2006 年 9 月 15 日 星期五 【陰】

Drama Soc O night

今日晏晝應明仔o既邀，出席中七同學仔聚會，點知．．．．派路佢竟然話唔記得左，卒之無黎到，剩係剩番我、明仔、域祺同埋才子四丁友．．．．．去左旺角o既仙跡岩食lun，唔係化？！乜都無得食o既？？無得食就唔好list出黎啦~~~~~~~唔怪得之無人幫襯呢度啦！！！！

三點返左去poly搵細O o既朋友仔，約埋一齊去買聽日入campｄ野~~~~~~買完兼塞好晒入個locker之後，我就走左去搵明仔同佢再去探探琛哥，買左幾包零食、野飲上去俾佢，食完呢ｄ『聽』爆瘡啦佢！！！哇嘰嘰嘰．．．．．上去睇左套千與千尋，六點幾就同明仔一齊閃人~~~~~~~~

七點半返到poly玩O night，玩左一大輪呢排玩過好多次，而且令人『棟棟棟』（－－|||）o既game，搞到我係咁滴汗丫！！！！原來呢個O night包埋野食俾我地，咦~~~~~~~明仔！！！最衰都係你啦！！！！又話無野食o既，搞到我去左食完M記先黎．．．．食完野，玩drama，『滿天星星』、『特大流星鎚』．．．．咩題目黎架？？？做完之後，自己都為自己o既表現而滴汗．．．．．之後，個嘉賓（亞視二打六）開始講佢o既演藝事業．．．．．．

雖然我都好同意佢話夢想好重要，同埋應該要為實現自己o既夢想而努力、冒險~~~~~不過．．．我覺得佢應該要考慮番現實o既情況，一個月搵得o個$8000，養得掂自己都養唔掂阿爸阿媽啦！！！！夢想係重要，但係好好孝順父母，咁係唔係比較重要咩？？？咁大個人，仲要屋企人日日都要為自己o既將來而擔心，咁樣好咩？？？（以上純屬個人意見）

>>September 16, 2006 at 4:45:49 AM GMT+8

2006 年 9 月 14 日 星期四 【雷雨】

過得快左o既數學堂

阿wing~~~~數學堂做下數咪幾好！！！唔好再係咁講ｄ定義喇！！！多ｄ做數仲好啦~~~~~~~又充實，時間又過得快~~~~~幾好呀！！！

>>September 15, 2006 at 4:24:35 AM GMT+8

2006 年 9 月 13 日 星期三 【雨】

細O O night

psycho要做project啦~~~~~~聽落去好似幾好玩咁！！！不過．．．我諗做o個下就會覺得好難、好煩架喇．．．．．原本仲諗住黎個全男班一齊去蘭桂坊做街頭訪問丫！！XD

放學之後，同班同學仔一齊去食甸拿，驚陣間玩o個陣會覺肚仔餓丫！！！

O night一開始就搞到我滴晒汗！！！又會有個組爸、組媽唔理自己o既組仔o既！！！搞到我俾人呃左去helper組．．．．．嗚嗚嗚~~~~~~~之後玩game，開始同ｄ組員傾下幾句，覺得佢地都ok丫！！！起碼好過大O啦~~~~~（到目前為止都係覺得開心過大O）組名：世SA星團？？？噢．．．．好怪丫！！！仲有part好怪o既出場姿勢．．．．．出到街咁玩，實嚇屎人啦！！！玩完之後，同全組人交換電話，唔唔．．．．相處融洽丫！！！嘿嘿．．．．我要擺脫大O o既陰影丫！！！！！

>>September 14, 2006 at 6:58:37 AM GMT+8

2006 年 9 月 12 日 星期二 【雨】

傷痕累累

上個星期book理工個球場踢波，但係．．．．踢波先黎落雨．．．．．真係架喎！！！次次踢親波，都黎落雨．．．．．有無咁邪呀？？？同左班新同學踢波，唔唔．．．．感覺良好丫！！！哈哈．．．北星尖刀又有波入喇！！！！狀態大勇丫！！！！（沾沾自喜）唔知點解，我次次踢親波都一定受傷o既！！！今次唔單止左腳繼續有ｄ痛，仲傷埋右邊o既大脾同埋個背脊．．．．．唉~~~~~~容易受傷的男人．．．．．

踢完波之後，去左新can食lun，之後就拿拿聲做埋份功課（lunch之後要交）呼．．．．總算都做好左喇~~~~~雖然ｄ字係難睇左ｄ．．．．雖然係寫得唔多好．．．．雖然係．．．唉~~~~~~算啦．．．都交左喇！！！入到課室，見到成班同學仔o係度玩game，剩係企o係度睇都覺得好過癮丫！！！！上左三個鐘o既kam lo堂，就即時轉戰數學！！！好彩tutor係用中文架姐~~~~~~唔係真係會聽唔明佢講乜．．．．．o係呢一個鐘o既tutor堂，我學左好多野！！！比起上阿wing o既lecture真係有用得多！！！！

放學去左搵明仔佢地，之後就齊齊去左琛哥住緊o既hall度參觀參觀~~~~~~嘩！！！o個度個環境比起施源o個度真係好好多丫！！！！張床、個書架、個廁所、個衣櫃．．．．．樣樣都比施源o個度靚、新、正好多丫！！！！真係大開眼界！！！！不過．．．．如果俾我住o係o個度，實會悶屎我！！！！剩係可以上下網．．．．．．．悶！！

ｐｓ１：要開始努力讀書！！！要多ｄ去圖書館溫習、做功課！！！！

ｐｓ２：下次再去琛哥o個度，要用下佢地o既廁所至得~~~~~~靚！！！

>>September 13, 2006 at 1:49:36 AM GMT+8

2006 年 9 月 10 日 星期日 【微冷】

歡送子健茶會

因為子健好快又要再次遠征美國，北星於是o係今日為佢搞左個歡送茶會，而地點就梗係o係番北星旗下o既物業（北角明星海鮮酒家）啦！！！！

去到，一口氣叫左成廿幾碟點心，經過一輪清掃，終於都將檯面o既點心擺晒落各成員o既肚入面~~~~~~~點野食之前，大波仲話ｄ鳳爪太少唔夠，要叫十籠黎，好彩無聽佢講姐！！唔係．．．實清唔晒！！！

今次飲茶最令我地印象深刻o既唔係離別o既感人場面（雖然永遠都唔會有咁o既場面）亦都唔係o個度ｄ野食喎~~~~~而係o個度o既顧客！！！無錯，係顧客！！！有一個女人，自己一個人好靜咁坐左o係度，原本係無乜野o既，但係．．．佢之後就不斷咁o係我後面做來來回回咁行黎行去，行左一陣就坐番低，但係唔夠一陣佢又繼續行，係亳無目的咁行．．．．超驚！！！除左佢之外，仲有一個青年會和應佢，成日得閒無事就嗌，成日都係咁嗌『嗚』．．．．．食食下野都會嗌一嗌．．．．．驚上驚！！！！

埋單之後，去左行柏麗、城市，跟著就陪施源去銅鑼灣配副新眼鏡~~~~~~~睇左三間，我地都係咁怒試人地ｄ眼鏡~~~~~~~真係睇唔慣自己戴粗框眼鏡同埋太陽眼鏡．．．．覺得個樣好搞野．．．．．．嗚~~~~~之後返屋企睇左兩套戲（魔戒 + 我要做model）累極了！！！！

ｐｓ１：下個星期要抽多一日同子健黎場告別賽！！

ｐｓ２：功課，未掂過．．．．書，仲未買．．．．．咁係讀書o既態度黎架咩？？？

ｐｓ３：要抽多ｄ時間打工至得！！！唔係下個月會乾水．．．．．

>>September 11, 2006 at 4:28:32 AM GMT+8

2006 年 9 月 9 日 星期六 【雨】

北星．．．．仲係唔係一支足球隊？？

抑或係已經開始變質．．．．．變成只係一個普普通通o既聯誼會呢？？？

>>September 10, 2006 at 5:08:33 AM GMT+8

2006 年 9 月 8 日 星期五 【陰】

想去旅行．．．．

今日返番去Samuel o個度，呼．．．成半個月無返過工，難得佢都唔介意，肯繼續俾我做落去~~~~~~~真係好人哦！！！

見到占士，大家互傾近況，唔唔．．．聽完佢o既五日四夜泰國之旅，搞到我都好想去下旅行丫！！！唉．．．．可惜我又無錢，又無時間，又無人陪呢~~~~~~~點去喎？！

>>September 10, 2006 at 5:08:04 AM GMT+8

2006 年 9 月 7 日 星期四 【陰】

唔想炒數學呀！！！

今日第一次同ｄ同學仔去食飯~~~~~唔唔．．．．要keep住丫！！！

兩年無見o既數學，今日又俾我撞番！！！原本都唔係好擔心o既~~~~~但係．．．當我上完呢堂之後，就變左做十萬個擔心！！！！依家對個阿sir無乜信心．．．．．原因如下：

1. 一定要用英文上堂，我本身英文唔多好，再加埋佢o既英文講得唔多準．．．．．屎梗！！！
2. 第一堂就計錯數，仲要話係試下我地（黃嶽式o既死雞撐飯蓋）．．．．可怕！！！
3. 車神o既教書方法（起勢講番power point show俾我地睇o既野）．．．咁我都識教啦！！！
4. 好爛o既笑話．．．．仲爛過明仔o既爛gag！！！

我唔想好似趙振咁做左雙槍將呀！！！！！

放學同明仔去交錢俾烹飪學會同埋細O，噢噢噢．．．．岩岩禁出黎o既五舊水，十幾分鐘就差唔多用晒咁滯．．．．嗚嗚~~~~~~真係要慳ｄ駛喇依家．．．．．跟著又去左旺角改番條褲，之後即時飛去北角join施源佢地踢波~~~~~今日唔知點解，特別累丫~~~~~~慘！！！！

ｐｓ：家姐介紹左個醫生俾我，唔唔．．．應該信得過丫！！！

>>September 8, 2006 at 1:00:26 AM GMT+8

2006 年 9 月 6 日 星期三 【酷熱】

仲未好？！

今日未上英文堂之前，仲好驚、好擔心會俾個咩先生教，入到去，見到個笑口『世』『世』o既miss，個緊張感覺即時減左ｄ，再加埋佢上堂o既態度，唔唔．．．．我諗佢應該都唔會好似姚美玉咁o既~~~~~擔心、緊張都差唔多無晒！！！

上堂o個陣，輪流自我介紹一分鐘，哈哈．．．．原來我地班有咁多人都鐘意踢波，鍾意打牌架！！！以後唔驚悶啦~~~~~~~放學之後，同埋班新同學一齊去book場踢波~~~~~~~~七人o既人造草地，一個鐘$15．．．嘩！！真係好抵丫！！！唔唔．．．下個星期二就可以試下踢呢個場喇！！！真係好期待丫~~~~~~

之後去左旺角join大陸，食下野，周圍行，卒之o係走之前，我終於都買左兩條褲喇！！！次次都話要買，但係最後唔係因為睇唔岩，就係太貴，唔唔．．．．總算都完左一個心願~~~~~~~之後就同大陸急急腳去左北角踢波，足足遲左成半個鐘．．．．．唔好意思丫！！！去到俾佢地輪射．．．．卒之，隻腳比阿標再一次射傷左．．．．．嗚~~~~~~又傷？！乜隻腳仲未好架咩？？？？又要再抖？？？我唔想呀！！！！！

ｐｓ：北星要整番隻吉祥物至得~~~~~~

>>September 7, 2006 at 5:51:29 AM GMT+8

2006 年 9 月 5 日 星期二 【陰】

今日返左學校上左堂self understanding and communication skills~~~~呢堂就真係好free丫！！！好似上倫理堂咁，上堂剩係傾傾計，玩下game，唔唔．．．好正丫！！！

由於今日呢堂剩係得廿五個人上啦~~~~~~所以同ｄ同學仔都比較快就熟絡，同埋有好多野講~~~~~~上堂氣氛幾好丫！！！不過下堂要搞活動forｄ同學仔玩~~~~~有ｄ唔知點咁，哈哈．．．．

放學去左參加足球soc o既O CAMP~~~~~組媽！！對唔住呀！！我要離棄你喇！！！！！嗚嗚．．．．之後同媽打去左買『食送』同埋幫人補習，唉．．．．對住佢．．．．都真係好有壓力丫！！！好想教好佢．．．．．

>>September 7, 2006 at 5:50:52 AM GMT+8