2005 年 10 月 19 日 星期三 【晴】

好攰呀我........

今日天地5個鐘走左去唱k, 12點唱到4點........... 好攰...
劍士叫記低......
candy一人分飾兩角扮聲絕技, 勁!
nicole無啦啦發出d怪聲... =.=""

返到poly上堂先發覺................ 唔見左契班主任送俾我支筆呀... ＞．＜！！！ 朝早上完lab冇攞走, 返上去lab搵又唔見, , lab個看更見我周圍搵就知我唔見左野, 仲幫我手搵... 摷埋先生枱d筆都唔見呀.... ＞．＜！！！　 又唔知枝筆究竟o係邊個位唔見.... 完全搵唔到, 知道邊個位都可以搵吓個枱底呀陰公!! then成堂ISE都好唔開心... 冇心機聽書, 最後好專心咁做COSTING功課

支筆係中四果年契班主任送俾我, 果年music contect, 佢捉左我同orling兩個上台攞禮物俾頒獎嘉賓頒獎,
我仲記得果日好鬼凍... o係後台我同orling兩個每人捉住契班主任一隻手嚟辣佢取暖~
難得的係佢明知我地對手凍冰冰都由得我地辣, 我地仲衰到要出台攞野先肯放手~
同埋我地勁妒忌佢著住件superwarm 加多件衫就暖過我同orling戴哂頸巾同校褸!!!!
d miss唔知係咪有鋪送d自己鍾意的卡通公仔的東西俾學生的癮, 契班主任勁鍾意米奇老鼠, 於是佢就送左一套2枝的米奇老大筆俾我同orling~
一枝blue ball pen, 一枝係鉛芯筆, 不過ball pen早o係一年前已經失左踪.... =.=" 係之後佢知我鍾意叮噹就轉行送叮噹俾我~
依家連剩低的鉛芯筆都唔見埋... 冇計啦 ...ToT... 我自己都有責任.....鬼叫自己大頭蝦咩... ＞．＜！！！

其實我都好唔明, 我成績又唔係特別好, 又唔係特別乖特別叻, maybe係人夾人緣啦~ 佢好鬼鍚我, 成日話我上堂皺眉頭聽書個樣似公仔..... =.="" 中七有次佢見幫賤人點我做野就同我出頭, haha!!!
同埋佢有次跣我, 中七果時個班主任唔俾我地講中文, 要全天候stick to english channel, otherwise就會被罰做presentation,
佢知道我地班有呢條例, 有日排緊隊時佢走嚟同我傾偈... 點知原來我班主任行緊過嚟!! 好彩我無啦啦聽到d同學轉channel啫! 臨走佢仲要笑住話 : 爭d俾我trap到你!! 你小心d我!


如果依家都有個miss係咁好就好lu..............







契班主任不如你再送過俾我呀~~ :p
發完癲啦...




明明同阿中係兩姊妹，點解我地攪到要用ｅ－ｍａｉｌ先溝通到咁攪笑？！
好似好多日冇見阿中啦．．．．
雖然你睇唔到，我都好想多謝你張ｅ　ｃａｒｄ！！
我應承你我一定會努力讀書！！　（好似開左好多張呢類空頭支票：ｐ）

>>October 20, 2005 at 2:03:34 PM GMT+8

2005 年 10 月 17 日 星期一 【晴】

to dell, 咁如果你到我同人一齊行... 唔好hi我呀... 唔係我就俾人鬧架啦.. 鬧死添呀!


原來b law個印藉lecturor... 同我住得咁近...... haha!!
放學見到佢, 劍士問佢住邊, 佢話 : i live in tai wai. I live in XX Garden
then我話: haha! i live so near to you!
佢又問我 : where do you live?
I said: XX Estate, i can see XX Garden from my home actually
he said: I'm sure I can see you home too!

我諗我同佢屋企個露台面對面的.. haha!



唉.... exam 連 23號夜晚都唔放過我.....



>>October 18, 2005 at 2:31:56 PM GMT+8

2005 年 10 月 16 日 星期日 【晴】

to Dell, 今日我真係著粉紅色衫呀, 不過唔係外套呀... 停車場.... 我o係果附近行出嚟啦~ 你真係見到我呀?!?! 咁攪笑?!

今日返工好hea, 不過唔係我問題, 係ginny部腦個harddisk certified左, 冇機用, 用左我果部,
我就過左去用joseph部機, 點知佢部機lock住左開唔到, 又搵唔到佢問有冇野未save, IT果邊又唔敢夾硬logout佢... 最後坐左2個幾鐘等放工~ haha!

上ise 328果堂... d lab做唔掂, 劍士主動過嚟幫拖, 個原因係... 我借左costing份功課佢抄.. =.="
我地互惠互利啫, haha!


>>October 17, 2005 at 12:52:16 PM GMT+8

2005 年 10 月 15 日 星期六 【晴】

又做左一日功課, 坐左成日, 腰都痛埋... ＞．＜！！！　感覺係好似ｏ係ｏｆｆｉｃｅ做野咁．．．不停ｓｅｎｄ　ｅ－ｍａｉｌ，將ｄ　ｆｉｌｅ　ｓｅｎｄ來ｓｅｎｄ去，好攪笑，ｈａｈａ！
終於攪掂ｂｕｓｓ　ｌａｗ，但寫得太長要ｃｕｔ．．．ｃｕｔ完都仲有３版多ｄ，成組加埋唔可以多過８版，變態！８版咁少點寫！



尋晚同表哥仔果家食飯食左海鮮，俾阿媽鬧先知來打完肝炎針要戒口唔食得住．．　：ｐ
算啦，唔食都食左咯．．．


諗緊11月好唔好跟姑姐姑丈同老豆家姐一齊去台灣..............
表哥仔去唔去呢?!...

>>October 16, 2005 at 11:00:07 AM GMT+8

2005 年 10 月 14 日 星期五 【晴】

今日表哥仔佢地嚟，要ｏ係佢地未到時，起勢咁掃功課！！

點知ｃｏｓｔｉｎｇ果份，因為個ｌｅｃｔｕｒｅｒ打錯野的關係，
足足浪費左我一個寶貴的上午！！！可惡！！




ｇａｌｉｌ呀～係囉係囉！ｅｓｔｈｅｒ妹都叫你唔好咁ｃｈｅａｐ呀～～　ｈａｈａｈａ！！！！！！！！！


明明ｅｓｔｈｅｒ細過我，但我成日鍾意叫佢做ｅｓｔｈｅｒ姐，依家佢又叫番我做ｇｉｇｉ妹，真攪野呀我地～

>>October 15, 2005 at 8:14:33 AM GMT+8

2005 年 10 月 13 日 星期四 【晴】

今日返學校打針．．．好痛，痛左個幾２個鐘頭！
打完後手臂腫起左一舊．．．

放學２點半飲茶+極速傾左好多功課，
先嚟我同ｃａｎｄｙ的ｉｓｅ３２８同ｉｓｅ３１８，
再嚟係ｂｕｓ　ｌａｗ成份，
之後再掃ｉｓｅ３２８的另一份，再到ｃｏｍｐ３７３．．．
勁呀！最後攪到５點半先埋單～

>>October 14, 2005 at 2:58:58 PM GMT+8

2005 年 10 月 12 日 星期三 【晴】

今日lunch同esther同galil一齊食，食得好開心，心情都好左．．．
我地由二手碟傾起，玩吓，傾吓，食吓，眨吓眼就過左一個鐘ｌｕ！
多謝你地！下次去ｆｏｏｄｃｏｕｒｔ再食過！ｇａｌｉｌ你爭我果１０蚊我會由今日起計你息～每日一厘～嘻嘻～～

>>October 13, 2005 at 1:50:20 PM GMT+8

2005 年 10 月 11 日 星期二 【晴】

明白對人失望的感覺．．．

我對阿大失望，因為我真係諗唔明，尋日又諗左好耐，但都諗唔到一個原因去ｃｏｎｖｉｎｃｅ點解佢唔俾！

我對媽咪更加失望！究竟佢係咪又有咩苦衷？點解佢明知我恨左咁多年ｏ既野終於實現到，佢就因為怕左阿大而叫我地算數？我真係好諗唔明！

我一路都覺得媽咪係講道理，明是非的，但今次件事話到俾我知原來唔係！同我由細到大的印象完全相反．．．．．．．．．．．．．．好難受！

以前成日玩住咁同人講話：我真係對你好失望呀！
但今次我真係明白對人失望的感覺！
對象係家人，更加難受！

呢幾日都好想大喊一場發洩左佢出薄A但喊唔出．．．．．．．
夜晚同紫樺食飯，唔知佢係有意定無意咁講左好多『催淚』的說話，
我亦都喊左出嚟，依家舒服好多．．．．．．．．

多謝ｊｕｌｉｕｓ，ｎｉｃｏｌｅ，紫樺同表哥仔，你地對我講的每一句說話都對我好重要！是真的！


>>October 12, 2005 at 3:12:52 PM GMT+8

2005 年 10 月 10 日 星期一 【晴】

『媽媽為了息事寧人勸我放棄部電子琴，我拒絕了因為姐姐的理由並不充分；她轉移叫我打電話給姐姐，告訴她我真的很想要這部琴，以她口硬心軟的性格，或許會應允我。』
COPY FROM 阿中日記.........



好失望, 阿媽竟然係咁, 叫我地放棄...
點解要幫住阿大啫?!

其實由細到大, 我都知道父母係偏心的, 但我都冇介意過,
阿大廿歲未夠就出嚟做幫手養家, 鍚佢多d都無可厚非, 屋企D野有時都由佢話事...
阿中由細讀書都好叻, 值得鍚都唔出奇,
我又冇幫到屋企, 讀書又唔叻, 我都明白父母點解會咁~ 我都接受到!

但今次我真係好唔明,
阿大所謂的"理由"根本就唔係一個"理由",
點解阿媽仲咁盲目去support佢?! 簡直係斬腳趾避沙蟲...
抓爆頭都諗唔明!
天下又一奇案






多謝紫樺尋晚又俾我拉左出去食水聽我呻...
我又唔明啦....
點解落單姐姐話芒果唔當造唔甜所以冇芒果豆腐花
但紫樺叫芒果pancake囉就有囉........... ???


表哥仔，多謝你！
我地要繼續互相支持．．．．



>>October 11, 2005 at 10:58:08 AM GMT+8

2005 年 10 月 9 日 星期日 【晴】

一睇到阿中個日記，即刻眼濕濕．．．

唔開心係因為覺得為左我部琴而攪成咁，我又唔可以好偉大咁話放棄部琴，我真係唔捨得！

勁唔開心之下，都冇心機做野，好想搵陪我傾偈，最後要ｊｕｌｉｕｓ都唔放過，佢覺得，依家要做的唔係放棄部琴，而係改變阿大個態度．．．話就易，真係好難．．．

到下午見到阿中ｏｎｌｉｎｅ，我問佢部琴點，佢話聽日送，叫我唔好ｏ係阿大面前提，佢話"Don't want to argue again"，同埋"You can come secretly in the future"，一睇到呢兩句我ｄ眼淚又忍唔住流落嚟．．．

如果可以的話，我真係好想借叮噹一件法寶，係一個頭盔，帶左就知人地點諗，可以俾我了解下阿大究竟點解會咁，係咪有咩特別原因所以佢要咁做，我真係好想知．．．

尋晚我亦諗過好多原因去為佢解釋，
係因為佢唔想阿中負擔重左？但唔係呀，部琴唔駛錢架喎！
真係唔想嘈住人？電子琴嚟架，有得較細聲架！
抑或，佢係想打擊下我，唔俾我咁容易得到我想要的東西？我條路雖然唔算崎嶇，有時吃過苦冇話你知就唔代表我順風順水囉！
又會唔會你根本唔鍾意我彈琴？你怕我掛住彈琴唔溫書？我都咁大個啦，我識分輕重喎！

我唔覺得今晚再講起會有咩進展，我都唔想再嘈落去，嘈都冇意思！


>>October 10, 2005 at 9:04:42 AM GMT+8