2007 年 1 月 14 日 星期日 【微冷】
無題
晏晝,同傑仔、樂仔佢地去左戲點打機~~~~~~~
之後去左藍灣同北星食茶軒~~~~~~~葡汁焗雞扒飯 / 洋蔥焗豬扒飯,每款都只係 $19!真係好抵!
甸拿後,去左小西灣踢波~~~~~~對手係朗朗朋友隊!北星最終以 7 : 0 大勝對手!!實在可喜可賀!可以第一次不失球咁贏波!呵呵呵....
比賽期間,對方球員多次作出奇怪、異常o既行為,好似突然一邊跑一邊「尖叫」,又會撞完人拍手,亦都會突然之間自言自語.....搞到我都好驚!唔知佢地陣間會再有d咩異常舉動丫!
《球王語錄》
北星:點解你要射兩腳先入呀?
球王:第一腳係射跌佢丫嘛!
北星:哦~~~~~~明白晒!
ps:今日好多人生日丫!
志豪、切賢仔、Camille!生日快樂呀!!!!
>>January 17, 2007 at 1:24:27 AM GMT+8
2007 年 1 月 12 日 星期五 【微冷】
乳頭腫痛
陰公!!!!!
諗住去燃燒下青春姐~~~~~~~~
點知換黎o既係乳頭腫痛!!!
>>January 17, 2007 at 1:25:05 AM GMT+8
2007 年 1 月 11 日 星期四 【微冷】
閒遊旺角
搵左明仔同埋域祺陪我去旺角閒逛~~~~~~~~
o係旺角o既地鐵站度,有個阿蟬過左黎問我同明仔:「旺角中心點去呀?」我地兩個即時啞口無言......靜靜雞偷望下阿蟬,見佢個樣都好驚訝,我諗佢會覺得點解會有後生仔唔識行旺角架?!唉唉~~~~~~~真係好失敗丫!(1st 打擊)正當大家都靜晒o個陣,佢望到地鐵o既路標:「哦~~~~~~原來o係 D 出口~~~~~~~」我同明仔兩個即時大受打擊!係喎~~~~~~~可以望下o個d路標架嘛!阿蟬都識,我地竟然唔識!(2nd 打擊)
意志消沈o既我地搵埋域祺,就開始周圍閒逛,先去朗豪坊o既吉野家吃 lun ~~~~~~好耐都無食吉野家嚕~~~~~~之後去搵恆生銀行(交 sem 1 學費丫!)去左自動櫃員機禁錢~~~~~~嘩嘩嘩!!!咁大個仔都未試過拎住咁大『踏』一千蚊紙丫!!(感動)交完之後,覺得鬆晒,終於都交左嚕~~~~~個銀包都輕晒,無晒d錢嚕~~~~~~~之後一路閒逛,睇下有咩岩心水!六點幾,搭車歸家!
>>January 11, 2007 at 9:02:04 PM GMT+8
2007 年 1 月 10 日 星期三 【颳風】
藍天行動
趕 press com 篇文....題目係「藍天行動」!
第一次寫,真係唔知點寫先好~~~~~~~~無理由用番 essay o既寫法架嘛!
用左兩個鐘,寫左一篇一千字o既野,不過...我覺得好有問題囉個篇野......
>>January 11, 2007 at 9:03:37 PM GMT+8
2007 年 1 月 9 日 星期二 【颳風】
後悔
我係唔應該聽洪爺o既電話架!依家真係好後悔...好後悔呀!!!
就係因為呢個電話,搞到我今日返左學校食左成日風(企o係球場側邊等波踢)......兼且仲要傷左六撻,同埋篤左魚蛋~~~~~~~~
同我黎o既域祺仲慘!仲要俾多廿蚊入場費!!唉唉....真係好抱歉呀~~~~~~~
依家搞到我地兩個都傷風兼周身傷.....
>>January 9, 2007 at 11:44:45 PM GMT+8
2007 年 1 月 7 日 星期日 【颳風】
BBQ
同同學仔去左獅子山 BBQ ~~~~~~初時仲諗住獅子山,山黎架啵!應該會好凍架嘛....點知,同我所諗o既又有d唔同啵!哈哈...咁都好,無咁凍!
去黃大仙集合,之後分組去買野~~~~~~~同阿 Sa 佢地去左百佳買野,買買下,突然彈左個阿蟬出黎,同我地搭訕?!初時都諗住無咩野丫!點知個阿蟬原來係『喉』住我地買完野之後o既印花!嘩!唔係化?!咁架香港人....佢仲勁到企o係門口等我地俾錢!真係超癲丫個阿蟬!我地唯有繼續扮未買齊野,卒之搞到佢等到無癮走人....真係嚇屎人丫!
搭的去到目的地,終於親身睇到阿 Sa 無紙透爐o既技巧~~~~~~嘩嘩!原來真係得架喎!!唔唔....呢個時候o既阿 Sa 係最有男人味丫!!哈哈哈....但係d炭就真係唔多爭氣喇~~~~~~~濕o既?!搞到d火又細,又多煙灰!企o係度等無咁多煙灰o既時間,仲多過真係燒o既時間!咦呀~~~~~~~~~
入夜就散 band ~~~~~~~~見仲未夠鐘,就同阿立去旺角閒逛~~~~~~~~阿立終於都完左佢o既心願,買左個袋喇!!!太好喇~~~~~~~阿立!(感動)之後搭 118 去小西灣踢波~~~~~~嘩!凍到呢~~~~~~~~d海風係咁吹埋黎....真係凍到入心入肺!第一次成場走,都無咩點流汗!仲要勁到打乞痴!哈哈哈.....o係呢場波,見番好多好耐無見o既朋友仔,感覺真好!踢完,都十一點喇....唯有去 M 記吃甸拿~~~~~~~~唉唉.....又 M 記喇!第一次入到去唔知揀咩黎食....開始厭惡喇~~~~~~~~睇黎短期內到唔會再食架喇!!
ps:我係師奶殺手!!哈哈哈.....
>>January 8, 2007 at 2:23:57 AM GMT+8
2007 年 1 月 4 日 星期四 【微冷】
疲憊不堪
去左 TK 屋企打左通頂機之後,就返左屋企,準備幫施源手整好d信~~~~~~~~~貼好晒d地址之後,真係頂唔順!訓左半個鐘....之後就同施源一齊托住兩箱野去筲箕灣郵局度寄左佢~~~~~~行出門口無幾耐,即時俾三個差佬逗.....乜我個樣似壞人咩???就算我係,你地都無理由逗埋施源架嘛!!
之後同施源行左去西灣河吃 lun ~~~~~~~ $10 雲吞麵!咁就一餐喇~~~~~~~~跟著就去左補習社返工,去到,有個女人走黎同我講解份工o既野,原本都無咩野架!點知佢突然同我講人工係一個鐘一百....即時 O 晒咀囉!之前唔係講好一個鐘一百架咩?!依家平均一個鐘得o個三十蚊鬆d,仲要對住班細路,真係煩屎丫!不過都黎到,就做左一日,雖然同細路仔溝通係無咩問題,仲同佢地係咁吹水添!但係...佢地個個都唔想溫書o既,完全唔想聽我講解.....唉~~~~~~~呢次真係對牛彈琴丫!
>>January 4, 2007 at 9:44:07 PM GMT+8
2007 年 1 月 3 日 星期三 【微冷】
補祝生日
點解會咁樣架?!原本就係因為驚撞衫,我先特登唔買緣白色,點知依家出到街,無一個再著緣白色,取而代之o既係黑白色!!唔係化?!今日出一出街姐,已經同左四個人撞衫!同埋有超過十個人同我件衫差唔多!!!咩料呀?!咁大個仔都係第一次咁撞衫撞得咁勁架咋....同一條街,o係十秒之內,有兩個人同我件衫一樣....真係爆滴汗丫!睇黎我都要雪藏佢一段時間先得!
朝早去左北角唱 K ~~~~~~成三個月無唱 K 喇!!勁開心!之後去左機舖睇施源佢地打機~~~~~~~我都係唔可以去考車牌....唔係實大大提升交通意外數字!之後同施源、阿蕭去筲東幫手拎野,唔...好耐無黎過喇!真懷念呀~~~~~~
夜晚去左太古城吃 pizza hut ~~~~~~明仔佢地同我補祝生日丫!十萬個感動!多謝晒你地呀!!!愛屎你地呀!之後去左 TK 屋企玩,玩左好耐都無玩過o既大富翁同埋 wii!真係爆好玩囉~~~~~~搞到我真係好想買部返屋企玩!唉...都係等遲下有老翻先買啦~~~~~~~玩左通頂,同域祺去食 M 記!之後就歸家稍事休息.....
>>January 4, 2007 at 11:14:26 AM GMT+8
2007 年 1 月 2 日 星期二 【微冷】
廿一歲仔嚕~~~~~
happy birthday to me
happy birthday to me
happy birthday happy birthday
happy birthday to me
多謝晒大家同我講o既「生日快樂」!又或者係腥黎o既「happy birthday」!
好開心!收到上年無收到o既利是同埋生日禮物!啜啜...十萬個開心同埋感謝!證明仲有人記得我生日......嗚嗚~~~~~~(上年真係一個可怕o既經歷呀!)
亦都多謝北星佢地同我度過今晚~~~~~~~雖然剩係食飯,但都真係好開心!哈哈...
廿一歲,係真正o既成年人...有好多野都可以做嚕~~~~~~~~哇哈哈!
>>January 3, 2007 at 12:31:56 AM GMT+8
2007 年 1 月 1 日 星期一 【微冷】
新年快樂!
06 年最尾o個餐,同施源佢地去左 M 記食~~~~~~ 07 年第一餐亦都係食 M 記....睇黎我都係逃唔過 M 記o既魔爪架喇!嗚~~~~~
食完早餐,就返左屋企屎白白、訓覺~~~~~~今日好勁!剩係訓左五個鐘就起身喇!哈哈....係囉係囉....唔好成日訓咁多啦!一個唔錯o既開始!
2006 年大事回顧
- 中七畢業(中學生涯o既完結!唔捨得一班相處左兩年o既好同學!)
- 漫長o既溫書生涯(難捱o既日子)
- o係畢業禮作出處子秀(角色:細路仔)
- 高考失敗 + 初次拎到一張有齊晒咁多個 grade o既成績表(心情意外地平靜)
- 第一次打工 + 出糧(十萬個興奮!)
- 第一次單獨同朋友一齊返大陸探親(對我黎講,同完成一件創舉無分別!)
- 首次接受高等教育(期待已久...)
- 識到一班好好o既新同學仔(好難得!)
- 第一次入院照 X 光(o個陣勁擔心!)
- 北星三周年紀念(熱烈慶賀!)
ps1:新年快樂呀!!!!
ps2:多謝大家o既 sms!^^
>>January 1, 2007 at 8:18:46 PM GMT+8
|
有正野睇呀!!!!埋黎睇,埋黎揀喇~~~呢度o既日記係每日更新,篇篇日記都係扣人心弦架<~有d誇張添~~哈哈哈.......多d睇,就要多d留言架喇~~知無?!(笑)
|
廣告 |
|
讀者留言 |
| 路人留言
|
睇下我o既xanga啦~~~~嘿
>>May 3, 2006 at 9:57:23 PM GMT+8
本小姐到此一遊,
<br>he
>>December 3, 2005 at 8:17:49 PM GMT+8
哈哈~~~咁都俾我搵到你個日記
>>November 30, 2005 at 10:04:34 PM GMT+8
有巴塞d相,仲唔快d奉獻比我!
>>February 19, 2005 at 4:22:56 PM GMT+8
細佬....你家姐好掛住你呀~~
>>February 1, 2005 at 12:54:51 PM GMT+8
你個契弟...
<br>呢個仇我
>>January 29, 2005 at 1:29:04 AM GMT+8
火燭!!!幾時既事???
>>January 25, 2005 at 9:20:38 PM GMT+8
等我話你聽啦~
<br>5ch入
>>January 24, 2005 at 12:35:09 AM GMT+8
球王到此一遊
>>January 10, 2005 at 10:24:35 PM GMT+8
change to xanga
>>January 9, 2005 at 4:31:22 PM GMT+8
Happy birthday w
>>January 2, 2005 at 7:32:43 PM GMT+8
孫大人生日快樂呀
<br>又大個
>>January 2, 2005 at 5:23:52 PM GMT+8
毅b,生日快樂,看了我的卡了沒有
>>January 2, 2005 at 12:27:58 PM GMT+8
多謝你借出場地and打點一切,大
>>December 26, 2004 at 9:06:21 PM GMT+8
sor ar~~~
<br>唔見
>>December 25, 2004 at 1:28:56 PM GMT+8
人一生一定有生離死別架la
<b
>>December 15, 2004 at 11:38:50 PM GMT+8
係囉,d form1好鬼嘈,真係
>>December 14, 2004 at 3:15:45 PM GMT+8
孫大人
<br>贈你一句
<br
>>December 13, 2004 at 11:50:03 PM GMT+8
我要格宅!!
<br>send
>>December 12, 2004 at 6:45:24 PM GMT+8
今日同個F.2傾得咁開心
<br
>>December 11, 2004 at 7:53:58 PM GMT+8
唔緊要啦~~
<br>入左4強已
>>December 7, 2004 at 3:43:25 PM GMT+8
其實我都有責任…如果我o個球入左
>>December 6, 2004 at 11:13:49 PM GMT+8
唔好唔開心 la....
<br
>>December 6, 2004 at 10:47:01 PM GMT+8
人生不如意事十常八九
<br>看
>>December 6, 2004 at 8:35:38 PM GMT+8
黑白配!~~~
>>December 6, 2004 at 5:45:36 PM GMT+8
加油努力
<br>考試之前一定要
>>December 5, 2004 at 7:15:11 PM GMT+8
場波就踢喇…好緊張…!
>>December 4, 2004 at 12:15:53 PM GMT+8
tmr 場波打好D~~~
<br
>>December 3, 2004 at 10:43:06 PM GMT+8
~~~~~~音波功~~~~~~~
>>December 2, 2004 at 11:43:03 PM GMT+8
參見孫大人
<br>公務繁忙嗎
>>November 30, 2004 at 1:00:17 AM GMT+8
congratulations
>>November 27, 2004 at 9:12:29 PM GMT+8
I will be back
>>November 24, 2004 at 10:38:54 AM GMT+8
我耐冇寫日記
<br>只係平時寫
>>November 23, 2004 at 10:57:57 PM GMT+8
個promote一完左,台下完全
>>November 20, 2004 at 10:32:25 AM GMT+8
咁我都唔想 ga~~~
<br>
>>November 18, 2004 at 10:23:36 PM GMT+8
下場o既賽程終於都出左喇
<br
>>November 17, 2004 at 8:34:47 PM GMT+8
留個言俾喜毅~
>>November 16, 2004 at 9:38:41 PM GMT+8
係我就唔忍 la~~~
<br>
>>November 15, 2004 at 11:31:54 PM GMT+8
反超前的一刻,的確令人激動的,我
>>November 15, 2004 at 9:40:29 PM GMT+8
大膽!球王雞你叫既咩!而家應該叫
>>November 15, 2004 at 9:37:09 PM GMT+8
之唔係~輸左係到唔GUR唧嗎~駛
>>November 14, 2004 at 9:43:44 PM GMT+8
孫大人不是也有精彩的救波咩
<b
>>November 14, 2004 at 8:47:56 PM GMT+8
十六號球員今日著左廿四號落場
<
>>November 14, 2004 at 8:05:47 PM GMT+8
孫白花~~~
<br>唔好凶細路
>>November 10, 2004 at 10:57:16 PM GMT+8
好提議呀,就叫埋你老婆啦下場
<
>>November 7, 2004 at 2:45:20 PM GMT+8
好多fans支持你 ga~~~~
>>November 7, 2004 at 11:04:34 AM GMT+8
孫白花接旨
<br>奉皇上口喻,
>>November 7, 2004 at 12:59:46 AM GMT+8
白花~~~~今日你好有型呀~wa
>>November 7, 2004 at 12:11:03 AM GMT+8
原來你今日去左投標~
>>November 3, 2004 at 11:00:02 PM GMT+8
http://www.xanga
>>November 3, 2004 at 9:46:05 PM GMT+8
|
|