2007 年 3 月 17 日 星期六 【微冷】

溫書．迎接 mid term o既來臨

雖然係遲左o的．．．．

雖然係到依家仲係 hea 溫．．．．

雖然係溫得少左o的．．．．

雖然係溫極都唔明．．．．





但係．．．．我都總算係開始溫書喇！

>>March 17, 2007 at 7:37:10 PM GMT+8

2007 年 3 月 15 日 星期四 【炎熱】

唔知點咁．．．

又到左一個決定前途o既時候．．．．．揀科．．．．．．．．．．．



三心兩意，真係前路茫茫！



將來會o係點？真係唔知．．．．唔多想去諗住．．．．．哈！好頹！！



依家o既我，好似咩都做得唔太好咁．．．．．



想．．．發奮！！！！！

>>March 15, 2007 at 9:08:45 PM GMT+8

2007 年 3 月 14 日 星期三 【陰】

有得 interview 呀！

唔知醒，走左堂 IT．．．．

晏晝，同阿星去旺角行街~~~~~~~~~

之後，返番 poly 同莊員們開會~~~~~~哈哈哈．．．．我係中文徵文比賽小隊長！一個人統領八個莊員！大權在手丫！！

傾左一輪，同莊員們去左都會吃甸拿，好想快o的完左個 mid term，好想齊齊去釣魚，好想齊齊去踩單車，好想齊齊去 camp，好想．．．好想．．．．．唉~~~~~~都係完左個 mid term 先發夢啦！！

夜晚返到屋企，收到封叫我去 interview o既信丫！哈哈哈．．．．真係喜出望外丫！雖然係 in HD，不過都好啦~~~~~~要好好把握今次o既機會呀！！！





ｐｓ：原來 Wii 已經有翻版架喇~~~~~~~我要快o的儲錢買丫！！！
　　　我要o係今個夏天之前，擁有自己o既 Wii！

>>March 14, 2007 at 11:22:08 PM GMT+8

2007 年 3 月 12 日 星期一 【陰】

AIA 之旅

由 sem break 拖到依家，終於都去到喇~~~~~~~~開心！

雖然成日都陰陰沈沈咁，但好在天公造美，o係玩o既過程入面，都無落過雨~~~~~~~

同阿君玩左勁多 game，咦呀~~~~~~就係贏唔到隻 pluto 公仔呀！！！好想要呀！

成個場，要講最值得玩o既，就真係非 G Force 莫屬喇！哈哈．．．．真係勁正呀！！勁高咁睇晒成個金鐘夜景，真係靚到爆呀！！玩玩下o個陣，仲可以睇到成個倒轉左o既維港夜景，真係超爽丫！再加埋跌落黎o個下，哈．．．呢個機動遊戲真係值得一玩再玩！！

玩完之後，去左北角食甸拿，吃畢，撞到留偉燦兄！哈哈．．．．又一個人入左社會大學嚕~~~~~~





ｐｓ１：ALO！生日快樂呀！！

ｐｓ２：喂~~~~~唔該再搞多次「男子漢聚會」丫！！

>>March 13, 2007 at 1:04:17 AM GMT+8

2007 年 3 月 11 日 星期日 【雷雨】

sorry

對於今日我無o係 poly 出現，一齊做 project o既呢種行為，我想o係度同我o既組員們講聲，對唔住！

知道你地咁辛苦o係度做，自己竟然無出過力，真係好抱歉．．．．



阿 SA！對唔住呀！

沙華！對唔住呀！

影子！對唔住呀！

Annie！對唔住呀！



以後你地有咩麻煩野，我一定．．．一定會幫你地架！當係將功補過！！

>>March 12, 2007 at 1:55:40 AM GMT+8

2007 年 3 月 9 日 星期五 【微冷】

令人擔心o既媽打

我媽打，係一個令人勁唔放心o既阿媽！



成日出親遠門，都肯定有野唔記得左做或者帶！

唔係唔記得拎銀包，就係唔記得帶證件~~~~~~~~~



今次差又歷史重演，出去前無睇清楚本回鄉證，原來已經過左期好耐．．．．．

好彩今次係去澳門先唔使回鄉證姐~~~~~~~~

如果唔係，又搞到臨出發先知去唔成！



希望佢唔好去到唔識路啦~~~~~~~~

成日出親去都唔多認到路，好彩今次有朋友一齊去，應該唔會有咩事o卦！

>>March 9, 2007 at 9:37:48 PM GMT+8

2007 年 3 月 8 日 星期四 【颳風】

張敬軒

今朝訓到唔願起身，一路訓到晏晝點幾鐘先醒，咦~~~~~~成身汗o既？原來我o既好媽打整多張俾我．．．．

收到阿星o既 call，話叫我陪佢睇 sing con，初時仲諗住佢點解會咁好第一時間搵我去，點知．．．原來佢係因為搵唔到女仔陪佢先搵我．．．．條友真係．．．．．．算！我都明白o既~~~~~~~呵呵．．．．

返到去「傾 project」同埋上堂，落堂之後，同阿星去左尖東食野~~~~~~~去左一間對佢好有意義o既舖頭食，傾左一大輪野~~~~~~~七點幾，返番去 poly 睇 sing con！

入到去，原來都唔係特別多人丫！上層仲有勁多空位囉~~~~~~聽聽下，有o的悶，搞到我都有o的眼訓~~~~~~~如果唔係仲未睇 I 丞同埋張敬軒，真係晨早就走人嚕~~~~~~~~等左好耐，終於都等到 I 丞出場，正當佢想唱之際，突然o的音樂勁「侄」，搞到佢之後要清唱~~~~~~哈哈哈．．．．．完全係聽唔到佢想唱咩囉！o的字完全係聽唔清楚！

聽晒所有參賽者唱歌之後，終於都等到張敬軒出場喇！！！！雖然唔係好近咁睇佢，不過．．．唔使錢，可以睇到佢，真係抵到爛啦~~~~~~~佢真係好勁丫！唱 live 真係完全無問題，台下o既反應勁好丫！男男女女都俾佢迷到，揮揮手都勁多人尖叫~~~~~~~~真係男女通殺丫！

睇完張敬軒，同阿星即時走人~~~~~~~唔想同人逼丫嘛！出到去，有免費 red bull 派，拎左支黎飲，唔唔．．．．．味道有o的熟，不過都唔知係咩味，但係呢~~~~~~支野對我係無咩用丫！飲完之後到依家，我都唔覺得自己有精神過囉！





ｐｓ：阿星！我係唔會「轉機」架！你「劫機」都無用架喇！最多我自殺架姐！哈哈哈．．．．

>>March 9, 2007 at 3:57:44 AM GMT+8

2007 年 3 月 7 日 星期三 【颳風】

presentation

為左今日呢個 present，我地呢組人犧牲左好多野！



無左好多打機時間

無左好多打牌時間

無左好多訓覺時間

無左好多讀書時間

無左好多做功課時間

無左好多．．．．



最後，聽到 Simon o既評價，應該都無犧牲錯o既~~~~~~~~哈哈哈！！



今晚，終於都有番o的時間休息休息下喇~~~~~~~~

不過，聽日又要為 IT 而努力喇．．．．真係一波未平，一波又起！




ｐｓ：阿立、阿 SA、Joan、Vicky，多謝你地o既努力！

>>March 7, 2007 at 10:15:54 PM GMT+8

2007 年 3 月 5 日 星期一 【微冷】

真真假假，假假真真

尋晚俾貓貓嘈醒左！搞到五點左右先再訓得番！！訓左四個鐘，唉~~~~~~~又要起身喇？！

上 reasoning，成堂猛咁講真真假假．．．．．真係俾佢搞到我一頭霧水，腦海即時出現左一首歌o既歌詞．．．．．張衛健首「真真假假」！！



真真假假

* 失去戀愛的　裝作很瀟灑　得到戀愛的　痛得沒說話
心似真似假　愛得亂如麻　我最愛你　你相信嗎

真的罵　假的話　那句可怕　真的戲　假的你　都可愛嗎
真的夢　假的淚　那個調查　我說信你　你信是嗎

戀愛總有幻覺　戀愛總有假話
真真假假不要追查

真過一次好嗎　以後騙著算啦
錯錯對對不必理它

真也許會害怕　假也許更好吧
真與假有何用　應該睇化
真真假假　只要相信它 *
repeat *

真真假假　只要相信它



落堂之後，去左舊 can 食 lun，唔唔．．．．今日o既頹飯係蕃茄肉片飯~~~~~~~唔錯丫！

成日大部份時間都係用左黎搞份 project，原本有o的地方唔係太肯定，問完 Simon 同埋 C.P.Lau 之後就即時通左~~~~~~~~哈哈！！佢地兩個都係咁勁丫！！！亦都非常感謝 C.P.Lau 咁忙都抽時間幫我搵料，雖然唔多，不過份心意就真係．．．．．

跟著同組員們去圖書館睇片，成套野，去到臨尾先有o的用．．．．．哎唷唷~~~~~~~





ｐｓ１：Kim！祝你事業有成丫！！

ｐｓ２：早洩夫！大家一齊努力啦~~~~~~~

ｐｓ３：阿立！下次見工要著得「試正」o的呀！！！

ｐｓ４：哈哈．．．今日撞到好多莊員丫！！

ｐｓ５：收到高考張野喇~~~~~~~唉唉．．．．唔夠一個月，又要再考過喇．．．．．唔想面對！

>>March 6, 2007 at 12:06:48 AM GMT+8

2007 年 3 月 4 日 星期日 【炎熱】

歲月不留人

返左 poly 開會傾 project ~~~~~~~~更加了解我呢組o既組員，Vicky 同埋 Joan 真係好多 gag！阿 sa 真係好乾淨！

傾完，同佢地搭地鐵去杏花村踢波~~~~~~~~唔唔．．．好耐無見北星嚕~~~~~~~估唔到 C.Y.Leung 今日都有黎捧場，哈哈！真齊人！！！

哈哈．．．．真係好耐都無試過跑全場喇！！踢完之後，個頭好似洗完黎咁，濕到呢~~~~~~~唔唔．．．爆流汗o既感覺真好！燃燒青春呀！！！！！！哇哈哈哈．．．．．．





ｐｓ１：keeper o既感覺好似差左．．．．．不過入球能力就好左，哈哈！

ｐｓ２：又俾人省中要害．．．．我唔想無仔生呀！！

ｐｓ３：踢完波，成身散晒~~~~~~~諗番油站時代o既我，邊會架？！唉．．．．我老了~~~~~~

>>March 4, 2007 at 11:11:58 PM GMT+8