2006 年 1 月 15 日 星期日 【晴】

to esther, 咁靠你啦！！！唔到最平都唔好罷休呀！！　ｈａｈａｈａ！！！

今日返工，同ginny share左份早餐，因為成份三文治我食唔哂，佢又係咁，所以我地share食係啱啱好～～
好耐冇食過芝士碎蛋三文治啦！！超美味呀！！！！！！！

原來上星期Ginny『訛稱』要exam所以 leave 左3日，事實上佢去左上海玩，
今日我一返到去仲俾手信我～係北京烤鴨味的百力滋，仲有其他特別口味的，ｅｇ魚翅、四川麻辣、荔枝．．．．
仲叫我唔好話俾其他人知～　噓！！！
唔怪之得打極佢手提都唔接啦!...

lunch 時同ginny搭life上apm5樓食野, 一入lift我就見到有個女仔好似羅敏莊!
lift好迫人, 迫迫下變左我同羅敏莊拍住企埋一齊! 原來佢都幾高!
ginny又講緊電話, 到羅敏莊出lift我同ginny講 : 羅敏莊呀!
ginny話:真係呀? 我仲以為係個樣似添! 冇諗過佢咁大搖大擺咁行出嚟, 仲咁大聲o係部ift度叫"借借"!! 我有次o係西貢d supermarket度見過佢一次架啦!
食完野想走的時候ginny見到有間野賣hello kitty的精品, 佢即刻話要入去睇,
點知, 又見到企o係錢個counter度...... 又係羅敏莊!!!
ginny細細聲話: 唔怪得知佢咁大搖大擺咁啦! 原來o係度開鋪!
睇左一陣, 又聽到有個人嚟, 望下... 原來係杜文惠!!!
早知問下杜文惠幾時又請阿姐上去唱英文歌啦~!! hahaha!!!!!!!!
返到office做做下野, ginny話:......... 我都係決定買黑色果個hello kitty筆袋啦!!
果時都4點幾5點.... 原來佢仲諗住個筆袋 =.="

放工等車時又見到上次話我果個又肥又矮腳又短個死肥婆！！！
佢又排我後面，抵佢死！！想追車但追唔切～心都涼哂～～

尋晚睇克勤攞男歌手獎，好正呀！！！！！！！！

收到封好攪笑的ｅｍａｉｌ，爭d以為係junk mail delete左佢 =.="
但最後諗就算有事, 公司d firewall都應該會擋左先去開嚟睇...........
究竟幾時講架呢？點解我好似聽唔到ｏ既？！？！
唔通我發緊夢？　

>>January 16, 2006 at 2:10:01 PM GMT+8

2006 年 1 月 14 日 星期六 【晴】

to esther~ 係呀!! galil話dvd同cd先有埋對白架咋! 仲諗住睇下佢點遺憾法添!! 我都想買過隻dvd~ :p 一齊買會唔會平d呢?!?!~~ haha!!!!!!!


尋晚樓下火燭....
好多人出哂嚟睇...


勁大煙, d煙仲要好快就攻到上嚟...


由初時的白煙燒燒下變黑煙 =.="


初時以為係d單車著火, 老豆即刻落去睇佢架單車, 結果d火救熄左, d煙都散哂, 消防先到 =.=''



同啱啱到左芬蘭的阿銘msn左陣..... nicole要再夜少少先到,
katherine, nicole, 銘, candy同我, 我同一組5個人, 分散哂o係地球上3個不同地方!!
祝大家都開學大吉!! 我地繼續email攻勢keep in touch!!!!!~


>>January 17, 2006 at 7:17:53 AM GMT+8

2006 年 1 月 13 日 星期五 【晴】

靚唔靚呀???
整左成下晝架啦!!!~~
成張都係我用小畫家整架!!!!

搵番少少art的天份出嚟, 不過對讀art的galil嚟講就................. =.=""
將就下啦.....hahaha!!!!!!!!!!!!!!!!

d相係我摷番收埋籠底果d出嚟, d相都係o係d好難忘的場合之下影的~
都幾難搵相... 因為要搵d影得我靚的... hahaha!!


朝早睇左尋日買隻VCD....原來cut哂講野架陰公!!!!
galil話dvd同cd先有咋!!
但orchestra d音樂係唔同d, 正d!! 唔值得睇都值得聽!!!!

>>January 14, 2006 at 3:05:02 PM GMT+8

2006 年 1 月 12 日 星期四 【晴】

今日返工又係hea過, 繼續填顏色..... 4個鐘頭都幾難捱...
warehouse果邊話尋日d貨冇imei information, joseph嚟問我攞, 我都冇.... 應該係HP晨早就俾左ginny, 唔關呢幾日事.... 最後要call ginny, 點知佢又唔聽電話, 尋日又係咁, 但saiman call就聽! 都唔知佢想點 =.="
到我2點放工, apple都仲未send到email俾我... 激死!!!

開始明白點解佢地咁憎vendor的contact person,
記得有一次full team食飯, o係酒樓食的~
食食下desmond見到一個男人, 佢就ok大聲咁同d sales講話 : 喂! 睇下!! 果個咪係HP條xx (兒童不宜) !!!
跟住幾個sales就一齊向同一方向望, 勁爆笑! 個人都feel到自己俾人望住!
之後我地話: 你係都唔好咁大聲啦! 仲要咁多人一齊望過去!!
之後desmond話: 我記得佢呀! 佢日摸身摸勢! 有次annual dinner, 佢伸手嚟摸我喎! 我咪話傾就傾, 唔好郁手!! 就算佢係女呀, 都要靚先好嚟呀!!
XD~


今日先pass到張出糧張log sheet俾HR, ceci笑住問我係咪好唔等錢使, 12月過左咁耐先俾佢地,
我都想快d, 但鬼叫老闆成日leave左咩!!


放工返poly, 有幾個purpose, 主要係幫賤人攞書, 賤人著西裝都唔認得佢 =.="
去開下劍士個locker係咪流(証明係堅的~),
同埋同candy同劍士飲tea茶~ 最後由細路女candy請客~
不過我同劍士禮尚往來, 一齊精神上、行動上同金錢上支持佢去appeal, 你睇下我地對你幾好!!!! 係咪好感動呢~ hehehe~~
我地周圍走, 去完library上cf401, 再去7仔隔離, 再去m core, 又走返去恆生, 再上番department....
嗯嗯! 講左好多野, 笑到冇乜停過咁滯 =.=" 咁笑法原來都幾攰 !!
最後攪到monday晚個goodbye party後又見多次2個主角,
經典的係nicole同candy講話:見到你個同學....
但其實佢講果個係我地同班同學, 佢講到好似唔識人地咁... 恐妨半年後佢返嚟會連我地都唔識得! 灰...
今次真係bye bye啦!! 保重啦!!!! 阿銘你記得照顧nicole啦!! Nicole, 唔好亂煲湯呀!!


返屋企前去左新城市買左份小禮物俾慰勞下自己~ haha!!
但原來冇對白的... =.=" 少少失望.....


>>January 13, 2006 at 12:53:32 PM GMT+8

2006 年 1 月 11 日 星期三 【晴】

to galil, 嗯！最早交罰抄係你，抵獎你今日打包ｄ炒麵同蘿蔔糕拎走！！


終於都出result啦...


情況比我想像中好...
仲以為internet application要re-take.... 點知有個b+, 要還神....
上個SEM GE的手尾pass番, 安樂哂!!
b law ok有信心但得c+, 但算啦, overall咁睇會開心d~
GPA再次過到3好開心~~





lunch同galil同esther食, 勁飽.................
下午返到office又係冇野做, 於是就攞上午print的那份琴譜出來填顏色,
俾我搵到"我心不死"份譜, 睇落應該可以彈到......我估.....
因為print出來的效果不太好, 好矇....　矇得好交關, 要逐bar數住....
用返工時間做呢d私人野, 我都唔係第一次架啦.........

同sissy玩msn, 佢話佢鍾意我寫d日記~ haha!!! 聽到都幾開心架~~~~
應該係由考完第二次a-level後開始寫, 當初的目的只是"人有我有",
第一次睇人地的日記應該係charlotte的~果時佢成日寫低我地上geog堂d野, 好好笑, 攪到miss wong又想睇埋一份咁~
所以我想有一個地方把自己每天的事記下,
到寫得咁上下數目的日記, 偶然睇番過往記下的事原來都幾特別~
有時睇番有D得意好笑的事, 又會再諗起當時的情境~　　

>>January 17, 2006 at 7:18:15 AM GMT+8

2006 年 1 月 10 日 星期二 【晴】

ｔｏ　ｓｉｓｓｙ，火星人平均幾耐先巡到嚟地球一次呀？！～

今日開始ginny放3日假，得我一個頂住先，其實我都做唔到ｄ乜～
一返到嚟就拉左ｇｉｎｎｙ個電話放我度～係佢尋日話條電話線長左，唔駛我成日專登走去聽～

ｇｉｎｎｙ教左我做ｕｐｄａｔｅ　ｉｎｃｏｍｉｎｇ　ｓｔｏｃｋ　ｎｏｔｉｃｅ，到ｌｕｎｃｈ前就收到ｍａｉｌ話有貨入，正想ｓｅｎｄ　ｎｏｔｉｃｅ時發覺封ｍａｉｌ冇咁個ＰＯ＃！爭扎左好耐究竟好唔好照踩照ｓｅｎｄ！
其實ｇｉｎｎｙ都唔放心，ｌｅａｖｅ左都上網ｃｈｅｃｋ公司個ｅ－ｍａｉｌ搵人整番果個ｉｎｆｏｒｍａｔｉｏｎ出嚟～好彩我未ｓｅｎｄ　ｎｏｔｉｃｅ啫～～～
呼．．．．．．
最後到５點幾，ｉＴｅｃｈ條友打嚟問我個ＰＯ＃出到俾佢未．．．一問我又半個鐘先問到．．．．無驚無險地放工前答得番ｉＴｅｃｈ～
等我ｓｅｎｄ好哂ｎｏｔｉｃｅ話俾人知幾時送貨之後，ｉＴｅｃｈ條友先又ｓｅｎｄ隻ｍａｉｌ嚟話要ｍｏｎｄａｙ送，真係打爆你個頭！
不過做完都好有成功感～


放工等車時無啦啦俾個又肥又矮腳又短的死肥婆話我！
見架車啱啱開走左，車站又冇欄杆，排咁前覺得ｄ車會唔覺得剷左上嚟，我咪唔排隊住行開ｄ先囉！
點知條八婆自己企我後面，用ｄ好衰的語氣話我：乜你唔係排隊架咩！！
你又唔係見唔到個站冇人，你咪自己行上去排囉！正一死八婆嚟架！


係時候教下大家中文啦．．．
『千千闋歌』係呢 "闋" ，唔係 "闕"
<幾年前行書局睇到本書就係講呢講字，佢話 "闕"係錯別字~ 係當年填詞人筆誤所致~
好~ 大家返去抄10次交俾我~~~~~ :p


哈哈哈！原來升左上神枱！！
ｙｅａｈ！！萬歲！！放心哂～


>>January 11, 2006 at 1:44:39 PM GMT+8

2006 年 1 月 8 日 星期日 【晴】

昨晚勁歌十大回顧的節目，說到『夕陽之歌 vs　千千闋歌』時，
阿媽又說：『當年都唔知係唔係阿梅跣陳慧嫻架！專登等佢話去讀書先至宣佈唔攞獎！益左葉倩文！』其實呢句說話我聽左好多次～
仲有一句更經典的係：『葉倩文 law 最受歡迎女歌手第一個要多謝梅艷芳唔law獎，第二個就要多謝陳慧嫻去左讀書！』阿媽仲大反應過我！　=.="　係都應該我勞氣先啦！原來阿媽都幾陰謀論!!~

其實冇乜印象當年我有冇睇到呢個ｓｈｏｗ～
但睇到梅艷芳ｄ衫又好似見過咁～抑或只是在網上看過呢？
估唔到原來十幾年前的頒獎典禮已經有爭獎情況！！～
不過睇落．．．阿姐又真係好似輸得唔抵喎！～哈哈！


今晚係nicole同阿銘的goodbye party~
我地食完Tenpen就過隔離再食滿記~
阿銘同阿勝要食榴槤pancake, 最後佢地用d menu 圍住嚟食...
但其實turnout周圍都好似好多人食榴槤pancake, 行過滿記個門口都有陣味.....
保重啦niolce, 保重啦阿銘！！我地半年後再見啦！！～


TO Caroline,
食下飯ｏ者，唔駛恭喜咁嚴重下嗎.. =.="


>>January 10, 2006 at 9:03:10 AM GMT+8

2006 年 1 月 7 日 星期六 【晴】

尋晚約左版主等fans一齊食飯，前日大夫ｉｃｑ問我：版主想約你星期六晚食飯
我第一個反應係：下？？真架？
真係唔係好信版主會叫我食飯～嗯！ 好ｓｕｒｐｒｉｓｅ！！


攪笑係我唔多識路去，要約埋大夫同ｊａｎｅｔ同我一齊去～


食完走的時候版主又問我：識唔識路屋企呀？
我話識架啦～一路大夫帶我去我都有認住條路～
最後佢送我去到火車站咁滯，版主真係好好人～
仲問我幾時去佢屋企．．．佢竟然仲記得！！兩年前ｏ既事嚟架啦！！


餐飯食左接近三個鐘，明白多左版主的難處，
成餐飯食得幾開心，比我同同事食飯輕鬆好多！
ａｔ　ｌｅａｓｔ所講的話題我都明白，唔會唔知佢地講乜！


點解版主知我返工玩ｍｓｎ　ｏ既？！？！

>>January 8, 2006 at 1:39:48 PM GMT+8

2006 年 1 月 6 日 星期五 【晴】

尋日放工想走時俾ginny捉住, 佢下星期放3日假, 我就要返去頂3 日, 將我果16個鐘拆3日~ 佢好似交帶身後事咁... 勁攪笑~ 講完之後佢話 : 『我一陣會將我講過的野send多封e-mail俾你睇做reference! 』醒目!!~

尋晚dinner約左紫樺食，我貪玩話坐韆鞦位～點知野食都未叫覺得ｆｉｎｇ　ｆｉｎｇ下有ｄ暈，
最後坐番普通位=.="
食完我地都坐左好耐傾偈，其實係咪每個ｆａｍｉｌｙ的ｐａｔｔｅｒｎ都係差不多架呢？！


終於都食完２個月葯啦～好野～！！


>>January 8, 2006 at 1:40:58 PM GMT+8

2006 年 1 月 5 日 星期四 【晴】

原來大老闆讚過我呀~~~

今日lunch後唔知同saiman講開d乜, 佢話有日開會時大老闆問saiman新來果個同事係全職定part-time?!
saiman知佢係問我, 就話係part time,
大老闆話: 我以為佢係full time添! 好似次次落o黎巡 (佢o係5樓, 我o係4樓的~)見佢o既?! 咁佢都幾勤力喎!

woo~~

咁ginny就話: 嘩! 老闆讚你呀!
saiman : 係呀! 佢就o黎坐埋你個位添啦! 到時到你去返學啦! 同gigi掉轉, 佢做full time , 你做part-time啦!

haha!!!

同埋ginny講, 但係留條後路俾自己諗清楚d先, 我話timetable出左, 如果掉到先繼續返到工...


>>January 6, 2006 at 9:42:40 AM GMT+8