2012 年 2 月 17 日 星期五 【晴】

保密日記，請登入觀看！

>>February 18, 2012 at 1:37:18 AM GMT+8

2012 年 2 月 13 日 星期一 【陰】

打擊不良店舖


每次我睇新聞, 見到d欺騙人的商店,
我心裡就有團火, 為受害人感到不平,
真係好想呢d店受到法律制裁,
但往往法律程序好復雜, 好難告得入,
而且告得入都要好耐,
更加無奈係, 佢地好快轉個名, 又再營業,

香港d不良電器店, 就係咁, 都今時今日都存在,
還有, 就係海味店,
佢地o既名, 永遠你都唔知, 因為成日轉, 消委會登佢名子都冇用.\

最近有三家店都係不誠實的:

日置醫學瘦身美容集團, 其中一案例, d少女月薪只得九千, 佢迫人碌幾萬蚊咭數....

Q&A Health Spa, 受害人被騙的金錢, 加起來有850萬.....

標記樂園潮州粉面, 個老板黃標選區議員種票, 投他票的人是假地址, 店員亦有份種票,
這種店舖我就不會光顧, 他們在旺角花園街及山東街都有店舖

對我來說, 如果大家一同不光顧這些店就好了.

>>February 14, 2012 at 9:52:19 AM GMT+8

2012 年 2 月 12 日 星期日 【晴】

感謝主, 因你是聽禱告的神



門訓導師手術順利, 感謝主,
(在這裡未經同意, 不便公開導師的名字)
主耶穌呀, 你是應當稱頌的, 因你是信實的神,

主耶穌呀, 孩子求你繼續聽我們的代求,
求你保守導師的康服過程, 求你讓她完完全全的康服, 因你是大能的神, 大能的主,
奉主耶穌基督的名字趕走一切cancer
願聖靈賜平安充滿她及她的家人,

主耶穌呀, 你是應當稱頌的, 因你是聽禱告的神,
主耶穌呀, 你是應當稱頌的, 因你是信實的神,
主耶穌呀, 你是應當讚美的, 因你是行奇事的神,

奉主耶穌的名字禱告, 阿們

>>February 13, 2012 at 3:40:05 PM GMT+8

2012 年 2 月 12 日 星期日 【晴】

主耶穌是行奇事的神



主耶穌, 你是最偉大的醫生, 求你帶領整個手術,
天父呀, 你是慈愛的天父, 求你看顧你的女兒, 看顧她的家人,
聖靈呀, 求你充滿她的心, 讓她有信心面對一切, 讓你的靈在手術室中運行, 保守一切
讓耶和華你一切的恩典充滿這個家庭,
讓你的大能大力充滿每位醫生,
求你聽我們的禱告
奉主耶穌的名字祈求, 阿們

>>February 13, 2012 at 4:40:37 AM GMT+8

2012 年 2 月 11 日 星期六 【颳風】

求求你, 主耶穌



主耶穌, 知道門訓導師患了嚴重的病,
主耶穌, 求你醫治,
主耶穌, 求你醫治,
主耶穌, 求你看顧明天的手術,
主耶穌, 求你安慰她的家人,
主耶穌, 求你的靈大大充滿她, 堅固她,
主耶穌, 求你的平安充滿她,
主耶穌, 求你讓她樂觀面對接下來的一切一切......

天父呀, 我實在不知道怎樣禱告,
孩子最希望的, 是你為她行一個神磧,
使她完完全全的康復!

奉主耶穌的名禱告, 阿們

>>February 12, 2012 at 3:36:27 PM GMT+8

2012 年 1 月 19 日 星期四 【陰】

米菲變了肥兔


前晚放工, 去左行花市.
媽媽每年都會買水仙, 但今年我見她還未有買回來,
所以我放工就去買,
買左二個水仙頭, 一朿火百合, 一朿黃水晶,
黃水晶是作為陪襯d火百合, 效果不錯.
只可惜,
屋企唯一的花瓶已有富貴竹,
呢兩天要去買番個新花瓶先得,
現在, 百合, 黃水晶只有和富貴竹在一起, 怪怪的.......

昨天晚上, 小部份水仙已開花, 很香呢!
------------------------------------------------------------

D&G事件, 終於得到回應,
我就唔理佢係真心定假意,
為免香港人和內地人分化,
我只會說中國人不用D&G!
講多都無謂!
--------------------------------------------------------

2011年聽左好多好歌,
有首歌聽到今年, 都一樣覺得咁好聽,
也可能是今年關於愛的歌, 最好聽的一首,
就是蔡健雅的說到愛,
由蔡健雅自己作曲, 葛大為填詞,
曲詞都咁正
好好欣賞!

說到愛

是的, 你必須去愛,
然後, 必須說出來,
然後, 必須寫下來......

2012年, 不知怎麼多了一份喜悅,
我想, 只要有著善良的心, 心裡存著愛, 什麼問題都可以解決!

雖然心情會隨著時間有所變化,
但要做好的精神及態度, 可以堅持不改變
------------------------------------------------

今年訂了5個目標, 要努力呢.
關於訂目標, 好多人有不同見解,
但其中一個方法幾好.
就是你訂立目標後,
現在就幻想目標已經達成,
看看自己有多喜悅,
不是說你有什麼回報或好處,
而是從心底裡, 你成了的喜悅.

用這個方法去檢視,
我發現只有4個目標我真的想達成,
餘下的一個目標, 是我免強自己去做,
只單單為了好處,
那麼, 就先達成4個目標吧!

>>January 20, 2012 at 9:49:02 AM GMT+8

2012 年 1 月 16 日 星期一 【颳風】

好看的音樂節目


今晚冇睇劇集, 再細細欣賞Music station super live.
係音樂節目music station 年尾的聖誕特別版,

好精彩, 有少女時代, 福山雅治.......
KARA, 唱著跳著, 觀眾笑著唱著,
接著是歌手絢香, 是我第一次聽她唱歌, 結婚後二年的回歸,
她的回來, 觀眾流淚聽著,
問她這兩年幹什樂, 她說找到一種幸福,
這種幸福就是好好地煮一頓飯, 發現是很美味,
她流著淚說這番話.......觀眾跟著哭.......
日本人就是多了一份純真美, 做每件小事也很認真去做,
好好地用心煮一頓飯,
香港人的話, 有錢人就工人煮, 窮人就有飯食就算,
總會用忙碌來做藉口, 真可憐......
我對自己說, 沒有時間好好煮一頓飯, 也要好好食一頓飯,
不一定是豐富的, 但要感恩的慢慢食......

接著有Aiko及KinKi Kids,
觀眾都跟著唱, 跟著跳,
同一班觀眾, 對著每位歌手或組合, 都係咁投入,
除了是日本觀眾一向比較包容,
還有就是地震後帶來了一種改變,
看著他們, 突然對我有了一種提醒,
就是要投入去做每一件事,
並且更欣賞別人及每一事物......

接著有Tokio, 嵐, L'Arc~en~Ciel.......同樣精彩
最後是LADY GAGA.........25歲的GAGA, 出神入化......

>>January 17, 2012 at 3:03:59 PM GMT+8

2012 年 1 月 14 日 星期六 【暴雨】

天與地



因為出差, 我大約在第五集才開始睇這套劇, 一看便愛上了。
現在很方便, 可以在MyTV及土豆睇番miss左o既幾集。
開始時我想睇落去, 係因為好奇想知道家明是不是真的受了傷, 所以冇食物下, 他們就食佢,
還是家明跟本沒有受傷, 只是他們謀殺他, 跟住食左佢。
後來卻是被每個角色的描寫, 吸引我睇下去。
很少有劇對每個角色的內心世界寫得這麼好看。
加上有好多經典金句, 真係好正

"你望o下我地依個世界, 睇o下我地依個城市係咩野樣？
除左「錢」依個字之外, 我地已經唔識分咩野係是非黑白,
我地每一個人呀都俾個環境訓練到好似倒模出黎咁樣。
鍾意食同一樣o既o野?鍾意同一樣電視節目，支持同一種政治立場
This city is dying, you know?"

一句this city is dying, 令你可以想好多野.
其實鍾意睇同一樣o既電視節目唔係問題, 問題係套套劇都一樣形式內容。
不過, 好似天與地呢類咁高質o既劇, 真係唔洗成日都有。
呢次點解咁多人會上網睇番, 除了因為口碑, 其中一個原因就係好多人跟本冇時間睇。
以前黃金時間播劇, 大家都會坐定定o係屋企睇, 依家好多人就算返到屋企, 都仲有好多野忙。
如果每套劇都咁高質素, 上網都睇唔到咁多啦!
播所謂師奶劇, 大家飯後睇o下輕鬆o下, 唔得閒就睇少集, 冇乜所謂。
套套劇都集集追晒, 可能會太heavy, 邊有咁多時間呢。
而且, 對於其他劇, 也不應批評這些是低一個層次的, 因為都有人喜歡看。

至於呢個城市係唔係dying, 其實, 有咁多人喜歡天與地, 呢個城市仲未死得。

還有, 劇中時常提起Rock n Roll音樂,
又令我想起Beatles和Oasis,
因為已解散了, 令人慨嘆。
無論你是那一種人, 只要你喜歡rock n roll音樂,
只要你是聽著rock n roll長大,
雖然大家都可能喜歡不同的樂隊,
但都是在一個家庭裡面一樣。
所以佘詩曼對白說：「和諧，不是一百個人說同一句話；而是一百個人說不同的話之餘，懂得互相尊重。」
就算套在音樂裡, 都一樣o岩用。
多少年都好, 我會等Oasis復合, rock n roll never die!

在播大結局的晚上, 當他們在台上唱起歌來, 我哭出來了。
哭的原因很難說得清楚,
是劇情發展的帶動,
是想起年輕時與朋友站著看show的日子,
是想起年少沒有完成的種種心願,
是想起沒有和愛過的人繼續走下去,
是中國還沒有民主, 六四還沒有平反,
許許多多, 如果命運能選擇, 多好!
--------------------------------------------------------------------

天與地d演員做得咁好,
套劇又收埋兩年,
又年尾先播,
點會有獎攞呢
本來可以令電視台更上一層樓,
卻這樣安排, 真可惜!

其實頒獎禮我都幾鍾意睇, 多數會錄起來睇,
好似金馬獎就好好睇
最近就睇左叱吒樂壇流行榜頒獎典禮,
好睇係因為有周國賢, 黃貫中, 林海峰, 方大同, 又有那些年, 仲有鄭欣宜
周國賢o既創作歌好正
黃貫中, 就唔洗講咁多,
林海峰o既talk好笑, “糖妹晚晚食幾個甜品, 點解肥o係糖兄度o既”
方大同o既音樂, 在華語歌已去到令一境界,
那些年, 胡夏唱得好動聽,
鄭欣宜, er......佢好努力呀!

同是音樂頒獎典禮, 勁歌我睇左十分鐘就轉台,
後來睇報紙知道林峯有首歌叫chok得獎, 引起好大回響,
如果入十大, 係無線o既人, 無話可說,
但得到金典金獎, 即是本年度最好聽一首歌, 冇可能,
因為到呢一刻, 我還是未聽過,
我咁少聽廣東歌, 但係得獎o既金曲, 都會聽過,
呢一首就例外了,
不過佢得到亞太區最受歡迎男歌星,
咁this city is dying就係真了
無線係玩佢, 多過真係幫佢......

另外, o係J2睇左music station super live,
是聖誕特別版
見到就算有不同歌星及組合o既live,
歌迷都係咁投入去看, d歌迷對人對音樂真係夠包容,
看來, 只是我包容不到林峯罷了, Sorry!

>>January 15, 2012 at 11:54:57 AM GMT+8

2012 年 1 月 6 日 星期五 【乍雨乍晴】

時間過得好快



上次寫寫o下日記, 突然要做其他事,
所以冇寫完個日記, 仲諗住一年結束前,
可以回顧過去一年得失tim.

2011年最特別係出差超多,
看一看出差的記錄, 原來已經去左深圳和番禺合共10次,
去上海就去左6次, 真係誇張,
不過, 呢間公司, 就係你為佢付出多少,
老板也不會記念你, 加人工時都係由佢自己喜好決定,
多過由工作付出及成果決定. 所以冇期望最開心.
出差若發生意外, 佢可能真係會想念你.....因為擔心要賠償呢, 呵呵呵
---------------------------------------------------------

小狗momo病左, 係氣管有毛病,
個獸醫講完一論英文, 個護士用中文覆述一次醫生講o既話,
因為mo媽都在場, 不過無論中文或英文,
我都唔係好明momo的氣管有毛病的巨體情況,
是診斷出來, 還是估計出來, 就見仁見智,
就好似如果你同我講, 話你咳, 我就話你感冒了,
有冇其他可能, 跟本不考慮, 可能你只係敏感.
不過, 要讚揚呢位醫生及呢位護士, 佢對小動物真係好有愛心呢!

療法係momo每天要飲兩次咳水, 食半粒抗生素,
一連七天, 就藥到病除,
現在過了五天, 情況良好, 咳聲少了很多,
之前深夜聽到momo咳, 我都陪佢一陣, 攪到無覺好訓,
不過mo媽比我更加擔心momo,
因為momo已經15歳, 每次病, mo媽就驚佢唔得,
所以momo每次病好 都有賺,
希望momo賺多d, 賺完一年又一年, yea!!!
--------------------------------------------------------

今年團年飯, 我提議打邊爈,
一來唔洗mo媽做咁多野,
二來那天晚上會好凍,
三來買電器時, 贈送了一部火鍋爈,
四來, 有同事送了我一份麻辣火鍋配料,
大餐開始

菜類交俾mo媽買,
我在樂園牛丸買左好靚o既牛丸, 墨魚丸, 魚皮鮫及魚蛋,
在taste買左好靚o既牛肉, 同埋蠔,
mo媽再提供大大隻o既靚蝦, 再買魚片,
成本雖然貴了一點, 但係一分錢一分貨, 好好食呀,
雖然豐富, 都係平過出去食, 又坐得舒服,
出去食都冇咁靚o既材料呢!

因為個鍋唔係好大, o個包麻料火鍋材料, 我們只係用了半份,
呢包火鍋配料, 質素好高, 夠麻又夠香, 正!
今年的團年飯, 真係好食又好玩,
當然好過mo媽親自下廚啦,
如果佢下廚, 最後咪變燒味套餐囉....呵呵呵
-------------------------------------------------------

講開上年, 真係有好多野講,
上年原來去左好多旅行,
先係1月去友澳門, 跟住5月去左海南島, 10月就去左台北,
最開心係同melody一齊去,
如果問我下次想同melody去邊, 我就話係泰國或者韓國, 又或者日本,
每次不同地方都幾好,
上年又去左十多年冇去過o既海洋公園, 真難忘,
所以老土d講句, 同melody去邊都咁好玩呢!

今日開唔到實驗, 比機會我坐低頭下, 打下日記, 真好....放工了

>>January 7, 2012 at 4:54:44 AM GMT+8

2011 年 12 月 12 日 星期一 【颳風】

有鬼........



自從裝修後, 呢半年好好住,
什麼叫做好好住,
就係自己先感受到,
雖然米菲家不大, 也感恩可以住得舒適,
知足好緊要,
而且, 可以整靚自己屋企,
讓家人舒適, 從心底裡有一種滿足.
讓家人快樂, 是我的使命之一,
嘩, 講講o下高尚起來, 直情覺得自己好似寋德克套戲咁保護家園一樣......
-----------------------------------------------------------

從cable 轉smartone家居上網,
諗住好好地,
點知, 接收唔好, 上網好慢,
smartone 叫人上來後, 查到我的位置信號真係好弱,
佢地建議我停服務, 不需要跟足合約俾兩年錢,
smartone真係好, 服務熱線亦好容易打通, 又有禮貌,
值得讚賞,
我還寬頻機時, 其中有職員話, 我地唔會好似有線咁,
好多人都超唔like有線, 所以已經兩年冇用有線睇英超呢,
用上網經過外國網站睇, 雖然冇高清, 但還可以, 而且合法

>>January 7, 2012 at 4:55:09 AM GMT+8