2007 年 1 月 27 日 星期六 【颳風】

病了．．．．

已經唔係好記得上次病係幾時o既事喇~~~~~~~~

尋晚返到去，真係有種想屎o既感覺，全身散晒之餘，仲要頭暈兼頭痛！！

今朝訓下又醒下咁，搞左一輪，一點左右，終於肯爬起身喇！！

成日訓左o係疏化度睇電視~~~~~~~近年黎，第一次睇左成日電視~~~~~~~~多謝鵬爺買野上黎俾我吃（雖然都係我自己俾錢，同埋佢只係為左用電腦先上黎）點都好，多謝你！！

夜晚，媽打煲左我最愛o既皮蛋瘦肉粥我吃~~~~~~~好幸福哦！！

間中病一病都唔錯丫！俾人照顧o既感覺真不錯！！

>>January 28, 2007 at 12:27:50 AM GMT+8

2007 年 1 月 26 日 星期五 【颳風】

成身散晒

今日有場榜首大戰，APSS vs. 眾安街！！上半場輸緊一粒，下半場一開波即時發力，連轟三球！！其中 Jacky 更加o係半場頂入一球~~~~~~~~神蹟呀！！！之後因為輕敵，卒之俾人地追番平手．．．．唉唉~~~~~~~冠軍應該無望架喇．．．．．依家唯有保持不敗啦！！

四點半左右去到金鐘搭車去海洋公園~~~~~~~~去到，嘩！咩事呀？！咁多人o既？？？勁多「自由人」囉！！之後即時上山玩機動遊戲，估唔到剩係飛天鞦韆，都排左成九個字隊．．．．．不過好好彩，可能係愈黎愈夜啦~~~~~~~ｄ機動遊戲開始少人排隊，之後排隊都好快到我地~~~~~~唔知係唔係年紀大，玩左幾玩已經覺得頭痛頭暈．．．．．．行少少路都好快累．．．．．．．

之後搭車返番去金鐘，之後步行去左灣仔食甸拿~~~~~~~~陰公豬！足足行左成大半個鐘呀！！！返到屋企，成個人散晒！！依家正在攤抖中．．．．．

>>January 27, 2007 at 1:21:28 AM GMT+8

2007 年 1 月 25 日 星期四 【颳風】

沒有希望的 sem 2

原本約左明仔今朝一齊返學校嘆早餐，點知兩個都唔知醒．．．．．．之後又諗住同佢一齊返學，點知佢又搞勁耐都出唔到門口．．．．．算啦~~~~~~都係我自己一個返去啦！

估唔到 mass media & culture 呢科係用英文黎讀架．．．．．唉~~~~~~個阿 sir 仲要係安安添！！．．．．．kam lo o既朋友．．．．呢科真係不堪設想喇！！！

上晒今個 sem 將會上o既 lecture，感覺係．．．．今個 sem 有危機！！！除左 HK society 有ｄ信心之外，其他都驚驚地~~~~~~~~

art of reasoning，個阿 sir 唔單止講書悶，仲要係一個幾鍾意搞爛 gag o既人．．．．．
human service，要繼續對住 kam lo．．．．．
IT，NS o既延續版．．．．．．
mass media，kam lo 朋友安安 sir．．．．．

唉．．．．我 o既 sem 2 已經見唔到光明喇~~~~~~~~~~（死氣沉沉中）



ｐｓ：HKCC league 聽日戰火重燃！！！
　　　13:30 正式拉開戰幔~~~~~~

>>January 26, 2007 at 2:39:37 AM GMT+8

2007 年 1 月 24 日 星期三 【颳風】

北星訓練日

今朝差ｄ訓過龍，好彩都趕得切返去上堂~~~~~~~~~~

IT 堂，未上之前，都仲對佢有少少期望，諗住應該無咩問題啦！！點知．．．用英文上之餘，仲要係勁悶囉！！唉唉．．．．即時有種上 NS 堂o既感覺．．．．．．．一路上堂，一路拒絕周公o既邀請~~~~~~~最後都忍得到！唔唔．．．．．總算有番ｄ定力丫！值得嘉許~~~~~~

放學，同班同學仔去吃 M 記~~~~~~~之後就一齊去打麻雀喇！！哈哈．．．．趁依家仲未有太多野做，真係應該好好玩番陣先丫！！！下個星期開始，應該都無得再咁樣玩法喇．．．．．

返到去，個個都爭廁所囉~~~~~~咩事呀？搞到好似排隊去公廁咁樣o既．．．．．．之後就開檯嚕~~~~~~~過左一陣，大牙伉儷同埋 Fiona 都上埋黎~~~~~~~~一時之間，屋企勁多人囉！！哈哈．．．．．真熱鬧~~~~~~打完麻雀，結結數，噢．．．．阿立你又輸喇~~~~~~~不過有進步，無輸咁多嚕~~~~~~~下次唔好再笠亂信人丫！！搞到自己食詐糊丫！！哈哈哈．．．．當係買個教訓啦~~~~~~不過你都係我咁多朋友入面，第一個連續會食詐糊o既人．．．．．要改善下喇！！

夜晚，好唔容易咁搵齊人去陳維周踢波~~~~~~~個球場無咩人黎踢丫！！！去到後尾，搞到剩番我地五丁友．．．．．唯有黎個足球訓練啦！！！逆足射門啦，頂頭鎚啦，十二碼啦，射罰波啦．．．．．好玩好玩！下次繼續丫！！！！



ｐｓ１：阿蕭！好多同學仔都好掛住你呀~~~~~~~~你知道嘛？哈哈．．．．

ｐｓ２：咦~~~~~~又整親隻左腳喇．．．．．

>>January 25, 2007 at 12:40:16 AM GMT+8

2007 年 1 月 22 日 星期一 【陰】

遲來的禮物

今日終於都開始返工喇~~~~~~~~~

俾 sem break 搞到個生理時鐘錯晒！尋晚攤o係床度典黎典去，四點幾都仲未訓得著．．．．陰公！

朝早去左同施源 book 場~~~~~~唔駛呀？！八點幾咋喎．．．．已經咁多人黎排隊等 book 場．．．．．真可怕！之後一齊去大家樂嘆番個早餐~~~~~~~真爽！

返到學校，先後撞到阿屎同埋八筒，哈哈．．．．我地幾個係最早返到課室架！唔唔．．．好耐都無感受過最早入課室o既 feel 喇~~~~~

收到遲來o既生日禮物~~~~~~~ Camille！多謝晒你呀！今次都係第一次有女仔送生日禮物俾我咋！呵呵呵．．．．你份禮物我會好快送上架喇！你耐心等下啦~~~~~~~~

之後上上下堂，見悶同埋想調 timetable，所以走左去搵阿 kim 佢地~~~~~~~但係搞左一輪都係得個桔．．．．．唉~~~~~算！放棄喇~~~~~~之後同阿星佢地去左都會o既伊甸園吃 lun ~~~~~~ｄ飯少到呢~~~~~~搞到佢地，無錯係佢地，唔係我！搞到佢地勁唔飽囉！！

之後一齊搭巴士返屋企打牌，o係巴士站見到好耐無見o既阿 Jan ~~~~~~呵呵．．．．．佢無咩變丫！都係咁搞笑~~~~~~~遲下去學友社探你啦！！！

返到屋企，經過左一輪o既「毀滅戰」，蘇聯代表阿立就損手爛腳咁返屋企~~~~~~~~我係大贏家丫！！！哈哈．．．．．．我屋企係死亡主場黎架！！！

夜晚，家姐拎左兩張海洋公園o既飛俾我~~~~~~~~呵呵．．．．要去玩下先！

>>January 22, 2007 at 8:55:27 PM GMT+8

2007 年 1 月 21 日 星期日 【微冷】

鬥志旺盛

長長o既 sem break 咁就完左喇~~~~~~~真係過得好快．．．．快到得人驚丫！

回望呢個假期，好明顯的，我係o徙左佢．．．．．又浪費左一個光輝燦爛o既時光喇！！！

聽日係開學日，唔唔．．．．苦等左好耐丫！終於都要繼續返學喇~~~~~~~~

黎緊呢個 sem，我話過，我一定要努力ｄ！唔可以再 hea 讀架喇！！！！







充滿鬥志咁迎接 sem 2！







唔知過多一兩個月之後，我呢股氣仲 keep 唔 keep 到呢．．．．？？

>>January 22, 2007 at 3:01:55 AM GMT+8

2007 年 1 月 20 日 星期六 【陰】

打擊

呀！！！！！！

點解會咁架？！add / drop 失敗？！我明明排頭十名架啵~~~~~~咁都調唔到o既？！

黎緊呢個 sem 要對住呢個咁o既 timetable．．．．．．

突然．．．．十分懷念上個 sem o既 timetable ~~~~~~~

>>January 20, 2007 at 10:42:55 PM GMT+8

2007 年 1 月 18 日 星期四 【陰】

悶到發慌

呢排日日都係打機打機再打機．．．．．

我唔想再過呢ｄ生活喇~~~~~~~真係好頹廢．．．．．

好似毛主席都話啦！青少年就好似一日入面朝早八、九點咁，係人生最光輝燦爛o既時間！！（資料來自《東方日報》）

有ｄ咩野可以燃燒青春架？？人生有幾多個廿歲丫！我唔想到老左先黎後悔呀！！



打機打到五點．．．．對住 winning o既畫面．．．．．．唉~~~~~~~真係悶到呢！心血來潮，打電話俾北星叫佢地去踢踢波，解解悶！哈哈．．．．真夠朋友丫佢地！肯陪我踢波~~~~~~~錫晒你地哦~~~~~~~

突然想去做下義工，幫幫人，燃亮自己o既生命！！（自己打完都覺得有ｄ嘔心．．．）

>>January 19, 2007 at 2:03:36 AM GMT+8

2007 年 1 月 17 日 星期三 【暴雨】

GPA

晏晝吃 lun 食魚~~~~~~~~點知俾骨啃親！搞左成個鐘都仲未出，卒之要走左入廁所伸隻手入個口度夾硬拎番條骨出黎．．．第一次咁樣拎番條骨出黎．．．．．覺得自己好勁！

夜晚，阿屎o係 msn 度叫我去 check check GPA o既分~~~~~~~一路入去，一路驚自己要 retake．．．入到去，睇到個分，噢．．．．都係同自己預料o既差唔多，無咩太大o既驚喜，之後同同學仔傾傾ｄ分，唔唔．．．．開始覺得自己好低分耶~~~~~~~唔得唔得！下個 sem．．．下個 sem 我一定要努力ｄ讀先得！今次係講真架！係講真架！！！！！（氣勢十足）

ｐｓ：恭喜成績理想o既同學仔~~~~~~~
　　　成績唔理想o既，下個 sem 一齊努力啦！！！

>>January 18, 2007 at 4:34:03 AM GMT+8

2007 年 1 月 16 日 星期二 【陰】

藍天行動 2

尋晚勁早就上床訓覺~~~~~~有ｄ唔舒服丫！！成晚訓下又醒下咁，發左好多個夢，哈哈哈．．．．．

朝早起身無耐，就接到沙華打黎o既電話~~~~~~~哦哦．．．．係啵！可以改 timetable 丫今日！！上左成個幾兩個鐘，不斷重複住同一個畫面（ERROR）！！！搞左一輪終於都搞好左喇~~~~~~~希望調得成啦！！哈哈．．．．我要 day off 呀！！！



再一次寫文，又係藍天行動~~~~~~~~~唉唉．．．俾阿頭話寫得唔岩喎~~~~~~~好！再努力做過啦！個 partner 原本話放工搵我，點知到我做好左，都唔見佢覆我．．．．唉~~~~~~都係算把啦！好彩我一個人都應付到姐！呵呵．．．．寫左成二千字架！超叻！期待住校報出版o既日子~~~~~~~

>>January 17, 2007 at 1:22:54 AM GMT+8