2009 年 7 月 9 日 星期四 【晴】

高溫房間......



呢排天氣真係好熱, 尋晚我返到屋企,
個溫度計係31.5度, 室溫竟然去到咁高,
開冷氣都要成半小時先涼,
咁熱做乜先爽,
開著冷氣係必然動作, 然之後,
有以下十式, 係miffy在冷氣房間內, 覺得最爽去避開炎炎夏日的:

1. 不需上班, 躺在床上看dvd, 爽!
2. 放工晚飯後, 去coffee shop買一杯chilino, 放進冰箱, 沖完涼再囉番出來飲, 爽!
3. 躺在床上和好友傾電話, 爽!
4. 訓, 鬧鐘響, 叫外賣早餐, 食完, 再訓, 爽!
5. 將一塊mask放進雪櫃5min, 舖在臉上, 爽!
6. 在床上食一包大薯片, 由坐o係到, 食到訓o係到, 爽!
7. 浸一個凍水浴, 沖的時候一定要強忍凍水的溫度, 爽!
8. 抱著momo睡, 偶然被她搔擾一o下, 爽!
9. 一場足球賽 + 一個 杯面 + 一罐可樂, 爽!
10. 躺在床上閱讀喜愛的書, 一杯綠茶, 爽!

除了第4式, 另我自覺是一隻豬, 其餘的, 都唔算太腐敗,
第7式係在冷氣房間做唔到的,
特別推薦係第6式, 一路食薯片, 讓身體緩緩跌下, 直至全身躺在床上, 仍然一直食緊薯片,
簡直是食薯片的最高境界......

千奇百趣, 食薯片都食到你O 咀!!
千奇百趣, 係近來我喜歡的電視節目,
雖然唔係每個趣事都咁奇趣, 但都係正面的, 或者係自然界的,
亦能表達出日本的文化色彩,
加上叮噹把聲, 森美小儀做主持,
成個節目我就好喜歡睇,

忙了一星期, 下午終於完成今個星期的工作,
放工勒,
今晚成班舊同事重聚,
會去outback 食,
剛剛話依家一号風球.......咁今個weekend......

>>July 10, 2009 at 9:59:07 AM GMT+8

2009 年 7 月 8 日 星期三 【晴】

炎炎夏日正好眠.......



尋晚放工又去左跑步,
跑o既時間長左, 跑左5600m, 14個圈,
真係好, 原來我身體o既潛能越發越多,
晚上12:00am就躺下床, 有一個好好o既睡眠,
今天同時間做多樣工作, 都係濕濕碎,
無論幾忙, 只要唔洗ot, 就冇所謂,
反正時間行的速度都是一樣,
工作最困難o既地方,
係人事,
有時俾人激o下, 有d火唔出奇,
但經過30多年o既人生經驗, 唔係話自己睇化左,
而係大致上都控制到自己情緒,
如果你向我點火,
我就吹番熄佢,
再點,
我又再吹,
如果你點完火, 再加多一濟火水,
係都要辣著我, 咁我都冇辦法, 每個人都有底線......

如果你細心聆聽,
每天都會聽到多種不同的聲音,
我唔係指聲音的種類,
而係指每個向你說話的人, 他或她對事物的不同看法及回應, 當然態度都係勒,
我們真的要聽清楚,
免得被負面的聲音影響自己的情緒,
這個功課, 我想我最近學會了,

放工.....有時間miffy再講.....o下, 我叫自己做miffy?

>>July 9, 2009 at 9:54:51 AM GMT+8

2009 年 7 月 5 日 星期日 【晴】

飲飲食食所羅門.......


上星期六開職員會,
我地好有效率, 準時完成,
我也沒有太多意見表達, 今次嘗試多聆聽,
我相信所羅門維持現況是好的,
Charade, Eddy, Carmen Lee, Helen, Kevin, 都好活躍,
其他人和我就相對靜d,
我們頭三個遍排的週會,
竟然係
Christmas Party,
去方舟,
BBQ,
新導師來開會, 會唔會真係滴汗呢?
當然之後我地有好多其他o既o野,
不過先想活動真係我地特色,
看來2010年主題, 就叫飲飲食食所羅門吧!
去親旅行同玩o既週會, 有邊次會少人呀!
我地可以讚自己, 我地好動, 都因為我地青春o者.......
-----------------------------------------

由於我疏忽照顧兒童, 冇同Momo剪毛, 媽媽就親自再為momo剪毛,
個頭剪到兩邊唔對稱, 腳只剪兩隻, 有兩隻未剪,
好似去完流浪番來咁, 不如改名叫電波momo,
momo !
你等多陣!!
我一定會救你架!!!
------------------------------------------

好緊張呀!
Lost season five 好好睇呀!
撞機 + 荒島 + 黑煙怪物 + 機上生還者 + 島上島外的人, 巳經好緊張,
呢集加上" 時間 ", 好刺激,
尋晚睇左3集, 今晚跑完步, 即刻返去睇,
我好明白Hull 記點解咁迷追劇,
佢呢期就好迷花樣男子,
當你壓力大時, 睇劇另你可以relax,
係可以的, 不過唔可以睇咁夜,
Hull 記, 你都係早d 訓好d, 你隻眼.......

唔夠膽除便批評女性的儀容,
講起儀容,
我又諗起一個情景,
想起小時候o既情景模型,

>>July 6, 2009 at 10:01:32 AM GMT+8

2009 年 7 月 3 日 星期五 【晴】

半年結


呢排d新聞真係麻麻地
一係恐嚇你o既新聞, 每日提醒你流感殺到埋o黎,
一個係好臭o既新聞, 係銅臭味,
竟然叫人挖洞燒錢, 簡單講, 一個衰人,
最正面一個新聞, 也能引起大家關注的, 就是正生書院,
重復收到好多次由屈穎妍寫關於正生書院o既短文,
感動,
我和大部份人一樣, 都會支持正生書院,
但是為何梅居民這麼大反應,
難倒他們真的沒有愛心, 也絲毫不感動嗎？
我想原因是政府從來都冇做去好離島居民的教育需要,
佢地o既怨氣應該積左好耐,
一次過爆出來, 巳經去到一個唔同你講理由o既地步,
我鬧政府,
係呀, 好多問題都係奶o野先補救,
光污染, 噪音, 都引起好多問題,
但冇人死, 又唔理, 慢慢諗, 慢慢做,
有好多呢d例子, 例如,
地鐵(東鐵那邊)好耐冇人跌落路軌, 又唔再提整月台幕門,
睇o下幾時, 不幸有人跌落路軌, 當然要死埋, 條屍又唔知撞左去邊,
引致交通不便, 就開始講番月台加門的需要.......
如果政府唔改善, 我地點先可以化解怨氣呢？
大o既可以去唱K
細o既可以去索K
講笑就可以,
不過講笑可能就係化解怨氣的最好方法了......

公司開會時,
大家都企到硬時, 講o下笑,
氣氛軟化下來, 事情就好辦了
團契開會一樣,
感謝主,
呢兩年團契開會, 大家都笑,
在計劃團契上也沒有那麼多分歧了.....
-----------------------------------------------------------------

早排要做信仰分享,
由於團契多了兩個未信主的團友,
很想在分享中帶些福音信息給他們,
所以整個星期, 我都在等待,
希望在經歷及體會中想到要分享什麼,
一晚, 在填寫綠色門訓申請表時,
當填寫洗禮日期時, 就令我回想起信主的心路歷程,
找了四段經文,
有創造的偉大, 可看出神的存在,
有認罪的經文, 是神的應許,
有提醒我不要忘記起初的愛心,
最後, 就是叫我要起來,
希望經文能幫到新朋友及弟兄姊妹,
我的人群恐懼症又發作,
好辛苦才讀得完經文給大家聽,
最可惜就係時間長左一點,
如果悶親大家真係好sorry.......
----------------------------------------------------------

試過大家樂最近o既功夫雞,
半隻雞 + 油飯 + 一塊菠蘿 + 汽水
唔講得話好好食, 味道還可以,
但是$34, 真係超值

講起食, 我終於有機會試世貿o既井吉吉列專門店(唔係好肯定個名),
阿妹話你咁鍾意食炸物, 一定要試,
我打電話去book位, 佢竟然話要九月先有位, 不過可以去等位,
於是等了一小時多等到了,
雖然吃飯時冇同Christine講生日快樂, 因為都過晒,
但當初約時都係想同佢慶祝生日,
叫了二個set,
一份大煆拼帶子, 一份豬柳, 有湯同飯,
生菜就任食,
好好食呀!
大煆我本身好鍾意食, 個帶子好厚,
生菜切得好幼細, 有兩種沙律醬可用, 都好味,
另外有四種醬料for炸物, 總有一款你喜歡,
埋單總數要$400, 真的貴了一點,
但是值得一試, 反正單類食物唔會成日食,
聽Christine講起讀神學的種種,
真係唔簡單,
學識及體驗, 是要付出才會得到,
為她感到高興。
我也要加油, 好好服事神服事人。
---------------------------------------------------

我部腦仍然壞,
Harrison俾我o既CD + DVD,
我部機讀唔到,
咁就裝唔到啦!
暫時用safety mode都頂得住,
遲d再算
放工勒.......

>>July 4, 2009 at 5:00:19 AM GMT+8

2009 年 6 月 14 日 星期日 【雨】

繼續下雨........




屋企部電腦壞左, 開始時, 真的死因不明,
問唔同o既専家, 有唔同答案,
都唔知聽邊個講好,
有人話, 你部腦都差不多5年, 砌個部好過啦,
我都知係耐, 但係冇人話過一部腦唔可以用6、7、8年啫,
用來上網, 要求好低, 快就得勒,

不過真係好多謝Harrison咁用心教我,
一步一步教我solve d問題,
先清理好大部份灰塵, 令所有風扇行番,
溫度降低, CPU and HD 於是又行番,
display card壞左, 就接番落去mother board個display度,
畫面又有番,
Window 因為突然shut down 就down左,
如果今個星期重裝Window成功的話, 部機就救得番,
至於死因係中毒或是電腦真的太舊, 就係一個迷......
在此, 再多謝Harrison耐心幫助......
-------------------------------------------------------------

前排Sogo感恩節減價, 我一連兩星期去買零食,
差不多買左$300零食,
之後, 我不停食左兩星期, 差不多食晒勒,
Mandy, Carmen 同大家介紹o既都好食,
紫色薯片真係好好食, 個陣薯香強過普通薯片,
每晚睇dvd時就食零食,
每星期跑步剛好抵消左d零食(希望係咁啦！)
冇辦法啦, 食零食真係好開心架!!!

早前KFC有一款早餐,
叫家鄉雞肉蛋烤方塊, 唔知大家有冇見個廣告,
蛋包著雞肉再夾在多士之中,
我冇試過, 因為見到都驚,
好明顯係好錯o既宣傳策略,
大多數人都唔想食咁heavy o既早餐,
如果每日一份這個家鄉雞肉蛋烤方塊做早餐,
那麼, 終有一天你會變成一塊家鄉雞肉蛋烤方塊.....

提起運動,
我不知港島東區的水域, 潛艇皇后號有沒有行駛,
我就近兩個月都維持每星期跑一次,
出一身汗真係幾舒服架！
我真係一個好健康o既人呀！ 哈哈哈！！！
註: 港島東區水域指維多利亞泳池等地方,
而潛艇指大的物件, 其他的就不便多說, 我唔想死！
--------------------------------------------------------------------------

呢排天氣唔好, 就尋晚啦,
行雷閃電, momo好驚,
驚到身體都震, 我抱著她睡了一會,
她才平靜了,
到底點解動物會咁怕行雷呢？
唔通momo做左虧心事--“入廚房”,
廚房一早被媽定左為禁地,
momo有時半夜偷偷地入去,
俾我發現, 佢就笑笑口出番來,
你隻衰mo, 唔好以為我每次都放過你.......
--------------------------------------------------------

三神越讀越精彩,
經過這三年, 慢慢地對聖經及神學多了一份體會,
而且我成日都話, 三神真係好抵讀,
現知道思晋巳報名, 真係為佢高興,
加油!!!
----------------------------------------------------

早前與女同事一起睇左CoCo before Chanel,
開場時見到Carmen, Helen and Harrison,
佢地話我散場時冇望到佢地,
只係掛住d女同事,
冇呀, 人多睇唔到暏.........

而CoCo呢套戲,
普通啦, 作為電影, 少左d娛樂性,
成套戲又冇高潮位,
佢條仔呀“Boy”抄車, 巳經係唯一“驚喜”,
不過d衫好靚,
Audrey Tautoo好像老了好多.......

>>June 15, 2009 at 10:04:52 AM GMT+8

2009 年 5 月 13 日 星期三 【晴】

最近天氣很好,
雖然巳開始熱,
但外出郊遊還是不錯,
也決定今年去郊外多一點......


水深火熱
Newcastle United令人心痛
呢隊波近幾年真係差,
係抵打抵鬧,
但是今季要面臨降班,
好難接受,
我等舒利亞回紐卡素做教練,
都唔知等左幾多年,
今年終於等到,
但係以救隊波唔洗降班呢個原因而番去
真係唔容易,
作為一個教練,
得番幾場波你去管理, 都未摸清楚呢季都完了,
現時榜尾形勢:
Newcastle United 34分 (得失球較好)
Hull City 34分
Middlesbrough 31分
West Bromwich 31分
現時Newcastle排尾四,
排位上暫時唔洗降班,
但是仲有兩場波都唔容易打,
對Fulham, 對Aston Villa,
如果兩場win一場, 咁就應該唔洗降班,
如果兩場都loss,
就要望尾三o既Hull City都輸晒兩場,
Hull City就要對Bolton, 對Man U
今個星期六晚十點以下賽事會一齊開波,
Newcastle United vs Fulham
Bolton vs Hull City
是哪個留低英超, 自有分曉!
--------------------------------------------------

曾經何時好愛walkman, 雖然錄音帶質素一般, 但方便,
後來喜歡CD walkman, 大大部都帶出街,
改用MD player巳為係最好, 音色好而且細部,
但是想不到又有MP3......

我的MP3機, 不經不覺用了5、6年,
好out,
點out?
總之好out.
有幾out?
就係當時買係128Mb, 30首歌巳經爆,
雖然今早番工仲聽緊呢部機,
雖然冇壞, 但係只能錄30首歌同質素麻麻,
真係唔到你唔換,
最近睇中Samsung o既新MP3,
好吸引,
好期待有新機玩,
起碼唔洗成日錄歌先啦!
------------------------------------

Shelley Shen 電左頭髮,
佢今早問我點,
係唔係老餅左,
我好誠實答佢......
Shelley Shen巳經係一個40左右又有bb的媽媽,
配合這個電髮,
就係師奶啦,
我答佢: 係呀! 年紀大左幾年!!!
笑著的她: 我都係咁唸......

講起頭髮,
近幾年好多女性染髮,
染金, 染金中又帶點紅, 染......
其實我話,
一把黑色長髮最美,
你有Angelababy咁o既面孔當然染金染紅都好睇啦,
如果唔係,
年紀未過40的,
還是一把黑色長頭髮最顯得青春,
也是最美.
-------------------------------------------------

上星期六一早從中國回來,
只能夠時間回家換件衫換鞋,
就去家會,
今次家會有Trazy, Mandy, Baby, Ophe, 聰及我,
Carmen Leung 要番工, 好後來先join,
我地先去青衣飲茶, 原來旺角去青衣係咁快,
之後去Trazy家,
佢屋企都幾舒服,
小昭會聞大家d 褲,
Ophe唔知衰乜,
小昭會“woo”佢.....係woo佢一個.......

途中我地講起去日本,
好想今年同Baby同 Mandy Mouse去日本,
但係Mandy工作有變,
多數都去唔到,
不過如果今年去左日本,
明年Mandy話想去, 我都會陪佢再去,
應承左就係應承左,
那怕是多年後呢!

去旅行的組隊是很重要,
不是好唔好朋友的問題,
而是你知道同邊d人去會好玩,
而同邊d人會好悶,
而同邊d人去更加會煩,
之於今年會唔會去,
睇o下Baby點安排先啦!!!

>>May 14, 2009 at 9:23:29 AM GMT+8

2009 年 5 月 6 日 星期三 【晴】

如果可以放開一切, 即刻飛去日本,
去東京, 去北海道, 去大板, 去九州......咁就好勒......
現實好殘酷.....現實係身處公司......
做testing, 做report, 做阿四.......
好殘酷呀!!!

捱左兩晚睇波, 身體力行去支持兵工廠,
點知都係出局,
曼聯呢期真係好强,
Gibbs o既錯失, 令成隊波o既攻勢冇晒,
希望新一季雲加執番好隊波啦!!!

尋晚就睇巴塞,
開波幾分鐘就俾車仔入一球,
唔係呀麻, 支持親o既球隊都輸?
等等等, 等到90幾分鐘,
巳經係加時,
Iniesta 入球世界波,
我開心到跳起,
雖然今日番工好疲累,
但係絶對值得,
場波都有好多討論,
有人插水, 又有十二碼應俾但係冇俾,
不過, 兩個入球都係世界波

5月27日決賽: 巴塞對曼聯
加上28日係端午節假期, 可以盡情投入!!!
-------------------------------------------------------------

星期二舊同事同我慶祝生日,
去Dan Ryan’s食,
我同La La, Shelley and 仔仔最早到,
我地忍唔住叫左個Nachos,
好好味呀!
之後Alice, Pam Pam 都到,
就加Salad, Mussels,
由於每次有人再來,
佢地再俾多一次bread同muffin,
我同La La就食左兩次,
當我地食到咁上下,
Colin同Horace又到,
又再order左spaghetti, ribs, buffalo wings等等
當然bread同muffin又再來,
由於今晚女同事都話唔會等齊人先叫食物,
所以我同La La, Shelley就等如食三餐一樣,
好滿足,
多謝大家!

尋晚Christine就同我慶祝生日,
我揀左去風月堂,
風月堂d食物同服務真係好,
我同Christine傾足三小時,
waitress 都一直有加水同serve 我地,
我們講信仰講生活講左三小時都講不完,
不過時間都晚,
所以唯有下次再和她傾啦!!

Christine 請我食呢餐都幾貴,
我有d 唔係幾好意思,
不過我都唔想太婆媽,
基本上我地過去都係請來請去,
下次我都會請佢去風月堂食,
因為個menu上仲有好多野我地想試

好感謝上帝俾我咁多好朋友!

今晚同媽媽慶祝母親節,
又係食,
星期五La La又話同前QC同事食飯, 叫埋我,
又係食,
突然好驚,
我諗我會推,
好想去跑步,
一定唔可以俾自己變肥,
唔想好似Carmen俾人話肥過d 阿媽,
呢單野難怪Carmen咁慶,
不過別人傷心事都係唔好講勒,
講起減肥,
Princess Josephine 呢期好似o黎真
佢決定游水減肥,
我話好似, 因為聽講上次阿牛唔得閒冇陪佢游,
佢就冇游,
作為弟兄姊妹,
希望佢成功啦,
要Princess Josephine 食少d 野
就好似叫佢戒毒一樣,
話者叫佢約埋衞詩,
兩個人互相扶持,
會容易成功d (我都知我咁講好衰)
想起電影門徒裡面, 劉華一段對白,
而蘋果批店老板想起Princess Josephine會咁講:
“跟本就自己攞o黎, 唔怪得人, 佢唔食, 我地賣乜……”
原諒我多口,
Princess Josephine如果真係減肥,
絶對支持!!!

>>May 7, 2009 at 1:51:14 PM GMT+8

2009 年 5 月 4 日 星期一 【晴】

5月是一個新開始, 是開心的月份,
有新傢俬用, 有bonus,
有我的生日,
最後, 不少得的,
還有你........


好多人都問我屋企裝修成點樣,
其實都唔係大裝, 只係算小裝修,
最主要係換傢俬, 油o下牆,
不過好疲累.
我可能比買樓入伙o既人更疲累,
我要處理舊傢俬, 移來移去,
放工番屋企就油漆, 全部自己做,
覺得自己做兩份工一樣,
由於出街玩o既時間都多,
歐冠盃又場場睇,
工作又係忙o既時候,
我就好似鐵人一樣,
復活節, 勞動節及佛誕救了我,
讓我有時間執好d 野同埋休息,
現在兩個房間都ok晒勒,
媽媽很滿意我o既設計,
話依家好多地方放東西,
地方好使好多,
咁不如拍番集“阿Ming移實有辨法”......

想起早前成房都係野,
訓教要將床d 野放落地,
訓醒又放番上床,
搬來搬去好辛苦,
不過阿媽講一句依家好舒服,
做一切都是值得的......

兩間房傢俬連LCD TV共用了三萬元左右,
其實都幾抵......
小裝有小裝好, 起碼環保同洗小d 錢,
下一步係整個廰,
不過等我回一回氣先, 唔係可能會捽死......
---------------------------------------------------

因為整屋企, 時間安排真的有困難,
所以最近兩次團契都冇返,
呢個真係唔係幾好o既見証,
希望以後呢d 事情盡量避免,
如果個個都係咁, 團契就會每況愈下......

三神讀剩兩科,
好快畢業了,
但係兩科就係兩科, 唔可以鬆懈,
仲要再勤力d 先得,

好欣賞用心寫筆記o既同學,
我好多時都係齋聽,
因為知道自己寫完筆記都唔會睇,
諗住聽得幾多就幾多,
也說明了自己冇盡全力去讀......
--------------------------------------------------------

好消息,
5月8日公司會派bonus,
係一個月人工,
雖然新一年人工freeze左,
但係有份bonus都好,
不過公司氣氛麻麻,
Cut呢樣cut個樣,
話遲d pantry唔會再提供橙汁同可樂,
呢個唔係有冇得飲o既問題,
而係咁大間公司,
諗埋呢d 野去摼錢,
覺得唔係好logic......

呢排工作都忙,
叫做頂得住,
呢d 時世, 忙好過唔忙啦......

Shouting 姐飛左去美國德州旅行,
所以呢個星期自已工作,
時間安排會自由d,
不過德州真係太近墨西哥,
希望佢平平安安啦.......
--------------------------------------------------------

依家房有買多部Samsung 32”LCD,
睇dvd睇tv都happy好多,
最happy係最近睇波,
講起波,
兵工廠今晚好難打, 隨時出局,
兵工廠打敗維拉里爾後,
遇上曼聯,
首回合兵工廠作客輸1:0
今晚主場要贏, 最起碼要打出主場o既質素先有得傾,
曼聯呢期真係好强,
兵工廠要入決賽, 睇來要打出水準再加d 運氣先得勒,
兵工廠我支持你!

另一邊車仔打敗利記, 入四強對巴塞都好緊張,
其實利記次回合打得好好, 不過首回合輸得太多, 追唔番,
到底巴塞定係車仔入決賽, 要星期三晚先知,
我個人就希望巴塞, 因為喜歡亨利同美斯,
而且決賽係西班牙球隊對英國球隊,
唔洗好似睇英超咁.......
----------------------------------------------------

Momo呢期好生猛, 成日走來走去,
好活躍,
到底媽媽俾左momo食d 乜,
食到佢咁fit 呢?
媽媽呢期又有乜好介紹呢?

早前整傢俬o既時候,
整左條樓梯俾momo,
係可以行上媽媽將床上面,
但係momo太心急,
每次行都pk,
條樓梯o既設計可以話係失敗左,
媽媽跟據樓梯o既外形,
用盒整左梯級俾momo,
今次ok 左
為了訓練momo,
我要momo上落好幾次,
現在佢應該明白條樓梯係做乜?
希望momo覺得好玩啦,
我就覺得好好玩!!!
我係咁樣訓練momo:
“momo!! 上去有bacon食!!!”
“momo!! 落去有bacon食!!!”
就係咁上上落落勒!!!
Bacon 一出,
momo一定心動......
-----------------------------------------------

5月2日係我生日,
舊曆就係佛誔同一日,
今年就慶祝好多o既一年,
同朋友
同依家同事,
今晚就同舊同事,
而上星期六就同教會弟兄姊妹慶祝,
我地本來想去鼎太豐,
但係冇得book枱,
要等齊人入去,
好似我地成12個人,
要齊人入去係好難,
而且仲要係限時個半鐘,
咁樣做生意,
我覺得唔係咁好,
一大班人食晚飯, 又點會食得咁趕,
我地後來去左稻香,
叫左個套餐幾好食同抵食,
不過原來一蚊雞優惠巳經做完.

接著我地行星光大道,
吹o下海風,
再在Pacific coffee飲番杯,
多謝晒大家
當晚有
Hull, Carmen L, Joanne P, Trazy, Ophe, Helen, Mandy, Baby, 8條女陪我,
再加Harrison, Alex, Jacky 3條仔
陪伴左我一個自由行o既晚上......
多謝晒大家
個蛋糕都好好食!

開心認識你們!

>>May 7, 2009 at 2:01:32 AM GMT+8

2009 年 4 月 8 日 星期三 【陰晴不定】

復活在我，生命也在我。信我的人雖然死了，也必復活.--約11:25
在復活節裡, 讓我們都想著祂
一位為我們受苦受死, 痛苦地死在十架上的主, 祂為了救我們.....
也懷念離開了我們的人, 復活的主也令他們復活了, 一天, 與他們在天國相見.....
-----------------------------------------

呢排跟左Shouting 姐, 工作都忙,
不過Shouting 姐巳經shout 唔到, 因為病左,
仲係把聲出唔到o個種,
突然唔shout, 公司都靜左,
而且shouting傾電話都soft左好多,
你快d好番啦, 你唔shout, 我好唔慣呀!

今日shouting話我做實驗好smart,
oh! 多謝晒! 呢個係當然啦!
不過唔smart, 點跟你呀!
如果個場你玩晒,
記得睇住我呀!

昨天為了另一個實驗, 與同事有點口角,
站在好同事立場, 不想指出他的問題,
站在工作上, 卻認為雖要指出錯處,
站在情理上, 我亦明白他當時做決定的處境,
所以, 決定只會向他指出問題, 不會向上師交待,
既然大家都只想做好工作, 也不用多說了,
我感到有點難過,
下次還是做忍者算了,
而忍耐這課堂永遠都上不完.......
---------------------------------------------------------

買左部Samsung 32"LCD俾阿媽,
高清盒就用Olevia 第二代,
阿媽話: " 真係好清呀! 乜依家d 科技咁犀利 "
阿媽, 你玩o野呀嘛, 人家高清左好耐啦, 又扮唔知.......
" 你買左幾錢呀! 不如我俾番你啦! "
媽! 講係冇用o既, 要真係俾先得架.......

於是阿媽呢個星期, 真係睇多左電視,
見阿媽enjoy, 我都好開心........

同事s同我講,
你哥你妹都搬走左, 剩低你, 所有負擔都係你,
個個好似踢個波俾你咁,
我明同事講乜,
由我養媽媽, 稅單就哥哥填供養父母,
話因為阿哥收入高, 咁樣可以交少d 稅,
咁結果變成, 反而我收入少, 要養父母, 而且冇得減稅,
講公平冇得講啦!
但係阿媽照顧我咁多年, 盡管滿足她, 令她開心,
有些擔子, 真的要揹負的,
而且, 當你甘心樂意, 就會擔得好開心,
或者, 我要感謝上帝, 給我和媽媽有更多一起的時間,
當然, 我也明白同事所說的, 都是一番心意......

主耶穌, 願你繼續保守媽媽的健康, 願救恩臨到她!!!
---------------------------------------------------------

歐冠盃好緊張, 一連睇左兩晚,
第一晚睇兵工廠和維拉里爾打和1:1, 但係兵工廠係作客入球, 都算唔錯勒,
尋晚睇巴塞4:0 勝拜仁, 美斯入二球, 伊度奧一球, 亨利一球, 好好睇呀!
美斯同亨利睇到我好開心, 希望將來被英國球會買番就好勒!
不過車仔作客大勝利記3:1就有d意外, 原先諗住利記會打得好d, 結果係相反......
下星期第二回合, 另人期待.
英超那邊都好緊張, 好波陸續來.

>>April 30, 2009 at 4:04:28 AM GMT+8

2009 年 3 月 26 日 星期四 【雨】

下雨幾天了......
在雨天你有想起我嗎?........
我卻在雨天晴天都想你.........
希望我們都活在晴天.....


呢排最勁O既話題, 就係Laughing forever,
冇錯, Laughing哥呢個角色好搶,
幾受歡迎,
我今日想同大家介紹一個新角色,
而且唔係虛構,
係真人真事, 有血有肉,
佢當然唔係叫Laughing,
佢叫 "Shouting", 而且係一位女性,
所以我地叫佢做 "Shouting 姐",
佢風頭一d都冇輸俾Laughing 哥.....
要提Shouting 姐, 因為佢剛剛收左我, 我以後跟佢搵食.

開始係因為我d project都做到7788,
所以主力都係做番team裡其他工作,
例如幫同組的同事做實驗,
自己冇project 要跟,
約翰lin倫就安排我去幫同事L,
佢係做葯o既,
我主要用HPLC幫佢將d樣本純化,
HPLC係部機器, 全名係high-performance liquid chromatography,
幾high-tech架,
做就唔係好難, 不過要用好多時間, 並要好好保養部機,
壞左好麻煩, 因為成20萬一台機.

同事L雖然知道我會幫佢手,
但係佢都係驚做唔切,
可能因為呢個係大project,
佢做得好緊張,
成日跑來跑去, 而且仲成日Shouting,
例如:
"Ming, 明早零九三零, 你幫我做左個板佢........."
有時因為我要做自己team d o野, 一時唔可以幫佢手,
佢會咶: "ming! 你講! 你幾時俾到時間我........."
因為佢到處Shout,
大家就叫佢做"Shouting 姐", 真係好好玩呀!!!

雖然以上係咁講, 我十分尊重同欣賞shouting 姐,
佢雖然成日shouting, 但唔係態度差咁shout,
呢個只係佢性格,
呀! 佢真係shout得好有性格,
我欣賞佢仲有好多o野,
shouting 姐係PHD 畢業, 主修Biochemistry,
我唔係主修呢科,
而佢卻肯願意教我, 當然佢真係識好多o野,
佢shout只係因為佢做事好急好緊張,
所以我唔覺佢有問題,
在我認識o既人中, 話自己同事差o既人都好多,
但係我覺得, 無論別人點,
都要學習用好的眼光欣賞別人..........

Shouting 姐, 以後多d 睇住細佬呀!
要幫忙, 隨時找我, 正所謂: 大佬話叫你做乜, 你都要做!
------------------------------------------------------------------

最近在宜家買左個電視櫃同一 d 牆架,
好想佢快d送來,
現在開始睇緊 LCD TV,
雖然LCD價格巳經回落不少,
鋪頭又做緊好多特價,
但係5千至8千元一部32"LCD, 其實好貴,
以前我地2, 3千元一部Sony Trinitron, 用十年八載,
依家升三倍價錢買部LCD, 咁人工有冇升3倍先?

我都知講完都係會買,
不過會細心d選, 因為我要買三部,
一部爸爸家, 一部阿媽睇, 一部自己房,
買一部26", 二部32", 唔會買太大,
我比較喜歡sony 同 samsung,
在好多機款比較下, 確實是只有sony可以做出純白色,
其餘牌子o既白色係偏黃......

人地海嘯洗小d 錢, 我仲用多左錢,
事實上, 我o既儲錢計劃成功,
慳番來就用來買傢俬電視勒.......

>>March 27, 2009 at 7:37:45 AM GMT+8