2007 年 2 月 18 日 星期日 【炎熱】

大年初一

尋晚吃完團年飯，同埋拜神過後，大約四點左右同北星一齊去維園行年宵~~~~~~~~

去到，唔唔．．．．ok 逼啦，不過都可以接受~~~~~~起碼好過上年，今年無落雨~~~~~~~呵呵呵．．．．施源因為連續兩日無訓（都係聽佢講架咋，未經證實的）搞到佢一路行，一路勁爆爛 gag，哦哦．．．．原來唔訓覺係會大大提升施源爆 gag o既能力架！對住佢，真係．．．．唉！

逼左一輪，如果唔買野，好似好唔抵，我就係抱住呢個心態，於是就買左副 $10 啤牌，同埋龍貓廁紙筒~~~~~~~~~~全場好多野都好平丫！幾十蚊就有隻大大公仔~~~~~~~~正呀！

行完年宵之後，就搭叮叮去北角飲早茶，原本諗住去番上年o個間飲，點知今年佢地醒喇，知道上一手俾我地飲過一餐早茶之後就執左，於是就話要十一點先開，搞到我地唯有行去第二間飲啦~~~~~~~~去到，無人斟茶，無人做野，剩係識得係咁同ｄ熟客仔拎利是，唉．．．．咁o既服務態度．．．．．．．．．．叫左勁多野吃，呼．．．．真係飽到呢~~~~~~~有點想屎的感覺！由於太飽，於是就一齊行番屋企，幫助消化丫嘛~~~~~~~~哈！

返到去，訓左三個鐘，點幾兩點又再度出發四出拜年，夜晚全家人去左筲箕灣吃甸拿，嘩嘩！第一次同佢地出去吃甸拿，會碟碟野都清晒！真係奇蹟丫！唔唔．．．．總算無o徙晒ｄ野食~~~~~~~~~哈哈哈．．．．之後我就獨自一個留o係屋企，佢地呢，就繼續佢地尋日未完o既馬拉松式麻雀大戰！！



ｐｓ１：祝大家新年快樂！恭喜發財！萬事如意！
　　　　恭喜！恭喜！！

ｐｓ２：今年呢個年初一呢，就真係暖左ｄ，搞到我都要著短衫短褲去拜年！
　　　　咁大個仔都係第一次架咋．．．．哈！

>>February 18, 2007 at 11:35:45 PM GMT+8

2007 年 2 月 17 日 星期六 【陰】

年三十

尋晚太眼訓，最後都無幫媽打手做晒ｄ野就上床訓，訓醒，就同阿蕭佢地去太古城買野~~~~~~~

感謝家姐同埋媽打俾錢我買衫~~~~~~哈哈．．．．真係多人錫我丫！同佢地一齊行左成半日太古城，唔唔．．．．原本睇岩左對鞋，但係個 sales 態度真係唔多好，咁串丫喇，好！咪唔o係你度買囉！最尾去左吉之島買左個袋，哈！雖然外表唔係太特別，但係勝在多用途~~~~~~正呀！

之後急急腳趕番屋企，要幫手繼續執屋丫！抹櫃、抹檯、洗風扇、洗廁所．．．．．．哈哈！好耐都無試過做咁多野喇~~~~~~~~辛苦完一輪，坐o係度一睇，嘩！成間屋靚晒~~~~~~~好有滿足感丫！！！

十二點左右，先拜拜神，跟著就食團年飯嚕~~~~~~~

>>February 18, 2007 at 12:00:44 AM GMT+8

2007 年 2 月 16 日 星期五 【陰】

大掃除．延續

好趕急丫！！！

因為今日係 deadline o既關係，於是乎我一起身就即時搞 non 豬o既野，尋晚上左ｎ咁多次，都係上唔到，今朝一試就 ok！早知尋晚走去訓啦~~~~~~~~~

之後就即時換衫出發去深水『土步』交 form，都係今日 deadline，寄去實遲，倒不如自己親自去一次好過喇~~~~~~~

估唔到咁快架，起身、搞 non 豬ｄ野、交 form，到返到學校上堂，都係用左兩個鐘左右，唔唔．．．．效率都真係幾高！！

放學，同同學仔去左吃 M 記，呵呵．．．．．好滿足丫！跟著同阿星、阿立兩個一齊搭車返屋企打牌~~~~~~~同傑仔打，初時贏左半百丫！點知後尾轉位，即時俾佢地追番，好彩，都成功保住正數！！主場威力真係強呀！！

夜晚，又開始大掃除喇！

>>February 17, 2007 at 12:52:11 AM GMT+8

2007 年 2 月 15 日 星期四 【陰】

大掃除．開始

早左兩個字返到去，哈哈．．．．好少可早到~~~~~~~~~之後聽聞阿立成功左，真係戥佢開心~~~~~~真係可喜可賀丫！！

之後諗住去食 KFC，點知．．．．執左．．．．．．．．．．唯有去隔離o既茶軒吃 lun 啦~~~~~~~~唔唔．．．．真係有ｄ貴丫！不過算啦~~~~~~~~唔係餐餐食咁貴就 ok 啦！之後行返 poly 睇「國產零零漆」，剩係個片頭，已經笑左一輪，睇左一半已經笑到屎左~~~~~~~

跟著去上 IT tutor，真係無聊到呢~~~~~~~~唔上又唔得喎！要交堂課．．．．唉~~~~~~~落堂就過左去上 reasoning，阿星成堂都俾阿 sir 針對，哈哈．．．．好慘哦！

放學，搭地鐵去灣仔幫媽打拎個乜乜吸塵機，勁大件囉！點拎呀？？卒之決定搭的士返歸~~~~~~~唔唔．．．．正確o既決定丫！返到去，開始執屋嚕~~~~~~~見到成個櫃都係 AL o既野，勁嬲丫！即時起勢勁丟晒佢，哈哈．．．．空左好多丫！等埋今年 pass 埋個 UE，個櫃就會空晒架啦！！！！

>>February 16, 2007 at 1:02:02 AM GMT+8

2007 年 2 月 14 日 星期三 【晴】

經過左十二個鐘頭o既熟睡，今朝起身o個陣真係好滿足丫~~~~~~勁精神！

hea 到九點幾十點先出門口，o係巴士站撞到 Vicki，哈！原來佢搬左黎無幾耐丫！

返到去上 IT，今堂無乜上堂 feel 囉~~~~~~成班人剩係o係度狂笑，又勁講野，完全唔似學生囉！不過．．．．電車 sir o既堂真係好悶呀！！！收到好多朱古力，好開心~~~~~咁大個仔第一次收咁多朱古力丫！！哇哈哈．．．．．不過真係幾好味架喎~~~~~~~~

俾老車搶左個膊頭，痛苦o既哀求行動亦都拉開序幕．．．．．

lunch 去左舊 can 食頹飯，唔唔．．．．十蚊o既麻婆豆腐飯，都 ok 丫！之後同組員們去左廿四做 project，唔唔．．．進度唔錯~~~~~~之後上 Simon o既 tutor，聽早洩夫o既 present，果然不出所料，成個 present 真係好爛丫！潮州真係盛產爛 gag．．．．．最緊要正字都講得出，真係有想屎o既感覺！

放學留左o係學校問 Simon 野，唔唔．．．．起碼確認到我地依家o既方向係正確o既！好野！！！

之後趕番港島，落車o個陣，竟然俾我撞到羅白糕！！！哈．．．．．．好耐無見啦~~~~~~~陪佢去左睇金魚，傾傾閒計~~~~~~~~~之後返左屋企，同北星打牌度過呢個情人節，哈哈哈！多謝 ALO 餐 M 記！！！真係飽到呢~~~~~~~



ｐｓ１：其實依家o既單身生活都過得唔錯丫！同朋友過情人節都好開心丫！！！哈．．．．

ｐｓ２：多謝大家o既朱古力！

>>February 15, 2007 at 2:13:27 AM GMT+8

2007 年 2 月 8 日 星期四 【晴】

平凡的一天

開始覺得 mass media 幾好上，比上 kam lo 堂好好多，起碼我覺得唔係咁悶丫！

落堂，同同學仔們去左唱ｋ，唔唔．．．．兩杯野飲 + 一個飯，都 ok 架~~~~~~~~今次係上次o既延續，繼續唱埋ｄ令人滴汗o既歌~~~~~~~

之後返去上 art of reasoning，嗚．．．出左黎，唔多想返番去呀！！不過呢堂唔返會俾佢知，無得走堂．．．．．慘！

放學返屋企，撞到切賢仔~~~~~~~唔唔．．．．真係大個仔喇佢！！哈哈．．．．．

返到去，勁累．．．．．就咁訓著左，搞到依家勁精神囉~~~~~~~~生理時鐘又開始顛倒喇．．．．

>>February 9, 2007 at 4:24:29 AM GMT+8

2007 年 2 月 7 日 星期三 【晴】

暢遊旺角

朝早返去上左堂 IT，真係悶到呢~~~~~~~~愈睇電車 sir 就愈覺得佢有胡錦濤o既 feel ~~~~~~~~哈哈！

落堂，即時同阿立去左搭火車落旺角 shop 下 ping ~~~~~~~成日主要都係睇阿立心目中o個兩對波呠，去親間間都要睇一睇，想睇下邊間平ｄ喎．．．．．搞左成日，佢卒之都決定左買對白色波呠，不過．．．．臨買之前，都要猛咁試晒ｄsize．．．．．搞到人地勁忙，真係覺得有ｄ唔好意思．．．．．哈哈！

行左成日，我都唔執輸，買左粒五號波~~~~~~~屋企好耐都無 keep 住粒五號波喇！依家終於都有番粒~~~~~~~~哈哈！！

今日除左睇波呠之外，又同阿立去左睇槍，又去左食印度小食．．．．．．唔錯唔錯！幾開心！

>>February 8, 2007 at 3:27:06 AM GMT+8

2007 年 2 月 6 日 星期二 【微冷】

病痛多多

呢排真係唔知做乜事架！成日都唔舒服．．．．．

繼早前感冒之後，近排又勁咳，依家咳總算都好番ｄ，點知又頭痛．．．．．

唔使咁呀？！岩岩踏入廿歲就咁多病痛．．．．勁驚囉！

有排挨．．．．

>>February 7, 2007 at 12:29:36 AM GMT+8

2007 年 2 月 1 日 星期四 【微冷】

喉嚨沙了

上完朝頭早o個堂之後，就同幾個同學仔一齊去左唱ｋ~~~~~~~

唱左三個鐘左右，主要都係唱埋ｄ無聊歌~~~~~~~做咩事喎！我好正經唱架嘛！都要話我似顏福偉．．．．．

點左ｄ內地同胞o既歌黎唱，我唱得準？哈哈．．．．．梗係啦！我鄉下係福建黎架嘛~~~~~~~~點都識少少o既~~~~~~~~

o係唱ｋ途中，有對男女發生爭執，仲要o係正我地間房門口嘈~~~~~~~~呵．．．又有戲睇！

走左堂 IT，之後先返番去上 reasoning o既 tutor ~~~~~~~~有ｄ悶，搞到差ｄ訓著．．．．．



ｐｓ１：唱左成個晏晝，喉嚨沙了．．．．．聽晚都唔知點算喇~~~~~~~~

ｐｓ２：Jay o既台風真係勁到呢~~~~~~~~佩服！

>>February 2, 2007 at 2:23:11 AM GMT+8

2007 年 1 月 29 日 星期一 【乍雨乍晴】

又多一個同志喇！

朝早天氣好凍丫，勁唔想離開暖笠笠o既被窩~~~~~~~~~

遲左出門口，但係好好彩，無遲到丫！！入到課室，坐左o係度無幾耐，突然有個姐姐問我係唔係姓劉．．．．．（汗）乜我個樣似姓劉的嗎？？今日上堂都總算唔覺得太悶，尚可接受丫！起碼唔會搞到我想訓丫！分組，今次o既題目就係「贊成所有動物都係平等」！有ｄ難度丫！

落堂就同班同學仔去左新 can 吃 lun，之後就上 mass media，今堂要分組準備黎緊o既 presentation，今次我o既隊員有阿星、阿立同埋 Stella，哈哈．．．．好有新鮮咁丫！！而今次o既題目係性別定型．．．．同上個 sem o既一樣．．．．．．其實都驚會悶丫~~~~~~~哈哈！

放學搭巴士返屋企o個陣，竟然俾我見到王永基！！！！真係估唔到佢原來仲o係香港度架！！！初時都唔係好認得佢架！但係望多幾望，分析過佢個身型同埋頭型，我就好肯定佢係王永基！

夜晚，原本諗住去同大陸慶祝廿一歲仔生日架！因為病左o既關係，去唔到喇．．．．．．唔可以見證住佢廿一歲添．．．．．算啦！見你都廿一歲喇，以後多ｄ同你玩遊戲啦~~~~~~~嘰嘰嘰．．．．



ｐｓ１：多謝大家對我o既關心~~~~~~~~

ｐｓ２：恭喜大陸成為真真正正o既成年人喇！！！

>>January 30, 2007 at 1:11:10 AM GMT+8