2006 年 1 月 4 日 星期三 【晴】

尋晚喊左好耐先訓, 攪到今日阿媽食完早餐上嚟我都未起身!

o係銀行排隊排到傻... 爆多人!!!

上中中屋企彈左陣琴, 搵番少少自信, 終於都有d野我係做到!!



>>January 5, 2006 at 12:11:51 PM GMT+8

2006 年 1 月 3 日 星期二 【晴】

唱完k lunch同candy行街, 行左好耐好攰, 最後坐低傾左成個鐘頭偈~ 又諗下個goodbye party有咩攪好~~ hehe~~

行行下見candy企定左o係度, 以為佢到d咩, 點知原來佢係企定o係度"打喊露".. 真係吹脹!!
(candy唔好爆笑呀唔該!)

行到第三期見到教我地GE果個 lecturer同佢太太行街買bb野, 我地無聊到坐o係間shop門口d chair o係度睇清楚係咪佢.....




明唔明咩叫腦交戰呀? 我明呀! 我個腦日日都同昨日的自己打扙!! 日日諗法都唔同!


>>January 4, 2006 at 12:20:23 PM GMT+8

2006 年 1 月 2 日 星期一 【晴】

dinner時睇電視，個ｔｈｅｍｅ係『影子計劃』，即係俾ｄ學生去跟人返一日工～

有個跟HR manager，最後呢個manager話個女仔食飯時唔出聲，冇交流！
其實我都係咁，撇開熟唔熟呢個原因，我食飯唔出聲係因為ｄ人通常連食飯的話題都離不開工作上的事，莫講話呢個女仔做左一日都未夠呀，我做左咁耐都講唔到啦！
ｏ係ｏｆｆｉｃｅ我都好少出聲，係因為有時有ｄ野根本唔知我聽唔聽得！


今日成日都好有決心要走！！
呢幾日都掙扎過不如留條後路話未必個個星期都返，
唔知點解今日感覺好強烈，好想走！
唔想再繼續做人地眼中『乜都唔識、乜都唔知』的同事！


>>January 3, 2006 at 12:35:42 PM GMT+8

2006 年 1 月 1 日 星期日 【晴】

補鑊先：
ｃａｎｄｙ，其實逢星期三同你由朝對到晚再食埋飯，好鬼開心架！！！不知幾榮幸添呀！！！！！！！


今日阿ｋｉｕ送生日禮物俾我～係一隻杯～
記得幾年之前佢去歐洲都買過隻杯俾我，好靚架隻杯！！！！我勁鍾意！
可惜有日家姐洗野時打爛左！．．．．
到今次，佢再夠膽又打爛阿ｋｉｕ送俾我隻杯，睇下我打唔打爛佢個頭！！！


>>January 2, 2006 at 12:08:17 PM GMT+8

2005 年 12 月 31 日 星期六 【晴】

happy new year!!~


前日同7姑姐飲茶，大人傾偈，我就同表弟表妹走左落去影相，
影相時見到佢地兩個笑得好開心～
我地仲ｏ係條扶手電梯度走上走落左幾轉，好彩時間尚早冇俾人話！
感覺係好想盡我所能去令佢兩個開心ｄ！
我攞住個電話同佢地自拍合照果時ｆｅｅｌ到佢地其實好需要有人咁樣陪佢地玩，陪佢地周圍走周圍去～
好想可以耐唔耐就咁樣陪下佢地．．．因為有ｄ事對佢地好唔ｆａｉｒ！
希望你地兩兄妹今年都繼續咁開心！！




屈左表哥仔一句靚女～
簡直係趁火打劫～


>>January 1, 2006 at 10:41:54 AM GMT+8

2005 年 12 月 30 日 星期五 【晴】

又年尾, 是時候做大事回顧....

今年都不錯.........

首先學校方面, 發覺與candy越來越夾~
特別在剛過去的學期內, 我們的timetable因為人為地掉至一模一樣,
每星期三由朝見到晚，又會一起食飯, 放學我們又一起搭火車走，與她相處的時間的確是最多
她是一個很攪笑的人！試過她想跟我說一件事，由火車未到旺角站開始講，但一路都只說著周遭無關痛癢的事，到火車快到九龍塘站才說到正題，就是簡單的一句：『我明天帶給你看！』
其實每次與candy, nicole及劍士4人一起食飯我都會覺得好開心~
因為我們都沒有機心，可以很坦白地傾偈，感覺會好好～
我都想講一句（唔記得邊個講起先～係咪nicole呢？）：我都好鍾意同你地玩玩架！！
以前我會怕與同學相處不來，但現在看來不用ｗｏｒｒｙ了～～～～


今年暑假又給我誤打誤撞的進入了一間都不錯的公司，
簽下的兩個月合約很快便到期，desmond出面幫我爭取我現在這個part-time clerk職位～
其實他們都對我算不錯了，雖然初時的確有些不開心的事發生過，
但轉頭想想，算吧啦！
這份工令我學識及明白出來做事要對自己有信心，不可給人拋下大下就以為自己真的做漏或做錯東西！學識這道理的原因當然是我的親身經驗啦！
到現在，例如出每一份單，整個過程我都會刻意記下每個步驟我做過些什麼，到有人來問時，我都可以肯定地答他：我有這樣做過！
剛開始做的時候每次有人問，就算心裡知道是做了，但還是覺得ｃｈｅｃｋ一下比較安樂，往往便浪費了很多時間，而且就算你真的有做，別人都會覺得你是在補鑊！～
這個ｏｆｆｉｃｅ給我最深印象的是經常性的『空城計』，過了十時還可以是全層得三個人在工作！
第二是ｓａｌｅｓ們的ｆｒｅｅ　ｌｕｎｃｈ，到現在都一樣，每次與他們食ｌｕｎｃｈ，總會是他們結帳，簡接直接地我慳了不少錢！雖然不知道你們這樣做，是因為覺得我人工少還是其他，但還是要多謝你們的ｆｒｅｅ　ｌｕｎｃｈ！！你們口中的這個『唯一能給我的福利』很特別！
還有的是ｄｅｓｍｏｎｄ，吃了他很多東西，有布袋澳ｌｕｎｃｈ及龍蝦ｌｕｎｃｈ，雖然經常玩我．．．依家每次用隻iPod都會想起他～真大手筆！
ｇｉｎｎｙ有時都為飄忽，一時她可以與你無所不談，一時又可以靜得烏蠅飛過都到聲音，但每當公司有什麼活動，她都會想我出席，好像ａｎｎｕａｌ　ｄｉｎｎｅｒ，我自己都知我有份，但當時想既然我都不會去，便索性不提，最後她竟然問ＨＲ我有沒有份！之後再打給我叫我去，我仲以為她是想推我出去俾人玩，但坐了一晚，要上台給人玩的還是她親身上陣！她想我去，只是因為有獎抽！ =.=''
整個ｓｅｍ１都在返工返學中忙著，沒有想像中一般辛苦，但犧牲的可能是成績（真係有ｄ擔心！！）


年中個ｂｂｑ，好開心，開心是因見到好多人，同埋有禮物～
禮物係阿姐買的，到現在為止只用了兩張．．．．．．．．
第一次見版主、大夫、ｊａｎｅｔ、ｅｓｔｈｅｒ、ｇａｌｉｌ等等等等．．．．
印象中版主很和善及很會攪氣氛～
每叫我一次鬼靈精，感到都會好特別，這個名見過了一年，看就看得多，聽的還是第一次～
ｂｂｑ後與ｅｓｔｈｅｒ及ｇａｌｉｌ久不久便相約食ｌｕｎｃｈ，出奇的是我們的話題不是只環繞在阿姐身上～
ｂｂｑ後一直都沒有再見大夫，直到他１２月到ｐｏｌｙ影相先再見他及ｊａｎｅｔ，
與ｊａｎｅｔ食的那餐飯都幾開心，之前其實都擔心過那餐飯會不會很靜，幸好不是～
那次是我第一次與ｊａｎｅｔ單獨相處，最後話題竟比跟ｇｉｎｎｙ的更多～
不過覺得佢有ｄ奸．．．．．因為她趁我手上拿著一本很厚很重的書，拿不到錢的時候給我付了錢！！
希望有機會再見你們～

不幸事件又好像沒什麼．．．
除了跌了手提，都好像沒什麼特別了．．．
身體方面，把這個拉鋸了幾年的病看作成『風土病』會好過些～
即是一些正常情況下會發生的病～　哈哈！！！
要多謝candy每次見到有西蘭花都會貢獻給我食～其實她是喜歡吃的，但都讓了給我．．．

多謝表哥仔每次出街都係俾我糟質（客氣先話我糟質你，事實．．．．．．．．．）
多謝紫樺在我每次嬲得快要噴火的時候給我一個滅火筒！



今年的第一次．．．
１．靠自己搵工
２．去公司的ａｎｎｕａｌ　ｄｉｎｎｅｒ
３．返工計的是月薪，有自己的枱，ｕｓｅｒ　ｌｏｇｉｎ　ａｃｃｏｕｎｔ．．．．．．
４．收到一張寫的名的紅色炸彈
５．收到一份由一個我冇諗過會送禮物俾我的人送出的禮物（呢句好複雜！英文嚟多次：It is the first time I received a gift from the sender who is the person I have never imagine！好唔好ｄ？？）
６．第一次返工返學
７．企上ｌｅｃｔｕｒｅ　ｔｈｅａｔｈｅｒ的台上（給ｍｏｎｏ點了我們組上台看我們的ｄｒｅｓｓ　ｃｏｄｅ　=.=" ）
８．第一次感到家人相信我已經長大！



>>December 31, 2005 at 9:37:43 AM GMT+8

2005 年 12 月 29 日 星期四 【晴】

思想鬥爭左幾個鐘頭先夠膽send一句msn問ginny野.... =.=''
可見真係同佢唔啱傾!


諗左幾個星期, 呢幾日決定過埋農曆新年就辭職, 做埋過年只係因為過時過節係會好忙好多單,
所以打算幫埋新年, 之後就唔做, 專心讀書...
今日同阿媽講呢件事, 佢當然話好, 只係因為佢覺得我已經諗好左, 唔想干涉我...
尋日諗住食飯同ginny講, 但點知咁多人一齊食又講唔到...
睇吓下星期有冇機會同佢單獨食飯傾下啦...
其實下個sem 的 timetable出左架啦, 唔掉時間都返到工, 只係想專心d讀書....
諗緊... 點開口講好呢?! 只係怕佢連一日都殺, 就真係唔知點推...
一陣佢又掟埋我入desmond房, 2個圍攻我一個, 講講吓我又心軟....
嗯... 點都係有d唔捨得d錢架啦講真, 但諗下, 錢都夠我生活啦, 都ok啦, 係咪應該俾心機讀好d書先呢?!
sem 1成績好似真係麻麻, 唔多唔少都同應該我返工有關...
每次到我溫書、考試, 見到d野唔多識果時我就諗 : 係咪應該要辭職呢?!
係唔撈就早早地同ginny講左先啦要....................

>>December 30, 2005 at 7:52:41 AM GMT+8

2005 年 12 月 27 日 星期二 【雷雨】

尋晚同candy, 劍士and nicole打邊爐,
我地繼續問責制地買野食, 所以我都買的食物都食得唒, 一d都冇淨低!!
佢地送左生日禮物俾我~ 其中一個係我舊年想買的叮噹立體揮春, 但最後我冇買到~~
仲一個扣o係電話的公仔, 佢地話扣大舊d的東西在電話以防我又跌電話, 咁大舊野警覺性會高d~

我地又係上到nicole屋企乜冇都唔做, 由得劍士o係廚房洗菜整野,
我地3個女仔就o係出面 "講是非", 同埋開枱and倒野俾自己飲~ 劍士果份仲要係佢洗好野出嚟先自己倒嚟飲~ haha!!
可憐的劍士最後仲要洗埋碗先走~

走的時候nicole送我去搭小巴, 架小巴..... ...... ...... ...... 原來行經好多年前撞車果條路....
一轉到入去我就認得... 雖然睇唔到間馬會, 但果個以前係補習社的轉角位我仲好認得...
好心寒呀真係!! 　　 \\．~．// !!　仲要在晚上先經過... 仲驚!!!
其實撞車撞左咁多年, 都9年啦有!
一直以來都冇再踏足過果條路, 只係有時去表哥仔屋企時搭車會離遠咁望到果個位, 其實都望唔到的, 只係望到果條路, exactly個位係睇唔到架!
但今次真係俾架小巴殺我一個措手不及, 俾佢嚇親!!!

>>December 28, 2005 at 9:13:38 AM GMT+8

2005 年 12 月 25 日 星期日 【晴】


今日第一次玩數獨~ 竟然俾我玩到, 不過我玩的應該係一個最簡單的version~
玩完仲send左去apple daily, 睇下有冇獎~~


>>December 26, 2005 at 10:27:56 AM GMT+8