2006 年 12 月 18 日 星期一 【颳風】

NS 最後備戰

一早同明仔返學校溫書~~~~~~今次到 Jacky 遲到喇！！！唉~~~~~~~唯有同明仔兩個去食 M 記啦~~~~~~~六日入面，第四次食喇！！！真係食到嘔「拔甩」！！日頭真係唔好講人，吃緊 M 記o個陣，傾緊幾時約志豪佢地出黎食飯，走o個陣，即時撞到佢~~~~~~~十年唔撞一次，一講就即撞！！好邪呀！！！

返到 poly，同明仔去左 R 溫書~~~~~~~~呵呵．．．．終於俾我見到 Cherry 喇~~~~~~唔唔．．．．明仔有進步丫！！！繼續努力啦！！五點半，去左搵 Chris 教數~~~~~~七點幾，見無咩野做，就同阿星走左去都會食甸拿~~~~~~~~傾左一輪就回家嚕~~~~~~~

ｐｓ１：感謝明仔教左我點做數~~~~~~~

ｐｓ２：琪琪！多ｄ休息啦~~~~~~~唔係聽日考唔到試你就知味道！！！

ｐｓ３：開始發覺阿立係好有錢架！！！係咁裝身丫呢排~~~~~~~哈哈哈．．．．．．

ｐｓ４：明日．決戰阿年！

>>December 18, 2006 at 11:20:15 PM GMT+8

2006 年 12 月 16 日 星期六 【颳風】

感激萬分！

Chris！！！多謝你肯抽成日時間，o徒咁多口水咁教左我地四個成日~~~~~~~~

為左唔辜負你o既名譽，我 NS 一定唔會炒架！！！

NS！你準備領死啦！

>>December 17, 2006 at 1:24:58 AM GMT+8

2006 年 12 月 15 日 星期五 【颳風】

無題

起身梳洗之後，準備返一返母校丫！為左禁一禁錢，就走左班 529．．．．算~~~~~~搭車去北角再轉車上山~~~~~~去到北角巴士總站，架 27 又岩岩開走左，呀~~~~~~~連續兩次目送巴士開走．．．．唉~~~~~~等左十幾分鐘，終於可以上山喇！

搭車o個陣，一邊睇窗外面o既景色，一邊諗番以前返學逼巴士o既情景，哈哈哈．．．．．中學生活好似係好耐以前o既事丫！！！返到去，見到趙太丫！！哈哈．．．．同以前一樣，愈老愈可愛丫！！！我無吸毒丫！！！之後簽左個字，拎埋張 cert 就走人嚕~~~~~~~~企o係個巴士站度十幾分鐘，一架巴士都無．．．．．

兩點半，終於上到巴士喇~~~~~~~之後落到山又塞車．．．．．三點左右先到灣仔~~~~~~終於都報左 UE 喇~~~~~~~千一蚊丫！！！真係貴到呢~~~~~~~之後過左去附近搵大陸佢地，呵呵．．．．第一次o係機舖度玩賽車 game ~~~~~~~又真係幾好玩丫！！之後去左圖書館借左本書 for soci ~~~~~~~但係應該都係無咩幫助架喇．．．．．

五點半，同施源搭巴士返屋企，同佢傾左好多計~~~~~~~~大家o既大學生活都係．．．．．唉~~~~~~返到屋企樓下，諗住買芋頭糕吃，點知佢同我講話依家無得賣？！噢．．．．我心愛o既芋頭糕呀~~~~~~~~~夜晚同屋企人出街打邊爐，因為粒「飛知」，搞到唔多想出聲．．．．．

無聊o既一日，都可以寫咁多野出黎~~~~~~~~~呵呵呵．．．．．．

>>December 15, 2006 at 10:00:57 PM GMT+8

2006 年 12 月 14 日 星期四 【颳風】

sem 1 首戰

自從考完 AL 之後，都未考過試喇．．．．今日終於又重拾考試o個種心情喇~~~~~~~~

七點幾起身返 poly 執番靚份 psycho report ~~~~~~之後就一路溫書，唉唉．．．．好耐都無試過咁樣對住ｄ碌屎喇~~~~~~~勁多 vocab 囉！！！點記得晒呀？？？後尾真係溫到想嘔丫！！就 hea 住黎溫．．．．．．十二點幾，去左都會食 lun，撞到雞雄，吹左幾句~~~~~~~唉．．．．讀 degree o既好呢~~~~~~~可以 hea 住黎讀．．．．．羨慕！

之後行返去考試，入到去，睇完份卷，都鬆左口氣~~~~~~~感覺上唔係太難~~~~~~經過左三個鐘o既折磨之後，o係個試場出番黎．．．．．唉~~~~~考完就唔諗佢喇！！！愈諗愈驚！去左新 can hea，聽早洩夫o既爛 gag．．．．．真係 O 晒~~~~~~搭車返屋企．．．．又訓著左，俾人叫醒左．．．．．太累喇！！

ｐｓ１：唔該晒 Fiona 幫左我地組一個大忙！！感激！

ｐｓ２：幫左個自由人去黃埔~~~~~~~俾人讚普通話講得好丫！！

>>December 14, 2006 at 11:09:30 PM GMT+8

2006 年 12 月 13 日 星期三 【颳風】

溫書 @ poly

十一點左右，同明仔去食 lun，又再一次食 M 記．．．．．繼續挑戰粒「飛知」！！食完，落大雨．．．．．叫明仔等ｄ雨細ｄ先返 poly ~~~~~~~點知佢話唔得，佢要盡快飛返番去！俾雨淋到成身濕，上到天橋，ｄ雨即時無晒．．．．．講左話等多陣架啦！！！

返到去，俾明仔帶我遊花園．．．．．先去買筆，再走左去搵佢組媽 YoYo．．．．．又要幫佢買野食俾佢ｄ朋友仔．．．．唉唉~~~~~~~去到最尾，終於都去到我o既目的地，Y 喇！！！去到，真係無咩人丫！！！正呀~~~~~~~~努力溫書，不斷睇碌屎．．．．．過左一陣，阿立、阿星都黎埋 join 我~~~~~~~~三個毒男埋首碌屎．．．．

五點左右，去圖書館 print 番ｄ past paper 出黎睇~~~~~~~~係咁翻炒o既？！諗住去搵 Ruby 問下點答題目~~~~~~~點知佢唔o係度．．．．．唉~~~~~~算！繼續讀書！！而阿立o係呢個時候就去左搵佢o既女神~~~~~~~~唉唉．．．．．見到阿立咁，搞到我地兩個都好頹．．．．．．（笑）

八點左右，同阿星去買甸拿食，去左東南亞，唔唔．．．．呢個 sem 第三次黎呢度食野~~~~~~~~真係無咩生意丫呢度，咁都好~~~~~~靜ｄ丫！！同阿星顧住傾計，唔記得左有阿立o既存在．．．．．醒起o個陣，新 can、舊 can 都閂晒門．．．．．唯有去七仔幫佢買野食啦！！

返到去，最尾o個段時間都係 hea 左去~~~~~~~同佢地係咁睇相．．．．又係咁播歌唱歌．．．．完全唔似係讀書囉~~~~~~~十點半，俾人趕，去左 poly 後門 join 明仔返屋企~~~~~~~聽聞佢好似考得唔太差，唔唔．．．．幾好幾好！聽日就到我喇．．．．．我都要努力先得！！！聽日要作最後o既衝刺！！！！！！！

ｐｓ：阿立就黎排毒成功．．．．但係阿星，你放心！我會等你排埋毒先我先排架喇！！！嘰嘰嘰．．．．

>>December 14, 2006 at 12:48:21 AM GMT+8

2006 年 12 月 12 日 星期二 【微冷】

做晒功課喇！

原本諗住凌晨起身做功課，所以叫左阿 ki 叫一叫我，剩係訓得o個兩個鐘，真係頂唔順，卒之決定訓番覺~~~~~~~~七點幾，自己就自動自覺彈左起身~~~~~~~竟然可以o係無鬧鐘o既情況之下醒左，哈哈．．．．呢ｄ就係埋藏o係我體內o既驚人力量喇！！！！！！哈哈哈．．．．

起身打起埋篇普通篇，呼．．．．可以安心轉戰 poly 喇~~~~~~~同阿 kim、阿 ki 食 lun，ｄ咖哩真係幾香丫！！！不過我粒「飛知」就．．．．．好痛呀！！！

返到去 poly 已經點幾喇~~~~~~~即時開機繼續打文，唔唔．．．．．坐左o係部腦前面成四個幾鐘，總算都俾我趕起左份終極篇喇！！！！丫~~~~~~好滿足丫！！！！！點知o係 M o個度竟然上唔到網．．．．．唯有焗住走去同 kam lo 講聲先啦~~~~~~~佢都好人，雖然過左五點，但都肯俾我 print 番出黎，再交俾佢~~~~~~同時都好多謝阿星、阿 kim 同埋阿 ki o係行動、精神上幫左我~~~~~~~經過左連日黎o既激戰，今日終於都做晒ｄ功課喇！！！！！！！！最後勝利係屬於我架！！哇哈哈哈．．．．．

交完野，同阿星兩個去左食雞脾~~~~~~嗚．．．．．再一次刺激粒「飛知」！！！之後同佢去左圖書館 book 間房溫書~~~~~~~兩個人清人地成班人o既場．．．．．有ｄ唔好意思添~~~~~~~~你話真係入去溫書都好丫！！！點知竟然又同阿星吹水．．．．唉~~~~~~~睇黎有佢o係度，我都係溫唔到書架喇．．．．．八點，阿星走，阿立入，繼續吹水~~~~~~~~卒之，過左成晚都無進展．．．．．又犯賤喇自己！！！

之後同阿立去車站 M 記食甸拿~~~~~~~一日入面，三次挑戰粒「飛知」！！！同阿立暢談左成個鐘~~~~~~~呵呵．．．．傾左之後，舒服ｄ啦~~~~~~唔唔．．．．睇黎我要o係講大話o個陣，咩多ｄ先得！！哈哈哈．．．．．．．

ｐｓ１：要開始努力溫書喇~~~~~ psycho！我要搞掂你呀！！！

ｐｓ２：Annie！生日快樂丫！！！

>>December 13, 2006 at 12:44:31 AM GMT+8

2006 年 12 月 11 日 星期一 【晴】

繼續搏殺！

七點幾起左身，唔唔．．．．總算都肯早ｄ起身喇~~~~~~~呵呵．．．．去到紅墈火車站 M 記食早餐~~~~~~竟然我係最早到o個個，真係叻仔！！同影子、沙華食早餐~~~~~~~~好毒呀ｄ女人！！

之後返左 poly 溫書~~~~~~書就真係溫都無溫過喇．．．．不過總算都問左影子借左ｄ碌屎黎影印~~~~~~唔該晒！！呼．．．．總算都集齊晒ｄ碌屎喇！！！好滿足~~~~~~~上 Ruby o既 make up class，好似唔多覺得有咩幫助囉．．．．落堂同組員們去左 M 努力做 report ~~~~~~真係改到嘔泡．．．．．搞掂完之後，即時繼續做我o既 soci 同埋英文功課~~~~~~~呼．．．．完成左之後就交埋嚕~~~~~~~輕鬆左好多呢~~~~~~~~

之後同班同學仔食 lun，去左七仔叮飯食~~~~~~~之後挑戰成功！！我依家最少都起碼有成廿萬分丫！！！哇哈哈哈．．．．．六點左右，同阿立佢地去圖書館 book 房做野~~~~~~~話就話做囉！實際上咪又係傾計．．．．兩個鐘，寫左兩行字．．．．．咩料呀？！之後同阿星去銅鑼灣買褲~~~~~~~我就齋睇．．．無錢買嘛！！跟著返到屋企，繼續搏殺！！



功課進度如下：

self un 普通篇（20%）
self un 終極篇（0%）
self un worksheet（0%）

溫書進度如下：

psycho（5%）
NS（0%）
soci（5%）

＊ 今晚再 update 過ｄ進度先~~~~~~

>>December 11, 2006 at 10:01:46 PM GMT+8

2006 年 12 月 10 日 星期日 【晴】

電車男之日

尋晚俾阿蕭急 call 去陳維周踢波~~~~~~咁都約到六個人黎，算你好彩丫！！！哈哈．．．．

之後商討平安夜同埋聖誕夜有咩搞．．．．．傾左成晚．．．．都係得個吉！我唔想學班高登膠佬o係o個晚著黑衫做「反拍拖聯盟」呀！！！呢排阿蕭應該都係壓力太大喇~~~~~~開始學埋施源咁．．．．係咁講爛 gag．．．．唔唔．．．．真係要開始關心下佢喇~~~~~~我唔想一隊波入面有兩個 gag 人~~~~~~哈哈！

今朝，原本約左施純去睇聖記學屆最後一場比賽，點知．．．．．又係唔知醒呀！！！真係頂自己個肺丫！！！！醒左見到個鐘係十二點，o個陣真係好「火閔」呀！！！！成鬼日訓！訓屎佢啦~~~~~~~~孫 X 毅！！！起身食左個 lun 又訓左一陣．．．．．之後先起身作戰，同 psycho report 玩左成日遊戲，真痛苦！！！望一望份功課 list．．．．唉~~~~~~仲有咁多未做．．．．點屎呀？！仲要對住部腦幾耐呀？？？？



功課進度如下：

eng journal（100%）
eng team work assignment（0%）
soci essay（100%）
psycho report（100%）
self un 普通篇（15%）
self un 終極篇（0%）

溫書進度如下：

psycho（0%）
NS（0%）
soci（5%）

＊ 今晚再 update 過ｄ進度先~~~~~~



ｐｓ１：一定要搞掂晒ｄ野呀呢一兩日！！！

ｐｓ２：實溫唔切 psycho 啦~~~~~~

ｐｓ３：聽日開始！一定要知醒！！！我要變番做中七o個陣o既自己！！！

ｐｓ４：施純、明仔．．．sorry 呀！

>>December 11, 2006 at 10:02:24 PM GMT+8

2006 年 12 月 8 日 星期五 【晴】

好驚！

今日一起身就開始趕功課，成個晏晝就係o係度做 soci essay，唔唔．．．進度唔錯，突然八筒話唔駛今日交，就即時無晒動力做．．．．．停左落黎 hea ~~~~~~唉．．．真犯賤丫！！

之後過左海同影子睇「德州成魔之路」，第一次單獨同女仔去睇戲，亦都係第一次入去戲院睇三級片~~~~~~~呵呵．．．．一入到去，已經好驚！！第一次睇戲係由頭驚到落尾．．．．可能係俾班同學仔講，話套野係幾恐怖，幾嚇人啦~~~~~~~睇完出番黎，唔唔．．．感覺上無我想像中咁核突，可能係我高估左呢套野啦~~~~~~但係對我黎講，呢ｄ血淋淋o既片就真係唔多岩我．．．．．仲驚過睇鬼片．．．．．之後去左 M 記食野~~~~~~~

九點半，過左去搵明仔佢地黎個乒乓波黨 gathering，唉唉．．．．肥水一個人自己o係火車站度等左成半個鐘丫！！真係慘呀！！！！之後，我、明仔同埋肥水就周圍搵野食~~~~~~~o係條天橋行左兩轉．．．．．．之後終於行到去勁遠食甸拿~~~~~~~過左一陣，等埋域祺、趙振同埋 TK ~~~~~~雖然唔齊人，但都無所謂啦！！



功課進度如下：

eng journal（0%）
soci essay（90%）
psycho report（5%）
self un（0%）

溫書進度如下：

psycho（0%）
NS（0%）
soci（5%）

>>December 9, 2006 at 1:50:19 AM GMT+8

2006 年 12 月 7 日 星期四 【晴】

最後的阿年堂

尋晚打左通宵機，唉唉．．．o徒晒ｄ休息時間！一路訓到去兩點先起身，換完衫同媽打落街食下野~~~~~~之後再趕番 poly 上阿年o既最後一堂喇~~~~~~~（希望下年唔駛再對住佢啦！）不過我地班都係無咩人捧場，得半班人左右．．．．o係呢兩個鐘入面，同阿星不斷係咁唱歌抒解屈悶~~~~~都無咩認真聽過阿年講野．．．．

去到尾聲，阿年用中文同我地講左個故仔，唔唔．．．．「女人都可以做住家男人」呢句說話，我會永遠都記得架！！哈哈．．．．落堂，同阿星佢地一齊去左舊 can 食野，然後再轉戰 M，傾 project ~~~~~~唔想再睇番o個ｄ powerpoint 喇！！！！！搞到我諗番去o個陣o既辛酸．．．．．

要記得聽日朝早打俾振平問佢野先得！！



功課進度如下：

eng journal（0%）
soci essay（20%）
psycho report（5%）
self un（0%）

溫書進度如下：

psycho（0%）
NS（0%）
soci（5%）

陰公！溫書進度慢到呢~~~~~~~都唔知呢幾日自己o係度搞乜架！！！！

>>December 7, 2006 at 9:01:04 PM GMT+8