2009 年 3 月 18 日 星期三 【晴】

濕濕的天氣開始了.......
想著你......
究竟你在做什麼?........
--------------------------------------------

新傢俬終於送到o黎,
放在房間的效果不錯,
接著便是忙著清潔和執拾,
原來我真係有好多o野,
我同自己講, 你以後要少d買o野,
到底我聽唔聽自己講, 我都唔知.......
不過有新傢俬用,
真的很滿足, 我是花了心思去設計的,
而下一步,
就是換電視櫃同買一部LCD TV,
今時今日, 我們有能力買喜歡的東西,
真的要感恩呀!

天父, 多謝你!!!
-------------------------------------------------------------

歐洲聯賽冠軍盃好緊張,
車仔,利記,紅魔,兵工廠都打入8強,
我都算係熱心fans,
上星期二晚深夜睇利記,
星期三就睇兵工廠,
星期四仲要做通宵,
好在有星期五休息,
如果唔係, 我諗會病........

來緊o既賽事都好其待, FA cup兵工廠都會遇上車仔, 正!
-------------------------------------------------

尋日去左內地工作一天,
午飯食東北菜,
五個人食六個餸,
小炒王, 炒四季豆, 雞煲, 炒雲耳, 涼拌雜菜, 醬骨架,
雖然唔係高級菜式,
但係好好食,
埋單總數只係130, 超抵,
碟四季豆係用辣椒乾炒,
係好hot, 不過好好味呀!!!
有時在內地去呢d小菜館, 會有意想不到的好味....
--------------------------------------------------

睇電視可以學英文

自從電視做左獎門人呢個節目後,
好多主婦都學識super呢個英文字,
最近, 佢地應該又學識一個英文字,
以我阿媽為例,
要佢學英文, 有d難度,
但尋晚佢同我講: "laughing死, 我都好感動"
就係laughing呢個字, 阿媽都識講,
因為在學警呢套劇,
laughing哥真係好出位,
我相信巳經成為師奶殺手......

大家或者都可以同阿媽講: "阿媽, 你以後laughing 多d勒!!!"

>>March 19, 2009 at 4:51:11 PM GMT+8

2009 年 3 月 9 日 星期一 【陰】

有點混亂的個多月, 總算渡過........



內地工作

星期一去到內地, 即刻在深圳南山那邊安排酒店,
回到工廠最先要做消毒工作,
順利在下午完成,
由於公司話要慳錢, 所以一條友先上去, 真係好悶,
我自己去到面點王食晚飯,
想起有一次去深圳見過Princess Josephine, 佢一個人食醬骨架及小籠包,
我就坐左o係上次PJ隔離張枱,
叫左小籠包, 羊肉串, 黃金糕等等,
我一邊食, 一邊想起PJ食醬骨架同嘆茶個樣,
同一個地方, 唔同o既時間,
真係有少少蝶血雙雄feel,
不過, 唔好再講勒, 我都頂唔順呀......

星期二作好準備,
並與今天到o既同事H會合,
突然間廠話收到衛生部通知, 要明天來檢查,
實驗要星期三下午先可以開始,
咁今日下午突然無o野做, 返香港的話而明早再來,
又真係會好疲累, 既然酒店check out時間都過左,
我地就去行街, 去宜家傢俬行街,
剛好一個廠工程師小周要睇傢俬,
我地三個就一齊去,
中國o既宜家好大, 呢一間o係沙河區,
有成個皇室宝咁大,
我地因為疲累, 所以加快腳步,
先可以4小時行完,
宜家間餐廳係一個food court咁大,
行得幾開心,
唔係因為我剛好要買傢俬,
而係我好喜歡睇家居o既野,
用有限的錢, 令自己屋企靚d,
另一個行得愉快的原因是好自由,
入到去, 冇人煩你, 你鍾意睇乜攪乜,
冇人理你......

接著來的4天, 實驗都算如期進行,
咁我就順利星期六回港去家會,
家會係打邊爐,
我地同組長Trazy慶祝生日,
Mandy Mickey買d蛋糕好靚, 6個都唔同款式,
Trazy, Mickey, Harrison, Baby和我共5個人share 6個蛋糕仔, 好好玩!!!
---------------------------------------------------------------------

買唔到Dream House, 整番間Dream Room 都好

終於睇o岩心水傢俬,
買左一張床, 一個組合衣柜連枱,
一張床褥, 全部都係訂造,
加埋要成$6100

早前發白日夢, 希望1,2月在股票市場賺到買傢俬o既錢,
我在1,2月賺到$3002,
所以計劃失敗,
我只有安慰自己o係咁o既時世有錢賺, 都算好......

如果問我近況,
都幾開心,
因為好耐冇買過傢俬,
有種好期待傢俬來的心情,
有新床訓就唔洗再爬上去訓, momo又可以容易d上來我張床訓,
有新衣柜擺衫, 可以放多好多, 放埋momo入去都得,
不過訂造傢俬需時, 只有耐心地等......
---------------------------------------------------------------

早前同momo剪毛, 剪足兩小時,
好疲累, momo都好唔耐煩,
不過, 剪完真係幾靚女噃,
而轉眼間又好似長番晒,
Momo, 你用開邊隻生髮水,
醒d來用好喎.......
------------------------------------------------------------

好好睇的Oscar

今年Oscar好好睇呀,
大會話經濟差, 唔玩豪華, 要著重內容,
(不過, 我都覺得個劇院好豪華),
感動位好多, 幾有意思,
Slumdog Millionaire就得到好多獎,
而導演就係我最愛o既導演, Danny Boyle,
舊作品有好多, 其中我喜歡的有Trainspotting, 28 days later等,
冇記錯當年Trainspotting都攞過最佳導演,
功力深厚o既導演,
其待這套電影..........
--------------------------------------------------------

上星期四, 我和同事S, 由9:00am做到星期五6:30am,
做左21小時,
到星期六,日, 精神都不能回復,
今個星期, 會再來一次, 同事S正在安排,
希望盡量縮短我兩的時間,
因為真係好辛苦,
個Project係同事S負責,
所以作為同事, 我都算唔話得勒, 肯同佢做21小時,
都係唔好讚自己,
做就做啦!!!

而上星期五, 剛好係我在這間公司做左6年,
我唔諗過巳通宵來迎接6年的生涯.......well, that's my life.......苦命......

>>March 10, 2009 at 9:30:46 AM GMT+8

2009 年 2 月 8 日 星期日 【晴】

2009年巳經過左1個月有多,
結果還是未知,
等待的日子真難渡過
主呀! 求你幫助!
-----------------------------------------

呢個星期睇左好多場波,
紅魔同利記繼續得分, 分別排聯賽第1,2名,
而車仔同兵工廠就失分, 就排4,5名,
咁維拉的狀態就剛好在他們中間,
所以排第3位實在是合情合理,
呢對波有冇機會升得更高,
就要睇佢來緊對前big 4球隊o既表現勒,
維拉來緊要對車仔, 不遠的日子會對利記, 緊接著就是紅魔,
所以佢o既輸贏會影響晒前5位o既排行榜,
而我o既愛隊兵工廠, 我相信最壞o既日子巳經過去,
加油!
隨著2月歐冠盃開始, 越來越多波會好睇呢!
-------------------------------------------------------------------

上星期overnight 左一日, 做左16小時,
真係好疲累,
本來負責人找我幫手, 話每4小時取樣,
有起泡就加消泡劑,
聽完佢咁講, 我對呢個系統都幾熟,
我諗住都可以有d 時間訓o下啦,
點知,
就每個小時都起泡, 我要每個小時都打消泡劑進系統,
好疲累呀,
在冇得訓情況下,
我找Stephy陪我, 一口氣睇左獨家試愛, 十分愛, 塚愛,
Stephy 真係越睇越靚.....

究竟我是否太過博愛?
不過我從來都覺得說一個人美麗可以好闊,
不一定是那幾種樣才是美,
有時聽到人講d 明星:
"佢皮膚咁差, 邊靚呀! "
"邊度靚呀, 個胸係假架,"
"你話佢靚, 我一聽佢把聲就頂唔順"

皮膚差, 假胸, 唱歌唔好聽, 都可以有靚o既一面,
只要能突出自己形像, 性格, 配合適當的化妝, 都會很美,
化妝之後靚, 都係靚呀!
不過, 都有d人化完妝醜左,
到底係佢化錯妝, 定係本來.....定係點........我真係唔知....

講番stephy, 睇佢做戲簡簡單單覺得幾舒服,
有好典型香港少女feel o既美,
而獨家試愛同十分愛呢類愛情戲, 佢做O岩晒,
不過, 我就唔知塚愛原來係鬼片,
overnight 一個人時, 都有d 驚,
當晚三層樓得二個人, 一個係我, 一個係保安叔叔,
就係佢嚇我一跳, 突然在我後面巡過,
無聲無息, 好在佢個樣都cute cute 地,
又好在佢冇揸住個電筒就為照,
如果有, 就直情可以開拍鬼片,
片名係大埔午夜驚魂.....
開工時, 我巳經同佢打個招呼,
但我冇諗過佢夜晚行路係冇聲.....

做到早上9點, 人地番工我放工,
好疲累, 其實我當時個樣會唔會都似鬼,
或者都係咁靚.......哈哈!
--------------------------------------------------------

如果我喜歡一個人, 又好肯定有空間發展,
我會好努力去追佢,
每天一個email,
常常傾電話,
常常見面, 而且每次都送他番屋企,
我以前女友, 和她拍拖咁耐,
都每次送她番屋企, 只有一次冇,
就係我病左, 佢來探我......

如果努力追過, 都唔成功, 就可以放棄,
我係唔會等,
什麼你是最好, 但係現在唔可以同你一齊, 我係唔相信,
或者,
我曾經相信過, 但係現在巳經唔會再相信了.......

而當別人喜歡我,
我唔喜歡對方的話,
我會用冇反應的方法,
如果對方不放棄的話,
為了別人的好處,
只有用效明顯的方法, 使別人不要再浪費時間,
我當然深知失敗的痛, 因為我試過,
但係一定要讓人接受這個事實,
只有接受, 才會康復, 這是必經階段......

最後可唔可以再做番朋友, 就要睇佢自己,
因愛成恨o既例子好多,
而被愛的人好難主動保持這段友誼, 原因係, 只要略為對對方好,
佢可能又會再進入第二次誤會.......

--------------------------------------------------------------

睇左傢俬一個月了,
我畫左十幾幅圖,
好多設計的可能性,
有人話你洗乜咁麻煩,
不過其實幾有樂趣,
而今次可唔可以用投資番來o既錢買,
就要睇埋2月,3月,
1月o既回報係好o既開始,
希望計劃成功,
加油!!!
-----------------------------------------

今晚annual dinner 抽到$500屈臣氏,
唔係大獎, 不過幾實際,
公司由20, 30席食到今晚得番9席,
都唔知再落去會點......

>>February 9, 2009 at 5:29:12 PM GMT+8

2009 年 1 月 29 日 星期四 【颳風】

今日係年初五, 又係星期五, 唔多唔少有d holiday mood,
番到公司, 都冇乜人做o野,
大家只係整理o下手頭上d paper work,
都唔想開波做實驗,
我就follow大家啦,
正所謂you jump, i jump 啦!
----------------------------------------------------------

年三十去左Excelsior o既Dickens Bar飲o野,
環境幾好呀!
又正好播緊阿仙奴對什麼卡迪夫城,
可以睇埋場波,
不過又和波, 仲要0:0,
雖然單場係fa cup, 但係都反映左隊波o既近況,
阿仙奴今季要在餘下賽事努力d先得勒, 加油!!!

飲完o野去左睇游龍戲鳯,
可能我冇期待,
所以反而覺得幾好睇,
不過如果係睇dvd, 可能都會悶,
接著初一睇左崖上的波兒,
係一套好戲,
部份對白如下:
"佢唔係金魚, 佢叫波兒呀!"
"波兒好愛宗介", "宗介都好愛波兒呀!"
"係波兒呀!"
成套戲就係咁, 波來波去,
如果有人問我套戲好唔好睇,
我會答佢呢套係一套好戲, 不過只適合兒童觀看,
當中信息有幫助他人, 要愛護老人家, 要保護環境等等......
好明顯要帶出一d教育意義,
人出左名想點拍都得,
我都好熱愛電影架, 所以如果我係出名導演,
我會拍一套叫"崖上的Miffy"
對白會係咁:
"佢唔係叫兔仔, 佢叫Miffy呀!"
"Miffy好愛Momo", "Momo都好愛Miffy呀!"
"係Miffy呀!"
成套戲就係咁Miffy 叫 Momo, Momo 又叫o下 Miffy,
跟住收幾千萬, 你話幾好呀!
而且Momo同Miffy, 絶對可愛過波兒啦!

而呢個新年假結束後, 在香港最好票房係赤壁2, 崖上的波兒, 家有囍事2009,
分別係收1886萬(14天), 1720萬(12天), 1090萬(6天),
巳日子計, 最勁係家有囍事, 香港人真係好有頭腦去賺錢.
---------------------------------------------------------------------

受傷的中國女排高妹趙蕊蕊,
佢雙腳膝關節的傷勢都幾嚴重,
巳經影響左在北京奧運的表現,
新聞話佢今次手術好成功,
再過二,三個月就應該可以恢復訓練,
好希望快d 睇到佢在場上o既風采!!!
-----------------------------------------------------------

初三去左Carmen屋企拜年,
一次過見到咁多人真好,
飲完午茶晚上再鐵板燒, 真係食到人好飽,
辛苦晒基哥同Carmen,
下次都係叫外賣好, 除左唔洗屋主咁辛苦招呼我地,
而且可以令佢地一齊打牌......

講起食, 我就連續3日掃街,
魚蛋, 臭豆付, 縮水魚蛋(或者叫炸魚蛋仔), 生腸, 豆付花,
真係好好食,
每逄新年晚上11, 12點, 佢地就會在行人專用區賣,
真係好正,
咁年都有好多車仔檔, 臭豆付都有3檔, 不過成條街都幾臭,
而賣乾貨就更加crazy,
半夜3點, 條街仲多人過平時, 大家都好似唔洗訓咁,
咁又係, 我都3點先去買宵夜, 多人一d 都唔奇,
而每年一次掃街, 都巳成習慣, 唔食唔行唔安樂,

咁夜訓除左因為去街, 就係睇dvd,
我睇左好多movie,
同一套日劇叫 Memories of Matsuko,
中文叫"松子的一生", 或是"花樣奇綠",
直情係現代版阿信的故事,
係日本作家山田宗樹作品,
女主角由內山理名演,
故事中o既松子真係好慘,
由作為教師到被趕出校, 到變為風塵女子, 曾被幾個男人拋棄,
到死的一天, 松子的幸福都是短暫,
有幾幕我都留下眼淚......

看完電視版, 再看電影版,
心想導演中島哲也究竟可以點樣將呢個故事變為電影, 而又保留一d 悲劇o既輔排,
結果係出人意表,
首先用上中谷美紀做女主角, 加上柴崎幸, 瑛太, 武田真治等人,
再用上音樂劇和類似電視廣告的手法,
令到這個實際上為一段悲劇的故事,
令人看得輕鬆和充滿娛樂性,
而在影評中也獲得許多良好的評價
在電影結束時,其中有句對白令我印象深刻:
"人類的價值不是從別人那裡得到什麼,
是能給別人帶來什麼......"

well, 個世界好大, 可能一生都因為金錢或者時間, 唔可以去到好多唔同o既地方,
但係在電影裡, 我就可以去到好多唔同o既世界......
----------------------------------------------------------------------

這個假期,
我表白得好清楚,
所以請不要誤會,
如果都係唔明白,
咁呢鋪真係崖上的波兒勒.....
----------------------------------------------------

新年前後, 都行過實惠及Ikea,
想將自己個房重新設計,
令自己舒服d,
因為個房d 傢俬, 除左將床用左6年, 其餘都講緊10年以上,
好想換晒佢!
好! 先設計o下, 如果上半年有好消息, 即刻換!

>>January 30, 2009 at 8:36:30 AM GMT+8

2009 年 1 月 24 日 星期六 【乍雨乍晴】

上星期一口氣清潔晒屋企大部份地方,
淨係廚房個窗同廁所未洗,
阿媽叫我停下來我都唔停,
因為一停下來就冇左呢個衝勁做埋落去,
後來停左,
就真係等到今日先洗廚房同廁所,
不過總算今天做完晒一切, 迎接新一年來臨.
我洗乾淨晒屋企,
但係我內心o既污穢, 都同樣要洗清,
我祈禱, 求神潔淨我,
主呀! 求你潔淨我, 讓我比雪更白......
------------------------------------------------------------------

星期三上神學課堂的時候,
婉芳同我講"你發福呀!"
就係呢一句,
一棍打埋o黎, 都幾傷
我即刻停左食零食,
其實我只係得145lbs,
以一個身高173cm o既男人來說,
唔算肥掛,
但係我俾自己標準係137lbs,
所以就超左8lbs咁多,
原因係呢排同食物做左好朋友.
而我就係一直等緊一個人話我肥,
終於等到,
好! 地獄式減肥開始,
都係唔好, 過埋新年先
初四先開始減肥啦!!!
仲有4天可以放任食, 好o野!

依家同三神d同學熟左,
都多左好多o野可以分享,
不過,
希望下次同學同我講: "你咁快瘦番晒!"咁就好勒.

舊約呢科成績出左,
我真係有100分, well done!
而新一科係輔導學,
講師係林偉廉, 聽佢講課幾舒服,
好似聽故事一樣,
佢最近忙緊輔導失去bb遺體這對夫婦,
呢對夫婦都係基督徒,
我相信講師o既經驗可以令這對夫婦可以快d康復,
求主垂聽禱告.

而呢晚上輔導學, 我地互相分享過去,
所以連我自己我就一次過聽左7個人o既人生故事,
精彩,
也令我有很多回憶,
想起你......你快樂嗎.......
-------------------------------------------------------

momo d毛巳經好長,
天氣太凍, 我唔敢同佢剪,
momo, 你做住長毛先啦!!!

出發食團年飯勒!

>>January 25, 2009 at 10:46:29 AM GMT+8

2009 年 1 月 12 日 星期一 【乍雨乍晴】

好凍呀!



每逢冬天, 都有同事對我講:
Ming, 你20度咁著衫, 得番10度你又係咁著衫,
你唔凍咩?
凍呀!

咁我又唔係得一件外套咁少,
但係件件都唔係可以o係10度頂得住,
所以早前行it同icefire, 我都睇到一d鍾意o既褸,
不過唔想隨便洗錢,
只係睇, 冇買到,
又唔講得話後悔,
只係而家凍起上o黎真係冇杉著,
而且, 今日真係好凍呀!
各位, 幾時it再有大減, 記得通知聲呀!
------------------------------------------------------------

早前同事講起寫真集,
我諗左好耐,
都記唔起我買過乜o野寫真集,
究竟冇買過,
還是係我唔記得,
不過我記得留學時睇過同學本周慧敏寫真集,
拍得好靚,
跟住有冇睇過其他寫真集,
巳經不記得了, 或者, 跟本冇人在我腦海中留下印象,
所以你話, 周慧敏當時真係幾受歡迎

到左今天,
我就有3本寫真集,
就係Leah Dizon, JJ, 同埋Baby

因為一次睇見Leah Dizon o既mv,
覺得好靚,
人靚, mv又靚, 而且好有音樂感,
所以考慮買佢唱片來聽,
點知又送dvd, 又送寫真集,
在好抵情況下買了,
而且係好睇好聽架.......

至於JJ, 當然靚啦,
都有朋友話：乜JJ靚咩？
都唔洗同佢講咁多,
再講我就會話：咁你覺得JJ靚, 定係你靚？

其實JJ本寫真, harrison都話過俾我聽唔好睇,
不過在朋友價下, 我就買下來,
呢本寫真集就真係冇乜特別......

講到baby,
緊係講緊angelababy啦,
唔通係jacylnbaby 咩,
都係小心講o野好,
如果係jacylnbaby, 我即刻買, (咁樣講應該ok 啦)

講番baby, 佢本寫真我到而家都未開,
唔係我唔鍾意佢,
只係買左之後, 就同d唱片放埋一邊,
或者今晚應該攞番出來睇o下,
2008年就成日都係咁,
買完d 唱片都放埋一邊,
得閒先攞出來聽,
咁都証明左依家o既生活方式好唔同,
最少依家同阿媽住,
就唔可以開大部hi fi咁聽歌,
所以聽少好多呢......

如果問我最想買o既寫真集係邊個o既,
就係林志玲,
但係佢只係出過一d散文或什麼日本遊記之類,
好似未見過佢有寫真集, 可惜!
真的令人其待!
志玲, 志玲, 我等緊你呀!!!
---------------------------------------------------------------

昨天去左深圳工作,
係高新科技園那邊,
由於空曠, 陣陣風吹埋o黎, 真係好凍呀,
為左暖和冰冷的身軀,
同hing哥去左食老鴨火鍋,
湯底係鴨湯,
湯甜加上味夠濃,
掙飲湯或打邊爐都咁得,
我地先嘆d湯,
跟住食埋半隻鴨, d肉軟而好香,
最後就開始加料落去打邊爐,
不過兩個人,
我地只係叫左豆付, 生菜同埋手拗面,
好好味呀,
今次係第一次去, 就愛上了,
不過要去到南山區就唔係好方便
毛哥老鴨湯, 我一定番來搵你......

>>January 13, 2009 at 9:56:02 AM GMT+8

2009 年 1 月 7 日 星期三 【乍雨乍晴】

快樂的聖誕及元旦......



24平安夜係一個開心的晚上, 做乜? 係秘密, 人生都係保留番d秘密好,
或者用保密日記功能來記下, 不過正如becky講, 人地係最想睇你保密日記寫乜......

25就係逛街, 之後睇左"澳大利亞"優先場,
我就幾鍾意套戲, 覺得幾有意思,
係Nicole Kidman, Hugh Jackman主演,
狼人原來唔只識做狼人, 做起呢類男主角都算唔錯
Nicole Kidman o既演技好好, 不過因為私人理由, 我唔想講太多Nicole Kidman,
唔係因為我識得佢, 而係......
其實個細路都係半個主角, 佢一個人制止幾百幾千隻牛沖落山o個幕好偉大,
仲有, 套戲拍到澳洲好靚, d景色好美
睇o下睇o下, 我成包桃哈多食哂......

26去左hull記屋企交換禮物同燒烤,
hull記屋企幾舒服, 而可以o係天台燒烤, 又有海景, 香港地有咁o既地方住,
巳經係好好架啦! 唯一係我唔太like要行樓梯, 對我來說好似好容易pk,
咁次燒烤d 野都好好食, 而且我地係全部食哂, 完全冇浪費食物, good!

唔知點解依家越來越唔想浪費食物,
我甚至現在飯碗裡面每粒飯都想食左佢,
當然啦, 如果當初order得太多, 就冇辦法
所以大家order食物時要想清楚, 因為呢個世界真係仲有人會餓死,
除左以金錢幫佢地, 就係在意義上我們唔好浪費食物.

燒烤後, 我地成班人去左彩虹食甜品,
叫彩虹甜品食tea試過多次,
但係就第一次咁夜去彩虹食,
我叫左個叫"愛心甜品", 係用原個椰皇, 裡面加入心形的配料, 個椰皇外面畫上一個哈哈笑,
幾好食同幾有心思, 好飽的一個晚上.......

27係團契聖誕party,
評語係: 好玩好食唔好抽,
等我解釋o下,
好玩, 因為設計遊戲的弟兄姊妹好有心思,
好食, 食物質素和份量今年提高了,
唔好抽, 因為我近年都冇抽獎運, 冇心機砌模型, 就係抽中兩盒模型, 模型都靚, 不過唔想砌,
多得trazy用相架同我換, 相架都好,
而今晚以後, 我發現抽獎除左有等待時的刺激心情外, 原來都有驚o既時候,
當你驚,
心就虛,
心一虛,
就更加邪,
一邪就仲左獎,
不過唔係自己仲,
係人地仲,
人地仲獎點解咁驚,
因為.......
係因為.......
係......
一言難盡......

而且, 朋友都係唔可靠, 如下:

當晚kennis同我講: "佢今年行運, 咁你大bo勒"
阿ken走埋o黎講: "你都係走唔甩"
carmen仲笑到喊......

所以,
o野唔可以亂食,
說話唔可以亂講,
仲應該加多句,
獎唔可以亂抽........

不過27在hull記屋企抽中洗頭水同護髮素,
都幾好, 起碼可以用,
個牌子叫who, 點解唔係why或者what
多得carmen, 我抽到 jill stuart 鏡一塊,
又多得carmen, 有sk2神仙水同shiseido lotion用,
唔夠kennis快, 攞唔到shiseido facial cleaning foam,
因為skincare 呢條line, 我真係會買來用.......
計計埋埋, 呢個假期真係收到好多o野

28就留番o係屋企休息睇dvd......

31參加了教會聚餐加年更崇拜,
好彩海鮮酒家真係好食, 質素有番咁上下,
服務就一般,

今年所羅門就重返年更聚餐,
有d重出江湖感覺,
不過同d 歌星重返樂壇唱歌唔同,
因為我地當日沒有話過唔攞獎,
所以我地有抽獎
如果你睇番以上5行字, 跟本係廢話,
情況就好似前天我聽吳君如晚上o既電台節目,
跟本係拖時間, 跟住就播歌, 好快就做完2小時節目......

人地高調,
我都要高調,
所以食飯前, 我想得好清楚,
於是我好高調話:
今天唔飲可樂, 改飲雪碧,
我成功地改飲雪碧,
希望我咁高調, 可以帶出message,
但係,
我忽略左一樣好重要o既o野,
就係雪碧唔只一罐, 有好多罐,
結果, 人地又改飲雪碧,
都係避唔到,
點解會咁?

或者只有宗教先可以帶人脫離呢d困局,
咁有講年更崇拜,
除左正常o既崇拜程序,
就係加上點7枝candle,
點每一枝candle時, 會為一件事祈禱,
例如由世界, 到中國, 到香港......到自己為止,
係一個好有意義o既程序, 如下:

點第一枝.......祈禱.........有d精神.....
點第二枝.......祈禱.........開始冇精神........
點第三枝.......祈禱........眼訓, 死頂......
點第四枝.......祈禱........遊魂.......
點第五枝.......祈禱........究竟祈到邊.....
點第六枝......祈禱.......我大o既睇番第四枝時週刊裡的內容, miss左有d內疚,
點第七枝......祈禱........我好精神呀! 大家好!
希望2009, 世界和平!

今天, 我好刻意迴避,
避得太多, 又會覺得自己會唔會太過份,
人就係咁,
原諒我吧!

>>January 9, 2009 at 9:54:58 AM GMT+8

2008 年 12 月 21 日 星期日 【颳風】

這是故事的開始......



有一天, 旁晚接到一個電話,
是princess josephine打來, 以下簡稱pj
pj: 想問你借dvd睇?
m: 好呀! 想借乜o野dvd?
pj: 其實係我家姐想借來睇?
m: 都冇問題, 咁想借乜o野dvd睇?
pj: 是但一d......
m: dvd有好多種, 電影有港產片, 英文片, 日本片, 韓片, 劇集有日劇, 外國劇, 動畫都有, 想知你要邊d......
pj: 總之你覺得好睇o既
m: 好唔好睇好個人
pj: (從電話聽到佢向住家姐講) 不如你自己同佢講
pj 家姐: 好睇o既, 唔洗唸o既,
m: 咁不如你講英文片, 日本片, 還是港產片, 電影還是劇集,
pj 家姐: 港產片, 唔洗唸.......
m: 咁我隨意攞近期五套港產片, 如果唔好睇, 唔好話我, 我點俾你......
pj 家組: (佢向著pj 話), 你同佢講,
pj: 我巳經o係旺角, 今日俾我得唔得
m: 好, 都冇問題, 我揀完dvd, 就俾你,
pj: 不過依家唔得, 仲有d 野好想買
m: 咁呀! 你買完, 打俾我, 我就出來, 我都要食晚飯, 如果你地未食, 一齊食都冇所謂......
pj: 咁買完打俾你

過了差不多45分鐘.....

收到pj 電話, 在旺角兆萬門口會合,
那時, 只見pj 拿著一個好大好大的士多啤利公仔,
真係好大, 差不多有佢咁高, 長條狀, 應該係叫"攬枕"
成條紅色, 個頂綠色, 好搶眼
pj 在旺角抱著士多o卑利, 很受注目,

我帶她們到新森林食焗飯,
一入去餐廳,
大家的目光都望著pj 和士多啤利,
這一刻, 萬物仿佛停止活動, 時間也停頓了, (想不到更好的方法形容, 好像劍聖使出"劍23"一招)
2秒左右的時間過去, 店內回復正常,
原來pj 可以使萬物停頓.......

被安排了坐卡位,
m: 我同你家姐坐一邊, 你同士多啤利坐一邊, (實在沒有更好的安排)
pj: 哈哈哈哈..........哈哈.......哈哈........

我自己食一個牛脷焗飯,
pj 和pj 姐好像叫了海鮮天使面和猪排焗飯,

m: 你真係咁鍾意個士多啤利, 你話好想找和買的就是佢?
pj: 係呀
m: 買來仲乜o野呢?
pj: 攬住訓

士多啤利放在卡位上, 現在更加高,
店內每個人都會發現士多啤利的存在,
就在那時,
士多啤利慢慢移動, 將要掉在桌面食物上,

m: 跌勒! 跌勒! 士多啤利跌勒!

說時遲, 那時快, pj 用拿著garlic bread 的手, 一手"發"過去,
及時頂得住士多啤利, 手中的garlic bread機乎飛了出來,
好在pj 動作快, 否則我同pj 姐真係成臉都係湯,

或許, 我說"跌勒! 跌勒! 士多啤利跌勒!"時, 真的太大聲,
加上pj 這一發, 萬物再次停頓.......

pj 家姐對pj 很好,
大部份猪排和食物都讓pj 食,
pj 就當d猪排係醬骨架, 用手拿著食, (p.s.pj 好鍾意食醬骨架)
食西餐比較少見用手揸住猪排食,

m: 嘩! 你擋d猪排係醬骨架咁食!
pj: 哈哈.......哈哈........哈哈哈哈

晚飯後, 和她們道別,
而這一晚, 也隨著pj 姐和 pj 及士多啤利的身影而結束.......

如果你考過政府的cre, 佢大o既會問你以下的問題,

Which of the following titles best describes the story above?
(a) The story of princess josephine
(b) I am a strawberry, so sweet
(c) I am so sweet, try me
(d) 我愛醬骨架
(e) 公主, 士多啤利與醬骨架的故事

答中的讀者, 將會得到禮物一份, 歡迎各方好友參加?
p.s.以上故事係真人真事, 如有雷同, 請見諒!

>>December 22, 2008 at 2:03:36 PM GMT+8

2008 年 12 月 18 日 星期四 【晴】

聖誕的日子越來越近, 真令人興奮,
活動巳經排得密密麻麻了,
讓我們玩過痛快,
但是, 也別忘了這是紀念主耶穌基督誕生的日子......
----------------------------------------------------

呢排同比卡momo行街, 都好注目,
因為自從佢著左件粉紅衫衫後,
真係好搶眼, 又好配合聖誕.
momo現在每晚都會問我拿零食,
momo. 你開心食啦!
真希望o係快d o既日子,
可以帶momo去旅行.......
-------------------------------------------

忙左幾天, 終於有時間靜下來寫o下日記,
上次o既實驗幾成功, 但是現在無論做成點,
都唔會有任何感受, 而公司近來o既裁員,
是在聖誕前夕, 令有些同事的心不安,
佢地都會諗自己會唔會係下一個,
我巳經冇諗咁多了,
只有做,
開始左第二組實驗,
趕得及在聖誕前完成,
咁開會都會多d o野講,
每個人都會有自己處境,
我做晒自己份內事,
都唔理人地點睇自己了,
只是想同事都做得開心

想起先知哈巴谷的說話:

雖然無花果樹不發旺,
葡萄樹不結果,
橄欖樹也不効力,
田地不出糧食,
圈中絶了羊,
棚內也沒有牛,
然而, 我要因耶和華歡欣,
因救我的神喜樂.
主耶和華是我的力量;
他使我的腳快如母鹿的蹄,
又使我穏行在高處.
哈巴谷書3:17-19

先知哈巴谷在猶大國未期, 巴比倫將稱霸時,
都不明神點解要巴比倫滅猶大, 滅了自己的國家,
雖然不明白, 但他仍永遠信靠神,
所以,
神o既然呼召我們憑信心得救恩,
也呼召我們憑信心生活

主耶穌, 多謝你!!!
------------------------------------------------------------

三神課程剛星期三考完試, 我想成績應該幾好,
呢科係專讀舊約, 為左迫自己學習,
剛星期一及二, 我一放工就回城大溫習,
在城大讀完MSc不經不覺巳經2年了,
但是有時我還是會喜歡回城大睇書.
今次考試總算前後讀左二次, 我估計都有90%以上分數,
有一題mc唔識, 在機會率的情況下
仍然有機會挑戰滿分,

黃博士, 謝謝你的教導!!!
有兩星期唔洗上課, 真好,
下一科係聖靈工作初探, 堅!

食飯勒, 今日, 成班同事做冬!

>>December 19, 2008 at 4:47:42 AM GMT+8

2008 年 12 月 3 日 星期三 【微雨】

今早返工同中午散步都陽光普照,
下午一看, 個天黑漆漆,
真係天有不測之風雲.........

講番d開心活動,
上星期六團契去深圳遊, 幾好玩......

Princess josephine好緊張呢個深圳trip o既安排,
Mandy Mickey 巳經多次叫佢唔好咁緊張,
但係佢都係咁緊張,
雖然係咁, 佢最後都係遲到,
不過大家可以在集合時間後15分鐘到齊,
都巳經叫準時, good good!!
早上出發有Jacky, Carmen, Carmen Leung, Eddy, Princess Josephine,
Joanne, Helen, Harrison, 仲有我, 又係9男女

而princess josephine早前同我講,
話唔知去邊度飲茶好,
我就提議不如去王子國宴,
事實上, 王子國宴d食物水準有d唔穩定,
有時覺得幾好食, 有時又唔得, 例如有時覺得d食物唔夠熱,
不過, 點都應該帶大家去, 要睇o下佢o既裝修,
在大歌劇院咁大o既地方飲茶, 幾grand架
而咁o既環境食o野, 每位50人仔都幾抵,
剩係食環境氣氛都唔只呢個價啦!
而萬象城本身都好靚, 係國家好新o既商場,
行o下呢個商場, 你會發現國家巳經今時不同往日了.

bowling打唔到, 我地落左去東門行街買dvd,
但係大家都唔支持老翻, 賣碟妹話咁多人只係買左一百幾十,
不個佢話冇所謂,
佢咁講, 可能呢排生意幾好噃,
大家都好想飲咖啡,
所以去左太陽廣場間starbucks飲咖啡,
Helen同Harrison先來個"鴛鴦戲水" (p.s,一陣仲有"乾柴烈火"睇)
呢場"鴛鴦戲水" , 整到carmen成褲都係咖啡,
究竟事發經過係點, 我miss左,
望到時, 咖啡巳經倒左落carmen度......

之前princess josephine話團契時間唔會去買碟同按摩,
依家兩樣都做齊,
因為下一站就係去按摩,
我帶大家由東門行去國貿,
由於都驚自己行錯,
途中都有問人, 但係點解佢地話好遠,
仲話一定要搭車,
冇可能,
結果就係行左一陣就到,
呢個時候就會合到Alex, Ophe, 聰,
由於唔係每個人都喜歡按摩,
唔按o既就再去東門同少年宮書城,
而Alex, Harrsion, Helen, Carmen, Princess Josephine同我就去左按摩,
呢個場幾好架,
按腳一小時加全身二小時,
只收98人仔,
環境又唔差,
係超抵, tips就隨你自己俾幾多,
真係將疲勞都消除晒,
按摩時電視播緊乾柴烈火,
楊千嬅同古天樂主演,
而當我望到Harrison時,
佢都上演緊另一場乾柴烈火,
點feel, 要問佢先知勒......

下一站係去西貝悠面村食晚飯,
八卦路o個間我去過,
而今次香蜜湖呢間係第一次去,
係一樣咁好食,
西北菜來說, 平常好少食,
烤羊背真係好好食,
其中有個沙津係好好食架,
其他都好好,
不過有幾味點左都賣晒, 可惜,
因為我地太夜食飯勒,
每位只係75人仔, 又係好抵,
回程在皇岡過關,
咁就完左呢個trip,

大家都好多謝Princess josephine帶領呢個trip,
真係好,
希望今次亦可以令princess josephine多d自信心,
並且參與多d事奉
多d投入團契啦!

成日上中國內地都係工作,
好少玩足一天,
以後如果大家都喜歡深圳trip,
其實仲有好多地方可以去,
下一站係.......

>>December 4, 2008 at 4:58:32 PM GMT+8