻意設有這個部份去推廣電影, 如果香港有這種免費單張大量派發,
相信又俾人攞左來賣吧!
米菲就將快上映又喜歡的電影, 都攞一張, 我諗都攞左有20款唔同的。
同時間都有幾個日本人同我一樣喺到攞單張, 好明顯都係超級戲迷。

接著去左OIOI的OI Annex, 6/F及7/F都有動漫產品,
碰巧有呵南展覽及專門店, 就順便睇吓, 好在我唔係超級呵南迷, 唔係又破費了。
整體上, OI Annex的動漫產品, 沒有什麼驚喜, 數量亦不多, 時間唔多的話, 可以不用到訪。
其實新宿仲有好多野睇, 例如Lumine, Flags, Times Square, Studio Alta, Isetan等等,
喜歡韓國文化的, 亦可以行去附近的新大久保, 那裡很多韓式商店聚在一起,
所以現在的新大久保, 以稱為東京的明洞。
不過米菲來新宿的目的, 不是為了行百貨, 不是為了追韓,
加上今天在Tokyo Skytree用上了較多時間, 所以就放棄行這裡的百貨, 免得行得太辛苦, 雖然都行到好甘!!!
都差不多十點了, 係時候食宵夜了。
好想試一間傳統蕎麥面店, 係日文字, 在思出橫丁入面, 在新宿西口駅附近。
思出橫丁及燒鳥橫丁合成平民食街區域, 在二戰後的時代, 係無牌食店,
到1950年, 橫丁這裡成為合法食店, 到現在仍保留當時的市井風味,
下著雨, 就進這些巷其實好唔方便, 好在米菲都找到這店。
米菲光顧的店, 係屋仔式經營, 只有8個坐位。
客人在後面等著, 一有空位就坐落去, 就算兩個相識的人, 都有可能要分開坐。
等位時, 我留意客人都係大聲點菜, 而且前面那個客人連湯都飲埋, 真係咁正?
3個師傅, 招呼8個客人, 冇menu, 師傅用手勢及材料引導我點菜,
好快就弄好一碗雜菜天婦羅蕎麥面在我臉前,
可能落著雨, 天氣有點涼, 呢碗面真係好好食呀,
最後, 米菲連湯都飲晒, 原來, 環境加上橫丁的風味, 一碗傳統蕎麥面可以去到咁高境界,
真係不枉此行, 我忍不住稱讚三位師傅。
回程時, 在新宿車站見到BAKE Cheese Tart, 買左兩件宵夜,
今晚嘆埋呢兩件tart再加可樂先訓, 太開心了。

>>July 24, 2016 at 4:57:00 PM GMT+8

2016 年 4 月 19 日 星期二 【晴】

4月東京之旅第二天
米菲在東京鐵塔和池袋

今日行程係先到東京鐵塔, 跟住去池袋。
在Doutor食早�, 點了熱狗配咖啡早�, 十分喜歡。
從上野坐日比谷線到神谷町駅, 行10分鐘左右就會去到塔下面。
1600 yen就可上大展望台(150M)和特別展望台(250M),
當時塔亦做緊Tokyo One Piece Tower活動, 係動漫One Piece展,
可以買另一套票睇埋, 不過米菲冇興趣。

Tokyo tower原來係在1958年建造, 雖然望落去似紅白色, 但實際上是橙白色。這鐵塔對日本人而言, 係戰後重拾自信的象徵。
全高333M, 刻意建造高過當時324M的巴黎鐵塔, 但特別展望台, 都係去到250M, 再上只有工作人員可到, 同埋係天線及避雷針。
上塔係可以選擇搭lift, 同埋行上去。一般而言, 假日人多, 就會鼓勵多D人行上去。如果行上去, 就係等如行40層樓高, 另外, 到達時會有張登塔紀念証書。
職員問我行定塔lift, 我就話我行上去。
但係因為溝通問題, 還是帶左我去搭lift.
咁我就搭lift上了大展望台, 不過, 好明顯我係對行上去有猶豫, 先冇堅持。
從lift升上去, 真係好興奮, 同時又望到, 如果真係行上去, 在塔外邊沿著上,
都幾驚, 如果上到一半畏高, 相反方向落番去, 好窄, 似乎唔得。
上到大展望台, 望出去好靚呀, 今天天氣非常好, 望到好遠。
在大展望台有兩層, 裡面有咖啡店, 同埋紀念品店, 米菲買了礦泉水, 外型係鐵塔, 飲完水仲可以留念, 外型很好。另外, 就係好靚既明信片。
從look down俯視窗望落地面, 好震撼。
有個西人同我講, 話好impressive, 唔記得左他來自那個國家了
在大展望可以再買特別展望台入場票, 米菲買了套票, 直接再上。
上到去, 比之前望得更清楚係當然, 米菲發現自己好享受呢度。
這裡有個不思議迷團, 2012年, 塔頂天線維修, 竟然發理一個棒球在上面,
已經被太陽晒到變型, 稱為The Mystery Ball,
究竟, 係真係有棒球手擊球打到咁高, 還是維修工人1958年放上去,
還是本身係當時建築材料, 用作建築公具, 只係不小心留低了,
這成為一個永遠迷團。
米菲在塔都留左個幾鐘。唔建議假日去, 平日去唔洗花時間等lift, 因個lift唔大。
落番地面至3/F, 係Tokyo Tower Foot Town,
有紀念品店, 食店, 展館, 水族館, 米菲當時唔記得去水族館, 好似行過左?

出發到池袋, 從神谷町駅坐JR山手線直達。
去到池袋, 第一時間醫肚, 去食沾麵。
沾麵始祖係大勝軒, 但米菲選了另一家, 叫麵屋安兵衛(日文字)。
都差不多2點, 這個時間等了幾分鐘就有位。
可選味噌, 辛味兩種。
並盛、中盛、大盛, 都係同一價錢。
米菲點了中盛, 點知都食唔晒, 唔係幾好意思, 浪費了。
如果我唔加溫泉蛋, 可能食得晒。
沾麵食法只係麵湯分開, 食時點湯來食, 所以麵身較硬較彈牙。
如果同傳統拉麵比較, 米菲喜歡拉麵多D, 不過, 試吓無仿。

行完激(驚)安之殿堂後, 冇行Parco, 就去了Bic Camera.
有減價PS4 Game賣, 但係全日文版, 連英文game都可能日文配音,
所以唔敢買, 反正 game唔洗多, 好玩的一兩個game, 都可以玩好耐。
又見到kate廣告, 黑木美砂真係好靚,
今期大玩黑色化妝品? 不過化妝品, 我識條鐵咩!
出來見到RINGO條隊短左, 即排.
Ringo係乜, 係呢期最熱的甜品, 我會叫酥皮蘋果批,
一人限買4個, 一個399yen,
米菲買了兩個, 一個即食, 一個宵夜,
一句講晒, 好好好食, 一定要試!
連不愛apple pie的米菲, 都好like
如果有興趣, 可以去RINGO-APPLEPIE.COM睇睇

電影完大廣告, 係動畫"亞人"三部作, 第二部"衝突", 5月6日上映,
好想睇呀!
上左Sega game centre, 好多靚景品, 呢間冇得賣,
全部要玩遊戲, 成扑|得一件景品, 100yen一次,
不過我玩左3次, 完全失敗,
完全唔接近, 見到人地玩, 似乎仲開心, 米菲真水皮.
idolmaster的如月千早有新景品.
出來又見Game shop, 好大間, 全部電玩.
對面係Tokyu Hands, 門口今期展出動物精品, 好靚。
其中另一邊, 又有貓貓系列精品, 好高質素的精品,
米菲都要壓住自己, 唔係又買一大堆回家了.
另外, 貓貓pie整得好靚, 好想食, 不過米菲個肚另有打算,
Tokyu Hands上面睇中左個porter銀包,
米菲用緊的porter銀包, 2006年買的, 用左十年,
真係有D衝動換新, 舊的形狀和顏色都走晒樣,
好, 再見到就買吧!

米菲留肚, 就係要試巨大爆彈燒,
店名係"日文(爆彈)燒本舖"
係將喜好燒、文字燒、八爪魚燒混合,
米菲點了原味, 好似棒球咁大, 一粒等如8粒八爪魚丸,
裡面有鵪鶉蛋, 魷魚, 椰菜, 粟米等等,
成個淋滿沙律醬, 燒汁, 再加上柴魚碎,
味道同八爪魚丸差不多, 但成件事好好玩,
要即時立食, 旁邊有部汽水機,, 即時配上可樂, 正!

下一站, animate, 但只行了一陣,
因為池袋東口呢邊, 始終係乙女行既地方.
米菲主要想來見識一吓乙女路既情況, 果然,
大部份係女動漫迷.
事原係東京其實有好多女動漫迷,
她們投訴秋葉原那邊太多電車男、宅男,
業界於是考慮將女動漫迷分開,
所以池袋呢邊由animate帶起, 之後其他越開越多,
呢區就稱為乙女路, 店鋪主攻女動漫迷。
不過在經營上, 沒有排斥男顧客, 不過男性喜歡的動漫產品, 的確少好多。
經過Jeans Mate, 係一間24小時便服連鎖店,
但貨品不是米菲喜歡的, 行行就算了.
回到爆彈燒那邊, 附近有間小吃店賣churros的,
米菲超喜歡食churros, 所以消化左一陣, 就現在回來食,
第一次係在美國迪士尼食, 之後就愛上了.
買了一條原味食, 好like, 今日真係食唔停口.

一口氣行完K-Books, Mandarake, toranoana,
都係乙女產品為主, 總算見識過.
下站係Sunshine City.
Sunshine City係池袋地標, 係一個綜合商場, 買、玩、食、展覽都有.
入去冇耐, 就見到Sanrio, 呢間叫Sanrio Vivitix,
買左份禮物俾PC, 因為稀有地見到PC dog貨品.
Sanrio 開始選今年character, 看看那角色會成為冠軍,
上年由布丁狗第一名, 之後就真係出多左好多產品.
單張宣傳係以賽跑方式, 看看今年是那個角色跑出.
米菲冇入NAMJA TOWN, 入面係玩室內遊戲那種, 但冇得就咁睇睇, 因為要入場就收費.
經過比卡超專門店, 認識左個韓國人, 韓國人英文真係好d噃.
同樣地, J-World Tokyo係玩jump角色主題遊戲, 都冇入去.
Sunshine City原來有個水族館, Sunshine aquarium,
咁不如入去睇睇, 點知, 今次係想入但入唔到, 原來剛剛過左進場時間,
而今日比平時早休一小時, 唯有睇另一展覽.
有個”最強生物決戰”展, 其實將一套動漫, 和一些生物連在一起作展覽,
所以展出的生物, 都係稀有、有攻擊性、放電放毒等等, 或者, 係好醜樣, 哈哈哈,
本來連水族館買套票抵好多, 米菲就只有買個別票入場, 入去行一行800yen 都幾貴架.
入到去第一樣見到既, 竟然係一隻巨大蟑螂, 甲由呀, 笑死我, 俾錢入來睇甲由,
由於配合動漫展出, 原產地係寫住火星, 笑死我,
不過真係好大隻呀, 有半隻手掌咁大。英文叫Giant burrowing cockroach.
之後見到蜘蛛, 電鰻, scorpion, centipede, beetle, 主要係比平時大,
其他的, 冇特別, 真係睇完就算.
Sunshine City的Prince hotel有個草莓甜品自助�, 好想試呢!
已經晚上9點了, 得番Seiyu超市可以行, 係一間24小時的超市, 而且D野算平, 我就買左西瓜及水等等, 係時候回上野了.

返到上野, 好多食店都關門, 得番拉面, 同居酒屋,
下午食左沾面, 居酒屋就唔啱我,
京成上野站附近有間KFC, 在很累的情況下, 米菲就買回酒店食。
食埋另一個Ringo apple pie, 晚上食, 仍然咁鬆脆。

>>July 24, 2016 at 4:35:38 PM GMT+8

2016 年 4 月 18 日 星期一 【晴】

4月東京之旅第一天
米菲在上野


米菲和大顆兒去完新加坡, 今次到米菲自個遊東京。
大阪已經去過好多次, 之前因為有少少怕幅射, 所以打消了去東京的念頭。
但yen高時, 幅射就會特別高, 當yen低時, 幅射就會特別低。
米菲就親住呢個時候, 遊走東京了。
早在6.3對100日元時, 米菲就已經兌換了大量日元, 所以即使現在升番少少,
仍然是平遊東京。
其實, 就算7.3對100日元, 都係好抵。
講開錢, 都想記低今次旅程的成本, 今次買到平機票。
買到68蚊來回東京, 連稅連行理費後, 變成9百幾, 超抵。
但以後好難再買到咁平機票了, 因最近HK Express 調整了制度,
要成為會員, 先有機會買到第一手平機票, 而會員費係幾舊水,
相對成本就高了。
酒店方面, 是連稅後4百一晚左右,
所以成個旅程, 就係機票加酒店6日5夜, 3千幾蚊,
好平, 咁就慳到錢, 留番來食野買野…….米菲出發勒!!!

再次坐方便又快的機鐵, 在九龍站check in, 唔使排隊係一大好處,
空姐話我地冇行理牌, 如果你想寫, 就攞其他航空公司果D,
真係好有廉航精神, 我就隨手在隔離攞, 連隔離柜枱職員都笑,
不過好明顯, 他們係互相認識咁先叫我攞, 呵呵呵

在M記食了個新出的手撕雞飽, 都幾好食。
順帶一提, 坐廉航既然冇戲睇, 可以買定雜誌,
一出境, 登機閘口1, 就有雜誌賣, 當然, 你亦可一早買定,
我就係反正要等登機, 先行去買。
另外, 買水就一出香港海關, 冇記錯附近就係萬寧, 咁係最平買到水,
話晒坐4個鐘, 冇可能唔飲水。

1 PM準時起飛, 出發到東京成田機場, 預計要4個半小時。
我前面冇遠, 見到才子陶傑, 他是1C坐位, 我好似在4D.
如果你話岈I解唔坐商務, 我都又咁想過點解呢?
後來在等行理時, 我就問他, 其實陶生, 你係咪拍緊旅遊節目,
妐靮Y喎, 跟住妏q話又響, 我就話咁我唔打擾你,
我本身有政治問題想請教他, 不過冇機會了。
其實飛左冇耐, 我就發現我附近全部都係拍攝工作人員,
飛機途中, 也有拍攝, 唔知米菲有冇上鏡呢!

6點半到達成田, 入境和攞行理都出奇地快。
米菲選擇了住在上野, 可坐Narita Sky Access Line,
簡稱Skyliner, 40分鐘就直逹京成上野站, 好快。
京成上野站, 好近JR上野站, 我諗3分鐘左右,
由JR上野站行去酒店, 識行就5分鐘左右, 但米菲行錯左,
找了半小時先找到, 酒店是在內街裡。
米菲住在Hotel Marutani Annex, 中文叫丸谷。
4百蚊的酒店來說, 比想像中好。
雖然有居酒屋在附近, 又有黑貓宅急在附近, 但實際上冇影響到,
都算寜靜。房間乾淨, 冇煙味, 光猛, 下次到東京, 會住番呢間。
酒店行去上野銀座線, 上野JR線, 上野日比谷線都係5至10分鐘內,
基本上, 住在上野站附近, 就有呢個好處, 有呢三條線, 去邊都咁方便。

雖然已8點, 但都想行吓附近最近的商場atre UENO,
不過從酒店行到路口, 就見到Yamashiroya, 係玩具雜貨店,
有6層, 真係好多野睇, 真係唔買都應該睇吓。
妖怪手錶的section, 佔好大, 好好睇, 好好笑, 看來日本今期仲流行緊.
去到atre UENO, 商場本身連接JR上野站, 一入去就有驚喜,
見到Hard Rock Café, 即刻入去買左隻short glass,
上面印住UYENO-EKI TOKYO, 開心
對面就係ANDERSEN面包店, 係日本人在1948年創立的,
呢間係分店, 以丹麥童話作家安徒生為名, 當然係賣歐式面包,
最出名係丹麥酥, 但米菲選了另一出名面包,
熊貓面包, 上野因上野動物園, 興起了熊貓熱,
所以在這裡有上野限定熊貓面包, 不但好睇, 而且好食,
另外, 這裡的熊貓曲奇都好食, 早知買多d.
這店的包真係好吃, 有機會, 米菲一定會再試其他包包。

走到鰻魚飯專門店伊豆榮, 雖然未關, 但剛好過左last order時間,
唯有找其他野食, 不過, 從門口可以見到,
(殿重)鰻魚飯, 要4725yen, 好貴,
如果點(伊豆榮便當), 就3150 yen, 半份鰻魚飯加天婦羅,
不過半份鰻魚飯都可能好多, 點呢個較好吧!
這店出名, 主要係堅持用日本國產鰻魚, 連切魚方法都講究,
用上備長炭去燒, 要做到最好的鰻魚飯。
講咁多, last order都過左, 唯有將來再試。
去旅遊最緊要唔執著,
等我rap番句先,
“排隊等位唔緊要, 太長太耐就要閃, YO!”
嘩! 咁都rap得出, 真係好老土,
係呀, 呢個係米菲心得,
如果冇得BOOK位, 見到太多人排太多人等位,
就食其他吧, 反正日本到處都有好野食。

米菲最後回到酒店附近,
食天婦羅定食, 店名係日文字,
其中一店員是混血兒, 真係好靚女,
米菲點的是配蕎麥麵, 成個SET都做得好, 又經濟。
回到酒店, 浸浴, 今晚宵夜係可樂, 卡B薯片, 熊貓面包。

>>July 24, 2016 at 4:08:02 PM GMT+8

2016 年 4 月 2 日 星期六 【陰】

米菲二月三月的2、3事件



年28是星期六很好, 去了行花市, 今年第一次買玫瑰海棠和菊花,
兩種都是連小花盤的, 代替了習慣性買的水仙和百合(米菲以往經花買這兩種呢),
玫瑰海棠開花很多, 而且不斷開新的花朵, 到現在差不多已兩個月, 還有新的花朵, 很美,
下年一定要再買呢!
有咁多靚花欣賞, 人生真好玩呀!
-------------------------------------

2月8日的暴亂
半夜沒有被吵醒, 但早上在家中拍到警察的列隊, 當時也不知是什麼事,
後來在新聞看到, 才知因小敗為題, 演變為暴亂?
2月9日在街上看到被弄起的磚頭, 有路牌被弄壞的, 地面更有被火燒過的痕跡,
這就是犯法了......沒有民意支持的改革, 再沒有意義了。
在我認識的人中, 也有堅持政府是錯的, 本土派做得很對, 即使犯法也是被迫成這樣的,
我不能認同。用犯法和暴力去達成的理想, 還能說是對嗎?這個我不能認同。
這是米菲的個人看法, 你也有你的看法, 最緊要互相尊重, 可以表達自己的想法。
-----------------------------------------------------------------------------

2月13日, 到Ella家中拜年。
很久沒有到過元朗, 原來YOHO town依家發展成這樣, 好比又有城一樣,
不過高級商場不是米菲喜歡行的呢!
這天天氣很好, 到訪完Ella家, 就去南生圍。
有Ella帶路, 從她家中走到南生圍, 好像一小時左右。
這是我第一次到南生圍, 沒有想像中那麼美......我想像的南生圍是較為荒蕪的郊野......
我們在那裡放風箏, 這天風很大, 好容易就把風箏弄上天空。
看著風箏升呀升呀!人生真好玩呢!
晚上在YOHO town食德國菜, 好飽飽的一個晚上。
今晚見番好多舊同事, 祝你們都快樂。
--------------------------------------------------------------

2月17日, 米菲終於買到新desktop,
舊的那部是Pentium 4, 用了十年以上, 因為只用來上網和文書等工作,
所以沒有換機, 一用就十多年, 坅Y行windows XP, 哈哈哈
新的電腦是intel core i5, 行DDR4, 配上windows 10, 勁呀!
起初有點不慣, 但真的比我的電腦快很多很多呢!
幾天後, 我再換上新的24"Philips LCD配合新腦,
舊的LCD也用了N年, 最近有時冇畫面, 也是這部LCD令我有換電腦和LCD的念頭,
新的行HDMI, 好靚呀!
電腦和LCD都是很優惠的價錢買到, 當然, 事前要做末�,
而且, 買合適自己用的最重要。
有新機用, 米菲感到很滿足, 人生真好玩呀!
----------------------------------------------------------------------------------

2月20日去左AIA叫嘉年華的遊樂場,
米菲是怕高怕死的, 所以好多機動遊戲設施都無玩,
我只玩了那個不想怎的過山車, 不過最尾衝下來都好勁。
PC同Pat好犀利, 竟然玩海盜船, 那個斜度就是90度呀, 怎麼可能不害怕......:-(
我見到都好驚了......
由於是最後兩天, 所以有部分有獎品的灘位遊戲, 只要你參與, 就有安慰獎了。
整體來說, 比之前荔園那個好玩得多。
順道可以走到門常關附近, 觀賞埋那個LED玫瑰燈海, 不過人太多了, 好不容易才怕到張相呢!
-------------------------------------------------------------------------

2月21日, 是加拿大列城華人宣道會和大學同學的拜年,
去左Daniel屋企打邊爐, 食到好飽, 甜品仲有喜歡的Italian Tomato蛋糕, 食到好飽,
好開心見到大家呀!
---------------------------------------------------------------------------

2月的26日
好開心今晚同Melody食飯, 去左間食牛扒的冰室, 是抵食大件那種,
雖然真係唔好食, 但和Melody一齊, 食什麼也不重要了, 因我們有說不完的話呢!
有咁好的人和你食咁唔好食的, 人生真好玩呀!
----------------------------------------------------------

2月的27日
米菲到了沙螺洞觀賞油菜花田, 天氣真的是乍寒還熱, 係好熱,
好不容易由鳳園一級級石級行到山上沙螺洞, 山上人很多, 是人海多過花海,
如果下年有機會再來觀賞, 一定要一開花就及早來,
因為有很多人賞花, 同時間都係摧花, 並不愛惜, 一腳就踩落去D花草, 只為了他們拍張自私的照片。
事實上, 上山途中, 回頭一望, 都會發覺新樓嵐山, 對附近的景觀造成很大的影響,
更何況是蝴蝶和其他生物。
觀賞完花田, Sing和Steven告別了大家, 原路回程,
我們卻決定走多半小時左右到鶴藪水塘,
Pat, PC, Cherry, 小燕狀態都很好, 好行得咁, 半小時左右順利到達水塘,
在這個美麗的環境下, 大家會做什麼, Cherry 選擇了吃東西.........
再走已到達粉嶺區, 告別了小燕, 我們坐小巴到粉嶺聯和墟食飯,
大家不約而同叫了唔同的炒面食, 我的是排骨炒面, 其他有豬頸肉炒面、海鮮炒面, 牛肉炒面,
真係要定2月27日為炒面日, 跟住附近有間好大的759超市, 連家品都有的那種。
人生很好玩的一天!
----------------------------------------------------------------

2月28日同所羅門的舊團友拜年, 不過現時可能只有Jacqueline baby仲有返團契,
好高興聽到baby讀紫色門徒訓練。
大家走在一起食飯, 談天說地好開心, 哈哈哈, 真的要向Pokka Café 說句對不起, 我地真係好嘈呢!
--------------------------------------------------------------

3月12日, 米菲和Pat, PC, Cherry, 小燕行維園的花卉展覽,
主題花的叫洋彩雀, 又名金魚草, 個樣都有少少似金魚, 有好種顏色。
而在中央的鬱金香田, 繼續成為影相焦點, 但鬱金香範圍比上年細左。
不過米菲都係觀賞下行吓咁, 花的種植和觀賞藝術, 我識條鐵咩......

睇完過左對面茶記食左個下午茶, 個朱扒包好好食呀, 奶茶又好飲,
間茶記叫榮發, 有機會試吓坉茼階階]啦!

告別了小燕, 下一站係去港大 , 從港大行上龍虎山, 可以再行到太平山頂,
唔算好難行, 二小時唔夠就上到山頂, 那晚, 在山頂McDonald開�, 個黑椒薯片漢堡好好食!
--------------------------------------------------------------

3月24日到3月28日去左新加坡旅行
Sing, Cherry, PC和米菲, 呢個組合, 試過一同去好多地方,
如中國內地, 澳門等, 今次去得更遠, 是新加坡, 好愉快的旅行。
--------------------------------------------------------------------

3月30日和龍哥食飯
龍哥在加拿大返左來, 早前同坉凳L煲仔飯, 意猶未盡,
今晚連同Caroline和龍哥一家, 再一同食晚飯,
大家傾得好愉快, 因為Caroline明天要考試, 如果唔係, 相信大家會移到咖啡店再傾過......
龍哥, Caroline, 高興和你們相聚。

>>April 3, 2016 at 11:18:36 AM GMT+8