2007 年 10 月 14 日 星期日 【晴】

星期一係每週工作o既開始,
有時會聽到人地講或者自己都會講:"又要番工勒!",
不過, 依家我好多時都會覺得幾開心,
不是因為我份工幸苦與否, 而係我好鍾意每週新開始工作的感覺,
我更加明白, 只要我願意, 每天都可以係人生o既新開始..........我又o係度諗埋d咁o野勒....
----------------------------------------------------------------------------------

今日收到Carmen隻狗狗手術順利o既消息, 真係好,
佢隻bebe巳經14歳, 麻醉後可以醒番, d瘤又切除左, 感謝主!
祂是聽禱告的神.......
放工時聽La La講, 佢話星期日o係北宣聽到個信息,
你為人禱告, 係為著愛那個人的原故, 所以為她禱告,
並且相信主必會聽你的禱告,
一個聽過多次的道理,但再聽一次, 並且出自萧牧師口中(我唔係因為佢出名所以咁講)
大家都再一次得到提醒......
晚上Carmen會再去見醫生, 看看bebe的情況, 希望一切順利,
天父上帝, 求你繼續保守.......
----------------------------------------------------------------------------------

我愛官恩娜, 都不及愛你的哨牙

第一次在收音機聽到my little airport, 冇記錯的話, 巳經係二,三年前o既事,
一聽便愛上她們,
第一張碟的確好聽, 很多小品, 像聽到很多故事.....
不過, 呢張新碟就唔係咁好聽,
每次有男聲時, 都唔知佢唱乜, 把聲好似入唔到咪咁,
另到某d歌跟本你冇心機再聽落去.....
主打歌"我愛官恩娜, 都不及愛你的哨牙"巳經係最好玩o既一首,
希望佢地下張碟會好d啦!
--------------------------------------------------------------------------

上星期開始實行放股票, 邊隻升又賺得不錯就放,
放到今日, 我巳經放左75%o既股票,
留番25%係因為如果再升, 都有得玩吓嗎,
不過, 巳經達到我短期目標,
而且巳經係29500, 唔走等乜,
俾你31000或32000點又如何, 點解要咁博,
聽日佢夠膽再升, 我再放,
佢跌, 我就買番d, 咁樣仲好玩........
最開心係, 知足常樂......
所以........今晚我送左3隻特別版Pullip俾自己, 好開心!!!
Pullip今次係同Korea一個綱站crossover, d公仔好靚.....
--------------------------------------------------------------------

尋日睇左Resident Evil 3,
一個勁字,
主角Alice簡直無敵,
就算有幾多喪屍, 你其實唔洗替佢擔心,
咁勁仲有乜o野可以同佢打......

套戲有好多地方嚇人, 耐唔耐你會發覺隔離左右有人震一震,
好好玩.......

Good night!

>>October 15, 2007 at 4:19:40 PM GMT+8

2007 年 10 月 7 日 星期日 【晴】

空氣真係好差, 希望快d轉風向或者落雨,
因為呢個風向話會將中國o既suspended particles帶來香港......
旺角空氣指數上星期去到140, 簡直不敢相信, index係very high,
主要係Nitrogen dioxide,
以前讀書所講o既photochemical smog依家就發生緊,
再冇大方案去改善, 香港就冇下一代....
----------------------------------------------------------------------------------------------

尋日團契去左香薰園旅行,
要感謝天父有好的天氣(指冇落雨, 空氣仍然差),
而且一切好順利, 參加人數連小朋友達到38人,
今次亦可同有family的團友多d聯繫,
我自己叫左幾個同事, 不過只係有一個o黎,
咁就有d悶親佢,
我自己唔算玩得好開懷, 因為好多o野都要顧及,
我就係一個咁樣o既人,
由籌備到實際旅行其實打左好多電話,
食物, 交通, 地方都要想想,
我個人比較容易緊張, 所以就冇玩得咁投入,
不過見到d小朋友咁開心, 團友o既反應都唔錯, 感謝主!
有機會其他時間去, 我相信d花會幾靚。
------------------------------------------------------------------------------------

呢排得閒d, 睇左幾隻dvd,
港產片中, 我覺得<阿嫂>不錯,
雖然我知道唔係好多人會喜歡呢類片,
係講一隻兔走進一群狼中o既故事,
o係套片中就係一個小女孩走進一}譯穠懋|大佬中點樣生存落去,
最後隻兔o既純真反而改變呢班大佬.......
用愛去改變呢班大佬, 直情有福音原素o係裡面,
導演係黃精甫, <江湖>好似都係佢拍, 不過兩套都唔收得,
而劉心悠就好幸運, 可以同六位影帝一位影后拍戲。
----------------------------------------------------------------------------

Ella帶媽媽返左同福堂, 希望佢媽媽感受到基督o既愛啦,
早點接愛主耶穌基督......
Carmen隻狗又係cancer, bebe好弱, 接受麻醉實在有危險,
但我覺得唔可以放過生存o既機會,
主耶穌, 願意你親自作狗醫生, 將bebe醫好,
並保守Carmen有勇氣去面對,
其實有好幾個月都為另一隻狗祈禱, 希望佢都係健康快樂啦!

>>October 8, 2007 at 6:56:43 AM GMT+8

2007 年 10 月 1 日 星期一 【陰】

上星期考試好成功, 我諗我都有90%以上,
不過個training只係要求pass就可以,
所以今次pass左 :)
因為我連在人地個婚禮都掛住溫習,
應該俾d掌聲自己,
Good job.
----------------------------------------------------------------------------

上星期因為要幫手妹妹星期五的擺酒,
所以變得好忙,
妹妹係我最錫o既人,
所以會不問原因去幫手,
星期六再幫佢運貨,
真係好疲累,
星期六返團契時係最疲累,
團長去左旅行,
領詩遲大到,
疲累o既我就變得手忙腳亂.....
----------------------------------------------------------------

妹妹的婚禮, 其實我好感動,
看著自己個妹長大成人,
但在我心目中, 佢都係好細過,
我買了她最心愛的裝飾品給她,
個婚禮亦很順利, 氣氛很好!!!
妹妹, 在此祝福你,
我永遠都會保護你!
----------------------------------------------------------------

上星期也花左d時間先整理好三神o既實踐計劃草擬,
因為佢地留d名字同email好難看, 好難打得清楚,
而明天o既開會我跟本就去唔到, 放工去跟本趕唔切,
我都係好好食餐飯, 然後上堂好過.
----------------------------------------------------------------------

國慶10月1日, 最後我只有留在家中,
因為要做三神份工課, 係呢個星期交,
我第一次咁遲做,
用左6個小時唔停咁做,
順利做完, 感謝主!!!

終於有番free的感覺!!!

>>October 2, 2007 at 3:19:50 PM GMT+8

2007 年 9 月 23 日 星期日 【雨】

感謝神! 今日下雨了,
早前空氣都差了, 呢場雨可以洗乾淨d空氣,
最好能洗乾淨個城市同每一個人,
不過我們知道, 只要我們願意, 耶穌基督o既寶血能洗淨我們一切的罪。

溫書先, 因為要出發考試了。

>>September 24, 2007 at 1:32:48 AM GMT+8

2007 年 9 月 19 日 星期三 【晴】

今日o係公司, 一有時間就溫training o既考試,
因為一定要pass, 真係好多o野要記,
所以放工為左獎勵自己, 買左好多零食,
大部份都係會擺係公司o既明記士多,
如果自己食, 實變肥仔都得勒.

今晚都係早點睡, 聽日再溫過...

>>September 20, 2007 at 3:37:22 PM GMT+8

2007 年 9 月 18 日 星期二 【晴】

今早返工, 明白什麼是肢體相交, 明白什麼是肢體各按其職,
因為隻耳聽緊The Stone Roses o既歌,
隻手同眼玩緊NDS,
佢地分工合作得幾好。
---------------------------------------------------------------------------

下星期一考試, 要努力d讀先得,
因為係公司o既training, 如果考唔到, 好大鑊,
又多一個同事走,
我會做埋佢o既工作,
正面d想, 我可以學多d, 幾好!
--------------------------------------------------------------------------

剛剛寫好三神實踐計劃個plan,
而團契旅行, 都未諗到去邊, 事實上我冇時間準備。

都係快d溫習........

>>September 19, 2007 at 4:03:24 AM GMT+8

2007 年 9 月 13 日 星期四 【晴】

今早坐車番工時, 聽著Oasis的歌, 途經吐露港時,
在那清脆的吉他聲下, 景色特別美, 心情愉快
----------------------------------------------------

好享受作晚的跑步, 跑了4800m, 出一身汗真係好舒服。
之後坐車加行街, 等足兩小時先食飯,
點知最錯就係在旺角入左一間難食o既鋪頭,
妖! 其實都唔想講...........
---------------------------------------------------

三神o既實踐計劃星期三巳開始了,
作天寫了初步計劃, 如下:

擬進行的宣教計劃:
(1) 名稱: 澳門短宣體驗團
(2) 地點: 澳門
(3) 合作團體: 循道衛理聯合教會澳門堂及香港堂所羅門團契
(4) 日期、時間: 2007年4月至2007年8月(以4月為優先，最後以配合澳門堂而作決定)
(5) 預算費用: $1200至 $1600
(6) 目的
1. 透過福音晚會讓人認識福音;
2. 讓小朋友從小認識基督, 以另他們長大後不從事睹場的工作。
3. 關心新移民家庭
(7) 主要內容: 祈禱會、家庭探訪、派單張、福音晚會、主日崇拜、兒童崇拜、檢討會
(8) 進行時間表:
星期五: 祈禱會、家庭探訪、派單張
星期六: 派單張、福音晚會
星期日: 主日崇拜、兒童崇拜、家庭探訪、檢討會
(9) 訓練安排:
1. 主要都是為(福音晚會、主日崇拜、兒童崇拜)等作採排;
2. 各種傳福音佈道方法的訓練
(10) 其他:
1.由於香港堂所羅門團契有意明年到澳門短宣工作, 但團契未必有足夠人數參加,
故我們三神同學一同參與的話, 便有足夠人數籌辦。
2.人數估計如下: 10位所羅門團友 + 8位三神同學。
3.我們的初步計劃巳獲香港堂所羅門團團長允許, 現期望委員會的批准及建議。
若獲委員會批准, 香港堂所羅門團契會聯絡澳門堂並決定日期。

真的希望委員會批准, 還雖要所羅門的弟兄姊妺支持!
----------------------------------------------------------------------------------------------------

偶然看到自己以前的日記, 好好笑, 如下:

特別新聞報導:
momo經過幾日的被囚禁, 今日被釋放......

momo經過幾日的詅訊, 法官(媽咪)認為momo行為良好(冇再亂吠),
陪審團(妹妹)一致裁定, momo無罪釋放!

momo今晚好開心, 企左O係我房門口, 等我俾宵夜。
食餅啦! momo!　

係2002年o既事, 依家睇番真係好好笑!
-----------------------------------------------------------------------------

La La媽媽今早做大手術, 我找了她,
我們一同祈禱, 我們的眼都濕了,
我不想哭出來, 因為唔想其他同事見到,
到現在下午, 還未有電話從醫院打來, 很擔心。

>>September 14, 2007 at 9:49:39 AM GMT+8

2007 年 9 月 11 日 星期二 【晴】

每晚番到屋企, 見到小狗momo的微笑,
總令我心情開郎, 呢期我每晚都俾宵夜佢食,
佢實痴住我啦, momo真係好得意。

因為早排入廠, 為個病心掛掛, 所以好耐冇同momo剪毛,
依家佢巳經係隻長毛狗, 長毛! 長毛! 今個星期我幫你剪啦!
------------------------------------------------------------------------------------------------------

等人o既時候, 依家可以玩NDS,
我成日都係玩住幾款game,
今晚番去要裝番d新game先,
真係好好玩呀!
我依家明白點解咁多人迷上NDS
--------------------------------------------------------------------------

本來想睇日劇Liar Game, 因為想睇戶田惠利香(佢好靚, 深得我心),
點知隻碟有問題, 睇完一集就跳碟, 遲d要上深圳找賣碟妹玩碟,
不過呢排都應該冇機會上深圳, 因為d廠都冇期租俾我地用。
冇得睇戶田惠利香,
我就揀左28 days later同28 weeks later 一齊睇,
28 days later 好睇好多, 新鮮感都強d啦, 好多年前o係戲院睇過,
依家睇都咁好睇,
不過28 weeks later就令人失望, 我好鍾意呢頪片, 拍到咁, 有d可惜,
最大分別係導演, 28 days later 係 Danny Boyle (拍過Trainspotting, The Beach),
而28 weeks later個導演就唔知係乜水.......
咁樣講, Danny Boyle d功力就o係呢度勒, 同一個戲種, 佢拍得好人好多。
----------------------------------------------------------------------------------------------------

無線造緊舞動全城, 講起拉丁舞, 令我諗起Julie, 係時候約佢食吓飯勒。
講番套電視劇, 淨係睇陳法拉都夠, 遲d佢肯定會更多男fans....
同事H就好鍾意陳法拉,
朋友D就話佢自己姓陳, 想改隻狗個名叫法拉, 咁就成日叫住陳法拉,
女人係冇辦法明白男人點解會咁.....
---------------------------------------------------------------------------------------------------

上星期三神camp, o係"突破"度, 幾好玩,
不過唔覺得係退修, 因為冇得休息,
讀讀吓又話讀左一年。

我地今個星期要開始傾"實踐計劃"
即係等如大學做dissertation一樣,
不個我讀呢個三神課程, 全無壓力, 造"實踐計劃"亦唔覺得有壓力,
因為讀master係最辛苦, 相比依家三神o既工作量, 一半都冇,
所以好容易讀,
而讀三神目的和讀大學不同,
或者, 我都要再提醒自己要好好享受讀三神的日子, 同好好珍惜!
要work勒!

>>September 12, 2007 at 6:02:26 AM GMT+8

2007 年 9 月 6 日 星期四 【晴】

感謝神!
我一晚出院勒, 冇cancer, 又冇息肉, 係最好o既結果, 平平安安出院.......
多謝大家為我禱告!

07醫院事件:
剛星期二早上+午飯, 只係食左淨通粉+白麵包,
便帶著沉重的心情入院, 係St. Teresa hospital,
沉重, 係因為我年輕時候o既生活習慣, 另我成為腸cancer高危一族,
例如小學生和留學生時期, 都多肉少菜,
燒味飯, KFC我最鍾意食,
而因為旺角人, 街邊o野, 即係千年油煮無限次o既油炸食物,
係家常便飯,
加上香港近期腸cancer巳成為cancer第二位殺手,
某日, 早上打開報紙, 又係講腸cancer,
下午見院醫生, 番屋企打開信箱, 又收到香港癌症基金會叫我損錢,
一切太巧合, 所以令我擔心。

等待入院o既日子亦不好過, 只有祈禱又祈禱,
我承認我是一個少信的人, 神啊! 你千祈唔好俾考驗我!
在醫院的一晚, 我就不停打NDS, 專心打機, 希望可以唔洗諗咁多o野,
事實上, NDS真係幾好玩,
晚上6:30食埋粥水, 姑娘突然拿左2000ml藥水來, 叫我兩小時飲晒,
我仲口輕輕話我即刻同你飲三分一都得,
點知, 一飲, 即覺作悶,
大鑊, 點飲晒佢,
我一邊打NDS, 一邊飲, 終於一小時完成1000ml,
開始反胃, 再迫自己飲, 一小時後飲多500ml, 謝晒.........
我同姑娘講, 我飲少500ml得唔得,
佢話瀉唔清, 要照過, 仲慘,
最後我好痛苦飲晒............當晚直至早上, 疴左5次........

第二天早上, 7:30分我巳在手術室, 隔著毛巾,
姑娘同我除左條褲, 有d袒袒蕩蕩o既感覺,
在打針麻醉下, 我睡了,
半醒時, 知道姑娘同我著番條褲,
到麻醉藥全醒時, 好像在夢中聽到醫生話你條腸好乾淨, 而姑娘話你唔使再擔心.........
直至看到報告, 才可以肯定自己冇事....

我又上了保貴一課, 多謝天父拯救一個少信的人,
我還要多學習信心的功課!
醫生話我條腸清得好乾淨, 我睇番d相片覺得好難看, DVD片我就唔敢睇,
呢次結果反而做左一次好好o既保健, 有5至7年都唔洗驚有腸癌。
埋單7900, 好貴, 不過公司保險應該攞晒,
07醫院事件終於結束.....

>>September 7, 2007 at 8:03:44 AM GMT+8

2007 年 8 月 31 日 星期五 【晴】

要跑走晒d悶氣


雖然la la 同瑪莉都唔得閒,
我自己都決定要跑, 盡可能每星期都一至二次跑步,
今晚天氣很好,
我一口氣跑左12個圈, 即4800m, 我自己都覺得好強,
出一身汗, 心情真係好好多,
如果運動+減肥, 跑步後就盡可能兩小時唔食o野, 咁先減到,
否則, 真係越跑越肥。

返回旺角, 買左一部NDSL, 係新color, 磨砂紅黑色, 好靚,
普通色約$1500, 我呢部特別色就$1600, 幾ok
我終於有自己一部NDSL,
好o野!
有一種小學生換新文具、新書包o既感覺!

>>September 1, 2007 at 4:17:08 AM GMT+8