2007 年 3 月 2 日 星期五 【炎熱】

補祝生日

今日返左學校踢 CC League，對手係琛哥男朋友o既 Keroro 小隊！哈．．．估唔到施純o個兩個朋友都係佢地o個 team，呢個世界真係細~~~~~~~

最後，場波我地輸 2：1，唉~~~~~遭逢第一場敗績！唔唔．．．．睇黎我地呢 team 真係要搵多o的時間一齊踢踢波，提升下o的狀態！

之後齊齊去左 M 飲茶~~~~~~~跟著就返屋企同阿立佢地打打牌，哈哈！初時仲諗住阿立終於可以贏錢返屋企，點知？！聽完一個電話之後，就一直輸落去~~~~~~~噢．．．真可憐哦！

八點半，去北角搵明仔佢地同 TK 補祝生日，行左去北角街市食大排檔~~~~~~~~食飽飽之後，就行左去海邊o既公園仔傾傾計，玩下鞦韆~~~~~~~~~唉．．．依家o的妹妹仔真開放．．．．．．之後由北角行返屋企，唔唔．．．．夜晚行街，真係幾舒服~~~~~~~





ｐｓ１：手指俾人踢傷左．．．．．．點解次次踢波都傷架？！

ｐｓ２：我好想去 AIA 呀！！！！！！

>>March 3, 2007 at 12:36:13 AM GMT+8

2007 年 3 月 1 日 星期四 【微冷】

疲累

諗住尋日訓左一訓會精神o的啦今日，點知．．．．仍然都係照舊咁累~~~~~~~

上 mass media o個陣，見到 Angus 訓到反晒白眼咁，哈哈哈！好恐怖呀！！！

之後食完晏，就去左 M 幫阿立將我地組份野修改下o的答案~~~~~~~~

放學，同組員們再去 M 開會，呀呀呀~~~~~~~好累呀！



點解？！尋日明明都訓得幾足，點解今日仲咁累，咁眼訓架？？？？



聽日一點半．CC League 戰火重燃！

APSS 大戰 Keroro 小隊 @ poly 足球場！

今晚一定要養足精神丫！！！



ｐｓ：香港理工大學香港專上學院第四屆學生會學生報編輯委員會，今日正式上莊喇！！
　　　要好好為未來一年而努力呀！！

>>March 1, 2007 at 9:06:23 PM GMT+8

2007 年 2 月 28 日 星期三 【陰】

O CON 後遺症

起身時唔想起身

上堂時訓覺

行路時合埋雙眼咁行

返到屋企即時撻落張床度

>>February 28, 2007 at 8:08:27 PM GMT+8

2007 年 2 月 27 日 星期二 【微冷】

O CON

十一點半，準備場景，十二點，O CON 正式開始！

O CON 主要有三個部份，第一 part 基本上係個個都 con 一 con，完左呢 part，都無乜死傷~~~~~~~~

第二 part，主要就係圍攻 P（明仔）同埋兩個 VP（Tony & Kaki），佢地真係俾人問到口啞啞．．．．真係嘔晒血丫！相反，我呢邊就真係得閒到可以上上網，睇睇 xanga ~~~~~~哈哈！

六點吃 M 記作甸拿，唔唔．．．．著條好好食哦~~~~~~~一個鐘之後，就到最尾一 part，今次黎問野o既都係以上上屆o既莊員為主，不斷圍攻我地呢五個執編！真係俾人插到體無完膚呀．．．．．雖然係咁，但係我真係可以o係佢地身上學多左ｄ野~~~~~~~唔唔．．．．即時 gur 晒！！

之後一路 con 到十點，就黎張四屆大合照~~~~~~開心！！跟著就齊齊行去尖咀食甜品~~~~~~~ $32 一碗類似楊枝甘露o既物體，貴！其實貴都算喇~~~~~~~佢係貴得黎唔好食呀陰公！！勁多冰之餘，ｄ芒果仲要係酸o既！勁唔抵食丫！！！！之後拖住疲倦o既身軀歸家~~~~~~~雖然係幾累，但係我都無咩後悔，因為真係可以學到野，而且又再識多十個好玩得o既朋友仔！！真係賺返晒黎~~~~~~~~





ｐｓ１：今日，大家都表現得好好丫！！

ｐｓ２：我唔係吹水佬！

ｐｓ３：TK！ 生日快樂呀！！！

>>March 3, 2007 at 2:47:49 AM GMT+8

2007 年 2 月 26 日 星期一 【微冷】

準備被 con

放左一個星期o既假，到到今日先正式返學~~~~~~~~不過完全無陌生o既感覺，因為o係呢個假期入面，我係不斷咁返黎做野，哈哈！無晒ｄ假後症候群~~~~~~~

上 reasoning，聽 present，嗚~~~~~~~好爛呀！不過阿 sir 好似好鐘意咁，唔通．．．．我都要學佢地一樣搞爛 gag？！我唔要呀！呢堂都真係幾悶丫~~~~~~~搞到我訓左幾個字．．．．

落堂，去左 R 搵明仔佢地，哈哈！霸左 R 地下個詢問處黎做我地o既基地~~~~~~~~完全無視路人奇異o既目光！食完個 lun，就去左上 mass media，早洩夫又搞爛 gag 喇~~~~~~~救命呀！

落堂之後又返番去繼續幫手，唔唔．．．成個晏晝就係o係度剪紙整 banner，唔唔．．．．開始真真正正咁感受到我地呢支莊o既團隊精神喇！！！！見到個個人都好認真咁去為支莊努力，去到最後見到我地o既製成品，真係十萬個開心！跟著就嗌 pizza for 甸拿，呼~~~~~~十萬個飽丫！





ｐｓ１：聽日就係俾人 con o既日子，唔唔．．．．既緊張，又興奮！

ｐｓ２：物以類聚呢句說話真係好岩！原來我地成 team 人都係好 kai！！哈哈．．．．

ｐｓ３：乜我個樣似唔玩得架咩？嘿嘿．．．．

ｐｓ４：曾君！生日快樂呀！！

>>February 27, 2007 at 1:24:02 AM GMT+8

2007 年 2 月 25 日 星期日 【晴】

pre con

尋晚訓左o係張床度同個男人傾左成個鐘計．．．．咩事呀依家？唔係呀？竟然要淪落到同個男人傾密計．．．．．天呀~~~~~~~~~~（同我傾計者，見字勿怒．．．哈！）

就係因為尋晚傾計傾得太夜，搞到今朝唔知醒！聽左明仔o既 morning call，呀！十點呀！！！！！哈．．．睇黎我地兩個都會遲到架喇~~~~~~~~~十一點，終於都返到去喇！見到個個都坐晒o係度．．．．．真係唔好意思呀！！！要大家等．．．．．

之後 pre con 就開始嚕~~~~~~~呢幾個鐘，con 我o既次數都頗少，哈哈．．．．好彩做細粒 post 姐！如果唔係，就會好似明仔咁，俾佢地 con 足幾個鐘~~~~~~~~對我而言，唯一o既問題應該係用英文答問題喇~~~~~~~希望o個日唔好咁多啦！之後大家就影影莊相~~~~~~~唔唔．．．．都影得我幾靚丫！哈哈！！

原本諗住o係 poly 踢波，點知竟然得o個小貓三四隻，點踢呀？！於是改地點，去黃埔踢~~~~~~~嘩！都係第一次黎呢個球場架咋！唔唔．．．．對住成個海景，再加埋ｄ海風，哈哈！真爽！！踢左幾個鐘，呼~~~~~~~舒服晒！！



ｐｓ：聽日．派傳單
　　　後日．俾人 con

>>February 25, 2007 at 9:33:01 PM GMT+8

2007 年 2 月 24 日 星期六 【陰】

今日係人日~~~~~~

o係度祝各位．．．生日快樂！！

>>February 24, 2007 at 8:07:05 PM GMT+8

2007 年 2 月 21 日 星期三 【微冷】

睇書～＞ZzZz

行政吸納政治．．．．行政吸納政治．．．．行政吸納政治．．．．行政吸納政治．．．．行政吸納政治．．．．行政吸納政治．．．．行政吸納政治．．．．ZzZzZzZzZz．．．．ZzZzZzZzZz．．．．ZzZzZzZzZz．．．．ZzZzZzZzZz．．．．ZzZzZzZzZz．．．．ZzZzZzZzZz．．．．ZzZzZzZzZz．．．．



呢排係咁睇ｄ有關行政吸納政治o既書 for HK soc 份 project，依家搞到滿腦子都係呢ｄ野．．．．．．．就黎睇到屎架喇~~~~~~~~~~~~~~~~



ｐｓ：多謝咁多位關心我o既貓仔~~~~~~~　＞３＜
　　　（如果大家可以多ｄ關心我會更好囉！呵呵呵．．．．　－ｖ－）

>>February 22, 2007 at 6:36:55 AM GMT+8

2007 年 2 月 20 日 星期二 【微冷】

貓貓受傷了

尋日夜晚，見到隻貓貓有事，除左因為尋日同外面ｄ貓打交，搞到大細眼之後，依家隻腳仲 byte byte 地．．．．睇見佢咁，真係好心痛哦！嗚嗚~~~~~~~~~都唔知係o個隻貓丫，定係俾人打呀！唉．．．．



今日晏晝同屋企人去黃大仙拜神~~~~~~~

之後返 poly 開會~~~~~~~



嗚嗚．．．．唔係化？！黎緊呢個星期都要去開會？！咁．．．咁我份 project 點算呀？？？時間太少，要做o既野太多．．．．．．

>>February 21, 2007 at 4:38:29 AM GMT+8

2007 年 2 月 19 日 星期一 【雷雨】

牙仔

牙，有點奇怪的感覺．．．．．

痺痺的．．．．

我想．．．要看醫生了~~~~~~~~

>>February 19, 2007 at 11:28:18 PM GMT+8