2012 年 12 月 11 日 星期二 【晴】

12年12月12日12點12分,
對Piano說聲我愛你

>>December 12, 2012 at 4:12:14 AM GMT+8

2012 年 12 月 2 日 星期日 【颳風】

買禮物


早前行了世貿的Agnes b,
本來是想買橙加酒味朱克力俾piano食,
點知佢地冇,
只好在店內看其他的東西.
在新的產品櫃中,
看上了一雙耳環,
是925silver造.
這個品牌, 價錢都算貴,
但在店員的誘導下,
我就買了.
呢個月總支出又洗大左,
不過令人開心是要付出代價的.

講起925silver,
其實有一定價值.
在國際市場上,
是最標準的銀手飾.
925就是92.5%銀,
一般是加上7.5%銅,
又稱為 stealing silver.
100%的銀其實會太過軟,
所以加上銅,
會令她堅硬一點,
令手飾保持它的形狀.

另外, 我也十分關心金屬氧化的問題,
因為在我的裝飾品中,
例如米菲裝飾品或鎖匙釦等
間唔中都氧化了.
其實銀並不容易在空氣中氧化,
主要是因為空氣被污染了,
有其他有害物質令銀氧化, 例如硫酸

不過這雙Agnes b耳環,
真的很美
放在piano的耳上,
更加美.

相信有一天這雙耳環也會氧化,
但希望我和她的關係不氧化.
你相信關係不會氧化嗎?
我不信.
所以若有一天連關係都氧化了,
也不用怕,
只要努力把它修補,
它又會回到起初一樣.
而且, 誰說氧化了的關係不寶貴呢!

死勒,
又好似寫緊愛情專欄咁,

>>December 3, 2012 at 12:56:47 PM GMT+8

2012 年 11 月 30 日 星期五 【陰】

清新的香氣


從上海回來後,
買了一瓶香水送給Piano.
在網上看了很多資料,
想找一隻合適的香水,
我對香水並沒有認識,
只知道有香水及香精兩種.
而用香精氣味會遲久一點,
但實際他們的好處及那一種好,
真的不知道.
如果買香水為主, 當中加入少少香精,
似乎是好.
最後選擇了買DKNY Be Delicious,
就是青蘋果那種,
買大瓶100ML 那種好似幾抵,
青蘋果一向是我喜歡的香味,
而這隻DKNY青蘋果味,
好清新.

我和她在山頂晚飯時送給她,
她收到了很喜歡,
幸好沒有買錯浪費了.
我並不是先知,
會知道她喜歡什麼,
但從很多說話的她說過的很多話中,
好像她提過這隻香水,
所以最後選擇了這隻香水.

確實是,
女人喜歡你細心聆聽她的說話,
從中知道她喜歡什麼,
她不想你買了她不喜歡的東西送給她,
但同時又好像不想直接告訴你她喜歡什麼.
另外,
買得對是重要,
而你有聽她說話也重要.
不過都係唔寫咁多,
米菲唔係寫緊愛情專欄.

米菲自己不用香水,
但希望有另一種香味,
唯願繼續受主的教導,
能散發著基督的香氣, 阿們!

>>December 1, 2012 at 4:26:13 AM GMT+8

2012 年 11 月 1 日 星期四 【晴】

上海松江區之旅



第二天星期日, 10月14日
我們連同內地的同事, 一早起身去玩彩彈(paintball game)
一般的survival game, war game或野戰,
都是指這種玩意,
是用一把強力氣槍, 把一粒子彈寫出,
子彈是膠囊包著顏色水,
令目標被擊中後, 染上顏料。
近距離被打中, 會受傷,
所以不會建議近距離射對方。
換上像軍隊一樣的衣物,
帶上面罩, 開始打槍。
每人有180發子彈。
11個人分成2組,
經過兩回合, 米菲的隊獲勝,
但勝負並不緊要, 因為我組有6個人,
當然容易獲勝,
米菲被擊中2槍, 其中一槍直接打中手上,
好痛, 但這種痛楚程度是可以接受的,
因為這痛唔係維持好耐,
有兩位女同事被擊中腰, 皮膚都打破, 有血滲出,
可能是走動時, 衣服吹起了, 沒有保護到身體,
另外兩位男同事, 身體多處淤傷,
就真係自己做成,
佢地兩位最後一刻, 衝前向對方近距離互射,
是近距離做成的淤傷。

大家休息一刻後, 我們玩一些歷程遊戲,
就是一些平衡木及繩網之類,
米菲沒有玩, 因為全程都是由我負責影相,
內地人都個個買手機, 就冇人買相機,
所以只有我會帶相機為大家拍照

玩完一輪, 去食紙上烤肉,
和韓式烤肉一樣, 只是食物和鐵板之間,
多了一張紙, 這樣便不怕鐵板燒得久變黑,
把食物都弄黑了,
只需不久更換一張紙, 食物保持唔會燒黑。
紙上烤肉在午飯時段,
29元任飲任食, 超抵。

食烤肉這個地方, 還有一點特別,
店內及街上都是美女,
好多人話上海多美女, 去了多次實在唔覺,
但在松江區, 大學附近的路上,
停泊了很多跑車, 街上走著年青美女,
我們都說要多來這裡。

食到下午3點, 大家都食得多了
決定再去行山,
去一個叫西余山公園, 是所謂松江十二景其中一個。
余山又名西霞山, 是上海唯一的自然山林,
康熙都來這裡玩過。
山上有很多香樟樹, 而且有百幾歳,
米菲和 tiger一起抱著樹幹, 才緊緊互相掂到指尖,
可想像樹幹有多闊
事實上, 就是我們工作的金山區, 都種滿香樟樹,
也可能這個原因, 在金山好少俾蚊咬。

這個山有一所天文台,
而在山頂的平台, 可以挑望整個松江區, 好美。
最特色是, 山頂有座很大的天主教堂,
比香港最大的還要大, 是否真的可以坐4000人,
我就有點懷疑, 是羅馬式與哥德式混合風格,
很美麗的天主教堂。
吸引了米菲觀看它的歷史,
在1863年耶穌會買下整個山頂及半山,
1871建造了早期的希臘式教堂,
後來因為會眾多再改建,
再後來又因為打杖又再重建,
成為今天的大教堂。
雖然未能媲美梵蒂岡的天主教堂,
但沒想過在上海一個山上有一個如此美的教堂
米菲在裡面作了一個祈禱, 這算是今天最寧靜的時刻了。

一個小時多的車程, 就回到金山。
晚飯後, 米菲就浸浴,
在香港買了薰衣草味浴鹽,
放進去成缸水都好香,
再配上一塊面膜,
一包檸檬茶,
浸下浸下, 為疲累的身體舒緩一下,
人生真快樂

這次上海出差, 12天打了600人仔長途電話,
以0.39人仔一分鐘計,
傾了1538分鐘,
即平均每日都傾2小時以上電話, 又破記錄,
賣電話咭個位都認得我,
最慘唔記得帶hand free,
手都痺埋,
不過同piano傾,
又真係好傾又開心呢

>>November 2, 2012 at 6:10:23 AM GMT+8

2012 年 10 月 30 日 星期二 【颳風】

我要做隻走遍大江南北的兔


到了9月尾及10月, 米菲就到上海出差,
除了工作,
終於在其中一個週末,
有機會去旅遊一下.
這天星期六, 10月13日
由於我的香港同事選擇今天在酒店休息訓覺,
我就決定個人遊
米菲去了金山魚嘴村
那裡是金山沿海的地方, 也是遊客食海鮮的地方,
從米菲住的酒店走到金山魚嘴村, 大約需要45分鐘時間,
不過今天太陽不猛, 風卻很大,
在前住村的途中, 會經過很大片的泥灘,
泥灘是否封閉了, 米菲也不清楚,
米菲走進泥灘去看, 有些小生物,
有很多很多小蟹和彈塗魚,
我站在那裡看彈塗魚好一會,
彈塗魚是兩棲魚類,
米菲覺得好有趣, 以前只懂叫他們做跳跳魚。
上海政府在發展中卻保留這片泥灘濕地, 相當有意義。
我想起香港大埔的龍尾灘, 快玩完,
相信米菲上次到訪龍尾灘, 就是最後一次了。

沿著海邊走, 米菲終於到了魚嘴村,
在村內先參觀漁民博物館,
先是觀看漁民的客廳、廚房、休息及工作的地方,
以了解他們生活的環境,
第二部份是觀看漁民的工具、船、及買賣魚類的地方,
真係大開眼界,
裡面也有很多技術與理論,
但由於當天米菲太晚到訪,
不能每部份的文字描述都停下來仔細閱讀,
唯有將來再次到訪,
米菲接著要去看這裡另一旅遊點,
就是媽祖文化。

媽祖文化的由來, 要講有排講,
簡單地說,
就是從前有個女人死左,
後來變左被供奉的神。
又好似太過簡單,
再講一次, 就是從前有個女人,
佢出海捨身救人死左,
大家欣賞封佢為神,
後來出海的人都拜她,
這信仰傳到世界各地,
特別是中國、台灣、澳門及香港,
香港稱她做天后, 所以有天后廟。

一個捨身救人的女人,
被人欣賞, 被傳到世界各地供奉。
在媽祖廟內, 我一邊看,
卻想起我們的主耶穌,
為我們及世人受苦死在十架上,
是為我們的罪死,
我們有否珍惜這份恩典？

時間過得好快, 睇睇下時間都溜走了,
米菲走回到街上, 發現並沒有足夠體力步行回酒店,
看看巴士站, 冇一架巴士是走向酒店的,
點算好,
天色漸黑, 這時一架冇人的計程車向米菲駛來,
冇人是指冇乘客, 我唔係寫緊鬼故,
感謝神, 米菲平安回到酒店,
休息一會, 和同事去吃晚飯。

>>October 31, 2012 at 6:02:40 AM GMT+8

2012 年 10 月 29 日 星期一 【雷雨】

究竟有冇人捉小偷?



米菲在7、8及9月, 有時在深圳和香港兩地走來走去,
但和以往不同,
大部份時間我都不過夜,
晚上回香港, 第二天又走番上去,
本來也沒什麼,
只是搭車走來走去好疲累


米菲和mo媽住的大廈,
在政府建議(被迫)的樓宇更新大行動中, 工程都算接近尾聲,
在過去隨了每天進展超慢外, 就是大廈外牆棚架搭起後,
先後發生了5宗爆竊, 全部由窗口入, 高層亦無幸免,
有住戶只係出去食晚飯, 回來已經被爆,
由於對方咁快手可以入屋, 並且高層單位亦爆,
米菲一早就懷疑係裝修d人做, 有人係鬼。
其中一案, 吐到兩個人的指紋,
但原來警察有指紋都唔會查,
亦無權叫裝修工人打指紋對照,
最後當然不了了知,
仲以為有什麼超級電腦可以放上指紋就找到犯人,
不過超級電腦應該有,
只係無人會幫你做。

在這段日子, 大廈好多老人家心驚驚,
Mo媽亦不例外,
亦另到米菲有時要從深圳趕回家睡,
第二天又上番去。
現在又到整大堂的工程又拖了很多天,
進展相當緩慢
唯一安慰是外牆棚架已拆, 大家都唔洗咁驚。

>>October 31, 2012 at 5:23:36 AM GMT+8

2012 年 9 月 24 日 星期一 【晴】

寧靜的晚上


感謝主, 讓我知道自己的不足,
感謝主, 讓我知道自己是個罪人,
感謝主, 讓我知道只有你是出路,

甚願你賜福與我, 曠張我的境界,
常與我同在, 保佑我不遭患難, 不受艱苦,
神就應允米菲的祈禱!

>>September 25, 2012 at 4:00:13 PM GMT+8

2012 年 9 月 20 日 星期四 【晴】

香港電影的特色?


最近看了低俗喜劇及閃亮人生兩套電影
前者是香港電影票房冠軍, 後者是法國電影票房冠軍

最初看低俗喜劇, 都係諗住笑一餐,
成套戲以粗口和性為主題,
本來還是可以接受,
但劇情中用了大量篇幅描述男演員和動物性交前後的心情,
看到人嘔心,
雖然這片一開始就說這套片好cheap, 俾十秒鐘不能接受的觀眾離開,
雖然這片說沒有傷害過任何動物,
雖然在訪問時導演還向動物協會說好愛騾仔
但是男演員和騾仔性交這種描述過程及片末男演員和騾仔性交的呻吟聲,
意識上已經傷害了動物,
我們都笑不出來,
這是米菲和友人的主觀睇法,
我們不能接受這種意識,
但這麼高票房,
証明好多人都能接受,
或許說明了入場睇港產片的年齡群組
他們的接受能力比我們高呢!

上星期看了一套法國片,
這是第一次和粉紅小姐睇戲,
也是她介紹我看閃亮人生(Intouchables)
主要講述一個癱瘓的法國貴族和一個黑人男看護的感情,
這段友情真摰動人,
片中情節沒有刻意令觀眾流淚,
所以眼淺的我並沒有哭,
片中自然的手法,
卻令人感動不已
是米菲推薦的一套外語片
上一套令米菲喜歡的外語片,
已經是作死不離三兄弟(3 Idiots)了

講起粉紅小姐,
米菲也很高興多了一個屬靈伴侶

>>September 21, 2012 at 8:52:04 AM GMT+8

2012 年 9 月 16 日 星期日 【晴】

Momo與米菲的對話第X集



Momo: 你呢排點呀？
Miffy: 可以點呀？
Momo: 冇呀?早排你又話打風留在家中陪我
Miffy: 早排？最後都打唔成風, 我都盡力勒
Momo: 你點盡力呀？
Miffy: 我有主動打電話俾林峯
Momo: 你打俾林峯仲乜?
Miffy: 我叫佢扮多一陣諸葛亮,
Momo: 佢扮咁又點？
Miffy: 叫佢借東風, 唔係, 係叫佢借颱風
Momo: 無聊！ 咁林峯點答你呀？
Miffy: 佢話打錯
Momo: 真係笑死我勒, 無聊！
Miffy: 咁你係我o既小狗momo呀嗎, 我緊係想你開心啦
Momo: 想我開心, 就作首詩來聽o下
Miffy: 我讀理科架, 呢科真係唔o店
Momo: 叫你作就作啦, 講咁多o野
Miffy: 你講o野越來越似melody
Momo: 快d諗詩
Miffy: 就以我呢排做過o既o野及感受為題啦
Momo: 寫詩一向都係咁架啦, 講咁多o野, 快d諗啦
Miffy: 好, 聽住

抱擁叮噹天真的心靈
掩蓋國教反日的浪聲
尋找大小自然的秋天
遺失了是龍尾的海星
等候一刻前進的心情
模糊是你給我的深情
謝謝傾出上帝的愛意
感動愛吃炸蝦的真我

Momo: 幾好, 幾好
Miffy: 多謝momo讚我
Momo: 不過衰收尾
Miffy: 我都知你一定會踩我
Momo: 唔係我想踩你, 你無端端寫句"感動愛吃炸蝦的真我", 破壞晒整首詩d氣氛
Miffy: 我都話我讀理科勒, 係咁上下
Momo: 不過, 都不失表達你o既近況, 咁就收貨啦！
Miffy: 多謝momo！
(不知何時, 米菲做了momo的下人)

>>September 17, 2012 at 1:47:10 PM GMT+8

2012 年 8 月 29 日 星期三 【晴】

叮噹呀, 誰都喜歡你, 小貓也自豪



一連兩個週未, 米菲都去左海運睇“叮馬俑”,
有100個叮噹拿著百寶,
任你摸任你影,
場面偉大,
但在展覽的第一個週末,
有超過300個人圍著100隻叮噹,
呢個場面就更加偉大,
米菲發覺現在d卡通人物展覽,
最緊要“大”和“多”,
100隻一比一叮噹, 真係夠晒多
上年Miffy在海港城, 又係有幾十隻, 好多
之後Miffy在黃埔, 就有隻好大放在船頭, 好大
上年聖誕節, 海運就有聖誕樹, 掛著無數的三眼仔, 好鬼多
總知要大或者多

由於叮噹是在2112年9月3日出世,
所以有所謂誕生前100週年記念,
誕生前的記念,
都真係史無前例,
只有叮噹係咁樣,
事實上, 任何人都係好難去慶祝未發生的事,
因為唔知道會唔會真係發生

除了100隻叮噹,
有幾個場景都好藉得睇,
米菲本身不是叮噹的粉絲,
但係叮噹伴著我的童年,
每期海豹叢書出版的叮噹漫畫,
都買來睇,
而相信大家都認同,
最好聽的配音卡通人物聲,
就係叮噹把聲,
所以叮噹其實等同好多人的童年,
而呢幾個場景係:
大雄和靜兒(靜香)結婚的一幕,
大雄坐時光機去探死去的嫲嫲,
大雄和叮噹離別前的晚上,
這些場面都很感人,

之後去左叮噹主題餐廳,
即係博洛尼亞餐廳,
我食左個叮噹漢堡,
係用一個印左叮噹樣o既漢堡加薯條
再放在叮噹碟上, 價值$128, 真係好貴
不過都幾好食,
Cici 就食左份叮噹意粉, 都係$128
我地都訂左叮噹誕生前100週年記念碟,
價值$120,
不過因為喜歡叮噹, 完全是覺得好值

接著就去參觀叮噹博物館(米菲好醒, 已經一早拿了tickets)
裡面有角色人物肖像, 叮噹百寶,
我喜歡叮噹坐者時光機那個像, 好靚
不過個展覽館其實好細,
好快就睇完
D記念品已經一早全部賣晒, 好誇張,
9月3日, 即正日, 會再推出一隻技安杯(胖虎杯),
都係搶手貨, 應該早上十點開門就會賣斷,
不過因為當天要返工, 算吧!

呢兩個週末都變成叮噹日,
在叮噹世界裡, 每個角色都很可愛, 人人期望可達到......
在現實世界裡, 每個人都很複雜, 人人期望不一定達到......
叮噹都提醒我們,
童真或許減退, 但對人對事物那棵純真的心, 不要失去

有關叮噹的結局編,
好像有好多版本, 也不知那個是真

1. 最傷感版本係, 叮噹跟本不存在, 是大雄患了自閉症, 是他自己想像叮噹出來。

2. 較為可信的版本係, 大雄的孫, 派叮噹回來幫大雄,
但後來發覺這樣只會讓大雄依賴下去, 所以叫叮噹離開,
叮噹把這真相告訴大雄, 大雄亦明白接受叮噹離去,
叮噹有百寶電視機可以在未來看大雄的生活, 大雄於是積極生活讓叮噹放心,
呢個結局都幾感人。

3. 米菲最喜歡的版本係, 叮噹和大雄一直生活在一起,
到了一天, 叮噹的電池用完, 而叮噹後備電池在耳朵, 卻被老鼠食了,
如果大雄拿主電池出來換, 叮噹就會失去所有對大雄的記憶,
如果不換, 叮噹就永遠沉睡下去,
最後大雄努力讀書, 找出解決方法,
在大雄按叮噹開關的時候,
叮噹醒來第一句說話是, “大雄, 我等你很久了！”
米菲覺得這個版本最感人了！

告訴你一個秘密, 喜歡玩具的米菲,
也有一隻絕版叮噹figure,
係一隻黃色有耳大叮噹,
黃色係叮噹原來顏色,
有耳係因為未被老鼠咬
呢隻叮噹真係好靚

>>August 30, 2012 at 3:13:47 PM GMT+8