2009 年 12 月 29 日 星期二 【陰】

保密日記，請登入觀看！

>>December 30, 2009 at 3:45:39 PM GMT+8

2009 年 12 月 29 日 星期二 【陰】

Oh! 我想著你.......



早前要計劃新一年一些目標時,
想起一些小事還沒有完成,
所以一踏進12月, 憑著想做就去做的心情,
完成了這些事, 即使是很少的事,
也不想帶進新一年,
例如關於身體方面, 就想快d做好佢,
於是去了一次睇門診、再去打流感針、再去洗牙、然後耳科、跟住又去番補牙,
其他關於屋企o既o野, 我都係咁快快做好佢,
就算連團契唔番, 我都要處理好呢d野.
另外, 在新一年計劃時, 有些事巳進行了,
想做就去做, 例如其中一項是一個星期要有5天早睡,
計劃當天就可以實行, 沒必要等到2010年才實行,
就這樣計劃下去, 好好玩!
-----------------------------------------------------------------------

Can't imagine the world without Mama and Momo

和媽媽一同住的日子,
雖然不及自己一個人住咁舒服,
也失去一些自由,
例如不能開大個Hi-Fi聽歌,
不能沖完涼唔著衫通屋走,
又不能帶女性朋友番屋企, 要向阿媽解釋佢係邊過,係好麻煩,
你帶佢入房, 唔關門阿媽又成日望,
關門, 佢又以為你同佢.......
不過一齊住, 有照應,
我年輕時佢照住我,
佢年老時我照住佢,
而分擔家務也是應該的,
希望媽媽生活快樂,
我也會加油照顧你,
主耶穌, 求你保守媽媽的健康!

由怕狗變喜歡狗,
實在太奇妙, 多謝momo陪伴了我咁多時光,
小狗momo也實在太可愛了,
Momo, 你知唔知我好愛你,
13歲的你, 有時你咳幾聲, 我都擔心你,
希望momo也生活快樂,
我會多d陪你,
主耶穌, 求你也多多照顧momo!!!
------------------------------------------------

亞運因為有飛,
入左場睇足球, 可以見証港隊得金牌,
決賽係香港對日本, 巳經係最吸引o既情況,
如果決賽是旦換左一隊, 都冇咁好睇,
季軍係朝鮮對南韓, 其實都好睇,
因為包廂睇, 所以睇得好清楚,
我一邊食手上的楊洲炒飯, 一邊睇,
好好玩!

當晚同阿哥慶祝40歳生日,
大嫂隆重邀請以前留學加拿大的所有同學,
我同阿哥係讀同一間college,
所以都係我d朋友, 一次過見晒咁多人真係好,
大嫂請左一個西廚師來負責全場食物, 好食......

Michael同志淙攪左個網站,
一個係我以前roommate, 一個係我喜愛的Dj,
世界真細少

大家都想去睇Green day個live concert,
又話新碟好聽,
攪到我有衝動買佢新碟21st Century Breakdown
最近聽番佢o既debut album, Dookie,
Dookie在全世界巳經賣出1500萬張, 好驚人!!
聽著Basket case急速o既結他同鼓擊加埋以下歌詞,
三個瘋子在醫院唱這首歌, 真係好好玩!!!
有興趣可看這個mtv,
http://www.youtube.com/watch?v=hitMpM-P-Bs

Do you have the time to listen to me whine
About nothing and everything all at once
I am one of those
Melodramatic fools
Neurotic to the bone
No doubt about it

Sometimes I give myself the creeps
Sometimes my mind plays tricks on me
It all keeps adding up
I think I'm cracking up
Am I just paranoid?
or am I just stone......
-------------------------------------------------------------------

綠色門徒讀到第17課,
呢課係最瘋狂一課, 一個星期要睇完整卷路加福音+使徒行傳,
呢兩日我不停睇, 終於睇完24章路加福音,
當然好好睇, 但係真係睇到暈
聽日開始睇使徒行傳,
最辛苦係princess Josephine,
今次係佢要分享附加資料, 即係佢要再睇多十幾首, 慘!

>>December 30, 2009 at 9:41:48 AM GMT+8

2009 年 12 月 8 日 星期二 【陰】

停一停真好......


終於睇埋20世紀少年最終章—我們的旗幟
第一章好像是08年summer看,
第二章好像是今年年初睇,
剛剛週末就帶著期待的心情睇第三集,
因為浦沢直樹o既Monster曾在tvb深夜播出,
於是就愛上佢o既作品,
有人話20世紀少年難明白, 我因為睇左好多次,
所以唔會唔明,
每一集我都會堅持去戲院看, 過了一排又會再睇dvd,
跟住第二集做時, 我又再睇第一集dvd,
今次第三集做時, 我又再睇第一及第二集dvd一次,
所以不經不覺睇左好多次.

電影雖然以拯救世界和朋友的真正身份為骨幹,
但喜歡主角健次o既rock and roll精神貫穿著成套電影,
每次T-rex o既20th century boys 首歌一響起,
就會令人醒神起來, 結他聲好好聽呀!!!
而無論Monster或者係20世紀少年,
作者都帶出有關童年發生過的事,
有d地方都打動我,
我冇同身邊人講我有d片段感動,
特別係健次唱歌同埋字幕後朋友真正身份揭開時,
眼眶暖暖......
童年事真的可能影響我們一生.......

同妹夫傾起, 佢有睇過漫畫, 佢話漫畫好d,
這好容易理解, 大部份漫畫改編作品,
都一定係原來漫畫好d, 因為多d幻想空間,
而電影就多左聲音同視覺郊果,
我冇時間看漫畫了, 也冇得比較,
對我而言, 今年最喜愛的十大電影, 一定有20世紀少年。
---------------------------------------------------------------

看到hull記的留言,
感到好好笑,
“Thermos出miffy暖水壼, 你去買啦!!!"
雖然有個買字, 但係佢咁講就好像唔洗錢一樣,
來啦, 買啦!!!係唔係依家d人都會用升呢咁樣o既tone去講o野,
早前收到carmen個email,
係講聖誕節miffy會在海港城那邊有主題活動, 並可以和miffy影相,
如果用hull記呢句說話方式,
就會係
遲d miffy會在海港城, 咁miffy就會同miffy影相啦, 快d去啦! 影啦!

Hull記真係好迷SS501,
睇演唱會同買poster都好正常, 去學韓文真係好誇張勒,
不過在生活中有些事物令我們熱愛, 又何妨,
能夠欣賞及喜歡一d事物, 總好過怨天尤人,
最重要, 人生最緊要好玩!!
因為J2台, 在星期日深夜我睇過K-pop,
我認識o既韓國女子組合有Kara, Brown eyed girls和4 minutes 等,
男人組合我就冇興趣, 呢幾隊女子組合跳舞幾好睇,
真係青春無限好!!!
Hull會睇演唱會, 希望佢好好享受啦!
-----------------------------------------------------

正做緊一個實驗, 呢步要等20小時,
到中午12點夠鐘, 希望唔好影響食午飯,
不過要等都好, 可以打o下日記.

門徒剛上完第十三課, 呢課好長呀!
不過我幾愛綠色門徒o既課程, 夠深入,
食飯時聽唔清楚Princess josephine話想食白咖哩, 就去沙爹城,
定係去到沙爹城, 就食白咖哩,
總言之就去左沙爹城,
我就食沙爹汁, 個汁幾好味,
我地三個人, 衣著都唔配合呢個時代同埋天氣,
點解咁講?
星期一那晚, 雖然唔係寒冷, 但都唔講得話暖, 仲有d雨粉,
但baby竟然著短袖,
如果JJ真係明星,
呢一身打扮, 陳志雲會派佢去非洲, 係拍活著
調轉講都得,
星期一那晚, 雖然唔係暖, 但都唔講得話寒冷,
但princess josephine竟然著最厚的大衣,
零下4度的打扮,
拒拎起背囊, 除時可以跟攝制隊出發,
出發?
去邊?
當然係拍什麼熊無立冰之地,
唔好話我掙係話人, 唔話自己,
我o既打扮太普通, 頂其量都係只可以在富貴門做工人,
每晚負責俾一舊豬油糕好姨食,
然後好姨會有個blog, 愛在肥糕蔓延時,
講述佢對豬油糕難捨難離o既關係,
好配合富貴門咁差o既台慶劇.......

12點了, 要繼續開工......

>>December 9, 2009 at 4:06:50 AM GMT+8

2009 年 11 月 26 日 星期四 【陰晴不定】

今天天氣呵呵呵!!!



呢排兵工廠好勁, 巳經升到聯賽榜第二位,
我個人認為要多謝Adebayor,
一直都唔欣賞佢o既球品,
後來佢離開去左曼城, 實在是高興,
那一場曼城對兵工廠, Adebayor就變成倒戈相向,
兵工廠最後落敗4:2
在這場波裡, Adebayor 『攻擊』雲佩斯, 入波後又向以前的球迷喝采,
挑起球迷的敵對情緒, 引起不必要的混亂,
佢o既球品可見一班, 最終足協罰佢停賽2場,
點解我話要多謝Adebayor,
因為自從兵工廠輸呢場波後,
成隊波就醒起來,
大家都好像要打爭氣波, 成隊波更加團結,
之後有6勝1和賽果,
真係好......

俄羅斯仔艾沙雲加入後o既功效浮現出來,
不過佢呢種向前衝o既踢法, 會擔心佢容易受傷,
欣賞領隊雲加平平地買d好球員番來,
欣賞球隊好幼細o既小組進攻,
我近排打NDS o既FIFA,
都多左好多幼細o既小組進攻,
當然打機好唔同, 咁幼細o既結果係成日俾人搶左個波,
而最可惜係我o既版本冇艾沙雲,
不過FIFA NDS新版應該就來出啦!

剛剛個week, 有好多好睇o既賽事,
頭場係曼城對利記, 賽果2:2
跟住係新特蘭對兵工廠, 賽果係1:0
尾場係曼聯對愛華頓, 賽果係4:1
好精彩!!!

對於兵工廠突然輸波, 真係失望,
雲佩斯受左傷冇出場, 是否真的咁大影響?
成隊波個個都射得, 照計唔關事,
不過艾沙雲, 禾確特, Carlos Vela出得太遲了,
而新特蘭真係守得好好,
今個星期, 阿仙奴主場對車仔, 硬仗一場!
---------------------------------------------------------------

呢兩個幾月真係好忙,
多謝馳馳曾講過o既說話,
開心要做, 唔開心又係要做,
點解唔開心d做,
好一句開心d咁做,
我就開心忙左2個幾月, 不過係現在完成進行式,
因為仲會忙落去,
感謝神, 俾我有幹勁完成每天的工作,
馳馳佢話欣賞我o既工作清楚同有條理, 做實驗好細心
佢讚我, 我受架, 因為真係有放心機落去,
而有條理同細心係我o既一貫作風,
有時都要欣賞同肯定自己o既長處,
不過, 別人稱讚自己, 咁之後就要再做好d 勒,
因為咁先會有進步,
話時話, 做實驗唔係本身就是應該要細心同有條理嗎?
我諗同你睇逃學威龍提到一樣, 呢位同學, 做實驗最緊要有記性,
不過, 現實係好多同學都冇記性, 唔細心, 冇條理加冇手尾......
所以o係工作環境都要學習互相幫助同不計較,
如果太執著就會唔開心

在2個幾月忙中, 去左BBQ, 墾力, 同香港地質公園,
剛好得到舒緩,
其餘時間都係看電影和一d飯局,
而列城弟兄姊妹重聚的晚上,
開心知道大家的近況,
原來我們都沒有變,
大家仍然可以談天說地, 多謝天父把我們聯繫在一起,
祝福你們每一個, 成為主喜悅的人!!!
------------------------------------------------------------

Colin約我睇Mika 個concert,
平飛賣晒, 要買六百幾蚊o既飛,
所以推左, 其實好想陪佢, 因為今時今日,
約friend睇外國concert唔容易,
大家都忙好難夾, 而且外國音樂種類多,
大家口味唔同, 搵腳睇演唱會真係唔容易架,
而今年睇得最開心o既演唱會係4月7日的Oasis,
一個難忘的晚上, 開心見到國內同胞走落來睇Oasis,
而再上一次難忘o既演唱會巳經係睇The Cure了,
唔係冇好o野睇, 只是沒有時間接觸新o既樂隊同音樂,
以前會睇雜誌同聽電台介紹, 依家就冇,
最近知道Muse來香港, 仲有Green Day,
我諗Green Day個音樂會, 一定好瘋狂,
佢地o既green字唔係代表和平或環保,
而係代表大麻葉的顏色, 所以唔排除有fans食住草參加呢個音樂會,
希望唔好出事啦!
--------------------------------------------------

讀了三年o既三年神學課程終於畢業了,
一直好期待呢個畢業禮,
大學碩士畢業禮o個種高興,
同三神畢業禮o個種高興係唔同,
可能因為同學之間相熟d, 又一同經歷過短宣,
而且最重要係畢業典禮時,
上帝在我們當中,
祂就是整個典禮的嘉賓, 讚美主!!!

像我這樣不配的人, 有機會學習神的話語,
巳經是一個恩典,
而學習神學的體驗, 也是保貴的,
要多謝Paul, Christine最初鼓勵我讀三神,
願上帝繼續大大祝福你們的事奉,
也多謝每位出席我們畢業典禮的弟兄姊妹,
你們的出席, 令我們可以和你們分享快樂,

當晚有三神謝師宴,
真係玩得好開心,
謝師宴在YMCA食自助餐,
開始時, 我們成百人手拖手唱歌,
就連侍應同廚師都笑出來,
我們的喜樂湧出來影響埋佢地(不過唔排除佢覺得我地係傻o既),
英傑做MC, 係我見過做得最好的一個,
令歡笑充滿整個晚上,
時間亦恰到好處, good!

完成三神後, 緊接著o既學習係門徒訓練,
今晚巳經係第12課了,
睇o下JJ今晚想食乜,
好多時我同Jacyln都冇乜所謂,
但係Josephine就好多主意,
而每次食到好食o既o野,
佢講一句 "好食" , 俾任何人都更加有感情,
“好食!”
相信佢是一種從內心發出又經歷過人生中o既甜酸苦辣而講出來的,
不愧為食家princess Josephine.

講起食, 尋晚帶d同事去左大角咀o既骨煲皇食火鍋,
好食有豬骨, 加拿大霜降肥牛, 好大隻蠔......等等,
我地瘋狂咁食, 每位約$170,
其實都唔平架, 不過我喜歡佢係免收加一同茶芥,
實數實計, 菜單清清楚楚列明價錢,
水準算不錯,
尋晚星期四還可訂到table, 星期五六日就訂到table都要等位,

之後去左糖百府, 叫左5個棉花冰,
食左一半左右,
有一隻碟原地爆裂, 玻璃四散,
我地呆左, 其他人都望住我地,
巳為發生乜事,
老板話冷縮熱漲d碟爆開都唔係第一次,
之後佢換過晒俾我地,
仲可以揀唔同味,
所以我地每人食左1.5個冰, 好飽呀!

>>November 27, 2009 at 6:27:31 AM GMT+8

2009 年 9 月 13 日 星期日 【寒冷】

今日好覺得天文台係拖住個8號風球,
等到收工先掛, 因為回家途中巳經係好大風,
有o野從高掉下, 好危險呢!
如果早d掛, 我地多d時間回家, 唔洗o係強風情況下回家......


早前狂OT, 除左兩晚返門訓及三神,
其餘日子都做到9點幾及11點幾,
星期六都做到6點,
最慘攪到返唔到團契,
星期六又跟樹木學會o既人睇樹,
又返唔到團契,
工作雖忙, 身體疲累,
但仍然開心,
同事馳馳也說得對,
怨天尤人又係要做,
唔怨天尤人又係要做,
怨咁多仲乜,
我同意,
好, 呢段日子, 我就化身成開心Miffy,
開心Miffy係唔會sad,
sad的話, 就唔係開心Miffy啦,
baby有日問我乜o野係“自圓其說”,
我諗咁樣都係啦!

如果話現在有部份年青人是受著毒品困擾,
讀書做人唔清唔楚,
咁樣現在的基督徒就是受著工作壓力困擾,
對人及事奉都唔清唔楚,
我要提醒自己, 特別在忙碌時的情緒,
免得傷害了人, 也傷害了自己......

講到返團契,
作為一個副團長,
成日返唔到團契, 有點壓力,
其他職員會否明白及體諒, 我不知道,
說到底, 激進份子唔會理你有冇理由,
佢地認為任何人作為職員, 就要點點點......
每個人都有自己的想法,
所以他們的標準, 也是對的,
態度也正確,
只是這種方式, 個世界會變得小一點,
容不下其他可能......也容不下人......

今年見到所羅門職員大家咁積極預備週會,
以及負責大小常務的職員也安排妥當,
實在令人敬佩,
要向你們多學習,
在工作以外, 大家願意為弟兄姊妹擺上,
是一件好事, 這是實踐基督的愛去服事他人.
“我實在告訴你們，這些事你們既做在我這弟兄中一個最小的身上，就是做在我身上了。”馬太25:40
都有人話唔想事奉, 所以都要睇o下下半部份經文, 互勉吧！
“我實在告訴你們，這些事你們既不做在我這弟兄中一個最小的身上，就是不做在我身上了。”馬太25:45
----------------------------------------------------------------------------------------------

最近一次返門徒訓練,
Princess Josephine話好喜歡食湯飯,
關於佢好喜歡食湯飯, 我都係第一次聽,
唔好話我成日拿佢來開玩笑,
我只是喜歡留意有趣的事,
佢真係一個好有趣o既人,
正如小丸子一樣, 身邊總有奇怪o既同學,
講番湯飯,
佢話：“我要食大胃王, 我要食湯飯.”
首先, 我要指出,
佢唔係話我想食大胃王, 我想食湯飯,
佢係話我要食,
要字, 代表她心裡的確定, 帶點命令,
這表示她內心是真的很渴望食湯飯,
而且係唔食唔得咁,
例如, 我地話要食藥一樣,
o既然佢要食, 咁我同baby就同佢一齊去大胃王,
好可惜,
唔係, 係佢覺得好可惜, 大胃王巳經執左,
佢話：“好失望！”
之後佢話：“你唔好同我講o野, 我好唔開心”
我同baby都感受到佢好唔開心,
我唔知點形容俾大家聽佢o既失落,
或者舉個例,
佢o個晚訓唔著數綿羊的話,
應該會係數湯飯, 不如我地同佢一齊數,
一碗湯飯,
二碗湯飯,
三碗湯飯,
數o下數o下,
點知數到第99碗時,
搵唔到第100碗,
於時本來就o黎訓得著, 都要起身找第100碗湯飯,
PJ可能會話：
“一個人若有100碗湯飯, 唔見左一碗, 豈不撇下這99碗, 去找剩番個碗湯飯！”
呢個係迷羊比喻現代版,
為左唔想牧師找我傾計,
關於湯飯我就講到呢度,
順帶一提, 一個星期之後, 佢終於食到湯飯,
佢話：“呢間唔好食，都係大胃王o既湯飯好食！”

如果你認為我笑PJ , 我.......
我.......我堅持我只係喜歡留意有趣的事,
PJ實在有趣,
再講多個大家笑o下,
有一晚,
PJ話佢識講石歧話,
我問：“你今晚食左飯未？石歧話點講？”
佢答我石歧話係：“你今晚食左飯未？”
佢竟然用同一個音答番同一句子,
我同佢講, 你好似玩緊我,
跟住就係PJ o既笑聲,
所以, 原來我都識石歧話,
真好, 原來除左英文、廣東話、幾句國語, 現在我識講石歧話了！
---------------------------------------------------------------------------------

今晚在風聲下的祈禱,
會唔會被吹散, 唔好呀,
耶和華啊！求你垂聽僕人的禱告！

>>September 14, 2009 at 1:35:48 PM GMT+8

2009 年 8 月 25 日 星期二 【晴】

Good news.......


今日睇到令人開心的新聞,
一班青年人有著目標, 投身零售業,
好多人做sales都係隨便做o下,
但係近來JFT在銅鑼灣開設零售旗艦店, 令一班sales對零售改觀,
我對JFT理解不多, 只知是香港與日本合作的公司, 賣日本、歐洲及美國時裝品牌,
但從報紙見他們引進東京著名「涉谷109」的最流行品牌, d 衫真係好靚,
當然都好貴, 由於現在和未來都會請好多人, 而且人工同培訓都好,
令一班年青人能加入都感自豪, 而且有著目標,
看到她們的訪問都令人開心, 她們不再是別人眼中只愛扮靚的少女,
而係希望在扮靚以外, 在時裝界都有所發展......
-----------------------------------------------------------------------------

另一個令人開心的新聞,
是Dolores出新大碟No Baggage
佢係前The cranberries 的女主音,
想起第一張買o既cranberries大碟,
翻查CD架, 巳經係1993年o既事了,
1998年她們出第三張碟時,
慶幸在離開加拿大前睇到佢地o既現場演出,
好似在PNE stadium,
還記得一輪勁歌後,
她換上一條紅色長裙, 坐在鋼琴前自彈自唱,
動人的一個晚上,
2001年買到她們第五張大碟, 之後就解散了,
因為結婚或是誕下女兒而解散, 我也記不起了,
07年她作個人發展的第一張專輯,
也沒有買 (應該係我實行慳錢計劃的日子),
現在知道她出第二張個人專輯,
好期待買這張碟,
過往cranberries都有不少勵志同令人反醒o既作品,
而到今天作為有兩個女兒的Dolores,
深深明白教育的重要及她在樂迷心中的影響力,
今次她在作品中談起毒品問題,
真希望她能令全世界個千萬的歌迷都起來反對吸食毒品,
加油, 也謝謝你!
剛剛睇完Dolores o既official website, 很開心,
她就在昨天宣佈重組巳分散了7年的cranberries,
11月開始到處巡迴演唱,
還沒有說明cranberries會幾時出新大碟,
Tour也主要是唱她自己作個人發展的歌曲,
但相信她們再次走在一起, 很快便會有新歌了,
香港樂迷有冇機會睇到tour呢?
其實香港都有不少cranberries fans,
相信因為王菲曾唱過夢中人(改篇dreams)
雖然當時Dolores唔鍾意王菲抄自己o既歌,
當年在訪問中, 有人俾佢聽王菲o既夢中人
佢聽到抄足佢把聲, “啦啦…….啦啦啦啦…..”
在訪問中, 一句“Fuck”, 佢好嬲,
不過如果唔係王菲, 香港就冇咁多人聽The Cranberries,
我就相反, 覺得王菲抄夢中人, 都唱得幾好聽,
跟住我就開始聽王菲......
------------------------------------------------------------------

尋晚同baby, mouse, 馬馬睇沖天救兵,
好好睇,
我地睇o既係英文版,
聲音同視覺效果都很好,
個故事本身有意義,
有趣味,
因為係3D, 亦能有新鮮感,
睇這戲係一個幾好的經驗,
會推薦呢部戲, 有時間趁住未落快d 睇,
睇dvd應該冇晒3d 效果,
之後我地去左食雪糕,
突然間,
我見到一間店舖寫住
“salocin and bears” (看這英文的人需要會意),
我都好鍾意bears,
salocin 仲乜and me.
好驚!
你知啦, 睇完3d電影, 真係有d 眼花花架嗎!

講起3D, 要戴眼鏡, 先可以睇到,
但有時都唔洗,
見到周秀娜在地鐵O既廣告, 睇到係3D, 因為身材,
見到美少女約瑟芬, 都係3D, 都係因為身材,
都係唔講咁多, 唔想死.......

>>August 26, 2009 at 3:26:46 PM GMT+8

2009 年 8 月 19 日 星期三 【晴】

好忙的一段日子, 心情還是那麼平靜,
是做人處事長大了? 還是累得令人對事物都冇晒反應呢?
在生活中尋找平衡, 是我這段日子特別留意的........


星期一晚“o靚mo”半夜走來找我,
在我門外嗚嗚聲叫,
我問佢做乜,
嗚嗚嗚.......
心想, 冇落雨冇行雷, 做乜呢？
於是我抱o靚mo上床,
佢在我床上搜索一次之後,
在床尾突然蹲下來,
O下？
我即刻跳起身, 發現佢正在小便,
我成個床尾都係尿,
清洗, 再吃乾, 洗埋床單, 都成3點先訓,
我將o靚mo個頭推埋d尿o個到,
然後打佢,
“你仲乜咁, 你今年巳經14, 仲霸地盤,
成個場一向都你玩晒,
你仲乜咁！
打！冇小吃食！“

打在你身, 痛在我心,
到底o靚mo半夜找我想發表什麼呢？
睇報紙講, 第二代的狗狗翻譯機終於面世,
如果冇睇錯, 係takara出品,
我想係利用一個資料庫,
收集狗狗的聲音,
並記錄狗狗的行為,
只要資料庫夠大,
並收集正確的話, 就可以推測每次發聲他們會做什麼或想做什麼？
理論上係可以的,
而第二代機聽說真的做得到,
賣$1100左右,
好想買......但又怕俾人老點......
你知啦, 成件事雖然講得通, 但係真係太過神奇,
記得有套日劇有講過狗狗翻譯機,
突然想睇番......

次日星期二同米高, baby, mouse, belinda, 富東, isabella食飯,
belinda話床單可以洗, 床裖洗極都會有味,
當時我答belinda話冇問題, 吸乾後扶完就冇味,
不過不訪做個測試,
尋晚睡前, 我在床尾作測試,
一索......冇味呀!!!
二索......冇呀!!!!
三索......唔係o番, 真係有味呀!!!
慘！千多元新買的海馬床裖,
慘!
床裖被o靚模佔據就正,
床裖被o靚mo佔據就唔知有乜o野好,
換床裖我就唔會, 唯有再洗一次......

睇o下市場反應點, 如果狗狗翻譯機ok,
買部玩o下,
如果部機知道o靚mo話“我想你成日吸住我d 味”
咁你咁愛我, 都抵鍚......
---------------------------------------------------------------------------------

8月8日雖然是o靚mo的生日,
但我想在日記, 記下這個對台的風災,
讓自己想想......

雖然之前我好想天鵝吹到唔洗番工,
但係佢個friend莫拉克就好強,
為台灣帶來好多雨水,
一、二天落左整個地區全年的雨水量,
是馬英九慢還是什麼, 我不作評論,
但是只強調捐錢去解決問題, 就好似方向錯左,
錢仍然應該要捐,
但今次災難是錢可以解決的問題嗎？
是天災？還是人禍？
台灣就是沒有解放軍,
作晚新聞就巧合有解放軍的訓練片段睇,
好強, 無論是水災, 地震, 什麼天災,
他們都訓練過, 也體驗過,
如果他們在台, 在最短時間內, 肯定救回更多生命,
那些是人命, 是最重要的,
因為政治, 中國人救不到中國人,
政治不改變,
錢跑進去能發揮的有限, 更可惜就是錢不知跑到那裡去了,
我支持捐錢到台灣, 這是行動,
但更重要的行動, 就是為災民祈禱,
為台領導祈禱,
讓人民不再受苦.......

在籌款中, 一位歌手提出,
為何雨水集中在一個地方？
為何有這麼多風暴產生？
對的,
是我們令地球的氣候改變了？
所以不要隨便怪天,
是天災？是人禍？人還未分清楚？
神造天地, 看著一切都是好的！
只是我們把他弄髒了！
-----------------------------------------------------------------------

上星期六finding o靚模個週會,
我因為睇女排, 好遲先番,
中國2：3輸俾波蘭, 好傷心......
傷心賽事唔想詳細同人分享, 我真係睇到流眼淚架......

剛睇完波收到helen短訊, 問我仲乜唔番團契,
又剛巧周秀娜在我屋企留下有活動,
我就回覆helen:
“周秀娜在我屋企留下, 講o靚模不如睇o靚模”
Helen的回覆, 一個字
“妖”
我真係好耐冇俾人妖過......妖......

>>August 20, 2009 at 3:04:50 PM GMT+8

2009 年 8 月 4 日 星期二 【驟雨】

很想留下你......



從沒有愛過你,
卻很想留下你,
我問點解? 點解你唔留多陣?
你的名字有趣,
也帶點貴氣, 可能因為某牌子啦,
昨天晚上, 同事都記于厚望,
就係希望天鵝你, 讓我們暫時放低煩重的工作,
可以休息一天,
我更加堅決,我講過,
如果你留下, 我一個星期唔食燒鵝,
但係你.........在我家, 竟然連風聲都冇......

我決定今晚食燒鵝飯!!!

>>August 5, 2009 at 1:38:21 AM GMT+8

2009 年 8 月 2 日 星期日 【驟雨】

Oh baby, 就o黎放工真輕鬆.......



同事T 剛日本回來, 佢同我一樣, 都係瘋狂買手信食物o既人,
好多款都好味,
有啤酒朱古力, 紅酒朱古力, 未古力士多啤利, 藍莓餅, 夾心蛋卷,
辛勞了整天, 可以停下來飲杯茶, 食件餅係最舒服,
好食呀!!!
一個星期o既開始如果醒神, 係唔係代表成個星期都會醒神呢, 希望係咁啦,
上個月uncle冇來, 我o既情緒都幾好, 也可能代表我接觸o既人, 大家都愉快,
人係互影響架, 聖經老早就教我地要同那清心禱告o既人一同禱告, 都係同一道理,
希望大家都愉快地生活同工作啦, 正所謂人生有幾多個十年..........人生最緊要好玩.
------------------------------------------------------------------------------

上星期做左個三神實踐計劃最後報告o既初稿, 又做起左功課, 心情都輕鬆d,
一直都唔知邊過會主動跟進實踐計劃報告, 我都習慣晒, 找人不如自己做埋,
有時都會覺得疲累, 指精神上, 只有當係一個學習唔計較o既功課.....
三神o既畢業感言都寫好, 畢業相就未找到, 事實上都唔知用邊張相好, 因為我真人靚過上鏡....哈!

下星期一開始綠訓, 本來都ok, 但係最近好想報讀一個課程, 又係星期一,
而且有兩個舊同事都會讀, 大家真係想一齊讀,
但係drop門訓又好衰仔, 唔讀呢個course又好miss,
點算,
上帝, 請給我多一點時間!
-----------------------------------------------------------------------

呢排都好多o野換,
剛剛換左一排o既七仔小丸子,
依家麥記又有杯換,
只要食餐, 改加大, 就有隻幾靚o既可樂杯, 免費來說好抵,
我現在有兩隻, 係lime同blue, 換換o下會唔會最終都換晒成套呢?
我發現我同牛姐都幾恰, 大家都鍾意換同樣o既o野,
雖然冇佢咁多, 但我都剪埋唔少coupon.

最新呢單換o野先大鑊,
係聖安娜,
買1 lb蛋糕送一套兩隻輕鬆小熊碟, 有20cm直徑,
總共有三款, 我點食一個3lb蛋糕, 或者三個1lb蛋糕呢,
各方好友近排要買生日蛋糕, 幫幫忙呀!!!

>>August 3, 2009 at 10:02:56 AM GMT+8

2009 年 7 月 15 日 星期三 【晴】

我的心巳獻給你........



辛辛苦苦, 才到星期四,
好想講無驚無險, 又到星期五,
但可惜今日真係星期四, 而且今個星期六仲係長週,
不過我EQ巳提升了不少, 每天都是同一情緒工作, 不喜也不憂,
當然一個月到左來o個日, 情緒會有點起伏,
呢個係心理學家講架, 男人一個月都會來一次, 不過係指情緒方面,
突然想起, 我今個月來左未?
到底會唔會遲左或者早左, 又或者唔來呢?
我即管試o下在日歷記下來o個日, 睇o下心理學家講o既係唔係真,
如果準, 下次有人煩我, 我就同佢講,
今日我uncle到, 你唔好煩我! 我唔係咁方便!!
-------------------------------------------------------

尋晚返三神, 同時間又係門徒訓練獻心會,
撞到正,
三神最後呢科係袁牧師教, 而獻心會立約又係袁牧師帶領,
又係撞到正,
上課時我問袁牧師, 我應該幾點上去門訓, 佢叫我唔洗咁早,
遲d一齊上去,
到三神下課, 就繼續參加門徒獻心會,
獻下獻下,
聽下聽下,
終於到左立約,
簡單而嚴肅o既立約儀式最後亦完成,
到報告,
突然咁樣講,
"頭先因為三神, 遲落來參加門訓獻心會o既弟兄姊妹,
你地未算完成獻心會, 星期日下午二點半, 請大家再番來, 唔會長, 到四點左右....."
冇o野未算?
點解未算?
我咪坐左o係度o羅?
望o下我, 我真係坐左o係度?
星期日, 再番來?
唔會長? 到四點仲話唔長?
信我啦, 我的心真的巳獻給你.......
-----------------------------------------------

試過大家樂新出o既霜花鐵板牛燒,
平而幾好食,
用加拿大AAA牛肉,
300度日式鐵板,
珍珠米,
我揀左蜜糖汁, 拎左後, 就自己將佢炒,
好香, 不過牛肉太少, 多d就好勒.....

>>July 16, 2009 at 10:00:59 AM GMT+8