2008 年 3 月 28 日 星期五 【陰】

Momo今早望實我,
望下望下, 見佢咁可愛,
我咪俾d小食佢o羅,
Momo, 你今早諗緊乜o野呀?
----------------------------------------------------

尋晚同La La去跑步, 天氣真係好濕,
跑完後, 佢話未見過我個頭咁濕,
我巳經係冇乜汗o既人, 都成身濕晒,
回程時在路上, 發現兩隻小強,
小強可能都係因為天氣, 所以走晒出來,
或者, 會唔會好快就打風呢........
----------------------------------------------------------

天氣濕濕, 洗完衫都幾麻煩,
掛到成房都係衫, 一天都未乾,
不過濕都唔緊要, 最怕係"濕濟",
今早一番工, John Lennon行埋o黎,
我就知道濕濟,
上回提要我在內地同佢嘈過,
佢叫我設計一個發酵箱,
講到要好多條件, 跟住話錢唔係問題,
到今天我巳經設計好,
佢今早睇完話咁樣設計會好貴,
跟住將佢之前提出o既條件改晒,
由自動變為人手操作,
又話越平越好,
一兩個星期就將佢自己講o既o野推番晒,
係唔係個個老細都係咁......邪惡......
-------------------------------------------------------------------

近排有個諗法, 就係先同一班團契職員過團契生活,
即是我地話我地想攪好個團契, 咁其實我地是否享受團契生活,
是否活出一個團契的功能,
於是我約晒佢地兩星期後食晚飯, 我們就當那天晚上是一個團契,
如果我地自己好享受呢個晚上, 我地就要將呢種精神帶番團契,
無論是晚飯, 是查經, 是專題週會, 大家都好享受的話, 咁大家自然會番團契.....
----------------------------------------------------------------

過了這麼久, 都有想起她的時候, 令人困惑,
願她可以活得快樂吧!

>>March 29, 2008 at 4:15:16 AM GMT+8

2008 年 3 月 24 日 星期一 【陰】

有四天假期, 真的令人很開心

頭一天就去了內地,
由我帶隊出發, 有Isabella, Nicole, Josephine,
雖然一男三女呢個組合係有d特別,
但係大家唔好亂諗, 打牌都要四個人啦.......
午飯先去全中國最美的酒家--"王子國宴"
王子國宴由歌劇院改建而成,
在歌劇院那麼大那麼高的地方飲茶,
真的很高貴, 很有氣氛, 美中不足就是食物很普通.....
不過價錢一d都唔貴.

接著就係去按摩, 我按左兩小時足部+兩小時全身+焗桑拿
好舒服呀........全身都鬆晒......

去完東門後, 就去左食小菜, 因為太夜, 只能order到其中一些心水,
番到香港再去食糖水, 可能因為按摩後的關係, 好夜都覺得好精神

第二天因為落雨,
在最初取消了BBQ,
因為咁, Yan, Desmond, Carol, Ali 就沒機會參加今次團契活動,
雖然後來改為在教會三樓BBQ, 但太遲都冇可能再call佢地,
唯有等下一次機會啦,
而今次亦有其他新朋友, 大家都主動左同新朋友傾計,
好現象呢,
今晚, 教會平台亦是第一次可帶狗狗入內,
我原先就沒有打算帶momo去, 因為如果要照顧momo的話,
我就冇時間和新朋友傾計, 有時都要有d捨棄.........
說到這裡, 又係大師兄出場o既時間,
佢冇放過d食物, 差不多全部食晒,
佢亦冇放過.......係冇放過......係.......總知熱情滿載,
加埋個hip hop look, 一個字.........."型"

BBQ後, 我估唔到Mandy話落銅纙灣食雪糕係食得咁認真,
我地每個都食左三球, 我係第一次在Haagen Dazs一次過食三球,
不過好好味, Mango, strawberry, green tea三隻味都好食,
今次係一男四女, 有我, Hullian, Josephine, Mandy, Jacqueline,
所以話之前o既一男三女並唔係有乜特別,
總之, 一男幾多女出街都唔煩,
最煩係一男一女, 近來都係唔好講咁多...............................

第三天係兩場重要足球賽事,
曼聯對利物浦3:0
車仔對亞仙奴2:1
亞仙奴, 利物浦都輸左, 傷心,
主場大晒咩......

呢幾天傾左好多電話,
各方好友, 不約而同都傾一餐,
我再次明白保持聯絡的重要性.........

放假第四天就去左其偉媽媽的安息禮
主呀!願你安慰每一位傷心親友.....

呢幾天我都睇緊一套外國劇,
雖然停左睇鬼片一段時間, 但係呢套劇同鬼有關,
係Ghost Whisperer,
套片一d都唔恐怖,
內容係主角為鬼魂解決一些問題, 以使他們可得超度,
跟Medium係同一頪劇,
但係好睇好多, 好有劇力,
女主角Jennifer Love Hewit超靚,
估唔到佢演技咁好,
套劇亦好感人, 睇到我成日都喊.....
我會推薦呢套劇

>>March 25, 2008 at 4:01:25 PM GMT+8

2008 年 3 月 19 日 星期三 【晴】

上個星期個trip總算順利,
去了三天, 有兩晚都10點仲返入廠,
工作唔難做, 但走來走去總是疲累。

最不快就係十年來第一次同老細炒大鑊,
剛做緊一個project, 佢又同我講點樣做第二個,
而老細提出一個失敗的實驗方法,
而今次我覺得不能再忍受, 一定要反對他這個想法,
因為他的想法會令我fail一個實驗,
大老細會覺得我浪費時間金錢, 而我又做得辛苦但唔會有好結果,
最後, 因為老細把聲始終大d, 再加一句你又未試過, 點知唔得,
咁咪試o羅.......
但係同老細嘈, 點都有失見証, 下次......都係唯有硬食......

不過呢排老細接到好多order, 我從內地一回香港,
就開波做另一次生產,
到今天看, 我又生產到另一批菌菌, 我知道照自己過往的方法一定成功,
聽佢講, 就次次都fail.......
而今天終可休息.....
--------------------------------------------------------------------------------

昨天三神實踐計劃開會,
大家o既意見好唔同,
但最後可以安排好整個trip, 就照著做吧!
其他, 只有交給神.
倫理學份功課, 看來要開始做, 如果唔係澳門短宣回來後, 就會好忙。

開會前食晚飯遇上阿冰和Astor, 雖然好耐冇和Astor傾計,
但都覺得佢好親切, 可能係佢講o野夠直接,
大家就會好快入到話題。
她談起自己好耐冇返團契, 照顧兒子其實唔應該會影響返團契, 佢話只係藉口,
雖然佢自己咁講, 但係有家庭有小朋友冇返團契, 我又會好明白,
其實冇乜問題, 只要佢有自己o既團契生活就可以了,
不過, 佢同所羅門o既團友會越來越疏遠就會係一定o既結果,
一段情如果少溝通, 就會疏遠, 無論係同神、情人、朋友, 都係一樣。
------------------------------------------------------------------------

上星期六個Coffee house真的要感謝主,
與Helen做MC好順利, 而Helen帶病失聲都照講, 佩服....
思晋、Brian和其偉的分享各有意思,
魔術、詩歌、遊戲都交足功課, 大家實在要感恩,
有五位新朋友, 成績不錯,
我巳很快就聯絡他們參加團契大旅行, 希望我地o既熱情可以吸引佢地啦,
不過我好似唔夠大師兄咁熱情, 我意思係.....成晚.......係.......都係唔好講......

唔好o既地方係超級over run, 有點抱歉不能準時開飯.....
思晋, 你下次唔好講咁長勒: )
不過團友遲到先係主要o既問題, 遲開始就所有o野都會遲,
你想照樣開始都唔夠人......檢討又如何.....
另外, 會議記錄又未有.......難度要call Eddy出第二封信....."致xxx的信之二"
-----------------------------------------------------------------------------------------------

放工, 放假勒!!!

>>March 20, 2008 at 2:35:10 PM GMT+8

2008 年 3 月 7 日 星期五 【晴】

下星期一就出trip去深圳,
今次只需去3日, 因為有其他同事接班,
不過, 星期三應該趕唔切落o黎番神學,
呢科基督徒倫理上唔到最後一課, 有d可惜.....
---------------------------------------------------

早前要負責團契分享會,
真係好難預備,
分享會就係分享會, 大家都覺得只是一個分享的時間罷了,
點先可以攪到有新鮮感有趣味, 但又不失去造就和反醒,
真係難唸,
幸好有Nicole幫手, 又請到鬼才團友Michael,
前前後後我地開左三次會就預備好個週會,
內容有茶點, 有powerpoint+我地o既對話, 有video, 最後分成兩大組作分享,
效果比我們預期的好,
Carmen代表的組能好清晰講出很多好建議,
Helen深情流淚的總結令人感動,
主耶穌, 感謝你, 你是愛的源頭,
你的愛也聯繫著我們,
求你繼續帶領團契.....
---------------------------------------------------------------------

星期三晚先番到香港, 有d擔心冇時間預備Coffee house,
我會同Helen做司儀,
希望我們可以令整個coffee house順暢,
新朋友玩得開心又認識到主耶穌,
冇錯, 焦點唔係玩, 係要新朋友從我們中看見主,
放工勒......

>>March 8, 2008 at 4:54:35 AM GMT+8

2008 年 3 月 5 日 星期三 【晴】

想起2003年3月6日帶著興奮心情入職依家呢份工,
不經不覺, 今日又係3月6日,
巳經5年了,
雖然依家份工唔係一份心目中喜歡o既工, 當然亦一d都唔興奮,
但我都會感恩, 因為有工做亦唔係必然,

老細唔同左, 部門都唔同左,
好多朋友走左,
又識番好多朋友,
人事都變了,
到底我又有沒有變了......

變了......

我想我是愛昔日的我多d,
昔日的我做人做事多一份passion,
究竟幾時開始變了, 幾時開始少左一份passion,
不知道,
或許,
有時, 我覺得我在不停遷就他人的同時,
失去了自己,
甚至自己所愛的也放棄了,
或許就是這樣慢慢地,
什麼都不再重要,
只要其他人快樂,
我也好像冇所謂,
不要想我是偉大,
我只是喜歡看見別人開心.......

可以開心就開心吧,
我今日order左KFC,
請同事食tea, 為了慶祝自己做左5年,
拿到50%公積金亦不錯,
我們食得好開心,

他們開心, 我也開心.....

>>March 8, 2008 at 5:00:13 AM GMT+8

2008 年 2 月 26 日 星期二 【晴】

冷血殺手--同事s

同事s上星期某天一番公司,
就話本來尋晚好開心,
因為番到屋企發現佢養缸魚,
多左一條baby魚, 仲話好得意,
睇o下睇o下, 佢發現有另一條魚生了皮膚病,
佢找來一支藥水, 用法係寫住dilute to 10000:1,
咁佢缸魚有10L水, 就即是1ml,
佢就係咁樣計, 加左1ml藥水落去魚缸到.....

早上醒來, 全缸魚死晒,
連佢新寵baby 魚都死埋,
同事s就係咁將人一家殺晒, 不留活口......

佢剛星期日晚call我行街,
然後手上拎住兩包魚,
話新買, 將會加入魚缸到,
呢兩包魚, 命仔凍過水......

>>February 27, 2008 at 4:28:15 AM GMT+8

2008 年 2 月 22 日 星期五 【雨】

昨天晚上雖然細雨,
我和La La還是去了跑步,
因為我們都想保持帶氧運動,
我只是跑了十個圈, 約4000m, 就疲累了

自從寒冷的春天開始後, 我就停了跑步,
因為跑運動場真的會很凍, 我不想病呢!
不過冇跑加上新年狂食o野, 真的肥了,
肥了約五磅, 又要開始減肥了,
我個身體肥了又瘦, 瘦完又肥番,
因為我喜歡食, 而且忍不住的時候又俾人食得多,
例如我會食宵夜,
但過了一段日子, 我又會停食, 保持跑步,
所以我o既體重, 就好似恒生指數上上落落咁,
看來真的要忍口,
不過, 如果你又食過宵夜, 你會明白食宵夜的落趣,
完全好relax咁食, 食完又可以即刻訓, 正!!!

"但 我 覺 得 肢 體 中 另 有 個 律 、 和 我 心 中 的 律 交 戰 、 把 我 擄 去 叫 我 附 從 那 肢 體 中 犯 罪 的 律 。"羅馬書7:23

使徒保羅的話, 我深深明白......
每次我面對一包薯片, 一個杯面, 一包公仔點心, 我的心叫我不要吃,
但我的肉體卻叫我唔停唔停、大大啖咁食......我真是苦呀!!!

>>February 23, 2008 at 3:15:18 AM GMT+8

2008 年 2 月 19 日 星期二 【颳風】

一個難過的晚上......

今晚是三年神學課程“倫理學入門”的課堂,
龔立人博士如常講課,
他說今天不能給我們功課,
是家裡發生了一些事,
他說他的母親在新年入了醫院,
後來康復出院, 但作天又再次入院,
到今天下午, 就離世了, 回到天父那裡,
龔博士說本想今晚停課, 但因不能一時聯絡90位同學,
不想我們番到o黎才發現課堂取消,
所以決定繼續上課,
他向我們述說時也是強忍著眼淚,
他的太太也害怕他下課後不知走到那裡,
所以開車接送他上課.......

整個課堂, 他如常用心教導我們,
但我內心很難過,
一個下午剛母親去世的老師,
晚上還要教導我們,
為了責任心, 為了我們這群神學生,
他保持著那份教學o既情操,
那份熱心,
那份愛,
用心的教導我們,
老師！你令人敬佩！

我的心在整個課堂裡都難過,
願耶和華我的上帝記念祢的僕人龔博士,
願祢親自安慰他,
願祢的愛充滿他,
叫他一生能祝福更多更多的學生,
奉耶穌基督的名字禱告, 阿們！

>>February 23, 2008 at 2:32:17 AM GMT+8

2008 年 2 月 19 日 星期二 【颳風】

今個星期同事Steven去左training,
我就要一個人run fermentor,
一連忙左兩天,
到今日個實驗只是要等,
所以好free, free到好似好想食o野.......食o下食o下零食, 就食左好多........
La La叫我星期五去跑步, 好!當然要跑啦!!! 唔係會變肥仔

尋晚同Mary and La La去睇左Sweeney Todd(魔街理髮師),
我覺得幾好睇, 故事內容唔係太複雜,
相反, 可以話故事和人物關係相當清晰,
故事一開始巳經交代好清楚會發生d乜,
內容是以音樂劇式對唱,
如果你愛導演Tim Burton的戲, 呢套都算不錯,
雖然都有人話d演員唱得唔好,
不過如果拍到和以前一樣, 你又會話悶,
用音樂劇形式, 總多了一份趣味,
而他拍出來的黑色, 總覺得很美....
P.S.爆谷真好味
------------------------------------------------------------------------

剛過去的星期日, 聽左一個好好o既講道,
主題係勝過失望,
我第一次聽人咁樣分析‘米甲’和‘拔士巴’兩個女人的一生,
兩個人都經歷困難,
但米甲最係一個充滿失望的人生,
而拔士巴卻有一個美麗的結局........

放工.......

>>February 20, 2008 at 9:53:16 AM GMT+8

2008 年 2 月 15 日 星期五 【乍雨乍晴】

新年到今天為止, 玩左好多日,
都算有一個幾好o既休息.

回想起年三十晚就睇左兩套戲,
一套係"長江7號",
一套係"L的最係23天",
兩套都唔講得話好睇,
不過一日睇兩套戲都好耐冇試過,
回想以前留學的日子, 週末一日睇兩套戲,
係好普通o既事,
而我的確很享受睇電影.

情人節今年係食火鍋, 一個很飽飽的晚上........
-------------------------------------------------

昨天係公司o既Annual dinner,
今年又係潮江春食,
食物都算唔錯, 不過氣氛真的一年差過一年,
我仍然為到公司裁員呢件事感到不快,
無論被裁的人我認不認識, 我都會有點不開心........

我annual dinner抽到一個什麼電子製藥煲,
點知一番到屋企, 就話消費者委員會話近期發現一d電子製藥煲漏電,
o華! 冇咁橋呀o麻!!!
不過要星期一領取獎品先知係唔係o個d牌子.
------------------------------------------------------------------

今日團契週會大家做得好好,
主題係十誡第一條誡命, 守安息日,
大家o既分享有深度,
講員"陪元"o既分享亦好正,
整個週會都流暢,
大家要繼續努力呀!

今日講員提醒守安息日都是一種"釋放"和"保護"
我會緊記!!!

>>February 16, 2008 at 4:51:35 PM GMT+8