2005 年 11 月 9 日 星期三 【晴】

表哥仔~ 生日快樂呀!!!!! 祝你同阿mi日日都咁開心呀~~

其實都係今日上網睇到d人同版主講生日快樂我先知今日係10號...
成日以為係8、9號...


做做吓野ginny話... 原來我唔知幾時將寄去公司A的invoice寄錯左去公司B....
記得我第一日入MC FOUNDER返工, Ginny已經assign左呢個task俾我,
我每日就係由system generate番有咩單出過, 我就對番我手上疊invoice嚟記低收到and寄出的日期,
再跟公司分番開d單去寄出...
我諗我梗係入信封時入錯啦...........
雖然ginny冇話我, 只係叫我小心d...
但好唔安樂...
最後今日放工做到6點9, 但我填log sheet填到6點半only...
良心上好過d......



saiman話同我食lunch..好後悔.. 唔應該去..
一來, 一枱4個人, ralph同joseph都食煙, lunch後喉嚨開始好痛...
二來... 食左saiman餐飯, 代價係下午要o係短短2個幾鐘內出60幾張單...
無啦啦聽到佢話 : send左俾你啦gigi!
我仲以為佢同佢地成日講果個gigi tsang講電話,
點知一開我e-mail... 乃野啦今鋪.........
60幾單出好, print2份, 其中一張整隻"copy"印, 再分番俾幾個sales...
咪玩啦大佬!....... 60幾張單ar..
有冇d efficient的d方法呀?!
IT部同事唔該寫d system可以自己gen單呀!


劍士同nicole下個sem exchange走啦....
得番我同candy 2條友相依為命.....

>>November 10, 2005 at 2:51:05 PM GMT+8

2005 年 11 月 8 日 星期二 【晴】

ｔｏ　ｎｉｃｏｌｅ，你要問ｃａｎｄｙ啦咁～佢演繹得傳神ｄ～～呵呵～


今日ｏ係ｐｏｌｙ撞見到多陳楷人，見到晨操，ｍｏｎｋｅｙ，７ｂ個ｘｘ揚同學（費事開人全名）同ｘｘ迪同學．．．好鬼勁～


lunch時飲凍檸茶，到我食完野想篤檸檬時發覺．．．．．．．．．．．．．．．．．．．．．．杯野入面竟然一片檸檬都冇．．．


發ｕｐ癲地諗左好多ｃｏｍｐ個ｐｒｏｊｅｃｔ的『屎橋』，包括整唔到ｌｏｇｉｎ　ｆｕｎｃｔｉｏｎ就是但整２個ｔｅｘｔ　ｂｏｘ扮ｌｏｇｉｎ　ｎａｍｅ同ｐａｓｓｗｏｒｄ，同一粒有ｈｙｐｅｒｌｉｎｋ的ｂｕｔｔｏｎ，到ｄｅｍ的時候就是但打野入ｌｏｇｉｎ　ｎａｍｅ同ｐａｓｓｗｏｒｄ個ｔｅｘｔ　ｂｏｘ，ｃｌｉｎｋ個ｂｕｔｔｏｎ　ｌｉｎｋ入一版預先整好的『扮ｌｏｇｉｎ　ｐａｇｅ』～
又或者整個ｌｏｇｉｎ　ｆｕｎｃｔｉｚｏｎ係入任何ｐａｓｓｗｏｒｄ都入到的～以瞞天過海～
俾劍士話：你咪當ｒａｙｍｏｎｄ　ｌｅｅ傻先得架！一陣佢話要自己試你就乃野啦！
我話：咁咪話佢咁勁一估就估中個ｐａｓｓｗｏｒｄ囉～～　　：ｐ笑到死左～～


搭火車途中，多得ｃａｎｄｙ，ｈｋ多了兩個渡假營，一個叫『鯉魚門夫人渡假村』，另一個叫『利孝和夫人渡假村』

>>November 9, 2005 at 3:05:58 PM GMT+8

2005 年 11 月 7 日 星期一 【晴】

一個變態的ｈｒｍ　ｐｒｅｓｅｎｔ．．．ｄｅｍ都冇ｄｅｍ就去．．．

>>November 8, 2005 at 10:55:46 AM GMT+8

2005 年 11 月 6 日 星期日 【晴】

每次返工一做到入ｓａｌｅｓ　ｒｅｐｏｒｔ呢ｐａｒｔ就覺得係時候要認真諗吓幾時辭職，其實冇咩特別事發生，只係覺得做來做去都係果３大類工作
１．寄單
２．入ｓａｌｅｓ　ｒｅｐｏｒｔ
３．ｆｉｌｉｎｇ
工作單調+沉悶．．．　但楂頸就命，最後都係繼續忍受呢堆ｄａｔａ，做呢項完全唔ｅｆｆｉｃｉｅｎｔ的工作，
最諷刺的是，這項完全不ｅｆｆｉｅｉｅｎｔ的工作，竟然由一個讀緊ｅｎｔｅｒｐｒｉｓｅ　ｅｎｇｉｎｅｅｒｉｎｇ的人來做！！
繼而就會想到，我性格跟本唔適合讀ｅｎｔｅｒｐｒｉｓｅ　ｅｎｇｉｎｅｅｒｉｎｇ，
我太冇主見，對任何事都冇乜意見，煮到嚟就食，又對自己太冇信心，就算俾我諗到一個ｗｏｒｋａｂｌｅ的ｒｅ－ｅｇｎｇｉｎｅｅｒｉｎｇ　的ｓｏｌｕｔｉｏｎ，我都唔會有信心去ｉｍｐｌｅｍｅｎｔ個ｐｌａｎ ~總覺得別人個ｐｌａｎ會比我的好～

問題：
１．點解同ｇｉｎｎｙ相處左咁耐，都仲有咁ｗｉｄｅ的ｇａｐ？！以前新世界時代，以至ｋｕｍｏｎ時代，同ｅｌｌｉｅ、ｂｏｎｎｉｅ及ｅｓｔｈｅｒ可以無所不談，相處得好開心，日日一齊食飯，好開心，但同ｇｉｎｎｙ就梗係覺得好似點都同佢有距離，講野就住就住．．．

２．究竟讀完出嚟點好呢？！


>>November 7, 2005 at 12:54:44 PM GMT+8

2005 年 11 月 5 日 星期六 【晴】

sissy.... 原來你一直都搵緊原因點留唔到言呀?!... 真係感動啦.. ToT...

5點幾時眼訓得滯唔覺意訓著左，訓訓吓阿大衝過嚟問我表哥仔讀７ａ定７ｂ班，
原來佢ｏ佢舊校個網頁睇到有班相，於是就問我佢讀邊班，
我一睇就知７ｂ企高中間果個咪係囉！！
ｈａｈａ！
之後我自己繼續睇，睇到表哥仔細個張相，好攪笑！
個頭點知會歪左？！
阿大一見到就話：嘩！矇豬燊呀！！
見到張相又諗起樣野～
似去９姑姐屋企，我地幾個細路ｏ係度玩紅綠燈，
因為我唔小心的緣故而令唔知佢定我輸左要受罰，
表哥仔講左句：男人大丈夫，願賭服輸！
果個ｍｏｍｅｎｔ覺得表哥仔好型，ｈａｈａ！
但果時我諗我地１０歲左右啦．．．．．　咁就男人大丈夫啦？！
咁佢依家咪係阿伯？！～　

>>November 6, 2005 at 10:40:03 AM GMT+8

2005 年 11 月 4 日 星期五 【晴】

今日返工，一見到疊高達兩吋幾的單就頭痕．．．個幾星期冇返過工的後果！
開ｅ－ｍａｉｌ　想ｄｌ番個ｆｉｌｅ用，ｌｏｇｉｎ極都ｌｏｇｉｎ唔到，原來我個ａｃｃｏｕｎｔ又ｅｘｐｉｒｅ左．．．．．．．．乜事呀依家．．．又ｅｘｐｉｒｅ我！想炒我咪出囉！：ｐ
咁算啦，做住先啦，部ｎｏｔｅｂｏｏｋ．．．無啦啦ｈａｎｇ左．．．一ｈａｎｇ就成個鐘都唔郁，幾經辛苦先搵到個制ｒｅｂｏｏｔ部機．．．跟住ＩＴ又同我ａｃｔｕｉｖａｔｅ番個ａｃｃｏｕｎｔ先做到野．．．

同家姐食完飯一齊行觀塘廣場，見到隻歸來吧同心就要飛了ｃｄ．．．好想要，但家姐又話貴話唔好買．．．．
難得見到有心要飛了，搵日自己過去買先得．．．雖則我都覺得貴左ｄ．．．唔准同我爭呀！！！

>>November 5, 2005 at 11:59:23 AM GMT+8

2005 年 11 月 3 日 星期四 【晴】

今朝傾b law都ok順利，大家準備過先傾果然唔同ｄ！

返學途中買左本雜誌．．．
係尋晚大夫話我知東方新地有慧嫻睇，

好似覺得，呢幾日心情都唔好，買嚟睇吓陳慧嫻心情可能會好ｄ．．．
又係俾人影到去shopping買gucci, 好攪笑~
下次抽獎可能版主會用gucci........................ 紙袋裝野俾我地
明知係得一段仔但我都買，比著平時一定唔會咁做．．．

尋日講起報exchange, 劍士問點解我唔報,
其實我都有少少想去, 我想去第二度睇吓呢世界~
但無奈屋企一定唔support,
呢個願望要等我出嚟做野賺夠錢先可以實現...

放學上阿中屋企彈琴......
唔係好習慣個keybroad咁樣, 習慣鋼琴形多d


>>November 4, 2005 at 1:57:43 PM GMT+8

2005 年 11 月 2 日 星期三 【晴】

TO YIU, 唔駛多謝~ 我性格比較八掛..........




!!!!!!!!!!!!!!!!!!!!!!! costing mid-term test得21題咋!
吔蕉啦! 鋪鋪都係咁! 俾心機溫果d科就結果得桔! 都唔係第一次啦! 想點呀依家!
份卷d題目差不多一半係同exercise一樣, 我梗係又背番個錯o既答案落去啦!
火都嚟呀真係!!!!!!!!!
呢幾日心情唔好, 咪激嬲我呀!

又諗起geog.............


>>November 3, 2005 at 2:51:44 PM GMT+8

2005 年 11 月 1 日 星期二 【晴】

返到屋企已經好攰，仲要俾人單單打打．．．真慘．．．．
點解明知我係做功課都咁對我?! 係咪要我抱放棄態度你先安樂？！
估唔到連你地都咁樣．．．
你係咪當我返學係玩唔聽書？！
多謝你又俾機會我對你再失望多ｄ！！我對你認識又深左！　

>>November 2, 2005 at 3:59:40 PM GMT+8

2005 年 10 月 31 日 星期一 【晴】

尋晚同家姐們食飯，３姊妹撐枱腳食ｐｉｚｚａ，食得好開心，好想永遠這樣！
希望唔好有野掂到佢地心入面條刺，我好想我地３個永遠都好似尋晚餐飯咁，
２個家姐都對我好重要！

我想同阿媽講，可唔可以唔好再用我同阿中比較？！


終於都過哂mid-term test, 輕鬆左好多...

>>November 1, 2005 at 12:49:53 PM GMT+8